Library·Padma Purāṇa·6·6.5
युधिष्ठिर उवाच- कः पितृव्यः सिंधुसूनोः किं वृत्तं तस्य विग्रहे । युयुधे स कथं दैत्यस्तन्मे कथय नारद
yudhiṣṭhira uvāca- kaḥ pitṛvyaḥ siṃdhusūnoḥ kiṃ vṛttaṃ tasya vigrahe | yuyudhe sa kathaṃ daityastanme kathaya nārada
Sanskrit only: no published translation is held for this verse.
नारद उवाच-। शृणु त्वं नृपशार्दूल पितृव्यः क्षीरसागरः । जालंधरस्य तं देवैः प्रमथ्य धनमाहृतम्
nārada uvāca-| śṛṇu tvaṃ nṛpaśārdūla pitṛvyaḥ kṣīrasāgaraḥ | jālaṃdharasya taṃ devaiḥ pramathya dhanamāhṛtam
Sanskrit only: no published translation is held for this verse.
श्रीचंद्रामृतनागाश्वपूर्वं तस्य सुरासुरैः । तच्छ्रुत्वा विग्रहं चक्रे देवैर्जालंधरोऽसुरः
śrīcaṃdrāmṛtanāgāśvapūrvaṃ tasya surāsuraiḥ | tacchrutvā vigrahaṃ cakre devairjālaṃdharo'suraḥ
Sanskrit only: no published translation is held for this verse.
कदाचित्प्रेषयामास दूतं दुर्वारणं बली । शिक्षयित्वा तु वक्तव्यं देवेंद्रभवनं प्रति
kadācitpreṣayāmāsa dūtaṃ durvāraṇaṃ balī | śikṣayitvā tu vaktavyaṃ deveṃdrabhavanaṃ prati
Sanskrit only: no published translation is held for this verse.
अथ स्यंदनमारुह्य ययौ दुर्वारणो दिवि । प्रवेष्टुकामो भवनं द्वारस्थैर्द्वारि निवारितः
atha syaṃdanamāruhya yayau durvāraṇo divi | praveṣṭukāmo bhavanaṃ dvārasthairdvāri nivāritaḥ
Sanskrit only: no published translation is held for this verse.
दूत उवाच-। जालंधरस्य दूतोऽहं आगतः शक्रसंनिधौ । गत्वा तत्र भवंतो मां विज्ञापयितुमर्हथ
dūta uvāca-| jālaṃdharasya dūto'haṃ āgataḥ śakrasaṃnidhau | gatvā tatra bhavaṃto māṃ vijñāpayitumarhatha
Sanskrit only: no published translation is held for this verse.
इति तस्य वचः श्रुत्वा तदैव तु शचीपतिम् । गत्वा च प्रणिपत्याह दूतो देवागतो भुवः
iti tasya vacaḥ śrutvā tadaiva tu śacīpatim | gatvā ca praṇipatyāha dūto devāgato bhuvaḥ
Sanskrit only: no published translation is held for this verse.
दौवारिको महेंद्रेण प्रत्युक्तो दूतमानय । हस्ते गृहीत्वा तं दूतं वासवांतिकमानयत्
dauvāriko maheṃdreṇa pratyukto dūtamānaya | haste gṛhītvā taṃ dūtaṃ vāsavāṃtikamānayat
Sanskrit only: no published translation is held for this verse.
दुर्वारणो देवसभां प्रविष्टः प्रव्यलोकयत् । हरिं देवैस्तु यस्त्रिंशत्कोटिभिः परिवेष्टितम्
durvāraṇo devasabhāṃ praviṣṭaḥ pravyalokayat | hariṃ devaistu yastriṃśatkoṭibhiḥ pariveṣṭitam
Sanskrit only: no published translation is held for this verse.
स्वर्णसिंहासनं दिव्यं चामरानिलसेवितम् । शचीप्रेमरसोत्फुल्लनयनाब्जसहस्रकम्
svarṇasiṃhāsanaṃ divyaṃ cāmarānilasevitam | śacīpremarasotphullanayanābjasahasrakam
Sanskrit only: no published translation is held for this verse.
दुर्वारणोऽथ देवेशं विलोक्य गुरुणा सह । प्रणनामात्मगर्वेण प्रहसन्नयनश्रियम्
durvāraṇo'tha deveśaṃ vilokya guruṇā saha | praṇanāmātmagarveṇa prahasannayanaśriyam
Sanskrit only: no published translation is held for this verse.
