Library·Padma Purāṇa·6·6.50
युधिष्ठिर उवाच- ज्येष्ठस्य कृष्णपक्षे तु किं नामैकादशी भवेत् । श्रोतुमिच्छामि माहात्म्यं तद्वदस्व जनार्दन
yudhiṣṭhira uvāca- jyeṣṭhasya kṛṣṇapakṣe tu kiṃ nāmaikādaśī bhavet | śrotumicchāmi māhātmyaṃ tadvadasva janārdana
Sanskrit only: no published translation is held for this verse.
श्रीकृष्ण उवाच- साधु पृष्टं त्वया राजन्लोकानां हितकाम्यया । बहुपुण्यप्रदा ह्येषा महापातकनाशिनी
śrīkṛṣṇa uvāca- sādhu pṛṣṭaṃ tvayā rājanlokānāṃ hitakāmyayā | bahupuṇyapradā hyeṣā mahāpātakanāśinī
Sanskrit only: no published translation is held for this verse.
अपरा नाम राजेंद्र अपरा पुत्रदायिनी । लोके प्रसिद्धितां याति अपरां यस्तु सेवते
aparā nāma rājeṃdra aparā putradāyinī | loke prasiddhitāṃ yāti aparāṃ yastu sevate
Sanskrit only: no published translation is held for this verse.
ब्रह्महत्याभिभूतोऽपि गोत्रहा भ्रूणहा तथा । परापवादवादी च परस्त्री रसिकोऽपि च
brahmahatyābhibhūto'pi gotrahā bhrūṇahā tathā | parāpavādavādī ca parastrī rasiko'pi ca
Sanskrit only: no published translation is held for this verse.
अपरा सेवनाद्राजन्विपाप्मा भवति ध्रुवम् । कूटसाक्ष्यं कूटमानं तुलाकूटं करोति यः
aparā sevanādrājanvipāpmā bhavati dhruvam | kūṭasākṣyaṃ kūṭamānaṃ tulākūṭaṃ karoti yaḥ
Sanskrit only: no published translation is held for this verse.
कूटवेदं पठेद्यस्तु कूटशास्त्रं तथैव च । ज्योतिषी गणकः कूटः कूटायुर्वैदिको भिषक्
kūṭavedaṃ paṭhedyastu kūṭaśāstraṃ tathaiva ca | jyotiṣī gaṇakaḥ kūṭaḥ kūṭāyurvaidiko bhiṣak
Sanskrit only: no published translation is held for this verse.
कूटसाक्ष्य समायुक्तो विज्ञेया नरकौकसः । अपरा सेवनाद्राजन्पापैर्मुक्ता भवंति ते
kūṭasākṣya samāyukto vijñeyā narakaukasaḥ | aparā sevanādrājanpāpairmuktā bhavaṃti te
Sanskrit only: no published translation is held for this verse.
क्षत्त्रियः क्षात्रधर्मं यस्त्यक्त्वा युद्धात्पलायते । स याति नरकं घोरं स्वीयधर्मबहिष्कृतः
kṣattriyaḥ kṣātradharmaṃ yastyaktvā yuddhātpalāyate | sa yāti narakaṃ ghoraṃ svīyadharmabahiṣkṛtaḥ
Sanskrit only: no published translation is held for this verse.
अपरा सेवनात्सोऽपि पापं त्यक्त्वा दिवं व्रजेत् । विद्यावान्यः स्वयं शिष्यो गुरुनिंदां करोति च
aparā sevanātso'pi pāpaṃ tyaktvā divaṃ vrajet | vidyāvānyaḥ svayaṃ śiṣyo guruniṃdāṃ karoti ca
Sanskrit only: no published translation is held for this verse.
स महापातकैर्युक्तो निरयं याति दारुणम् । अपरा सेवनात्सोऽपि सद्गतिं प्राप्नुयान्नरः
sa mahāpātakairyukto nirayaṃ yāti dāruṇam | aparā sevanātso'pi sadgatiṃ prāpnuyānnaraḥ
Sanskrit only: no published translation is held for this verse.
