Padma Purāṇa 6.28

महादेव उवाच- अत्राप्युदाहरंतीममितिहासं पुरातनम् । पुराणं परमं पुण्यं सर्वपापहरं शुभम्

mahādeva uvāca- atrāpyudāharaṃtīmamitihāsaṃ purātanam | purāṇaṃ paramaṃ puṇyaṃ sarvapāpaharaṃ śubham

Sanskrit only: no published translation is held for this verse.

कुमारेण च लोकानां नमस्कृत्य पितामहम् । प्रोक्तं चेदं ममाख्यानं देवर्षे ब्रह्मसूनुना

kumāreṇa ca lokānāṃ namaskṛtya pitāmaham | proktaṃ cedaṃ mamākhyānaṃ devarṣe brahmasūnunā

Sanskrit only: no published translation is held for this verse.

सनत्कुमार उवाच- गतोऽहं धर्मराजानं द्रष्टुं संपूजितो मुदा । श्रुतिभिः परया भक्त्या तेनोक्तोऽस्मि सुखासने

sanatkumāra uvāca- gato'haṃ dharmarājānaṃ draṣṭuṃ saṃpūjito mudā | śrutibhiḥ parayā bhaktyā tenokto'smi sukhāsane

Sanskrit only: no published translation is held for this verse.

मया तत्रोपविष्टेन दृष्टं किंचिन्महाद्भुतम् । कांचनेन विमानेन वैडूर्यकृतवेदिना

mayā tatropaviṣṭena dṛṣṭaṃ kiṃcinmahādbhutam | kāṃcanena vimānena vaiḍūryakṛtavedinā

Sanskrit only: no published translation is held for this verse.

मणिमुक्तविचित्रेण किंकिणीजालशोभिना । आगतं पुरुषं तत्र आसनाद्देवसत्तम

maṇimuktavicitreṇa kiṃkiṇījālaśobhinā | āgataṃ puruṣaṃ tatra āsanāddevasattama

Sanskrit only: no published translation is held for this verse.

ससंभ्रमं समुत्थाय दृष्ट्वा धर्मः स्वयं विभुः । गृहीत्वा दक्षिणे पाणौ पूजितोऽर्घेण वै ततः

sasaṃbhramaṃ samutthāya dṛṣṭvā dharmaḥ svayaṃ vibhuḥ | gṛhītvā dakṣiṇe pāṇau pūjito'rgheṇa vai tataḥ

Sanskrit only: no published translation is held for this verse.

शिरस्याघ्राय देवेशः पुरः स्थाप्य ततः परम् । पूजयित्वा तु तं धर्म इदं वाक्यमुवाच ह

śirasyāghrāya deveśaḥ puraḥ sthāpya tataḥ param | pūjayitvā tu taṃ dharma idaṃ vākyamuvāca ha

Sanskrit only: no published translation is held for this verse.

सुस्वागतं धर्मदर्शिन्प्रीतोऽस्मि दर्शनात्तव । समीपे मम तिष्ठस्व किंचिज्ज्ञानं वदस्व मे

susvāgataṃ dharmadarśinprīto'smi darśanāttava | samīpe mama tiṣṭhasva kiṃcijjñānaṃ vadasva me

Sanskrit only: no published translation is held for this verse.

पुनर्यास्यसि तत्स्थानं यत्र ब्रह्मा व्यवस्थितः । इत्युक्ते च ततश्चान्यो विमानवरमास्थितः

punaryāsyasi tatsthānaṃ yatra brahmā vyavasthitaḥ | ityukte ca tataścānyo vimānavaramāsthitaḥ

Sanskrit only: no published translation is held for this verse.

आगतः पुरुषो देवो यत्र तिष्ठति धर्मराट् । स पूजितो विमानस्थः प्रश्रयावनतेन च

āgataḥ puruṣo devo yatra tiṣṭhati dharmarāṭ | sa pūjito vimānasthaḥ praśrayāvanatena ca

Sanskrit only: no published translation is held for this verse.

सामपूर्वं तथोक्त्वा तु यथापूर्वं नरः स्वयम् । किमनेन कृतं कर्म यस्य तुष्टो भवान्भृशम्

sāmapūrvaṃ tathoktvā tu yathāpūrvaṃ naraḥ svayam | kimanena kṛtaṃ karma yasya tuṣṭo bhavānbhṛśam

Sanskrit only: no published translation is held for this verse.

