Library·Padma Purāṇa·6·6.47
युधिष्ठिर उवाच- वासुदेव नमस्तुभ्यं कथयस्व ममाग्रतः । चैत्रस्य शुक्लपक्षे तु किं नामैकादशी भवेत्
yudhiṣṭhira uvāca- vāsudeva namastubhyaṃ kathayasva mamāgrataḥ | caitrasya śuklapakṣe tu kiṃ nāmaikādaśī bhavet
Sanskrit only: no published translation is held for this verse.
श्रीकृष्ण उवाच- शृणुष्वैकमना राजन्कथां पुण्यां पुरातनीम् । वसिष्ठो यामकथयत्प्राग्दिलीपाय पृच्छते
śrīkṛṣṇa uvāca- śṛṇuṣvaikamanā rājankathāṃ puṇyāṃ purātanīm | vasiṣṭho yāmakathayatprāgdilīpāya pṛcchate
Sanskrit only: no published translation is held for this verse.
दिलीप उवाच- भगवञ्छ्रोतुमिच्छामि कथयस्व प्रसादतः । चैत्रमासि सिते पक्षे किंनामैकादशी भवेत्
dilīpa uvāca- bhagavañchrotumicchāmi kathayasva prasādataḥ | caitramāsi site pakṣe kiṃnāmaikādaśī bhavet
Sanskrit only: no published translation is held for this verse.
वसिष्ठ उवाच- साधु पृष्टं त्वया राजन्कथयामि तवाग्रतः । चैत्रस्य शुक्लपक्षे तु कामदा नाम नामतः
vasiṣṭha uvāca- sādhu pṛṣṭaṃ tvayā rājankathayāmi tavāgrataḥ | caitrasya śuklapakṣe tu kāmadā nāma nāmataḥ
Sanskrit only: no published translation is held for this verse.
एकादशी पुण्यतमा पापेंधनदवानलः । शृणु राजन्कथामेतां पापघ्नीं पुण्यदायिनीम्
ekādaśī puṇyatamā pāpeṃdhanadavānalaḥ | śṛṇu rājankathāmetāṃ pāpaghnīṃ puṇyadāyinīm
Sanskrit only: no published translation is held for this verse.
पुरा नागपुरे रम्ये हेमरत्नविभूषिते । पुंडरीकमुखा नागा निवसंति महोत्कटाः
purā nāgapure ramye hemaratnavibhūṣite | puṃḍarīkamukhā nāgā nivasaṃti mahotkaṭāḥ
Sanskrit only: no published translation is held for this verse.
तस्मिन्पुरे पुंडरीको राजा राज्यं चकार सः । गन्धर्वैः किन्नरैश्चैव अप्सरोभिश्च सेव्यते
tasminpure puṃḍarīko rājā rājyaṃ cakāra saḥ | gandharvaiḥ kinnaraiścaiva apsarobhiśca sevyate
Sanskrit only: no published translation is held for this verse.
वराप्सरास्तु ललिता गंधर्वो ललितस्तथा । उभौ रागेण संरक्तौ दंपती कामपीडितौ
varāpsarāstu lalitā gaṃdharvo lalitastathā | ubhau rāgeṇa saṃraktau daṃpatī kāmapīḍitau
Sanskrit only: no published translation is held for this verse.
रेमाते स्वगृहे रम्ये धनधान्ययुते तदा । ललितायाश्च हृदये पतिर्वसति सर्वदा
remāte svagṛhe ramye dhanadhānyayute tadā | lalitāyāśca hṛdaye patirvasati sarvadā
Sanskrit only: no published translation is held for this verse.
हृदये तस्य ललिता नित्यं वसति भामिनी । एकदा पुंडरीकोऽथ क्रीडते सदसि स्थितः
hṛdaye tasya lalitā nityaṃ vasati bhāminī | ekadā puṃḍarīko'tha krīḍate sadasi sthitaḥ
Sanskrit only: no published translation is held for this verse.
गीतं गानं प्रकुरुते ललितो दयितां विना । पदबंधस्खलज्जिह्वो बभूव ललितां स्मरन्
gītaṃ gānaṃ prakurute lalito dayitāṃ vinā | padabaṃdhaskhalajjihvo babhūva lalitāṃ smaran
Sanskrit only: no published translation is held for this verse.
मनोभावं विदित्वास्य कर्कटो नागसत्तमः । पदबंधच्युतिं तस्य पुंडरीके न्यवेदयत्
manobhāvaṃ viditvāsya karkaṭo nāgasattamaḥ | padabaṃdhacyutiṃ tasya puṃḍarīke nyavedayat
Sanskrit only: no published translation is held for this verse.
श्रुत्वा कर्कोटकवचः पुंडरीको भुजंगराट् । क्रोधसंरक्तनयनो बभूवातिभयंकरः
śrutvā karkoṭakavacaḥ puṃḍarīko bhujaṃgarāṭ | krodhasaṃraktanayano babhūvātibhayaṃkaraḥ
Sanskrit only: no published translation is held for this verse.
