Padma Purāṇa 6.254

वसिष्ठ उवाच- एवमुक्ता तु सा देवि पतिना शूलपाणिना । प्रणिपत्य महात्मानमुवाच प्रांजलिस्तदा

vasiṣṭha uvāca- evamuktā tu sā devi patinā śūlapāṇinā | praṇipatya mahātmānamuvāca prāṃjalistadā

Sanskrit only: no published translation is held for this verse.

पार्वत्युवाच- साधूक्तं हि त्वया नाथ वैष्णवं धर्ममुत्तमम् । गुह्याद्गुह्यतमं विष्णोः स्वरूपं परमात्मनः

pārvatyuvāca- sādhūktaṃ hi tvayā nātha vaiṣṇavaṃ dharmamuttamam | guhyādguhyatamaṃ viṣṇoḥ svarūpaṃ paramātmanaḥ

Sanskrit only: no published translation is held for this verse.

धन्यास्मि कृतकृत्यास्मि सर्वदेवनमस्कृत । तव प्रसादाद्देवेशमर्चयामि सनातनम्

dhanyāsmi kṛtakṛtyāsmi sarvadevanamaskṛta | tava prasādāddeveśamarcayāmi sanātanam

Sanskrit only: no published translation is held for this verse.

वसिष्ठउवाच- ततस्तद्वचनं श्रुत्वा स भवस्त्रिपुरांतकः । समाश्लिष्यावदद्देवीं प्रहृष्टेनांतरात्मनाः

vasiṣṭhauvāca- tatastadvacanaṃ śrutvā sa bhavastripurāṃtakaḥ | samāśliṣyāvadaddevīṃ prahṛṣṭenāṃtarātmanāḥ

Sanskrit only: no published translation is held for this verse.

रुद्र उवाच- साधुसाधु महादेवि साधुसाधु वरानने । अर्चयस्व हृषीकेशं लक्ष्मीभर्त्तारमच्युतम्

rudra uvāca- sādhusādhu mahādevi sādhusādhu varānane | arcayasva hṛṣīkeśaṃ lakṣmībharttāramacyutam

Sanskrit only: no published translation is held for this verse.

कृतकृत्योऽस्म्यहं भद्रे वैष्णव्या भार्यया त्वया । गुरुणा तव चार्वंगि वामदेवेन धीमता

kṛtakṛtyo'smyahaṃ bhadre vaiṣṇavyā bhāryayā tvayā | guruṇā tava cārvaṃgi vāmadevena dhīmatā

Sanskrit only: no published translation is held for this verse.

अनुज्ञातार्चयस्वेशं पुराणं पुरुषोत्तमम् । गुरूपदेशमार्गेण पूजयित्वैव केशवम् । प्राप्नोति वाछितं सर्वं नान्यथा भूधरात्मजे

anujñātārcayasveśaṃ purāṇaṃ puruṣottamam | gurūpadeśamārgeṇa pūjayitvaiva keśavam | prāpnoti vāchitaṃ sarvaṃ nānyathā bhūdharātmaje

Sanskrit only: no published translation is held for this verse.

वसिष्ठ उवाच- एवमुक्ता तदा देवि वामदेवांतिकं नृप । जगाम सहसा हृष्टा विष्णुपूजनलालसा

vasiṣṭha uvāca- evamuktā tadā devi vāmadevāṃtikaṃ nṛpa | jagāma sahasā hṛṣṭā viṣṇupūjanalālasā

Sanskrit only: no published translation is held for this verse.

समेत्य तं गुरुं देवि पूजयित्वा प्रणम्य च । विनीता प्रांजलिर्भूत्वा उवाच मुनिसत्तमम्

sametya taṃ guruṃ devi pūjayitvā praṇamya ca | vinītā prāṃjalirbhūtvā uvāca munisattamam

Sanskrit only: no published translation is held for this verse.

पार्वत्युवाच- भगवंस्त्वत्प्रसादेन सम्यगाराधनं हरेः । करिष्यामि द्विजश्रेष्ठ त्वमनुज्ञातुमर्हसि

pārvatyuvāca- bhagavaṃstvatprasādena samyagārādhanaṃ hareḥ | kariṣyāmi dvijaśreṣṭha tvamanujñātumarhasi

Sanskrit only: no published translation is held for this verse.

