Library·Padma Purāṇa·6·6.37
महादेव उवाच- शृणु नारद वक्ष्यामि माहात्म्यं जागरस्य च । यच्छ्रुत्वा मुक्तिमाप्नोति महापापी न संशयः
mahādeva uvāca- śṛṇu nārada vakṣyāmi māhātmyaṃ jāgarasya ca | yacchrutvā muktimāpnoti mahāpāpī na saṃśayaḥ
Sanskrit only: no published translation is held for this verse.
नारद उवाच- अहो विश्वेश्वरो विष्णुः पवित्रीकरणः सदा । तस्योपवासमाहात्म्यं श्रुतं हि त्वन्मुखाच्छिव
nārada uvāca- aho viśveśvaro viṣṇuḥ pavitrīkaraṇaḥ sadā | tasyopavāsamāhātmyaṃ śrutaṃ hi tvanmukhācchiva
Sanskrit only: no published translation is held for this verse.
तथापि श्रोतुमिच्छामि माहात्म्यं जागरस्य तु । कीदृक्जागरमाहात्म्यं रात्रो भक्तिस्तु कीदृशी
tathāpi śrotumicchāmi māhātmyaṃ jāgarasya tu | kīdṛkjāgaramāhātmyaṃ rātro bhaktistu kīdṛśī
Sanskrit only: no published translation is held for this verse.
प्रहरेषु च या पूजा वद विश्वेश्वर प्रभो । त्वं लोकेषु सदा पूज्यस्त्वं हि देवो जनार्दनः । त्वं हि विश्वेश्वरो देवो यतो भक्तिर्जनार्दने
prahareṣu ca yā pūjā vada viśveśvara prabho | tvaṃ lokeṣu sadā pūjyastvaṃ hi devo janārdanaḥ | tvaṃ hi viśveśvaro devo yato bhaktirjanārdane
Sanskrit only: no published translation is held for this verse.
सर्वेषां चैव भक्तानां त्वं च श्रेष्ठ उमापतिः । लोकेस्मिन्सर्वदा भक्त्या तवाख्या वर्त्तते सदा
sarveṣāṃ caiva bhaktānāṃ tvaṃ ca śreṣṭha umāpatiḥ | lokesminsarvadā bhaktyā tavākhyā varttate sadā
Sanskrit only: no published translation is held for this verse.
अतो येन प्रकारेण लोकानां मुक्तिरेव च । विश्वेश्वर वद त्वं तु माहात्म्यं जागरस्य तु
ato yena prakāreṇa lokānāṃ muktireva ca | viśveśvara vada tvaṃ tu māhātmyaṃ jāgarasya tu
Sanskrit only: no published translation is held for this verse.
महादेव उवाच-। एकादश्यां जनो विष्णुं रात्रौ संपूज्य भक्तितः । कुर्याज्जागरणं विष्णोः पुरतो वैष्णवैः सह
mahādeva uvāca-| ekādaśyāṃ jano viṣṇuṃ rātrau saṃpūjya bhaktitaḥ | kuryājjāgaraṇaṃ viṣṇoḥ purato vaiṣṇavaiḥ saha
Sanskrit only: no published translation is held for this verse.
गीतं वाद्यं तथा नृत्यं पुराणपठनं तथा । धूपं दीपं च नैवेद्यं पुष्पं गंधानुलेपनम्
gītaṃ vādyaṃ tathā nṛtyaṃ purāṇapaṭhanaṃ tathā | dhūpaṃ dīpaṃ ca naivedyaṃ puṣpaṃ gaṃdhānulepanam
Sanskrit only: no published translation is held for this verse.
फलमर्घं तथा श्रद्धा दानमिंद्रियसंयमम् । सत्यान्वितं च विप्रेंद्र वचोयुक्तं क्रियान्वितम्
phalamarghaṃ tathā śraddhā dānamiṃdriyasaṃyamam | satyānvitaṃ ca vipreṃdra vacoyuktaṃ kriyānvitam
Sanskrit only: no published translation is held for this verse.
विनिद्रं च मुदायुक्तो यः करोति नरः सदा । सर्वपापविनिर्मुक्तो जायते विष्णुवल्लभः
vinidraṃ ca mudāyukto yaḥ karoti naraḥ sadā | sarvapāpavinirmukto jāyate viṣṇuvallabhaḥ
Sanskrit only: no published translation is held for this verse.
