अगम्यागमनं तद्धि सद्यो नरककारकम् । पतितानां च संसर्गात्पाखंडानां तथैव च
agamyāgamanaṃ taddhi sadyo narakakārakam | patitānāṃ ca saṃsargātpākhaṃḍānāṃ tathaiva ca
Sanskrit only: no published translation is held for this verse.
Library·Padma Purāṇa·6·6.253
Padma Purāṇa 6.253
विकर्मस्थानां च तथा यात्येव निरयं नरः । संसर्गिणां च संसर्गं तत्संसर्गमपि त्यजेत्
vikarmasthānāṃ ca tathā yātyeva nirayaṃ naraḥ | saṃsargiṇāṃ ca saṃsargaṃ tatsaṃsargamapi tyajet
Sanskrit only: no published translation is held for this verse.
वैष्णवः कुलमेकं तु वर्जयेत्पापसंयुतम् । एकांती संत्यजेद्ग्रामं महापातकमिश्रितम्
vaiṣṇavaḥ kulamekaṃ tu varjayetpāpasaṃyutam | ekāṃtī saṃtyajedgrāmaṃ mahāpātakamiśritam
Sanskrit only: no published translation is held for this verse.
तथैव परमेकान्ती तद्देशमपि वर्जयेत् । स्वकर्म्मज्ञानभक्त्यादि साधनं वैष्णवं स्मृतम्
tathaiva paramekāntī taddeśamapi varjayet | svakarmmajñānabhaktyādi sādhanaṃ vaiṣṇavaṃ smṛtam
Sanskrit only: no published translation is held for this verse.
हरेराज्ञानुरूपेण कर्मज्ञानादि यश्चरेत् । स एकांती भवेद्विप्रो वासुदेवपरायणः
harerājñānurūpeṇa karmajñānādi yaścaret | sa ekāṃtī bhavedvipro vāsudevaparāyaṇaḥ
Sanskrit only: no published translation is held for this verse.
अकृत्यं वैष्णवः पापबुद्ध्या सम्यक्परित्यजेत् । एकांती संत्यजेच्छास्त्रं दूषणान्मनसापि च
akṛtyaṃ vaiṣṇavaḥ pāpabuddhyā samyakparityajet | ekāṃtī saṃtyajecchāstraṃ dūṣaṇānmanasāpi ca
Sanskrit only: no published translation is held for this verse.
तथैव परमैकांती हेयबुद्ध्या परित्यजेत् । नित्यं नैमित्तिकं काम्यं कृत्यं तु त्रिविधं स्मृतम्
tathaiva paramaikāṃtī heyabuddhyā parityajet | nityaṃ naimittikaṃ kāmyaṃ kṛtyaṃ tu trividhaṃ smṛtam
Sanskrit only: no published translation is held for this verse.
ज्ञानं तथैवलोकेऽस्मिन्मुनिभिः संप्रकीर्तितम् । कृत्याकृत्यविवेकं च परलोकस्य चिंतनम्
jñānaṃ tathaivaloke'sminmunibhiḥ saṃprakīrtitam | kṛtyākṛtyavivekaṃ ca paralokasya ciṃtanam
Sanskrit only: no published translation is held for this verse.
तत्प्राप्तिसाधनं विष्णोः स्वरूपज्ञानमेव च । भक्तियुक्तो भवेद्भक्तो नवधा सा प्रकीर्तिता
tatprāptisādhanaṃ viṣṇoḥ svarūpajñānameva ca | bhaktiyukto bhavedbhakto navadhā sā prakīrtitā
Sanskrit only: no published translation is held for this verse.
सुदर्शनोर्द्ध्वपुंड्रादि तच्चिह्नैरंकनं शुभम् । सद्गुरोमंत्रपठनमर्चनं विधिना हरेः
sudarśanorddhvapuṃḍrādi taccihnairaṃkanaṃ śubham | sadguromaṃtrapaṭhanamarcanaṃ vidhinā hareḥ
Sanskrit only: no published translation is held for this verse.
स्मरणं कीर्तनं विष्णोः सेवा च परमात्मनः । प्रणामस्तस्य पुरतस्तदीयानां च पूजनम्
smaraṇaṃ kīrtanaṃ viṣṇoḥ sevā ca paramātmanaḥ | praṇāmastasya puratastadīyānāṃ ca pūjanam
Sanskrit only: no published translation is held for this verse.
प्रसादतीर्थसेवा च भक्तिर्नवविधा स्मृता । यस्मात्प्रपद्यते देवं शरणं वैष्णवो हरिम्
prasādatīrthasevā ca bhaktirnavavidhā smṛtā | yasmātprapadyate devaṃ śaraṇaṃ vaiṣṇavo harim
Sanskrit only: no published translation is held for this verse.
