Padma Purāṇa 6.250

श्रीरुद्र उवाच- रुक्मिण्यां कृष्णस्य प्रद्युम्नो मदनांशेन जज्ञे

śrīrudra uvāca- rukmiṇyāṃ kṛṣṇasya pradyumno madanāṃśena jajñe

Sanskrit only: no published translation is held for this verse.

असौ मदनसंभूतो महाबलः शंबरं जघ्निवान्

asau madanasaṃbhūto mahābalaḥ śaṃbaraṃ jaghnivān

Sanskrit only: no published translation is held for this verse.

तस्य रुक्मिणः सुतायामनिरुद्धो जज्ञे

tasya rukmiṇaḥ sutāyāmaniruddho jajñe

Sanskrit only: no published translation is held for this verse.

सोऽपि बाणपुत्रीमुषां नाम कन्यामुपयेमे

so'pi bāṇaputrīmuṣāṃ nāma kanyāmupayeme

Sanskrit only: no published translation is held for this verse.

सा तु स्वप्ने नीलोत्पलदलश्यामं पुंडरीकनिभेक्षणं महाबाहुं विचित्राभरणोपेतं षोडशसमायथावदुपभुज्य प्रबुध्य तं पुरतो न दृष्ट्वा मदनेनपीडिता भ्रांतचित्ता मां तु त्यक्त्वा वयस्कं रक्तारविंदवक्त्रं क्वासि क्व यासीति बहुधा विललाप

sā tu svapne nīlotpaladalaśyāmaṃ puṃḍarīkanibhekṣaṇaṃ mahābāhuṃ vicitrābharaṇopetaṃ ṣoḍaśasamāyathāvadupabhujya prabudhya taṃ purato na dṛṣṭvā madanenapīḍitā bhrāṃtacittā māṃ tu tyaktvā vayaskaṃ raktāraviṃdavaktraṃ kvāsi kva yāsīti bahudhā vilalāpa

Sanskrit only: no published translation is held for this verse.

ततस्तस्याः सखी चित्रलेखेति नाम कन्यां तादृशीमवस्थां गतां विलोक्य किंनिमित्त विभ्रांतचित्तासीति पप्रच्छ

tatastasyāḥ sakhī citralekheti nāma kanyāṃ tādṛśīmavasthāṃ gatāṃ vilokya kiṃnimitta vibhrāṃtacittāsīti papraccha

Sanskrit only: no published translation is held for this verse.

सापि स्वप्नलब्धं पतिं यथावदाचष्ट

sāpi svapnalabdhaṃ patiṃ yathāvadācaṣṭa

Sanskrit only: no published translation is held for this verse.

सापि सकलदेवमानुषादिश्रेष्ठान्पटे विलिख्य तस्यै दर्शयामास

sāpi sakaladevamānuṣādiśreṣṭhānpaṭe vilikhya tasyai darśayāmāsa

Sanskrit only: no published translation is held for this verse.

यदुवंशसंभूतान्कृष्णसंकर्षणप्रद्युम्नानिरुद्धादीनपि सम्यङिनवेदयामास

yaduvaṃśasaṃbhūtānkṛṣṇasaṃkarṣaṇapradyumnāniruddhādīnapi samyaṅinavedayāmāsa

Sanskrit only: no published translation is held for this verse.

सा तेषां कृष्णमनुमान्य प्रद्युम्नानंतरमनिरुद्धं दृष्ट्वा स इत्येष इत्यालिलिंग

sā teṣāṃ kṛṣṇamanumānya pradyumnānaṃtaramaniruddhaṃ dṛṣṭvā sa ityeṣa ityāliliṃga

Sanskrit only: no published translation is held for this verse.

अथ चित्रलेखा बह्वीभिर्मायावतीभिर्दैत्यस्त्रीभिर्द्वारवतीं गत्वा रात्रावंतःपुरे सुप्तमनिरुद्धं। दृष्ट्वा गृहीत्वा मोहयित्वा माहिष्मत्यां बाणस्यांतःपुरे चैत्यप्रासादादियुक्ते तस्या बाणपुत्र्याः शय्यायां चिक्षेप

atha citralekhā bahvībhirmāyāvatībhirdaityastrībhirdvāravatīṃ gatvā rātrāvaṃtaḥpure suptamaniruddhaṃ| dṛṣṭvā gṛhītvā mohayitvā māhiṣmatyāṃ bāṇasyāṃtaḥpure caityaprāsādādiyukte tasyā bāṇaputryāḥ śayyāyāṃ cikṣepa

Sanskrit only: no published translation is held for this verse.

