Padma Purāṇa 6.31

नारद उवाच- देवदेव जगन्नाथ भक्तानामभयप्रद । व्रतं ब्रूहि महादेव कृपां कृत्वा ममोपरि

nārada uvāca- devadeva jagannātha bhaktānāmabhayaprada | vrataṃ brūhi mahādeva kṛpāṃ kṛtvā mamopari

Sanskrit only: no published translation is held for this verse.

श्रीमहादेव उवाच- सार्वभौमः पुरा ह्यासीद्धरिश्चंद्रो महीपतिः । तस्यतुष्टोऽददद्ब्रह्मा पुरीं कामदुघां शुभाम्

śrīmahādeva uvāca- sārvabhaumaḥ purā hyāsīddhariścaṃdro mahīpatiḥ | tasyatuṣṭo'dadadbrahmā purīṃ kāmadughāṃ śubhām

Sanskrit only: no published translation is held for this verse.

सर्वरत्नमयीं दिव्यां बालार्कसदृशप्रभाम् । तत्र स्थितो महीपालो सप्तद्वीपां वसुंधराम्

sarvaratnamayīṃ divyāṃ bālārkasadṛśaprabhām | tatra sthito mahīpālo saptadvīpāṃ vasuṃdharām

Sanskrit only: no published translation is held for this verse.

पालयामास धर्मेण पिता पुत्रमिवौरसम् । प्रभूतधनधान्यस्तु पुत्रदौहित्रवान्नृपः

pālayāmāsa dharmeṇa pitā putramivaurasam | prabhūtadhanadhānyastu putradauhitravānnṛpaḥ

Sanskrit only: no published translation is held for this verse.

स पालयन्शुभं राज्यं परं विस्मयमागतः । न तादृशमभूत्पूर्वं राज्यं कस्य हि कर्हिचित्

sa pālayanśubhaṃ rājyaṃ paraṃ vismayamāgataḥ | na tādṛśamabhūtpūrvaṃ rājyaṃ kasya hi karhicit

Sanskrit only: no published translation is held for this verse.

न चेदृशं नरैरन्यैर्विमानमधिरोहितम् । कस्येह कर्मणो व्यष्टिर्येनाहं सुरराडिव

na cedṛśaṃ narairanyairvimānamadhirohitam | kasyeha karmaṇo vyaṣṭiryenāhaṃ surarāḍiva

Sanskrit only: no published translation is held for this verse.

इति चिंतापरो भूत्वा विमानवरमास्थितः । ददर्श पार्थिववरो मेरुं शिखरिणां वरम्

iti ciṃtāparo bhūtvā vimānavaramāsthitaḥ | dadarśa pārthivavaro meruṃ śikhariṇāṃ varam

Sanskrit only: no published translation is held for this verse.

तत्रास्ते च महात्मासौ द्वितीय इव भास्करः । आसीनं पर्वतवरे शैलपट्टे हिरण्मये

tatrāste ca mahātmāsau dvitīya iva bhāskaraḥ | āsīnaṃ parvatavare śailapaṭṭe hiraṇmaye

Sanskrit only: no published translation is held for this verse.

सनत्कुमारं ब्रह्मर्षिं ज्ञानयोगपरायणम् । दृष्ट्वा ह्यवातरद्राजा प्रष्टुकामोऽथ विस्मयम्

sanatkumāraṃ brahmarṣiṃ jñānayogaparāyaṇam | dṛṣṭvā hyavātaradrājā praṣṭukāmo'tha vismayam

Sanskrit only: no published translation is held for this verse.

ववंदे चरणौ हृष्टस्तेनापि स च नंदितः । सुखोपविष्टस्तु नृपः पप्रच्छ मुनिपुंगवम्

vavaṃde caraṇau hṛṣṭastenāpi sa ca naṃditaḥ | sukhopaviṣṭastu nṛpaḥ papraccha munipuṃgavam

Sanskrit only: no published translation is held for this verse.

भगवन्दुर्ल्लभा लोके संपच्चेयं यथा मम । कर्मणा केन लभ्येत कश्चाहं पूर्वजन्मनि

bhagavandurllabhā loke saṃpacceyaṃ yathā mama | karmaṇā kena labhyeta kaścāhaṃ pūrvajanmani

Sanskrit only: no published translation is held for this verse.

