Library·Padma Purāṇa·6·6.244
शंकर उवाच- अथ रामस्तु वैदेह्या राज्यभोगान्मनोरमान् । बुभुजे वर्षसाहस्रं पालयन्सर्वतोदिशः
śaṃkara uvāca- atha rāmastu vaidehyā rājyabhogānmanoramān | bubhuje varṣasāhasraṃ pālayansarvatodiśaḥ
Sanskrit only: no published translation is held for this verse.
अंतःपुरजनास्सर्वे राक्षसस्य गृहे स्थिताम् । गर्हयंति स्म वैदेहीं तथा जानपदा जनाः
aṃtaḥpurajanāssarve rākṣasasya gṛhe sthitām | garhayaṃti sma vaidehīṃ tathā jānapadā janāḥ
Sanskrit only: no published translation is held for this verse.
लोकापवादभीत्या च रामः शत्रुनिवारकः । दर्शयन्मानुषं धर्ममंतर्वत्नीं नृपात्मजाम्
lokāpavādabhītyā ca rāmaḥ śatrunivārakaḥ | darśayanmānuṣaṃ dharmamaṃtarvatnīṃ nṛpātmajām
Sanskrit only: no published translation is held for this verse.
वाल्मीकेराश्रमे पुण्ये गंगातीरे महावने । विससर्ज महातेजा गर्भिणीं मुनिसंसदि
vālmīkerāśrame puṇye gaṃgātīre mahāvane | visasarja mahātejā garbhiṇīṃ munisaṃsadi
Sanskrit only: no published translation is held for this verse.
सा भर्तुः परतंत्रा हि उवास मुनिवेश्मनि । अर्चिता मुनिपत्नीभिर्वाल्मीकमुनि रक्षिता
sā bhartuḥ parataṃtrā hi uvāsa muniveśmani | arcitā munipatnībhirvālmīkamuni rakṣitā
Sanskrit only: no published translation is held for this verse.
तत्रैवासूत यमलौ नाम्ना कुशलवौ सुतौ । तौ च तत्रैव मुनिना संस्कृतौ च ववर्धतुः
tatraivāsūta yamalau nāmnā kuśalavau sutau | tau ca tatraiva muninā saṃskṛtau ca vavardhatuḥ
Sanskrit only: no published translation is held for this verse.
रामोऽपि भ्रातृभिस्सार्द्धं पालयामास मेदिनीम् । यमादिगुणसम्पन्नस्सर्वभोगविवर्जितः
rāmo'pi bhrātṛbhissārddhaṃ pālayāmāsa medinīm | yamādiguṇasampannassarvabhogavivarjitaḥ
Sanskrit only: no published translation is held for this verse.
अर्चयन्सततं विष्णुमनादिनिधनं हरिम् । ब्रह्मचर्यपरो नित्यं शशास पृथिवीं नृपः
arcayansatataṃ viṣṇumanādinidhanaṃ harim | brahmacaryaparo nityaṃ śaśāsa pṛthivīṃ nṛpaḥ
Sanskrit only: no published translation is held for this verse.
शत्रुघ्नो लवणं हत्वा मथुरां देवनिर्मिताम् । पालयामास धर्मात्मा पुत्राभ्यां सह राघवः
śatrughno lavaṇaṃ hatvā mathurāṃ devanirmitām | pālayāmāsa dharmātmā putrābhyāṃ saha rāghavaḥ
Sanskrit only: no published translation is held for this verse.
गंधर्वान्भरतो हत्वा सिंधोरुभयपार्श्वतः । स्वात्मजौ स्थापयामास तस्मिन्देशे महाबलौ
gaṃdharvānbharato hatvā siṃdhorubhayapārśvataḥ | svātmajau sthāpayāmāsa tasmindeśe mahābalau
Sanskrit only: no published translation is held for this verse.
पश्चिमे मद्रदेशे तु मद्रान्हत्वा च लक्ष्मणः । स्वसुतौ च महावीर्यौ अभिषिच्य महाबलः
paścime madradeśe tu madrānhatvā ca lakṣmaṇaḥ | svasutau ca mahāvīryau abhiṣicya mahābalaḥ
Sanskrit only: no published translation is held for this verse.
गत्वा पुनरयोध्यां तु रामपादावुपस्पृशत् । ब्राह्मणस्य मृतं बालं कालधर्ममुपागतम्
gatvā punarayodhyāṃ tu rāmapādāvupaspṛśat | brāhmaṇasya mṛtaṃ bālaṃ kāladharmamupāgatam
Sanskrit only: no published translation is held for this verse.
जीवयामास काकुत्स्थः शूद्रं हत्वा च तापसम् । ततस्तु गौतमीतीरे नैमिषे जनसंसदि
jīvayāmāsa kākutsthaḥ śūdraṃ hatvā ca tāpasam | tatastu gautamītīre naimiṣe janasaṃsadi
Sanskrit only: no published translation is held for this verse.