सोऽपि प्रबुद्धोतिरम्येऽनंगपावके संस्थितामुषां सर्वलक्षणलक्षितां विचित्राभरणवसनगंधमाल्यालंकृतां कांचनवर्णां सुकेशीं सुजातस्तनीं दृष्ट्वा गाढमालिंग्य करिण्या गंधहस्तीव तयातिप्रीतिसंयुक्तया यथासुखं रमयामास

so'pi prabuddhotiramye'naṃgapāvake saṃsthitāmuṣāṃ sarvalakṣaṇalakṣitāṃ vicitrābharaṇavasanagaṃdhamālyālaṃkṛtāṃ kāṃcanavarṇāṃ sukeśīṃ sujātastanīṃ dṛṣṭvā gāḍhamāliṃgya kariṇyā gaṃdhahastīva tayātiprītisaṃyuktayā yathāsukhaṃ ramayāmāsa

Sanskrit only: no published translation is held for this verse.

एवं मासमात्रं निरंतरतयानिरुद्धं रममाणं कदाचिदंतःपुरनिवासिन्यो वृद्धा दैत्यस्त्रियो ज्ञात्वा राज्ञे निवेदयामासुः

evaṃ māsamātraṃ niraṃtaratayāniruddhaṃ ramamāṇaṃ kadācidaṃtaḥpuranivāsinyo vṛddhā daityastriyo jñātvā rājñe nivedayāmāsuḥ

Sanskrit only: no published translation is held for this verse.

स राजा क्रोधताम्राक्षः परं विस्मयं गत्वा तमिहानयतेति पुरः किंकरान्प्रेषयामास

sa rājā krodhatāmrākṣaḥ paraṃ vismayaṃ gatvā tamihānayateti puraḥ kiṃkarānpreṣayāmāsa

Sanskrit only: no published translation is held for this verse.

तेऽपि तूर्णं नृपप्रासादमारुह्य राजपुत्र्याः शयने संस्थितमनिरुद्धं ग्रहीतुमाजग्मुः

te'pi tūrṇaṃ nṛpaprāsādamāruhya rājaputryāḥ śayane saṃsthitamaniruddhaṃ grahītumājagmuḥ

Sanskrit only: no published translation is held for this verse.

स तान्समारब्धान्दृष्ट्वा प्रासादस्तंभमेकं हेलयोत्पाट्य नियुतसंख्याकान् किंकरान्मुहूर्तमात्रणैव स्तंभेन चूर्णितमात्रं चकार

sa tānsamārabdhāndṛṣṭvā prāsādastaṃbhamekaṃ helayotpāṭya niyutasaṃkhyākān kiṃkarānmuhūrtamātraṇaiva staṃbhena cūrṇitamātraṃ cakāra

Sanskrit only: no published translation is held for this verse.

अथ दैत्यपतिर्निहतान्किंकरान्दृष्ट्वा कौतूहलं गत्वा असौ श्रीकृष्णपौत्र इति देवर्षिणा प्रोक्तो धनुरादाय स्वयमेवानिरुद्धं ग्रहीतुं तत्समीपमाजगाम

atha daityapatirnihatānkiṃkarāndṛṣṭvā kautūhalaṃ gatvā asau śrīkṛṣṇapautra iti devarṣiṇā prokto dhanurādāya svayamevāniruddhaṃ grahītuṃ tatsamīpamājagāma

Sanskrit only: no published translation is held for this verse.

अनिरुद्धोऽपि योद्भुमायांतं सहस्रबाहुं राजानं दृष्ट्वा तत्परिघं भ्रामयित्वा बाणस्योपरि चिक्षेप

aniruddho'pi yodbhumāyāṃtaṃ sahasrabāhuṃ rājānaṃ dṛṣṭvā tatparighaṃ bhrāmayitvā bāṇasyopari cikṣepa

Sanskrit only: no published translation is held for this verse.

स्वचापनिर्मुक्तेन बाणेन तं परिघं चिच्छेद

svacāpanirmuktena bāṇena taṃ parighaṃ ciccheda

Sanskrit only: no published translation is held for this verse.

अनंतरमुरगास्त्रेण अनिरुद्धं निबिडं बद्ध्वा स्वांतःपुरे निवेशयामास

anaṃtaramuragāstreṇa aniruddhaṃ nibiḍaṃ baddhvā svāṃtaḥpure niveśayāmāsa

Sanskrit only: no published translation is held for this verse.

अथ कृष्णोप्येवंविधमेव देवर्षिणा ज्ञात्वा बलदेवप्रद्युम्नसहितः स्वसेनया विहंगमेंद्रमारुह्य तस्यबाणस्य भुजवनं छेत्तुमाजगाम

atha kṛṣṇopyevaṃvidhameva devarṣiṇā jñātvā baladevapradyumnasahitaḥ svasenayā vihaṃgameṃdramāruhya tasyabāṇasya bhujavanaṃ chettumājagāma

Sanskrit only: no published translation is held for this verse.