तत्त्वं कथय मे सर्वमनुग्राह्योऽस्मि ते यदि । सनत्कुमार उवाच-। शृणु राजन्प्रवक्ष्यामि पूर्ववृत्तस्य कारणम्

tattvaṃ kathaya me sarvamanugrāhyo'smi te yadi | sanatkumāra uvāca-| śṛṇu rājanpravakṣyāmi pūrvavṛttasya kāraṇam

Sanskrit only: no published translation is held for this verse.

येन कृत्वा विशेषेण तव चानुग्रहोऽभवत् । त्वमासीः पूर्वजनुषि सुवैश्यः सत्यवाक्शुचिः

yena kṛtvā viśeṣeṇa tava cānugraho'bhavat | tvamāsīḥ pūrvajanuṣi suvaiśyaḥ satyavākśuciḥ

Sanskrit only: no published translation is held for this verse.

स्वं कर्म ते परित्यक्तं ततस्त्यक्तस्तु बांधवैः । सत्वं वृत्तिपरिक्षीणो भार्ययानुगतस्तथा

svaṃ karma te parityaktaṃ tatastyaktastu bāṃdhavaiḥ | satvaṃ vṛttiparikṣīṇo bhāryayānugatastathā

Sanskrit only: no published translation is held for this verse.

निर्गतः स्वजनांस्त्यक्त्वा परप्रेषणलिप्सया । न च प्रेषणदो ह्यासीत्काले दुर्भिक्षपीडितः

nirgataḥ svajanāṃstyaktvā parapreṣaṇalipsayā | na ca preṣaṇado hyāsītkāle durbhikṣapīḍitaḥ

Sanskrit only: no published translation is held for this verse.

ततः कदाचिद्गहने सरश्चोत्फुल्लपंकजम् । दृष्ट्वा तत्र कृतो भावो गृह्णीवः पंकजानि वै

tataḥ kadācidgahane saraścotphullapaṃkajam | dṛṣṭvā tatra kṛto bhāvo gṛhṇīvaḥ paṃkajāni vai

Sanskrit only: no published translation is held for this verse.

एतावदुक्त्वा पुष्पाणि तान्यादाय पदे पदे । आस्थितौ नगरीं पुण्यां नाम्ना वाराणसीं शुभाम्

etāvaduktvā puṣpāṇi tānyādāya pade pade | āsthitau nagarīṃ puṇyāṃ nāmnā vārāṇasīṃ śubhām

Sanskrit only: no published translation is held for this verse.

ततो विक्रयतः कश्चिनैव गृह्णाति पंकजम् । तन्मठान्निर्गतः कश्चित्तत्रैव प्रांगणे स्थितः

tato vikrayataḥ kaścinaiva gṛhṇāti paṃkajam | tanmaṭhānnirgataḥ kaścittatraiva prāṃgaṇe sthitaḥ

Sanskrit only: no published translation is held for this verse.

तत्र स्थाने प्रविशता श्रुतो वादित्रनिस्वनः । कस्मिंश्च श्रूयते ह्येष वादित्रस्य च निस्वनः

tatra sthāne praviśatā śruto vāditranisvanaḥ | kasmiṃśca śrūyate hyeṣa vāditrasya ca nisvanaḥ

Sanskrit only: no published translation is held for this verse.

इति पृष्टे तदा तूर्ये तेनोक्ते प्रस्थितोंतरम् । काशिराजस्तु विख्यात इंद्रद्युम्नस्तु पार्थिवः

iti pṛṣṭe tadā tūrye tenokte prasthitoṃtaram | kāśirājastu vikhyāta iṃdradyumnastu pārthivaḥ

Sanskrit only: no published translation is held for this verse.

तस्यास्ति दुहिता ख्याता नाम्ना चंद्रावती सती । उपोषिता महाभागा जयंतीमष्टमीं शुभाम्

tasyāsti duhitā khyātā nāmnā caṃdrāvatī satī | upoṣitā mahābhāgā jayaṃtīmaṣṭamīṃ śubhām

Sanskrit only: no published translation is held for this verse.

तत्रागतोऽसौ वैश्यस्तु यत्र तिष्ठति सा शुभा । संतुष्टचित्तः स तदा हर्षस्तत्रागतो महान्

tatrāgato'sau vaiśyastu yatra tiṣṭhati sā śubhā | saṃtuṣṭacittaḥ sa tadā harṣastatrāgato mahān

Sanskrit only: no published translation is held for this verse.

तत्र स्थाने त्वया दृष्टो देव वैतानिको विधिः । आदित्यसहितो यत्र पूज्यते भगवान्हरिः

tatra sthāne tvayā dṛṣṭo deva vaitāniko vidhiḥ | ādityasahito yatra pūjyate bhagavānhariḥ

Sanskrit only: no published translation is held for this verse.

