Library·Padma Purāṇa·6·6.29
महादेव उवाच- अथान्यत्संप्रवक्ष्यामि शृणु देवर्षिसत्तम । गोपीचंदनमाहात्म्यं यथादृष्टं श्रुतं मया
mahādeva uvāca- athānyatsaṃpravakṣyāmi śṛṇu devarṣisattama | gopīcaṃdanamāhātmyaṃ yathādṛṣṭaṃ śrutaṃ mayā
Sanskrit only: no published translation is held for this verse.
ब्राह्मणो वाथ वैश्यो वा शूद्रो वाप्यथवा द्विजः । गोपीचंदनलिप्तांगो मुच्यते ब्रह्महत्यया
brāhmaṇo vātha vaiśyo vā śūdro vāpyathavā dvijaḥ | gopīcaṃdanaliptāṃgo mucyate brahmahatyayā
Sanskrit only: no published translation is held for this verse.
तिलकं कुरुते यस्तु गोपीचंदनसंभवम् । मद्यपानादिदोषैस्तु मुच्यते नात्र संशयः
tilakaṃ kurute yastu gopīcaṃdanasaṃbhavam | madyapānādidoṣaistu mucyate nātra saṃśayaḥ
Sanskrit only: no published translation is held for this verse.
गोपीचंदनलिप्तांगो वैष्णवो विष्णुतत्परः । सर्वदोषैः प्रमुच्येत यथा गंगांभसा पुनः
gopīcaṃdanaliptāṃgo vaiṣṇavo viṣṇutatparaḥ | sarvadoṣaiḥ pramucyeta yathā gaṃgāṃbhasā punaḥ
Sanskrit only: no published translation is held for this verse.
ब्रह्महा मद्यपानी च स्वर्णस्तेयी तथैव च । गुरुतल्पगमो वाथ शूद्रो वाप्यथ वै द्विजः
brahmahā madyapānī ca svarṇasteyī tathaiva ca | gurutalpagamo vātha śūdro vāpyatha vai dvijaḥ
Sanskrit only: no published translation is held for this verse.
स सद्यो मुच्यते पापादाजन्मशतकारणात् । द्वादशतिलकं प्रोक्तं सर्वेषां वै विशेषतः
sa sadyo mucyate pāpādājanmaśatakāraṇāt | dvādaśatilakaṃ proktaṃ sarveṣāṃ vai viśeṣataḥ
Sanskrit only: no published translation is held for this verse.
वैष्णवानां ब्राह्मणानां कर्तव्यं भूतिमिच्छताम् । दंडाकारं ललाटे स्यात्पद्माकारं तु वक्षसि
vaiṣṇavānāṃ brāhmaṇānāṃ kartavyaṃ bhūtimicchatām | daṃḍākāraṃ lalāṭe syātpadmākāraṃ tu vakṣasi
Sanskrit only: no published translation is held for this verse.
वेणुपत्रनिभं बाहुमूलेऽन्यद्दीपकाकृति । उच्चैश्चक्राणि चत्वारि बाहुमूले तु दक्षिणे
veṇupatranibhaṃ bāhumūle'nyaddīpakākṛti | uccaiścakrāṇi catvāri bāhumūle tu dakṣiṇe
Sanskrit only: no published translation is held for this verse.
नाममुद्राद्वयं नीचैः शंखमेकं तयोरपि । मध्ये ततः पार्श्वयोस्तु द्वे द्वे पद्मे च धारयेत्
nāmamudrādvayaṃ nīcaiḥ śaṃkhamekaṃ tayorapi | madhye tataḥ pārśvayostu dve dve padme ca dhārayet
Sanskrit only: no published translation is held for this verse.
वामेऽपि चतुरः शंखान्नाममुद्रे च पूर्ववत् । चक्रमेकंगदे द्वे द्वे तयोरिति विभेदतः
vāme'pi caturaḥ śaṃkhānnāmamudre ca pūrvavat | cakramekaṃgade dve dve tayoriti vibhedataḥ
Sanskrit only: no published translation is held for this verse.
ललाटे च गदामेकां नाममुद्रां तथा हृदि । त्रीणित्रीणि विचित्राणि मध्ये शाखावुभावुभौ
lalāṭe ca gadāmekāṃ nāmamudrāṃ tathā hṛdi | trīṇitrīṇi vicitrāṇi madhye śākhāvubhāvubhau
Sanskrit only: no published translation is held for this verse.
हृदि पार्श्वे स्तनादूर्ध्वं गदापद्मानि बाहुवत् । त्रीणि चत्वारि चक्राणि कर्णमूले द्वयोरधः
hṛdi pārśve stanādūrdhvaṃ gadāpadmāni bāhuvat | trīṇi catvāri cakrāṇi karṇamūle dvayoradhaḥ
Sanskrit only: no published translation is held for this verse.
एकमेकं तदन्येषु तिलकेषु च धारयेत् । संप्रदायजमुद्रां तु धार्या शिष्टानुसारतः
ekamekaṃ tadanyeṣu tilakeṣu ca dhārayet | saṃpradāyajamudrāṃ tu dhāryā śiṣṭānusārataḥ
Sanskrit only: no published translation is held for this verse.
