Padma Purāṇa 6.44

युधिष्ठिर उवाच- फाल्गुनस्यासिते पक्षे किंनामैकादशीभवेत् । कथयस्व प्रसादेन वासुदेव ममाग्रतः

yudhiṣṭhira uvāca- phālgunasyāsite pakṣe kiṃnāmaikādaśībhavet | kathayasva prasādena vāsudeva mamāgrataḥ

Sanskrit only: no published translation is held for this verse.

श्रीकृष्ण उवाच- नारदः परिपप्रच्छ ब्रह्माणं कमलासनम् । फाल्गुनस्यासिते पक्षे विजयानाम नामतः । तस्याः पुण्यं द्विजश्रेष्ठ कथयस्व प्रसादतः

śrīkṛṣṇa uvāca- nāradaḥ paripapraccha brahmāṇaṃ kamalāsanam | phālgunasyāsite pakṣe vijayānāma nāmataḥ | tasyāḥ puṇyaṃ dvijaśreṣṭha kathayasva prasādataḥ

Sanskrit only: no published translation is held for this verse.

ब्रह्मोवाच- शृणु नारद वक्ष्यामि कथां पापहराम्पराम् । यन्न कस्यचिदाख्यातं मयैतद्विजयाव्रतम्

brahmovāca- śṛṇu nārada vakṣyāmi kathāṃ pāpaharāmparām | yanna kasyacidākhyātaṃ mayaitadvijayāvratam

Sanskrit only: no published translation is held for this verse.

पुरातनं व्रतं ह्येतत्पवित्रं पापनाशनम् । जयं ददाति विजया नृपाणां वै न संशयः

purātanaṃ vrataṃ hyetatpavitraṃ pāpanāśanam | jayaṃ dadāti vijayā nṛpāṇāṃ vai na saṃśayaḥ

Sanskrit only: no published translation is held for this verse.

पुरा रामो वनं यातो वर्षाण्येव चतुर्दश । न्यवसत्पंचवट्यां तु सहसीतः सलक्ष्मणः

purā rāmo vanaṃ yāto varṣāṇyeva caturdaśa | nyavasatpaṃcavaṭyāṃ tu sahasītaḥ salakṣmaṇaḥ

Sanskrit only: no published translation is held for this verse.

तत्रैव वसतस्तस्य रामस्य विजयात्मनः । रावणेन हृता लौल्याद्भार्या सीता यशस्विनी

tatraiva vasatastasya rāmasya vijayātmanaḥ | rāvaṇena hṛtā laulyādbhāryā sītā yaśasvinī

Sanskrit only: no published translation is held for this verse.

तेन दुःखेन रामोऽपि मोहमभ्यागतस्तदा । भ्रमन्जटायुषमथो ददर्श विगतायुषम्

tena duḥkhena rāmo'pi mohamabhyāgatastadā | bhramanjaṭāyuṣamatho dadarśa vigatāyuṣam

Sanskrit only: no published translation is held for this verse.

कबंधो निहतः पश्चाद्भ्रमतारण्यमध्यतः । सुग्रीवेण समं तस्य सखित्वं समपद्यत

kabaṃdho nihataḥ paścādbhramatāraṇyamadhyataḥ | sugrīveṇa samaṃ tasya sakhitvaṃ samapadyata

Sanskrit only: no published translation is held for this verse.

वानराणामनीकानि रामार्थंसंगतानि च । ततो हनुमता दृष्टा लंकोद्याने तु जानकी

vānarāṇāmanīkāni rāmārthaṃsaṃgatāni ca | tato hanumatā dṛṣṭā laṃkodyāne tu jānakī

Sanskrit only: no published translation is held for this verse.

रामसंज्ञापनं तस्यै दत्तं कर्म महत्कृतम् । पुनः समेत्य रामेण सर्वं तत्र निवेदितम्

rāmasaṃjñāpanaṃ tasyai dattaṃ karma mahatkṛtam | punaḥ sametya rāmeṇa sarvaṃ tatra niveditam

Sanskrit only: no published translation is held for this verse.

अथ श्रुत्वा रामचंद्रो वाक्यं चैव हनूमतः । सुग्रीवानुमतेनैव प्रस्थानं समरोचयत्

atha śrutvā rāmacaṃdro vākyaṃ caiva hanūmataḥ | sugrīvānumatenaiva prasthānaṃ samarocayat

Sanskrit only: no published translation is held for this verse.

सौमित्रेकेन पुण्येन तीर्यते वरुणालयः । अगाधो नितरामेष यादोभिश्च समाकुलः । उपायं नैव पश्यामि येनासौ सुतरो भवेत्

saumitrekena puṇyena tīryate varuṇālayaḥ | agādho nitarāmeṣa yādobhiśca samākulaḥ | upāyaṃ naiva paśyāmi yenāsau sutaro bhavet

Sanskrit only: no published translation is held for this verse.