तद्भक्त्या च त्वया पत्न्या सह पुष्पार्चनं कृतम् । शेषैस्तु प्रकरस्तत्र कृतः पुष्पमयस्तथा

tadbhaktyā ca tvayā patnyā saha puṣpārcanaṃ kṛtam | śeṣaistu prakarastatra kṛtaḥ puṣpamayastathā

Sanskrit only: no published translation is held for this verse.

तं दृष्ट्वा विस्मिता साह केनेहाभ्यर्चनं कृतम् । ज्ञात्वा तत्कर्मतत्सर्वं कृतं संरक्षणं तथा

taṃ dṛṣṭvā vismitā sāha kenehābhyarcanaṃ kṛtam | jñātvā tatkarmatatsarvaṃ kṛtaṃ saṃrakṣaṇaṃ tathā

Sanskrit only: no published translation is held for this verse.

ततस्तुष्टा तु सा तुभ्यं ददौ वित्तं बहुस्वयम् । त्वया वित्तं नो गृहीतं भोजनायानुमंत्रितः

tatastuṣṭā tu sā tubhyaṃ dadau vittaṃ bahusvayam | tvayā vittaṃ no gṛhītaṃ bhojanāyānumaṃtritaḥ

Sanskrit only: no published translation is held for this verse.

न गृहीतं भोजनं च न च वित्तं त्वया तदा । आदित्यो विष्णुसंयुक्तः पूजितोऽसौ यथाविधि

na gṛhītaṃ bhojanaṃ ca na ca vittaṃ tvayā tadā | ādityo viṣṇusaṃyuktaḥ pūjito'sau yathāvidhi

Sanskrit only: no published translation is held for this verse.

ततः प्रभातसमये रक्षमाणस्तया सदा । विश्रंभयित्वा तान्सर्वान्निर्गतोऽसि यथेच्छया

tataḥ prabhātasamaye rakṣamāṇastayā sadā | viśraṃbhayitvā tānsarvānnirgato'si yathecchayā

Sanskrit only: no published translation is held for this verse.

तदेतदन्यजनुषि सुकृतं चार्जितं त्वया । पंचत्वं च त्वया प्राप्तं स्वीयकर्मानुयोगतः

tadetadanyajanuṣi sukṛtaṃ cārjitaṃ tvayā | paṃcatvaṃ ca tvayā prāptaṃ svīyakarmānuyogataḥ

Sanskrit only: no published translation is held for this verse.

तेन पुण्येन महता विमानमागमत्तदा । तत्फलं भुज्यते भूप पूर्वजन्मकृतं च यत्

tena puṇyena mahatā vimānamāgamattadā | tatphalaṃ bhujyate bhūpa pūrvajanmakṛtaṃ ca yat

Sanskrit only: no published translation is held for this verse.

हरिश्चंद्र उवाच- केनैव च विधानेन कस्मिन्मासे च सा तिथिः । कर्त्तव्या तन्ममाचक्ष्व अनुग्राह्योऽस्मि ते यदि

hariścaṃdra uvāca- kenaiva ca vidhānena kasminmāse ca sā tithiḥ | karttavyā tanmamācakṣva anugrāhyo'smi te yadi

Sanskrit only: no published translation is held for this verse.

सनत्कुमार उवाच- शृणुष्वावहितो राजन्कथ्यमानं मया तव । श्रावणस्य तु मासस्य कृष्णाष्टम्यां नराधिप

sanatkumāra uvāca- śṛṇuṣvāvahito rājankathyamānaṃ mayā tava | śrāvaṇasya tu māsasya kṛṣṇāṣṭamyāṃ narādhipa

Sanskrit only: no published translation is held for this verse.

रोहिणी यदि लभ्येत जयंती नाम सा तिथिः । भूयोभूयो महाराज भवेज्जन्मनि कारणम्

rohiṇī yadi labhyeta jayaṃtī nāma sā tithiḥ | bhūyobhūyo mahārāja bhavejjanmani kāraṇam

Sanskrit only: no published translation is held for this verse.

विधानमस्या वक्ष्यामि यथोक्तं ब्रह्मणा मम । यत्कृत्वा मुक्तपापस्तु विष्णुलोकं प्रगच्छति

vidhānamasyā vakṣyāmi yathoktaṃ brahmaṇā mama | yatkṛtvā muktapāpastu viṣṇulokaṃ pragacchati

Sanskrit only: no published translation is held for this verse.

