Padma Purāṇa 6.239

रुद्र उवाच- प्रह्लादस्य सुतो जज्ञे विरोचन इतीरितः । तस्य पुत्रो महाबार्हुबलिर्वैश्वानरः प्रभुः

rudra uvāca- prahlādasya suto jajñe virocana itīritaḥ | tasya putro mahābārhubalirvaiśvānaraḥ prabhuḥ

Sanskrit only: no published translation is held for this verse.

स तु धर्मविदां श्रेष्ठः सत्यसंधो जितेंद्रियः । हरेः प्रियतमो भक्तो नित्यं धर्मरतः शुचिः

sa tu dharmavidāṃ śreṣṭhaḥ satyasaṃdho jiteṃdriyaḥ | hareḥ priyatamo bhakto nityaṃ dharmarataḥ śuciḥ

Sanskrit only: no published translation is held for this verse.

स जित्वा सकालान्देवान्सेंद्रांश्च समरुद्गणान् । त्रींल्लोकान्स्ववशे स्थाप्य राज्यं चक्रे महाबलः

sa jitvā sakālāndevānseṃdrāṃśca samarudgaṇān | trīṃllokānsvavaśe sthāpya rājyaṃ cakre mahābalaḥ

Sanskrit only: no published translation is held for this verse.

अकृष्टपच्या पृथिवी बहुसस्यफलप्रदा । गावः पूर्णदुघाः सर्वाः पादपाः फलपुष्पिताः

akṛṣṭapacyā pṛthivī bahusasyaphalapradā | gāvaḥ pūrṇadughāḥ sarvāḥ pādapāḥ phalapuṣpitāḥ

Sanskrit only: no published translation is held for this verse.

स्वधर्म्मनिरताः सर्वे नराः पापविवर्जिताः । अर्चयंति हृषीकेशं सततं विगतज्वराः

svadharmmaniratāḥ sarve narāḥ pāpavivarjitāḥ | arcayaṃti hṛṣīkeśaṃ satataṃ vigatajvarāḥ

Sanskrit only: no published translation is held for this verse.

एवं चकार धर्मेण राज्यं दैत्यपतिर्बली । इंद्रादित्रिदशास्तस्य किंकराः समुपस्थिताः

evaṃ cakāra dharmeṇa rājyaṃ daityapatirbalī | iṃdrāditridaśāstasya kiṃkarāḥ samupasthitāḥ

Sanskrit only: no published translation is held for this verse.

ऐश्वर्यं त्रिषु लोकेषु बुभुजे बलदर्प्पहृत् । भ्रष्टराज्यं सुतं दृष्ट्वा तस्यापि हितकाम्यया

aiśvaryaṃ triṣu lokeṣu bubhuje baladarppahṛt | bhraṣṭarājyaṃ sutaṃ dṛṣṭvā tasyāpi hitakāmyayā

Sanskrit only: no published translation is held for this verse.

कश्यपो भार्यया सार्द्धं तपस्तेपे हरिं प्रति । अदित्या सह धर्मात्मा पयोव्रतसमन्वितः

kaśyapo bhāryayā sārddhaṃ tapastepe hariṃ prati | adityā saha dharmātmā payovratasamanvitaḥ

Sanskrit only: no published translation is held for this verse.

अर्चयामास देवेशं पद्मनाभं जनार्दनम् । ततो वर्षसहस्राणि तेन संपूजितो हरिः

arcayāmāsa deveśaṃ padmanābhaṃ janārdanam | tato varṣasahasrāṇi tena saṃpūjito hariḥ

Sanskrit only: no published translation is held for this verse.

तत्रैवाविरभूत्तस्य देव्या सह सनातनः । तं दृष्ट्वा पुंडरीकाक्षं शंखचक्रगदाधरम्

tatraivāvirabhūttasya devyā saha sanātanaḥ | taṃ dṛṣṭvā puṃḍarīkākṣaṃ śaṃkhacakragadādharam

Sanskrit only: no published translation is held for this verse.

