Padma Purāṇa 6.35

महादेव उवाच- अतस्त्वां संप्रवक्ष्यामि उन्मीलनीमनुत्तमाम् । यस्याः श्रवणमात्रेण जन्मसंसारबंधनात्

mahādeva uvāca- atastvāṃ saṃpravakṣyāmi unmīlanīmanuttamām | yasyāḥ śravaṇamātreṇa janmasaṃsārabaṃdhanāt

Sanskrit only: no published translation is held for this verse.

पापात्मा मुच्यते पापैः स्वर्गलोके महीयते । देवताः पितरश्चैव तस्या गतिमवाप्नुयुः

pāpātmā mucyate pāpaiḥ svargaloke mahīyate | devatāḥ pitaraścaiva tasyā gatimavāpnuyuḥ

Sanskrit only: no published translation is held for this verse.

विद्यार्थी लभते विद्यां सर्वकामानवाप्नुयात् । तस्या व्रतान्न संदेहः स्वर्गलोके महीयते

vidyārthī labhate vidyāṃ sarvakāmānavāpnuyāt | tasyā vratānna saṃdehaḥ svargaloke mahīyate

Sanskrit only: no published translation is held for this verse.

स्वस्थानं तत्र वै प्राप्तः शिवलोके महीयते । अतस्त्वं कुरुषे राजन्वैष्णवानां तु पूजनम्

svasthānaṃ tatra vai prāptaḥ śivaloke mahīyate | atastvaṃ kuruṣe rājanvaiṣṇavānāṃ tu pūjanam

Sanskrit only: no published translation is held for this verse.

वैष्णवानां तु ये राजन्सेवा कुर्वंति नित्यशः । तेषां दंडं च कुरुषे नो वा तेषां नराधिपः

vaiṣṇavānāṃ tu ye rājansevā kurvaṃti nityaśaḥ | teṣāṃ daṃḍaṃ ca kuruṣe no vā teṣāṃ narādhipaḥ

Sanskrit only: no published translation is held for this verse.

भोजनानंतरं तेषां भोजनं कुरुते नृप । तैरेव पूजितो विष्णुर्यैर्भक्त्या तु प्रपूजितः

bhojanānaṃtaraṃ teṣāṃ bhojanaṃ kurute nṛpa | taireva pūjito viṣṇuryairbhaktyā tu prapūjitaḥ

Sanskrit only: no published translation is held for this verse.

शालग्रामशिलाभूतां दत्त्वा मूर्द्धनि प्रत्यहम् । त्वं धारयसि भूपाल कंठे नित्यं सुभक्तितः

śālagrāmaśilābhūtāṃ dattvā mūrddhani pratyaham | tvaṃ dhārayasi bhūpāla kaṃṭhe nityaṃ subhaktitaḥ

Sanskrit only: no published translation is held for this verse.

धूपशेषं तु वै विष्णोर्भक्त्या भजसि भूपते । आरार्तिकं सदा कृत्वा भक्तानां वेदयेर्नृप

dhūpaśeṣaṃ tu vai viṣṇorbhaktyā bhajasi bhūpate | ārārtikaṃ sadā kṛtvā bhaktānāṃ vedayernṛpa

Sanskrit only: no published translation is held for this verse.

शंखोदकं हरेर्मूर्ध्नि भ्रामयित्वा तु भक्तितः । नित्यं बिभर्षि शिरसि शेषं यच्छसि वैष्णवान्

śaṃkhodakaṃ harermūrdhni bhrāmayitvā tu bhaktitaḥ | nityaṃ bibharṣi śirasi śeṣaṃ yacchasi vaiṣṇavān

Sanskrit only: no published translation is held for this verse.

नैवेद्यं प्रत्यहं कृत्वा सर्वोपस्करसंयुतम् । विष्वक्सेनाय दत्वा वै स्वयं भुनक्षि वाडव

naivedyaṃ pratyahaṃ kṛtvā sarvopaskarasaṃyutam | viṣvaksenāya datvā vai svayaṃ bhunakṣi vāḍava

Sanskrit only: no published translation is held for this verse.

विष्णोर्निवेदितं चान्नं वैष्णवैः सह भुज्यते । नित्यं नामसहस्रेण भक्त्या स्तौषि जनार्दनम्

viṣṇorniveditaṃ cānnaṃ vaiṣṇavaiḥ saha bhujyate | nityaṃ nāmasahasreṇa bhaktyā stauṣi janārdanam

Sanskrit only: no published translation is held for this verse.

