Library·Padma Purāṇa·6·6.24
महादेवउवाच- प्रयागतीर्थमाहात्म्यं प्रवक्ष्यामि यथा श्रुतम् । महादानपराः पुण्यकर्माणो यत्र संति हि
mahādevauvāca- prayāgatīrthamāhātmyaṃ pravakṣyāmi yathā śrutam | mahādānaparāḥ puṇyakarmāṇo yatra saṃti hi
Sanskrit only: no published translation is held for this verse.
यत्र गंगा च यमुना यत्र चैव सरस्वती । तं देवतीर्थप्रवरं देवानामपि दुर्लभम्
yatra gaṃgā ca yamunā yatra caiva sarasvatī | taṃ devatīrthapravaraṃ devānāmapi durlabham
Sanskrit only: no published translation is held for this verse.
ईदृशं त्रिषु लोकेषु भूतं न च भविष्यति । ग्रहाणां च यथा सूर्यो नक्षत्राणां यथा शशी
īdṛśaṃ triṣu lokeṣu bhūtaṃ na ca bhaviṣyati | grahāṇāṃ ca yathā sūryo nakṣatrāṇāṃ yathā śaśī
Sanskrit only: no published translation is held for this verse.
तीर्थानामुत्तमं तीर्थं प्रयागाख्यमनुत्तमम् । प्रातःकाले तु भो विद्वन्प्रयागे स्नानमाचरेत्
tīrthānāmuttamaṃ tīrthaṃ prayāgākhyamanuttamam | prātaḥkāle tu bho vidvanprayāge snānamācaret
Sanskrit only: no published translation is held for this verse.
महापापाद्विनिर्मुक्तः स याति परमं पदम् । देयं किंचिद्यथाशक्ति दारिद्र्याभावमिच्छता
mahāpāpādvinirmuktaḥ sa yāti paramaṃ padam | deyaṃ kiṃcidyathāśakti dāridryābhāvamicchatā
Sanskrit only: no published translation is held for this verse.
यो नरस्तत्र गत्वा वै प्रयागे स्नानमाचरेत् । धनिको दीर्घजीवी च जायते नात्र संशयः
yo narastatra gatvā vai prayāge snānamācaret | dhaniko dīrghajīvī ca jāyate nātra saṃśayaḥ
Sanskrit only: no published translation is held for this verse.
यत्र वटस्याक्षयस्य दर्शनं कुरुते नरः । तेन दर्शनमात्रेण ब्रह्महत्या विनश्यति
yatra vaṭasyākṣayasya darśanaṃ kurute naraḥ | tena darśanamātreṇa brahmahatyā vinaśyati
Sanskrit only: no published translation is held for this verse.
स चाक्षयवटः ख्यातः कल्पांतेपि च दृश्यते । शेते विष्णुर्यस्य पत्रे अतोयमव्ययः स्मृतः
sa cākṣayavaṭaḥ khyātaḥ kalpāṃtepi ca dṛśyate | śete viṣṇuryasya patre atoyamavyayaḥ smṛtaḥ
Sanskrit only: no published translation is held for this verse.
तत्र पूजां प्रकुर्वंति मानवा विष्णुवल्लभाः । सूत्रेणाच्छादितं कृत्वा पूजां चैव तु कारयेत्
tatra pūjāṃ prakurvaṃti mānavā viṣṇuvallabhāḥ | sūtreṇācchāditaṃ kṛtvā pūjāṃ caiva tu kārayet
Sanskrit only: no published translation is held for this verse.
माधवाख्यस्तत्र देवः सुखं तिष्ठति नित्यशः । तस्य वै दर्शनं कार्यं महापापैः प्रमुच्यते
mādhavākhyastatra devaḥ sukhaṃ tiṣṭhati nityaśaḥ | tasya vai darśanaṃ kāryaṃ mahāpāpaiḥ pramucyate
Sanskrit only: no published translation is held for this verse.
यत्र देवाश्च ऋषयो मनुष्याश्चापि सर्वशः । स्वस्वस्थानं समाश्रित्य तत्र तिष्ठंति नित्यशः
yatra devāśca ṛṣayo manuṣyāścāpi sarvaśaḥ | svasvasthānaṃ samāśritya tatra tiṣṭhaṃti nityaśaḥ
Sanskrit only: no published translation is held for this verse.
गोघ्नो वापि च चांडालो दुष्टो वा दुष्टचेतनः । बालघाती तथाऽविद्वान्म्रियते तत्र वै तदा
goghno vāpi ca cāṃḍālo duṣṭo vā duṣṭacetanaḥ | bālaghātī tathā'vidvānmriyate tatra vai tadā
Sanskrit only: no published translation is held for this verse.
