Library·Padma Purāṇa·6·6.46
युधिष्ठिर उवाच- फाल्गुनस्य सिते पक्षे श्रुता चामलकी तथा । चैत्रस्य कृष्णपक्षे तु किं नामैकादशी भवेत्
yudhiṣṭhira uvāca- phālgunasya site pakṣe śrutā cāmalakī tathā | caitrasya kṛṣṇapakṣe tu kiṃ nāmaikādaśī bhavet
Sanskrit only: no published translation is held for this verse.
श्रीकृष्ण उवाच- शृणु राजेंद्र वक्ष्यामि आख्यानं पापनाशनम् । यल्लोमशोऽब्रवीत्पृष्टो मांधात्रा चक्रवर्तिना
śrīkṛṣṇa uvāca- śṛṇu rājeṃdra vakṣyāmi ākhyānaṃ pāpanāśanam | yallomaśo'bravītpṛṣṭo māṃdhātrā cakravartinā
Sanskrit only: no published translation is held for this verse.
मांधातोवाच - भगवन्श्रोतुमिच्छामि लोकानां हितकाम्यया । चैत्रस्य प्रथमे पक्षे का नामैकादशी भवेत् । को विधिः किं फलं तस्याः कथयस्व प्रसादतः
māṃdhātovāca - bhagavanśrotumicchāmi lokānāṃ hitakāmyayā | caitrasya prathame pakṣe kā nāmaikādaśī bhavet | ko vidhiḥ kiṃ phalaṃ tasyāḥ kathayasva prasādataḥ
Sanskrit only: no published translation is held for this verse.
लोमश उवाच- चैत्रमास्यसिते पक्षे नाम्ना वै पापमोचनी । एकादशी समाख्याता पिशाचत्वविनाशिनी
lomaśa uvāca- caitramāsyasite pakṣe nāmnā vai pāpamocanī | ekādaśī samākhyātā piśācatvavināśinī
Sanskrit only: no published translation is held for this verse.
शृणु तस्याः प्रवक्ष्यामि कामदां सिद्धिदां नृप । कथां विचित्रां शुभदां पापघ्नीं धर्मदायिनीम्
śṛṇu tasyāḥ pravakṣyāmi kāmadāṃ siddhidāṃ nṛpa | kathāṃ vicitrāṃ śubhadāṃ pāpaghnīṃ dharmadāyinīm
Sanskrit only: no published translation is held for this verse.
पुरा चैत्ररथोद्देशे अप्सरोगणसेविते । वसंतसमये प्राप्ते षट्पदाकुलिते वने
purā caitrarathoddeśe apsarogaṇasevite | vasaṃtasamaye prāpte ṣaṭpadākulite vane
Sanskrit only: no published translation is held for this verse.
गंधर्वकन्यावादित्रै रमंति सह किंनरैः । पाकशासनमुख्याश्च क्रीडांते त्रिदिवौकसः
gaṃdharvakanyāvāditrai ramaṃti saha kiṃnaraiḥ | pākaśāsanamukhyāśca krīḍāṃte tridivaukasaḥ
Sanskrit only: no published translation is held for this verse.
नापरं सुखदं किंचिद्विना चैत्ररथाद्वनम् । तस्मिन्वने तु मुनयस्तपंति बहुलं तपः
nāparaṃ sukhadaṃ kiṃcidvinā caitrarathādvanam | tasminvane tu munayastapaṃti bahulaṃ tapaḥ
Sanskrit only: no published translation is held for this verse.
मेधावि नामानमृषिं तत्रस्थं ब्रह्मचारिणम् । अप्सरास्तं मुनिवरं मोहनायोपचक्रमे
medhāvi nāmānamṛṣiṃ tatrasthaṃ brahmacāriṇam | apsarāstaṃ munivaraṃ mohanāyopacakrame
Sanskrit only: no published translation is held for this verse.
