Library·Padma Purāṇa·6·6.243
शंकर उवाच- अथ तस्मिन्दिने पुण्ये शुभलग्ने शुभान्विते । मंगलस्याभिषेकार्थं मंगलं चक्रिरे जनाः
śaṃkara uvāca- atha tasmindine puṇye śubhalagne śubhānvite | maṃgalasyābhiṣekārthaṃ maṃgalaṃ cakrire janāḥ
Sanskrit only: no published translation is held for this verse.
वसिष्ठो वामदेवश्च जाबालिरथ कश्यपः । मार्कंडेयश्च मौद्गल्यः पर्वतो नारदस्तथा
vasiṣṭho vāmadevaśca jābāliratha kaśyapaḥ | mārkaṃḍeyaśca maudgalyaḥ parvato nāradastathā
Sanskrit only: no published translation is held for this verse.
एते महर्षयस्तत्र जपहोमपुरस्सरम् । अभिषेकं शुभं चक्रुर्मुनयो राजसत्तमम्
ete maharṣayastatra japahomapurassaram | abhiṣekaṃ śubhaṃ cakrurmunayo rājasattamam
Sanskrit only: no published translation is held for this verse.
नानारत्नमये दिव्ये हेमपीठे शुभान्विते । निवेश्य सीतया सार्द्धं श्रिया इव जनार्दनम्
nānāratnamaye divye hemapīṭhe śubhānvite | niveśya sītayā sārddhaṃ śriyā iva janārdanam
Sanskrit only: no published translation is held for this verse.
सौवर्णकलशैर्दिव्यैर्नानारत्नमयैः शुभैः । सर्वतीर्थोदकैः पुण्यैर्माङ्गल्यद्रव्यसंयुतैः
sauvarṇakalaśairdivyairnānāratnamayaiḥ śubhaiḥ | sarvatīrthodakaiḥ puṇyairmāṅgalyadravyasaṃyutaiḥ
Sanskrit only: no published translation is held for this verse.
दूर्वाग्रतुलसीपत्रपुष्पगंधसमन्वितैः । मंत्रपूतजलैः शुद्धैर्मुनयः संशितव्रताः
dūrvāgratulasīpatrapuṣpagaṃdhasamanvitaiḥ | maṃtrapūtajalaiḥ śuddhairmunayaḥ saṃśitavratāḥ
Sanskrit only: no published translation is held for this verse.
अजपन्वैष्णवान्सूक्तान्चतुर्वेदमयान्शुभान् । अभिषेकं शुभं चक्रुः काकुत्स्थं जगतः पतिम्
ajapanvaiṣṇavānsūktāncaturvedamayānśubhān | abhiṣekaṃ śubhaṃ cakruḥ kākutsthaṃ jagataḥ patim
Sanskrit only: no published translation is held for this verse.
तस्मिन्शुभतमे लग्ने देवदुंदुभयो दिवि । विनेदुः पुष्पवर्षाणि ववृषुश्च समंततः
tasminśubhatame lagne devaduṃdubhayo divi | vineduḥ puṣpavarṣāṇi vavṛṣuśca samaṃtataḥ
Sanskrit only: no published translation is held for this verse.
दिव्यांबरैर्भूषणैश्च दिव्यगंधानुलेपनैः । पुष्पैर्नानाविधैर्दिव्यैर्देव्या सह रघूद्वहः
divyāṃbarairbhūṣaṇaiśca divyagaṃdhānulepanaiḥ | puṣpairnānāvidhairdivyairdevyā saha raghūdvahaḥ
Sanskrit only: no published translation is held for this verse.
अलंकृतश्च शुशुभे मुनिभिर्वेदपारगैः । छत्रं च चामरं दिव्यं धृतवान्लक्ष्मणस्तदा
alaṃkṛtaśca śuśubhe munibhirvedapāragaiḥ | chatraṃ ca cāmaraṃ divyaṃ dhṛtavānlakṣmaṇastadā
Sanskrit only: no published translation is held for this verse.
पार्श्वे भरतशत्रुघ्नौ तालवृंतौ विरेजतुः । दर्पणं प्रददौ श्रीमान्राक्षसेंद्रो विभीषणः
pārśve bharataśatrughnau tālavṛṃtau virejatuḥ | darpaṇaṃ pradadau śrīmānrākṣaseṃdro vibhīṣaṇaḥ
Sanskrit only: no published translation is held for this verse.
