Library·Padma Purāṇa·6·6.246
श्रीमहेश्वर उवाच- अथोपनयनं नाम चकारानकदुंदुभिः । पुत्रयोर्वेदविधिना तस्मिन्वै रामकृष्णयोः
śrīmaheśvara uvāca- athopanayanaṃ nāma cakārānakaduṃdubhiḥ | putrayorvedavidhinā tasminvai rāmakṛṣṇayoḥ
Sanskrit only: no published translation is held for this verse.
आचार्येण हि गर्गेण संस्कृतौ रामकेशवौ । पंडितैर्वैष्णवैर्दिव्यैः स्नापनैर्विमलैः शुभैः
ācāryeṇa hi gargeṇa saṃskṛtau rāmakeśavau | paṃḍitairvaiṣṇavairdivyaiḥ snāpanairvimalaiḥ śubhaiḥ
Sanskrit only: no published translation is held for this verse.
कृतसंस्कारकर्माणौ रामकृष्णौ महाबलौ । सांदीपनेर्गृहं गत्वा नमस्कृत्य महात्मनः
kṛtasaṃskārakarmāṇau rāmakṛṣṇau mahābalau | sāṃdīpanergṛhaṃ gatvā namaskṛtya mahātmanaḥ
Sanskrit only: no published translation is held for this verse.
अधीत्य वेदशास्त्राणि तस्मात्तौ द्विजपुंगवात् । मृतं पुत्रं समानीय ददतुस्तस्य दक्षिणाम्
adhītya vedaśāstrāṇi tasmāttau dvijapuṃgavāt | mṛtaṃ putraṃ samānīya dadatustasya dakṣiṇām
Sanskrit only: no published translation is held for this verse.
आशिषो वचनं लब्ध्वा गुरोस्तस्मान्महात्मनः । तस्मै प्रणम्य मथुरां जग्मतुर्यदुपुंगवौ
āśiṣo vacanaṃ labdhvā gurostasmānmahātmanaḥ | tasmai praṇamya mathurāṃ jagmaturyadupuṃgavau
Sanskrit only: no published translation is held for this verse.
अथ कृष्णेन निहतं श्रुत्वा कंसं दुरासदम् । श्वशुरस्तस्य नृपतेर्जरासंधो महाबलः
atha kṛṣṇena nihataṃ śrutvā kaṃsaṃ durāsadam | śvaśurastasya nṛpaterjarāsaṃdho mahābalaḥ
Sanskrit only: no published translation is held for this verse.
अक्षौहिणीसहस्रैस्तु सेनानीकैर्महाबलैः । कृष्णं हंतुं समागत्य रुरोध मथुरां पुरीम्
akṣauhiṇīsahasraistu senānīkairmahābalaiḥ | kṛṣṇaṃ haṃtuṃ samāgatya rurodha mathurāṃ purīm
Sanskrit only: no published translation is held for this verse.
रामकृष्णौ महावीर्यौ विनिर्गत्य पुरोत्तमात् । गजवाजिसमाकीर्णं तद्बलौघमपश्यताम्
rāmakṛṣṇau mahāvīryau vinirgatya purottamāt | gajavājisamākīrṇaṃ tadbalaughamapaśyatām
Sanskrit only: no published translation is held for this verse.
सस्मार वासुदेवस्तु पूर्वं रूपं सनातनम् । तस्य स्मरणमात्रेण दारुको विष्णुसारथिः
sasmāra vāsudevastu pūrvaṃ rūpaṃ sanātanam | tasya smaraṇamātreṇa dāruko viṣṇusārathiḥ
Sanskrit only: no published translation is held for this verse.
सुग्रीवपुष्पकं नाम समानीय महारथम् । वाजिभिर्दिव्यपुष्पाद्यैरुह्यमानं सनातनम्
sugrīvapuṣpakaṃ nāma samānīya mahāratham | vājibhirdivyapuṣpādyairuhyamānaṃ sanātanam
Sanskrit only: no published translation is held for this verse.
दिव्यायुधैरुपेतं तं शंखचक्रगदादिभिः । वैनतेयपताकेन शोभितं देवदुर्जयम्
divyāyudhairupetaṃ taṃ śaṃkhacakragadādibhiḥ | vainateyapatākena śobhitaṃ devadurjayam
Sanskrit only: no published translation is held for this verse.