मंजुघोषेति विख्याता भावं तस्य वितन्वती । क्रोशमात्रं स्थिता तस्य भयादाश्रमसन्निधौ
maṃjughoṣeti vikhyātā bhāvaṃ tasya vitanvatī | krośamātraṃ sthitā tasya bhayādāśramasannidhau
Sanskrit only: no published translation is held for this verse.
गायंती मधुरं साधु पीडयंती विपंचिकाम् । गायंतीं तामथालोक्य पुष्पचंदनसेविताम्
gāyaṃtī madhuraṃ sādhu pīḍayaṃtī vipaṃcikām | gāyaṃtīṃ tāmathālokya puṣpacaṃdanasevitām
Sanskrit only: no published translation is held for this verse.
कामोऽपि विजयाकांक्षी शिवभक्तान्मुनीश्वरान् । तस्याः शरीरे संवासमकरोन्मनसः सुतः
kāmo'pi vijayākāṃkṣī śivabhaktānmunīśvarān | tasyāḥ śarīre saṃvāsamakaronmanasaḥ sutaḥ
Sanskrit only: no published translation is held for this verse.
कृत्वा भ्रुवौ धनुष्कोटिं गुणं कृत्वा कटाक्षकम् । मार्गणौ नयने कृत्वा पक्ष्मयुक्ते यथाक्रमम्
kṛtvā bhruvau dhanuṣkoṭiṃ guṇaṃ kṛtvā kaṭākṣakam | mārgaṇau nayane kṛtvā pakṣmayukte yathākramam
Sanskrit only: no published translation is held for this verse.
कुचौ कृत्वा पटकुटीं विजयायोपचक्रमे । मंजुघोषाभवत्तस्य कामस्यैव वरूथिनी
kucau kṛtvā paṭakuṭīṃ vijayāyopacakrame | maṃjughoṣābhavattasya kāmasyaiva varūthinī
Sanskrit only: no published translation is held for this verse.
मेधाविनं मुनिं दृष्ट्वा सापि कामेन पीडिता । यौवनोद्भिन्नदेहोऽसौ मेधाव्यपि विराजते
medhāvinaṃ muniṃ dṛṣṭvā sāpi kāmena pīḍitā | yauvanodbhinnadeho'sau medhāvyapi virājate
Sanskrit only: no published translation is held for this verse.
सितोपवीतसहितो दृष्टः स्मर इवापरः । मेधावी वसते चासौ च्यवनस्याश्रमे शुभे
sitopavītasahito dṛṣṭaḥ smara ivāparaḥ | medhāvī vasate cāsau cyavanasyāśrame śubhe
Sanskrit only: no published translation is held for this verse.
मंजुघोषा स्थितं तत्र दृष्ट्वा सा मुनिपुंगवम् । मदनस्य वशं प्राप्ता मंदं मंदमगायत
maṃjughoṣā sthitaṃ tatra dṛṣṭvā sā munipuṃgavam | madanasya vaśaṃ prāptā maṃdaṃ maṃdamagāyata
Sanskrit only: no published translation is held for this verse.
रणद्वलयसंयुक्तां शिंजन्नूपुरमेखलाम् । गायंतीं तां तथाभूतां विलोक्य मुनिपुंगवः
raṇadvalayasaṃyuktāṃ śiṃjannūpuramekhalām | gāyaṃtīṃ tāṃ tathābhūtāṃ vilokya munipuṃgavaḥ
Sanskrit only: no published translation is held for this verse.
मदनेन ससैन्येन नीतो मोहवशं बलात् । मंजुघोषा समागम्य मुनिं दृष्ट्वा तथाविधम्
madanena sasainyena nīto mohavaśaṃ balāt | maṃjughoṣā samāgamya muniṃ dṛṣṭvā tathāvidham
Sanskrit only: no published translation is held for this verse.
हावभावकटाक्षैस्तं मोहयामास चांगना । अधः संस्थाप्य वीणां सा सस्वजे तं मुनीश्वरम्
hāvabhāvakaṭākṣaistaṃ mohayāmāsa cāṃganā | adhaḥ saṃsthāpya vīṇāṃ sā sasvaje taṃ munīśvaram
Sanskrit only: no published translation is held for this verse.