वसिष्ठ उवाच- इत्युक्तस्तु तया देव्या वामदेवो महामुनिः । तस्यै मंत्रवरं श्रेष्ठं ददौ स विधिना गुरुः

vasiṣṭha uvāca- ityuktastu tayā devyā vāmadevo mahāmuniḥ | tasyai maṃtravaraṃ śreṣṭhaṃ dadau sa vidhinā guruḥ

Sanskrit only: no published translation is held for this verse.

नाम्नां सहस्रं विष्णोश्च प्रोक्तवान्मुनिसत्तमः । निवेदयित्वा पूजाया विधानमपि देशिकः । उवाच परमप्रीत्या पार्वतीं संशितव्रताम्

nāmnāṃ sahasraṃ viṣṇośca proktavānmunisattamaḥ | nivedayitvā pūjāyā vidhānamapi deśikaḥ | uvāca paramaprītyā pārvatīṃ saṃśitavratām

Sanskrit only: no published translation is held for this verse.

वामदेव उवाच- अर्चयित्वा हृषीकेशं प्रातर्नित्यं वरानने । सहस्रनामपठनं कुरुष्व तदनंतरम्

vāmadeva uvāca- arcayitvā hṛṣīkeśaṃ prātarnityaṃ varānane | sahasranāmapaṭhanaṃ kuruṣva tadanaṃtaram

Sanskrit only: no published translation is held for this verse.

वसिष्ठ उवाच- द्वत्युक्ता तेन गुरुणा प्रहृष्टेनांतरात्मना । पूजयित्वा नमस्कृत्य पुनरायात्स्वमालयम्

vasiṣṭha uvāca- dvatyuktā tena guruṇā prahṛṣṭenāṃtarātmanā | pūjayitvā namaskṛtya punarāyātsvamālayam

Sanskrit only: no published translation is held for this verse.

शिक्षिता गुरुणा तेन वामदेवेन पार्वती । ततः कतिपयाहस्तु द्वादश्यां वृषभध्वजः

śikṣitā guruṇā tena vāmadevena pārvatī | tataḥ katipayāhastu dvādaśyāṃ vṛṣabhadhvajaḥ

Sanskrit only: no published translation is held for this verse.

कैलासशिखरे रम्ये विष्णुमाराध्य शंकरः । उपविष्टस्ततो भोक्तुं पार्वतीं शंकरोऽब्रवीत्

kailāsaśikhare ramye viṣṇumārādhya śaṃkaraḥ | upaviṣṭastato bhoktuṃ pārvatīṃ śaṃkaro'bravīt

Sanskrit only: no published translation is held for this verse.

शंकर उवाच- पार्वत्ये हिमया सार्द्धं भोक्तुं भुवनवंदिते । वसिष्ठ उवाच- तमाह पार्वती देवी जप्त्वा नामसहस्रकम्

śaṃkara uvāca- pārvatye himayā sārddhaṃ bhoktuṃ bhuvanavaṃdite | vasiṣṭha uvāca- tamāha pārvatī devī japtvā nāmasahasrakam

Sanskrit only: no published translation is held for this verse.

ततो भोक्ष्याम्यहं देव भुज्यतां भवता प्रभो । ततस्तां पार्वतीं प्राह प्रहसन्परमेश्वरः

tato bhokṣyāmyahaṃ deva bhujyatāṃ bhavatā prabho | tatastāṃ pārvatīṃ prāha prahasanparameśvaraḥ

Sanskrit only: no published translation is held for this verse.

शंकर उवाच- धन्यासि कृतकृत्यासि विष्णुभक्तासि पार्वति । दुर्लभा वैष्णवी भक्तिर्भागधेयं विनेश्वरि

śaṃkara uvāca- dhanyāsi kṛtakṛtyāsi viṣṇubhaktāsi pārvati | durlabhā vaiṣṇavī bhaktirbhāgadheyaṃ vineśvari

Sanskrit only: no published translation is held for this verse.