इयाज वाजिमेधं च राघवः परवीरहा । कांचनीं जानकीं कृत्वा तया सार्द्धं महाबलः
iyāja vājimedhaṃ ca rāghavaḥ paravīrahā | kāṃcanīṃ jānakīṃ kṛtvā tayā sārddhaṃ mahābalaḥ
Sanskrit only: no published translation is held for this verse.
चकार यज्ञान्बहुशो राघवः परमार्थवित् । अयुतान्यश्वमेधानि वाजपेयानि च प्रभुः
cakāra yajñānbahuśo rāghavaḥ paramārthavit | ayutānyaśvamedhāni vājapeyāni ca prabhuḥ
Sanskrit only: no published translation is held for this verse.
अग्निष्टोमं विश्वजितं गोमेधं च शतक्रतुम् । चकार विविधान्यज्ञान्परिपूर्णसदक्षिणान्
agniṣṭomaṃ viśvajitaṃ gomedhaṃ ca śatakratum | cakāra vividhānyajñānparipūrṇasadakṣiṇān
Sanskrit only: no published translation is held for this verse.
एतस्मिन्नंतरे तत्र वाल्मीकिः सुमहातपाः । सीतामानीय काकुत्स्थमिदं वचनमब्रवीत्
etasminnaṃtare tatra vālmīkiḥ sumahātapāḥ | sītāmānīya kākutsthamidaṃ vacanamabravīt
Sanskrit only: no published translation is held for this verse.
वाल्मीकिरुवाच- अपापां मैथिलीं राम त्यक्तुं नार्हसि सुव्रत । इयं तु विरजा साध्वी भास्करस्य प्रभा यथा । अनन्या तव काकुत्स्थ कस्मात्त्यक्ता त्वयानघ
vālmīkiruvāca- apāpāṃ maithilīṃ rāma tyaktuṃ nārhasi suvrata | iyaṃ tu virajā sādhvī bhāskarasya prabhā yathā | ananyā tava kākutstha kasmāttyaktā tvayānagha
Sanskrit only: no published translation is held for this verse.
राम उवाच- अपापां मैथिलीं ब्रह्मन्जानामि वचनात्तव । रावणेन हृता साध्वी दण्डके विजने पुरा
rāma uvāca- apāpāṃ maithilīṃ brahmanjānāmi vacanāttava | rāvaṇena hṛtā sādhvī daṇḍake vijane purā
Sanskrit only: no published translation is held for this verse.
तं हत्वा समरे सीतां शुद्धामग्निमुखागताम् । पुनर्यातोस्म्ययोध्यायां सीतामादाय धर्मतः
taṃ hatvā samare sītāṃ śuddhāmagnimukhāgatām | punaryātosmyayodhyāyāṃ sītāmādāya dharmataḥ
Sanskrit only: no published translation is held for this verse.
लोकापवादः सुमहानभूत्पौरजनेषु च । त्यक्ता मया शुभाचारा तद्भयात्तव सन्निधौ
lokāpavādaḥ sumahānabhūtpaurajaneṣu ca | tyaktā mayā śubhācārā tadbhayāttava sannidhau
Sanskrit only: no published translation is held for this verse.
तस्माल्लोकस्य संतुष्ट्यै सीता मम परायणा । पार्थिवानां महर्षीणां प्रत्ययं कर्तुमर्हति
tasmāllokasya saṃtuṣṭyai sītā mama parāyaṇā | pārthivānāṃ maharṣīṇāṃ pratyayaṃ kartumarhati
Sanskrit only: no published translation is held for this verse.
महेश्वर उवाच- एवमुक्ता तदा सीता मुनिपार्थिवसंसदि । चकारप्रत्ययं देवी लोकाश्चर्यकरं सती
maheśvara uvāca- evamuktā tadā sītā munipārthivasaṃsadi | cakārapratyayaṃ devī lokāścaryakaraṃ satī
Sanskrit only: no published translation is held for this verse.
दर्शयंस्तस्य लोकस्य रामस्यानन्यतां सती । अब्रवीत्प्रांजलिः सीता सर्वेषां जनसंसदि
darśayaṃstasya lokasya rāmasyānanyatāṃ satī | abravītprāṃjaliḥ sītā sarveṣāṃ janasaṃsadi
Sanskrit only: no published translation is held for this verse.
सीतोवाच- यथाऽहं राघवादन्यं मनसापि न चिंतये । तथा मे धरणी देवी विवरन्दातुमर्हति
sītovāca- yathā'haṃ rāghavādanyaṃ manasāpi na ciṃtaye | tathā me dharaṇī devī vivarandātumarhati
Sanskrit only: no published translation is held for this verse.