अवनीं प्राप्य गोविंदं प्रणम्य हरिसारथिः । प्रददौ स्यंदनं शुभ्रं सायुधाश्वसमन्वितम्
avanīṃ prāpya goviṃdaṃ praṇamya harisārathiḥ | pradadau syaṃdanaṃ śubhraṃ sāyudhāśvasamanvitam
Sanskrit only: no published translation is held for this verse.
दृष्ट्वा हर्षेण कृष्णोऽपि परिणीय महारथम् । आरुरोहाग्रजेनैव स्तूयमानो मरुद्गणैः
dṛṣṭvā harṣeṇa kṛṣṇo'pi pariṇīya mahāratham | ārurohāgrajenaiva stūyamāno marudgaṇaiḥ
Sanskrit only: no published translation is held for this verse.
चतुर्भुजं वपुर्भूत्वा शंखचक्रगदासिभृत् । किरीटी कुंडली स्रग्वी संग्रामाभिमुखं ययौ
caturbhujaṃ vapurbhūtvā śaṃkhacakragadāsibhṛt | kirīṭī kuṃḍalī sragvī saṃgrāmābhimukhaṃ yayau
Sanskrit only: no published translation is held for this verse.
बलदेवोऽपि मुशलं लांगलं गृह्य वीर्यवान् । तत्सैन्यं हंतुमारेभे महेश्वर इवापरः
baladevo'pi muśalaṃ lāṃgalaṃ gṛhya vīryavān | tatsainyaṃ haṃtumārebhe maheśvara ivāparaḥ
Sanskrit only: no published translation is held for this verse.
दारुकश्च रथं शीघ्रं नोदयामास तद्रणे । तृणगुल्मलताक्रांते काननेऽग्निमिवानिलः
dārukaśca rathaṃ śīghraṃ nodayāmāsa tadraṇe | tṛṇagulmalatākrāṃte kānane'gnimivānilaḥ
Sanskrit only: no published translation is held for this verse.
ततो गदाभिः परिघैः शक्तिभिर्मुद्गरैस्तथा । तद्रथं छादयामासुर्जरासंधस्य सैनिकाः
tato gadābhiḥ parighaiḥ śaktibhirmudgaraistathā | tadrathaṃ chādayāmāsurjarāsaṃdhasya sainikāḥ
Sanskrit only: no published translation is held for this verse.
चक्रेणैव हरिस्तूर्णं तानि चिच्छेद लीलया । बहूनि तृणकाष्ठानि महावह्निरिवार्चिषा
cakreṇaiva haristūrṇaṃ tāni ciccheda līlayā | bahūni tṛṇakāṣṭhāni mahāvahnirivārciṣā
Sanskrit only: no published translation is held for this verse.
ततः शार्ङ्गं समादाय सायकैरक्षयैः शितैः । चिच्छेद तानि सैन्यानि न प्राज्ञायत किंचन
tataḥ śārṅgaṃ samādāya sāyakairakṣayaiḥ śitaiḥ | ciccheda tāni sainyāni na prājñāyata kiṃcana
Sanskrit only: no published translation is held for this verse.
चक्रच्छिन्नास्यकमलाः केचित्तत्र महाबलाः । गदया चूर्णिताः केचित्केचिदन्यैर्महारणे
cakracchinnāsyakamalāḥ kecittatra mahābalāḥ | gadayā cūrṇitāḥ kecitkecidanyairmahāraṇe
Sanskrit only: no published translation is held for this verse.
केचिच्चैवासिनाछिन्नास्तथान्ये शरताडिताः । लांगलाग्रहतग्रीवा मुशलाहतमस्तकाः
keciccaivāsināchinnāstathānye śaratāḍitāḥ | lāṃgalāgrahatagrīvā muśalāhatamastakāḥ
Sanskrit only: no published translation is held for this verse.
क्षणेन तद्बलं सर्वं निहत्य मधुसूदनः । शंखं दध्मौ यदुश्रेष्ठो लयाशनि निभस्वनम्
kṣaṇena tadbalaṃ sarvaṃ nihatya madhusūdanaḥ | śaṃkhaṃ dadhmau yaduśreṣṭho layāśani nibhasvanam
Sanskrit only: no published translation is held for this verse.
शंखरावविनिर्भिन्नहृदयास्ते महाबलाः । योधाः साश्वाः सनागाश्च पतितास्त्यक्तजीविताः
śaṃkharāvavinirbhinnahṛdayāste mahābalāḥ | yodhāḥ sāśvāḥ sanāgāśca patitāstyaktajīvitāḥ
Sanskrit only: no published translation is held for this verse.