रामरामेति रामेति रमे रामे मनोरमे । सहस्रनामतत्तुल्यं रामनाम वरानने

rāmarāmeti rāmeti rame rāme manorame | sahasranāmatattulyaṃ rāmanāma varānane

Sanskrit only: no published translation is held for this verse.

रकारादीनि नामानि शृण्वतो मम पार्वति । मनः प्रसन्नतां याति रामनामाभिशंकया

rakārādīni nāmāni śṛṇvato mama pārvati | manaḥ prasannatāṃ yāti rāmanāmābhiśaṃkayā

Sanskrit only: no published translation is held for this verse.

रामेत्युक्त्वा महादेवि भुंक्ष्व सार्धं मयाधुना । वसिष्ठ उवाच- ततो रामेति नामोक्त्वा सह भुंक्त्वाऽथ पार्वती

rāmetyuktvā mahādevi bhuṃkṣva sārdhaṃ mayādhunā | vasiṣṭha uvāca- tato rāmeti nāmoktvā saha bhuṃktvā'tha pārvatī

Sanskrit only: no published translation is held for this verse.

रामेत्युक्ता महादेवी शंभुना सह संस्थिता । पप्रच्छ शंकरं देवं प्रीतिप्रणवमानसा

rāmetyuktā mahādevī śaṃbhunā saha saṃsthitā | papraccha śaṃkaraṃ devaṃ prītipraṇavamānasā

Sanskrit only: no published translation is held for this verse.

पार्वत्युवाच- सहस्रनामभिस्तुल्यं रामनाम त्वयोदितम् । तस्यापराणि नामानि संति चेद्रावणद्विषः । कथ्यतां मम देवेश तत्र मे भक्तिरुत्थिता

pārvatyuvāca- sahasranāmabhistulyaṃ rāmanāma tvayoditam | tasyāparāṇi nāmāni saṃti cedrāvaṇadviṣaḥ | kathyatāṃ mama deveśa tatra me bhaktirutthitā

Sanskrit only: no published translation is held for this verse.

श्रीमहादेव उवाच- शृणु नामानि वक्ष्यामि रामचंद्रस्य पार्वति । लौकिका वैदिकाः शब्दाः ये केचित्संति पार्वति

śrīmahādeva uvāca- śṛṇu nāmāni vakṣyāmi rāmacaṃdrasya pārvati | laukikā vaidikāḥ śabdāḥ ye kecitsaṃti pārvati

Sanskrit only: no published translation is held for this verse.

नामानि रामचंद्रस्य सहस्रं तेषु चाधिकम् । तेषु चात्यंतमुख्यं हि नाम्नामष्टोत्तरं शतम्

nāmāni rāmacaṃdrasya sahasraṃ teṣu cādhikam | teṣu cātyaṃtamukhyaṃ hi nāmnāmaṣṭottaraṃ śatam

Sanskrit only: no published translation is held for this verse.

विष्णोरेकैकनामैव सर्ववेदाधिकं मतम् । तादृङ्नामसहस्राणि रामनामसमानि च

viṣṇorekaikanāmaiva sarvavedādhikaṃ matam | tādṛṅnāmasahasrāṇi rāmanāmasamāni ca

Sanskrit only: no published translation is held for this verse.

यत्फलं सर्ववेदानां मंत्राणां जपतः प्रिये । तत्फलं कोटिगुणितं रामनाम्नैव लभ्यते

yatphalaṃ sarvavedānāṃ maṃtrāṇāṃ japataḥ priye | tatphalaṃ koṭiguṇitaṃ rāmanāmnaiva labhyate

Sanskrit only: no published translation is held for this verse.

नामानि शृणु रामस्य मुख्यानि शुभदर्शने । ऋषिभिः परिगीतानि तानि वक्ष्यामि ते प्रिये

nāmāni śṛṇu rāmasya mukhyāni śubhadarśane | ṛṣibhiḥ parigītāni tāni vakṣyāmi te priye

Sanskrit only: no published translation is held for this verse.

