Padma Purāṇa 6.48

युधिष्ठिर उवाच- वैशाखस्यासिते पक्षे किंनामैकादशी भवेत् । महिमानं कथय मे वासुदेव नमोऽस्तु ते

yudhiṣṭhira uvāca- vaiśākhasyāsite pakṣe kiṃnāmaikādaśī bhavet | mahimānaṃ kathaya me vāsudeva namo'stu te

Sanskrit only: no published translation is held for this verse.

श्रीकृष्ण उवाच- सौभाग्यदायिनी राजन्निहलोके परत्र च । वैशाखकृष्णपक्षे तु नाम्ना चैव वरूथिनी

śrīkṛṣṇa uvāca- saubhāgyadāyinī rājannihaloke paratra ca | vaiśākhakṛṣṇapakṣe tu nāmnā caiva varūthinī

Sanskrit only: no published translation is held for this verse.

वरूथिन्या व्रतेनैव सौख्यं भवति सर्वदा । पापहानिश्च भवति सौभाग्यप्राप्तिरेव च

varūthinyā vratenaiva saukhyaṃ bhavati sarvadā | pāpahāniśca bhavati saubhāgyaprāptireva ca

Sanskrit only: no published translation is held for this verse.

दुर्भगा या करोत्येनां सा स्त्री सौभाग्यमाप्नुयात् । लोकानां चैव सर्वेषां भुक्तिमुक्तिप्रदायिनी

durbhagā yā karotyenāṃ sā strī saubhāgyamāpnuyāt | lokānāṃ caiva sarveṣāṃ bhuktimuktipradāyinī

Sanskrit only: no published translation is held for this verse.

सर्वपापहरा नॄणां गर्भवासनिकृंतनी । वरूथिन्या व्रतेनैव मांधाता स्वर्गतिं गतः

sarvapāpaharā nṝṇāṃ garbhavāsanikṛṃtanī | varūthinyā vratenaiva māṃdhātā svargatiṃ gataḥ

Sanskrit only: no published translation is held for this verse.

धुंधुमारादयश्चान्ये राजानो बहवस्तथा । ब्रह्मकपालनिर्मुक्तो बभूव भगवान्भवः

dhuṃdhumārādayaścānye rājāno bahavastathā | brahmakapālanirmukto babhūva bhagavānbhavaḥ

Sanskrit only: no published translation is held for this verse.

दशवर्षसहस्राणि तपस्तप्यति यो नरः । कुरुक्षेत्रे रविग्रहे स्वर्णभारं ददाति यः । तत्तुल्यंफलमाप्नोतिवरूथिन्याव्रतंचरन्

daśavarṣasahasrāṇi tapastapyati yo naraḥ | kurukṣetre ravigrahe svarṇabhāraṃ dadāti yaḥ | tattulyaṃphalamāpnotivarūthinyāvrataṃcaran

Sanskrit only: no published translation is held for this verse.

श्रद्धावान्यस्तु कुरुते वरूथिन्या व्रतं नरः । वांछितं लभते सोऽपि इहलोके परत्र च

śraddhāvānyastu kurute varūthinyā vrataṃ naraḥ | vāṃchitaṃ labhate so'pi ihaloke paratra ca

Sanskrit only: no published translation is held for this verse.

पवित्रा पावनी ह्येषा महापातकनाशिनी । भुक्तिमुक्तिप्रदा चैव कर्तॄणां नृपसत्तम

pavitrā pāvanī hyeṣā mahāpātakanāśinī | bhuktimuktipradā caiva kartṝṇāṃ nṛpasattama

Sanskrit only: no published translation is held for this verse.

अश्वदानान्नृपश्रेष्ठ गजदानं विशिष्यते । गजदानाद्भूमिदानं तिलदानं ततोऽधिकम्

aśvadānānnṛpaśreṣṭha gajadānaṃ viśiṣyate | gajadānādbhūmidānaṃ tiladānaṃ tato'dhikam

Sanskrit only: no published translation is held for this verse.

तस्माच्च स्वर्णदानं वै अन्नदानं ततोऽधिकम् । अन्नदानात्परं दानं न भूतं न भविष्यति

tasmācca svarṇadānaṃ vai annadānaṃ tato'dhikam | annadānātparaṃ dānaṃ na bhūtaṃ na bhaviṣyati

Sanskrit only: no published translation is held for this verse.

पितृदेवमनुष्याणां तृप्तिरन्नेन जायते । तत्समं कविभिः प्रोक्तं कन्यादानं नृपोत्तम

pitṛdevamanuṣyāṇāṃ tṛptirannena jāyate | tatsamaṃ kavibhiḥ proktaṃ kanyādānaṃ nṛpottama

Sanskrit only: no published translation is held for this verse.

धेनुदानं च तत्तुल्यमित्याह भगवान्स्वयम् । प्रोक्तेभ्यः सर्वदानेभ्यो विद्यादानं विशिष्यते

dhenudānaṃ ca tattulyamityāha bhagavānsvayam | proktebhyaḥ sarvadānebhyo vidyādānaṃ viśiṣyate

Sanskrit only: no published translation is held for this verse.

तत्फलं समवाप्नोति नरः कृत्वा वरूथिनीम् । कन्यावित्तेन जीवंति ये नराः पापमोहिताः

tatphalaṃ samavāpnoti naraḥ kṛtvā varūthinīm | kanyāvittena jīvaṃti ye narāḥ pāpamohitāḥ

Sanskrit only: no published translation is held for this verse.