दधार पूर्णकलशं सुग्रीवो वानरेश्वरः । जाम्बवांश्च महातेजाः पुष्पमालां मनोहराम्
dadhāra pūrṇakalaśaṃ sugrīvo vānareśvaraḥ | jāmbavāṃśca mahātejāḥ puṣpamālāṃ manoharām
Sanskrit only: no published translation is held for this verse.
वालिपुत्रस्तु तांबूलं सकर्पूरं ददौ हरेः । हनुमान्दीपकां दिव्यां सुषेणश्च ध्वजं शुभम्
vāliputrastu tāṃbūlaṃ sakarpūraṃ dadau hareḥ | hanumāndīpakāṃ divyāṃ suṣeṇaśca dhvajaṃ śubham
Sanskrit only: no published translation is held for this verse.
परिवार्य महात्मानं मंत्रिणः समुपासिरे । सृष्टिर्जयंतो विजयः सौराष्ट्रो राष्ट्रवर्द्धनः
parivārya mahātmānaṃ maṃtriṇaḥ samupāsire | sṛṣṭirjayaṃto vijayaḥ saurāṣṭro rāṣṭravarddhanaḥ
Sanskrit only: no published translation is held for this verse.
अकोपो धर्मपालश्च सुमंत्रो मंत्रिणः स्मृताः । राजानश्च नरव्याघ्रा नानाजनपदेश्वराः
akopo dharmapālaśca sumaṃtro maṃtriṇaḥ smṛtāḥ | rājānaśca naravyāghrā nānājanapadeśvarāḥ
Sanskrit only: no published translation is held for this verse.
पौराश्च नैगमा वृद्धा राजानं पर्युपासत । ऋक्षैश्च वानरेंद्रैश्च मंत्रिभिः पृथिवीश्वरैः
paurāśca naigamā vṛddhā rājānaṃ paryupāsata | ṛkṣaiśca vānareṃdraiśca maṃtribhiḥ pṛthivīśvaraiḥ
Sanskrit only: no published translation is held for this verse.
राक्षसैर्द्विजमुख्यैश्च किंकरैश्च समावृतः । परे व्योम्नि यथा लीनो दैवतैः कमलापतिः
rākṣasairdvijamukhyaiśca kiṃkaraiśca samāvṛtaḥ | pare vyomni yathā līno daivataiḥ kamalāpatiḥ
Sanskrit only: no published translation is held for this verse.
तथा नृपवरः श्रीमान्साकेते शुशुभे तदा । इंदीवरदलश्यामं पद्मपत्रनिभेक्षणम्
tathā nṛpavaraḥ śrīmānsākete śuśubhe tadā | iṃdīvaradalaśyāmaṃ padmapatranibhekṣaṇam
Sanskrit only: no published translation is held for this verse.
आजानुबाहुं काकुत्स्थं पीतवस्त्रधरं हरिम् । कंबुग्रीवं महोरस्कं विचित्राभरणैर्युतम्
ājānubāhuṃ kākutsthaṃ pītavastradharaṃ harim | kaṃbugrīvaṃ mahoraskaṃ vicitrābharaṇairyutam
Sanskrit only: no published translation is held for this verse.
देव्या सह समासीनमभिषिक्तं रघूत्तमम् । विमानस्थाः सुरगणा हर्षनिर्भरमानसाः
devyā saha samāsīnamabhiṣiktaṃ raghūttamam | vimānasthāḥ suragaṇā harṣanirbharamānasāḥ
Sanskrit only: no published translation is held for this verse.
तुष्टुवुर्जयशब्देन गंधर्वाप्सरसां गणाः । अभिषिक्तस्ततो रामो वसिष्ठाद्यैर्महर्षिभिः
tuṣṭuvurjayaśabdena gaṃdharvāpsarasāṃ gaṇāḥ | abhiṣiktastato rāmo vasiṣṭhādyairmaharṣibhiḥ
Sanskrit only: no published translation is held for this verse.
शुशुभे सीतया देव्या नारायण इव श्रिया । अतिमर्त्यतयाभीत उपासितुं पदांबुजम्
śuśubhe sītayā devyā nārāyaṇa iva śriyā | atimartyatayābhīta upāsituṃ padāṃbujam
Sanskrit only: no published translation is held for this verse.
