Library·Padma Purāṇa·6·6.247
रुद्र उवाच- हत्वाथ यवनं तत्र मुचुकुंदेन धीमता । दत्त्वा तस्मै वरं मुक्तिं निष्क्रांतो यदुनंदनः
rudra uvāca- hatvātha yavanaṃ tatra mucukuṃdena dhīmatā | dattvā tasmai varaṃ muktiṃ niṣkrāṃto yadunaṃdanaḥ
Sanskrit only: no published translation is held for this verse.
हतं च यवनं श्रुत्वा जरासंधः सुदुर्मतिः । ययुधे रामकृष्णाभ्यां स्वबलेन समावृतः
hataṃ ca yavanaṃ śrutvā jarāsaṃdhaḥ sudurmatiḥ | yayudhe rāmakṛṣṇābhyāṃ svabalena samāvṛtaḥ
Sanskrit only: no published translation is held for this verse.
कृष्णेन निहतं सैन्यं सर्वं तस्य दुरात्मनः । स पपात महीपृष्ठे मूर्च्छितो मगधाधिपः
kṛṣṇena nihataṃ sainyaṃ sarvaṃ tasya durātmanaḥ | sa papāta mahīpṛṣṭhe mūrcchito magadhādhipaḥ
Sanskrit only: no published translation is held for this verse.
चिरेण लब्ध्वा संज्ञां तु विह्वलांगो भयातुरः । न शशाक रणे योद्धुं रामेण मगधेश्वरः
cireṇa labdhvā saṃjñāṃ tu vihvalāṃgo bhayāturaḥ | na śaśāka raṇe yoddhuṃ rāmeṇa magadheśvaraḥ
Sanskrit only: no published translation is held for this verse.
विमुखः प्राद्रवत्तूर्णं हतशेषबलानुगः । अजेयाविति तौ मत्वा रामकृष्णौ महाबलौ
vimukhaḥ prādravattūrṇaṃ hataśeṣabalānugaḥ | ajeyāviti tau matvā rāmakṛṣṇau mahābalau
Sanskrit only: no published translation is held for this verse.
तयोर्विरोधं त्यक्त्वाथ नगरीं स्वां विवेश ह । अथ तौ वसुदेवस्य तनयौ सह सेनया
tayorvirodhaṃ tyaktvātha nagarīṃ svāṃ viveśa ha | atha tau vasudevasya tanayau saha senayā
Sanskrit only: no published translation is held for this verse.
मथुरां त्यज्य नगरीं प्रविष्टौ द्वारिकां पुरीम् । इंद्रेण प्रेषितो वायुः सभां तत्र दिवौकसाम्
mathurāṃ tyajya nagarīṃ praviṣṭau dvārikāṃ purīm | iṃdreṇa preṣito vāyuḥ sabhāṃ tatra divaukasām
Sanskrit only: no published translation is held for this verse.
कृष्णाय प्रददौ प्रीत्या निर्मितां विश्वकर्मणा । वज्रवैडूर्यरचितां बह्वासनविचित्रिताम्
kṛṣṇāya pradadau prītyā nirmitāṃ viśvakarmaṇā | vajravaiḍūryaracitāṃ bahvāsanavicitritām
Sanskrit only: no published translation is held for this verse.
नानारत्नमयैर्दिव्यैः स्वर्णच्छत्रैर्विराजिताम् । तां प्राप्य रम्यां तु सभामुग्रसेनादयो नृपाः
nānāratnamayairdivyaiḥ svarṇacchatrairvirājitām | tāṃ prāpya ramyāṃ tu sabhāmugrasenādayo nṛpāḥ
Sanskrit only: no published translation is held for this verse.
मोदंते नैगमैः सार्द्धं दिवि देवगणा इव । इक्ष्वाकुवंशसंभूतो रैवतो नाम पार्थिवः
modaṃte naigamaiḥ sārddhaṃ divi devagaṇā iva | ikṣvākuvaṃśasaṃbhūto raivato nāma pārthivaḥ
Sanskrit only: no published translation is held for this verse.