रात्रौ जागरणे प्राप्ते निद्रां कुर्वंति वैष्णवाः । हारितं चोपवासं तैर्व्रतं वै विष्णुसंज्ञकम्
rātrau jāgaraṇe prāpte nidrāṃ kurvaṃti vaiṣṇavāḥ | hāritaṃ copavāsaṃ tairvrataṃ vai viṣṇusaṃjñakam
Sanskrit only: no published translation is held for this verse.
ये कुर्वंति नराः प्राज्ञ जागरे विष्णुसंज्ञके । जागरं कृष्णभावेन न स्वपंति कदाचन
ye kurvaṃti narāḥ prājña jāgare viṣṇusaṃjñake | jāgaraṃ kṛṣṇabhāvena na svapaṃti kadācana
Sanskrit only: no published translation is held for this verse.
कृष्णस्य नाम मनसा वदंति च पुनः पुनः । ते तु धन्यतमा ज्ञेया अस्यां रात्रौ विशेषतः
kṛṣṇasya nāma manasā vadaṃti ca punaḥ punaḥ | te tu dhanyatamā jñeyā asyāṃ rātrau viśeṣataḥ
Sanskrit only: no published translation is held for this verse.
क्षणेक्षणे तु गोदानं घट्यां चैव चतुर्गुणम् । प्रहरे कोटिगुणितं चतुर्यामेष्वसंख्यकम्
kṣaṇekṣaṇe tu godānaṃ ghaṭyāṃ caiva caturguṇam | prahare koṭiguṇitaṃ caturyāmeṣvasaṃkhyakam
Sanskrit only: no published translation is held for this verse.
जागरे निमिषार्द्धे तु केशवाग्रे विशेषतः । तत्फलं कोटिगुणितं तस्य संख्या न विद्यते
jāgare nimiṣārddhe tu keśavāgre viśeṣataḥ | tatphalaṃ koṭiguṇitaṃ tasya saṃkhyā na vidyate
Sanskrit only: no published translation is held for this verse.
नर्त्तनं कुरुते यस्तु केशवाग्रे नरोत्तमः । न फलं हीयते तस्य आजन्ममरणांतिकम्
narttanaṃ kurute yastu keśavāgre narottamaḥ | na phalaṃ hīyate tasya ājanmamaraṇāṃtikam
Sanskrit only: no published translation is held for this verse.
साश्चर्यं चैव सोत्साहं पापालापादिवर्जितम् । प्रदक्षिणसमायुक्तं नमस्कारपुरःसरम्
sāścaryaṃ caiva sotsāhaṃ pāpālāpādivarjitam | pradakṣiṇasamāyuktaṃ namaskārapuraḥsaram
Sanskrit only: no published translation is held for this verse.
नीराजनसमायुक्तमनिर्विण्णेन चेतसा । यामेयामे महाभाग कुर्यादारार्तिकं हरेः
nīrājanasamāyuktamanirviṇṇena cetasā | yāmeyāme mahābhāga kuryādārārtikaṃ hareḥ
Sanskrit only: no published translation is held for this verse.
षड्विंशगुणसंयुक्तमेकादश्यां च जागरम् । यः करोति नरो भक्त्या न पुनर्जायते भुवि
ṣaḍviṃśaguṇasaṃyuktamekādaśyāṃ ca jāgaram | yaḥ karoti naro bhaktyā na punarjāyate bhuvi
Sanskrit only: no published translation is held for this verse.
य एवं कुरुते भक्त्या वित्तशाठ्यविवर्जितः । जागरं वासरे विष्णोर्लीयते परमात्मनि
ya evaṃ kurute bhaktyā vittaśāṭhyavivarjitaḥ | jāgaraṃ vāsare viṣṇorlīyate paramātmani
Sanskrit only: no published translation is held for this verse.
धनवान्वित्तशाठ्येन यः करोति प्रजागरम् । तेनात्माहारितो नूनं कितवेन दुरात्मना
dhanavānvittaśāṭhyena yaḥ karoti prajāgaram | tenātmāhārito nūnaṃ kitavena durātmanā
Sanskrit only: no published translation is held for this verse.
विष्णुजागरणे प्राप्ते उपहासं करोति यः । षष्टिवर्षसहस्राणि विष्ठायां जायते कृमिः
viṣṇujāgaraṇe prāpte upahāsaṃ karoti yaḥ | ṣaṣṭivarṣasahasrāṇi viṣṭhāyāṃ jāyate kṛmiḥ
Sanskrit only: no published translation is held for this verse.