प्रपत्तिः सा तु विज्ञेया त्रिविधा संप्रकीर्तिता । तामसी राजसी चैव सात्विकी त्रिविधा स्मृता
prapattiḥ sā tu vijñeyā trividhā saṃprakīrtitā | tāmasī rājasī caiva sātvikī trividhā smṛtā
Sanskrit only: no published translation is held for this verse.
सापि त्रिधाकृता सिद्धिः सामान्या सर्वदेहिनाम् । एतच्चतुष्टयं देवि हेयं संत्यज्य वैष्णवः
sāpi tridhākṛtā siddhiḥ sāmānyā sarvadehinām | etaccatuṣṭayaṃ devi heyaṃ saṃtyajya vaiṣṇavaḥ
Sanskrit only: no published translation is held for this verse.
उपायभूतं ब्रह्मैवमवलंबेत वैष्णवम् । उपायभावात्संत्यज्य कर्मज्ञानादिकं नरः
upāyabhūtaṃ brahmaivamavalaṃbeta vaiṣṇavam | upāyabhāvātsaṃtyajya karmajñānādikaṃ naraḥ
Sanskrit only: no published translation is held for this verse.
कुर्वीत भगवत्प्रीत्यै महाभागवतोत्तमः । त्रिकालमर्चयेद्विष्णुं भक्त्या वै पुरुषोत्तमम्
kurvīta bhagavatprītyai mahābhāgavatottamaḥ | trikālamarcayedviṣṇuṃ bhaktyā vai puruṣottamam
Sanskrit only: no published translation is held for this verse.
नैमित्तिके विशेषेण पूजयेद्विधिना शुभे । प्रत्यहं कार्तिके मासि जातीपुष्पैः समर्चयेत्
naimittike viśeṣeṇa pūjayedvidhinā śubhe | pratyahaṃ kārtike māsi jātīpuṣpaiḥ samarcayet
Sanskrit only: no published translation is held for this verse.
दद्यादखंडं दीपं च नियतात्मा दृढव्रतः । ब्राह्मणान्भोजयित्वांते हरिसायुज्यमाप्नुयात्
dadyādakhaṃḍaṃ dīpaṃ ca niyatātmā dṛḍhavrataḥ | brāhmaṇānbhojayitvāṃte harisāyujyamāpnuyāt
Sanskrit only: no published translation is held for this verse.
धनुष्युषसि देवेशं मासमेकं निरंतरम् । अर्चयेदुत्पलैर्देवि करवीरैः सितासितैः
dhanuṣyuṣasi deveśaṃ māsamekaṃ niraṃtaram | arcayedutpalairdevi karavīraiḥ sitāsitaiḥ
Sanskrit only: no published translation is held for this verse.
धूपदीपैश्च नैवेद्यैर्यथाशक्त्या निवेदयेत् । समाप्तौ भोजयेद्विप्रान्महाभागवतोत्तमान्
dhūpadīpaiśca naivedyairyathāśaktyā nivedayet | samāptau bhojayedviprānmahābhāgavatottamān
Sanskrit only: no published translation is held for this verse.
अश्वमेधसहस्रस्य फलमाप्नोत्यसंशयम् । तपो मास्युदिते भानौ स्नात्वा नद्यां विशेषतः
aśvamedhasahasrasya phalamāpnotyasaṃśayam | tapo māsyudite bhānau snātvā nadyāṃ viśeṣataḥ
Sanskrit only: no published translation is held for this verse.
अर्च्चयेन्माधवं पुष्पैरुत्पलैश्च शुभानने । पायसं सघृतं दिव्यं भक्त्या तत्र निवेदयेत्
arccayenmādhavaṃ puṣpairutpalaiśca śubhānane | pāyasaṃ saghṛtaṃ divyaṃ bhaktyā tatra nivedayet
Sanskrit only: no published translation is held for this verse.
स्नात्वा संपूजयेद्विष्णुं मासमेकं निरंतरम् । शर्करांबुयुतं नित्यमुद्यानं विनिवेदयेत्
snātvā saṃpūjayedviṣṇuṃ māsamekaṃ niraṃtaram | śarkarāṃbuyutaṃ nityamudyānaṃ vinivedayet
Sanskrit only: no published translation is held for this verse.