कन्यां दुहितरं स्वस्य सर्वलक्षणसंयुताम् । रामाय प्रददौ प्रीत्या रेवती नाम नामतः
kanyāṃ duhitaraṃ svasya sarvalakṣaṇasaṃyutām | rāmāya pradadau prītyā revatī nāma nāmataḥ
Sanskrit only: no published translation is held for this verse.
उपयेमे विधानेन स रामस्तां च रेवतीम् । रमयामास च तया शच्या इव सुरेश्वरः
upayeme vidhānena sa rāmastāṃ ca revatīm | ramayāmāsa ca tayā śacyā iva sureśvaraḥ
Sanskrit only: no published translation is held for this verse.
विदर्भराजो धर्मात्मा भीष्मको नाम धार्मिकः । बभूवुस्तस्य पुत्रास्तु रुक्मप्रभृतयः शुभाः
vidarbharājo dharmātmā bhīṣmako nāma dhārmikaḥ | babhūvustasya putrāstu rukmaprabhṛtayaḥ śubhāḥ
Sanskrit only: no published translation is held for this verse.
तेषामवरजा कन्या रुक्मिणी वरवर्णिनी । कमलांशेन संभूता सर्वलक्षणसंयुता
teṣāmavarajā kanyā rukmiṇī varavarṇinī | kamalāṃśena saṃbhūtā sarvalakṣaṇasaṃyutā
Sanskrit only: no published translation is held for this verse.
राघवत्वेभवत्सीता रुक्मिणी कृष्णजन्मनि । अन्येष्वेवावतारेषु विष्णोरेषा सहायिनी
rāghavatvebhavatsītā rukmiṇī kṛṣṇajanmani | anyeṣvevāvatāreṣu viṣṇoreṣā sahāyinī
Sanskrit only: no published translation is held for this verse.
हिरण्यक हिरण्याक्षौ संभूतौ द्वापरे पुनः । शिशुपालो दंतवक्त्र इति नाम समन्वितौ
hiraṇyaka hiraṇyākṣau saṃbhūtau dvāpare punaḥ | śiśupālo daṃtavaktra iti nāma samanvitau
Sanskrit only: no published translation is held for this verse.
चैद्यान्वये समुद्भूतौ महाबलपराक्रमौ । रुक्मिणी शिशुपालाय दातुमैच्छत्तदात्मजः
caidyānvaye samudbhūtau mahābalaparākramau | rukmiṇī śiśupālāya dātumaicchattadātmajaḥ
Sanskrit only: no published translation is held for this verse.
तं नेच्छती पतिं सा तु शिशुपालं शुभानना । बाल्यात्प्रभृति वै विष्णुमनुरक्ता दृढव्रता
taṃ necchatī patiṃ sā tu śiśupālaṃ śubhānanā | bālyātprabhṛti vai viṣṇumanuraktā dṛḍhavratā
Sanskrit only: no published translation is held for this verse.
उद्दिश्य कृष्णं भर्त्तारं सुराणामर्चनं सदा । चकार रुक्मिणी कन्या दानानि विविधानि च
uddiśya kṛṣṇaṃ bharttāraṃ surāṇāmarcanaṃ sadā | cakāra rukmiṇī kanyā dānāni vividhāni ca
Sanskrit only: no published translation is held for this verse.
व्रतचर्यापराभूत्वा ध्यायंती पुरुषोत्तमम् । आत्मेशं स्वस्य भर्तारमुवास पितृमंदिरे
vratacaryāparābhūtvā dhyāyaṃtī puruṣottamam | ātmeśaṃ svasya bhartāramuvāsa pitṛmaṃdire
Sanskrit only: no published translation is held for this verse.
कर्त्तुं तां शिशुपालाय विवाहं पार्थिवोत्तमः । चकार यत्नं पुत्रेण रुक्मिणा सविधीमता
karttuṃ tāṃ śiśupālāya vivāhaṃ pārthivottamaḥ | cakāra yatnaṃ putreṇa rukmiṇā savidhīmatā
Sanskrit only: no published translation is held for this verse.