यथैव सत्यमुक्तं मे वेद्मि रामात्परं न च । तथा स्वपुत्र्यां वैदेह्यां धरणी सहसा इयात्
yathaiva satyamuktaṃ me vedmi rāmātparaṃ na ca | tathā svaputryāṃ vaidehyāṃ dharaṇī sahasā iyāt
Sanskrit only: no published translation is held for this verse.
महेश्वर उवाच- ततो रत्नमयं पीठं पृष्ठे धृत्वा खगेश्वरः । रसातलात्तदा वीरो विज्ञाय जननीं तदा
maheśvara uvāca- tato ratnamayaṃ pīṭhaṃ pṛṣṭhe dhṛtvā khageśvaraḥ | rasātalāttadā vīro vijñāya jananīṃ tadā
Sanskrit only: no published translation is held for this verse.
ततस्तु धरणीदेवी हस्ताभ्यां गृह्य मैथिलीम् । स्वागतेनाभिनंद्यैनामासने संन्यवेशयत्
tatastu dharaṇīdevī hastābhyāṃ gṛhya maithilīm | svāgatenābhinaṃdyaināmāsane saṃnyaveśayat
Sanskrit only: no published translation is held for this verse.
सीतां समागतां दृष्ट्वा दिवि देवगणा भृशम् । पुष्पवृष्टिमविच्छिन्नां दिव्यां सीतामवाकिरन्
sītāṃ samāgatāṃ dṛṣṭvā divi devagaṇā bhṛśam | puṣpavṛṣṭimavicchinnāṃ divyāṃ sītāmavākiran
Sanskrit only: no published translation is held for this verse.
सापि दिव्याप्सरोभिस्तु पूज्यमाना सनातनी । वैनतेयं समारुह्य तस्मान्मार्गाद्दिवं ययौ
sāpi divyāpsarobhistu pūjyamānā sanātanī | vainateyaṃ samāruhya tasmānmārgāddivaṃ yayau
Sanskrit only: no published translation is held for this verse.
दासीगणैः पूर्वभागे संवृता जगदीश्वरी । संप्राप्य परमं धाम योगिगम्यं सनातनम्
dāsīgaṇaiḥ pūrvabhāge saṃvṛtā jagadīśvarī | saṃprāpya paramaṃ dhāma yogigamyaṃ sanātanam
Sanskrit only: no published translation is held for this verse.
रसातलप्रविष्टां तु तां दृष्ट्वा सर्वमानुषाः । साधुसाध्विति सीतेयमुच्चैः सर्वे प्रचुक्रुशुः
rasātalapraviṣṭāṃ tu tāṃ dṛṣṭvā sarvamānuṣāḥ | sādhusādhviti sīteyamuccaiḥ sarve pracukruśuḥ
Sanskrit only: no published translation is held for this verse.
रामः शोकसमाविष्टः संगृह्य तनयावुभौ । मुनिभिः पार्थिवेंद्रैश्च साकेतं प्रविवेश ह
rāmaḥ śokasamāviṣṭaḥ saṃgṛhya tanayāvubhau | munibhiḥ pārthiveṃdraiśca sāketaṃ praviveśa ha
Sanskrit only: no published translation is held for this verse.
अथ कालेन महता मातरः संशितव्रताः । कालधर्मं समापन्ना भर्तुः स्वर्गं प्रपेदिरे
atha kālena mahatā mātaraḥ saṃśitavratāḥ | kāladharmaṃ samāpannā bhartuḥ svargaṃ prapedire
Sanskrit only: no published translation is held for this verse.
दशवर्षसहस्राणि दशवर्षशतानि च । चकार राज्यं धर्मेण राघवः संशितव्रतः
daśavarṣasahasrāṇi daśavarṣaśatāni ca | cakāra rājyaṃ dharmeṇa rāghavaḥ saṃśitavrataḥ
Sanskrit only: no published translation is held for this verse.
कस्यचित्त्वथकालस्य राघवस्य निवेशनम् । कालस्तापसरूपेण संप्राप्तो वाक्यमब्रवीत्
kasyacittvathakālasya rāghavasya niveśanam | kālastāpasarūpeṇa saṃprāpto vākyamabravīt
Sanskrit only: no published translation is held for this verse.
काल उवाच- राम राम महाबाहो धात्रा संप्रेषितोऽस्म्यहम् । यद्ब्रवीमि रघुश्रेष्ठ तच्छृणुष्व महामते
kāla uvāca- rāma rāma mahābāho dhātrā saṃpreṣito'smyaham | yadbravīmi raghuśreṣṭha tacchṛṇuṣva mahāmate
Sanskrit only: no published translation is held for this verse.