निर्दिष्टमासनं भेजे दूतो जालंधरस्य सः । कस्य त्वं केन कार्येण प्राप्तः प्राहेति तं हरिः
nirdiṣṭamāsanaṃ bheje dūto jālaṃdharasya saḥ | kasya tvaṃ kena kāryeṇa prāptaḥ prāheti taṃ hariḥ
Sanskrit only: no published translation is held for this verse.
दूतो जालंधरस्याहं स जगाद पुरंदरम् । स राजा सर्वलोकानां तस्याज्ञां शृणु मन्मुखात्
dūto jālaṃdharasyāhaṃ sa jagāda puraṃdaram | sa rājā sarvalokānāṃ tasyājñāṃ śṛṇu manmukhāt
Sanskrit only: no published translation is held for this verse.
पितृव्यो मम दुग्धाब्धिस्त्वया कस्माद्विलोडितः । मंदराद्रिविधानेन हृतं कोशं महाधनम्
pitṛvyo mama dugdhābdhistvayā kasmādviloḍitaḥ | maṃdarādrividhānena hṛtaṃ kośaṃ mahādhanam
Sanskrit only: no published translation is held for this verse.
श्रीचंद्रामृतनागाश्वं तन्मणिं विद्रुमादिकम् । देहि सर्वं तथा स्वर्गं शीघ्रं त्यज पुरंदर
śrīcaṃdrāmṛtanāgāśvaṃ tanmaṇiṃ vidrumādikam | dehi sarvaṃ tathā svargaṃ śīghraṃ tyaja puraṃdara
Sanskrit only: no published translation is held for this verse.
स त्वं मद्वचनात्तूर्णं कुरु सर्वं यथोचितम् । तं क्षमापय भूपाल यदि जीवितुमिच्छसि
sa tvaṃ madvacanāttūrṇaṃ kuru sarvaṃ yathocitam | taṃ kṣamāpaya bhūpāla yadi jīvitumicchasi
Sanskrit only: no published translation is held for this verse.
अथ प्रहस्य मघवा प्राह दुर्वारणं प्रति । शृणु दूत समासेन सिंधोर्मथनकारणम्
atha prahasya maghavā prāha durvāraṇaṃ prati | śṛṇu dūta samāsena siṃdhormathanakāraṇam
Sanskrit only: no published translation is held for this verse.
पुरा हिमवतः सूनुर्मैनाको नाम मे रिपुः । स कुक्षौ विधृतस्तेन सागरेण जडेन च
purā himavataḥ sūnurmaināko nāma me ripuḥ | sa kukṣau vidhṛtastena sāgareṇa jaḍena ca
Sanskrit only: no published translation is held for this verse.
दग्धं चराचरं येन वह्निना हयरूपिणा । स चापि विधृतस्तेन सागरेण दुरात्मना
dagdhaṃ carācaraṃ yena vahninā hayarūpiṇā | sa cāpi vidhṛtastena sāgareṇa durātmanā
Sanskrit only: no published translation is held for this verse.
धर्मद्विषां दानवानामसौ वै आश्रयः प्रभुः । नित्यं दधि घृतं क्षीरं दानवेभ्यः प्रयच्छति
dharmadviṣāṃ dānavānāmasau vai āśrayaḥ prabhuḥ | nityaṃ dadhi ghṛtaṃ kṣīraṃ dānavebhyaḥ prayacchati
Sanskrit only: no published translation is held for this verse.
अतएवायमस्माभिः दुर्वारण विलोडितः । दंडितश्च गतश्रीको देवैरथ पुरातनैः
ataevāyamasmābhiḥ durvāraṇa viloḍitaḥ | daṃḍitaśca gataśrīko devairatha purātanaiḥ
Sanskrit only: no published translation is held for this verse.
शृणु दूत सबंधेन मम विप्रेण शोषितः । कुंभोद्भवेन किंचैष दुःसंगे नैव बाध्यते
śṛṇu dūta sabaṃdhena mama vipreṇa śoṣitaḥ | kuṃbhodbhavena kiṃcaiṣa duḥsaṃge naiva bādhyate
Sanskrit only: no published translation is held for this verse.
सोऽपि युद्धार्थमस्माभिः सर्वसैन्येन संवृतः । आगमिष्यति वै नाशं गमिष्यति तदैव हि
so'pi yuddhārthamasmābhiḥ sarvasainyena saṃvṛtaḥ | āgamiṣyati vai nāśaṃ gamiṣyati tadaiva hi
Sanskrit only: no published translation is held for this verse.