पुरोहितसुतं विप्रं प्रेषयामास रुक्मिणी । उद्दिश्य कृष्णं भर्त्तारं स तूर्णं द्वारकां ययौ
purohitasutaṃ vipraṃ preṣayāmāsa rukmiṇī | uddiśya kṛṣṇaṃ bharttāraṃ sa tūrṇaṃ dvārakāṃ yayau
Sanskrit only: no published translation is held for this verse.
समेत्य कृष्णं रामं च ताभ्यां विधिवदर्चितः । एकांते सर्वमाचष्ट रुक्मिणीभाषितं तयोः
sametya kṛṣṇaṃ rāmaṃ ca tābhyāṃ vidhivadarcitaḥ | ekāṃte sarvamācaṣṭa rukmiṇībhāṣitaṃ tayoḥ
Sanskrit only: no published translation is held for this verse.
तच्छ्रुत्वा रामकृष्णौ तु तेन विप्रेण धीमता । सर्वशस्त्रास्त्रसंपूर्णं रथमाकाशगं प्रभुः
tacchrutvā rāmakṛṣṇau tu tena vipreṇa dhīmatā | sarvaśastrāstrasaṃpūrṇaṃ rathamākāśagaṃ prabhuḥ
Sanskrit only: no published translation is held for this verse.
आरुह्य सूतमुख्येन दारुकेण महात्मना । विदर्भनगरीं तूर्णं जग्मतुः पुरुषोत्तमौ
āruhya sūtamukhyena dārukeṇa mahātmanā | vidarbhanagarīṃ tūrṇaṃ jagmatuḥ puruṣottamau
Sanskrit only: no published translation is held for this verse.
राजानः सर्वराष्ट्रेभ्यो विवाहं द्रष्टुमागताः । जरासंधमुखाः सर्वे शिशुपालस्य धीमतः
rājānaḥ sarvarāṣṭrebhyo vivāhaṃ draṣṭumāgatāḥ | jarāsaṃdhamukhāḥ sarve śiśupālasya dhīmataḥ
Sanskrit only: no published translation is held for this verse.
तस्मिन्नुद्वाहसमये रुक्मिणी रुक्मभूषणा । दुर्गां निःसृतार्चयितुं सखीभिर्नगराद्बहिः
tasminnudvāhasamaye rukmiṇī rukmabhūṣaṇā | durgāṃ niḥsṛtārcayituṃ sakhībhirnagarādbahiḥ
Sanskrit only: no published translation is held for this verse.
एतस्मिन्नेव काले तु संप्राप्तो देवकीसुतः । रथस्थां तां च जग्राह बलवान्मधुसूदनः
etasminneva kāle tu saṃprāpto devakīsutaḥ | rathasthāṃ tāṃ ca jagrāha balavānmadhusūdanaḥ
Sanskrit only: no published translation is held for this verse.
सहसा रथमारोप्य ययौ तूर्णं स्वमालयम् । ततः क्रोधसमाविष्टा जरासंधमुखा नृपाः
sahasā rathamāropya yayau tūrṇaṃ svamālayam | tataḥ krodhasamāviṣṭā jarāsaṃdhamukhā nṛpāḥ
Sanskrit only: no published translation is held for this verse.
रुक्मिणा राजपुत्रेण युद्धाय समुपस्थिताः । अनुयाता हरिं क्रुद्धाश्चतुरंगबलान्विताः
rukmiṇā rājaputreṇa yuddhāya samupasthitāḥ | anuyātā hariṃ kruddhāścaturaṃgabalānvitāḥ
Sanskrit only: no published translation is held for this verse.
बलभद्रो महाबाहुरवरुह्य रथोत्तमात् । लांगलं मुशलं गृह्य निजघान क्षणादरीन्
balabhadro mahābāhuravaruhya rathottamāt | lāṃgalaṃ muśalaṃ gṛhya nijaghāna kṣaṇādarīn
Sanskrit only: no published translation is held for this verse.