वैष्णवान्पूजयेद्भक्त्या मासान्ते शुभदर्शने । मधुमासि तथा नित्यं बकुलैश्चंपकैरपि
vaiṣṇavānpūjayedbhaktyā māsānte śubhadarśane | madhumāsi tathā nityaṃ bakulaiścaṃpakairapi
Sanskrit only: no published translation is held for this verse.
पूजयेज्जगतामीशं गुडान्नं च निवेदयेत् । मासांते वैष्णवान्विप्रान्भोजयेत्सुसमाहितः
pūjayejjagatāmīśaṃ guḍānnaṃ ca nivedayet | māsāṃte vaiṣṇavānviprānbhojayetsusamāhitaḥ
Sanskrit only: no published translation is held for this verse.
सहस्रवार्षिकीं पूजां प्रतिनित्यमवाप्नुयात् । माधवे पूजयेद्देवं शतपत्रैर्महोत्पलैः
sahasravārṣikīṃ pūjāṃ pratinityamavāpnuyāt | mādhave pūjayeddevaṃ śatapatrairmahotpalaiḥ
Sanskrit only: no published translation is held for this verse.
पूजयित्वा विधानेन दध्यन्नं फलसंयुतम् । गुडोदकं च भक्त्या वै तस्मिन्देवि निवेदयेत्
pūjayitvā vidhānena dadhyannaṃ phalasaṃyutam | guḍodakaṃ ca bhaktyā vai tasmindevi nivedayet
Sanskrit only: no published translation is held for this verse.
लक्ष्म्या युक्तो जगन्नाथः प्रीतो भवति पार्वति । शुक्रे तु शुक्लकमलैः पाटलैः कुमुदोत्पलैः १५० 6.253.150। अर्चयित्वा हृषीकेशमन्नं चूतफलैर्युतम् । निवेदयित्वा भक्त्या वै गवांकोटिप्रदो भवेत्
lakṣmyā yukto jagannāthaḥ prīto bhavati pārvati | śukre tu śuklakamalaiḥ pāṭalaiḥ kumudotpalaiḥ 150 6.253.150| arcayitvā hṛṣīkeśamannaṃ cūtaphalairyutam | nivedayitvā bhaktyā vai gavāṃkoṭiprado bhavet
Sanskrit only: no published translation is held for this verse.
वैष्णवान्भोजयित्वाथ सर्वमानंत्यमाप्नुयात् । आषाढे देवदेवेशं लक्ष्मीभर्तारमच्युतम्
vaiṣṇavānbhojayitvātha sarvamānaṃtyamāpnuyāt | āṣāḍhe devadeveśaṃ lakṣmībhartāramacyutam
Sanskrit only: no published translation is held for this verse.
श्रीपुष्पैरर्चयेन्नित्यं पायसान्नं निवेदयेत् । मासान्ते भोजयेद्विप्रान्महाभागवतोत्तमान्
śrīpuṣpairarcayennityaṃ pāyasānnaṃ nivedayet | māsānte bhojayedviprānmahābhāgavatottamān
Sanskrit only: no published translation is held for this verse.
षष्टिवर्षसहस्रस्य पूजां प्राप्नोत्यसंशयः । नभोमास्यर्चयेद्विष्णुं पुन्नागैः केतकीदलैः
ṣaṣṭivarṣasahasrasya pūjāṃ prāpnotyasaṃśayaḥ | nabhomāsyarcayedviṣṇuṃ punnāgaiḥ ketakīdalaiḥ
Sanskrit only: no published translation is held for this verse.
अर्चयित्वाच्युतं भक्त्या न भूयो जन्मभाग्भवेत् । दद्यादपूपान्भक्त्याथ शर्कराघृतमिश्रितान्
arcayitvācyutaṃ bhaktyā na bhūyo janmabhāgbhavet | dadyādapūpānbhaktyātha śarkarāghṛtamiśritān
Sanskrit only: no published translation is held for this verse.
ब्राह्मणान्भोजयेत्तद्वत्सर्वमानंत्यमाप्नुयात् । नभस्येऽप्यर्चयेदीशं कुंदैः कुरबकैरपि
brāhmaṇānbhojayettadvatsarvamānaṃtyamāpnuyāt | nabhasye'pyarcayedīśaṃ kuṃdaiḥ kurabakairapi
Sanskrit only: no published translation is held for this verse.
क्षीरान्नं गुडसंमिश्रं भक्त्या तत्र निवेदयेत् । गवांकोटिप्रदानस्य प्रत्यहं फलमाप्नुयात्
kṣīrānnaṃ guḍasaṃmiśraṃ bhaktyā tatra nivedayet | gavāṃkoṭipradānasya pratyahaṃ phalamāpnuyāt
Sanskrit only: no published translation is held for this verse.