इतीरयित्वा विरराम वृत्रहा सरित्पतेरात्मजदूतमुच्चकैः । शशंस चागत्य समुद्रसूनोर्देवेश्वरेणोक्तमशेषमादितः
itīrayitvā virarāma vṛtrahā saritpaterātmajadūtamuccakaiḥ | śaśaṃsa cāgatya samudrasūnordeveśvareṇoktamaśeṣamāditaḥ
Sanskrit only: no published translation is held for this verse.
नारद उवाच-। महेंद्र वचनं श्रुत्वा निजदूतमुखेन च । समुद्रसूनुः संक्रुद्धः सर्वं सैन्यं समाह्वयत्
nārada uvāca-| maheṃdra vacanaṃ śrutvā nijadūtamukhena ca | samudrasūnuḥ saṃkruddhaḥ sarvaṃ sainyaṃ samāhvayat
Sanskrit only: no published translation is held for this verse.
रसातलस्थिता दैत्याः ये च भूतलवासिनः । आययुः सबलास्तत्र जालंधरमथाज्ञया
rasātalasthitā daityāḥ ye ca bhūtalavāsinaḥ | āyayuḥ sabalāstatra jālaṃdharamathājñayā
Sanskrit only: no published translation is held for this verse.
प्रयाणप्रक्रमे सिंधुसूनोः सैन्यस्य गर्जितैः । स्फुटंति नभसो राजन्पातालमखिला दिशः
prayāṇaprakrame siṃdhusūnoḥ sainyasya garjitaiḥ | sphuṭaṃti nabhaso rājanpātālamakhilā diśaḥ
Sanskrit only: no published translation is held for this verse.
हयनागोष्ट्रवदना बिडालमुखभीषणाः । व्याघ्रसिंहाखुवदना विद्युत्सदृशलोचनाः
hayanāgoṣṭravadanā biḍālamukhabhīṣaṇāḥ | vyāghrasiṃhākhuvadanā vidyutsadṛśalocanāḥ
Sanskrit only: no published translation is held for this verse.
सर्पकेशा महादेहाः केचित्खङ्गतनूरुहाः । अन्ये च परिधावंति गर्जंति जलदस्वनैः
sarpakeśā mahādehāḥ kecitkhaṅgatanūruhāḥ | anye ca paridhāvaṃti garjaṃti jaladasvanaiḥ
Sanskrit only: no published translation is held for this verse.
रथगजहयपत्तिसंकुलं समरविनोदकदंब भासुरम् । अब्जशतसहस्रकोटिनायकं बलमखिलं च तदा रराज राजन्
rathagajahayapattisaṃkulaṃ samaravinodakadaṃba bhāsuram | abjaśatasahasrakoṭināyakaṃ balamakhilaṃ ca tadā rarāja rājan
Sanskrit only: no published translation is held for this verse.
शतयोजनविस्तीर्णं विमानं हंसकोटिभिः । युक्तं भूतिसहस्रौघं सर्ववस्तुप्रपूरितम्
śatayojanavistīrṇaṃ vimānaṃ haṃsakoṭibhiḥ | yuktaṃ bhūtisahasraughaṃ sarvavastuprapūritam
Sanskrit only: no published translation is held for this verse.
तद्विमानं समारुह्य सद्यो जालंधरो ययौ । मध्याह्ने मंदरं प्राप्तः प्रथमेऽह्नि बलैः सह
tadvimānaṃ samāruhya sadyo jālaṃdharo yayau | madhyāhne maṃdaraṃ prāptaḥ prathame'hni balaiḥ saha
Sanskrit only: no published translation is held for this verse.
खंडितं शिबिकावाहैर्दलितं भूरिकुंजरैः । द्वितीये दिवसे मेरुं संप्राप्तो बलसंयुतः
khaṃḍitaṃ śibikāvāhairdalitaṃ bhūrikuṃjaraiḥ | dvitīye divase meruṃ saṃprāpto balasaṃyutaḥ
Sanskrit only: no published translation is held for this verse.
इलावृत्ते तु शिखरे तस्थौ तत्कटकं महत् । अथ दैत्याधिपैर्भग्नं खांडवं नंदनं वनम्
ilāvṛtte tu śikhare tasthau tatkaṭakaṃ mahat | atha daityādhipairbhagnaṃ khāṃḍavaṃ naṃdanaṃ vanam
Sanskrit only: no published translation is held for this verse.
शिखराणि विशीर्णानि मेरोर्दानवपुंगवैः । संतानकेषु वृक्षेषु बद्धा हिंदोलमंचकान्
śikharāṇi viśīrṇāni merordānavapuṃgavaiḥ | saṃtānakeṣu vṛkṣeṣu baddhā hiṃdolamaṃcakān
Sanskrit only: no published translation is held for this verse.