दीपार्घदानं वै विष्णोः कुरुषे गीतनर्तनम् । श्यामांकुरैः पूजयसे पूज्यंते नृपसत्तम

dīpārghadānaṃ vai viṣṇoḥ kuruṣe gītanartanam | śyāmāṃkuraiḥ pūjayase pūjyaṃte nṛpasattama

Sanskrit only: no published translation is held for this verse.

श्यामांकुरैः सदा वत्स पूजनं चाति दुर्ल्लभम् । पृथ्वीदानसमं पुण्यं दूर्वया पूजने कृते

śyāmāṃkuraiḥ sadā vatsa pūjanaṃ cāti durllabham | pṛthvīdānasamaṃ puṇyaṃ dūrvayā pūjane kṛte

Sanskrit only: no published translation is held for this verse.

अतो वै नास्ति लोकेऽस्मिन्दूर्वायाः सदृशं भुवि । तया वै पूजनं कार्यं विष्णुसायुज्यमिच्छता

ato vai nāsti loke'smindūrvāyāḥ sadṛśaṃ bhuvi | tayā vai pūjanaṃ kāryaṃ viṣṇusāyujyamicchatā

Sanskrit only: no published translation is held for this verse.

अतस्त्वं कुरुषे नित्यं पूजनं दूर्वया सह । यवाक्षतैर्विशेषेण पूजनं कुरुषेन वा

atastvaṃ kuruṣe nityaṃ pūjanaṃ dūrvayā saha | yavākṣatairviśeṣeṇa pūjanaṃ kuruṣena vā

Sanskrit only: no published translation is held for this verse.

पक्षेपक्षे नृपश्रेष्ठ विधिवद्द्वादशीव्रतम् । यत्कृतं तु महाराज महापापप्रणाशनम्

pakṣepakṣe nṛpaśreṣṭha vidhivaddvādaśīvratam | yatkṛtaṃ tu mahārāja mahāpāpapraṇāśanam

Sanskrit only: no published translation is held for this verse.

मोक्षदं सुखदं चैव तथायुष्यप्रदं सदा । एतद्विष्णुव्रतं प्रोक्तं वैष्णवानां तु मोक्षदम्

mokṣadaṃ sukhadaṃ caiva tathāyuṣyapradaṃ sadā | etadviṣṇuvrataṃ proktaṃ vaiṣṇavānāṃ tu mokṣadam

Sanskrit only: no published translation is held for this verse.

गृहस्थानां तु सुखदं यतीनां मुक्तिदायकम् । सर्वरोगादिशमनं पवित्रं कायशोधनम्

gṛhasthānāṃ tu sukhadaṃ yatīnāṃ muktidāyakam | sarvarogādiśamanaṃ pavitraṃ kāyaśodhanam

Sanskrit only: no published translation is held for this verse.

व्रतमेतच्च कुरुषे नो वा चैव नराधिप । दशमीवेधरहितं कुरुषे जागरान्वितम्

vratametacca kuruṣe no vā caiva narādhipa | daśamīvedharahitaṃ kuruṣe jāgarānvitam

Sanskrit only: no published translation is held for this verse.

तुलसीपत्रनिकरैर्नित्यं पूजयसे हरिम् । गोपीचंदनजं पत्रं भाले वा नृपसत्तम

tulasīpatranikarairnityaṃ pūjayase harim | gopīcaṃdanajaṃ patraṃ bhāle vā nṛpasattama

Sanskrit only: no published translation is held for this verse.

धारितं सर्वलोकानां पवित्रीकरणं नृप । अतस्त्वं च धारयसे गोपीचंदनसंभवम्

dhāritaṃ sarvalokānāṃ pavitrīkaraṇaṃ nṛpa | atastvaṃ ca dhārayase gopīcaṃdanasaṃbhavam

Sanskrit only: no published translation is held for this verse.

ब्रह्महा हेमहारी च मद्यपानी तथैव च । अगम्यगो महापापी तथा ह्यनृतभाषितः

brahmahā hemahārī ca madyapānī tathaiva ca | agamyago mahāpāpī tathā hyanṛtabhāṣitaḥ

Sanskrit only: no published translation is held for this verse.