वेदविद्ब्राह्मणो यस्तु नर्त्तनेन विशेषतः । उपहासपरः प्राप्तः स वै चांडाल उच्यते
vedavidbrāhmaṇo yastu narttanena viśeṣataḥ | upahāsaparaḥ prāptaḥ sa vai cāṃḍāla ucyate
Sanskrit only: no published translation is held for this verse.
निमिषं निमिषार्द्धं वा यः करोति प्रजागरम् । धर्मार्थकाममोक्षाणां प्राप्नोति पदमव्ययम्
nimiṣaṃ nimiṣārddhaṃ vā yaḥ karoti prajāgaram | dharmārthakāmamokṣāṇāṃ prāpnoti padamavyayam
Sanskrit only: no published translation is held for this verse.
वेदशास्त्ररतो नित्यं नित्यं वै यज्ञयाजकः । रात्रौ जागरणे प्राप्ते निंदां कुर्वन्व्रजत्यधः
vedaśāstrarato nityaṃ nityaṃ vai yajñayājakaḥ | rātrau jāgaraṇe prāpte niṃdāṃ kurvanvrajatyadhaḥ
Sanskrit only: no published translation is held for this verse.
मम पूजां प्रकुर्वाणो विष्णुनिंदासु तत्परः । एकविंशत्कुलेनैव नरकं प्रतिपद्यते
mama pūjāṃ prakurvāṇo viṣṇuniṃdāsu tatparaḥ | ekaviṃśatkulenaiva narakaṃ pratipadyate
Sanskrit only: no published translation is held for this verse.
विष्णुः शिवः शिवो विष्णुरेकमूर्तिर्द्विधा स्थिताः । तस्मात्सर्वप्रकारेण नैव निंदां प्रकारयेत् । दष्टाः कलिभुजंगेन स्वपंति मधुहाहनि
viṣṇuḥ śivaḥ śivo viṣṇurekamūrtirdvidhā sthitāḥ | tasmātsarvaprakāreṇa naiva niṃdāṃ prakārayet | daṣṭāḥ kalibhujaṃgena svapaṃti madhuhāhani
Sanskrit only: no published translation is held for this verse.
कुर्वंति जागरं नैव मायया ते च मोहिताः । प्राप्ता एकादशी येषां कलौ जागरणं विना
kurvaṃti jāgaraṃ naiva māyayā te ca mohitāḥ | prāptā ekādaśī yeṣāṃ kalau jāgaraṇaṃ vinā
Sanskrit only: no published translation is held for this verse.
ते विनष्टा न संदेहो यस्माज्जीवितमध्रुवम् । उद्धृतं नेत्रयुग्मं तु दत्त्वा वै वैष्णवं पदम्
te vinaṣṭā na saṃdeho yasmājjīvitamadhruvam | uddhṛtaṃ netrayugmaṃ tu dattvā vai vaiṣṇavaṃ padam
Sanskrit only: no published translation is held for this verse.
कृतं ये नैव पश्यंति पापिनो हरिजागरम् । अभावे वाचकस्याथ गीतं नृत्यं तु कारयेत्
kṛtaṃ ye naiva paśyaṃti pāpino harijāgaram | abhāve vācakasyātha gītaṃ nṛtyaṃ tu kārayet
Sanskrit only: no published translation is held for this verse.
वाचके सति देवर्षे पुराणं प्रथमं पठेत् । अश्वमेधसहस्रस्य वाजपेयायुतस्य च
vācake sati devarṣe purāṇaṃ prathamaṃ paṭhet | aśvamedhasahasrasya vājapeyāyutasya ca
Sanskrit only: no published translation is held for this verse.
पुण्यं कोटिगुणं वत्स विष्णोर्जागरणे कृते । पितृपक्षे मातृपक्षे भार्यापक्षे तु वाडव
puṇyaṃ koṭiguṇaṃ vatsa viṣṇorjāgaraṇe kṛte | pitṛpakṣe mātṛpakṣe bhāryāpakṣe tu vāḍava
Sanskrit only: no published translation is held for this verse.
कुलानुद्धरते चैतान्कृत्वा जागरणं हरेः । उपोषणदिने विद्धे जागरं पूजनं हरेः
kulānuddharate caitānkṛtvā jāgaraṇaṃ hareḥ | upoṣaṇadine viddhe jāgaraṃ pūjanaṃ hareḥ
Sanskrit only: no published translation is held for this verse.
वृथादानादिकं सर्वं कृतघ्नेषु कृतं यथा । उपोषणदिने विद्धे प्रारब्धे जागरे स्थितिम्
vṛthādānādikaṃ sarvaṃ kṛtaghneṣu kṛtaṃ yathā | upoṣaṇadine viddhe prārabdhe jāgare sthitim
Sanskrit only: no published translation is held for this verse.
