Library·Padma Purāṇa·6·6.26
नारद उवाच- गुणाधिकेभ्यो विप्रेभ्यो दातुकामोऽपि मानवः । कानिकानि च लोकेऽस्मिन्दद्यात्सर्वं तथा वद
nārada uvāca- guṇādhikebhyo viprebhyo dātukāmo'pi mānavaḥ | kānikāni ca loke'smindadyātsarvaṃ tathā vada
Sanskrit only: no published translation is held for this verse.
महादेव उवाच- लोके तत्वं हि संज्ञाय शृणु देवर्षिसत्तम । अन्नमेवं प्रशंसंति सर्वमन्ने प्रतिष्ठितम्
mahādeva uvāca- loke tatvaṃ hi saṃjñāya śṛṇu devarṣisattama | annamevaṃ praśaṃsaṃti sarvamanne pratiṣṭhitam
Sanskrit only: no published translation is held for this verse.
तस्मादन्नं विशेषेण दातुमिच्छंति मानवाः । अन्नेन सदृशं दानं न भूतं न भविष्यति
tasmādannaṃ viśeṣeṇa dātumicchaṃti mānavāḥ | annena sadṛśaṃ dānaṃ na bhūtaṃ na bhaviṣyati
Sanskrit only: no published translation is held for this verse.
अन्नेन धार्यते विश्वं जगत्स्थावरजंगमम् । अन्नमूर्जस्करं लोके प्राणाह्यन्ने प्रतिष्ठिताः
annena dhāryate viśvaṃ jagatsthāvarajaṃgamam | annamūrjaskaraṃ loke prāṇāhyanne pratiṣṭhitāḥ
Sanskrit only: no published translation is held for this verse.
दातव्यं भक्ष्यमेवान्नं ब्राह्मणाय महात्मने । कुटुंबं पीडयित्वापि आत्मनो भूतिमिच्छता
dātavyaṃ bhakṣyamevānnaṃ brāhmaṇāya mahātmane | kuṭuṃbaṃ pīḍayitvāpi ātmano bhūtimicchatā
Sanskrit only: no published translation is held for this verse.
नारदासौ विदांश्रेष्ठो यो दद्यादन्नमर्थिने । ब्राह्मणायार्तरूपाय पारलौकिकमात्मनः
nāradāsau vidāṃśreṣṭho yo dadyādannamarthine | brāhmaṇāyārtarūpāya pāralaukikamātmanaḥ
Sanskrit only: no published translation is held for this verse.
आत्मीयभूतिमन्विच्छेत्काले द्विजमुपस्थितम् । श्रांतमध्वनि वर्त्तंतं गृहस्थं गृहमागतम्
ātmīyabhūtimanvicchetkāle dvijamupasthitam | śrāṃtamadhvani varttaṃtaṃ gṛhasthaṃ gṛhamāgatam
Sanskrit only: no published translation is held for this verse.
अन्नदः प्राप्नुते विद्वान्सुशीलो वीतमत्सरः । क्रोधमुत्पतितं हित्वा दिवि चेह च यत्सुखम्
annadaḥ prāpnute vidvānsuśīlo vītamatsaraḥ | krodhamutpatitaṃ hitvā divi ceha ca yatsukham
Sanskrit only: no published translation is held for this verse.
नाभिनिंदेच्च अतिथिं न द्रुह्याच्च कथंचन । ब्रह्मविदेऽर्पयेदन्नं तच्च दानं विशिष्यते
nābhiniṃdecca atithiṃ na druhyācca kathaṃcana | brahmavide'rpayedannaṃ tacca dānaṃ viśiṣyate
Sanskrit only: no published translation is held for this verse.
श्रांतायादृष्टपूर्वाय अन्नमध्वनि वर्तिने । यो दद्याच्च परिक्लिष्टं सर्वधर्ममवाप्नुयात्
śrāṃtāyādṛṣṭapūrvāya annamadhvani vartine | yo dadyācca parikliṣṭaṃ sarvadharmamavāpnuyāt
Sanskrit only: no published translation is held for this verse.