महिमानमपरायाः शृणु राजन्वदाम्यहम् । मकरस्थे रवौ माघे प्रयागे यत्फलं नृणाम्
mahimānamaparāyāḥ śṛṇu rājanvadāmyaham | makarasthe ravau māghe prayāge yatphalaṃ nṛṇām
Sanskrit only: no published translation is held for this verse.
काश्यां यत्प्राप्यते पुण्यमुपरागे निमज्जनात् । गयायां पिंडदानेन पितॄणां तृप्तिदो यथा
kāśyāṃ yatprāpyate puṇyamuparāge nimajjanāt | gayāyāṃ piṃḍadānena pitṝṇāṃ tṛptido yathā
Sanskrit only: no published translation is held for this verse.
सिंहस्थिते देवगुरौ गौतम्यां स्नातको नरः । कन्यागते गुरौ राजन्कृष्णवेणी निमज्जनात्
siṃhasthite devagurau gautamyāṃ snātako naraḥ | kanyāgate gurau rājankṛṣṇaveṇī nimajjanāt
Sanskrit only: no published translation is held for this verse.
यत्फलं समवाप्नोति कुंभकेदार दर्शनात् । बदर्याश्रमयात्रायां तत्तीर्थसेवनादपि
yatphalaṃ samavāpnoti kuṃbhakedāra darśanāt | badaryāśramayātrāyāṃ tattīrthasevanādapi
Sanskrit only: no published translation is held for this verse.
यत्फलं समवाप्नोति कुरुक्षेत्रे रविग्रहे । गजाश्व हेमदानेन यज्ञं कृत्वा सदक्षिणम्
yatphalaṃ samavāpnoti kurukṣetre ravigrahe | gajāśva hemadānena yajñaṃ kṛtvā sadakṣiṇam
Sanskrit only: no published translation is held for this verse.
तादृशं फलमाप्नोति अपरा व्रतसेवनात् । अर्धप्रसूतां गां दत्वा सुवर्णं वसुधां तथा
tādṛśaṃ phalamāpnoti aparā vratasevanāt | ardhaprasūtāṃ gāṃ datvā suvarṇaṃ vasudhāṃ tathā
Sanskrit only: no published translation is held for this verse.
नरो यत्फलमाप्नोति अपराया व्रतेन तत् । पापद्रुमकुठारीयं पापेंधन दवानलः
naro yatphalamāpnoti aparāyā vratena tat | pāpadrumakuṭhārīyaṃ pāpeṃdhana davānalaḥ
Sanskrit only: no published translation is held for this verse.
पापांधकारतरणिः पापसारंग केसरी । बुद्बुदा इव तोयेषु पुत्तिका इव जंतुषु
pāpāṃdhakārataraṇiḥ pāpasāraṃga kesarī | budbudā iva toyeṣu puttikā iva jaṃtuṣu
Sanskrit only: no published translation is held for this verse.
जायंते मरणायैव एकादश्या व्रतं विना । अपरां समुपोष्यैव पूजयित्वा त्रिविक्रमम्
jāyaṃte maraṇāyaiva ekādaśyā vrataṃ vinā | aparāṃ samupoṣyaiva pūjayitvā trivikramam
Sanskrit only: no published translation is held for this verse.
सर्वपापविनिर्मुक्तो विष्णुलोके महीयते । लोकानां च हितार्थाय तवाग्रे कथितं मया । पठनाच्छ्रवणाद्राजन्गोसहस्रफलं लभेत्
sarvapāpavinirmukto viṣṇuloke mahīyate | lokānāṃ ca hitārthāya tavāgre kathitaṃ mayā | paṭhanācchravaṇādrājangosahasraphalaṃ labhet
Sanskrit only: no published translation is held for this verse.