विहाय स्थानं तद्विष्णुः शापं दत्वा प्रगच्छति । अविद्धे वासरे विष्णोर्ये कुर्वंति प्रजागरम्
vihāya sthānaṃ tadviṣṇuḥ śāpaṃ datvā pragacchati | aviddhe vāsare viṣṇorye kurvaṃti prajāgaram
Sanskrit only: no published translation is held for this verse.
तेषां मध्ये तु तुष्टः सन्नृत्यं तु कुरुते हरिः । यावद्दिनानि कुरुते जागरं केशवाग्रतः
teṣāṃ madhye tu tuṣṭaḥ sannṛtyaṃ tu kurute hariḥ | yāvaddināni kurute jāgaraṃ keśavāgrataḥ
Sanskrit only: no published translation is held for this verse.
युगानि तानि तावंति विष्णुलोके महीयते । यावद्दिनानि वसते विना जागरणं हरेः
yugāni tāni tāvaṃti viṣṇuloke mahīyate | yāvaddināni vasate vinā jāgaraṇaṃ hareḥ
Sanskrit only: no published translation is held for this verse.
तावद्वर्षसहस्राणि रौरवान्न निवर्तते । एकदश्यां शयानस्तु विना जागरणं हरेः
tāvadvarṣasahasrāṇi rauravānna nivartate | ekadaśyāṃ śayānastu vinā jāgaraṇaṃ hareḥ
Sanskrit only: no published translation is held for this verse.
मूकवत्तिष्ठते यो वै गानं पाठं न वाचरेत् । सप्तजन्मानि मूकत्वं जायतेऽजागरे हरेः
mūkavattiṣṭhate yo vai gānaṃ pāṭhaṃ na vācaret | saptajanmāni mūkatvaṃ jāyate'jāgare hareḥ
Sanskrit only: no published translation is held for this verse.
यो न नृत्यति मूढात्मा पुरतो जागरे हरेः । पंगुत्वं तस्य जानीयात्सप्तजन्मानि वाडव
yo na nṛtyati mūḍhātmā purato jāgare hareḥ | paṃgutvaṃ tasya jānīyātsaptajanmāni vāḍava
Sanskrit only: no published translation is held for this verse.
यः पुनः कुरुते गीतं नृत्यं जागरणं हरेः । ब्राह्मं पदं मदीयं च सत्यं वै तस्य वैष्णवम्
yaḥ punaḥ kurute gītaṃ nṛtyaṃ jāgaraṇaṃ hareḥ | brāhmaṃ padaṃ madīyaṃ ca satyaṃ vai tasya vaiṣṇavam
Sanskrit only: no published translation is held for this verse.
यः प्रबोधयते लोकान्विष्णोर्जागरणे रतः । वसेच्चिरं तु वैकुंठे पितृभिः सह वैष्णवः
yaḥ prabodhayate lokānviṣṇorjāgaraṇe rataḥ | vasecciraṃ tu vaikuṃṭhe pitṛbhiḥ saha vaiṣṇavaḥ
Sanskrit only: no published translation is held for this verse.
मतिं प्रयच्छते यस्तु हरेर्जागरणं प्रति । षष्टिवर्षसहस्राणि श्वेतद्वीपे वसेन्नरः
matiṃ prayacchate yastu harerjāgaraṇaṃ prati | ṣaṣṭivarṣasahasrāṇi śvetadvīpe vasennaraḥ
Sanskrit only: no published translation is held for this verse.
यत्किंचित्क्रियते पापं कोटिजन्मनि मानवैः । श्रीकृष्णजागरे सर्वं रात्रौ नश्यति वाडव
yatkiṃcitkriyate pāpaṃ koṭijanmani mānavaiḥ | śrīkṛṣṇajāgare sarvaṃ rātrau naśyati vāḍava
Sanskrit only: no published translation is held for this verse.
शालग्रामशिलाग्रे ये कुर्वंति प्रतिजागरम् । यामेयामे फलं प्रोक्तं कोट्यैंदवसमुद्भवम्
śālagrāmaśilāgre ye kurvaṃti pratijāgaram | yāmeyāme phalaṃ proktaṃ koṭyaiṃdavasamudbhavam
Sanskrit only: no published translation is held for this verse.