इंद्रनीलमणिश्यामं सर्वाभरणभूषितम् । स्फुरत्किरीटकेयूरहारकुंडलशोभितम्

iṃdranīlamaṇiśyāmaṃ sarvābharaṇabhūṣitam | sphuratkirīṭakeyūrahārakuṃḍalaśobhitam

Sanskrit only: no published translation is held for this verse.

कौस्तुभोद्भासितोरस्कं पीतवस्त्रेण वेष्टितम् । श्रिया सह समासीनं मंडलेंद्रे महात्मनि

kaustubhodbhāsitoraskaṃ pītavastreṇa veṣṭitam | śriyā saha samāsīnaṃ maṃḍaleṃdre mahātmani

Sanskrit only: no published translation is held for this verse.

तं दृष्ट्वा जगतामीशं हर्षनिर्भरचेतसा । पत्न्या सह नमस्कृत्वा तुष्टाव द्विजसत्तमः

taṃ dṛṣṭvā jagatāmīśaṃ harṣanirbharacetasā | patnyā saha namaskṛtvā tuṣṭāva dvijasattamaḥ

Sanskrit only: no published translation is held for this verse.

कश्यप उवाच- नमो नमस्ते लक्ष्मीश सर्वज्ञ जगदीश्वर । सर्वात्मन्सर्वदेवेश सृष्टिसंहारकारकः

kaśyapa uvāca- namo namaste lakṣmīśa sarvajña jagadīśvara | sarvātmansarvadeveśa sṛṣṭisaṃhārakārakaḥ

Sanskrit only: no published translation is held for this verse.

अनादिनिधनानंतवपुषे विश्वधारिणे । नमस्ते वेदवेदांग वपुषे सर्वचक्षुषे

anādinidhanānaṃtavapuṣe viśvadhāriṇe | namaste vedavedāṃga vapuṣe sarvacakṣuṣe

Sanskrit only: no published translation is held for this verse.

सर्वात्मने नमस्तुभ्यं नमः सूक्ष्मतराय च । कल्याणगुणपूर्णाय योगिध्येयात्मने नमः

sarvātmane namastubhyaṃ namaḥ sūkṣmatarāya ca | kalyāṇaguṇapūrṇāya yogidhyeyātmane namaḥ

Sanskrit only: no published translation is held for this verse.

नमो युवकुमाराय श्रीभूलीलाधिपाय च । नित्यमुक्तैकभोगाय परधाम्नि स्थिताय च

namo yuvakumārāya śrībhūlīlādhipāya ca | nityamuktaikabhogāya paradhāmni sthitāya ca

Sanskrit only: no published translation is held for this verse.

चतुरात्मन्नमस्तुभ्यं चतुर्व्यूह नमोस्तु ते । पंचावस्थाय ते तुभ्यं नमस्ते पंचमात्मकम्

caturātmannamastubhyaṃ caturvyūha namostu te | paṃcāvasthāya te tubhyaṃ namaste paṃcamātmakam

Sanskrit only: no published translation is held for this verse.

पंचमात्मकनिष्ठैस्तु योगिभिः पूज्यसे सदा । पंचार्थतत्वविदुषां पंचसंस्कारसंस्थितः

paṃcamātmakaniṣṭhaistu yogibhiḥ pūjyase sadā | paṃcārthatatvaviduṣāṃ paṃcasaṃskārasaṃsthitaḥ

Sanskrit only: no published translation is held for this verse.

पंचापरं स्वरूपं ते विज्ञेयं सततं हरे । चतुर्धा परिपूर्णात्मन्नियतं कवयो विदुः

paṃcāparaṃ svarūpaṃ te vijñeyaṃ satataṃ hare | caturdhā paripūrṇātmanniyataṃ kavayo viduḥ

Sanskrit only: no published translation is held for this verse.

त्वत्प्रसूतिं जगत्सर्वं पुनंति तव किंकराः । त्रयीमयाः कर्म्मनिष्ठा ये द्विजा भक्तवत्सलाः

tvatprasūtiṃ jagatsarvaṃ punaṃti tava kiṃkarāḥ | trayīmayāḥ karmmaniṣṭhā ye dvijā bhaktavatsalāḥ

Sanskrit only: no published translation is held for this verse.