स वै चतुर्भुजो भूत्वा वैकुंठे वसते चिरम् । प्रयागे तु नरो यस्तु माघस्नानं करोति च
sa vai caturbhujo bhūtvā vaikuṃṭhe vasate ciram | prayāge tu naro yastu māghasnānaṃ karoti ca
Sanskrit only: no published translation is held for this verse.
न तस्य फलसंख्यास्ति शृणु देवर्षिसत्तम । आपो नारा इति प्रोक्ता सर्वलोकेषु शुश्रुम
na tasya phalasaṃkhyāsti śṛṇu devarṣisattama | āpo nārā iti proktā sarvalokeṣu śuśruma
Sanskrit only: no published translation is held for this verse.
तेन नारायणः प्रोक्तः स्नातानां भुक्तिमुक्तिदः । ग्रहाणां च यथा सूर्यो नक्षत्राणां यथा शशी
tena nārāyaṇaḥ proktaḥ snātānāṃ bhuktimuktidaḥ | grahāṇāṃ ca yathā sūryo nakṣatrāṇāṃ yathā śaśī
Sanskrit only: no published translation is held for this verse.
मासानां हि तथा माघः श्रेष्ठः सर्वेषु कर्मसु । मकरस्थे रवौ माघे प्रातःकाले तथामले
māsānāṃ hi tathā māghaḥ śreṣṭhaḥ sarveṣu karmasu | makarasthe ravau māghe prātaḥkāle tathāmale
Sanskrit only: no published translation is held for this verse.
गोःपदेऽपि जले स्नानं स्वर्गदं पापिनामपि । योगोऽयं दुर्लभो विद्वन्त्रैलोक्ये सचराचरे
goḥpade'pi jale snānaṃ svargadaṃ pāpināmapi | yogo'yaṃ durlabho vidvantrailokye sacarācare
Sanskrit only: no published translation is held for this verse.
अस्मिन्यो यत्नमापन्नः स्नायादपि दिनत्रयम् । पंच वा सप्त वाप्यत्र स्नानं कुर्वन्प्रयागजम्
asminyo yatnamāpannaḥ snāyādapi dinatrayam | paṃca vā sapta vāpyatra snānaṃ kurvanprayāgajam
Sanskrit only: no published translation is held for this verse.
चंद्रवद्वर्द्धते सोऽपि कुले वाडवसत्तम । चराचराश्च ये जीवास्तथैव मनुजादयः
caṃdravadvarddhate so'pi kule vāḍavasattama | carācarāśca ye jīvāstathaiva manujādayaḥ
Sanskrit only: no published translation is held for this verse.
प्रयागं तीर्थमाश्रित्य वैकुंठं यांति तेऽचिरात् । ये वसिष्ठादयस्तत्र ऋषयः सनकादयः
prayāgaṃ tīrthamāśritya vaikuṃṭhaṃ yāṃti te'cirāt | ye vasiṣṭhādayastatra ṛṣayaḥ sanakādayaḥ
Sanskrit only: no published translation is held for this verse.
तेऽपि प्रयागजं तीर्थं सेवंते च पुनःपुनः । यत्र विष्णुश्च रुद्रश्च यत्रेंद्रश्च तथा पुनः
te'pi prayāgajaṃ tīrthaṃ sevaṃte ca punaḥpunaḥ | yatra viṣṇuśca rudraśca yatreṃdraśca tathā punaḥ
Sanskrit only: no published translation is held for this verse.
तेऽपि सर्वे वसंतीह प्रयागे तीर्थसत्तमे । दानं तत्र प्रशंसंति नियमांश्च तथैव च
te'pi sarve vasaṃtīha prayāge tīrthasattame | dānaṃ tatra praśaṃsaṃti niyamāṃśca tathaiva ca
Sanskrit only: no published translation is held for this verse.
तत्र स्नात्वा च पीत्वा च पुनर्जन्म न विद्यते
tatra snātvā ca pītvā ca punarjanma na vidyate
Sanskrit only: no published translation is held for this verse.
इति श्रीपाद्मे महापुराणे पंचपंचाशत्सहस्रसंहितायां उत्तरखण्डे उमापतिनारदसंवादे प्रयागमाहात्म्ये चतुर्विंशोऽध्यायः
iti śrīpādme mahāpurāṇe paṃcapaṃcāśatsahasrasaṃhitāyāṃ uttarakhaṇḍe umāpatināradasaṃvāde prayāgamāhātmye caturviṃśo'dhyāyaḥ
Sanskrit only: no published translation is held for this verse.