Padma Purāṇa 6.238

आकृष्यांत्राणि दीर्घाणि कंठे संसक्तवान्प्रियान् । अथ देवगणाः सर्व्वे मुनयश्च तपोधनाः

ākṛṣyāṃtrāṇi dīrghāṇi kaṃṭhe saṃsaktavānpriyān | atha devagaṇāḥ sarvve munayaśca tapodhanāḥ

Sanskrit only: no published translation is held for this verse.

ब्रह्मरुद्रौ पुरस्कृत्य शनैः स्तोतुं समाययुः । ते प्रसादयितुं भीता ज्वलंतं विश्वतोमुखम्

brahmarudrau puraskṛtya śanaiḥ stotuṃ samāyayuḥ | te prasādayituṃ bhītā jvalaṃtaṃ viśvatomukham

Sanskrit only: no published translation is held for this verse.

मातरं जगतां धात्रीं चिंतयामासुरीश्वरीम् । हिरण्यवर्णां हरिणीं सर्व्वोपद्रवनाशिनीम्

mātaraṃ jagatāṃ dhātrīṃ ciṃtayāmāsurīśvarīm | hiraṇyavarṇāṃ hariṇīṃ sarvvopadravanāśinīm

Sanskrit only: no published translation is held for this verse.

विष्णोर्नित्यानवद्यांगीं ध्यात्वा नारायणीं शुभाम् । देवीसूक्तजपैर्भक्त्या नमश्चक्रुः सनातनीम्

viṣṇornityānavadyāṃgīṃ dhyātvā nārāyaṇīṃ śubhām | devīsūktajapairbhaktyā namaścakruḥ sanātanīm

Sanskrit only: no published translation is held for this verse.

तैश्चिंत्यमाना सा देवी तत्रैवाविरभूत्तदा । चतुर्भुजा विशालाक्षी सर्वाभरणभूषिता

taiściṃtyamānā sā devī tatraivāvirabhūttadā | caturbhujā viśālākṣī sarvābharaṇabhūṣitā

Sanskrit only: no published translation is held for this verse.

दुकूलवस्त्रसहितां दिव्यमालानुलेपनाम् । तां दृष्ट्वा देवदेवस्य प्रियां सर्वे दिवौकसः

dukūlavastrasahitāṃ divyamālānulepanām | tāṃ dṛṣṭvā devadevasya priyāṃ sarve divaukasaḥ

Sanskrit only: no published translation is held for this verse.

ऊचुः प्रांजलयो देवीं प्रसन्नं कुरुते प्रियम् । त्रैलोक्यस्याभयं स्वामी यथा दद्यात्तथा कुरु

ūcuḥ prāṃjalayo devīṃ prasannaṃ kurute priyam | trailokyasyābhayaṃ svāmī yathā dadyāttathā kuru

Sanskrit only: no published translation is held for this verse.

रुद्र उवाच- इत्युक्ता सहसा देवी प्रियं प्राप्य जनार्दनम् । प्रणिपत्य नमस्कृत्य प्रसीदेति उवाच तम्

rudra uvāca- ityuktā sahasā devī priyaṃ prāpya janārdanam | praṇipatya namaskṛtya prasīdeti uvāca tam

Sanskrit only: no published translation is held for this verse.

तां दृष्ट्वा महिषीं स्वस्य प्रियां सर्व्वेश्वरो हरिः । रक्षःशरीरजं क्रोधं तत्याज प्रीतवत्क्षणात्

tāṃ dṛṣṭvā mahiṣīṃ svasya priyāṃ sarvveśvaro hariḥ | rakṣaḥśarīrajaṃ krodhaṃ tatyāja prītavatkṣaṇāt

Sanskrit only: no published translation is held for this verse.

अंकमादाय तां देवीं समाश्लिष्य दयानिधिः । कृपासुधार्द्रदृष्ट्या वै निरैक्षत सुरान्हरिः

aṃkamādāya tāṃ devīṃ samāśliṣya dayānidhiḥ | kṛpāsudhārdradṛṣṭyā vai niraikṣata surānhariḥ

Sanskrit only: no published translation is held for this verse.

ततो जयजयेत्युच्चैः स्तुवतां नमतां तदा । तद्दयादृष्टिदृष्टानां सानंदः संभ्रमोऽभवत्

tato jayajayetyuccaiḥ stuvatāṃ namatāṃ tadā | taddayādṛṣṭidṛṣṭānāṃ sānaṃdaḥ saṃbhramo'bhavat

Sanskrit only: no published translation is held for this verse.

ततो देवगणाः सर्वे हर्षनिर्भरमानसाः । ऊचुः प्रांजलयो देवं नमस्कृत्य जगत्पतिम्

tato devagaṇāḥ sarve harṣanirbharamānasāḥ | ūcuḥ prāṃjalayo devaṃ namaskṛtya jagatpatim

Sanskrit only: no published translation is held for this verse.