ते सर्वे मुक्तिमायांति तिलकं धारणादृताः । बिभर्षि कंठे नित्यं त्वं धात्रीफलसमुद्भवाम्

te sarve muktimāyāṃti tilakaṃ dhāraṇādṛtāḥ | bibharṣi kaṃṭhe nityaṃ tvaṃ dhātrīphalasamudbhavām

Sanskrit only: no published translation is held for this verse.

मालां मुख्यायुतसमां तुलसीपत्रसंभवाम् । शालग्रामशिलायुक्तां द्वारकायां समुद्भवाम्

mālāṃ mukhyāyutasamāṃ tulasīpatrasaṃbhavām | śālagrāmaśilāyuktāṃ dvārakāyāṃ samudbhavām

Sanskrit only: no published translation is held for this verse.

नित्यं पूजयसे भूप भुक्तिमुक्तिफलप्रदाम् । पद्मसंज्ञं पुराणं वै पठसे पुरतो हरेः

nityaṃ pūjayase bhūpa bhuktimuktiphalapradām | padmasaṃjñaṃ purāṇaṃ vai paṭhase purato hareḥ

Sanskrit only: no published translation is held for this verse.

चरितं दैत्यराज्यस्य प्रह्लादस्य च भूपते । वासरं वासुदेवस्य सवेधं कुर्वतो नरान्

caritaṃ daityarājyasya prahlādasya ca bhūpate | vāsaraṃ vāsudevasya savedhaṃ kurvato narān

Sanskrit only: no published translation is held for this verse.

निवारयसि भूपाल शास्त्रं दृष्ट्वा प्रयत्नतः । सवेधं वासरं विष्णोर्यस्मिन्राष्ट्रे प्रवर्तते

nivārayasi bhūpāla śāstraṃ dṛṣṭvā prayatnataḥ | savedhaṃ vāsaraṃ viṣṇoryasminrāṣṭre pravartate

Sanskrit only: no published translation is held for this verse.

लिप्यते तेन पापेन राजा भवति नारकी । वेधं चतुर्विधं त्यक्त्वा समुपोष्य हरेर्दिनम् । कुलकोटिं समुद्धृत्य विष्णुलोके महीयते

lipyate tena pāpena rājā bhavati nārakī | vedhaṃ caturvidhaṃ tyaktvā samupoṣya harerdinam | kulakoṭiṃ samuddhṛtya viṣṇuloke mahīyate

Sanskrit only: no published translation is held for this verse.

गौतम उवाच- शृणु भूपाल वक्ष्यामि वैष्णवाख्यं महाव्रतम् । यं श्रुत्वा पापिनः सर्वे मुक्तिमायांति तत्क्षणात्

gautama uvāca- śṛṇu bhūpāla vakṣyāmi vaiṣṇavākhyaṃ mahāvratam | yaṃ śrutvā pāpinaḥ sarve muktimāyāṃti tatkṣaṇāt

Sanskrit only: no published translation is held for this verse.

द्वादशीसंभवं पुण्यं मया ख्यातं न कस्यचित्

dvādaśīsaṃbhavaṃ puṇyaṃ mayā khyātaṃ na kasyacit

Sanskrit only: no published translation is held for this verse.

वैष्णवोऽसि महाराज भक्तो भागवते नृणाम् । वैष्णवं तु महागुह्यं तद्व्रतं त्वं निशामय

vaiṣṇavo'si mahārāja bhakto bhāgavate nṛṇām | vaiṣṇavaṃ tu mahāguhyaṃ tadvrataṃ tvaṃ niśāmaya

Sanskrit only: no published translation is held for this verse.

उन्मीलनी नाम पुरा भक्त्या मे माधवेन तु । कथिता सुप्रसन्नेन तां ते भूप वदाम्यहम्

unmīlanī nāma purā bhaktyā me mādhavena tu | kathitā suprasannena tāṃ te bhūpa vadāmyaham

Sanskrit only: no published translation is held for this verse.

एकादशी अहोरात्रं प्रभाते घटिका भवेत् । उन्मीलनी तु सा ज्ञेया विशेषेण हरिप्रिया

ekādaśī ahorātraṃ prabhāte ghaṭikā bhavet | unmīlanī tu sā jñeyā viśeṣeṇa haripriyā

Sanskrit only: no published translation is held for this verse.