सिद्धांगनाभिः सहिता रेमिरे दैत्यपुंगवाः । कुचकुंकुमतांबूल चंदनागरुभूषणैः
siddhāṃganābhiḥ sahitā remire daityapuṃgavāḥ | kucakuṃkumatāṃbūla caṃdanāgarubhūṣaṇaiḥ
Sanskrit only: no published translation is held for this verse.
केशपाशच्युतैः पुष्पैः मेरोः संपूरिता नदी । सुमेरोः पूर्वदिग्भागो गजैस्तस्य विघट्टितः
keśapāśacyutaiḥ puṣpaiḥ meroḥ saṃpūritā nadī | sumeroḥ pūrvadigbhāgo gajaistasya vighaṭṭitaḥ
Sanskrit only: no published translation is held for this verse.
दक्षिणं च रथैश्चेरुरुत्तरं पश्चिमं भटैः । अथ प्रस्थापयामास दैत्याञ्जालधरोऽसुरः
dakṣiṇaṃ ca rathaiśceruruttaraṃ paścimaṃ bhaṭaiḥ | atha prasthāpayāmāsa daityāñjāladharo'suraḥ
Sanskrit only: no published translation is held for this verse.
महेंद्रशिखरं चान्ये ययुर्दुंदुभिनिःस्वनैः । राजराजपुरीं भंक्त्वा यमस्य वरुणस्य च
maheṃdraśikharaṃ cānye yayurduṃdubhiniḥsvanaiḥ | rājarājapurīṃ bhaṃktvā yamasya varuṇasya ca
Sanskrit only: no published translation is held for this verse.
अन्येषां लोकपालानामाययुस्तेऽमरावतीम् । अथोत्पाताभवन्नाके दिव्यभौमांतरिक्षगाः
anyeṣāṃ lokapālānāmāyayuste'marāvatīm | athotpātābhavannāke divyabhaumāṃtarikṣagāḥ
Sanskrit only: no published translation is held for this verse.
रजः पपात बहुलं तमस्तोमो विजृंभते । तदा पपात कुलिशं करादिंद्रस्य निष्प्रभम्
rajaḥ papāta bahulaṃ tamastomo vijṛṃbhate | tadā papāta kuliśaṃ karādiṃdrasya niṣprabham
Sanskrit only: no published translation is held for this verse.
दृष्ट्वा निमित्तानि भयावहानि नाके महेंद्रो गुरुमित्युवाच । किं कुर्महे कं शरणं च यामस्तं पश्य युद्धं समुपस्थितं च
dṛṣṭvā nimittāni bhayāvahāni nāke maheṃdro gurumityuvāca | kiṃ kurmahe kaṃ śaraṇaṃ ca yāmastaṃ paśya yuddhaṃ samupasthitaṃ ca
Sanskrit only: no published translation is held for this verse.
ततो वाचस्पतिर्वाक्यमुवाच त्रिदशाधिपम् । चरणौ पाहि शरणं विष्णोर्वैकुंठवासिनः
tato vācaspatirvākyamuvāca tridaśādhipam | caraṇau pāhi śaraṇaṃ viṣṇorvaikuṃṭhavāsinaḥ
Sanskrit only: no published translation is held for this verse.
इत्युक्तो गुरुणा देवैः साकं वैकुंठमंदिरम् । जगामाखंडलः शीघ्रं शरणं कैटभद्विषः
ityukto guruṇā devaiḥ sākaṃ vaikuṃṭhamaṃdiram | jagāmākhaṃḍalaḥ śīghraṃ śaraṇaṃ kaiṭabhadviṣaḥ
Sanskrit only: no published translation is held for this verse.
शशंस वासुदेवाय विजयो द्वारपालकः । जालंधरभयत्रस्ताः सर्वे देवाः समागताः
śaśaṃsa vāsudevāya vijayo dvārapālakaḥ | jālaṃdharabhayatrastāḥ sarve devāḥ samāgatāḥ
Sanskrit only: no published translation is held for this verse.
श्रीरुवाच-। न वध्योऽसौ मम भ्राता देवार्थे युध्यता त्वया । शापितो देव मत्प्रीत्या वधार्हो न भविष्यति
śrīruvāca-| na vadhyo'sau mama bhrātā devārthe yudhyatā tvayā | śāpito deva matprītyā vadhārho na bhaviṣyati
Sanskrit only: no published translation is held for this verse.