शशाप ललितं तत्र गायंतं मदनातुरम् । राक्षसो भव दुर्बुद्धे क्रव्यादः पुरुषादकः
śaśāpa lalitaṃ tatra gāyaṃtaṃ madanāturam | rākṣaso bhava durbuddhe kravyādaḥ puruṣādakaḥ
Sanskrit only: no published translation is held for this verse.
यतः पत्नीवशोपेतो गायमानो ममाग्रतः । वचनात्तस्य राजेंद्र रक्षोरूपो बभूव सः
yataḥ patnīvaśopeto gāyamāno mamāgrataḥ | vacanāttasya rājeṃdra rakṣorūpo babhūva saḥ
Sanskrit only: no published translation is held for this verse.
रौद्राननो विरूपाक्षो दृष्टमात्रो भयंकरः । बाहूयोजनविस्तीर्णौ मुखं कंदरसन्निभम्
raudrānano virūpākṣo dṛṣṭamātro bhayaṃkaraḥ | bāhūyojanavistīrṇau mukhaṃ kaṃdarasannibham
Sanskrit only: no published translation is held for this verse.
चंद्रसूर्यनिभे नेत्रे ग्रीवापर्वतसंनिभा । नासारंध्रे तु विवरे अधरौ योजनायतौ
caṃdrasūryanibhe netre grīvāparvatasaṃnibhā | nāsāraṃdhre tu vivare adharau yojanāyatau
Sanskrit only: no published translation is held for this verse.
शरीरं तस्य राजेंद्र उत्थितं योजनाष्टकम् । ईदृशो राक्षसो भूत्वा भुंजानः कर्मणः फलम्
śarīraṃ tasya rājeṃdra utthitaṃ yojanāṣṭakam | īdṛśo rākṣaso bhūtvā bhuṃjānaḥ karmaṇaḥ phalam
Sanskrit only: no published translation is held for this verse.
ललिता तु तथालोक्य स्वपतिं विकृताकृतिम् । चिंतयामास मनसा दुःखेन महतार्दिता
lalitā tu tathālokya svapatiṃ vikṛtākṛtim | ciṃtayāmāsa manasā duḥkhena mahatārditā
Sanskrit only: no published translation is held for this verse.
किं करोमि क्व गच्छामि पतिः शापेन पीडितः । इति संस्मृत्य संस्मृत्य मनसा शर्म नालभत्
kiṃ karomi kva gacchāmi patiḥ śāpena pīḍitaḥ | iti saṃsmṛtya saṃsmṛtya manasā śarma nālabhat
Sanskrit only: no published translation is held for this verse.
चचार पतिना सार्द्धं ललिता गहने वने । बभ्राम विपिने दुर्गे कामरूपी स राक्षसः
cacāra patinā sārddhaṃ lalitā gahane vane | babhrāma vipine durge kāmarūpī sa rākṣasaḥ
Sanskrit only: no published translation is held for this verse.
निर्घृणः पापनिरतो विरूपः पुरुषादकः । न सुखं लभते रात्रौ न दिवा पापपीडितः
nirghṛṇaḥ pāpanirato virūpaḥ puruṣādakaḥ | na sukhaṃ labhate rātrau na divā pāpapīḍitaḥ
Sanskrit only: no published translation is held for this verse.
ललिता दुःखितातीव पतिं दृष्ट्वा तथाविधम् । बभ्राम तेन सार्द्धं सा रुदती गहने वने
lalitā duḥkhitātīva patiṃ dṛṣṭvā tathāvidham | babhrāma tena sārddhaṃ sā rudatī gahane vane
Sanskrit only: no published translation is held for this verse.
दृष्ट्वाश्रमपदं रम्यं मुनिं संशांतविग्रहम् । शीघ्रं जगाम ललिता नमस्कृत्याग्रतः स्थिता
dṛṣṭvāśramapadaṃ ramyaṃ muniṃ saṃśāṃtavigraham | śīghraṃ jagāma lalitā namaskṛtyāgrataḥ sthitā
Sanskrit only: no published translation is held for this verse.
तां दृष्ट्वा स मुनिः प्राह दुःखितां हि दयापरः । का त्वं कस्मादिहायाता सत्यं वद ममाग्रतः
tāṃ dṛṣṭvā sa muniḥ prāha duḥkhitāṃ hi dayāparaḥ | kā tvaṃ kasmādihāyātā satyaṃ vada mamāgrataḥ
Sanskrit only: no published translation is held for this verse.
ललितोवाच- वीरधन्वेति गंधर्वः सुता तस्य महात्मनः । ललितां नाम मां विद्धि पत्यर्थमिह चागताम्
lalitovāca- vīradhanveti gaṃdharvaḥ sutā tasya mahātmanaḥ | lalitāṃ nāma māṃ viddhi patyarthamiha cāgatām
Sanskrit only: no published translation is held for this verse.