बलिपुत्रेण पुरा शंकरोऽर्चितः प्रसन्नो वरं वृणीष्वेत्युवाच

baliputreṇa purā śaṃkaro'rcitaḥ prasanno varaṃ vṛṇīṣvetyuvāca

Sanskrit only: no published translation is held for this verse.

तमीश्वरं बाणो मम पुरद्वारिरक्षार्थं सर्वदोपविश्य समागतं परसैन्यं जहीत्येवं वरमयाचत२३। तं तथेत्युक्त्वा शंकरोऽपि तस्य पुरद्वारि सायुधः सपुत्रः सगणः समासीनस्तस्मिन्नेव काले रुषा स्वसेनया समागतं वासुदेवं दृष्ट्वा वृषमारुह्य सर्वायुधोपेतः स्वपुत्रगणसंवृतो योद्धुं निश्चक्राम

tamīśvaraṃ bāṇo mama puradvārirakṣārthaṃ sarvadopaviśya samāgataṃ parasainyaṃ jahītyevaṃ varamayācata23| taṃ tathetyuktvā śaṃkaro'pi tasya puradvāri sāyudhaḥ saputraḥ sagaṇaḥ samāsīnastasminneva kāle ruṣā svasenayā samāgataṃ vāsudevaṃ dṛṣṭvā vṛṣamāruhya sarvāyudhopetaḥ svaputragaṇasaṃvṛto yoddhuṃ niścakrāma

Sanskrit only: no published translation is held for this verse.

कृष्णोऽपि तं भूतपतिं गजचर्मकपालभस्मधरं ज्वलितोरगाकल्पं पिंगलं त्रिलोचनं त्रिशूलधरं सर्वभूतगणसंहृतिकर्त्तारं सर्वभूतभयावहं संवर्त्ताग्निप्रभं पुत्रद्वयसमन्वितं समस्तगणावृतं त्रिपुरांतकं दृष्ट्वा सेनां सुदूरे पृष्ठतो निवेश्य बलभद्र प्रद्युम्नसहितस्तेन रुद्रे ण सह प्रहसन्निव योद्धुमारेभे

kṛṣṇo'pi taṃ bhūtapatiṃ gajacarmakapālabhasmadharaṃ jvalitoragākalpaṃ piṃgalaṃ trilocanaṃ triśūladharaṃ sarvabhūtagaṇasaṃhṛtikarttāraṃ sarvabhūtabhayāvahaṃ saṃvarttāgniprabhaṃ putradvayasamanvitaṃ samastagaṇāvṛtaṃ tripurāṃtakaṃ dṛṣṭvā senāṃ sudūre pṛṣṭhato niveśya balabhadra pradyumnasahitastena rudre ṇa saha prahasanniva yoddhumārebhe

Sanskrit only: no published translation is held for this verse.

प्रथमं तदभूद्घोरं कृष्णशंकरयोस्तदा । पिनाकशार्ङ्गनिर्मुक्तैर्बाणैः संवर्त्तकोपमैः

prathamaṃ tadabhūdghoraṃ kṛṣṇaśaṃkarayostadā | pinākaśārṅganirmuktairbāṇaiḥ saṃvarttakopamaiḥ

Sanskrit only: no published translation is held for this verse.

रामोऽपि चक्रे बाणेन प्रद्युम्नः षण्मुखेन च । युयुधाते महावीर्यौ सिंहाविव बलोत्कटौ

rāmo'pi cakre bāṇena pradyumnaḥ ṣaṇmukhena ca | yuyudhāte mahāvīryau siṃhāviva balotkaṭau

Sanskrit only: no published translation is held for this verse.

विनायकः स्वदंतेन जघानोरसि यादवम् । रामो मुशलमादाय तस्य दंतमताडयत्

vināyakaḥ svadaṃtena jaghānorasi yādavam | rāmo muśalamādāya tasya daṃtamatāḍayat

Sanskrit only: no published translation is held for this verse.

निर्भिन्नदंतः सहसा प्रदुद्रावाखुवाहनः । तदाप्रभृति लोकेऽस्मिन्हतदंतो गणेश्वरः

nirbhinnadaṃtaḥ sahasā pradudrāvākhuvāhanaḥ | tadāprabhṛti loke'sminhatadaṃto gaṇeśvaraḥ

Sanskrit only: no published translation is held for this verse.

देवदानवगंधर्वैरेकदंतइतीरितः । प्रद्युम्नेन समं युद्धं चकार शिखिवाहनः

devadānavagaṃdharvairekadaṃtaitīritaḥ | pradyumnena samaṃ yuddhaṃ cakāra śikhivāhanaḥ

Sanskrit only: no published translation is held for this verse.