त्रैलोक्ये यानि तीर्थानि पुण्यान्यायतनानि च । कोट्यंशे नैव तुल्यानि मखा वेदास्तपांसि च

trailokye yāni tīrthāni puṇyānyāyatanāni ca | koṭyaṃśe naiva tulyāni makhā vedāstapāṃsi ca

Sanskrit only: no published translation is held for this verse.

उन्मीलनी समं किंचिन्न भूतं न भविष्यति । प्रयागो न कुरुक्षेत्रं न काशी न च पुष्करः

unmīlanī samaṃ kiṃcinna bhūtaṃ na bhaviṣyati | prayāgo na kurukṣetraṃ na kāśī na ca puṣkaraḥ

Sanskrit only: no published translation is held for this verse.

शैलो हिमाचलो नैव न मेरुर्गंधमादनः । शैलो न नीलनिषधो न विंध्यो नैव नैमिषम्

śailo himācalo naiva na merurgaṃdhamādanaḥ | śailo na nīlaniṣadho na viṃdhyo naiva naimiṣam

Sanskrit only: no published translation is held for this verse.

गोदावरी न कावेरी चंद्रभागा न वेदिका । न तापी न पयोष्णी च न क्षिप्रा नैव चंदना

godāvarī na kāverī caṃdrabhāgā na vedikā | na tāpī na payoṣṇī ca na kṣiprā naiva caṃdanā

Sanskrit only: no published translation is held for this verse.

चर्मण्वती च सरयूश्चंद्रभागा न गंडिका । गोमती च विपाशा च शोणाख्यश्च महानदः

carmaṇvatī ca sarayūścaṃdrabhāgā na gaṃḍikā | gomatī ca vipāśā ca śoṇākhyaśca mahānadaḥ

Sanskrit only: no published translation is held for this verse.

किमत्र बहुनोक्तेन भूयोभूयो नराधिप । उन्मीलनीसमं किंचिन्न देवः केशवात्परः

kimatra bahunoktena bhūyobhūyo narādhipa | unmīlanīsamaṃ kiṃcinna devaḥ keśavātparaḥ

Sanskrit only: no published translation is held for this verse.

उन्मीलनीमनु प्राप्य यैः कृतं केशवार्चनम् । पापचक्रसमूहस्य राशयः पतिताः क्षणात्

unmīlanīmanu prāpya yaiḥ kṛtaṃ keśavārcanam | pāpacakrasamūhasya rāśayaḥ patitāḥ kṣaṇāt

Sanskrit only: no published translation is held for this verse.

यस्मिन्मासे महीपाल तिथिरुन्मीलनी भवेत् । तन्मासनाम्ना गोविंदः पूजनीयः प्रयत्नतः

yasminmāse mahīpāla tithirunmīlanī bhavet | tanmāsanāmnā goviṃdaḥ pūjanīyaḥ prayatnataḥ

Sanskrit only: no published translation is held for this verse.

जातरूपमयः कार्यं मासनाम्ना तु माधवः । स्वशक्त्या विश्वरूपस्तु श्रद्धाभक्तिसमन्वितः

jātarūpamayaḥ kāryaṃ māsanāmnā tu mādhavaḥ | svaśaktyā viśvarūpastu śraddhābhaktisamanvitaḥ

Sanskrit only: no published translation is held for this verse.

पवित्रोदकसंयुक्तं पंचरत्नसमन्वितम् । गंधपुष्पाक्षतैर्युक्तं कुंभं स्रग्दामभूषितम्

pavitrodakasaṃyuktaṃ paṃcaratnasamanvitam | gaṃdhapuṣpākṣatairyuktaṃ kuṃbhaṃ sragdāmabhūṣitam

Sanskrit only: no published translation is held for this verse.

पात्रं च सोदकं कार्यं गोधूमैश्चापि पूरितम् । नानारत्नैश्च संयुक्तं नानागंधैः प्रपूजितम्

pātraṃ ca sodakaṃ kāryaṃ godhūmaiścāpi pūritam | nānāratnaiśca saṃyuktaṃ nānāgaṃdhaiḥ prapūjitam

Sanskrit only: no published translation is held for this verse.

मल्लिकामोदसंयुक्तं जातीपुष्पैः प्रपूजितम् । श्वेताख्यैस्तंदुलैश्चैव पूरणीयः प्रयत्नतः

mallikāmodasaṃyuktaṃ jātīpuṣpaiḥ prapūjitam | śvetākhyaistaṃdulaiścaiva pūraṇīyaḥ prayatnataḥ

Sanskrit only: no published translation is held for this verse.