ॐ श्रीरामो रामचंद्रश्च रामभद्रश्च शाश्वतः । राजीवलोचनः श्रीमान्राजेंद्रो रघुपुंगवः

oṃ śrīrāmo rāmacaṃdraśca rāmabhadraśca śāśvataḥ | rājīvalocanaḥ śrīmānrājeṃdro raghupuṃgavaḥ

Sanskrit only: no published translation is held for this verse.

जानकीवल्लभो जैत्रो जितामित्रो जनार्दनः । विश्वामित्रप्रियो दांतः शरण्य त्राणतत्परः

jānakīvallabho jaitro jitāmitro janārdanaḥ | viśvāmitrapriyo dāṃtaḥ śaraṇya trāṇatatparaḥ

Sanskrit only: no published translation is held for this verse.

वालिप्रमथनो वाग्मी सत्यवाक्सत्यविक्रमः । सत्यव्रतो व्रतफलः सदा हनुमदाश्रयः

vālipramathano vāgmī satyavāksatyavikramaḥ | satyavrato vrataphalaḥ sadā hanumadāśrayaḥ

Sanskrit only: no published translation is held for this verse.

कौशलेयः खरध्वंसी विराधवधपंडितः । विभीषणपरित्राता दशग्रीवशिरोहरः

kauśaleyaḥ kharadhvaṃsī virādhavadhapaṃḍitaḥ | vibhīṣaṇaparitrātā daśagrīvaśiroharaḥ

Sanskrit only: no published translation is held for this verse.

सप्ततालप्रभेत्ता च हरकोदंड खंडनः । जामदग्नि महादर्प्पदलनस्ताडकांतकृत्

saptatālaprabhettā ca harakodaṃḍa khaṃḍanaḥ | jāmadagni mahādarppadalanastāḍakāṃtakṛt

Sanskrit only: no published translation is held for this verse.

वेदांतपारो वेदात्मा भवबंधैकभेषजम् । दूषणत्रिशिरोरिश्च त्रिमूर्त्तिस्त्रिगुणस्त्रयी

vedāṃtapāro vedātmā bhavabaṃdhaikabheṣajam | dūṣaṇatriśiroriśca trimūrttistriguṇastrayī

Sanskrit only: no published translation is held for this verse.

त्रिविक्रमस्त्रिलोकात्मा पुण्यचारित्रकीर्त्तनः । त्रिलोकरक्षको धन्वी दंडकारण्यवासकृत्

trivikramastrilokātmā puṇyacāritrakīrttanaḥ | trilokarakṣako dhanvī daṃḍakāraṇyavāsakṛt

Sanskrit only: no published translation is held for this verse.

अहल्यापावनश्चैव पितृभक्तो वरप्रदः । जितेंद्रियो जितक्रोधो जितलोभो जगद्गुरुः

ahalyāpāvanaścaiva pitṛbhakto varapradaḥ | jiteṃdriyo jitakrodho jitalobho jagadguruḥ

Sanskrit only: no published translation is held for this verse.

ऋक्षवानरसंघाती चित्रकूटसमाश्रयः । जयंतत्राणवरदः सुमित्रापुत्रसेवितः

ṛkṣavānarasaṃghātī citrakūṭasamāśrayaḥ | jayaṃtatrāṇavaradaḥ sumitrāputrasevitaḥ

Sanskrit only: no published translation is held for this verse.

सर्वदेवाधिदेवश्च मृतवानरजीवनः । मायामारीचहंता च महाभागो महाभुजः

sarvadevādhidevaśca mṛtavānarajīvanaḥ | māyāmārīcahaṃtā ca mahābhāgo mahābhujaḥ

Sanskrit only: no published translation is held for this verse.

सर्वदेवस्तुतः सौम्यो ब्रह्मण्यो मुनिसत्तमः । महायोगी महोदारः सुग्रीवस्थिरराज्यदः

sarvadevastutaḥ saumyo brahmaṇyo munisattamaḥ | mahāyogī mahodāraḥ sugrīvasthirarājyadaḥ

Sanskrit only: no published translation is held for this verse.