इति श्रीवचनं श्रुत्वा विष्णुस्त्रैलोक्यपालकः । अथारुरोह गरुडं पक्षक्षेपावृतांबरम्
iti śrīvacanaṃ śrutvā viṣṇustrailokyapālakaḥ | athāruroha garuḍaṃ pakṣakṣepāvṛtāṃbaram
Sanskrit only: no published translation is held for this verse.
वैकुंठभवनात्तूर्णं निर्गतस्त्रिदशान्हरिः । जालंधरभयत्रस्तान्गतकांतीनथैक्षत
vaikuṃṭhabhavanāttūrṇaṃ nirgatastridaśānhariḥ | jālaṃdharabhayatrastāngatakāṃtīnathaikṣata
Sanskrit only: no published translation is held for this verse.
ददृशुस्ते सुराः सर्वे हरिं सांद्रघनोपमम् । शार्ङ्गशंखगदापद्मविभूषितचतुर्भुजम्
dadṛśuste surāḥ sarve hariṃ sāṃdraghanopamam | śārṅgaśaṃkhagadāpadmavibhūṣitacaturbhujam
Sanskrit only: no published translation is held for this verse.
स्तोत्रं पठित्वा पुरतः प्राहेंद्रः सरितांपतेः । जालंधरेणात्मजेन भग्नं देव त्रिविष्टपम् 6.5.५०। तदिंद्रवचनं श्रुत्वाऽभयं दत्वा दिवौकसाम् । विजेतुमसुरं देवैः सह रेजे सुरांतकृत्
stotraṃ paṭhitvā purataḥ prāheṃdraḥ saritāṃpateḥ | jālaṃdhareṇātmajena bhagnaṃ deva triviṣṭapam 6.5.50| tadiṃdravacanaṃ śrutvā'bhayaṃ datvā divaukasām | vijetumasuraṃ devaiḥ saha reje surāṃtakṛt
Sanskrit only: no published translation is held for this verse.
अथानीतं मातलिना रथमारुह्य वासवः । वासुदेवस्य पुरतः प्रययौ विधृताशनिः
athānītaṃ mātalinā rathamāruhya vāsavaḥ | vāsudevasya purataḥ prayayau vidhṛtāśaniḥ
Sanskrit only: no published translation is held for this verse.
वामतस्त्रिदशाः सर्वे सव्यतश्च समाययौ । स्वाहाप्रियो दक्षिणतः स च मेषं समास्थितः
vāmatastridaśāḥ sarve savyataśca samāyayau | svāhāpriyo dakṣiṇataḥ sa ca meṣaṃ samāsthitaḥ
Sanskrit only: no published translation is held for this verse.
आरुह्यैरावतं नागं जयंतः शक्रनंदनः । उच्चैःश्रवसमिंद्रश्च उभौ भगवतः पुरः
āruhyairāvataṃ nāgaṃ jayaṃtaḥ śakranaṃdanaḥ | uccaiḥśravasamiṃdraśca ubhau bhagavataḥ puraḥ
Sanskrit only: no published translation is held for this verse.
धातार्यमा च मित्रश्च वरुणोंशो भगस्तथा । इंद्रो विवस्वान्पूषा च पर्जन्यो दशमः स्मृतः
dhātāryamā ca mitraśca varuṇoṃśo bhagastathā | iṃdro vivasvānpūṣā ca parjanyo daśamaḥ smṛtaḥ
Sanskrit only: no published translation is held for this verse.
ततस्त्वष्टा ततो विष्णू रेजे धन्यो जघन्यजः । इत्येते द्वादशादित्या इंद्रस्य पुरतः स्थिताः
tatastvaṣṭā tato viṣṇū reje dhanyo jaghanyajaḥ | ityete dvādaśādityā iṃdrasya purataḥ sthitāḥ
Sanskrit only: no published translation is held for this verse.
वीरभद्रश्च शंभुश्च गिरिशश्च महायशाः । अजैकपादहिर्बुध्न्यः पिनाकी चापराजितः
vīrabhadraśca śaṃbhuśca giriśaśca mahāyaśāḥ | ajaikapādahirbudhnyaḥ pinākī cāparājitaḥ
Sanskrit only: no published translation is held for this verse.
भुवनाधीश्वरश्चैव कपाली च विशांपते । स्थाणुर्भगश्च भगवान्रुद्रा एकादश स्मृताः
bhuvanādhīśvaraścaiva kapālī ca viśāṃpate | sthāṇurbhagaśca bhagavānrudrā ekādaśa smṛtāḥ
Sanskrit only: no published translation is held for this verse.