संप्राप्ते वासरे विष्णोर्ये न कुर्वंति जागरम् । वृथा स्यात्तत्कृतं तेषां वैष्णवानां च निंदया
saṃprāpte vāsare viṣṇorye na kurvaṃti jāgaram | vṛthā syāttatkṛtaṃ teṣāṃ vaiṣṇavānāṃ ca niṃdayā
Sanskrit only: no published translation is held for this verse.
कामार्थौ संपदः पुत्राः कीर्तिर्लोकाश्च शाश्वताः । यज्ञायुतैर्न लभ्यंते द्वादशीजागरं विना
kāmārthau saṃpadaḥ putrāḥ kīrtirlokāśca śāśvatāḥ | yajñāyutairna labhyaṃte dvādaśījāgaraṃ vinā
Sanskrit only: no published translation is held for this verse.
मतिर्न जायते यस्य द्वादश्यां जागरं प्रति । न हि तस्याधिकारोऽस्ति पूजने केशवस्य हि
matirna jāyate yasya dvādaśyāṃ jāgaraṃ prati | na hi tasyādhikāro'sti pūjane keśavasya hi
Sanskrit only: no published translation is held for this verse.
यावत्पदानि चलति केशवायतनं प्रति । अश्वमेधसमानि स्युः जागरार्थं प्रगच्छतः
yāvatpadāni calati keśavāyatanaṃ prati | aśvamedhasamāni syuḥ jāgarārthaṃ pragacchataḥ
Sanskrit only: no published translation is held for this verse.
पादयोः पतितं यावद्धरण्यां पांशु गच्छताम् । तावद्वर्षसहस्राणि जागरो वसते दिवि 6.37.५०। तस्माद्गृहात्प्रगंतव्यं जागरे केशवालये । कलौ मलविनाशाय द्वादशीद्वादशीषु च
pādayoḥ patitaṃ yāvaddharaṇyāṃ pāṃśu gacchatām | tāvadvarṣasahasrāṇi jāgaro vasate divi 6.37.50| tasmādgṛhātpragaṃtavyaṃ jāgare keśavālaye | kalau malavināśāya dvādaśīdvādaśīṣu ca
Sanskrit only: no published translation is held for this verse.
परापवादसंयुक्तं मनः प्रासाद वर्जितम् । शास्त्रहीनमगांधर्वं तथा दीपविवर्जितम्
parāpavādasaṃyuktaṃ manaḥ prāsāda varjitam | śāstrahīnamagāṃdharvaṃ tathā dīpavivarjitam
Sanskrit only: no published translation is held for this verse.
शक्त्योपचाररहितमुदासीनं सनिंदनम् । कलियुक्तं विशेषेण जागरं नवधा मतम्
śaktyopacārarahitamudāsīnaṃ saniṃdanam | kaliyuktaṃ viśeṣeṇa jāgaraṃ navadhā matam
Sanskrit only: no published translation is held for this verse.
सशास्त्रं जागरं यच्च नृत्यगांधर्वसंयुतम् । सवाद्यं तालासंयुक्तं सदीपं मधुभिर्युतम्
saśāstraṃ jāgaraṃ yacca nṛtyagāṃdharvasaṃyutam | savādyaṃ tālāsaṃyuktaṃ sadīpaṃ madhubhiryutam
Sanskrit only: no published translation is held for this verse.
उच्चारैस्तु समायुक्तं यथोक्तैर्भक्तिभावितैः । प्रसन्नं तुष्टिजननं संमूढं लोकरंजनम्
uccāraistu samāyuktaṃ yathoktairbhaktibhāvitaiḥ | prasannaṃ tuṣṭijananaṃ saṃmūḍhaṃ lokaraṃjanam
Sanskrit only: no published translation is held for this verse.
गुणैर्द्वादशभिर्युक्तं जागरं माधवप्रियम् । कर्त्तव्यं तत्प्रयत्नेन पक्षयोः शुक्लकृष्णयोः
guṇairdvādaśabhiryuktaṃ jāgaraṃ mādhavapriyam | karttavyaṃ tatprayatnena pakṣayoḥ śuklakṛṣṇayoḥ
Sanskrit only: no published translation is held for this verse.
किं व्रतैर्बहुभिश्चीर्णैस्तीर्थवासेन तस्य किम् । द्वादशीवासरे प्राप्ते न कुर्याज्जागरं हरेः
kiṃ vratairbahubhiścīrṇaistīrthavāsena tasya kim | dvādaśīvāsare prāpte na kuryājjāgaraṃ hareḥ
Sanskrit only: no published translation is held for this verse.
