Library·Padma Purāṇa·6·6.49
युधिष्ठिर उवाच- वैशाख शुक्लपक्षे तु किन्नामैकादशी भवेत् । किं फलं को विधिस्तत्र कथयस्व जनार्दन
yudhiṣṭhira uvāca- vaiśākha śuklapakṣe tu kinnāmaikādaśī bhavet | kiṃ phalaṃ ko vidhistatra kathayasva janārdana
Sanskrit only: no published translation is held for this verse.
श्रीकृष्ण उवाच- इदमेव पुरा पृष्टं रामचंद्रेण धीमता । वसिष्ठं प्रति राजेंद्र यत्त्वं मामनुपृच्छसि
śrīkṛṣṇa uvāca- idameva purā pṛṣṭaṃ rāmacaṃdreṇa dhīmatā | vasiṣṭhaṃ prati rājeṃdra yattvaṃ māmanupṛcchasi
Sanskrit only: no published translation is held for this verse.
राम उवाच- भगवञ्छ्रोतुमिच्छामि व्रतानामुत्तमं व्रतम् । सर्वपापक्षयकरं सर्वदुःखनिकृंतनम्
rāma uvāca- bhagavañchrotumicchāmi vratānāmuttamaṃ vratam | sarvapāpakṣayakaraṃ sarvaduḥkhanikṛṃtanam
Sanskrit only: no published translation is held for this verse.
मया दुःखानि भुक्तानि सीताविरहजानि तु । ततोऽहं भयभीतोऽस्मि पृच्छामि त्वां महामुने
mayā duḥkhāni bhuktāni sītāvirahajāni tu | tato'haṃ bhayabhīto'smi pṛcchāmi tvāṃ mahāmune
Sanskrit only: no published translation is held for this verse.
वसिष्ठ उवाच- साधु पृष्टं त्वया राम तवैषा नैष्ठिकी मतिः । त्वन्नामग्रहणेनैव पूतो भवति मानवः
vasiṣṭha uvāca- sādhu pṛṣṭaṃ tvayā rāma tavaiṣā naiṣṭhikī matiḥ | tvannāmagrahaṇenaiva pūto bhavati mānavaḥ
Sanskrit only: no published translation is held for this verse.
तथापि कथयिष्यामि लोकानां हितकाम्यया । पवित्रं पावनानां च व्रतानामुत्तमं व्रतम्
tathāpi kathayiṣyāmi lokānāṃ hitakāmyayā | pavitraṃ pāvanānāṃ ca vratānāmuttamaṃ vratam
Sanskrit only: no published translation is held for this verse.
वैशाखस्य सिते पक्षे राम चैकादशी भवेत् । मोहिनी नाम सा प्रोक्ता सर्वपापहरापराः
vaiśākhasya site pakṣe rāma caikādaśī bhavet | mohinī nāma sā proktā sarvapāpaharāparāḥ
Sanskrit only: no published translation is held for this verse.
मोहजालात्प्रमुच्यंते पातकानां समूहतः । अस्या व्रत प्रभावेन सत्यं सत्यं वदाम्यहम्
mohajālātpramucyaṃte pātakānāṃ samūhataḥ | asyā vrata prabhāvena satyaṃ satyaṃ vadāmyaham
Sanskrit only: no published translation is held for this verse.
अतः कारणतो राम कर्तव्यैषा भवादृशैः । पातकानां क्षयकरी महादुःखविनाशिनी
ataḥ kāraṇato rāma kartavyaiṣā bhavādṛśaiḥ | pātakānāṃ kṣayakarī mahāduḥkhavināśinī
Sanskrit only: no published translation is held for this verse.
शृणुष्वैकमना राम कथां पापहरां पराम् । यस्याः श्रवणमात्रेण महापापं प्रणश्यति
śṛṇuṣvaikamanā rāma kathāṃ pāpaharāṃ parām | yasyāḥ śravaṇamātreṇa mahāpāpaṃ praṇaśyati
Sanskrit only: no published translation is held for this verse.
सरस्वत्यास्तटे रम्ये पुरी भद्रावती शुभा । द्युतिमान्नाम नृपतिस्तत्र राज्यं करोति वै
sarasvatyāstaṭe ramye purī bhadrāvatī śubhā | dyutimānnāma nṛpatistatra rājyaṃ karoti vai
Sanskrit only: no published translation is held for this verse.
चंद्रवंशोद्भवो नाम धृतिमान्सत्यसंगरः । तत्र वैश्यो निवसति धनधान्यसमृद्धिमान्
caṃdravaṃśodbhavo nāma dhṛtimānsatyasaṃgaraḥ | tatra vaiśyo nivasati dhanadhānyasamṛddhimān
Sanskrit only: no published translation is held for this verse.
धनपाल इति ख्यातः पुण्यकर्मप्रवर्त्तकः । प्रपा कूप मठाराम तडाग गृहकारकः
dhanapāla iti khyātaḥ puṇyakarmapravarttakaḥ | prapā kūpa maṭhārāma taḍāga gṛhakārakaḥ
Sanskrit only: no published translation is held for this verse.
