Library·Padma Purāṇa·6·6.33
नारद उवाच- शनिपीडा कथं याति तन्मे वद सुरोत्तम । त्वन्मुखाच्छ्रूयते यद्वै तेन जंतुः प्रमुच्यते
nārada uvāca- śanipīḍā kathaṃ yāti tanme vada surottama | tvanmukhācchrūyate yadvai tena jaṃtuḥ pramucyate
Sanskrit only: no published translation is held for this verse.
महादेव उवाच- देवर्षे शृणु वृत्तांतं तेन मुच्येत बंधनात् । ग्रहाणां ग्रहराजोऽयं सौरिः सर्वमहेश्वरः
mahādeva uvāca- devarṣe śṛṇu vṛttāṃtaṃ tena mucyeta baṃdhanāt | grahāṇāṃ graharājo'yaṃ sauriḥ sarvamaheśvaraḥ
Sanskrit only: no published translation is held for this verse.
अयं तु देवो विख्यातः कालरूपी महाग्रहः । जटिलो वज्ररोमा च दानवानां भयंकरः
ayaṃ tu devo vikhyātaḥ kālarūpī mahāgrahaḥ | jaṭilo vajraromā ca dānavānāṃ bhayaṃkaraḥ
Sanskrit only: no published translation is held for this verse.
तस्याख्यानं च लोकेऽस्मिन्प्रथितं नास्ति वै प्रभो । मया गुप्तं विशेषेण नोक्तं हि कस्यचित्कदा
tasyākhyānaṃ ca loke'sminprathitaṃ nāsti vai prabho | mayā guptaṃ viśeṣeṇa noktaṃ hi kasyacitkadā
Sanskrit only: no published translation is held for this verse.
रघुवंशेऽति विख्यातो राजा दशरथः पुरा । चक्रवर्ती महावीरः सप्तद्वीपाधिपोऽभवत्
raghuvaṃśe'ti vikhyāto rājā daśarathaḥ purā | cakravartī mahāvīraḥ saptadvīpādhipo'bhavat
Sanskrit only: no published translation is held for this verse.
कृत्तिकांते शनिं ज्ञात्वा दैवज्ञैर्ज्ञापितो हि सः । रोहिणीं भेदयित्वा च शनिर्यास्यति सांप्रतम्
kṛttikāṃte śaniṃ jñātvā daivajñairjñāpito hi saḥ | rohiṇīṃ bhedayitvā ca śaniryāsyati sāṃpratam
Sanskrit only: no published translation is held for this verse.
शाकटं भेदमत्युग्रं सुरासुरभयंकरम् । द्वादशाब्दं तु दुर्भिक्षं भविष्यति सुदारुणम्
śākaṭaṃ bhedamatyugraṃ surāsurabhayaṃkaram | dvādaśābdaṃ tu durbhikṣaṃ bhaviṣyati sudāruṇam
Sanskrit only: no published translation is held for this verse.
एतच्छ्रुत्वा ततो वाक्यं मंत्रिभिः सह पार्थिवः । मंत्रयामास किमिदं भयंकरमुपस्थितम्
etacchrutvā tato vākyaṃ maṃtribhiḥ saha pārthivaḥ | maṃtrayāmāsa kimidaṃ bhayaṃkaramupasthitam
Sanskrit only: no published translation is held for this verse.
आकुलं च जगद्दृष्ट्वा पौरजानपदादिकम् । ब्रुवंति सर्वतो लोकाः क्षय एष समागतः
ākulaṃ ca jagaddṛṣṭvā paurajānapadādikam | bruvaṃti sarvato lokāḥ kṣaya eṣa samāgataḥ
Sanskrit only: no published translation is held for this verse.
देशाः सनगरा ग्रामा भयभीताः समंततः । पप्रच्छ प्रयतो राजा वसिष्ठप्रमुखान्द्विजान्
deśāḥ sanagarā grāmā bhayabhītāḥ samaṃtataḥ | papraccha prayato rājā vasiṣṭhapramukhāndvijān
Sanskrit only: no published translation is held for this verse.