प्रवासेन त्यजेद्यस्तु पथिस्विन्नोऽपि वाडव । जागरं वासुदेवस्य द्वादश्यां तु समे प्रियः
pravāsena tyajedyastu pathisvinno'pi vāḍava | jāgaraṃ vāsudevasya dvādaśyāṃ tu same priyaḥ
Sanskrit only: no published translation is held for this verse.
मद्भक्तो न हरेः कुर्याज्जागरं पापमोहितः । व्यर्थं मत्पूजनं तस्य मत्पूज्यं यो न पूजयेत्
madbhakto na hareḥ kuryājjāgaraṃ pāpamohitaḥ | vyarthaṃ matpūjanaṃ tasya matpūjyaṃ yo na pūjayet
Sanskrit only: no published translation is held for this verse.
न शैवो न च सौरोऽसौ न शाक्तो गणसेवकः । यो भुंक्ते वासरे विष्णोर्ज्ञेयः पश्वधिको हि सः
na śaivo na ca sauro'sau na śākto gaṇasevakaḥ | yo bhuṃkte vāsare viṣṇorjñeyaḥ paśvadhiko hi saḥ
Sanskrit only: no published translation is held for this verse.
विप्रियं च कृतं तेन दुष्टेनैव च पापिना । मद्भक्तिबलमाश्रित्य यो भुंक्ते वै हरेर्दिने
vipriyaṃ ca kṛtaṃ tena duṣṭenaiva ca pāpinā | madbhaktibalamāśritya yo bhuṃkte vai harerdine
Sanskrit only: no published translation is held for this verse.
सबाह्याभ्यंतरं देहं वेष्टितं पापकोटिभिः । मुच्यंते वासरे विष्णोर्ये कुर्वंति प्रजागरम्
sabāhyābhyaṃtaraṃ dehaṃ veṣṭitaṃ pāpakoṭibhiḥ | mucyaṃte vāsare viṣṇorye kurvaṃti prajāgaram
Sanskrit only: no published translation is held for this verse.
कूर्परं यमदूतानां दत्तं तेन यमस्य च । कृत्वा जागरणं विष्णोरविद्धं द्वादशीव्रतम्
kūrparaṃ yamadūtānāṃ dattaṃ tena yamasya ca | kṛtvā jāgaraṇaṃ viṣṇoraviddhaṃ dvādaśīvratam
Sanskrit only: no published translation is held for this verse.
स्वर्गापेक्षा मुनिश्रेष्ठ मुक्ता ते नैव संशयः । वांछितं नारकं सौख्यं विद्धं कृत्वा हरेर्दिनम्
svargāpekṣā muniśreṣṭha muktā te naiva saṃśayaḥ | vāṃchitaṃ nārakaṃ saukhyaṃ viddhaṃ kṛtvā harerdinam
Sanskrit only: no published translation is held for this verse.
निहताः पितरस्तेन देवानां वै वधः कृतः । दत्तं राज्यं तु दैत्यानां कृत्वा विद्धं हरेर्दिनम्
nihatāḥ pitarastena devānāṃ vai vadhaḥ kṛtaḥ | dattaṃ rājyaṃ tu daityānāṃ kṛtvā viddhaṃ harerdinam
Sanskrit only: no published translation is held for this verse.
यो नृत्यति प्रहृष्टात्मा कृत्वा वै करताडनम् । गीतं कुर्वन्मुखेनापि दर्शयन्कौतुकान्बहून्
yo nṛtyati prahṛṣṭātmā kṛtvā vai karatāḍanam | gītaṃ kurvanmukhenāpi darśayankautukānbahūn
Sanskrit only: no published translation is held for this verse.
पुरतो वासुदेवस्य रात्रौ जागरणे स्थितः । पठन्कृष्णचरित्राणि रंजयन्वैष्णवान्गणान्
purato vāsudevasya rātrau jāgaraṇe sthitaḥ | paṭhankṛṣṇacaritrāṇi raṃjayanvaiṣṇavāngaṇān
Sanskrit only: no published translation is held for this verse.
मुखेन कुरुते वाद्यं संप्रहृष्टतनूरुहः । दर्शयन्विविधान्भृत्यान्स्वेच्छालापान्प्रकारयन्
mukhena kurute vādyaṃ saṃprahṛṣṭatanūruhaḥ | darśayanvividhānbhṛtyānsvecchālāpānprakārayan
Sanskrit only: no published translation is held for this verse.
भावैरेतैर्नरो यस्तु कुरुते जागरे हरेः । निमिषेनिमिषे पुण्यं तीर्थकोटिफलं स्मृतम्
bhāvairetairnaro yastu kurute jāgare hareḥ | nimiṣenimiṣe puṇyaṃ tīrthakoṭiphalaṃ smṛtam
Sanskrit only: no published translation is held for this verse.