विष्णुभक्तिरतः शांतस्तस्यासन्पंचपुत्रकाः । सुमना द्युतिमांश्चैव मेधावी सुकृतस्तथा
viṣṇubhaktirataḥ śāṃtastasyāsanpaṃcaputrakāḥ | sumanā dyutimāṃścaiva medhāvī sukṛtastathā
Sanskrit only: no published translation is held for this verse.
पंचमो धृष्टबुद्धिश्च महापापरतः सदा । परस्त्रीसंगनिरतो विटगोष्ठी विशारदः
paṃcamo dhṛṣṭabuddhiśca mahāpāparataḥ sadā | parastrīsaṃganirato viṭagoṣṭhī viśāradaḥ
Sanskrit only: no published translation is held for this verse.
द्यूतादि व्यसनासक्तः परस्त्री रतिलालसः । न च देवार्चने बुद्धिर्नपितॄन्न द्विजान्प्रति
dyūtādi vyasanāsaktaḥ parastrī ratilālasaḥ | na ca devārcane buddhirnapitṝnna dvijānprati
Sanskrit only: no published translation is held for this verse.
अन्यायवर्ती दुष्टात्मा पितुर्द्रव्यक्षयंकरः । अभक्ष्यभक्षकः पापी सुरापाने रतः सदा
anyāyavartī duṣṭātmā piturdravyakṣayaṃkaraḥ | abhakṣyabhakṣakaḥ pāpī surāpāne rataḥ sadā
Sanskrit only: no published translation is held for this verse.
वेश्याकंठे क्षिप्तबाहुर्भ्रमन्दुष्टश्चतुष्पथे । पित्रा निष्कासितो गेहात्परित्यक्तश्च बांधवैः
veśyākaṃṭhe kṣiptabāhurbhramanduṣṭaścatuṣpathe | pitrā niṣkāsito gehātparityaktaśca bāṃdhavaiḥ
Sanskrit only: no published translation is held for this verse.
स्वदेहभूषणान्येव क्षयं नीतानि तेन वै । गणिकाभिः परित्यक्तो निंदितश्च धनक्षयात्
svadehabhūṣaṇānyeva kṣayaṃ nītāni tena vai | gaṇikābhiḥ parityakto niṃditaśca dhanakṣayāt
Sanskrit only: no published translation is held for this verse.
ततश्चिंतापरो जातो वस्त्रहीनः क्षुधार्दितः । किं करोमि क्वगच्छामि केनोपायेन जीव्यते
tataściṃtāparo jāto vastrahīnaḥ kṣudhārditaḥ | kiṃ karomi kvagacchāmi kenopāyena jīvyate
Sanskrit only: no published translation is held for this verse.
तस्करत्वं समारब्धं तत्रैव नगरे पितुः । गृहीतो राजपुरुषैर्मुक्तश्च पितृगौरवात्
taskaratvaṃ samārabdhaṃ tatraiva nagare pituḥ | gṛhīto rājapuruṣairmuktaśca pitṛgauravāt
Sanskrit only: no published translation is held for this verse.
पुनर्बद्धः पुनस्त्यक्तः पुनर्बद्धः ससंभ्रमैः । धृष्टबुद्धिर्दुराचारो निबध्य निगडै र्दृढैः
punarbaddhaḥ punastyaktaḥ punarbaddhaḥ sasaṃbhramaiḥ | dhṛṣṭabuddhirdurācāro nibadhya nigaḍai rdṛḍhaiḥ
Sanskrit only: no published translation is held for this verse.
कशाघातैस्ताडितश्च पीडितश्च पुनः पुनः । न स्थातव्यं हि मंदात्मंस्त्वया मद्देशगोचरे
kaśāghātaistāḍitaśca pīḍitaśca punaḥ punaḥ | na sthātavyaṃ hi maṃdātmaṃstvayā maddeśagocare
Sanskrit only: no published translation is held for this verse.
एवमुक्त्वा ततो राज्ञा मोचितो दृढबंधनात् । निर्जगाम भयात्तस्य गतोऽसौ गहनं वनम्
evamuktvā tato rājñā mocito dṛḍhabaṃdhanāt | nirjagāma bhayāttasya gato'sau gahanaṃ vanam
Sanskrit only: no published translation is held for this verse.
क्षुत्तृषापीडितश्चायमितश्चेतश्च धावति । सिंहवन्निजघानासौ मृग शूकर चित्रलान्
kṣuttṛṣāpīḍitaścāyamitaścetaśca dhāvati | siṃhavannijaghānāsau mṛga śūkara citralān
Sanskrit only: no published translation is held for this verse.
आमिषाहार निरतो वने तिष्ठति सर्वदा । करे शरासनं कृत्वा निषंगं पृष्ठ संगतम्
āmiṣāhāra nirato vane tiṣṭhati sarvadā | kare śarāsanaṃ kṛtvā niṣaṃgaṃ pṛṣṭha saṃgatam
Sanskrit only: no published translation is held for this verse.