संविधानं किमत्रास्ति ब्रूत मां हि द्विजोत्तमाः
saṃvidhānaṃ kimatrāsti brūta māṃ hi dvijottamāḥ
Sanskrit only: no published translation is held for this verse.
वसिष्ठ उवाच- प्राजापत्यमृक्षमिदं तस्मिन्भिन्ने कुतः प्रजाः । अयं योगोह्यसाध्यस्तु ब्रह्मशक्रादिभिस्तथा
vasiṣṭha uvāca- prājāpatyamṛkṣamidaṃ tasminbhinne kutaḥ prajāḥ | ayaṃ yogohyasādhyastu brahmaśakrādibhistathā
Sanskrit only: no published translation is held for this verse.
इति संचिंत्य मनसा साहसं परमं महत् । समादाय धनुर्दिव्यं दिव्यायुधसमन्वितम्
iti saṃciṃtya manasā sāhasaṃ paramaṃ mahat | samādāya dhanurdivyaṃ divyāyudhasamanvitam
Sanskrit only: no published translation is held for this verse.
रथमारुह्य वेगेन गतो नक्षत्रमंडलम् । सपादं योजनं लक्षं सूर्यस्योपरि संस्थितम्
rathamāruhya vegena gato nakṣatramaṃḍalam | sapādaṃ yojanaṃ lakṣaṃ sūryasyopari saṃsthitam
Sanskrit only: no published translation is held for this verse.
रोहिणीपृष्ठमास्थाय राजा दशरथः पुरा । रथे तु कांचने दिव्ये मणिरत्नविभूषिते
rohiṇīpṛṣṭhamāsthāya rājā daśarathaḥ purā | rathe tu kāṃcane divye maṇiratnavibhūṣite
Sanskrit only: no published translation is held for this verse.
हंसवर्णहयैर्युक्ते महाकेतुसमुच्छ्रये । दीप्यमानो महारत्नैः किरीटमुकुटोज्ज्वलः
haṃsavarṇahayairyukte mahāketusamucchraye | dīpyamāno mahāratnaiḥ kirīṭamukuṭojjvalaḥ
Sanskrit only: no published translation is held for this verse.
बभ्राज स तदाकाशे द्वितीय इव भास्करः । आकर्णपूर्णा चापे तु संहारास्त्रं न्ययोजयत्
babhrāja sa tadākāśe dvitīya iva bhāskaraḥ | ākarṇapūrṇā cāpe tu saṃhārāstraṃ nyayojayat
Sanskrit only: no published translation is held for this verse.
संहारास्त्रं शनिर्दृष्ट्वा सुरासुरभयंकरम् । हसित्वा तद्भयात्सौरिरिदं वचनमब्रवीत्
saṃhārāstraṃ śanirdṛṣṭvā surāsurabhayaṃkaram | hasitvā tadbhayātsauriridaṃ vacanamabravīt
Sanskrit only: no published translation is held for this verse.
शनिरुवाच - पौरुषं तव राजेंद्र परं रिपुभयंकरम् । देवासुरमनुष्याश्च सिद्धविद्याधरोरगाः
śaniruvāca - pauruṣaṃ tava rājeṃdra paraṃ ripubhayaṃkaram | devāsuramanuṣyāśca siddhavidyādharoragāḥ
Sanskrit only: no published translation is held for this verse.
मया विलोकिता राजन्भस्मसाच्च भवंतिते । तुष्टोऽहं तव राजेंद्र तपसा पौरुषेण च । वरं ब्रूहि प्रदास्यामि मनसा यत्किमिच्छसि
mayā vilokitā rājanbhasmasācca bhavaṃtite | tuṣṭo'haṃ tava rājeṃdra tapasā pauruṣeṇa ca | varaṃ brūhi pradāsyāmi manasā yatkimicchasi
Sanskrit only: no published translation is held for this verse.