दृष्ट्वा तुष्टाव हृष्टात्मा शंकरो हृष्टमागतः । कृतांजलिपुटो भूत्वा सानंदो गद्गदाकुलः । हर्षयन्सकलान्देवान्मुनीनपि च वानरान्
dṛṣṭvā tuṣṭāva hṛṣṭātmā śaṃkaro hṛṣṭamāgataḥ | kṛtāṃjalipuṭo bhūtvā sānaṃdo gadgadākulaḥ | harṣayansakalāndevānmunīnapi ca vānarān
Sanskrit only: no published translation is held for this verse.
महादेव उवाच- नमो मूलप्रकृतये नित्याय परमात्मने । सच्चिदानंदरूपाय विश्वरूपाय वेधसे
mahādeva uvāca- namo mūlaprakṛtaye nityāya paramātmane | saccidānaṃdarūpāya viśvarūpāya vedhase
Sanskrit only: no published translation is held for this verse.
नमो निरंतरानंद कन्दमूलाय विष्णवे । जगत्त्रयकृतानंद मूर्त्तये दिव्यमूर्त्तये
namo niraṃtarānaṃda kandamūlāya viṣṇave | jagattrayakṛtānaṃda mūrttaye divyamūrttaye
Sanskrit only: no published translation is held for this verse.
नमो ब्रह्मेंद्रपूज्याय शंकराभयदाय च । नमो विष्णुस्वरूपाय सर्वरूपनमोनमः
namo brahmeṃdrapūjyāya śaṃkarābhayadāya ca | namo viṣṇusvarūpāya sarvarūpanamonamaḥ
Sanskrit only: no published translation is held for this verse.
उत्पत्तिस्थितिसंहारकारिणे त्रिगुणात्मने । नमोस्तु निर्गतोपाधिस्वरूपाय महात्मने
utpattisthitisaṃhārakāriṇe triguṇātmane | namostu nirgatopādhisvarūpāya mahātmane
Sanskrit only: no published translation is held for this verse.
अनया विद्यया देव्या सीतयोपाधिकारिणे । नमः पुंप्रकृतिभ्यां च युवाभ्यां जगतां कृते
anayā vidyayā devyā sītayopādhikāriṇe | namaḥ puṃprakṛtibhyāṃ ca yuvābhyāṃ jagatāṃ kṛte
Sanskrit only: no published translation is held for this verse.
जगन्मातापितृभ्यां च जनन्यै राघवाय च । नमः प्रपंचरूपिण्यै निष्प्रपंचस्वरूपिणे
jaganmātāpitṛbhyāṃ ca jananyai rāghavāya ca | namaḥ prapaṃcarūpiṇyai niṣprapaṃcasvarūpiṇe
Sanskrit only: no published translation is held for this verse.
नमो ध्यानस्वरूपिण्यै योगिध्येयात्ममूर्त्तये । परिणामापरीणामरिक्ताभ्यां च नमोनमः
namo dhyānasvarūpiṇyai yogidhyeyātmamūrttaye | pariṇāmāparīṇāmariktābhyāṃ ca namonamaḥ
Sanskrit only: no published translation is held for this verse.
कूटस्थबीजरूपिण्यै सीतायै राघवाय च । सीता लक्ष्मीर्भवान्विष्णुः सीता गौरी भवान्शिवः
kūṭasthabījarūpiṇyai sītāyai rāghavāya ca | sītā lakṣmīrbhavānviṣṇuḥ sītā gaurī bhavānśivaḥ
Sanskrit only: no published translation is held for this verse.
सीता स्वयं हि सावित्रि भवान्ब्रह्मा चतुर्मुखः । सीता शची भवान्शक्रः सीता स्वाहानलो भवान्
sītā svayaṃ hi sāvitri bhavānbrahmā caturmukhaḥ | sītā śacī bhavānśakraḥ sītā svāhānalo bhavān
Sanskrit only: no published translation is held for this verse.
सीता संहारिणी देवी यमरूपधरो भवान् । सीता हि सर्वसम्पत्तिः कुबेरस्त्वं रघूत्तम
sītā saṃhāriṇī devī yamarūpadharo bhavān | sītā hi sarvasampattiḥ kuberastvaṃ raghūttama
Sanskrit only: no published translation is held for this verse.