यथारुच्यथवा धार्या न तत्र नियमा यतः । आचांडालाद्विशुद्ध्यंति तिलकस्यैव धारणात्
yathārucyathavā dhāryā na tatra niyamā yataḥ | ācāṃḍālādviśuddhyaṃti tilakasyaiva dhāraṇāt
Sanskrit only: no published translation is held for this verse.
चांडालादधिकं मन्ये वैष्णवानां हि निंदकम् । स च विष्णुसमो ज्ञेयो नात्र कार्या विचारणा
cāṃḍālādadhikaṃ manye vaiṣṇavānāṃ hi niṃdakam | sa ca viṣṇusamo jñeyo nātra kāryā vicāraṇā
Sanskrit only: no published translation is held for this verse.
वैष्णवो ब्राह्मणो यस्तु विष्णुध्यानेषु तत्परः । नांतरस्तस्य वै ज्ञेयः स वै विष्णुर्भवेदिह
vaiṣṇavo brāhmaṇo yastu viṣṇudhyāneṣu tatparaḥ | nāṃtarastasya vai jñeyaḥ sa vai viṣṇurbhavediha
Sanskrit only: no published translation is held for this verse.
शंखचक्रधरो विप्रो वेदाध्ययनतत्परः । स वै नारायण इति वेदे चैव तु पठ्यते
śaṃkhacakradharo vipro vedādhyayanatatparaḥ | sa vai nārāyaṇa iti vede caiva tu paṭhyate
Sanskrit only: no published translation is held for this verse.
तप्तचक्रधरो विप्रः पंक्तिपावनपावनः । तस्य भक्तियुतो ब्रह्मन्महापापैः प्रमुच्यते
taptacakradharo vipraḥ paṃktipāvanapāvanaḥ | tasya bhaktiyuto brahmanmahāpāpaiḥ pramucyate
Sanskrit only: no published translation is held for this verse.
तुलसीपत्रमालां वा तुलसीकाष्ठसंभवाम् । धृत्वा वै ब्राह्मणो भूयान्मुक्तिभागी न संशयः
tulasīpatramālāṃ vā tulasīkāṣṭhasaṃbhavām | dhṛtvā vai brāhmaṇo bhūyānmuktibhāgī na saṃśayaḥ
Sanskrit only: no published translation is held for this verse.
विष्णुरूपो यतो विप्रो वैष्णवः स इह स्मृतः । पंचत्वे यस्य तिलकं गोपीचंदनसंभवम्
viṣṇurūpo yato vipro vaiṣṇavaḥ sa iha smṛtaḥ | paṃcatve yasya tilakaṃ gopīcaṃdanasaṃbhavam
Sanskrit only: no published translation is held for this verse.
विमानं स समारुह्य याति विष्णोः परं पदम् । कलौ नारद वक्ष्यामि तिलकं गोपिचंदनम्
vimānaṃ sa samāruhya yāti viṣṇoḥ paraṃ padam | kalau nārada vakṣyāmi tilakaṃ gopicaṃdanam
Sanskrit only: no published translation is held for this verse.
ये कुर्वंति नरश्रेष्ठा न तेषां दुर्गतिः क्वचित् । शंखं चैव तथा चक्रं दक्षिणे चापि सव्यके
ye kurvaṃti naraśreṣṭhā na teṣāṃ durgatiḥ kvacit | śaṃkhaṃ caiva tathā cakraṃ dakṣiṇe cāpi savyake
Sanskrit only: no published translation is held for this verse.
हस्ते धृत्वा विशेषेण महापापैः प्रमुच्यते । मद्यपानरता ये च ये च स्त्रीबालघातकाः
haste dhṛtvā viśeṣeṇa mahāpāpaiḥ pramucyate | madyapānaratā ye ca ye ca strībālaghātakāḥ
Sanskrit only: no published translation is held for this verse.
अगम्यागमका ये वै दृश्यंते भुवि वाडव । भक्तानां दर्शनादेव मुक्तिस्तेषां न संशयः
agamyāgamakā ye vai dṛśyaṃte bhuvi vāḍava | bhaktānāṃ darśanādeva muktisteṣāṃ na saṃśayaḥ
Sanskrit only: no published translation is held for this verse.
संसारे तुच्छसारेस्मिन्कुतो वै वैष्णवा जनाः । अहं हि वैष्णवो जातो विष्णोर्भक्तिप्रसादतः
saṃsāre tucchasāresminkuto vai vaiṣṇavā janāḥ | ahaṃ hi vaiṣṇavo jāto viṣṇorbhaktiprasādataḥ
Sanskrit only: no published translation is held for this verse.
काश्यां निवसतां ह्यत्र रामरामेति संजपन् । तेन पुण्यादियोगेन शिवो वै नात्र संशयः
kāśyāṃ nivasatāṃ hyatra rāmarāmeti saṃjapan | tena puṇyādiyogena śivo vai nātra saṃśayaḥ
Sanskrit only: no published translation is held for this verse.