अनुद्विग्नमना यस्तु धूपनीराजनं हरेः । कुरुते जागरे रात्रौ सप्तद्वीपाधिपो भवेत्
anudvignamanā yastu dhūpanīrājanaṃ hareḥ | kurute jāgare rātrau saptadvīpādhipo bhavet
Sanskrit only: no published translation is held for this verse.
यानि कानि च पापानि ब्रह्महत्यासमानि च । कृष्णा ह जागरात्तानि विलयं यांति खंडशः
yāni kāni ca pāpāni brahmahatyāsamāni ca | kṛṣṇā ha jāgarāttāni vilayaṃ yāṃti khaṃḍaśaḥ
Sanskrit only: no published translation is held for this verse.
एकतः क्रतवः सर्वे समाप्तवरदक्षिणाः । एकतो देवदेवस्य जागरः कृष्णवल्लभः
ekataḥ kratavaḥ sarve samāptavaradakṣiṇāḥ | ekato devadevasya jāgaraḥ kṛṣṇavallabhaḥ
Sanskrit only: no published translation is held for this verse.
तत्र काशी पुष्करं च प्रयागं नैमिषं गया । शालग्राममहाक्षेत्रमर्बुदारण्यमेव च
tatra kāśī puṣkaraṃ ca prayāgaṃ naimiṣaṃ gayā | śālagrāmamahākṣetramarbudāraṇyameva ca
Sanskrit only: no published translation is held for this verse.
पौष्करं मथुरा तत्र सर्वतीर्थानि चैव हि । यज्ञा वेदाश्च चत्वारो व्रजंति हरिजागरम्
pauṣkaraṃ mathurā tatra sarvatīrthāni caiva hi | yajñā vedāśca catvāro vrajaṃti harijāgaram
Sanskrit only: no published translation is held for this verse.
गंगा सरस्वती तापी यमुना च शतद्रुका । चंद्रभागा वितस्ता च नद्यः सर्वास्तु तत्र वै
gaṃgā sarasvatī tāpī yamunā ca śatadrukā | caṃdrabhāgā vitastā ca nadyaḥ sarvāstu tatra vai
Sanskrit only: no published translation is held for this verse.
सरांसि च ह्रदाः सर्वे समुद्राः सर्व एव हि । एकादश्यां द्विजश्रेष्ठ गच्छंति कृष्णजागरम्
sarāṃsi ca hradāḥ sarve samudrāḥ sarva eva hi | ekādaśyāṃ dvijaśreṣṭha gacchaṃti kṛṣṇajāgaram
Sanskrit only: no published translation is held for this verse.
स्पृहणीया हि देवानां ये नराः कृष्णजागरे । नृत्यंति गीतं कुर्वंति वीणावाद्यप्रहर्षिताः
spṛhaṇīyā hi devānāṃ ye narāḥ kṛṣṇajāgare | nṛtyaṃti gītaṃ kurvaṃti vīṇāvādyapraharṣitāḥ
Sanskrit only: no published translation is held for this verse.
एवं जागरणं कृत्वा संपूज्य च महाहरिम् । द्वादश्यां पारणं कृत्वा स्वशक्त्या वैष्णवैः सह
evaṃ jāgaraṇaṃ kṛtvā saṃpūjya ca mahāharim | dvādaśyāṃ pāraṇaṃ kṛtvā svaśaktyā vaiṣṇavaiḥ saha
Sanskrit only: no published translation is held for this verse.
महादेव उवाच- शृणु ब्रह्मन्प्रवक्ष्यामि द्वादशीमाहात्म्यमुत्तमम् । द्वादशी तु सदा ज्ञेया पुत्रदा मोक्षदायिनी
mahādeva uvāca- śṛṇu brahmanpravakṣyāmi dvādaśīmāhātmyamuttamam | dvādaśī tu sadā jñeyā putradā mokṣadāyinī
Sanskrit only: no published translation is held for this verse.
प्रातः स्नात्वा हरिं पूज्य उपवासं समर्पयेत् । अज्ञानतिमिरांधस्य व्रतेनानेन केशव
prātaḥ snātvā hariṃ pūjya upavāsaṃ samarpayet | ajñānatimirāṃdhasya vratenānena keśava
Sanskrit only: no published translation is held for this verse.