नीलोत्पलैरिषे मासि पूजयेन्मधुसूदनम् । भक्त्या निवेदयेत्तस्मिन्क्षीरमापूपमिश्रितम्
nīlotpalairiṣe māsi pūjayenmadhusūdanam | bhaktyā nivedayettasminkṣīramāpūpamiśritam
Sanskrit only: no published translation is held for this verse.
कल्पकोटिसहस्राणि कल्पकोटिशतानि च । वैष्णवं लोकमाप्नोति मुदितः स्वजनैर्वृतः
kalpakoṭisahasrāṇi kalpakoṭiśatāni ca | vaiṣṇavaṃ lokamāpnoti muditaḥ svajanairvṛtaḥ
Sanskrit only: no published translation is held for this verse.
ऊर्जे मासि तथा देवि कोमलैस्तुलसीदलैः । पूजयित्वाच्युतं भक्त्या तत्सायुज्यमवाप्नुयात्
ūrje māsi tathā devi komalaistulasīdalaiḥ | pūjayitvācyutaṃ bhaktyā tatsāyujyamavāpnuyāt
Sanskrit only: no published translation is held for this verse.
क्षीराज्यशर्करोपेतमन्नं वै पायसं तथा । अपूपं च क्रमेणैव भक्त्या सम्यङ्निवेदयेत्
kṣīrājyaśarkaropetamannaṃ vai pāyasaṃ tathā | apūpaṃ ca krameṇaiva bhaktyā samyaṅnivedayet
Sanskrit only: no published translation is held for this verse.
अमायां मंदवारे च वैष्णवर्क्षे तथैव च । रविसंक्रमे व्यतीपाते ग्रहणं चंद्र सूर्ययोः
amāyāṃ maṃdavāre ca vaiṣṇavarkṣe tathaiva ca | ravisaṃkrame vyatīpāte grahaṇaṃ caṃdra sūryayoḥ
Sanskrit only: no published translation is held for this verse.
विशेषेणार्चयेद्विष्णुं यथाशक्त्या वरानने । गुरोरुत्क्रांतदिवसे जन्मर्क्षेषु तथा हरेः
viśeṣeṇārcayedviṣṇuṃ yathāśaktyā varānane | gurorutkrāṃtadivase janmarkṣeṣu tathā hareḥ
Sanskrit only: no published translation is held for this verse.
इष्टिं च वैष्णवीं कुर्याच्छक्त्या वै द्विजसत्तमः । दद्यात्पुष्पांजलिं तत्र प्रत्यर्चं वेदसंमितम्
iṣṭiṃ ca vaiṣṇavīṃ kuryācchaktyā vai dvijasattamaḥ | dadyātpuṣpāṃjaliṃ tatra pratyarcaṃ vedasaṃmitam
Sanskrit only: no published translation is held for this verse.
पारणं चापि कुर्वीत चरुणा पायसेन वा । वैष्णवान्भोजयेद्विप्राञ्छक्त्या दद्याच्च दक्षिणाम्
pāraṇaṃ cāpi kurvīta caruṇā pāyasena vā | vaiṣṇavānbhojayedviprāñchaktyā dadyācca dakṣiṇām
Sanskrit only: no published translation is held for this verse.
कुलकोटिं समुधृत्य वैष्णवं पदमाप्नुयात् । सर्ववेदैरशक्तश्चेद्यष्टुं भागवतोत्तमम्
kulakoṭiṃ samudhṛtya vaiṣṇavaṃ padamāpnuyāt | sarvavedairaśaktaścedyaṣṭuṃ bhāgavatottamam
Sanskrit only: no published translation is held for this verse.
वैष्णवैरनुवाकैर्वा सप्तरात्रं निरंतरम् । पुष्पांजलिसहस्रं तु होमं च प्रत्यहं चरेत्
vaiṣṇavairanuvākairvā saptarātraṃ niraṃtaram | puṣpāṃjalisahasraṃ tu homaṃ ca pratyahaṃ caret
Sanskrit only: no published translation is held for this verse.
प्रीतये वा भगवतः प्रतिश्लोकं यजेदबुधः । अथवा मंत्ररत्नं हि सप्तरात्रं निरंतरम्
prītaye vā bhagavataḥ pratiślokaṃ yajedabudhaḥ | athavā maṃtraratnaṃ hi saptarātraṃ niraṃtaram
Sanskrit only: no published translation is held for this verse.