रथानश्वान्महानागांस्तथा पादचरानपि । लांगलमुशलाम्यां वै निजघान बलाद्रणे
rathānaśvānmahānāgāṃstathā pādacarānapi | lāṃgalamuśalāmyāṃ vai nijaghāna balādraṇe
Sanskrit only: no published translation is held for this verse.
तस्य लांगलपातेन चूर्णिता रथपंक्तयः । नागाश्च पतिता भूमौ वज्रेणेव महीधराः
tasya lāṃgalapātena cūrṇitā rathapaṃktayaḥ | nāgāśca patitā bhūmau vajreṇeva mahīdharāḥ
Sanskrit only: no published translation is held for this verse.
निर्भिन्नमस्तकाः सर्वे वमंतो रुधिरं बहु । क्षणेनैव हतं सैन्यं बलरामेण वै तदा
nirbhinnamastakāḥ sarve vamaṃto rudhiraṃ bahu | kṣaṇenaiva hataṃ sainyaṃ balarāmeṇa vai tadā
Sanskrit only: no published translation is held for this verse.
साश्वं सनागं सरथं सपदातिं महारणे । समंतात्समरे तत्र सुस्रुवुः शोणितापगाः
sāśvaṃ sanāgaṃ sarathaṃ sapadātiṃ mahāraṇe | samaṃtātsamare tatra susruvuḥ śoṇitāpagāḥ
Sanskrit only: no published translation is held for this verse.
प्रभग्नाः पार्थिवाः सर्वे दुद्रुवुर्भयपीडिताः । कृष्णेन कदनं चक्रे रुक्मी क्रोधवशाद्बली
prabhagnāḥ pārthivāḥ sarve dudruvurbhayapīḍitāḥ | kṛṣṇena kadanaṃ cakre rukmī krodhavaśādbalī
Sanskrit only: no published translation is held for this verse.
धनुरुद्यम्य बाणौघैस्ताडयामास शार्ङ्गिणम् । ततः प्रहस्य गोविंदः शार्ङ्गमादाय लीलया
dhanurudyamya bāṇaughaistāḍayāmāsa śārṅgiṇam | tataḥ prahasya goviṃdaḥ śārṅgamādāya līlayā
Sanskrit only: no published translation is held for this verse.
जघानैकेनबाणेन रथाश्वांस्तस्य सारथिम् । रथंध्वजं पताकां च चिच्छेद धरणीधरः
jaghānaikenabāṇena rathāśvāṃstasya sārathim | rathaṃdhvajaṃ patākāṃ ca ciccheda dharaṇīdharaḥ
Sanskrit only: no published translation is held for this verse.
विरथः खङ्गमादाय धरण्यां स उपस्थितः । कृष्णस्तु खङ्गं चिच्छेद बाणेनैकेन वीर्यवान्
virathaḥ khaṅgamādāya dharaṇyāṃ sa upasthitaḥ | kṛṣṇastu khaṅgaṃ ciccheda bāṇenaikena vīryavān
Sanskrit only: no published translation is held for this verse.
ततः स मुष्टिमुद्यम्य कृष्णं वक्षस्यताडयत् । तं जग्राह रणे वीरं निबध्य निबिडं हरिः
tataḥ sa muṣṭimudyamya kṛṣṇaṃ vakṣasyatāḍayat | taṃ jagrāha raṇe vīraṃ nibadhya nibiḍaṃ hariḥ
Sanskrit only: no published translation is held for this verse.
तीक्ष्णं क्षुरप्रमादाय प्रहसन्मधुसूदनः । शिरसो मुंडनं कृत्वा मुमोच च जनार्दनः
tīkṣṇaṃ kṣurapramādāya prahasanmadhusūdanaḥ | śiraso muṃḍanaṃ kṛtvā mumoca ca janārdanaḥ
Sanskrit only: no published translation is held for this verse.
स तु शोकसमाविष्टो निःश्वसन्नुरगो यथा । आविवेश पुरं स्वीयं स तु तत्रैव चावसत्
sa tu śokasamāviṣṭo niḥśvasannurago yathā | āviveśa puraṃ svīyaṃ sa tu tatraiva cāvasat
Sanskrit only: no published translation is held for this verse.