प्रसीद सुमुखो भूत्वा ज्ञानदृष्टिप्रदो भव । पारणं च ततः कुर्याद्यथासंभवमग्रतः
prasīda sumukho bhūtvā jñānadṛṣṭiprado bhava | pāraṇaṃ ca tataḥ kuryādyathāsaṃbhavamagrataḥ
Sanskrit only: no published translation is held for this verse.
अत ऊर्ध्वं यथेष्टं तु कारयेच्च यथाविधि । यदा तु द्वादशी स्वल्पा पारणेन भवेद्दिवज
ata ūrdhvaṃ yatheṣṭaṃ tu kārayecca yathāvidhi | yadā tu dvādaśī svalpā pāraṇena bhaveddivaja
Sanskrit only: no published translation is held for this verse.
तदा रात्रौ तु कर्त्तव्यं पारणं मुक्तिमिच्छता । तदा न रात्रिदोषः स्यान्निषिद्धं न भवेत्क्वचित्
tadā rātrau tu karttavyaṃ pāraṇaṃ muktimicchatā | tadā na rātridoṣaḥ syānniṣiddhaṃ na bhavetkvacit
Sanskrit only: no published translation is held for this verse.
यदुक्तं निशि न स्नायान्महानिशि न भोजयेत् । तत्पूर्वपरयामाभ्यां दिनवत्कर्म कारयेत्
yaduktaṃ niśi na snāyānmahāniśi na bhojayet | tatpūrvaparayāmābhyāṃ dinavatkarma kārayet
Sanskrit only: no published translation is held for this verse.
यदा भवति स्वल्पा तु द्वादशी पारणे दिने । उषःकाले द्वयं कुर्यात्प्रातर्मध्याह्निकं तथा
yadā bhavati svalpā tu dvādaśī pāraṇe dine | uṣaḥkāle dvayaṃ kuryātprātarmadhyāhnikaṃ tathā
Sanskrit only: no published translation is held for this verse.
द्वादशी साधिता येन नरेण भुवि सर्वदा । तस्य पुण्यमहं वक्तुं न समर्थो विशेषतः
dvādaśī sādhitā yena nareṇa bhuvi sarvadā | tasya puṇyamahaṃ vaktuṃ na samartho viśeṣataḥ
Sanskrit only: no published translation is held for this verse.
साधयित्वाखिलान्कामान्प्राप्नुयुश्च महाजनाः । अंबरीषादयः सर्वे ये भक्ता भुवि विश्रुताः
sādhayitvākhilānkāmānprāpnuyuśca mahājanāḥ | aṃbarīṣādayaḥ sarve ye bhaktā bhuvi viśrutāḥ
Sanskrit only: no published translation is held for this verse.
द्वादशीं साधयित्वा तु ते गता विष्णुसद्मनि । सत्यं सत्यं पुनः सत्यं यदुक्तं तु मया तव
dvādaśīṃ sādhayitvā tu te gatā viṣṇusadmani | satyaṃ satyaṃ punaḥ satyaṃ yaduktaṃ tu mayā tava
Sanskrit only: no published translation is held for this verse.
नास्ति विष्णुसमो देवो न तिथिर्द्वादशीसमा । अत्र दत्तं च भुक्तं च तथा पूजादिकं च यत्
nāsti viṣṇusamo devo na tithirdvādaśīsamā | atra dattaṃ ca bhuktaṃ ca tathā pūjādikaṃ ca yat
Sanskrit only: no published translation is held for this verse.
तत्सर्वं पूर्णतां याति पूजिते माधवे सति । किं पुनर्बहुनोक्तेन भक्तानां वल्लभो हरिः
tatsarvaṃ pūrṇatāṃ yāti pūjite mādhave sati | kiṃ punarbahunoktena bhaktānāṃ vallabho hariḥ
Sanskrit only: no published translation is held for this verse.
प्रददात्यखिलान्कामान्यावदाभूतसंप्लवम् । द्वादश्यां चैव यद्दत्तं तत्सर्वं सफलं भवेत्
pradadātyakhilānkāmānyāvadābhūtasaṃplavam | dvādaśyāṃ caiva yaddattaṃ tatsarvaṃ saphalaṃ bhavet
Sanskrit only: no published translation is held for this verse.
कुरुक्षेत्रेषु यद्दत्तं निष्फलं नैव जायते । तद्वच्च द्वादशीदत्तं भवेद्देवर्षिसत्तम
kurukṣetreṣu yaddattaṃ niṣphalaṃ naiva jāyate | tadvacca dvādaśīdattaṃ bhaveddevarṣisattama
Sanskrit only: no published translation is held for this verse.