वलितेव लता वृक्षं वातवेगेन कंपितम् । सोऽपि रेमे तया सार्द्धं मेधावी मुनिपुंगवः
valiteva latā vṛkṣaṃ vātavegena kaṃpitam | so'pi reme tayā sārddhaṃ medhāvī munipuṃgavaḥ
Sanskrit only: no published translation is held for this verse.
तस्मिन्नेव ततो दृष्ट्वा तस्यास्तं देहमुत्तमम् । शिवतत्वं गतं तस्य कामतत्त्ववशं गतः
tasminneva tato dṛṣṭvā tasyāstaṃ dehamuttamam | śivatatvaṃ gataṃ tasya kāmatattvavaśaṃ gataḥ
Sanskrit only: no published translation is held for this verse.
न निशां न दिनं सोऽपि रमन्जानाति कामुकः । बहुवर्षं गतः कालो मुनेराचारलोपतः
na niśāṃ na dinaṃ so'pi ramanjānāti kāmukaḥ | bahuvarṣaṃ gataḥ kālo munerācāralopataḥ
Sanskrit only: no published translation is held for this verse.
मंजुघोषा देवलोकगमनायोपचक्रमे । गच्छंती तं प्रत्युवाच रमंतं मुनिसत्तमम् । आदेशो दीयतां ब्रह्मन्स्वदेशगमनाय मे
maṃjughoṣā devalokagamanāyopacakrame | gacchaṃtī taṃ pratyuvāca ramaṃtaṃ munisattamam | ādeśo dīyatāṃ brahmansvadeśagamanāya me
Sanskrit only: no published translation is held for this verse.
मेधाव्युवाच- अद्यैव त्वं समायाता प्रदोषादौ वरानने । यावत्प्रभातसंध्या स्यात्तावत्तिष्ठ ममांतिके । इति श्रुत्वा मुनेर्वाक्यं भयभीता बभूव सा
medhāvyuvāca- adyaiva tvaṃ samāyātā pradoṣādau varānane | yāvatprabhātasaṃdhyā syāttāvattiṣṭha mamāṃtike | iti śrutvā munervākyaṃ bhayabhītā babhūva sā
Sanskrit only: no published translation is held for this verse.
पुनर्वै रमयामास तमृषिं नृपसत्तम । मुनेः शापभयाद्भीता बहुलान्परिवत्सरान्
punarvai ramayāmāsa tamṛṣiṃ nṛpasattama | muneḥ śāpabhayādbhītā bahulānparivatsarān
Sanskrit only: no published translation is held for this verse.
वर्षाणां पंचपंचाशन्नवमासदिनत्रयम् । सा रेमे मुनिना तस्य निशार्द्धमिव चाभवत्
varṣāṇāṃ paṃcapaṃcāśannavamāsadinatrayam | sā reme muninā tasya niśārddhamiva cābhavat
Sanskrit only: no published translation is held for this verse.
सा तं पुनरुवाचाथ तस्मिन्काले गते मुनिम् । आदेशो दीयतां ब्रह्मन्गंतव्यं स्वगृहे मया
sā taṃ punaruvācātha tasminkāle gate munim | ādeśo dīyatāṃ brahmangaṃtavyaṃ svagṛhe mayā
Sanskrit only: no published translation is held for this verse.
मेधाव्युवाच- प्रभातमधुना चास्ते श्रूयतां वचनं मम । संध्या यावच्च कुर्वेऽहं तावत्त्वं वै स्थिरा भव
medhāvyuvāca- prabhātamadhunā cāste śrūyatāṃ vacanaṃ mama | saṃdhyā yāvacca kurve'haṃ tāvattvaṃ vai sthirā bhava
Sanskrit only: no published translation is held for this verse.
इति वाक्यं मुनेः श्रुत्वा जातानंदसमाकुला । स्मितं कृत्वा तु सा किंचित्प्रत्युवाच शुचिस्मिता
iti vākyaṃ muneḥ śrutvā jātānaṃdasamākulā | smitaṃ kṛtvā tu sā kiṃcitpratyuvāca śucismitā
Sanskrit only: no published translation is held for this verse.