दशरथ उवाच- रोहिणीं भेदयित्वा तु न गंतव्यं कदाचन । सरितः सागरा यावत्यावच्चंद्रार्कमेदिनी
daśaratha uvāca- rohiṇīṃ bhedayitvā tu na gaṃtavyaṃ kadācana | saritaḥ sāgarā yāvatyāvaccaṃdrārkamedinī
Sanskrit only: no published translation is held for this verse.
याचितं तु मया सौरे नान्यमिच्छामि ते वरम् । एवमस्तु शनिः प्राह वरं दत्त्वा तु शाश्वतम्
yācitaṃ tu mayā saure nānyamicchāmi te varam | evamastu śaniḥ prāha varaṃ dattvā tu śāśvatam
Sanskrit only: no published translation is held for this verse.
पुनरेवाब्रवीत्तुष्टो वरं वरय सुव्रत । प्रार्थयामास हृष्टात्मा वरमन्यं शनेस्तदा
punarevābravīttuṣṭo varaṃ varaya suvrata | prārthayāmāsa hṛṣṭātmā varamanyaṃ śanestadā
Sanskrit only: no published translation is held for this verse.
न भेत्तव्यं हि शकटं त्वया भास्करनंदन । द्वादशाब्दं तु दुर्भिक्षं न कर्तव्यं कदाचन
na bhettavyaṃ hi śakaṭaṃ tvayā bhāskaranaṃdana | dvādaśābdaṃ tu durbhikṣaṃ na kartavyaṃ kadācana
Sanskrit only: no published translation is held for this verse.
शनिरुवाच- द्वादशाब्दं तु दुर्भिक्षं न कदाचिद्भविष्यति । कीर्तिरेषा त्वदीया च त्रैलोक्ये विचरिष्यति
śaniruvāca- dvādaśābdaṃ tu durbhikṣaṃ na kadācidbhaviṣyati | kīrtireṣā tvadīyā ca trailokye vicariṣyati
Sanskrit only: no published translation is held for this verse.
वरद्वयं तु संप्राप्य हृष्टरोमा च पार्थिवः । रथोपरि धनुर्मुक्त्वा भूत्वा चैव कृताञ्जलि
varadvayaṃ tu saṃprāpya hṛṣṭaromā ca pārthivaḥ | rathopari dhanurmuktvā bhūtvā caiva kṛtāñjali
Sanskrit only: no published translation is held for this verse.
ध्यात्वा सरस्वतीं देवीं गणनाथं विनायकम् । राजा दशरथः स्तोत्रं सौरेरिदमथाब्रवीत्
dhyātvā sarasvatīṃ devīṃ gaṇanāthaṃ vināyakam | rājā daśarathaḥ stotraṃ saureridamathābravīt
Sanskrit only: no published translation is held for this verse.
दशरथ उवाच- नमः कृष्णाय नीलाय शितिकंठनिभाय च । नमः कालाग्निरूपाय कृतांताय च वै नमः
daśaratha uvāca- namaḥ kṛṣṇāya nīlāya śitikaṃṭhanibhāya ca | namaḥ kālāgnirūpāya kṛtāṃtāya ca vai namaḥ
Sanskrit only: no published translation is held for this verse.
नमो निर्मांसदेहाय दीर्घश्मश्रुजटाय च । नमो विशालनेत्राय शुष्कोदरभयाकृते
namo nirmāṃsadehāya dīrghaśmaśrujaṭāya ca | namo viśālanetrāya śuṣkodarabhayākṛte
Sanskrit only: no published translation is held for this verse.
नमः पुष्कलगात्राय स्थूलरोम्णेऽथ वै नमः । नमो दीर्घाय शुष्काय कालदंष्ट्र नमोस्तु ते
namaḥ puṣkalagātrāya sthūlaromṇe'tha vai namaḥ | namo dīrghāya śuṣkāya kāladaṃṣṭra namostu te
Sanskrit only: no published translation is held for this verse.
नमस्ते कोटराक्षाय दुर्निरीक्ष्याय वै नमः । नमो घोराय रौद्राय भीषणाय कपालिने
namaste koṭarākṣāya durnirīkṣyāya vai namaḥ | namo ghorāya raudrāya bhīṣaṇāya kapāline
Sanskrit only: no published translation is held for this verse.