उपोषितस्ततः कृत्वा स्नानं कृष्णतिलैः सह । स्थापयेदव्रणं कुंभं पंचरत्नसमन्वितम्

upoṣitastataḥ kṛtvā snānaṃ kṛṣṇatilaiḥ saha | sthāpayedavraṇaṃ kuṃbhaṃ paṃcaratnasamanvitam

Sanskrit only: no published translation is held for this verse.

वज्रमौक्तिकवैडूर्य पुष्परागेंद्रनीलकम् । पंचरत्नं प्रशस्तं तु इति कात्यायनोऽब्रवीत्

vajramauktikavaiḍūrya puṣparāgeṃdranīlakam | paṃcaratnaṃ praśastaṃ tu iti kātyāyano'bravīt

Sanskrit only: no published translation is held for this verse.

तस्योपरि न्यसेत्पात्रं सौवर्णं लक्षणान्वितम् । सौवर्णां विन्यसेत्तत्र यशोदां नंदगेहिनीम्

tasyopari nyasetpātraṃ sauvarṇaṃ lakṣaṇānvitam | sauvarṇāṃ vinyasettatra yaśodāṃ naṃdagehinīm

Sanskrit only: no published translation is held for this verse.

ददमानां तु पुत्रस्य स्तनं वै विस्मिताननाम् । पिबमानं स्तनं मातुरपरं पाणिना स्पृशत्

dadamānāṃ tu putrasya stanaṃ vai vismitānanām | pibamānaṃ stanaṃ māturaparaṃ pāṇinā spṛśat

Sanskrit only: no published translation is held for this verse.

आलोक्य मातरं प्रेम्णा सुखयंतं मुहुर्मुहुः । सौवर्णं कारयेद्देवं यावच्छक्तिश्च विद्यते

ālokya mātaraṃ premṇā sukhayaṃtaṃ muhurmuhuḥ | sauvarṇaṃ kārayeddevaṃ yāvacchaktiśca vidyate

Sanskrit only: no published translation is held for this verse.

द्वि निष्कमात्रं कर्तव्यं यदि शक्तिश्च विद्यते । त्रिलोहेनैव कर्तव्यं सौवर्णेनाथवा पुनः

dvi niṣkamātraṃ kartavyaṃ yadi śaktiśca vidyate | trilohenaiva kartavyaṃ sauvarṇenāthavā punaḥ

Sanskrit only: no published translation is held for this verse.

तद्वच्च रोहिणीं कुर्यात्सौवर्णी राजतः शशी । अंगुष्ठमात्रस्तु शशी रोहिणी चतुरंगुला

tadvacca rohiṇīṃ kuryātsauvarṇī rājataḥ śaśī | aṃguṣṭhamātrastu śaśī rohiṇī caturaṃgulā

Sanskrit only: no published translation is held for this verse.

कर्णयोः कुंडले दद्यात्कंठाभरणकं गले । एवं कृत्वा तु गोविंदं मात्रासार्द्धं जगत्पतिम्

karṇayoḥ kuṃḍale dadyātkaṃṭhābharaṇakaṃ gale | evaṃ kṛtvā tu goviṃdaṃ mātrāsārddhaṃ jagatpatim

Sanskrit only: no published translation is held for this verse.

क्षीरादिस्नपनं कृत्वा चंदनेनानुलेपयेत् । श्वेतवस्त्रयुगच्छत्रं पुष्पमालोपशोभितम्

kṣīrādisnapanaṃ kṛtvā caṃdanenānulepayet | śvetavastrayugacchatraṃ puṣpamālopaśobhitam

Sanskrit only: no published translation is held for this verse.

नैवेद्यैर्विविधैर्भक्षैः फलैर्नानाविधैरपि । दीपं च कारयेत्तत्र पुष्पमंडपशोभितम्

naivedyairvividhairbhakṣaiḥ phalairnānāvidhairapi | dīpaṃ ca kārayettatra puṣpamaṃḍapaśobhitam

Sanskrit only: no published translation is held for this verse.

गीतं नृत्यं च वाद्यं च कारयेद्भक्तिमान्बुधैः । एवं कृत्वा विधानं तु यथाविभवसारतः । गुरुं संपूजयेत् पश्चात्पूजां तत्र समापयेत्

gītaṃ nṛtyaṃ ca vādyaṃ ca kārayedbhaktimānbudhaiḥ | evaṃ kṛtvā vidhānaṃ tu yathāvibhavasārataḥ | guruṃ saṃpūjayet paścātpūjāṃ tatra samāpayet

Sanskrit only: no published translation is held for this verse.