गणान्विद्रावयामास मुशलेन हलायुधः । कृष्णेन सुचिरं कालं युद्धासौ नीललोहितः

gaṇānvidrāvayāmāsa muśalena halāyudhaḥ | kṛṣṇena suciraṃ kālaṃ yuddhāsau nīlalohitaḥ

Sanskrit only: no published translation is held for this verse.

तापज्वरं महादीप्तमस्मिन्संयोज्य सायके । कोपान्मुमोच तदसौ भृशं संरक्तलोचनः

tāpajvaraṃ mahādīptamasminsaṃyojya sāyake | kopānmumoca tadasau bhṛśaṃ saṃraktalocanaḥ

Sanskrit only: no published translation is held for this verse.

तदस्त्रं वारयामास कृष्णः शीतज्वरेण तु । ताभ्यां हरिहराभ्यां तु विसृष्टौ ताविमौ ज्वरौ

tadastraṃ vārayāmāsa kṛṣṇaḥ śītajvareṇa tu | tābhyāṃ hariharābhyāṃ tu visṛṣṭau tāvimau jvarau

Sanskrit only: no published translation is held for this verse.

विशतुर्मानुषे लोके तयोरेवाज्ञया भृशम् । हरिशंकरयोर्युद्धं ये तु शृण्वंति मानवाः

viśaturmānuṣe loke tayorevājñayā bhṛśam | hariśaṃkarayoryuddhaṃ ye tu śṛṇvaṃti mānavāḥ

Sanskrit only: no published translation is held for this verse.

ते सर्वे ज्वरनिर्मुक्ताः प्राप्नुवंति निरामयम् । ततः स तु हृषीकेशो मोहनास्त्रं दुरासदम्

te sarve jvaranirmuktāḥ prāpnuvaṃti nirāmayam | tataḥ sa tu hṛṣīkeśo mohanāstraṃ durāsadam

Sanskrit only: no published translation is held for this verse.

नियुज्य बाणं भूतेशे मुमोच मधुसूदनः । मुहुर्मुहुर्व्यजृंभद्वै तेनास्त्रेण विमोहितः

niyujya bāṇaṃ bhūteśe mumoca madhusūdanaḥ | muhurmuhurvyajṛṃbhadvai tenāstreṇa vimohitaḥ

Sanskrit only: no published translation is held for this verse.

पपात मूर्च्छितो भूमौ शंकरस्त्रिदशेश्वरः । पितरं मोहितं दृष्ट्वा शक्तिमुद्यम्य वीर्यवान्

papāta mūrcchito bhūmau śaṃkarastridaśeśvaraḥ | pitaraṃ mohitaṃ dṛṣṭvā śaktimudyamya vīryavān

Sanskrit only: no published translation is held for this verse.

योद्धुमभ्याययौ कृष्णं षण्मुखः शिखिवाहनः । हुंकारेणैव तं कृष्णश्चकारात्र पराङ्मुखम्

yoddhumabhyāyayau kṛṣṇaṃ ṣaṇmukhaḥ śikhivāhanaḥ | huṃkāreṇaiva taṃ kṛṣṇaścakārātra parāṅmukham

Sanskrit only: no published translation is held for this verse.

एवं जित्वा यदुश्रेष्ठः शूलपाणिं त्रिलोचनम् । महास्वनं पांचजन्यं शंखं दध्मौ प्रतापवान्

evaṃ jitvā yaduśreṣṭhaḥ śūlapāṇiṃ trilocanam | mahāsvanaṃ pāṃcajanyaṃ śaṃkhaṃ dadhmau pratāpavān

Sanskrit only: no published translation is held for this verse.

कृष्णेन निर्जितं श्रुत्वा सात्मजं शंकरं तदा । बाणः स्यंदनमास्थाय ययौ युद्धाय केशवम्

kṛṣṇena nirjitaṃ śrutvā sātmajaṃ śaṃkaraṃ tadā | bāṇaḥ syaṃdanamāsthāya yayau yuddhāya keśavam

Sanskrit only: no published translation is held for this verse.

स दृष्ट्वा सहसा कृष्णं गरुडोपरिसंस्थितम् । छादयामास गोविंदं बहुशस्त्रास्त्रवृष्टिभिः

sa dṛṣṭvā sahasā kṛṣṇaṃ garuḍoparisaṃsthitam | chādayāmāsa goviṃdaṃ bahuśastrāstravṛṣṭibhiḥ

Sanskrit only: no published translation is held for this verse.