द्वन्द्वमेव हि कार्यं स्यादावयोः परिभाषितम् । तदंतरे प्रविष्टोयस्स वद्ध्यो हि भविष्यति
dvandvameva hi kāryaṃ syādāvayoḥ paribhāṣitam | tadaṃtare praviṣṭoyassa vaddhyo hi bhaviṣyati
Sanskrit only: no published translation is held for this verse.
महेश्वर उवाच- तथेति च प्रतिश्रुत्य रामो राजीवलोचनः । द्वास्थं कृत्वा तु सौमित्रिं कालो वाक्यमभाषत । वैवस्वतोऽब्रवीद्वाक्यं रामं दशरथात्मजम्
maheśvara uvāca- tatheti ca pratiśrutya rāmo rājīvalocanaḥ | dvāsthaṃ kṛtvā tu saumitriṃ kālo vākyamabhāṣata | vaivasvato'bravīdvākyaṃ rāmaṃ daśarathātmajam
Sanskrit only: no published translation is held for this verse.
काल उवाच- शृणु राम यथावृत्तं समागमनकारणात् । दशवर्षसहस्राणि दशवर्षशतानि च
kāla uvāca- śṛṇu rāma yathāvṛttaṃ samāgamanakāraṇāt | daśavarṣasahasrāṇi daśavarṣaśatāni ca
Sanskrit only: no published translation is held for this verse.
वसामि मानुषे लोके हत्वा राक्षसपुंगवौ । एवमुक्तः सुरगणैरवतीर्णोसि भूतले
vasāmi mānuṣe loke hatvā rākṣasapuṃgavau | evamuktaḥ suragaṇairavatīrṇosi bhūtale
Sanskrit only: no published translation is held for this verse.
तदयं समयः प्राप्तः स्वर्लोकं गमितुं त्वया । सनाथा हि सुरास्सर्वे भवंत्वद्य त्वयानघ
tadayaṃ samayaḥ prāptaḥ svarlokaṃ gamituṃ tvayā | sanāthā hi surāssarve bhavaṃtvadya tvayānagha
Sanskrit only: no published translation is held for this verse.
महेश्वर उवाच- एवमस्त्विति काकुत्स्थो रामः प्राह महामुनिम् । एतस्मिन्नंतरे तत्र दुर्वासास्तु महातपाः
maheśvara uvāca- evamastviti kākutstho rāmaḥ prāha mahāmunim | etasminnaṃtare tatra durvāsāstu mahātapāḥ
Sanskrit only: no published translation is held for this verse.
राजद्वारमुपागम्य लक्ष्मणं वाक्यमब्रवीत् । दुर्वासा उवाच- मां निवेदय काकुत्स्थं शीघ्रं गत्वा नृपात्मज
rājadvāramupāgamya lakṣmaṇaṃ vākyamabravīt | durvāsā uvāca- māṃ nivedaya kākutsthaṃ śīghraṃ gatvā nṛpātmaja
Sanskrit only: no published translation is held for this verse.
महेश्वर उवाच- तमब्रवील्लक्ष्मणस्तु असांनिध्यमिति द्विज । ततः क्रोधसमाविष्टः प्राह तं मुनिसत्तमः
maheśvara uvāca- tamabravīllakṣmaṇastu asāṃnidhyamiti dvija | tataḥ krodhasamāviṣṭaḥ prāha taṃ munisattamaḥ
Sanskrit only: no published translation is held for this verse.
दुर्वासा उवाच- शापं दास्यामि काकुत्स्थं रामं न यदि दर्शये । महेश्वर उवाच- तस्माच्छापभयाद्विप्रं राघवाय न्यवेदयत् । तत्रैवांतर्दधे कालः सर्वभूतभयावहः
durvāsā uvāca- śāpaṃ dāsyāmi kākutsthaṃ rāmaṃ na yadi darśaye | maheśvara uvāca- tasmācchāpabhayādvipraṃ rāghavāya nyavedayat | tatraivāṃtardadhe kālaḥ sarvabhūtabhayāvahaḥ
Sanskrit only: no published translation is held for this verse.
पूजयामास तं प्राप्तमृषिं दुर्वाससं नृपः । अग्रजस्य प्रतिज्ञा तं विज्ञाय रघुसत्तमः
pūjayāmāsa taṃ prāptamṛṣiṃ durvāsasaṃ nṛpaḥ | agrajasya pratijñā taṃ vijñāya raghusattamaḥ
Sanskrit only: no published translation is held for this verse.
तत्याज मानुषं रूपं लक्ष्मणः सरयूजले । विसृज्य मानुषं रूपं प्रविवेश स्वकां तनुम्
tatyāja mānuṣaṃ rūpaṃ lakṣmaṇaḥ sarayūjale | visṛjya mānuṣaṃ rūpaṃ praviveśa svakāṃ tanum
Sanskrit only: no published translation is held for this verse.