भर्ता मे पापदोषेण राक्षसोऽभून्महामुने । रौद्ररूपो दुराचारस्तं दृष्ट्वा नास्ति मे सुखम्
bhartā me pāpadoṣeṇa rākṣaso'bhūnmahāmune | raudrarūpo durācārastaṃ dṛṣṭvā nāsti me sukham
Sanskrit only: no published translation is held for this verse.
सांप्रतं शाधि मां ब्रह्मन्यत्कृत्यं तद्वद प्रभो । कुरुष्व तद् व्रतं भद्रे विधिपूर्वं मयोदितम्
sāṃprataṃ śādhi māṃ brahmanyatkṛtyaṃ tadvada prabho | kuruṣva tad vrataṃ bhadre vidhipūrvaṃ mayoditam
Sanskrit only: no published translation is held for this verse.
ऋषिरुवाच- चैत्रमासस्य रंभोरु शुक्लपक्षोऽस्ति सांप्रतम् । कामदैकादशीनाम पापघ्नी ललिते परा
ṛṣiruvāca- caitramāsasya raṃbhoru śuklapakṣo'sti sāṃpratam | kāmadaikādaśīnāma pāpaghnī lalite parā
Sanskrit only: no published translation is held for this verse.
कुरुष्व तद्व्रतं भद्रे विधिपूर्वं मयोदितम् । अस्य व्रतस्य यत्पुण्यं तत्स्वभर्त्रे प्रदीयताम्
kuruṣva tadvrataṃ bhadre vidhipūrvaṃ mayoditam | asya vratasya yatpuṇyaṃ tatsvabhartre pradīyatām
Sanskrit only: no published translation is held for this verse.
दत्ते पुण्येक्षणात्तस्य शापदोषः प्रयास्यति । इति श्रुत्वा मुनेर्वाक्यं ललिता हर्षिताभवत्
datte puṇyekṣaṇāttasya śāpadoṣaḥ prayāsyati | iti śrutvā munervākyaṃ lalitā harṣitābhavat
Sanskrit only: no published translation is held for this verse.
उपोष्यैकादशीं राजन्द्वादशीदिवसे तथा । विप्रस्यैव समीपे तद्वासुदेवस्य चाग्रतः
upoṣyaikādaśīṃ rājandvādaśīdivase tathā | viprasyaiva samīpe tadvāsudevasya cāgrataḥ
Sanskrit only: no published translation is held for this verse.
वाक्यमुवाच ललिता स्वपत्युस्तारणाय वै । मया तु तद्व्रतं चीर्णं कामदाया उपोषणम्
vākyamuvāca lalitā svapatyustāraṇāya vai | mayā tu tadvrataṃ cīrṇaṃ kāmadāyā upoṣaṇam
Sanskrit only: no published translation is held for this verse.
तस्य पुण्यप्रभावेन गच्छत्वस्य पिशाचता । ललितावचनादेव वर्त्तमानोऽपि तत्क्षणे
tasya puṇyaprabhāvena gacchatvasya piśācatā | lalitāvacanādeva varttamāno'pi tatkṣaṇe
Sanskrit only: no published translation is held for this verse.
गतपापः स ललितो दिव्यदेहो बभूव ह । राक्षसत्वं गतं तस्य प्राप्ता गंधर्वता पुनः
gatapāpaḥ sa lalito divyadeho babhūva ha | rākṣasatvaṃ gataṃ tasya prāptā gaṃdharvatā punaḥ
Sanskrit only: no published translation is held for this verse.
हेमरत्नसमाकीर्णो रेमे ललितया सह । विमानवरमारूढौ पूर्वरूपाधिकौ च तौ
hemaratnasamākīrṇo reme lalitayā saha | vimānavaramārūḍhau pūrvarūpādhikau ca tau
Sanskrit only: no published translation is held for this verse.
दंपती अत्यशोभेतां कामदायाः प्रभावतः । इति ज्ञात्वा नृपश्रेष्ठ कर्तव्यैषा प्रयत्नतः
daṃpatī atyaśobhetāṃ kāmadāyāḥ prabhāvataḥ | iti jñātvā nṛpaśreṣṭha kartavyaiṣā prayatnataḥ
Sanskrit only: no published translation is held for this verse.
लोकानां तु हितार्थाय तवाग्रे कथिता मया । ब्रह्महत्यादि पापघ्नी पिशाचत्वविनाशनी
lokānāṃ tu hitārthāya tavāgre kathitā mayā | brahmahatyādi pāpaghnī piśācatvavināśanī
Sanskrit only: no published translation is held for this verse.
नातः परतरा काचित्त्रैलोक्ये सचराचरे । पठनाच्छ्रवणाद्राजन्वाजपेयफलं लभेत्
nātaḥ paratarā kācittrailokye sacarācare | paṭhanācchravaṇādrājanvājapeyaphalaṃ labhet
Sanskrit only: no published translation is held for this verse.