अक्षौहिणीसहस्रं तु साश्वं सरथकुंजरम् । कृष्णेनैकेन निहतं निःशेषं तदभूद्बलम्
akṣauhiṇīsahasraṃ tu sāśvaṃ sarathakuṃjaram | kṛṣṇenaikena nihataṃ niḥśeṣaṃ tadabhūdbalam
Sanskrit only: no published translation is held for this verse.
निहतं वासुदेवेन प्रहरार्द्धेन शार्ङ्गिणा । ततो देवगणाः सर्वे हर्षनिर्भरचेतसः
nihataṃ vāsudevena praharārddhena śārṅgiṇā | tato devagaṇāḥ sarve harṣanirbharacetasaḥ
Sanskrit only: no published translation is held for this verse.
ववृषुः पुष्पवर्षाणि साधुसाध्विति चाब्रुवन् । सर्वमप्यवनीभारं विमुच्य धरणीधरः
vavṛṣuḥ puṣpavarṣāṇi sādhusādhviti cābruvan | sarvamapyavanībhāraṃ vimucya dharaṇīdharaḥ
Sanskrit only: no published translation is held for this verse.
संस्तूयमानस्त्रिदशैर्बभौ संग्राममूर्द्धनि । निहतं स्वबलं दृष्ट्वा जरासंधोऽतिवीर्यवान्
saṃstūyamānastridaśairbabhau saṃgrāmamūrddhani | nihataṃ svabalaṃ dṛṣṭvā jarāsaṃdho'tivīryavān
Sanskrit only: no published translation is held for this verse.
योद्धुमभ्याययौ तूर्णं बलदेवेन दुर्मतिः । तयोर्युद्धमभूद्धोरं संग्रामेष्वनिवर्तिनोः
yoddhumabhyāyayau tūrṇaṃ baladevena durmatiḥ | tayoryuddhamabhūddhoraṃ saṃgrāmeṣvanivartinoḥ
Sanskrit only: no published translation is held for this verse.
रामो लांगलमादाय रथं तस्य ससारथिम् । विनिपात्य रणे शूरो गृहीत्वा तं महाबलम्
rāmo lāṃgalamādāya rathaṃ tasya sasārathim | vinipātya raṇe śūro gṛhītvā taṃ mahābalam
Sanskrit only: no published translation is held for this verse.
उद्यम्य मुशलं तूर्णं तं हंतुमुपचक्रमे । प्राणसंशयमापन्नं जरासंधं नृपोत्तमम्
udyamya muśalaṃ tūrṇaṃ taṃ haṃtumupacakrame | prāṇasaṃśayamāpannaṃ jarāsaṃdhaṃ nṛpottamam
Sanskrit only: no published translation is held for this verse.
कृतं रामेण बलिना सिंहेनेव महागजम् । दृष्ट्वा कृष्णोग्रजं प्राह न हंतव्य इति प्रभुः
kṛtaṃ rāmeṇa balinā siṃheneva mahāgajam | dṛṣṭvā kṛṣṇograjaṃ prāha na haṃtavya iti prabhuḥ
Sanskrit only: no published translation is held for this verse.
मोचयामास धर्मात्मा जरासंधं महामतिः । विमुच्य कृष्णवाक्येन शत्रुं संकर्षणोऽव्ययः
mocayāmāsa dharmātmā jarāsaṃdhaṃ mahāmatiḥ | vimucya kṛṣṇavākyena śatruṃ saṃkarṣaṇo'vyayaḥ
Sanskrit only: no published translation is held for this verse.
सानुजो रथमारुह्य मथुरां प्रविवेश ह । स कालयवनं प्राप्य महावीर्यं बलान्वितम्
sānujo rathamāruhya mathurāṃ praviveśa ha | sa kālayavanaṃ prāpya mahāvīryaṃ balānvitam
Sanskrit only: no published translation is held for this verse.
पुत्रयोर्वसुदेवस्य समाचष्ट पराक्रमम् । दानवानां वधं चैव कंसस्य निधनं तथा
putrayorvasudevasya samācaṣṭa parākramam | dānavānāṃ vadhaṃ caiva kaṃsasya nidhanaṃ tathā
Sanskrit only: no published translation is held for this verse.
अक्षौहिणीनां च वधं तथा स्वस्य पराजयम् । सर्वं निवेदयामास कृष्णस्य चरितं महत्
akṣauhiṇīnāṃ ca vadhaṃ tathā svasya parājayam | sarvaṃ nivedayāmāsa kṛṣṇasya caritaṃ mahat
Sanskrit only: no published translation is held for this verse.