पुण्यक्षयं ते गच्छंति निरयं यातनामयम् । तस्मात्सर्वप्रयत्नेन न ग्राह्यं कन्यकाधनम्

puṇyakṣayaṃ te gacchaṃti nirayaṃ yātanāmayam | tasmātsarvaprayatnena na grāhyaṃ kanyakādhanam

Sanskrit only: no published translation is held for this verse.

यश्च गृह्णाति लोभेन कन्यां क्रीत्वा च तद्धनम् । सोऽन्यजन्मनि राजेंद्र ओतुर्भवति निश्चितम्

yaśca gṛhṇāti lobhena kanyāṃ krītvā ca taddhanam | so'nyajanmani rājeṃdra oturbhavati niścitam

Sanskrit only: no published translation is held for this verse.

कन्यां पुण्येन यो दद्याद्यथाशक्ति स्वलंकृताम् । तत्पुण्यसंख्यां नृपते चित्रगुप्तो न शक्नुयात्

kanyāṃ puṇyena yo dadyādyathāśakti svalaṃkṛtām | tatpuṇyasaṃkhyāṃ nṛpate citragupto na śaknuyāt

Sanskrit only: no published translation is held for this verse.

तत्तुल्यं फलमाप्नोति नरः कृत्वा वरूथिनीम् । कांस्यं मांसं मसूरांश्च चणकान्कोद्रवांस्तथा

tattulyaṃ phalamāpnoti naraḥ kṛtvā varūthinīm | kāṃsyaṃ māṃsaṃ masūrāṃśca caṇakānkodravāṃstathā

Sanskrit only: no published translation is held for this verse.

शाकं मधु परान्नं च पुनर्भोजन मैथुने । वैष्णवो व्रतकर्ता च दशम्यां दश वर्जयेत्

śākaṃ madhu parānnaṃ ca punarbhojana maithune | vaiṣṇavo vratakartā ca daśamyāṃ daśa varjayet

Sanskrit only: no published translation is held for this verse.

द्यूतं क्रीडां च निद्रां च तांबूलं दंतधावनम् । परापवादं पैशुन्यं स्तेयं हिंसां तथा रतिम्

dyūtaṃ krīḍāṃ ca nidrāṃ ca tāṃbūlaṃ daṃtadhāvanam | parāpavādaṃ paiśunyaṃ steyaṃ hiṃsāṃ tathā ratim

Sanskrit only: no published translation is held for this verse.

क्रोधं चैवानृतं वाक्यमेकादश्यां विवर्जयेत् । कांस्यं मांसं सुरां क्षौद्रं तैलं पतितभाषणम्

krodhaṃ caivānṛtaṃ vākyamekādaśyāṃ vivarjayet | kāṃsyaṃ māṃsaṃ surāṃ kṣaudraṃ tailaṃ patitabhāṣaṇam

Sanskrit only: no published translation is held for this verse.

व्यायामं च प्रवासं च पुनर्भोजनमैथुनम् । वृषपृष्ठं मसूरान्नं द्वादश्यां परिवर्जयेत्

vyāyāmaṃ ca pravāsaṃ ca punarbhojanamaithunam | vṛṣapṛṣṭhaṃ masūrānnaṃ dvādaśyāṃ parivarjayet

Sanskrit only: no published translation is held for this verse.

अनेन विधिना राजन्विहिता यैर्वरूथिनी । सर्वपापक्षयं कृत्वा दद्यात्प्रांतेऽक्षयां गतिम् । रात्रौ जागरणं कृत्वा पूजितो मधुसूदनः

anena vidhinā rājanvihitā yairvarūthinī | sarvapāpakṣayaṃ kṛtvā dadyātprāṃte'kṣayāṃ gatim | rātrau jāgaraṇaṃ kṛtvā pūjito madhusūdanaḥ

Sanskrit only: no published translation is held for this verse.

सर्वपापविनिर्मुक्तास्ते यांति परमां गतिम् । तस्मात्सर्वप्रयत्नेन कर्तव्या पापभीरुभिः

sarvapāpavinirmuktāste yāṃti paramāṃ gatim | tasmātsarvaprayatnena kartavyā pāpabhīrubhiḥ

Sanskrit only: no published translation is held for this verse.

क्षपारितनयाद्भीतो नरः कुर्याद्वरूथिनीम् । पठनाच्छ्रवणाद्राजन्गोसहस्रफलं लभेत् । सर्वपापविनिर्मुक्तो विष्णुलोके महीयते

kṣapāritanayādbhīto naraḥ kuryādvarūthinīm | paṭhanācchravaṇādrājangosahasraphalaṃ labhet | sarvapāpavinirmukto viṣṇuloke mahīyate

Sanskrit only: no published translation is held for this verse.

इति श्रीपाद्मे महापुराणे पंचपंचाशत्साहस्र्यां संहितायामुमापतिनारदसंवादे वैशाखकृष्णवरूथिनी एकादशी नाम अष्टचत्वारिंशोऽध्यायः

iti śrīpādme mahāpurāṇe paṃcapaṃcāśatsāhasryāṃ saṃhitāyāmumāpatināradasaṃvāde vaiśākhakṛṣṇavarūthinī ekādaśī nāma aṣṭacatvāriṃśo'dhyāyaḥ

Sanskrit only: no published translation is held for this verse.