अरण्यचारिणो हंति पक्षिणश्च पदाचरन् । चकोरांश्च मयूरांश्च कंक तित्तिर मूषिकान्
araṇyacāriṇo haṃti pakṣiṇaśca padācaran | cakorāṃśca mayūrāṃśca kaṃka tittira mūṣikān
Sanskrit only: no published translation is held for this verse.
एतानन्यान्हिनस्त्यंधो धृष्टबुद्धिस्तु निर्घृणः । पूर्वजन्मकृतैः पापैर्निमग्नः पापकर्दमे
etānanyānhinastyaṃdho dhṛṣṭabuddhistu nirghṛṇaḥ | pūrvajanmakṛtaiḥ pāpairnimagnaḥ pāpakardame
Sanskrit only: no published translation is held for this verse.
दुःखशोकसमाविष्टः पीड्यमानो दिवानिशम् । कौंडिन्यस्याश्रमपदं प्राप्तः पुण्यागमात्क्वचित्
duḥkhaśokasamāviṣṭaḥ pīḍyamāno divāniśam | kauṃḍinyasyāśramapadaṃ prāptaḥ puṇyāgamātkvacit
Sanskrit only: no published translation is held for this verse.
माधवे मासि जाह्नव्याः कृतस्नानं तपोधनम् । आससाद धृष्टबुद्धिः शोकभारेण पीडितः
mādhave māsi jāhnavyāḥ kṛtasnānaṃ tapodhanam | āsasāda dhṛṣṭabuddhiḥ śokabhāreṇa pīḍitaḥ
Sanskrit only: no published translation is held for this verse.
तद्वस्त्रबिंदुस्पर्शेन गतपापो हताशुभः । कौंडिन्यस्याग्रतः स्थित्वा प्रत्युवाच कृतांजलि
tadvastrabiṃdusparśena gatapāpo hatāśubhaḥ | kauṃḍinyasyāgrataḥ sthitvā pratyuvāca kṛtāṃjali
Sanskrit only: no published translation is held for this verse.
धृष्टबुद्धिरुवाच- भो भो ब्रह्मन्द्विजश्रेष्ठ दयां कृत्वा ममोपरि । येन पुण्यप्रभावेन मुक्तिर्भवति तद्वद
dhṛṣṭabuddhiruvāca- bho bho brahmandvijaśreṣṭha dayāṃ kṛtvā mamopari | yena puṇyaprabhāvena muktirbhavati tadvada
Sanskrit only: no published translation is held for this verse.
कौंडिन्य उवाच- शृणुष्वैकमनाभूत्वा येन पापक्षयस्तव । वैशाखस्य सिते पक्षे मोहिनी नाम विश्रुता
kauṃḍinya uvāca- śṛṇuṣvaikamanābhūtvā yena pāpakṣayastava | vaiśākhasya site pakṣe mohinī nāma viśrutā
Sanskrit only: no published translation is held for this verse.
एकादशीव्रतं तस्याः कुरु मद्वाक्यनोदितः । मेरुतुल्यानि पापानि क्षयं गच्छंति देहिनाम्
ekādaśīvrataṃ tasyāḥ kuru madvākyanoditaḥ | merutulyāni pāpāni kṣayaṃ gacchaṃti dehinām
Sanskrit only: no published translation is held for this verse.
बहुजन्मार्जितान्येषा मोहिनी समुपोषिता । इति वाक्यं मुनेः श्रुत्वा धृष्टबुद्धिः प्रसन्नधीः
bahujanmārjitānyeṣā mohinī samupoṣitā | iti vākyaṃ muneḥ śrutvā dhṛṣṭabuddhiḥ prasannadhīḥ
Sanskrit only: no published translation is held for this verse.
व्रतं चकार विधिवत्कौंडिन्यस्योपदेशतः । कृते व्रते नृपश्रेष्ठ गतपापो बभूव सः
vrataṃ cakāra vidhivatkauṃḍinyasyopadeśataḥ | kṛte vrate nṛpaśreṣṭha gatapāpo babhūva saḥ
Sanskrit only: no published translation is held for this verse.
दिव्यदेहस्ततो भूत्वा गरुडोपरिसंस्थितः । जगाम वैष्णवं लोकं सर्वोपद्रव वर्जितम्
divyadehastato bhūtvā garuḍoparisaṃsthitaḥ | jagāma vaiṣṇavaṃ lokaṃ sarvopadrava varjitam
Sanskrit only: no published translation is held for this verse.
इतीदृशं रामचंद्र उत्तमं मोहिनी व्रतम् । नातः परतरं किंचित्त्रैलोक्ये सचराचरे
itīdṛśaṃ rāmacaṃdra uttamaṃ mohinī vratam | nātaḥ parataraṃ kiṃcittrailokye sacarācare
Sanskrit only: no published translation is held for this verse.
यज्ञादितीर्थदानानि कलां नार्हंति षोडशीम् । पठनाच्छ्रवणाद्राजन्गोसहस्र फलं लभेत्
yajñāditīrthadānāni kalāṃ nārhaṃti ṣoḍaśīm | paṭhanācchravaṇādrājangosahasra phalaṃ labhet
Sanskrit only: no published translation is held for this verse.