तच्छ्रुत्वा यवनः क्रुद्धो महाबलपराक्रमैः । म्लेच्छकोटिसहस्रैस्तु संवृतो मदसंयुतैः
tacchrutvā yavanaḥ kruddho mahābalaparākramaiḥ | mlecchakoṭisahasraistu saṃvṛto madasaṃyutaiḥ
Sanskrit only: no published translation is held for this verse.
मगधाधिपतेस्तस्य सहायार्थं महाबलः । तेनैव सहितस्तूर्णं जगाम मथुरां पुरीम्
magadhādhipatestasya sahāyārthaṃ mahābalaḥ | tenaiva sahitastūrṇaṃ jagāma mathurāṃ purīm
Sanskrit only: no published translation is held for this verse.
बलैराच्छाद्य पृथिवीं नानाजनपदान्विताम् । संनिवेश्य महासैन्यं रुरोध मथुरां पुरीम्
balairācchādya pṛthivīṃ nānājanapadānvitām | saṃniveśya mahāsainyaṃ rurodha mathurāṃ purīm
Sanskrit only: no published translation is held for this verse.
कृष्णोऽपि चिंतयित्वाऽथ पौराणां कुशलं तदा । ययाचे सागरं भूमिं निवासार्थं जनस्य च
kṛṣṇo'pi ciṃtayitvā'tha paurāṇāṃ kuśalaṃ tadā | yayāce sāgaraṃ bhūmiṃ nivāsārthaṃ janasya ca
Sanskrit only: no published translation is held for this verse.
त्रिंशद्योजनविस्तीर्णां ददौ कृष्णस्य सागरः । असृजत्पयसां मध्ये तत्र द्वारवतीं पुरीम्
triṃśadyojanavistīrṇāṃ dadau kṛṣṇasya sāgaraḥ | asṛjatpayasāṃ madhye tatra dvāravatīṃ purīm
Sanskrit only: no published translation is held for this verse.
बहुप्रासादसंयुक्तां हेमप्राकारतोरणाम् । नानामणिमयैर्दिव्यैर्गृहपंक्तिभिरावृताम्
bahuprāsādasaṃyuktāṃ hemaprākāratoraṇām | nānāmaṇimayairdivyairgṛhapaṃktibhirāvṛtām
Sanskrit only: no published translation is held for this verse.
उद्यानैश्च तथा रम्यैस्तडागैर्बहुभिर्युताम् । असृजत्पुंडरीकाक्षो यथेंद्रस्यामरावतीम्
udyānaiśca tathā ramyaistaḍāgairbahubhiryutām | asṛjatpuṃḍarīkākṣo yatheṃdrasyāmarāvatīm
Sanskrit only: no published translation is held for this verse.
सुषुप्तान्मथुरायां तु पौरांस्तत्र जनार्दनः । उद्धृत्य सहसा रात्रौ द्वारावत्यां निवेशयत्
suṣuptānmathurāyāṃ tu paurāṃstatra janārdanaḥ | uddhṛtya sahasā rātrau dvārāvatyāṃ niveśayat
Sanskrit only: no published translation is held for this verse.
प्रबुद्धास्ते जनाः सर्वे पुत्रदारसमन्विताः । हेमहर्म्यतलेविष्टा विस्मयं परमं ययुः
prabuddhāste janāḥ sarve putradārasamanvitāḥ | hemaharmyataleviṣṭā vismayaṃ paramaṃ yayuḥ
Sanskrit only: no published translation is held for this verse.
बहुभिर्धनधान्यैश्च दिव्यवस्त्रविभूषणैः । परिपूर्णैरिवाभोगैर्गृहमुख्यैः समावृताः
bahubhirdhanadhānyaiśca divyavastravibhūṣaṇaiḥ | paripūrṇairivābhogairgṛhamukhyaiḥ samāvṛtāḥ
Sanskrit only: no published translation is held for this verse.
तस्मिन्प्रहृष्टाः संतस्थुर्दिवि देवगणा इव । यवनेन तदा योद्धुं रामकृष्णौ महाबलौ
tasminprahṛṣṭāḥ saṃtasthurdivi devagaṇā iva | yavanena tadā yoddhuṃ rāmakṛṣṇau mahābalau
Sanskrit only: no published translation is held for this verse.