देवगणा ऊचुः - द्रष्टुमत्यद्भुतं तेजो न शक्तास्ते जगत्पते । अत्यद्भुतमिदं रूपं बहुबाहुपदांकितम्

devagaṇā ūcuḥ - draṣṭumatyadbhutaṃ tejo na śaktāste jagatpate | atyadbhutamidaṃ rūpaṃ bahubāhupadāṃkitam

Sanskrit only: no published translation is held for this verse.

जगत्त्रयसमाक्रांतं तेजस्तीक्ष्णतरं तव । द्रष्टुं स्थातुं न शक्ताः स्मः सर्व्व एव दिवौकसः

jagattrayasamākrāṃtaṃ tejastīkṣṇataraṃ tava | draṣṭuṃ sthātuṃ na śaktāḥ smaḥ sarvva eva divaukasaḥ

Sanskrit only: no published translation is held for this verse.

महादेव उवाच-। इत्यर्थितस्तु विबुधैस्तेजस्तदतिभीषणम् । उपसंहृत्य देवेशो बभूव सुखदर्शनः

mahādeva uvāca-| ityarthitastu vibudhaistejastadatibhīṣaṇam | upasaṃhṛtya deveśo babhūva sukhadarśanaḥ

Sanskrit only: no published translation is held for this verse.

शरत्कोटींदुसंकाशः पुंडरीकनिभेक्षणः । सुधामय सटापुंज विद्युत्कोटिनिभः शुभः

śaratkoṭīṃdusaṃkāśaḥ puṃḍarīkanibhekṣaṇaḥ | sudhāmaya saṭāpuṃja vidyutkoṭinibhaḥ śubhaḥ

Sanskrit only: no published translation is held for this verse.

नानारत्नमयैर्दिव्यैः केयूरैः कटकान्वितैः । बाहुभिः कल्पवृक्षस्य शाखौघैरिव सत्फलैः

nānāratnamayairdivyaiḥ keyūraiḥ kaṭakānvitaiḥ | bāhubhiḥ kalpavṛkṣasya śākhaughairiva satphalaiḥ

Sanskrit only: no published translation is held for this verse.

चतुर्भिः कोमलैर्दिव्यैरन्वितः परमेश्वरः । जपाकुसुमसंकाशैः शोभितः करपंकजैः

caturbhiḥ komalairdivyairanvitaḥ parameśvaraḥ | japākusumasaṃkāśaiḥ śobhitaḥ karapaṃkajaiḥ

Sanskrit only: no published translation is held for this verse.

शंखचक्रगृहीताभ्यामुद्बाहुभ्यां विराजितः । वरदाभयहस्ताभ्यामितराभ्यां नृकेसरी

śaṃkhacakragṛhītābhyāmudbāhubhyāṃ virājitaḥ | varadābhayahastābhyāmitarābhyāṃ nṛkesarī

Sanskrit only: no published translation is held for this verse.

श्रीवत्सकौस्तुभोरस्को वनमालाविभूषितः । उद्यद्दिनकाराभ्यां च कुण्डलाभ्यां विराजितः

śrīvatsakaustubhorasko vanamālāvibhūṣitaḥ | udyaddinakārābhyāṃ ca kuṇḍalābhyāṃ virājitaḥ

Sanskrit only: no published translation is held for this verse.

हारकेयूरकटकैर्भूषणैः समलंकृतः । सव्यांगस्थ श्रियायुक्तो राजते नरकेसरी

hārakeyūrakaṭakairbhūṣaṇaiḥ samalaṃkṛtaḥ | savyāṃgastha śriyāyukto rājate narakesarī

Sanskrit only: no published translation is held for this verse.

लक्ष्मीनृसिंहं तं दृष्ट्वा देवताः समहर्षयः । आनन्दाश्रुजलैः सिक्ता हर्षनिर्भरचेतसः

lakṣmīnṛsiṃhaṃ taṃ dṛṣṭvā devatāḥ samaharṣayaḥ | ānandāśrujalaiḥ siktā harṣanirbharacetasaḥ

Sanskrit only: no published translation is held for this verse.

आनंदसिंधुमग्नास्ते नमश्चक्रुर्निरंतरम् । अर्चयामासुरात्मेशं दिव्यपुष्पसमर्पणैः

ānaṃdasiṃdhumagnāste namaścakrurniraṃtaram | arcayāmāsurātmeśaṃ divyapuṣpasamarpaṇaiḥ

Sanskrit only: no published translation is held for this verse.

रत्नकुंभैः सुधापूर्णैरभिषिच्य सनातनम् । वस्त्रैराभरणैर्गंधैः पुष्पैर्धूपैर्म्मनोरमैः

ratnakuṃbhaiḥ sudhāpūrṇairabhiṣicya sanātanam | vastrairābharaṇairgaṃdhaiḥ puṣpairdhūpairmmanoramaiḥ

Sanskrit only: no published translation is held for this verse.