तेषां दये क्षणादेव भवबंधविमुक्तये । नमोस्तु त्रिजगद्धात्रे स्वयं धात्रेऽखिलात्मने

teṣāṃ daye kṣaṇādeva bhavabaṃdhavimuktaye | namostu trijagaddhātre svayaṃ dhātre'khilātmane

Sanskrit only: no published translation is held for this verse.

धात्रे विधात्रे विश्वाय विश्वरूपाय ते नमः । नारायणाय कृष्णाय वासुदेवाय शार्ङ्गिणे । विष्णवे जिष्णवे तुभ्यं शुद्धसत्वाय ते नमः

dhātre vidhātre viśvāya viśvarūpāya te namaḥ | nārāyaṇāya kṛṣṇāya vāsudevāya śārṅgiṇe | viṣṇave jiṣṇave tubhyaṃ śuddhasatvāya te namaḥ

Sanskrit only: no published translation is held for this verse.

महादेव उवाच- इत्यादिस्तुतिभिः सम्यक्स्तूयमानो महर्षिणा । प्राह गंभीरया वाचा परितुष्टो जनार्दनः

mahādeva uvāca- ityādistutibhiḥ samyakstūyamāno maharṣiṇā | prāha gaṃbhīrayā vācā parituṣṭo janārdanaḥ

Sanskrit only: no published translation is held for this verse.

श्रीभगवानुवाच- संतुष्टोऽहं द्विजश्रेष्ठ त्वया भक्त्या समर्च्चितः । वरं वृणीष्व भद्रं ते करोमि तव वांछितम्

śrībhagavānuvāca- saṃtuṣṭo'haṃ dvijaśreṣṭha tvayā bhaktyā samarccitaḥ | varaṃ vṛṇīṣva bhadraṃ te karomi tava vāṃchitam

Sanskrit only: no published translation is held for this verse.

महादेव उवाच- ततः प्राह हृषीकेशं भार्य्यया सह कश्यपः

mahādeva uvāca- tataḥ prāha hṛṣīkeśaṃ bhāryyayā saha kaśyapaḥ

Sanskrit only: no published translation is held for this verse.

कश्यप उवाच- पुत्रत्वं मम देवेश संप्राप्य त्रिदशां हितम् । कुरुष्व बलिना देव त्रैलोक्यं निर्जितं बलात्

kaśyapa uvāca- putratvaṃ mama deveśa saṃprāpya tridaśāṃ hitam | kuruṣva balinā deva trailokyaṃ nirjitaṃ balāt

Sanskrit only: no published translation is held for this verse.

इंद्रस्यावरजो भूत्वा उपेंद्र इति विश्रुतः । येनकेन च मार्गेण बलिं निर्जित्य मायया । त्रैलोक्यं मम पुत्राय देहि शक्राय शाश्वतम्

iṃdrasyāvarajo bhūtvā upeṃdra iti viśrutaḥ | yenakena ca mārgeṇa baliṃ nirjitya māyayā | trailokyaṃ mama putrāya dehi śakrāya śāśvatam

Sanskrit only: no published translation is held for this verse.

महादेव उवाच- इत्युक्तस्तेन विप्रेण तथेत्याह जनार्द्दनः । संस्तूयमानस्त्रिदशैस्तत्रैवांतरधीयत

mahādeva uvāca- ityuktastena vipreṇa tathetyāha janārddanaḥ | saṃstūyamānastridaśaistatraivāṃtaradhīyata

Sanskrit only: no published translation is held for this verse.

एतस्मिन्नेव काले तु कश्यपस्य महात्मनः । अदित्यागर्भमागच्छद्भगवान्भूतभावनः

etasminneva kāle tu kaśyapasya mahātmanaḥ | adityāgarbhamāgacchadbhagavānbhūtabhāvanaḥ

Sanskrit only: no published translation is held for this verse.

तस्मिन्काले बलिर्यागं दीर्घसत्रं महातपाः । अष्टमहर्षिभिं सार्द्धमारेभे तद्विधानतः

tasminkāle baliryāgaṃ dīrghasatraṃ mahātapāḥ | aṣṭamaharṣibhiṃ sārddhamārebhe tadvidhānataḥ

Sanskrit only: no published translation is held for this verse.