श्वसनः स्पर्शनो वायुरनिलो मारुतस्तथा । प्राणापानौ सजीवौ च मरुतोऽष्टौ तदग्रतः
śvasanaḥ sparśano vāyuranilo mārutastathā | prāṇāpānau sajīvau ca maruto'ṣṭau tadagrataḥ
Sanskrit only: no published translation is held for this verse.
विवस्वानपि तन्मध्ये ययौ द्वादशमूर्तिभिः । धनदः शिबिकारूढः किंनरेशो ययौ तदा
vivasvānapi tanmadhye yayau dvādaśamūrtibhiḥ | dhanadaḥ śibikārūḍhaḥ kiṃnareśo yayau tadā
Sanskrit only: no published translation is held for this verse.
रुद्राश्च वृषभारूढा मारुतो मृगवाहनः । ययुः सैन्यस्य पुरतः त्रिशूलपरिघायुधाः
rudrāśca vṛṣabhārūḍhā māruto mṛgavāhanaḥ | yayuḥ sainyasya purataḥ triśūlaparighāyudhāḥ
Sanskrit only: no published translation is held for this verse.
गंधर्वाश्चारणा यक्षाः पिशाचोरग गुह्यकाः । सर्वसैन्यस्य पुरतः सर्वशस्त्रभृतो ययुः
gaṃdharvāścāraṇā yakṣāḥ piśācoraga guhyakāḥ | sarvasainyasya purataḥ sarvaśastrabhṛto yayuḥ
Sanskrit only: no published translation is held for this verse.
पूर्वापरौ तोयराशी समाक्रांतौ च सैनिकैः । तस्मिन्ससार भूमिराट्वराहवपुषा हरिः
pūrvāparau toyarāśī samākrāṃtau ca sainikaiḥ | tasminsasāra bhūmirāṭvarāhavapuṣā hariḥ
Sanskrit only: no published translation is held for this verse.
स्वर्गादागत्य वेगेन दैत्यसैन्यजिघांसया । सुमेरोरुत्तरो भागः सुरसैन्येन संवृतः
svargādāgatya vegena daityasainyajighāṃsayā | sumeroruttaro bhāgaḥ surasainyena saṃvṛtaḥ
Sanskrit only: no published translation is held for this verse.
सेनाभारोद्भुतकरस्तस्थौ जालंधरस्य च । आश्रित्य दक्षिणं भागं तूर्णं कनकशृंगतः
senābhārodbhutakarastasthau jālaṃdharasya ca | āśritya dakṣiṇaṃ bhāgaṃ tūrṇaṃ kanakaśṛṃgataḥ
Sanskrit only: no published translation is held for this verse.
अहोरात्रेण विहिता वर्षे तस्मिन्निलावृते । मेरुमंदरयोर्मध्ये युद्धभूमिः प्रतिष्ठिता
ahorātreṇa vihitā varṣe tasminnilāvṛte | merumaṃdarayormadhye yuddhabhūmiḥ pratiṣṭhitā
Sanskrit only: no published translation is held for this verse.
तत्रात्मजयदां भूमिं कविप्रोक्तां मुदायुताः । जग्मुस्ते दानवास्तूर्णं गुरुप्रोक्तां ययुः सुराः
tatrātmajayadāṃ bhūmiṃ kaviproktāṃ mudāyutāḥ | jagmuste dānavāstūrṇaṃ guruproktāṃ yayuḥ surāḥ
Sanskrit only: no published translation is held for this verse.
रथप्रवीरैः परितश्च संप्लवैर्गजैर्घनाकारमदप्रवाहिभिः । अश्वैरनंतैर्गरुडाग्रगामिभिः पदातिभिः सारणभूर्भृता बभौ
rathapravīraiḥ paritaśca saṃplavairgajairghanākāramadapravāhibhiḥ | aśvairanaṃtairgaruḍāgragāmibhiḥ padātibhiḥ sāraṇabhūrbhṛtā babhau
Sanskrit only: no published translation is held for this verse.
ततो वादित्रनिर्घोषः सेनयोरुभयोरभूत् । कोलाहलश्च वीराणामन्योन्यमभिगर्जताम्
tato vāditranirghoṣaḥ senayorubhayorabhūt | kolāhalaśca vīrāṇāmanyonyamabhigarjatām
Sanskrit only: no published translation is held for this verse.
अथ दानवदेवानां संग्रामोऽभूद्भयावहः । सर्वसैन्यस्य संमर्दो यथा त्रिभुवनक्षयः
atha dānavadevānāṃ saṃgrāmo'bhūdbhayāvahaḥ | sarvasainyasya saṃmardo yathā tribhuvanakṣayaḥ
Sanskrit only: no published translation is held for this verse.