दिव्यैर्निवेदितैर्दीपैरर्च्चयित्वा नृकेसरिम् । तुष्टुवुः स्तवनैर्दिव्यैर्नमश्चक्रुर्म्मुहुर्म्महुः

divyairniveditairdīpairarccayitvā nṛkesarim | tuṣṭuvuḥ stavanairdivyairnamaścakrurmmuhurmmahuḥ

Sanskrit only: no published translation is held for this verse.

ततः प्रसन्नो लक्ष्मीशस्तेषामिष्टान्वरान्ददौ । ततो देवगणैः सार्धं सर्व्वेशो भक्तवत्सलः

tataḥ prasanno lakṣmīśasteṣāmiṣṭānvarāndadau | tato devagaṇaiḥ sārdhaṃ sarvveśo bhaktavatsalaḥ

Sanskrit only: no published translation is held for this verse.

प्रह्लादं सर्वदैत्यानां चक्रे राजानमव्ययम् । आश्वास्य भक्तं प्रह्लादमभिषिच्य सुरोत्तमैः

prahlādaṃ sarvadaityānāṃ cakre rājānamavyayam | āśvāsya bhaktaṃ prahlādamabhiṣicya surottamaiḥ

Sanskrit only: no published translation is held for this verse.

ददौ तस्मै वरानिष्टान्भक्तिं चाव्यभिचारिणीम् । ततो देवगणैः सर्वैः स्तूयमानो नृकेसरी

dadau tasmai varāniṣṭānbhaktiṃ cāvyabhicāriṇīm | tato devagaṇaiḥ sarvaiḥ stūyamāno nṛkesarī

Sanskrit only: no published translation is held for this verse.

विकीर्णपुष्पवपुभिस्तत्रैवांतरधीयत । ततः सुरगणाः सर्वे स्वंस्वं स्थानं प्रपेदिरे

vikīrṇapuṣpavapubhistatraivāṃtaradhīyata | tataḥ suragaṇāḥ sarve svaṃsvaṃ sthānaṃ prapedire

Sanskrit only: no published translation is held for this verse.

पुनश्च यज्ञभागान्स्वान्बुभुजुः प्रीतमानसाः । ततो देवाः सगंधर्वा निरातंकाभवंस्तदा

punaśca yajñabhāgānsvānbubhujuḥ prītamānasāḥ | tato devāḥ sagaṃdharvā nirātaṃkābhavaṃstadā

Sanskrit only: no published translation is held for this verse.

तस्मिन्हते महादैत्ये सर्व एव प्रहर्षिताः । प्रह्लादस्तु तदा चक्रे राज्यं धर्मेण वैष्णवः

tasminhate mahādaitye sarva eva praharṣitāḥ | prahlādastu tadā cakre rājyaṃ dharmeṇa vaiṣṇavaḥ

Sanskrit only: no published translation is held for this verse.

हरेः प्रसादाल्लब्धं तु राज्यं वैष्णवसत्तमः । बहुभिर्यज्ञदानाद्यैरर्चयित्वा नृकेसरिम्

hareḥ prasādāllabdhaṃ tu rājyaṃ vaiṣṇavasattamaḥ | bahubhiryajñadānādyairarcayitvā nṛkesarim

Sanskrit only: no published translation is held for this verse.

काले हरिपदं प्राप योगिगम्यं सनातनम् । एतत्प्रह्लादचरितं ये तु शृण्वंति नित्यशः

kāle haripadaṃ prāpa yogigamyaṃ sanātanam | etatprahlādacaritaṃ ye tu śṛṇvaṃti nityaśaḥ

Sanskrit only: no published translation is held for this verse.

ते सर्वेपापनिर्मुक्ता यास्यंति परमां गतिम् । एतत्ते कथितं देवि नृसिंहं वैभवं हरेः । शेषां च वैभवावस्थां शृणु देवि यथाक्रमम्

te sarvepāpanirmuktā yāsyaṃti paramāṃ gatim | etatte kathitaṃ devi nṛsiṃhaṃ vaibhavaṃ hareḥ | śeṣāṃ ca vaibhavāvasthāṃ śṛṇu devi yathākramam

Sanskrit only: no published translation is held for this verse.

इति श्रीपाद्मे महापुराणे पंचपंचाशत्साहस्र्यां सहिंतायामुत्तरखंडे उमामहेश्वरसंवादे नृसिंहप्रादुर्भावोनामाष्टत्रिंशदधिकद्विशततमोऽध्यायः

iti śrīpādme mahāpurāṇe paṃcapaṃcāśatsāhasryāṃ sahiṃtāyāmuttarakhaṃḍe umāmaheśvarasaṃvāde nṛsiṃhaprādurbhāvonāmāṣṭatriṃśadadhikadviśatatamo'dhyāyaḥ

Sanskrit only: no published translation is held for this verse.