फणासहस्रसंयुक्तः कोटींदुसमवर्चसः । दिव्यमाल्यांबरधरो दिव्यगंधानुलेपनः
phaṇāsahasrasaṃyuktaḥ koṭīṃdusamavarcasaḥ | divyamālyāṃbaradharo divyagaṃdhānulepanaḥ
Sanskrit only: no published translation is held for this verse.
नागकन्यासहस्रैस्तु संवृतः समलंकृतः । विमानं दिव्यमारुह्य प्रययौ वैष्णवं पदम् ५० 6.244.50। लक्ष्मणस्य गतिं सर्वां विदित्वा रघुसत्तमः । स्वयमप्यथ काकुत्स्थः स्वर्गं गंतुमभीप्सितः
nāgakanyāsahasraistu saṃvṛtaḥ samalaṃkṛtaḥ | vimānaṃ divyamāruhya prayayau vaiṣṇavaṃ padam 50 6.244.50| lakṣmaṇasya gatiṃ sarvāṃ viditvā raghusattamaḥ | svayamapyatha kākutsthaḥ svargaṃ gaṃtumabhīpsitaḥ
Sanskrit only: no published translation is held for this verse.
अभिषिच्याथ काकुत्स्थः स्वात्मजौ च कुशीलवौ । विभज्य रथनागाश्वं सधनं प्रददौ तयोः
abhiṣicyātha kākutsthaḥ svātmajau ca kuśīlavau | vibhajya rathanāgāśvaṃ sadhanaṃ pradadau tayoḥ
Sanskrit only: no published translation is held for this verse.
कुशवत्यां कुशं तं च शरवत्यां लवं तथा । स्थापयामास धर्मेण राज्ये स्वे रघुसत्तमः
kuśavatyāṃ kuśaṃ taṃ ca śaravatyāṃ lavaṃ tathā | sthāpayāmāsa dharmeṇa rājye sve raghusattamaḥ
Sanskrit only: no published translation is held for this verse.
अभिप्रायं तु विज्ञाय रामस्य विदितात्मनः । आजग्मुर्वानराः सर्वे राक्षसाः सुमहाबलाः
abhiprāyaṃ tu vijñāya rāmasya viditātmanaḥ | ājagmurvānarāḥ sarve rākṣasāḥ sumahābalāḥ
Sanskrit only: no published translation is held for this verse.
विभीषणोऽथ सुग्रीवो जाम्बवान्मारुतात्मजः । नीलो नलः सुषेणश्च निषादाधिपतिर्गुहः
vibhīṣaṇo'tha sugrīvo jāmbavānmārutātmajaḥ | nīlo nalaḥ suṣeṇaśca niṣādādhipatirguhaḥ
Sanskrit only: no published translation is held for this verse.
अभिषिच्य सुतौ वीरौ शत्रुघ्नश्च महामनाः । सर्व एते समाजग्मुरयोध्यां रामपालिताम्
abhiṣicya sutau vīrau śatrughnaśca mahāmanāḥ | sarva ete samājagmurayodhyāṃ rāmapālitām
Sanskrit only: no published translation is held for this verse.
ते प्रणम्य महात्मानमूचुः प्रांजलयस्तथा । वानरप्रभृतय ऊचुः - स्वर्लोकं गंतुमुद्युक्तं ज्ञात्वा त्वां रघुसत्तम
te praṇamya mahātmānamūcuḥ prāṃjalayastathā | vānaraprabhṛtaya ūcuḥ - svarlokaṃ gaṃtumudyuktaṃ jñātvā tvāṃ raghusattama
Sanskrit only: no published translation is held for this verse.
आगताः स्म वयं सर्वे तवानुगमनं प्रति । न शक्ताः स्म क्षणं राम जीवितुं त्वां विना प्रभो । तस्मात्त्वया विशालाक्ष गच्छामस्त्रिदशालयम्
āgatāḥ sma vayaṃ sarve tavānugamanaṃ prati | na śaktāḥ sma kṣaṇaṃ rāma jīvituṃ tvāṃ vinā prabho | tasmāttvayā viśālākṣa gacchāmastridaśālayam
Sanskrit only: no published translation is held for this verse.
महेश्वर उवाच- तैरेवमुक्तः काकुत्स्थो बाढमित्यब्रवीत्ततः । अथोवाच महातेजा राक्षसेंद्रं विभीषणम्
maheśvara uvāca- tairevamuktaḥ kākutstho bāḍhamityabravīttataḥ | athovāca mahātejā rākṣaseṃdraṃ vibhīṣaṇam
Sanskrit only: no published translation is held for this verse.