अप्सरा उवाच-। कियत्प्रमाणा विप्रेंद्र तव संध्या गतानघ । मयि प्रसादं कृत्वा तु गतकालो विचार्यताम्
apsarā uvāca-| kiyatpramāṇā vipreṃdra tava saṃdhyā gatānagha | mayi prasādaṃ kṛtvā tu gatakālo vicāryatām
Sanskrit only: no published translation is held for this verse.
इति तस्या वचः श्रुत्वा विस्मयोत्फुल्ललोचनः । गतकालस्य विप्रेंद्र प्रमाणमकरोत्तदा
iti tasyā vacaḥ śrutvā vismayotphullalocanaḥ | gatakālasya vipreṃdra pramāṇamakarottadā
Sanskrit only: no published translation is held for this verse.
समाश्च सप्तपंचाशद्गतास्तस्य तया सह । चुक्रोध सततस्तस्यै ज्वालामाली बभूव ह
samāśca saptapaṃcāśadgatāstasya tayā saha | cukrodha satatastasyai jvālāmālī babhūva ha
Sanskrit only: no published translation is held for this verse.
नेत्राभ्यां विस्फुलिंगान्स मुंचमानोऽतिकोपनः । कालरूपां तु तां दृष्ट्वा तपसः क्षयकारिणीम्
netrābhyāṃ visphuliṃgānsa muṃcamāno'tikopanaḥ | kālarūpāṃ tu tāṃ dṛṣṭvā tapasaḥ kṣayakāriṇīm
Sanskrit only: no published translation is held for this verse.
दुःखार्जितं क्षयं नीतं तपोदृष्ट्वातयासह । सकंपोष्ठो मुनिस्तत्रप्रत्युवाचाकुलेंद्रियः
duḥkhārjitaṃ kṣayaṃ nītaṃ tapodṛṣṭvātayāsaha | sakaṃpoṣṭho munistatrapratyuvācākuleṃdriyaḥ
Sanskrit only: no published translation is held for this verse.
तां शशापाथमेधावी त्वं पिशाची भवेति च । धिक्त्वां पापे दुराचारे कुलटे पातकप्रिये
tāṃ śaśāpāthamedhāvī tvaṃ piśācī bhaveti ca | dhiktvāṃ pāpe durācāre kulaṭe pātakapriye
Sanskrit only: no published translation is held for this verse.
तस्य शापेन सा दग्धा विनयावनता स्थिता । उवाच वचनं सुभ्रूः प्रसादं वांछती मुनिम् । प्रसादं कुरु विप्रेंद्र शापस्यानुग्रहं कुरु
tasya śāpena sā dagdhā vinayāvanatā sthitā | uvāca vacanaṃ subhrūḥ prasādaṃ vāṃchatī munim | prasādaṃ kuru vipreṃdra śāpasyānugrahaṃ kuru
Sanskrit only: no published translation is held for this verse.
सतां संगो हि भवति वचोभिः सप्तभिः पदैः । त्वया सह मम ब्रह्मन्नीता वै बहुवत्सराः । एतस्मात्कारणात्स्वामिन्प्रसादं कुरु सुव्रत
satāṃ saṃgo hi bhavati vacobhiḥ saptabhiḥ padaiḥ | tvayā saha mama brahmannītā vai bahuvatsarāḥ | etasmātkāraṇātsvāminprasādaṃ kuru suvrata
Sanskrit only: no published translation is held for this verse.
मुनिरुवाच- शृणु मे वचनं भद्रे शापानुग्रहकारकम् । किं करोमि त्वया पापे क्षयं नीतं महत्तपः
muniruvāca- śṛṇu me vacanaṃ bhadre śāpānugrahakārakam | kiṃ karomi tvayā pāpe kṣayaṃ nītaṃ mahattapaḥ
Sanskrit only: no published translation is held for this verse.