सर्वपुण्याधिकफलः स्मृतः सर्वाघनाशनः । आदिपुरुषो महापुरुषः परमः पुरुषस्तथा

sarvapuṇyādhikaphalaḥ smṛtaḥ sarvāghanāśanaḥ | ādipuruṣo mahāpuruṣaḥ paramaḥ puruṣastathā

Sanskrit only: no published translation is held for this verse.

पुण्योदयो महासारः पुराणपुरुषोत्तमः । स्मितवक्त्रो मितभाषी पूर्वभाषी च राघवः

puṇyodayo mahāsāraḥ purāṇapuruṣottamaḥ | smitavaktro mitabhāṣī pūrvabhāṣī ca rāghavaḥ

Sanskrit only: no published translation is held for this verse.

अनंतगुणगंभीरो धीरो दांतगुणोत्तरः । मायामानुषचारित्रो महादेवाधिपूजितः

anaṃtaguṇagaṃbhīro dhīro dāṃtaguṇottaraḥ | māyāmānuṣacāritro mahādevādhipūjitaḥ

Sanskrit only: no published translation is held for this verse.

सेतुकृज्जितवारीशः सर्वतीर्थमयो हरिः । श्यामांगः सुंदरः शूरः पीतवासा धनुर्द्धरः

setukṛjjitavārīśaḥ sarvatīrthamayo hariḥ | śyāmāṃgaḥ suṃdaraḥ śūraḥ pītavāsā dhanurddharaḥ

Sanskrit only: no published translation is held for this verse.

सर्वयज्ञाधिपो यज्ञो जरामरणवर्जितः । शिवलिंगप्रतिष्ठाता सर्वाद्यगुणवर्जितः

sarvayajñādhipo yajño jarāmaraṇavarjitaḥ | śivaliṃgapratiṣṭhātā sarvādyaguṇavarjitaḥ

Sanskrit only: no published translation is held for this verse.

परमात्मा परब्रह्म सच्चिदानंदविग्रहः । परंज्योतिः परंधाम पराकाशः परात्परः

paramātmā parabrahma saccidānaṃdavigrahaḥ | paraṃjyotiḥ paraṃdhāma parākāśaḥ parātparaḥ

Sanskrit only: no published translation is held for this verse.

परेशः पारगः पारः सर्वभूतात्मकः शिवः । इति श्रीरामचन्द्रस्य नाम्नामष्टोत्तरं शतम्

pareśaḥ pāragaḥ pāraḥ sarvabhūtātmakaḥ śivaḥ | iti śrīrāmacandrasya nāmnāmaṣṭottaraṃ śatam

Sanskrit only: no published translation is held for this verse.

गुह्याद्गुह्यतरं देवि तव स्नेहात्प्रकीर्तितम् । यः पठेच्छृणुयाद्वापि भक्तियुक्तेन चेतसा

guhyādguhyataraṃ devi tava snehātprakīrtitam | yaḥ paṭhecchṛṇuyādvāpi bhaktiyuktena cetasā

Sanskrit only: no published translation is held for this verse.

सर्वैः प्रमुच्यते पापैः कल्पकोटिशतोद्भवैः । जलानि स्थलतां यांति शत्रवो यांति मित्रताम्

sarvaiḥ pramucyate pāpaiḥ kalpakoṭiśatodbhavaiḥ | jalāni sthalatāṃ yāṃti śatravo yāṃti mitratām

Sanskrit only: no published translation is held for this verse.

राजानो दासतां यांति वह्नयो यांति सौम्यताम् । आनुकूल्यं च भूतानि स्थैर्यं यांति चलाः श्रियः ५० 6.254.50। अनुग्रहं ग्रहा यांति शांतिमायांत्युपद्रवाः । पठतो भक्तिभावेन नरस्य गिरिसंभवे

rājāno dāsatāṃ yāṃti vahnayo yāṃti saumyatām | ānukūlyaṃ ca bhūtāni sthairyaṃ yāṃti calāḥ śriyaḥ 50 6.254.50| anugrahaṃ grahā yāṃti śāṃtimāyāṃtyupadravāḥ | paṭhato bhaktibhāvena narasya girisaṃbhave

Sanskrit only: no published translation is held for this verse.