भयक्रांता महाश्रांता श्रुतिर्विलपती मुहुः । स्वरथाकाररहितं शरैः संपूरितं तदा
bhayakrāṃtā mahāśrāṃtā śrutirvilapatī muhuḥ | svarathākārarahitaṃ śaraiḥ saṃpūritaṃ tadā
Sanskrit only: no published translation is held for this verse.
रोमांचिता बभौ द्यौश्च रजोवस्त्रं विधुन्वती । रौद्रैर्विहंगमारावैस्त्रासादाक्रंदतीव हि
romāṃcitā babhau dyauśca rajovastraṃ vidhunvatī | raudrairvihaṃgamārāvaistrāsādākraṃdatīva hi
Sanskrit only: no published translation is held for this verse.
देवेंद्रेण तदाज्ञप्ता मेघाः संवर्तकादयः । गजानुच्चैः समारुह्य तेऽसुरान्युयुधुर्मृधे
deveṃdreṇa tadājñaptā meghāḥ saṃvartakādayaḥ | gajānuccaiḥ samāruhya te'surānyuyudhurmṛdhe
Sanskrit only: no published translation is held for this verse.
देवानामश्वारोहाश्च जाता गंधर्वकिन्नराः । रथिनः साध्यसिद्धाश्च गजिनो यक्षचारणाः
devānāmaśvārohāśca jātā gaṃdharvakinnarāḥ | rathinaḥ sādhyasiddhāśca gajino yakṣacāraṇāḥ
Sanskrit only: no published translation is held for this verse.
पदातिनः किंपुरुषाः पन्नगाः पवनाशनाः । रोगाणामधिपो राजन्यक्ष्मा च यमनायकः
padātinaḥ kiṃpuruṣāḥ pannagāḥ pavanāśanāḥ | rogāṇāmadhipo rājanyakṣmā ca yamanāyakaḥ
Sanskrit only: no published translation is held for this verse.
तत्र दानवरोगाणां संग्रामोऽभूत्सुदारुणः । पतिता लुलुठुर्भूमौ दैत्याः शूलज्वरामयैः
tatra dānavarogāṇāṃ saṃgrāmo'bhūtsudāruṇaḥ | patitā luluṭhurbhūmau daityāḥ śūlajvarāmayaiḥ
Sanskrit only: no published translation is held for this verse.
दानवैर्निहता रोगाः पेतुः समरमूर्द्धनि । पलायांचक्रिरे केचित्व्याधयो भूधरान्प्रति
dānavairnihatā rogāḥ petuḥ samaramūrddhani | palāyāṃcakrire kecitvyādhayo bhūdharānprati
Sanskrit only: no published translation is held for this verse.
औषध्यस्तत्र सहजा वैशल्यकरणीमुखाः । ताभिर्विशल्याः सैन्येषु युयुधुर्यमकिंकराः
auṣadhyastatra sahajā vaiśalyakaraṇīmukhāḥ | tābhirviśalyāḥ sainyeṣu yuyudhuryamakiṃkarāḥ
Sanskrit only: no published translation is held for this verse.
दानवैर्निहताः सर्वे शरमुद्गरपट्टिशैः । पदातयः पत्तिगणैः खङ्गैस्तीक्ष्णैः परश्वधैः
dānavairnihatāḥ sarve śaramudgarapaṭṭiśaiḥ | padātayaḥ pattigaṇaiḥ khaṅgaistīkṣṇaiḥ paraśvadhaiḥ
Sanskrit only: no published translation is held for this verse.
कोटिशो जघ्नुरन्योन्यं रुधिरारुणविग्रहाः । अश्वचारा हयैस्तूर्णैश्चिक्षिपुर्गगने तदा
koṭiśo jaghnuranyonyaṃ rudhirāruṇavigrahāḥ | aśvacārā hayaistūrṇaiścikṣipurgagane tadā
Sanskrit only: no published translation is held for this verse.
संश्लिष्य जघ्नुरन्योन्यं रुधिरारुणविग्रहाः । समूहो रथिनां भीमो रथौघैश्छाद्य मेदिनीम्
saṃśliṣya jaghnuranyonyaṃ rudhirāruṇavigrahāḥ | samūho rathināṃ bhīmo rathaughaiśchādya medinīm
Sanskrit only: no published translation is held for this verse.