विनिर्ययतुरात्मेशौ मथुराया बहिस्तदा । रामो लांगलमादाय मुशलं च महारथः
viniryayaturātmeśau mathurāyā bahistadā | rāmo lāṃgalamādāya muśalaṃ ca mahārathaḥ
Sanskrit only: no published translation is held for this verse.
जघान समरे क्रुद्धो यवनानां महद्बलम् । कृष्णस्तु शार्ङ्गमासज्य बाणैरग्निशिखोपमैः
jaghāna samare kruddho yavanānāṃ mahadbalam | kṛṣṇastu śārṅgamāsajya bāṇairagniśikhopamaiḥ
Sanskrit only: no published translation is held for this verse.
निर्ददाह बलं सर्वं म्लेच्छानां देवकीसुतः । निहतं स्वबलं दृष्ट्वा स कालयवनो बली
nirdadāha balaṃ sarvaṃ mlecchānāṃ devakīsutaḥ | nihataṃ svabalaṃ dṛṣṭvā sa kālayavano balī
Sanskrit only: no published translation is held for this verse.
युयुधे वासुदेवेन गदया यवनेश्वरः । कृष्णोऽपि कदनं तेन कृत्वा चिरमनामयः ५० 6.246.50। विमुखः प्राद्रवत्तस्मात्संग्रामात्कमलेक्षणः । सोनुयातोऽतिवेगेन तिष्ठतिष्ठेति चाब्रुवन्
yuyudhe vāsudevena gadayā yavaneśvaraḥ | kṛṣṇo'pi kadanaṃ tena kṛtvā ciramanāmayaḥ 50 6.246.50| vimukhaḥ prādravattasmātsaṃgrāmātkamalekṣaṇaḥ | sonuyāto'tivegena tiṣṭhatiṣṭheti cābruvan
Sanskrit only: no published translation is held for this verse.
वेगात्कृष्णो गिरिगुहां प्रविवेश महामतिः । तत्र प्रसुप्तो राजाऽसौ मुचुकुंदो महामुनिः
vegātkṛṣṇo giriguhāṃ praviveśa mahāmatiḥ | tatra prasupto rājā'sau mucukuṃdo mahāmuniḥ
Sanskrit only: no published translation is held for this verse.
अदृश्यस्तस्य नृपतेः संस्थितो भगवान्हरिः । यवनोऽपि महावीरो गदामुद्यम्य पाणिना
adṛśyastasya nṛpateḥ saṃsthito bhagavānhariḥ | yavano'pi mahāvīro gadāmudyamya pāṇinā
Sanskrit only: no published translation is held for this verse.
कृष्णं हंतु समारब्धो गुहां तां प्रविवेश ह । दृष्ट्वा शयानं राजानं मत्वा कृष्णं जनार्दनम्
kṛṣṇaṃ haṃtu samārabdho guhāṃ tāṃ praviveśa ha | dṛṣṭvā śayānaṃ rājānaṃ matvā kṛṣṇaṃ janārdanam
Sanskrit only: no published translation is held for this verse.
पादेन ताडयामास मुचुकुंदं महामुनिम् । ततः प्रबुद्धो भगवान्मुचुकुंदो महामुनिः
pādena tāḍayāmāsa mucukuṃdaṃ mahāmunim | tataḥ prabuddho bhagavānmucukuṃdo mahāmuniḥ
Sanskrit only: no published translation is held for this verse.
क्रोधात्संरक्तनयनो हुंकारं कृतवानसौ । तस्य हुंकारशब्देन तथा क्रोधनिरीक्षणात्
krodhātsaṃraktanayano huṃkāraṃ kṛtavānasau | tasya huṃkāraśabdena tathā krodhanirīkṣaṇāt
Sanskrit only: no published translation is held for this verse.
निर्दग्धो भस्मतां प्राप यवनस्त्यक्तजीवितः । ततस्तु कृष्णो ददृशे राजर्षेः पुरतः प्रभुः
nirdagdho bhasmatāṃ prāpa yavanastyaktajīvitaḥ | tatastu kṛṣṇo dadṛśe rājarṣeḥ purataḥ prabhuḥ
Sanskrit only: no published translation is held for this verse.
नीलोत्पलदलश्यामः पुंडरीकनिभेक्षणः । शंखचक्रगदापाणिः पीतवासा जनार्दनः
nīlotpaladalaśyāmaḥ puṃḍarīkanibhekṣaṇaḥ | śaṃkhacakragadāpāṇiḥ pītavāsā janārdanaḥ
Sanskrit only: no published translation is held for this verse.