गदाभिः परिघैः शूलैः शक्तिभिस्तोमरैरपि । भिंडिपालैश्च खङ्गैश्च चक्रैर्बाणैर्निरंतरम्

gadābhiḥ parighaiḥ śūlaiḥ śaktibhistomarairapi | bhiṃḍipālaiśca khaṅgaiśca cakrairbāṇairniraṃtaram

Sanskrit only: no published translation is held for this verse.

तानि सर्वाणि चिच्छेद चक्रेणैव जनार्दनः । ससर्ज तस्य बाहूनां छेदनार्थं सुदर्शनम्

tāni sarvāṇi ciccheda cakreṇaiva janārdanaḥ | sasarja tasya bāhūnāṃ chedanārthaṃ sudarśanam

Sanskrit only: no published translation is held for this verse.

मुक्तं दनुजराजस्य सहस्रारं सुदर्शनम् । तद्बाहुकाननं तूर्णं छिन्नं चक्रे सहस्रधा

muktaṃ danujarājasya sahasrāraṃ sudarśanam | tadbāhukānanaṃ tūrṇaṃ chinnaṃ cakre sahasradhā

Sanskrit only: no published translation is held for this verse.

एतस्मिन्नंतरे देवि पार्वती संशितव्रता । हरेः समीपमागत्य कृतांजलिरभाषत

etasminnaṃtare devi pārvatī saṃśitavratā | hareḥ samīpamāgatya kṛtāṃjalirabhāṣata

Sanskrit only: no published translation is held for this verse.

पार्वत्युवाच- कृष्णकृष्ण जगन्नाथ नारायण दयानिधे । दास्यस्मि तव देवेश पूर्वभावे यदूत्तम

pārvatyuvāca- kṛṣṇakṛṣṇa jagannātha nārāyaṇa dayānidhe | dāsyasmi tava deveśa pūrvabhāve yadūttama

Sanskrit only: no published translation is held for this verse.

त्वया दत्तं वरं मह्यं तदा कौशलपर्वते । सौभाग्यं शाश्वतं सौम्य प्रसन्नेन महात्मना

tvayā dattaṃ varaṃ mahyaṃ tadā kauśalaparvate | saubhāgyaṃ śāśvataṃ saumya prasannena mahātmanā

Sanskrit only: no published translation is held for this verse.

तव मुख्यं सहस्रस्य नाम्नामन्यतमं विभो । गौरीसौभाग्यदातेति मुनिभिः परिकीर्तितम्

tava mukhyaṃ sahasrasya nāmnāmanyatamaṃ vibho | gaurīsaubhāgyadāteti munibhiḥ parikīrtitam

Sanskrit only: no published translation is held for this verse.

तत्सत्यं कुरु गोविंद गरुडारूढ शाश्वत । तस्मान्मम पतिं देव त्वं जीवयितुमर्हसि

tatsatyaṃ kuru goviṃda garuḍārūḍha śāśvata | tasmānmama patiṃ deva tvaṃ jīvayitumarhasi

Sanskrit only: no published translation is held for this verse.

रुद्र उवाच- एवमुक्तस्ततो देव्या कृष्णः कमललोचनः । अस्त्रं संहारयामास येनासौ मोहितः पतिः ५० 6.250.50। कृष्णास्त्रेण विनिर्मुक्तः सर्वभूतपतिः शिवः । उत्थाय प्रांजलिर्भूत्वा तुष्टाव जगतां पतिम्

rudra uvāca- evamuktastato devyā kṛṣṇaḥ kamalalocanaḥ | astraṃ saṃhārayāmāsa yenāsau mohitaḥ patiḥ 50 6.250.50| kṛṣṇāstreṇa vinirmuktaḥ sarvabhūtapatiḥ śivaḥ | utthāya prāṃjalirbhūtvā tuṣṭāva jagatāṃ patim

Sanskrit only: no published translation is held for this verse.

शंकर उवाच- कृष्णकृष्ण जगन्नाथ भगवन्पुरुषोत्तम । परेश परमेशान अनादिनिधनाव्यय

śaṃkara uvāca- kṛṣṇakṛṣṇa jagannātha bhagavanpuruṣottama | pareśa parameśāna anādinidhanāvyaya

Sanskrit only: no published translation is held for this verse.

तीव्रवीर्यं मनुष्येषु शरीरग्रहणात्मिका । सर्वस्य तव चेष्टेयं मानलक्षणमेव तत्

tīvravīryaṃ manuṣyeṣu śarīragrahaṇātmikā | sarvasya tava ceṣṭeyaṃ mānalakṣaṇameva tat

Sanskrit only: no published translation is held for this verse.