सीता देवी च रुद्राणी भवान्रुद्रो महाबलः । सीता तु रोहिणी देवी चंद्रस्त्वं लोकसौख्यदः
sītā devī ca rudrāṇī bhavānrudro mahābalaḥ | sītā tu rohiṇī devī caṃdrastvaṃ lokasaukhyadaḥ
Sanskrit only: no published translation is held for this verse.
सीता संज्ञा भवान्सूर्यः सीता रात्रिर्दिवा भवान् । सीतादेवी महाकाली महाकालो भवान्सदा
sītā saṃjñā bhavānsūryaḥ sītā rātrirdivā bhavān | sītādevī mahākālī mahākālo bhavānsadā
Sanskrit only: no published translation is held for this verse.
स्त्रीलिङ्गेषु त्रिलोकेषु यत्तत्सर्वं हि जानकी । पुन्नाम लांछितं यत्तु तत्सर्वं हि भवान्प्रभो
strīliṅgeṣu trilokeṣu yattatsarvaṃ hi jānakī | punnāma lāṃchitaṃ yattu tatsarvaṃ hi bhavānprabho
Sanskrit only: no published translation is held for this verse.
सर्वत्र सर्वदेवेश सीता सर्वत्र धारिणी । तदात्वमपिचत्रातुंतच्छक्तिर्विश्वधारिणी
sarvatra sarvadeveśa sītā sarvatra dhāriṇī | tadātvamapicatrātuṃtacchaktirviśvadhāriṇī
Sanskrit only: no published translation is held for this verse.
तस्मात्कोटिगुणं पुण्यं युवाभ्यां परिचिह्नितम् । चिह्नितं शिवशक्तिभ्यां चरितं तव शांतिदम्
tasmātkoṭiguṇaṃ puṇyaṃ yuvābhyāṃ paricihnitam | cihnitaṃ śivaśaktibhyāṃ caritaṃ tava śāṃtidam
Sanskrit only: no published translation is held for this verse.
आवां राम जगत्पूज्यौ मम पूज्यौ सदा युवाम् । त्वन्नामजापिनी गौरी त्वन्मंत्रजपवानहम्
āvāṃ rāma jagatpūjyau mama pūjyau sadā yuvām | tvannāmajāpinī gaurī tvanmaṃtrajapavānaham
Sanskrit only: no published translation is held for this verse.
मुमूर्षोर्मणिकर्ण्यां तु अर्द्धोदकनिवासिनः । अहं दिशामि ते मंत्रं तारकं ब्रह्मदायकम्
mumūrṣormaṇikarṇyāṃ tu arddhodakanivāsinaḥ | ahaṃ diśāmi te maṃtraṃ tārakaṃ brahmadāyakam
Sanskrit only: no published translation is held for this verse.
अतस्त्वं जानकीनाथ परब्रह्मासि निश्चितम् । त्वन्मायामोहितास्सर्वे न त्वां जानंति तत्वतः
atastvaṃ jānakīnātha parabrahmāsi niścitam | tvanmāyāmohitāssarve na tvāṃ jānaṃti tatvataḥ
Sanskrit only: no published translation is held for this verse.
ईश्वर उवाच- इत्युक्तः शंभुना रामः प्रसादप्रवणोऽभवत् । दिव्यरूपधरः श्रीमानद्भुताद्भुतदर्शनः
īśvara uvāca- ityuktaḥ śaṃbhunā rāmaḥ prasādapravaṇo'bhavat | divyarūpadharaḥ śrīmānadbhutādbhutadarśanaḥ
Sanskrit only: no published translation is held for this verse.
तथा तं रूपमालोक्य नरवानरदेवताः । न द्रष्टुमपिशक्तास्ते तेजसं महदद्भुतम्
tathā taṃ rūpamālokya naravānaradevatāḥ | na draṣṭumapiśaktāste tejasaṃ mahadadbhutam
Sanskrit only: no published translation is held for this verse.