लक्ष्मण उवाच- आदिदेवस्त्वमेवासि पुराणपुरुषोत्तमः । बकदाल्भ्यो मुनिश्चात्र वर्तते द्वीपमध्यतः

lakṣmaṇa uvāca- ādidevastvamevāsi purāṇapuruṣottamaḥ | bakadālbhyo muniścātra vartate dvīpamadhyataḥ

Sanskrit only: no published translation is held for this verse.

अस्मात्स्थानाद्योजनार्द्धमाश्रमस्तस्य राघव । अन्ये च ब्राह्मणास्तत्र बहवो रघुनंदन

asmātsthānādyojanārddhamāśramastasya rāghava | anye ca brāhmaṇāstatra bahavo raghunaṃdana

Sanskrit only: no published translation is held for this verse.

तं पृच्छ गत्वा राजेंद्र पुराणमृषिपुंगवम् । इति वाक्यं ततः श्रुत्वा लक्ष्मणस्यातिशोभनम्

taṃ pṛccha gatvā rājeṃdra purāṇamṛṣipuṃgavam | iti vākyaṃ tataḥ śrutvā lakṣmaṇasyātiśobhanam

Sanskrit only: no published translation is held for this verse.

जगाम राघवो द्रष्टुं बकदाल्भ्यं महामुनिम् । प्रणनाम मुनिं मूर्ध्ना रामो विष्णुमिवामरः

jagāma rāghavo draṣṭuṃ bakadālbhyaṃ mahāmunim | praṇanāma muniṃ mūrdhnā rāmo viṣṇumivāmaraḥ

Sanskrit only: no published translation is held for this verse.

ज्ञात्वा मुनिस्ततो रामं पुराणं पुरुषोत्तमम् । केनापि कारणेनैव प्रविष्टो मानुषीं तनुम्

jñātvā munistato rāmaṃ purāṇaṃ puruṣottamam | kenāpi kāraṇenaiva praviṣṭo mānuṣīṃ tanum

Sanskrit only: no published translation is held for this verse.

उवाच स ऋषिस्तुष्टः कुतो राम तवागमः

uvāca sa ṛṣistuṣṭaḥ kuto rāma tavāgamaḥ

Sanskrit only: no published translation is held for this verse.

राम उवाच- त्वत्प्रसादादहं विप्र तीरं नदनदीपतेः । आगतोऽस्मि ससैन्योऽत्र लंकां जेतुं सराक्षसाम्

rāma uvāca- tvatprasādādahaṃ vipra tīraṃ nadanadīpateḥ | āgato'smi sasainyo'tra laṃkāṃ jetuṃ sarākṣasām

Sanskrit only: no published translation is held for this verse.

भवतश्चानुकूलत्वात्तीर्यतेऽब्धिर्यथा मया । तमुपायं वद मुने प्रसादं कुरु सांप्रतम्

bhavataścānukūlatvāttīryate'bdhiryathā mayā | tamupāyaṃ vada mune prasādaṃ kuru sāṃpratam

Sanskrit only: no published translation is held for this verse.

एतस्मात्कारणादेव द्रष्टुं त्वाहमिहागतः । रामस्य वचनं श्रुत्वा बकदाल्भ्यो महामुनिः

etasmātkāraṇādeva draṣṭuṃ tvāhamihāgataḥ | rāmasya vacanaṃ śrutvā bakadālbhyo mahāmuniḥ

Sanskrit only: no published translation is held for this verse.

उवाच सुप्रसन्नात्मा रामं राजीवलोचनम् । कर्तव्यमद्य ते राम व्रतानां व्रतमुत्तमम्

uvāca suprasannātmā rāmaṃ rājīvalocanam | kartavyamadya te rāma vratānāṃ vratamuttamam

Sanskrit only: no published translation is held for this verse.

कृतेन येन सहसा विजयस्ते भविष्यति । लंकां जित्वा राक्षसांश्च स्वच्छां कीर्तिमवाप्स्यसि

kṛtena yena sahasā vijayaste bhaviṣyati | laṃkāṃ jitvā rākṣasāṃśca svacchāṃ kīrtimavāpsyasi

Sanskrit only: no published translation is held for this verse.

एकाग्रमानसो भूत्वा व्रतमेतत्समाचर । फाल्गुनस्यासिते पक्षे विजयैकादशी भवेत्

ekāgramānaso bhūtvā vratametatsamācara | phālgunasyāsite pakṣe vijayaikādaśī bhavet

Sanskrit only: no published translation is held for this verse.

तस्या व्रतेन हे राम विजयस्ते भविष्यति । निःसंशयं समुद्रं त्वं तरिष्यसि सवानरः

tasyā vratena he rāma vijayaste bhaviṣyati | niḥsaṃśayaṃ samudraṃ tvaṃ tariṣyasi savānaraḥ

Sanskrit only: no published translation is held for this verse.

विधिस्तु श्रूयतां राजन्व्रतस्यास्य फलप्रदः । दशम्यां दिवसे प्राप्ते कुंभमेकं तु कारयेत्

vidhistu śrūyatāṃ rājanvratasyāsya phalapradaḥ | daśamyāṃ divase prāpte kuṃbhamekaṃ tu kārayet

Sanskrit only: no published translation is held for this verse.