विव्यधुर्निशितैर्बाणैर्धनुर्मुक्तैर्महारथान् । मदक्षीणकपोलांगाः करैर्बद्धा करान्दृढम्
vivyadhurniśitairbāṇairdhanurmuktairmahārathān | madakṣīṇakapolāṃgāḥ karairbaddhā karāndṛḍham
Sanskrit only: no published translation is held for this verse.
गजान्प्रतिगजाः क्रुद्धाः पातयंति महीतले । कोपि दैत्यो रथं दोर्भ्यामुत्क्षिप्योत्थाय खं ययौ
gajānpratigajāḥ kruddhāḥ pātayaṃti mahītale | kopi daityo rathaṃ dorbhyāmutkṣipyotthāya khaṃ yayau
Sanskrit only: no published translation is held for this verse.
अश्वचारान्हयान्नागान्पातयामास भूतले । स्कंधे गृहीत्वा तरसा ययौ जालंधरं प्रति
aśvacārānhayānnāgānpātayāmāsa bhūtale | skaṃdhe gṛhītvā tarasā yayau jālaṃdharaṃ prati
Sanskrit only: no published translation is held for this verse.
कक्षयोर्वै गजौ गृह्य तृतीयं जठरोपरि । चतुर्थं मस्तके गृह्य रणे धावति कश्चन
kakṣayorvai gajau gṛhya tṛtīyaṃ jaṭharopari | caturthaṃ mastake gṛhya raṇe dhāvati kaścana
Sanskrit only: no published translation is held for this verse.
उत्पाट्य कोशतः खङ्गं विधूय विमलांबरम् । ययौ सहस्रशो देवान्पातयित्वा रणेऽसुरः
utpāṭya kośataḥ khaṅgaṃ vidhūya vimalāṃbaram | yayau sahasraśo devānpātayitvā raṇe'suraḥ
Sanskrit only: no published translation is held for this verse.
काचित्पीनस्तनी तन्वी खेचरीरति लंपटा । आगत्य गगनात्तूर्णं निन्ये दैत्यं रणांगणात्
kācitpīnastanī tanvī khecarīrati laṃpaṭā | āgatya gaganāttūrṇaṃ ninye daityaṃ raṇāṃgaṇāt
Sanskrit only: no published translation is held for this verse.
चुचुंब सा तद्वदनं तीक्ष्णनाराचकीलितम् । देवसैन्यं ततो बद्ध्वा कालनेमिर्ननर्त्त ह
cucuṃba sā tadvadanaṃ tīkṣṇanārācakīlitam | devasainyaṃ tato baddhvā kālanemirnanartta ha
Sanskrit only: no published translation is held for this verse.
ततो जनार्दनः क्रुद्धो निर्ययौ कालनेमिनम् । यमो दुर्वारणं वीरं स्वर्भानुश्चंद्रभास्करौ
tato janārdanaḥ kruddho niryayau kālaneminam | yamo durvāraṇaṃ vīraṃ svarbhānuścaṃdrabhāskarau
Sanskrit only: no published translation is held for this verse.
केतुं वैश्वानरो देवो ययौ शुक्रं बृहस्पतिः । आश्विनौ संयतौ तत्र दैत्यमंगारपर्णकम्
ketuṃ vaiśvānaro devo yayau śukraṃ bṛhaspatiḥ | āśvinau saṃyatau tatra daityamaṃgāraparṇakam
Sanskrit only: no published translation is held for this verse.
संह्रादं शक्रपुत्रश्च निर्ह्रादं धनदो ययौ । निशुंभश्चावृतो रुद्रैः शुंभो वसुभिराहवे
saṃhrādaṃ śakraputraśca nirhrādaṃ dhanado yayau | niśuṃbhaścāvṛto rudraiḥ śuṃbho vasubhirāhave
Sanskrit only: no published translation is held for this verse.
मेघाकारं स्थितं जंभं विश्वेदेवाः समाययौ । वायवो वज्ररोमाणमथ मृत्युर्मयं ययौ
meghākāraṃ sthitaṃ jaṃbhaṃ viśvedevāḥ samāyayau | vāyavo vajraromāṇamatha mṛtyurmayaṃ yayau
Sanskrit only: no published translation is held for this verse.
नमुचिं वासवो व्यग्रं शक्तिहस्तोऽभ्यधावत । अन्यैरपि सुरैर्दैत्याः स्वस्ववीर्यसमैर्वृताः
namuciṃ vāsavo vyagraṃ śaktihasto'bhyadhāvata | anyairapi surairdaityāḥ svasvavīryasamairvṛtāḥ
Sanskrit only: no published translation is held for this verse.