प्रसीद मे नमस्तुभ्यं प्रसीद मम शाश्वत । प्रसीद मे जगत्स्वामिन्प्रसीदाच्युत केशव

prasīda me namastubhyaṃ prasīda mama śāśvata | prasīda me jagatsvāminprasīdācyuta keśava

Sanskrit only: no published translation is held for this verse.

त्वमेव जगतां स्रष्टा धाता हर्त्ता जगद्गुरुः । त्वमेव चिदचिद्वस्तुरूपं ब्रह्म सुरेश्वर

tvameva jagatāṃ sraṣṭā dhātā harttā jagadguruḥ | tvameva cidacidvasturūpaṃ brahma sureśvara

Sanskrit only: no published translation is held for this verse.

त्वमादिस्त्वमनादिस्त्वमीश्वरः शेष एव च । त्वं महत्त्वं परं ब्रह्म प्रत्यगात्मा त्वमेव हि

tvamādistvamanādistvamīśvaraḥ śeṣa eva ca | tvaṃ mahattvaṃ paraṃ brahma pratyagātmā tvameva hi

Sanskrit only: no published translation is held for this verse.

समस्तामरवर्य्यस्त्वममर्त्यस्त्वं सुरेश्वर । त्वं मर्त्त्येशः सयोनिस्त्वं सौशील्येन तव प्रभो

samastāmaravaryyastvamamartyastvaṃ sureśvara | tvaṃ marttyeśaḥ sayonistvaṃ sauśīlyena tava prabho

Sanskrit only: no published translation is held for this verse.

तव श्वाससमुत्पन्नौ परजीवौ सनातनौ । ततश्च पाल्यते चैव तव वात्सल्यगौरवात्

tava śvāsasamutpannau parajīvau sanātanau | tataśca pālyate caiva tava vātsalyagauravāt

Sanskrit only: no published translation is held for this verse.

क्षराक्षरे परे धाम्नि रुचो नित्यं सुराश्रये । अधि विश्वे निधेषि त्वां दास्यकर्मणि नान्यथा

kṣarākṣare pare dhāmni ruco nityaṃ surāśraye | adhi viśve nidheṣi tvāṃ dāsyakarmaṇi nānyathā

Sanskrit only: no published translation is held for this verse.

यस्त्वां न वेदलोकेऽस्मिन्स मूढः सर्वभावनः । परावरेश्वरं धाम विदुर्दास्ये मनीषिणः

yastvāṃ na vedaloke'sminsa mūḍhaḥ sarvabhāvanaḥ | parāvareśvaraṃ dhāma vidurdāsye manīṣiṇaḥ

Sanskrit only: no published translation is held for this verse.

ते वै समासते युक्तास्तत्पदं त्रिदशैः समम् । सामान्यो भजते दूरेनंतुं नित्यं पदं तव

te vai samāsate yuktāstatpadaṃ tridaśaiḥ samam | sāmānyo bhajate dūrenaṃtuṃ nityaṃ padaṃ tava

Sanskrit only: no published translation is held for this verse.

तस्य तुर्या चारुकेशी चावस्था घटते तव । मिथुनानि तवाध्यक्ष ब्रुवते यदुशाश्वत

tasya turyā cārukeśī cāvasthā ghaṭate tava | mithunāni tavādhyakṣa bruvate yaduśāśvata

Sanskrit only: no published translation is held for this verse.

तव नामानि कर्माणि गुणानि शाश्वतानि च । ऐश्वर्याणि गुणातीत ब्रुवते चोत्तमे इमे

tava nāmāni karmāṇi guṇāni śāśvatāni ca | aiśvaryāṇi guṇātīta bruvate cottame ime

Sanskrit only: no published translation is held for this verse.

कर्मज्ञानमये रूपे इमे पूर्वोत्तरे श्रुते । ससुतौ युवतीशस्य स्तोतारौ तव केशव

karmajñānamaye rūpe ime pūrvottare śrute | sasutau yuvatīśasya stotārau tava keśava

Sanskrit only: no published translation is held for this verse.

त्वं प्रज्ञानं परं ब्रह्म त्वया प्राज्ञेन शाश्वत । जीवयैतेन प्रज्ञेन परेणैवात्मना त्वया

tvaṃ prajñānaṃ paraṃ brahma tvayā prājñena śāśvata | jīvayaitena prajñena pareṇaivātmanā tvayā

Sanskrit only: no published translation is held for this verse.

तस्माच्छरीरादुत्क्रम्य कृपया तव केवलम् । आमुष्मिके परे स्वर्गे त्वया दत्तात्मबोधवान्

tasmāccharīrādutkramya kṛpayā tava kevalam | āmuṣmike pare svarge tvayā dattātmabodhavān

Sanskrit only: no published translation is held for this verse.