राम उवाच- राज्यं प्रशास धर्मेण मा प्रतिज्ञां वृथा कृथाः । यावच्चंद्रश्च सूर्यश्च यावत्तिष्ठति मेदिनी । तावद्रमस्व सुप्रीतो काले मम पदं व्रज
rāma uvāca- rājyaṃ praśāsa dharmeṇa mā pratijñāṃ vṛthā kṛthāḥ | yāvaccaṃdraśca sūryaśca yāvattiṣṭhati medinī | tāvadramasva suprīto kāle mama padaṃ vraja
Sanskrit only: no published translation is held for this verse.
महेश्वर उवाच-। इत्युक्त्वाथ स काकुत्स्थः स्वाड्गं विष्णुं सनातनम् । श्रीरंगशायिनं सौम्यमिक्ष्वाकुकुलदैवतम्
maheśvara uvāca-| ityuktvātha sa kākutsthaḥ svāḍgaṃ viṣṇuṃ sanātanam | śrīraṃgaśāyinaṃ saumyamikṣvākukuladaivatam
Sanskrit only: no published translation is held for this verse.
संप्रीत्या प्रददौ तस्मै रामो राजीवलोचनः । हनुमंतमथोवाच राघवः शत्रुसूदनः
saṃprītyā pradadau tasmai rāmo rājīvalocanaḥ | hanumaṃtamathovāca rāghavaḥ śatrusūdanaḥ
Sanskrit only: no published translation is held for this verse.
राम उवाच- मत्कथाः प्रचरिष्यंति यावल्लोके हरीश्वर । तावत्त्वमास मेदिन्यां काले मां व्रज सुव्रत
rāma uvāca- matkathāḥ pracariṣyaṃti yāvalloke harīśvara | tāvattvamāsa medinyāṃ kāle māṃ vraja suvrata
Sanskrit only: no published translation is held for this verse.
महेश्वर उवाच- तमेवमुक्त्वा काकुत्स्थो जांबवंतमथाब्रवीत् । राम उवाच- द्वापरे समनुप्राप्ते यदूनामन्वये पुनः
maheśvara uvāca- tamevamuktvā kākutstho jāṃbavaṃtamathābravīt | rāma uvāca- dvāpare samanuprāpte yadūnāmanvaye punaḥ
Sanskrit only: no published translation is held for this verse.
भूभारस्य विनाशाय समुत्पत्स्याम्यहं भुवि । करिष्ये तत्र संग्रामं स्वयं भल्लूकसत्तम
bhūbhārasya vināśāya samutpatsyāmyahaṃ bhuvi | kariṣye tatra saṃgrāmaṃ svayaṃ bhallūkasattama
Sanskrit only: no published translation is held for this verse.
महेश्वर उवाच- तमेवमुक्त्वा काकुत्स्थः सर्वांस्तानृक्षवानरान् । उवाच वाचा गच्छध्वमिति रामो महाबलः
maheśvara uvāca- tamevamuktvā kākutsthaḥ sarvāṃstānṛkṣavānarān | uvāca vācā gacchadhvamiti rāmo mahābalaḥ
Sanskrit only: no published translation is held for this verse.
मंत्रिणो नैगमाश्चैव भरतः कैकयीसुतः । राघवस्यानुगमने निश्चितास्ते समाययुः
maṃtriṇo naigamāścaiva bharataḥ kaikayīsutaḥ | rāghavasyānugamane niścitāste samāyayuḥ
Sanskrit only: no published translation is held for this verse.
ततः शुक्लांबरधरो ब्रह्मचारी ययौ परम् । कुशान्गृहीत्वा पाणिभ्यां संसक्तः प्रययौ परम्
tataḥ śuklāṃbaradharo brahmacārī yayau param | kuśāngṛhītvā pāṇibhyāṃ saṃsaktaḥ prayayau param
Sanskrit only: no published translation is held for this verse.
रामस्य दक्षिणे पार्श्वे पद्महस्ता रमा गता । तथैव धरणीदेवी दक्षिणेतरगा तथा
rāmasya dakṣiṇe pārśve padmahastā ramā gatā | tathaiva dharaṇīdevī dakṣiṇetaragā tathā
Sanskrit only: no published translation is held for this verse.
वेदाः सांगाः पुराणानि सेतिहासानि सर्वतः । ॐकारोऽथ वषट्कारः सावित्री लोकपावनी
vedāḥ sāṃgāḥ purāṇāni setihāsāni sarvataḥ | oṃkāro'tha vaṣaṭkāraḥ sāvitrī lokapāvanī
Sanskrit only: no published translation is held for this verse.
अस्त्रशस्त्राणि च तदा धनुराद्यानि पार्वति । अनुजग्मुस्तथा रामं सर्वे पुरुषविग्रहाः
astraśastrāṇi ca tadā dhanurādyāni pārvati | anujagmustathā rāmaṃ sarve puruṣavigrahāḥ
Sanskrit only: no published translation is held for this verse.