पठेत्परमया भक्त्या तस्य वश्यं जगत्त्रयम् । यंयं कामं प्रकुरुते तंतमाप्नोति कीर्त्तनात्

paṭhetparamayā bhaktyā tasya vaśyaṃ jagattrayam | yaṃyaṃ kāmaṃ prakurute taṃtamāpnoti kīrttanāt

Sanskrit only: no published translation is held for this verse.

कल्पकोटिसहस्राणि कल्पकोटिशतानि च । वैकुंठे मोदते नित्यं दशपूर्वैर्दशापरैः

kalpakoṭisahasrāṇi kalpakoṭiśatāni ca | vaikuṃṭhe modate nityaṃ daśapūrvairdaśāparaiḥ

Sanskrit only: no published translation is held for this verse.

रामं दूर्वादलश्यामं पद्माक्षं पीतवाससम् । स्तुवंति नामभिर्द्दिव्यैर्न ते संसारिणो जनाः

rāmaṃ dūrvādalaśyāmaṃ padmākṣaṃ pītavāsasam | stuvaṃti nāmabhirddivyairna te saṃsāriṇo janāḥ

Sanskrit only: no published translation is held for this verse.

रामाय रामभद्राय रामचंद्राय वेधसे । रघुनाथाय नाथाय सीतायाः पतये नमः

rāmāya rāmabhadrāya rāmacaṃdrāya vedhase | raghunāthāya nāthāya sītāyāḥ pataye namaḥ

Sanskrit only: no published translation is held for this verse.

इमं मंत्रं महादेवि जपन्नेव दिवानिशम् । सर्वपापविनिर्मुक्तो विष्णुसायुज्यमाप्नुयात्

imaṃ maṃtraṃ mahādevi japanneva divāniśam | sarvapāpavinirmukto viṣṇusāyujyamāpnuyāt

Sanskrit only: no published translation is held for this verse.

इति ते रामचंद्रस्य माहात्म्यं वेदसंमितम् । कथितं वै मया सुभ्रूस्तव प्रीत्या शुभाह्वयम्

iti te rāmacaṃdrasya māhātmyaṃ vedasaṃmitam | kathitaṃ vai mayā subhrūstava prītyā śubhāhvayam

Sanskrit only: no published translation is held for this verse.

वसिष्ठ उवाच- तच्छ्रत्वा शंकरेणोक्तं माहात्म्यं परमात्मनः । प्रहर्षमतुलं लेभे आनंदाश्रुजलाप्लुता

vasiṣṭha uvāca- tacchratvā śaṃkareṇoktaṃ māhātmyaṃ paramātmanaḥ | praharṣamatulaṃ lebhe ānaṃdāśrujalāplutā

Sanskrit only: no published translation is held for this verse.

प्रणम्य प्राह देवेशं भर्तारं वृषभध्वजम् । पार्वत्युवाच- अहो माहात्म्यमतुलं रामस्य परमात्मनः । श्रोत्रतृप्तिर्हि मे न स्यात्कल्पायुतशतैरपि

praṇamya prāha deveśaṃ bhartāraṃ vṛṣabhadhvajam | pārvatyuvāca- aho māhātmyamatulaṃ rāmasya paramātmanaḥ | śrotratṛptirhi me na syātkalpāyutaśatairapi

Sanskrit only: no published translation is held for this verse.

धन्याहं कृतकृत्यास्मि सर्वमुक्तं त्वयानघ । त्वत्प्रसादाद्धरेर्भक्तिर्जन्मजन्मनि चास्तु मे

dhanyāhaṃ kṛtakṛtyāsmi sarvamuktaṃ tvayānagha | tvatprasādāddharerbhaktirjanmajanmani cāstu me

Sanskrit only: no published translation is held for this verse.

वसिष्ठ उवाच- एवमुक्त्वा स्वभर्तारं गौरी भागवतोत्तमा । रामाय रामभद्राय रामचंद्राय वेधसे । रघुनाथाय नाथाय सीतायाः पतये नमः

vasiṣṭha uvāca- evamuktvā svabhartāraṃ gaurī bhāgavatottamā | rāmāya rāmabhadrāya rāmacaṃdrāya vedhase | raghunāthāya nāthāya sītāyāḥ pataye namaḥ

Sanskrit only: no published translation is held for this verse.