दृष्ट्वा तं सहसोत्थाय राजर्षिरमितौजसम् । अहोभाग्यमहोभाग्यमित्युवाच महामुनिः
dṛṣṭvā taṃ sahasotthāya rājarṣiramitaujasam | ahobhāgyamahobhāgyamityuvāca mahāmuniḥ
Sanskrit only: no published translation is held for this verse.
पुलकांकितसर्वांगः सानंदाश्रुजलाकुलः । स्तुवन्वै जयशब्देन प्रणनाम मुहुर्मुहुः
pulakāṃkitasarvāṃgaḥ sānaṃdāśrujalākulaḥ | stuvanvai jayaśabdena praṇanāma muhurmuhuḥ
Sanskrit only: no published translation is held for this verse.
मुचुकुंद उवाच- धन्योस्मि कृतकृत्योस्मि दर्शनात्परमेश्वर । अद्य मे सफलं जन्म जीवितं सफलं मम
mucukuṃda uvāca- dhanyosmi kṛtakṛtyosmi darśanātparameśvara | adya me saphalaṃ janma jīvitaṃ saphalaṃ mama
Sanskrit only: no published translation is held for this verse.
नमस्ते वासुदेवाय जगन्नाथाय शार्ङ्गिणे । दामोदराय देवाय तेजसां निधये नमः
namaste vāsudevāya jagannāthāya śārṅgiṇe | dāmodarāya devāya tejasāṃ nidhaye namaḥ
Sanskrit only: no published translation is held for this verse.
अधोक्षजाय हरये नृसिंहवपुषे नमः । राघवाय नमस्तुभ्यं पुंडरीकेक्षणाय च
adhokṣajāya haraye nṛsiṃhavapuṣe namaḥ | rāghavāya namastubhyaṃ puṃḍarīkekṣaṇāya ca
Sanskrit only: no published translation is held for this verse.
अच्युतायाविकाराय तथानंताय ते नमः । गोविंदाय नमस्तुभ्यं विष्णवे जिष्णवे नमः
acyutāyāvikārāya tathānaṃtāya te namaḥ | goviṃdāya namastubhyaṃ viṣṇave jiṣṇave namaḥ
Sanskrit only: no published translation is held for this verse.
नारायणाय श्रीशाय कृष्णाय परमात्मने । मुकुंदाय नमस्तुभ्यं चतुर्व्यूहाय ते नमः
nārāyaṇāya śrīśāya kṛṣṇāya paramātmane | mukuṃdāya namastubhyaṃ caturvyūhāya te namaḥ
Sanskrit only: no published translation is held for this verse.
नमः परमकल्याण नमस्ते परमात्मने । वासुदेवाय शांताय यदूनां पतये नमः
namaḥ paramakalyāṇa namaste paramātmane | vāsudevāya śāṃtāya yadūnāṃ pataye namaḥ
Sanskrit only: no published translation is held for this verse.
महेश्वर उवाच- एवं स्तुत्वा तु गोविंदं प्रणनाम पुनः पुनः । संतुष्टो भगवान्प्राह मुचुकुंदं महामुनिम्
maheśvara uvāca- evaṃ stutvā tu goviṃdaṃ praṇanāma punaḥ punaḥ | saṃtuṣṭo bhagavānprāha mucukuṃdaṃ mahāmunim
Sanskrit only: no published translation is held for this verse.
श्रीभगवानुवाच- वरं वृणीष्व राजर्षे यत्ते मनसि वर्त्तते । महेश्वर उवाच- सोऽपि मुक्तिं ययाचाथ पुनरावृत्तिवर्जिताम्
śrībhagavānuvāca- varaṃ vṛṇīṣva rājarṣe yatte manasi varttate | maheśvara uvāca- so'pi muktiṃ yayācātha punarāvṛttivarjitām
Sanskrit only: no published translation is held for this verse.
तस्मै ददौ तदा कृष्णो दिव्यं लोकं सनातनम् । राजा तु मानुषं रूपं विहायाथ महामतिः
tasmai dadau tadā kṛṣṇo divyaṃ lokaṃ sanātanam | rājā tu mānuṣaṃ rūpaṃ vihāyātha mahāmatiḥ
Sanskrit only: no published translation is held for this verse.
समानं रूपमास्थाय देवस्य परमात्मनः । वैनतेयं समारुह्य शाश्वतं पदमाविशत्
samānaṃ rūpamāsthāya devasya paramātmanaḥ | vainateyaṃ samāruhya śāśvataṃ padamāviśat
Sanskrit only: no published translation is held for this verse.