प्रदद्याद्वस्त्रयुग्मं तु उपवीतं तु सोत्तरम् । उपानहौ तु राजर्षे आतपत्रं शिरोपरि

pradadyādvastrayugmaṃ tu upavītaṃ tu sottaram | upānahau tu rājarṣe ātapatraṃ śiropari

Sanskrit only: no published translation is held for this verse.

भोजनं जलपात्रं च सप्तधान्यं तिलैः सह । रूप्यं चैव तु कार्पासं पायसं मुद्रिका हरेः

bhojanaṃ jalapātraṃ ca saptadhānyaṃ tilaiḥ saha | rūpyaṃ caiva tu kārpāsaṃ pāyasaṃ mudrikā hareḥ

Sanskrit only: no published translation is held for this verse.

धेनुर्वात्र तु दातव्या वत्सालंकारसंयुता । सुवर्णशृंगी रौप्यखुरी ताम्रपृष्ठी तथैव च

dhenurvātra tu dātavyā vatsālaṃkārasaṃyutā | suvarṇaśṛṃgī raupyakhurī tāmrapṛṣṭhī tathaiva ca

Sanskrit only: no published translation is held for this verse.

कांस्यदोहीं रत्नपुच्छीं दद्याद्वै गुरवे तदा । शय्यां सोपस्करां दद्यात्साधवे भक्तिपूर्वकम्

kāṃsyadohīṃ ratnapucchīṃ dadyādvai gurave tadā | śayyāṃ sopaskarāṃ dadyātsādhave bhaktipūrvakam

Sanskrit only: no published translation is held for this verse.

धूपं दीपं तु नैवेद्यं फलपत्रं निवेदयेत् । पूजनीयो महाभक्तैर्मंत्रैरेभिस्तु केशवः 6.35.५०। तुलसीपत्रसंयुक्तैः पुष्पैः कालोद्भवैस्तथा । मासनाम्नैव चरणौ जानुनी विष्णुरूपिणे

dhūpaṃ dīpaṃ tu naivedyaṃ phalapatraṃ nivedayet | pūjanīyo mahābhaktairmaṃtrairebhistu keśavaḥ 6.35.50| tulasīpatrasaṃyuktaiḥ puṣpaiḥ kālodbhavaistathā | māsanāmnaiva caraṇau jānunī viṣṇurūpiṇe

Sanskrit only: no published translation is held for this verse.

गुह्ये तु गुह्यपतये कटे वै पीतवाससे । ब्रह्ममूर्तिभृते नाभावुदरे विश्वयोनये

guhye tu guhyapataye kaṭe vai pītavāsase | brahmamūrtibhṛte nābhāvudare viśvayonaye

Sanskrit only: no published translation is held for this verse.

हृदये ज्ञानगम्याय कंठे वैकुंठमूर्तये । ऊर्द्ध्वगाय ललाटे तु बाहौ दक्षांतकारिणे

hṛdaye jñānagamyāya kaṃṭhe vaikuṃṭhamūrtaye | ūrddhvagāya lalāṭe tu bāhau dakṣāṃtakāriṇe

Sanskrit only: no published translation is held for this verse.

उत्तमांगे सुरेशाय सर्वांगे सर्वमूर्तये । स्वनाम्ना चायुधादीनि पूजनीयानि भक्तितः

uttamāṃge sureśāya sarvāṃge sarvamūrtaye | svanāmnā cāyudhādīni pūjanīyāni bhaktitaḥ

Sanskrit only: no published translation is held for this verse.

अर्घदानं प्रकर्तव्यं नालिकेरादिभिः समम् । शंखोपरि जले कृत्वा गंधपुष्पाक्षतान्वितम्

arghadānaṃ prakartavyaṃ nālikerādibhiḥ samam | śaṃkhopari jale kṛtvā gaṃdhapuṣpākṣatānvitam

Sanskrit only: no published translation is held for this verse.

सूत्रेणावेष्टितं कृत्वा दद्यादर्घं विधानतः । देवदेव महादेव श्रीकेशव जनार्दन

sūtreṇāveṣṭitaṃ kṛtvā dadyādarghaṃ vidhānataḥ | devadeva mahādeva śrīkeśava janārdana

Sanskrit only: no published translation is held for this verse.

