Padma Purāṇa 6.255

द्वादश्यां श्रवणार्के च संक्रांतौ ग्रहणे तथा । अमावस्यां पौर्णमास्यां पठेद्भक्तिसमन्वितः

dvādaśyāṃ śravaṇārke ca saṃkrāṃtau grahaṇe tathā | amāvasyāṃ paurṇamāsyāṃ paṭhedbhaktisamanvitaḥ

Sanskrit only: no published translation is held for this verse.

श्लोकार्द्धं श्लोकपादं वा पठेद्यस्तु समाहितः । अश्वमेधसहस्रस्य फलं प्राप्नोत्यसंशयः

ślokārddhaṃ ślokapādaṃ vā paṭhedyastu samāhitaḥ | aśvamedhasahasrasya phalaṃ prāpnotyasaṃśayaḥ

Sanskrit only: no published translation is held for this verse.

इत्येतत्कथितं गुह्यं पुराणं संहितात्मकम् । अर्चयस्व हृषीकेशं यदीच्छसि परमं पदम्

ityetatkathitaṃ guhyaṃ purāṇaṃ saṃhitātmakam | arcayasva hṛṣīkeśaṃ yadīcchasi paramaṃ padam

Sanskrit only: no published translation is held for this verse.

सूत उवाच- एवमुक्तो वसिष्ठेन गुरुणा नृपसत्तमः । प्रणम्य च गुरुं राजा पूजयित्वा यथार्हतः

sūta uvāca- evamukto vasiṣṭhena guruṇā nṛpasattamaḥ | praṇamya ca guruṃ rājā pūjayitvā yathārhataḥ

Sanskrit only: no published translation is held for this verse.

तस्मात्संप्राप्तमंत्रोऽसौ विधिना द्विजसत्तमात् । अर्चयित्वा हृषीकेशं यावज्जीवमतंद्रितः । काले हरिपदं प्राप योगिगम्यं सनातनम्

tasmātsaṃprāptamaṃtro'sau vidhinā dvijasattamāt | arcayitvā hṛṣīkeśaṃ yāvajjīvamataṃdritaḥ | kāle haripadaṃ prāpa yogigamyaṃ sanātanam

Sanskrit only: no published translation is held for this verse.

इति श्रीपाद्मे महापुराणे पंचपंचाशत्साहस्र्यां संहितायां वैयासिक्यामुत्तरखंडे भृगुपरीक्षाकथनंनाम पंचपंचाशदधिकद्विशततमोऽध्यायः

iti śrīpādme mahāpurāṇe paṃcapaṃcāśatsāhasryāṃ saṃhitāyāṃ vaiyāsikyāmuttarakhaṃḍe bhṛguparīkṣākathanaṃnāma paṃcapaṃcāśadadhikadviśatatamo'dhyāyaḥ

Sanskrit only: no published translation is held for this verse.