अत्र मे कौतुकं जातं कृता हि स्वयमेव तु । यदस्य भवता पूजा सविस्मयमनंतरम्

atra me kautukaṃ jātaṃ kṛtā hi svayameva tu | yadasya bhavatā pūjā savismayamanaṃtaram

Sanskrit only: no published translation is held for this verse.

तथैवास्य कृता पूजा द्वितीयस्य नरस्य तु । मेनेऽहं शुभकर्माणौ विमानं वरसत्तमौ

tathaivāsya kṛtā pūjā dvitīyasya narasya tu | mene'haṃ śubhakarmāṇau vimānaṃ varasattamau

Sanskrit only: no published translation is held for this verse.

यस्त्वमाभ्यां स्वयं पूजां कुरुषे धर्मकारणात् । ब्रह्माविष्णुशिवाद्यैस्तु पूज्यसे त्वं सदानिशम्

yastvamābhyāṃ svayaṃ pūjāṃ kuruṣe dharmakāraṇāt | brahmāviṣṇuśivādyaistu pūjyase tvaṃ sadāniśam

Sanskrit only: no published translation is held for this verse.

यस्येदृक्परमं पुण्यं किमेतौ कर्म चक्रतुः । कथ्यतां मम सर्वज्ञ फलं दिव्यमवापतुः

yasyedṛkparamaṃ puṇyaṃ kimetau karma cakratuḥ | kathyatāṃ mama sarvajña phalaṃ divyamavāpatuḥ

Sanskrit only: no published translation is held for this verse.

तच्छ्रुत्वा स तु मां प्राह शृणु कर्मानयोः कृतम् । यत्कृत्वार्हमिहायातौ तच्छृणुष्व महामते

tacchrutvā sa tu māṃ prāha śṛṇu karmānayoḥ kṛtam | yatkṛtvārhamihāyātau tacchṛṇuṣva mahāmate

Sanskrit only: no published translation is held for this verse.

धर्म उवाच- वैदिशं नाम नगरं पृथिव्यामस्ति विश्रुतम् । तत्राभूत्पृथिवीपालो धरापाल इति श्रुतः

dharma uvāca- vaidiśaṃ nāma nagaraṃ pṛthivyāmasti viśrutam | tatrābhūtpṛthivīpālo dharāpāla iti śrutaḥ

Sanskrit only: no published translation is held for this verse.

कस्मिन्काले पुरा देवी शशाप स्वगणं क्रुधा । मदृतेन परा नारी भर्त्तुर्यन्मे निवेशिता

kasminkāle purā devī śaśāpa svagaṇaṃ krudhā | madṛtena parā nārī bhartturyanme niveśitā

Sanskrit only: no published translation is held for this verse.

तस्माद्द्वादशवर्षाणि जंबुकस्त्वं भविष्यसि । इत्युक्तः स च बभ्राम जंबुको मेदिनीतलम्

tasmāddvādaśavarṣāṇi jaṃbukastvaṃ bhaviṣyasi | ityuktaḥ sa ca babhrāma jaṃbuko medinītalam

Sanskrit only: no published translation is held for this verse.

वेतसी वेत्रवत्योस्तु संगमे लोकविश्रुते । शापांतो भविता पुत्र इत्युक्तं गिरिकन्यया

vetasī vetravatyostu saṃgame lokaviśrute | śāpāṃto bhavitā putra ityuktaṃ girikanyayā

Sanskrit only: no published translation is held for this verse.

तत्र चानशनं कृत्वा क्षेत्रे प्राणांस्ततोऽत्यजत् । दिव्यरूपवपुर्भूत्वा जगाम विष्णुसन्निधौ

tatra cānaśanaṃ kṛtvā kṣetre prāṇāṃstato'tyajat | divyarūpavapurbhūtvā jagāma viṣṇusannidhau

Sanskrit only: no published translation is held for this verse.