पितृदेवांस्तथा विप्रातिथींश्च महामुने । यो नरः प्रीणयेतान्नैस्तस्य पुण्यमनंतकम्
pitṛdevāṃstathā viprātithīṃśca mahāmune | yo naraḥ prīṇayetānnaistasya puṇyamanaṃtakam
Sanskrit only: no published translation is held for this verse.
कृत्वापि सुमहत्पापं यो दद्यादन्नमर्थिने । ब्राह्मणाय विशेषेण स तु पापैः प्रमुच्यते
kṛtvāpi sumahatpāpaṃ yo dadyādannamarthine | brāhmaṇāya viśeṣeṇa sa tu pāpaiḥ pramucyate
Sanskrit only: no published translation is held for this verse.
ब्राह्मणेष्वक्षयं दानमन्नं शूद्रे महत्फलम् । अन्नदानं च शूद्रे च ब्राह्मणे चावशिष्यते
brāhmaṇeṣvakṣayaṃ dānamannaṃ śūdre mahatphalam | annadānaṃ ca śūdre ca brāhmaṇe cāvaśiṣyate
Sanskrit only: no published translation is held for this verse.
न पृच्छेद्गोत्रचरणं न च स्वाध्यायमेव च । भिक्षुको ब्राह्मणो ह्यत्र दद्यादन्नं प्रयाति च
na pṛcchedgotracaraṇaṃ na ca svādhyāyameva ca | bhikṣuko brāhmaṇo hyatra dadyādannaṃ prayāti ca
Sanskrit only: no published translation is held for this verse.
अन्नदस्य शुभा वृक्षाः सर्वकामफलान्विताः । संभवंतीह लोके च हर्षयुक्तास्त्रिविष्टपे
annadasya śubhā vṛkṣāḥ sarvakāmaphalānvitāḥ | saṃbhavaṃtīha loke ca harṣayuktāstriviṣṭape
Sanskrit only: no published translation is held for this verse.
अन्नदानेन ये लोकास्तान्शृणुष्वमहामुने । विमानानि प्रकाशंते दिवि तेषां महात्मनाम्
annadānena ye lokāstānśṛṇuṣvamahāmune | vimānāni prakāśaṃte divi teṣāṃ mahātmanām
Sanskrit only: no published translation is held for this verse.
नानासंस्थानरूपाणि नानाकामान्वितानि च । सर्वकामफलाश्चापि वृक्षा भुवनसंस्थिताः
nānāsaṃsthānarūpāṇi nānākāmānvitāni ca | sarvakāmaphalāścāpi vṛkṣā bhuvanasaṃsthitāḥ
Sanskrit only: no published translation is held for this verse.
हेमवाप्यः शुभाः सर्वा दीर्घिकाश्चैव सर्वशः । घोषवंति च यानानि मुक्तान्यथ सहस्रशः
hemavāpyaḥ śubhāḥ sarvā dīrghikāścaiva sarvaśaḥ | ghoṣavaṃti ca yānāni muktānyatha sahasraśaḥ
Sanskrit only: no published translation is held for this verse.
भक्ष्यभोज्यमयाः शैला वासांस्याभरणानि च । क्षीरं स्रवंत्यः सरितस्तथैवाज्यस्य पर्वताः
bhakṣyabhojyamayāḥ śailā vāsāṃsyābharaṇāni ca | kṣīraṃ sravaṃtyaḥ saritastathaivājyasya parvatāḥ
Sanskrit only: no published translation is held for this verse.
प्रासादाः शुभ्रवर्णाभाः शय्याश्च कनकोज्वलाः । तदन्नं दातुमिच्छंति तस्मादन्नप्रदो भवेत्
prāsādāḥ śubhravarṇābhāḥ śayyāśca kanakojvalāḥ | tadannaṃ dātumicchaṃti tasmādannaprado bhavet
Sanskrit only: no published translation is held for this verse.
एते लोकाः पुण्यकृतामन्नदानं महत्फलम् । तस्मादन्नं विशेषेण दातव्यं मानवैर्भुवि
ete lokāḥ puṇyakṛtāmannadānaṃ mahatphalam | tasmādannaṃ viśeṣeṇa dātavyaṃ mānavairbhuvi
Sanskrit only: no published translation is held for this verse.