प्रज्ञानं चैव विज्ञानं मेधां दृष्टिं तथा धृतिम् । सर्वान्कामानवाप्नोति अमृतं स भवेत्तदा

prajñānaṃ caiva vijñānaṃ medhāṃ dṛṣṭiṃ tathā dhṛtim | sarvānkāmānavāpnoti amṛtaṃ sa bhavettadā

Sanskrit only: no published translation is held for this verse.

एतत्संज्ञानमात्मानं यदेतद्धृदि यन्मनः । मनीषा चैव युक्तिश्च स्मृतिः संकल्प एव च

etatsaṃjñānamātmānaṃ yadetaddhṛdi yanmanaḥ | manīṣā caiva yuktiśca smṛtiḥ saṃkalpa eva ca

Sanskrit only: no published translation is held for this verse.

तपश्च क्रतवः कामो दश इत्यादि ते प्रभो । भवंति नामधेयानि प्रज्ञानस्य घृणानिधेः

tapaśca kratavaḥ kāmo daśa ityādi te prabho | bhavaṃti nāmadheyāni prajñānasya ghṛṇānidheḥ

Sanskrit only: no published translation is held for this verse.

एष त्वं परमं ब्रह्म एष त्वं वै प्रजापतिः । एष त्वमिंद्रो रुद्रश्च एष त्वं सर्वदेवताः

eṣa tvaṃ paramaṃ brahma eṣa tvaṃ vai prajāpatiḥ | eṣa tvamiṃdro rudraśca eṣa tvaṃ sarvadevatāḥ

Sanskrit only: no published translation is held for this verse.

एतानि सर्वभूतानि त्वमेव परमेश्वर । सुत मित्राणि जीवायुस्तथान्यानि सनातन

etāni sarvabhūtāni tvameva parameśvara | suta mitrāṇi jīvāyustathānyāni sanātana

Sanskrit only: no published translation is held for this verse.

जरायुजाण्डजातानि स्वेदजोद्भिद्यजानि च । अश्वा गावश्च पुरुषा हस्तिनश्चेतराणि च

jarāyujāṇḍajātāni svedajodbhidyajāni ca | aśvā gāvaśca puruṣā hastinaścetarāṇi ca

Sanskrit only: no published translation is held for this verse.

यत्किंचित्प्राणिजातं च जंगमाश्चैव जंतवः । स्थावरा ये च वै नाथ सर्वे त्वत्तो भवंति च

yatkiṃcitprāṇijātaṃ ca jaṃgamāścaiva jaṃtavaḥ | sthāvarā ye ca vai nātha sarve tvatto bhavaṃti ca

Sanskrit only: no published translation is held for this verse.

त्वां हि सर्वं गतं चेत्थं वदंति श्रुतयो हरिम् । त्वयैव प्रेरिता लोकाश्चेष्टंते साध्वसाधुषु

tvāṃ hi sarvaṃ gataṃ cetthaṃ vadaṃti śrutayo harim | tvayaiva preritā lokāśceṣṭaṃte sādhvasādhuṣu

Sanskrit only: no published translation is held for this verse.

तस्मान्मया कृतं यच्च अपराधमिदं प्रभो । क्षमस्व करुणासिंधो गुणैः शुभतमैस्तव

tasmānmayā kṛtaṃ yacca aparādhamidaṃ prabho | kṣamasva karuṇāsiṃdho guṇaiḥ śubhatamaistava

Sanskrit only: no published translation is held for this verse.

नमस्ते पुंडरीकाक्ष गोविंदाच्युत माधव । वासुदेव जगद्वंद्य नारायण नमोस्तु ते

namaste puṃḍarīkākṣa goviṃdācyuta mādhava | vāsudeva jagadvaṃdya nārāyaṇa namostu te

Sanskrit only: no published translation is held for this verse.

नमस्यामि जगत्स्वामिन्नृसिंहकरुणाकर । श्रीश सर्वगत श्रीमन्परमात्मन्नमोस्तु ते

namasyāmi jagatsvāminnṛsiṃhakaruṇākara | śrīśa sarvagata śrīmanparamātmannamostu te

Sanskrit only: no published translation is held for this verse.

निजावसथवैकुंठ नित्यमुक्तार्चितप्रभो । त्रयीनाथ नमस्तुभ्यं रामराजीवलोचन

nijāvasathavaikuṃṭha nityamuktārcitaprabho | trayīnātha namastubhyaṃ rāmarājīvalocana

Sanskrit only: no published translation is held for this verse.

भूभारकविनाशाय कृष्णानंदस्वरूपिणे । विष्णवे जिष्णवे तुभ्यं नमस्ते यदुनंदन

bhūbhārakavināśāya kṛṣṇānaṃdasvarūpiṇe | viṣṇave jiṣṇave tubhyaṃ namaste yadunaṃdana

Sanskrit only: no published translation is held for this verse.