भयाद्वै त्रिदशश्रेष्ठाः प्रणेमुश्चातिभक्तितः । भीता विज्ञाय रामोऽपि नरवानरदेवताः । मायामानुषतां प्राप्य स देवानब्रवीत्पुनः
bhayādvai tridaśaśreṣṭhāḥ praṇemuścātibhaktitaḥ | bhītā vijñāya rāmo'pi naravānaradevatāḥ | māyāmānuṣatāṃ prāpya sa devānabravītpunaḥ
Sanskrit only: no published translation is held for this verse.
रामचंद्र उवाच- शृणुध्वं देवता यो मां प्रत्यहं संस्तुविष्यति । स्तवेन शंभुनोक्तेन देवतुल्यो भवेन्नरः
rāmacaṃdra uvāca- śṛṇudhvaṃ devatā yo māṃ pratyahaṃ saṃstuviṣyati | stavena śaṃbhunoktena devatulyo bhavennaraḥ
Sanskrit only: no published translation is held for this verse.
विमुक्तः सर्वपापेभ्यो मत्स्वरूपं समश्नुते । रणे जयमवाप्नोति न क्वचित्प्रतिहन्यते
vimuktaḥ sarvapāpebhyo matsvarūpaṃ samaśnute | raṇe jayamavāpnoti na kvacitpratihanyate
Sanskrit only: no published translation is held for this verse.
भूतवेतालकृत्याभिर्ग्रहैश्चापि न बाध्यते । अपुत्रो लभते पुत्रं पतिं विंदति कन्यका
bhūtavetālakṛtyābhirgrahaiścāpi na bādhyate | aputro labhate putraṃ patiṃ viṃdati kanyakā
Sanskrit only: no published translation is held for this verse.
दरिद्रः श्रियमाप्नोति सत्ववाञ्शीलवान्भवेत् । आत्मतुल्यबलः श्रीमाञ्जायते नात्र संशयः
daridraḥ śriyamāpnoti satvavāñśīlavānbhavet | ātmatulyabalaḥ śrīmāñjāyate nātra saṃśayaḥ
Sanskrit only: no published translation is held for this verse.
निर्विघ्नं सर्वकार्येषु सर्वारंभेषु वै नृणाम् । यंयं कामयते मर्त्यः सुदुर्लभमनोरथम्
nirvighnaṃ sarvakāryeṣu sarvāraṃbheṣu vai nṛṇām | yaṃyaṃ kāmayate martyaḥ sudurlabhamanoratham
Sanskrit only: no published translation is held for this verse.
षण्मासात्सिद्धिमाप्नोति स्तवस्यास्य प्रसादतः । यत्पुण्यं सर्वतीर्थेषु सर्वयज्ञेषु यत्फलम् । तत्फलं कोटिगुणितं स्तवेनानेन लभ्यते
ṣaṇmāsātsiddhimāpnoti stavasyāsya prasādataḥ | yatpuṇyaṃ sarvatīrtheṣu sarvayajñeṣu yatphalam | tatphalaṃ koṭiguṇitaṃ stavenānena labhyate
Sanskrit only: no published translation is held for this verse.
ईश्वर उवाच- इत्युक्त्वा रामचंद्रोऽसौ विससर्ज महेश्वरम् । ब्रह्मादि त्रिदशान्सर्वान्विससर्ज समागतान्
īśvara uvāca- ityuktvā rāmacaṃdro'sau visasarja maheśvaram | brahmādi tridaśānsarvānvisasarja samāgatān
Sanskrit only: no published translation is held for this verse.
अर्चिता मानवाः सर्वे नरवानरदेवताः । विसृष्टा रामचंद्रेण प्रीत्या परमया युताः
arcitā mānavāḥ sarve naravānaradevatāḥ | visṛṣṭā rāmacaṃdreṇa prītyā paramayā yutāḥ
Sanskrit only: no published translation is held for this verse.
इत्थं विसृष्टाः खलु ते च सर्वे सुखं तदा जग्मुरतीवहृष्टाः । परं पठंतः स्तवमीश्वरोक्तं रामं स्मरंतो वरविश्वरूपम्
itthaṃ visṛṣṭāḥ khalu te ca sarve sukhaṃ tadā jagmuratīvahṛṣṭāḥ | paraṃ paṭhaṃtaḥ stavamīśvaroktaṃ rāmaṃ smaraṃto varaviśvarūpam
Sanskrit only: no published translation is held for this verse.