चैत्रस्य कृष्णपक्षे तु भवेदेकादशी शुभा । पापमोचनिका नाम सर्वपापक्षयंकरी
caitrasya kṛṣṇapakṣe tu bhavedekādaśī śubhā | pāpamocanikā nāma sarvapāpakṣayaṃkarī
Sanskrit only: no published translation is held for this verse.
तस्या व्रते कृते शुभ्रे पिशाचत्वं प्रयास्यति । इत्युक्त्वा सोऽपि मेधावी जगाम पितुराश्रमम्
tasyā vrate kṛte śubhre piśācatvaṃ prayāsyati | ityuktvā so'pi medhāvī jagāma piturāśramam
Sanskrit only: no published translation is held for this verse.
तमागतं समालोक्य च्यवनः प्रत्युवाचतम् । किमेतद्विहितं पुत्र त्वया पुण्यं क्षयं कृतम्
tamāgataṃ samālokya cyavanaḥ pratyuvācatam | kimetadvihitaṃ putra tvayā puṇyaṃ kṣayaṃ kṛtam
Sanskrit only: no published translation is held for this verse.
मेधाव्युवाच- पातकं वै कृतं तात रमिता चाप्सरा मया । प्रायश्चित्तं ब्रूहि तात येन पापक्षयो भवेत्
medhāvyuvāca- pātakaṃ vai kṛtaṃ tāta ramitā cāpsarā mayā | prāyaścittaṃ brūhi tāta yena pāpakṣayo bhavet
Sanskrit only: no published translation is held for this verse.
च्यवन उवाच- चैत्रस्य चासिते पक्षे नाम्ना वै पापमोचनी । अस्या व्रते कृते पुत्र पापराशिः क्षयं व्रजेत्
cyavana uvāca- caitrasya cāsite pakṣe nāmnā vai pāpamocanī | asyā vrate kṛte putra pāparāśiḥ kṣayaṃ vrajet
Sanskrit only: no published translation is held for this verse.
इति श्रुत्वा पितुर्वाक्यं कृतं तेन व्रतोत्तमम् । गतं पापं क्षयं तस्य तपोयुक्तो बभूव सः
iti śrutvā piturvākyaṃ kṛtaṃ tena vratottamam | gataṃ pāpaṃ kṣayaṃ tasya tapoyukto babhūva saḥ
Sanskrit only: no published translation is held for this verse.
साप्येवं मंजुघोषा च कृत्वैतद्व्रतमुत्तमम् । पिशाचत्वाद्विनिर्मुक्ता पापमोचनिकाव्रतात् । दिव्यरूपधरा सा वै गता नाके वराप्सराः
sāpyevaṃ maṃjughoṣā ca kṛtvaitadvratamuttamam | piśācatvādvinirmuktā pāpamocanikāvratāt | divyarūpadharā sā vai gatā nāke varāpsarāḥ
Sanskrit only: no published translation is held for this verse.
लोमश उवाच- पापमोचनिकां राजन्ये कुर्वंति नरोत्तमाः । तेषां पापं च यत्किंचित्तत्सर्वं च क्षयं व्रजेत्
lomaśa uvāca- pāpamocanikāṃ rājanye kurvaṃti narottamāḥ | teṣāṃ pāpaṃ ca yatkiṃcittatsarvaṃ ca kṣayaṃ vrajet
Sanskrit only: no published translation is held for this verse.
पठनाच्छ्रवणाद्राजन्गोसहस्रफलं लभेत् । ब्रह्महा हेमहारी च सुरापो गुरुतल्पगः
paṭhanācchravaṇādrājangosahasraphalaṃ labhet | brahmahā hemahārī ca surāpo gurutalpagaḥ
Sanskrit only: no published translation is held for this verse.
व्रतस्य चास्य करणात्पापमुक्ता भवंति ते । बहुपुण्यप्रदं ह्येतत्करणाद्व्रतमुत्तमम्
vratasya cāsya karaṇātpāpamuktā bhavaṃti te | bahupuṇyapradaṃ hyetatkaraṇādvratamuttamam
Sanskrit only: no published translation is held for this verse.