अष्टोत्तरसहस्रं तु जुहुयाद्धविषा यजेत् । विशेषेणार्चयेद्विद्वान्महाभागवतोत्तमान्
aṣṭottarasahasraṃ tu juhuyāddhaviṣā yajet | viśeṣeṇārcayedvidvānmahābhāgavatottamān
Sanskrit only: no published translation is held for this verse.
अंते चावभृथं कुर्याद्यथाविभवसारतः । वैष्णवैरनुवाकैश्च कुर्यादवभृथं द्विजः
aṃte cāvabhṛthaṃ kuryādyathāvibhavasārataḥ | vaiṣṇavairanuvākaiśca kuryādavabhṛthaṃ dvijaḥ
Sanskrit only: no published translation is held for this verse.
अत्र स्नात्वा विधानेन यथाशक्त्या द्विजोत्तमः । शुभे पात्रांतरे रम्ये पादौ प्रक्षाल्य भक्तितः
atra snātvā vidhānena yathāśaktyā dvijottamaḥ | śubhe pātrāṃtare ramye pādau prakṣālya bhaktitaḥ
Sanskrit only: no published translation is held for this verse.
अर्चयेद्गंधपुष्पाद्यैर्वस्त्रैराभरणादिभिः । तांबूलेन फलैर्वापि यथाशक्त्या समर्चयेत्
arcayedgaṃdhapuṣpādyairvastrairābharaṇādibhiḥ | tāṃbūlena phalairvāpi yathāśaktyā samarcayet
Sanskrit only: no published translation is held for this verse.
भोजयित्वान्नपानाद्यैः प्रणम्य च पुनःपुनः । आसीमांतमनुव्रज्य नमस्कृत्य विसर्जितम्
bhojayitvānnapānādyaiḥ praṇamya ca punaḥpunaḥ | āsīmāṃtamanuvrajya namaskṛtya visarjitam
Sanskrit only: no published translation is held for this verse.
पुनः प्रणम्य भक्त्याथ शनैस्तत्र निवर्त्तितः । गृहं प्रविश्य देवेशं पूजयेत्प्रयतात्मवान्
punaḥ praṇamya bhaktyātha śanaistatra nivarttitaḥ | gṛhaṃ praviśya deveśaṃ pūjayetprayatātmavān
Sanskrit only: no published translation is held for this verse.
एवमभ्यर्चयेद्विष्णुं यावज्जीवमतंद्रितः । तदीयांश्च विशेषेण पूजयेत्सर्वदा शुभे
evamabhyarcayedviṣṇuṃ yāvajjīvamataṃdritaḥ | tadīyāṃśca viśeṣeṇa pūjayetsarvadā śubhe
Sanskrit only: no published translation is held for this verse.
आराधनानां सर्वेषां विष्णोराराधनं परम् । तस्मात्परतरं देवि तदीयानां समर्चनम्
ārādhanānāṃ sarveṣāṃ viṣṇorārādhanaṃ param | tasmātparataraṃ devi tadīyānāṃ samarcanam
Sanskrit only: no published translation is held for this verse.
अर्चयित्वापि गोविंदं तदीयान्नार्चयेत्पुनः । न स भागवतो ज्ञेयः केवलं दांभिकः स्मृतः
arcayitvāpi goviṃdaṃ tadīyānnārcayetpunaḥ | na sa bhāgavato jñeyaḥ kevalaṃ dāṃbhikaḥ smṛtaḥ
Sanskrit only: no published translation is held for this verse.
पुमांस्तस्मात्प्रयत्नेन वैष्णवान्पूजयेत्सदा । सर्वं तरति दुःखौघं महाभागवतार्चनात्
pumāṃstasmātprayatnena vaiṣṇavānpūjayetsadā | sarvaṃ tarati duḥkhaughaṃ mahābhāgavatārcanāt
Sanskrit only: no published translation is held for this verse.
एवमुक्तं मया देवि विष्णोराराधनं परम् । नित्यनैमित्तिकं चैव तदीयानां च पूजनम्
evamuktaṃ mayā devi viṣṇorārādhanaṃ param | nityanaimittikaṃ caiva tadīyānāṃ ca pūjanam
Sanskrit only: no published translation is held for this verse.
पौरुषं तस्य याथात्म्यं फलसाधनमेव च । तस्यावसथदेहं च कर्माद्यपि चतुष्टयम् । तव प्रोक्तं मया देवि किमन्यच्छ्रोतुमिच्छसि
pauruṣaṃ tasya yāthātmyaṃ phalasādhanameva ca | tasyāvasathadehaṃ ca karmādyapi catuṣṭayam | tava proktaṃ mayā devi kimanyacchrotumicchasi
Sanskrit only: no published translation is held for this verse.