इममेव जपन्मंत्रं सर्वावस्थासु पार्वती । उवास च सुखेनैव कैलासे पतिना सह

imameva japanmaṃtraṃ sarvāvasthāsu pārvatī | uvāsa ca sukhenaiva kailāse patinā saha

Sanskrit only: no published translation is held for this verse.

एतत्ते सर्वमाख्यातं गुह्याद्गुह्यतमं नृप । रुद्रप्रोक्तानि शास्त्राणि तामसान्येव पार्थिव

etatte sarvamākhyātaṃ guhyādguhyatamaṃ nṛpa | rudraproktāni śāstrāṇi tāmasānyeva pārthiva

Sanskrit only: no published translation is held for this verse.

संमोहनार्थं लोकानां प्रोक्तवान्वृषभध्वजः । रहसि प्रोक्तवान्देव्या इदमेकं हरः प्रभुः

saṃmohanārthaṃ lokānāṃ proktavānvṛṣabhadhvajaḥ | rahasi proktavāndevyā idamekaṃ haraḥ prabhuḥ

Sanskrit only: no published translation is held for this verse.

यथार्थमर्थं गुह्यं च सारं मंत्रस्य भूपते । देव्या प्रीत्यै महादेवः कथयामास तत्परः

yathārthamarthaṃ guhyaṃ ca sāraṃ maṃtrasya bhūpate | devyā prītyai mahādevaḥ kathayāmāsa tatparaḥ

Sanskrit only: no published translation is held for this verse.

उमामहेश्वरं राजन्संवादमिममद्भुतम् । यः पठेच्छृणुयाद्वापि भक्तियुक्तेन चेतसा

umāmaheśvaraṃ rājansaṃvādamimamadbhutam | yaḥ paṭhecchṛṇuyādvāpi bhaktiyuktena cetasā

Sanskrit only: no published translation is held for this verse.

स सर्ववंद्यः सर्वज्ञो महाभागवतो भवेत् । सर्वधर्मविनिर्मुक्तः प्राप्नोति परमं पदम्

sa sarvavaṃdyaḥ sarvajño mahābhāgavato bhavet | sarvadharmavinirmuktaḥ prāpnoti paramaṃ padam

Sanskrit only: no published translation is held for this verse.

धन्यः खलु भवान्लोके पार्थिवेंद्र महाबल । त्वदन्वये हरिः श्रीमान्पुराणः पुरुषोत्तमः

dhanyaḥ khalu bhavānloke pārthiveṃdra mahābala | tvadanvaye hariḥ śrīmānpurāṇaḥ puruṣottamaḥ

Sanskrit only: no published translation is held for this verse.

उत्पत्स्यते दाशरथिः सर्वलोकहिताय वै । तस्मादिक्ष्वाकवः पूज्याः सुराणामपि पार्थिव

utpatsyate dāśarathiḥ sarvalokahitāya vai | tasmādikṣvākavaḥ pūjyāḥ surāṇāmapi pārthiva

Sanskrit only: no published translation is held for this verse.

येषां जातो हि भगवान्रामो राजीवलोचनः । इति श्रीपाद्मे महापुराणे पंचपचाशत्साहस्र्यां संहितायामुत्तरखंडे उमामहेश्वरसंवादे रामचंद्राष्टोत्तरशतनामकथनं नाम चतुःपंचाशदधिक द्विशततमोऽध्यायः

yeṣāṃ jāto hi bhagavānrāmo rājīvalocanaḥ | iti śrīpādme mahāpurāṇe paṃcapacāśatsāhasryāṃ saṃhitāyāmuttarakhaṃḍe umāmaheśvarasaṃvāde rāmacaṃdrāṣṭottaraśatanāmakathanaṃ nāma catuḥpaṃcāśadadhika dviśatatamo'dhyāyaḥ

Sanskrit only: no published translation is held for this verse.