नमस्ते सर्वभक्षाय वलीमुख नमोस्तु ते । सूर्यपुत्र नमस्तेस्तु भास्करे भयदाय च
namaste sarvabhakṣāya valīmukha namostu te | sūryaputra namastestu bhāskare bhayadāya ca
Sanskrit only: no published translation is held for this verse.
अधोदृष्टे नमस्तेस्तु संवर्तक नमोस्तु ते । नमो मंदगते तुभ्यं निस्त्रिंशाय नमोस्तु ते
adhodṛṣṭe namastestu saṃvartaka namostu te | namo maṃdagate tubhyaṃ nistriṃśāya namostu te
Sanskrit only: no published translation is held for this verse.
तपसा दग्धदेहाय नित्यं योगरताय च । नमो नित्यं क्षुधार्ताय अतृप्ताय च वै नमः
tapasā dagdhadehāya nityaṃ yogaratāya ca | namo nityaṃ kṣudhārtāya atṛptāya ca vai namaḥ
Sanskrit only: no published translation is held for this verse.
ज्ञानचक्षुर्नमस्तेस्तु कश्यपात्मजसूनवे । तुष्टो ददासि वै राज्यं रुष्टो हरसि तत्क्षणात्
jñānacakṣurnamastestu kaśyapātmajasūnave | tuṣṭo dadāsi vai rājyaṃ ruṣṭo harasi tatkṣaṇāt
Sanskrit only: no published translation is held for this verse.
देवासुरमनुष्याश्च सिद्धविद्याधरोरगाः । त्वया विलोकिताः सर्वे नाशं यांति समूलतः
devāsuramanuṣyāśca siddhavidyādharoragāḥ | tvayā vilokitāḥ sarve nāśaṃ yāṃti samūlataḥ
Sanskrit only: no published translation is held for this verse.
प्रसादं कुरु मे देव वरार्होऽहमुपागतः । एवं स्तुतस्तदा सौरिर्ग्रहराजो महाबलः
prasādaṃ kuru me deva varārho'hamupāgataḥ | evaṃ stutastadā saurirgraharājo mahābalaḥ
Sanskrit only: no published translation is held for this verse.
अब्रवीच्च पुनर्वाक्यं हृष्टरोमा तु भास्करिः । तुष्टोऽहं तव राजेंद्र स्तवेनानेन सुव्रत । वरं ब्रूहि प्रदास्यामि स्वेच्छया रघुनंदन
abravīcca punarvākyaṃ hṛṣṭaromā tu bhāskariḥ | tuṣṭo'haṃ tava rājeṃdra stavenānena suvrata | varaṃ brūhi pradāsyāmi svecchayā raghunaṃdana
Sanskrit only: no published translation is held for this verse.
दशरथ उवाच- अद्यप्रभृति ते सौरे पीडा कार्या न कस्यचित् । देवासुरमनुष्याणां पशुपक्षिसरीसृपाम्
daśaratha uvāca- adyaprabhṛti te saure pīḍā kāryā na kasyacit | devāsuramanuṣyāṇāṃ paśupakṣisarīsṛpām
Sanskrit only: no published translation is held for this verse.
शनिरुवाच- गृह्णंतीति ग्रहाः सर्वे ग्रहाः पीडाकराः स्मृताः । अदेयं याचितं राजन्किंचिद्युक्तं वदाम्यहम्
śaniruvāca- gṛhṇaṃtīti grahāḥ sarve grahāḥ pīḍākarāḥ smṛtāḥ | adeyaṃ yācitaṃ rājankiṃcidyuktaṃ vadāmyaham
Sanskrit only: no published translation is held for this verse.