भरतश्चैव शत्रुघ्नः सर्वे पुरनिवासिनः । सपुत्रदाराः काकुत्स्थमनुजग्मुः सहानुगाः
bharataścaiva śatrughnaḥ sarve puranivāsinaḥ | saputradārāḥ kākutsthamanujagmuḥ sahānugāḥ
Sanskrit only: no published translation is held for this verse.
मंत्रिणो भृत्यवर्गाश्च किंकरा नैगमास्तथा । वानराश्चैव ऋक्षाश्च सुग्रीवसहितास्तदा
maṃtriṇo bhṛtyavargāśca kiṃkarā naigamāstathā | vānarāścaiva ṛkṣāśca sugrīvasahitāstadā
Sanskrit only: no published translation is held for this verse.
सपुत्रदाराः काकुत्स्थमन्वगच्छन्महामतिम् । पशवः पक्षिणश्चैव सर्वे स्थावरजंगमाः
saputradārāḥ kākutsthamanvagacchanmahāmatim | paśavaḥ pakṣiṇaścaiva sarve sthāvarajaṃgamāḥ
Sanskrit only: no published translation is held for this verse.
अनुजग्मुर्महात्मानं समीपस्था नरोत्तमाः । ये च पश्यंति काकुत्स्थं स्वपथांतर्गतं प्रभुम्
anujagmurmahātmānaṃ samīpasthā narottamāḥ | ye ca paśyaṃti kākutsthaṃ svapathāṃtargataṃ prabhum
Sanskrit only: no published translation is held for this verse.
ते तथानुगता रामं निवर्त्तंते न केचन । अथ त्रियोजनं गत्वा नदीं पश्चान्मुखीं स्थिताम्
te tathānugatā rāmaṃ nivarttaṃte na kecana | atha triyojanaṃ gatvā nadīṃ paścānmukhīṃ sthitām
Sanskrit only: no published translation is held for this verse.
सरयूं पुण्यसलिलां प्रविवेश सहानुगः । ततः पितामहो ब्रह्मा सर्वदेवगणावृतः
sarayūṃ puṇyasalilāṃ praviveśa sahānugaḥ | tataḥ pitāmaho brahmā sarvadevagaṇāvṛtaḥ
Sanskrit only: no published translation is held for this verse.
तुष्टाव रघुशार्दूलमृषिभिः सार्द्धमक्षरैः । अब्रवीत्तत्र काकुत्स्थं प्रविष्टं सरयूजले
tuṣṭāva raghuśārdūlamṛṣibhiḥ sārddhamakṣaraiḥ | abravīttatra kākutsthaṃ praviṣṭaṃ sarayūjale
Sanskrit only: no published translation is held for this verse.
ब्रह्मोवाच- आगच्छ विष्णो भद्रं ते दिष्ट्या प्राप्तोऽसि मानद । भ्रातृभिस्सहदेवाभैः प्रविशस्व निजां तनुम्
brahmovāca- āgaccha viṣṇo bhadraṃ te diṣṭyā prāpto'si mānada | bhrātṛbhissahadevābhaiḥ praviśasva nijāṃ tanum
Sanskrit only: no published translation is held for this verse.
वैष्णवीं तां महातेजां देवाकारां सनातनीम् । त्वं हि लोकगतिर्देव न त्वां केचित्तु जानते
vaiṣṇavīṃ tāṃ mahātejāṃ devākārāṃ sanātanīm | tvaṃ hi lokagatirdeva na tvāṃ kecittu jānate
Sanskrit only: no published translation is held for this verse.
त्वामचिंत्यं महात्मानमक्षरं सर्वसंग्रहम् । यमिच्छसि महातेजस्तां तनुं प्रविशस्व भोः
tvāmaciṃtyaṃ mahātmānamakṣaraṃ sarvasaṃgraham | yamicchasi mahātejastāṃ tanuṃ praviśasva bhoḥ
Sanskrit only: no published translation is held for this verse.
महेश्वर उवाच- तस्मिन्सूर्यकराकीर्णे पुष्पवृष्टिनिपातिते । उत्सृज्य मानुषं रूपं स्वां तनुं प्रविवेश ह
maheśvara uvāca- tasminsūryakarākīrṇe puṣpavṛṣṭinipātite | utsṛjya mānuṣaṃ rūpaṃ svāṃ tanuṃ praviveśa ha
Sanskrit only: no published translation is held for this verse.
अंशाभ्यां शंखचक्राभ्यां शत्रुघ्नभरतावुभौ । तदा तेन महात्मानौ दिव्यतेजस्समन्वितौ
aṃśābhyāṃ śaṃkhacakrābhyāṃ śatrughnabharatāvubhau | tadā tena mahātmānau divyatejassamanvitau
Sanskrit only: no published translation is held for this verse.