तत्राश्चर्यं महद्दृष्ट्वा धरापालो महीपतिः । विष्णोरायतनं कृत्वा क्षेत्रे प्राणंस्ततोऽत्यजत्

tatrāścaryaṃ mahaddṛṣṭvā dharāpālo mahīpatiḥ | viṣṇorāyatanaṃ kṛtvā kṣetre prāṇaṃstato'tyajat

Sanskrit only: no published translation is held for this verse.

दिव्यरूपवपुर्भूत्वा स्थापयामास तं प्रभुम् । तस्मिन्पुरे नरान्सर्वा सन्नियोज्यास्य वीक्षणे

divyarūpavapurbhūtvā sthāpayāmāsa taṃ prabhum | tasminpure narānsarvā sanniyojyāsya vīkṣaṇe

Sanskrit only: no published translation is held for this verse.

शुभमायतनं विष्णोस्तस्मिन्ग्रामे सदा जनैः । पूर्णं तु ब्राह्मणादीनां पूजयित्वा कदंबकम्

śubhamāyatanaṃ viṣṇostasmingrāme sadā janaiḥ | pūrṇaṃ tu brāhmaṇādīnāṃ pūjayitvā kadaṃbakam

Sanskrit only: no published translation is held for this verse.

इतिहासपुराणज्ञं वाचकं तु विशेषतः । पूजयित्वा द्विजश्रेष्ठं विद्याश्रेष्ठं महामतिः

itihāsapurāṇajñaṃ vācakaṃ tu viśeṣataḥ | pūjayitvā dvijaśreṣṭhaṃ vidyāśreṣṭhaṃ mahāmatiḥ

Sanskrit only: no published translation is held for this verse.

पुस्तकं चापि संपूज्य गंधपुष्पादिभिः क्रमात् । ततस्तमाह राजासौ वाचकं विनयान्वितः

pustakaṃ cāpi saṃpūjya gaṃdhapuṣpādibhiḥ kramāt | tatastamāha rājāsau vācakaṃ vinayānvitaḥ

Sanskrit only: no published translation is held for this verse.

एतदायतनं विष्णोः कारितं च तवाग्रतः । चातुर्वर्ण्यमिदं चापि श्रोतुकामं कदंबकम्

etadāyatanaṃ viṣṇoḥ kāritaṃ ca tavāgrataḥ | cāturvarṇyamidaṃ cāpi śrotukāmaṃ kadaṃbakam

Sanskrit only: no published translation is held for this verse.

तिष्ठतीह द्विजश्रेष्ठ कुरु पुस्तकवाचनम् । यावत्संवत्सरं विप्र गृह्य वृत्तिं त्वनुत्तमाम्

tiṣṭhatīha dvijaśreṣṭha kuru pustakavācanam | yāvatsaṃvatsaraṃ vipra gṛhya vṛttiṃ tvanuttamām

Sanskrit only: no published translation is held for this verse.

स्वर्णनिष्कशतं चात्र ततो दास्ये तथापरम् । पूर्णे वर्षे द्विजश्रेष्ठ श्रेयोऽथ महमात्मनः

svarṇaniṣkaśataṃ cātra tato dāsye tathāparam | pūrṇe varṣe dvijaśreṣṭha śreyo'tha mahamātmanaḥ

Sanskrit only: no published translation is held for this verse.

एवं प्रवर्तितं तत्र पुण्यं पुस्तकवाचनम् । वर्षसंगतमात्रे तु तथा च मुनिसत्तम

evaṃ pravartitaṃ tatra puṇyaṃ pustakavācanam | varṣasaṃgatamātre tu tathā ca munisattama

Sanskrit only: no published translation is held for this verse.

अथायुषः क्षयाच्चायं कालधर्ममुपेयिवान् । मया चास्य विमानं हि विष्णुना प्रेरितं दिवः

athāyuṣaḥ kṣayāccāyaṃ kāladharmamupeyivān | mayā cāsya vimānaṃ hi viṣṇunā preritaṃ divaḥ

Sanskrit only: no published translation is held for this verse.

इत्येषा कर्मणां व्युष्टिः पुण्यमाख्यानसंज्ञकम् । श्रुतं पाद्मं महत्पुण्यं पवित्रं पापनाशनम्

ityeṣā karmaṇāṃ vyuṣṭiḥ puṇyamākhyānasaṃjñakam | śrutaṃ pādmaṃ mahatpuṇyaṃ pavitraṃ pāpanāśanam

Sanskrit only: no published translation is held for this verse.