हैमं वा राजतं वापि ताम्रं वाप्यथ मृन्मयम् । स्थापयेच्छोभितं चैव जलपूर्णं सपल्लवम्

haimaṃ vā rājataṃ vāpi tāmraṃ vāpyatha mṛnmayam | sthāpayecchobhitaṃ caiva jalapūrṇaṃ sapallavam

Sanskrit only: no published translation is held for this verse.

सप्तधान्यान्यधस्तस्य यवानुपरि विन्यसेत् । तस्योपरि न्यसेद्देवं हैमं नारायणं प्रभुम्

saptadhānyānyadhastasya yavānupari vinyaset | tasyopari nyaseddevaṃ haimaṃ nārāyaṇaṃ prabhum

Sanskrit only: no published translation is held for this verse.

एकादशीदिने प्राप्ते प्रातः स्नानं समाचरेत् । निश्चलं स्थापयेत्कुंभं कंठमाल्यानुलेपनैः

ekādaśīdine prāpte prātaḥ snānaṃ samācaret | niścalaṃ sthāpayetkuṃbhaṃ kaṃṭhamālyānulepanaiḥ

Sanskrit only: no published translation is held for this verse.

पूगीफलैर्नालिकेरैः पूजयेच्च विशेषतः । गंधैर्धूपैश्चदीपैश्च नैवेद्यैर्विविधैरपि

pūgīphalairnālikeraiḥ pūjayecca viśeṣataḥ | gaṃdhairdhūpaiścadīpaiśca naivedyairvividhairapi

Sanskrit only: no published translation is held for this verse.

कुंभाग्रे तद्दिनं राम नीयते सत्कथादिभिः । रात्रौ जागरणं चैव तस्याग्रे कारयेद्बुधः

kuṃbhāgre taddinaṃ rāma nīyate satkathādibhiḥ | rātrau jāgaraṇaṃ caiva tasyāgre kārayedbudhaḥ

Sanskrit only: no published translation is held for this verse.

प्रकाशयेद्घृतदीपमखंडव्रतहेतवे । द्वादशीदिवसे प्राप्ते मार्तंडस्योदये सति

prakāśayedghṛtadīpamakhaṃḍavratahetave | dvādaśīdivase prāpte mārtaṃḍasyodaye sati

Sanskrit only: no published translation is held for this verse.

नीत्वा कुंभं जलोद्देशे नद्याः प्रस्रवणे तथा । तडागे स्थापयित्वा तं पूजयित्वा यथाविधि

nītvā kuṃbhaṃ jaloddeśe nadyāḥ prasravaṇe tathā | taḍāge sthāpayitvā taṃ pūjayitvā yathāvidhi

Sanskrit only: no published translation is held for this verse.

दद्यात्सदेवं तं कुंभं ब्राह्मणे वेदपारगे । कुंभेन सह राजेंद्र महादानानि दापयेत्

dadyātsadevaṃ taṃ kuṃbhaṃ brāhmaṇe vedapārage | kuṃbhena saha rājeṃdra mahādānāni dāpayet

Sanskrit only: no published translation is held for this verse.

अनेनविधिना राम यूथपैः सह संगतः । कुरु व्रतं प्रयत्नेन विजयस्ते भविष्यति

anenavidhinā rāma yūthapaiḥ saha saṃgataḥ | kuru vrataṃ prayatnena vijayaste bhaviṣyati

Sanskrit only: no published translation is held for this verse.

इति श्रुत्वा ततो रामो यथोक्तमकरोत्तदा । कृते व्रते स विजयी बभूव रघुनंदनः

iti śrutvā tato rāmo yathoktamakarottadā | kṛte vrate sa vijayī babhūva raghunaṃdanaḥ

Sanskrit only: no published translation is held for this verse.

प्राप्ता सीता जिता लंका पौलस्त्यो निहतो रणे । अनेनविधिना पुत्र ये कुर्वंति नरा व्रतम्

prāptā sītā jitā laṃkā paulastyo nihato raṇe | anenavidhinā putra ye kurvaṃti narā vratam

Sanskrit only: no published translation is held for this verse.

इहलोकजयप्राप्तिः परलोकस्तथाक्षयः । एतस्मात्कारणात्पुत्र कर्तव्यं विजयाव्रतम्

ihalokajayaprāptiḥ paralokastathākṣayaḥ | etasmātkāraṇātputra kartavyaṃ vijayāvratam

Sanskrit only: no published translation is held for this verse.

विजयायाश्च माहात्म्यं सर्वकिल्बिषनाशनम् । पठनाच्छ्रवणाच्चैव वाजपेयफलं लभेत्

vijayāyāśca māhātmyaṃ sarvakilbiṣanāśanam | paṭhanācchravaṇāccaiva vājapeyaphalaṃ labhet

Sanskrit only: no published translation is held for this verse.