एवं स्तुत्वाथ गोविंदं प्रणिपत्य उमापतिः । प्रांजलिः प्राह भूतेशो वाक्यं गंभीरया गिरा

evaṃ stutvātha goviṃdaṃ praṇipatya umāpatiḥ | prāṃjaliḥ prāha bhūteśo vākyaṃ gaṃbhīrayā girā

Sanskrit only: no published translation is held for this verse.

रुद्र उवाच- मया दत्तवरो ह्येष बाणो बलिसुतः प्रभो । अहं च दत्तवांस्तस्मै पुरानेनार्थितो वरम्

rudra uvāca- mayā dattavaro hyeṣa bāṇo balisutaḥ prabho | ahaṃ ca dattavāṃstasmai purānenārthito varam

Sanskrit only: no published translation is held for this verse.

अमरत्वं यदुश्रेष्ठ सर्वं कर्तुं त्वमर्हसि । तस्मादेनं बलिसुतं त्रातुमर्हसि मे प्रियम्

amaratvaṃ yaduśreṣṭha sarvaṃ kartuṃ tvamarhasi | tasmādenaṃ balisutaṃ trātumarhasi me priyam

Sanskrit only: no published translation is held for this verse.

तथेत्युक्त्वा च भगवान्बाणं बलिसुतं तदा । प्राणसंशयमापन्नं च्छिन्नबाहुमसृक्चितम्

tathetyuktvā ca bhagavānbāṇaṃ balisutaṃ tadā | prāṇasaṃśayamāpannaṃ cchinnabāhumasṛkcitam

Sanskrit only: no published translation is held for this verse.

संहृत्य चक्रं गोविंदो मुमोच करुणानिधिः । मोचयित्वा बलिसुतं शंकरः संशितव्रतः

saṃhṛtya cakraṃ goviṃdo mumoca karuṇānidhiḥ | mocayitvā balisutaṃ śaṃkaraḥ saṃśitavrataḥ

Sanskrit only: no published translation is held for this verse.

वृषभेंद्रं समारुह्य पार्वत्यासहितः प्रभुः । ययौ च वसतिस्थानं कैलासं धरणीधरम्

vṛṣabheṃdraṃ samāruhya pārvatyāsahitaḥ prabhuḥ | yayau ca vasatisthānaṃ kailāsaṃ dharaṇīdharam

Sanskrit only: no published translation is held for this verse.

स तु बाणो नमस्कृत्य रामकृष्णौ महाबलौ । ताभ्यां वै नगरीं गत्वा मुमोच मदनात्मजम्

sa tu bāṇo namaskṛtya rāmakṛṣṇau mahābalau | tābhyāṃ vai nagarīṃ gatvā mumoca madanātmajam

Sanskrit only: no published translation is held for this verse.

वस्त्रैराभरणैर्दिव्यैः पूजयित्वा यथार्हतः । उषां संप्रददौ तस्मै कृष्णपौत्राय शौरये

vastrairābharaṇairdivyaiḥ pūjayitvā yathārhataḥ | uṣāṃ saṃpradadau tasmai kṛṣṇapautrāya śauraye

Sanskrit only: no published translation is held for this verse.

उद्वाह्य रामकृष्णौ तमनिरुद्धं यथाविधि । बाणेन पूजितौ तत्र प्रद्युम्नसहितौ तदा

udvāhya rāmakṛṣṇau tamaniruddhaṃ yathāvidhi | bāṇena pūjitau tatra pradyumnasahitau tadā

Sanskrit only: no published translation is held for this verse.

उषयासहितं तत्रानिरुद्धं वै जनार्दनः । आरोप्य स्यंदने दिव्ये ययौ द्वारवतीं तदा

uṣayāsahitaṃ tatrāniruddhaṃ vai janārdanaḥ | āropya syaṃdane divye yayau dvāravatīṃ tadā

Sanskrit only: no published translation is held for this verse.

रामप्रद्युम्नसहितः सेनया सहितो हरिः । प्रविवेश पुरीं रम्यां त्रिदशैर्मघवानिव

rāmapradyumnasahitaḥ senayā sahito hariḥ | praviveśa purīṃ ramyāṃ tridaśairmaghavāniva

Sanskrit only: no published translation is held for this verse.

अनिरुद्धो बाणपुत्र्या नानारत्नमये गृहे । अनिशं रमयामास नानाभोगैर्मुदान्वितः

aniruddho bāṇaputryā nānāratnamaye gṛhe | aniśaṃ ramayāmāsa nānābhogairmudānvitaḥ

Sanskrit only: no published translation is held for this verse.