शंखचक्रगदाशार्ङ्गपद्महस्तश्चतुर्भुजः । दिव्याभरणसम्पन्नो दिव्यगंधानुलेपनः
śaṃkhacakragadāśārṅgapadmahastaścaturbhujaḥ | divyābharaṇasampanno divyagaṃdhānulepanaḥ
Sanskrit only: no published translation is held for this verse.
दिव्यपीतांबरधरः पद्मपत्रनिभेक्षणः । युवा कुमारः सौम्यांगः कोमलावयवोज्ज्वलः
divyapītāṃbaradharaḥ padmapatranibhekṣaṇaḥ | yuvā kumāraḥ saumyāṃgaḥ komalāvayavojjvalaḥ
Sanskrit only: no published translation is held for this verse.
सुस्निग्धनीलकुटिलकुंतलः शुभलक्षणः । नवदूर्वांकुरः श्यामः पूर्णचंद्र निभाननः
susnigdhanīlakuṭilakuṃtalaḥ śubhalakṣaṇaḥ | navadūrvāṃkuraḥ śyāmaḥ pūrṇacaṃdra nibhānanaḥ
Sanskrit only: no published translation is held for this verse.
देवीभ्यां सहितः श्रीमान्विमानमधिरुह्य च । तस्मिन्सिंहासने दिव्ये मूले कल्पतरोः प्रभुः
devībhyāṃ sahitaḥ śrīmānvimānamadhiruhya ca | tasminsiṃhāsane divye mūle kalpataroḥ prabhuḥ
Sanskrit only: no published translation is held for this verse.
निषसाद महातेजाः सर्वदेवैरभिष्टुतः । राघवानुगता ये च ऋक्षवानरमानुषाः
niṣasāda mahātejāḥ sarvadevairabhiṣṭutaḥ | rāghavānugatā ye ca ṛkṣavānaramānuṣāḥ
Sanskrit only: no published translation is held for this verse.
स्पृष्ट्वैव सरयूतोयं सुखेन त्यक्तजीविताः । रामप्रसादात्ते सर्वे दिव्यरूपधराः शुभाः
spṛṣṭvaiva sarayūtoyaṃ sukhena tyaktajīvitāḥ | rāmaprasādātte sarve divyarūpadharāḥ śubhāḥ
Sanskrit only: no published translation is held for this verse.
दिव्यमाल्यांबरधरा दिव्यमंगलवर्चसः । आरुरोह विमानं तदसंख्यास्तत्र देहिनः
divyamālyāṃbaradharā divyamaṃgalavarcasaḥ | āruroha vimānaṃ tadasaṃkhyāstatra dehinaḥ
Sanskrit only: no published translation is held for this verse.
सर्वैः परिवृतः श्रीमान्रामो राजीवलोचनः । पूजितः सुरसिद्धौघैर्मुनिभिस्तु महात्मभिः
sarvaiḥ parivṛtaḥ śrīmānrāmo rājīvalocanaḥ | pūjitaḥ surasiddhaughairmunibhistu mahātmabhiḥ
Sanskrit only: no published translation is held for this verse.
आययौ शाश्वतं दिव्यमक्षरं स्वपदं विभुः । यः पठेद्रामचरितं श्लोकं श्लोकार्धमेव वा
āyayau śāśvataṃ divyamakṣaraṃ svapadaṃ vibhuḥ | yaḥ paṭhedrāmacaritaṃ ślokaṃ ślokārdhameva vā
Sanskrit only: no published translation is held for this verse.
शृणुयाद्वा तथा भक्त्या स्मरेद्वा शुभदर्शने । कोटिजन्मार्जितात्पापाज्ज्ञानतोऽज्ञानतः कृतात्
śṛṇuyādvā tathā bhaktyā smaredvā śubhadarśane | koṭijanmārjitātpāpājjñānato'jñānataḥ kṛtāt
Sanskrit only: no published translation is held for this verse.
विमुक्तो वैष्णवं लोकं पुत्रदारसबांधवैः । समाप्नुयाद्योगगम्यमनायासेन वै नरः
vimukto vaiṣṇavaṃ lokaṃ putradārasabāṃdhavaiḥ | samāpnuyādyogagamyamanāyāsena vai naraḥ
Sanskrit only: no published translation is held for this verse.
एतत्ते कथितं देवि रामस्य चरितं महत् । धन्योऽस्म्यहं त्वया देवि रामचंद्रस्य कीर्त्तनात् । किमन्यच्छ्रोतुकामासि तद्ब्रवीमि वरानने
etatte kathitaṃ devi rāmasya caritaṃ mahat | dhanyo'smyahaṃ tvayā devi rāmacaṃdrasya kīrttanāt | kimanyacchrotukāmāsi tadbravīmi varānane
Sanskrit only: no published translation is held for this verse.