त्वया प्रोक्तमिदं स्तोत्रं यः पठिष्यति मानवः । एककालं द्विकालं वा पीडामुक्तो भवेत्क्षणात्
tvayā proktamidaṃ stotraṃ yaḥ paṭhiṣyati mānavaḥ | ekakālaṃ dvikālaṃ vā pīḍāmukto bhavetkṣaṇāt
Sanskrit only: no published translation is held for this verse.
देवासुरमनुष्याणां सिद्धविद्याध्ररक्षसाम् । मृत्युं मृत्युगतो दद्यां जन्मन्यंते चतुर्थके
devāsuramanuṣyāṇāṃ siddhavidyādhrarakṣasām | mṛtyuṃ mṛtyugato dadyāṃ janmanyaṃte caturthake
Sanskrit only: no published translation is held for this verse.
यः पुनः श्रद्धया युक्तः शुचिर्भूत्वा समाहितः । शमीपत्रैः समभ्यर्च्य प्रतिमां लोहजां मम
yaḥ punaḥ śraddhayā yuktaḥ śucirbhūtvā samāhitaḥ | śamīpatraiḥ samabhyarcya pratimāṃ lohajāṃ mama
Sanskrit only: no published translation is held for this verse.
माषौदनतिलैर्मिश्रं दद्याल्लोहं च दक्षिणाम् । कृष्णां गां वृषभं वापि यो वै दद्याद्दिवजातये
māṣaudanatilairmiśraṃ dadyāllohaṃ ca dakṣiṇām | kṛṣṇāṃ gāṃ vṛṣabhaṃ vāpi yo vai dadyāddivajātaye
Sanskrit only: no published translation is held for this verse.
मद्दिने तु विशेषेण स्तोत्रेणानेन पूजयेत् । पूजयित्वा जपेत्स्तोत्रं भूत्वा चैव कृतांजलि
maddine tu viśeṣeṇa stotreṇānena pūjayet | pūjayitvā japetstotraṃ bhūtvā caiva kṛtāṃjali
Sanskrit only: no published translation is held for this verse.
तस्य पीडा न चैवाहं करिष्यामि कदाचन । गोचरे जन्मलग्ने वा दशास्वंतर्दशासु च
tasya pīḍā na caivāhaṃ kariṣyāmi kadācana | gocare janmalagne vā daśāsvaṃtardaśāsu ca
Sanskrit only: no published translation is held for this verse.
रक्षामि सततं तस्य पीडां चापि ग्रहस्य च । अनेनैव विधानेन पीडामुक्तं जगद्भवेत्
rakṣāmi satataṃ tasya pīḍāṃ cāpi grahasya ca | anenaiva vidhānena pīḍāmuktaṃ jagadbhavet
Sanskrit only: no published translation is held for this verse.
एवं युक्त्या मया दत्तो वरस्ते रघुनंदन । वरत्रयं तु संप्राप्य राजा दशरथस्तदा
evaṃ yuktyā mayā datto varaste raghunaṃdana | varatrayaṃ tu saṃprāpya rājā daśarathastadā
Sanskrit only: no published translation is held for this verse.
मेने कृतार्थमात्मानं नमस्कृत्य शनैश्चरम् । शनिना चाभ्यनुज्ञातो रथमारुह्य वेगवान्
mene kṛtārthamātmānaṃ namaskṛtya śanaiścaram | śaninā cābhyanujñāto rathamāruhya vegavān
Sanskrit only: no published translation is held for this verse.
स्वस्थानं गतवान्राजा प्राप्तः श्रेयोऽभवत्तदा । य इदं प्रातरुत्थाय शनिवारे स्तवं पठेत् 6.33.५०। पठ्यमानमिदं स्तोत्रं श्रद्धया यः शृणोति च । नरः स मुच्यते पापात्स्वर्गलोके महीयते
svasthānaṃ gatavānrājā prāptaḥ śreyo'bhavattadā | ya idaṃ prātarutthāya śanivāre stavaṃ paṭhet 6.33.50| paṭhyamānamidaṃ stotraṃ śraddhayā yaḥ śṛṇoti ca | naraḥ sa mucyate pāpātsvargaloke mahīyate
Sanskrit only: no published translation is held for this verse.