गंधपुष्पोपहारैस्तु न तुष्टिर्जायते तथा । देवानामिह सर्वेषां पुराणश्रवणाद्यथा

gaṃdhapuṣpopahāraistu na tuṣṭirjāyate tathā | devānāmiha sarveṣāṃ purāṇaśravaṇādyathā

Sanskrit only: no published translation is held for this verse.

स्वर्णरत्नादिवस्तूनां वस्त्राणां चापि कृत्स्नशः । ग्रामाणां नगराणां च दानात्तुष्टिर्भवेन्नहि

svarṇaratnādivastūnāṃ vastrāṇāṃ cāpi kṛtsnaśaḥ | grāmāṇāṃ nagarāṇāṃ ca dānāttuṣṭirbhavennahi

Sanskrit only: no published translation is held for this verse.

यथा स्याद्धर्मश्रवणात्प्रीतिः सर्वदिवौकसाम् । इतिहासपुराणानां श्रवणे मुनिसत्तम

yathā syāddharmaśravaṇātprītiḥ sarvadivaukasām | itihāsapurāṇānāṃ śravaṇe munisattama

Sanskrit only: no published translation is held for this verse.

तथा स्यान्मे महाप्रीतिः साध्ये सर्वार्थकामिके । कन्यादाने महाप्रीतिर्मम स्यान्मुनिसत्तम

tathā syānme mahāprītiḥ sādhye sarvārthakāmike | kanyādāne mahāprītirmama syānmunisattama

Sanskrit only: no published translation is held for this verse.

न तथा रोचते सा च यथा पुस्तकवाचनात् । अथ किं बहुनोक्तेन नान्यत्प्रीतिकरं मम

na tathā rocate sā ca yathā pustakavācanāt | atha kiṃ bahunoktena nānyatprītikaraṃ mama

Sanskrit only: no published translation is held for this verse.

पुण्याख्यानमृते विप्र गुह्यमेतत्प्रकीर्तितम् । यश्चायमपरो विप्र इहायातो नरोत्तमः

puṇyākhyānamṛte vipra guhyametatprakīrtitam | yaścāyamaparo vipra ihāyāto narottamaḥ

Sanskrit only: no published translation is held for this verse.

संगत्यानुगतश्चायं धर्मश्रवणमुत्तमम् । श्रुत्वा भक्तिरभूदस्य श्रद्धया परमात्मनः

saṃgatyānugataścāyaṃ dharmaśravaṇamuttamam | śrutvā bhaktirabhūdasya śraddhayā paramātmanaḥ

Sanskrit only: no published translation is held for this verse.

कृत्वा प्रदक्षिणं तस्य वाचकस्य महात्मनः । एष विप्रो मुनिश्रेष्ठ ददौ स्वर्णस्य माषकम्

kṛtvā pradakṣiṇaṃ tasya vācakasya mahātmanaḥ | eṣa vipro muniśreṣṭha dadau svarṇasya māṣakam

Sanskrit only: no published translation is held for this verse.

नान्यद्दानं कदा चक्रे लोभाविष्टेन चेतसा । पात्रदानात्फलप्राप्तिस्त्वस्य जाता न संशयः

nānyaddānaṃ kadā cakre lobhāviṣṭena cetasā | pātradānātphalaprāptistvasya jātā na saṃśayaḥ

Sanskrit only: no published translation is held for this verse.

इत्येतत्कथितं कर्म आभ्यां चैव महामुने

ityetatkathitaṃ karma ābhyāṃ caiva mahāmune

Sanskrit only: no published translation is held for this verse.

महादेव उवाच- एतत्पुण्यस्य माहात्म्यं ये शृण्वंति मनीषिणः । न तेषां दुर्गतिः कच्चिज्जन्मजन्मनि जायते

mahādeva uvāca- etatpuṇyasya māhātmyaṃ ye śṛṇvaṃti manīṣiṇaḥ | na teṣāṃ durgatiḥ kaccijjanmajanmani jāyate

Sanskrit only: no published translation is held for this verse.