सुब्रह्मण्य नमस्तेऽस्तु पुण्यराशिविवर्धन । शोकमोहमहापापान्मामुद्धर भवार्णवात्

subrahmaṇya namaste'stu puṇyarāśivivardhana | śokamohamahāpāpānmāmuddhara bhavārṇavāt

Sanskrit only: no published translation is held for this verse.

सुकृतं न कृतं किचिज्जन्मकोटिशतैरपि । तथापि मां महास्वामिन्मामुद्धर भवार्णवात्

sukṛtaṃ na kṛtaṃ kicijjanmakoṭiśatairapi | tathāpi māṃ mahāsvāminmāmuddhara bhavārṇavāt

Sanskrit only: no published translation is held for this verse.

व्रतेनानेन देवेश ये चान्ये मम पूर्वजाः । वियोनिं च गताश्चान्ये पापमृत्युवशं गताः

vratenānena deveśa ye cānye mama pūrvajāḥ | viyoniṃ ca gatāścānye pāpamṛtyuvaśaṃ gatāḥ

Sanskrit only: no published translation is held for this verse.

ये भविष्यंति येऽतीताः प्रेतलोकान्समुद्धर । श्रांतोस्म्यहमधीनस्य भक्तिरव्यभिचारिणी

ye bhaviṣyaṃti ye'tītāḥ pretalokānsamuddhara | śrāṃtosmyahamadhīnasya bhaktiravyabhicāriṇī

Sanskrit only: no published translation is held for this verse.

दत्तमर्घं मया तुभ्यं भक्त्या गृह्ण गदाधर । दत्वार्घं धूपदीपाद्यैर्नैवेद्यैर्विष्णुसंभवैः

dattamarghaṃ mayā tubhyaṃ bhaktyā gṛhṇa gadādhara | datvārghaṃ dhūpadīpādyairnaivedyairviṣṇusaṃbhavaiḥ

Sanskrit only: no published translation is held for this verse.

स्तोत्रैर्नीराजनैर्गीतैर्भृत्यैः संतोषयेद्धरिम् । वस्त्रैर्दानैश्च गोदानैर्भोजनैस्तोषयेद्गुरुम्

stotrairnīrājanairgītairbhṛtyaiḥ saṃtoṣayeddharim | vastrairdānaiśca godānairbhojanaistoṣayedgurum

Sanskrit only: no published translation is held for this verse.

तथातथा विधातव्यं गुरुर्वै प्रीतिमाप्नुयात् । लोकानां तारणार्थाय धात्रा सृष्टो गुरुर्यतः

tathātathā vidhātavyaṃ gururvai prītimāpnuyāt | lokānāṃ tāraṇārthāya dhātrā sṛṣṭo gururyataḥ

Sanskrit only: no published translation is held for this verse.

अतो वै गुरुपूजा च कर्त्तव्या वै प्रयत्नतः । अहितं यो नाशयति स्वहितं दर्शयेत्सदा

ato vai gurupūjā ca karttavyā vai prayatnataḥ | ahitaṃ yo nāśayati svahitaṃ darśayetsadā

Sanskrit only: no published translation is held for this verse.

स गुरुः स च विज्ञेयः सर्वधर्मार्थकोविदः । अकुर्वन्वित्तशाठ्यं तु गुरवे तं निवेदयेत्

sa guruḥ sa ca vijñeyaḥ sarvadharmārthakovidaḥ | akurvanvittaśāṭhyaṃ tu gurave taṃ nivedayet

Sanskrit only: no published translation is held for this verse.

गुरोर्निवेदिते भूप परिपूर्णं भवेद्व्रतम् । कृत्वा दिवातनं कर्म भोजनं ब्राह्मणैः सह

gurornivedite bhūpa paripūrṇaṃ bhavedvratam | kṛtvā divātanaṃ karma bhojanaṃ brāhmaṇaiḥ saha

Sanskrit only: no published translation is held for this verse.

कर्त्तव्यं नृपशार्दूल दिनं नेयं कथानकैः । अनेन विधिना यस्तु कुर्यादुन्मीलनीव्रतम्

karttavyaṃ nṛpaśārdūla dinaṃ neyaṃ kathānakaiḥ | anena vidhinā yastu kuryādunmīlanīvratam

Sanskrit only: no published translation is held for this verse.

कल्पकोटिसहस्राणि वसते विष्णुसन्निधौ

kalpakoṭisahasrāṇi vasate viṣṇusannidhau

Sanskrit only: no published translation is held for this verse.