Padma Purāṇa 6.53

युधिष्ठिर उवाच- आषाढस्य सिते पक्षे का च एकादशी भवेत् । किं नाम को विधिस्तस्या एतद्विस्तरतो वद

yudhiṣṭhira uvāca- āṣāḍhasya site pakṣe kā ca ekādaśī bhavet | kiṃ nāma ko vidhistasyā etadvistarato vada

Sanskrit only: no published translation is held for this verse.

श्रीकृष्ण उवाच- कथयामि महापुण्यां स्वर्गमोक्षप्रदायिनीम् । शयनीं नामनामेति सर्वपापहरां पराम्

śrīkṛṣṇa uvāca- kathayāmi mahāpuṇyāṃ svargamokṣapradāyinīm | śayanīṃ nāmanāmeti sarvapāpaharāṃ parām

Sanskrit only: no published translation is held for this verse.

यस्याः श्रवणमात्रेण वाजपेयफलं लभेत् । सत्यं सत्यं मया प्रोक्तं नातः परतरं नृणाम्

yasyāḥ śravaṇamātreṇa vājapeyaphalaṃ labhet | satyaṃ satyaṃ mayā proktaṃ nātaḥ parataraṃ nṛṇām

Sanskrit only: no published translation is held for this verse.

पापिनां पापनाशाय सृष्टा धात्रा महोत्तमा । अतः परा न राजेंद्र वर्त्तते मोक्षदायिनी

pāpināṃ pāpanāśāya sṛṣṭā dhātrā mahottamā | ataḥ parā na rājeṃdra varttate mokṣadāyinī

Sanskrit only: no published translation is held for this verse.

एतस्मात्कारणाद्राजन्श्रूयतां गतिरुत्तमा । भवेन्नराणां श्रोतॄणां कथायाः श्रवणादपि

etasmātkāraṇādrājanśrūyatāṃ gatiruttamā | bhavennarāṇāṃ śrotṝṇāṃ kathāyāḥ śravaṇādapi

Sanskrit only: no published translation is held for this verse.

ते सदा वैष्णवा राजन्मम भक्तिपरायणाः । आषाढे वामनश्चैव पूज्यते परमेश्वरः

te sadā vaiṣṇavā rājanmama bhaktiparāyaṇāḥ | āṣāḍhe vāmanaścaiva pūjyate parameśvaraḥ

Sanskrit only: no published translation is held for this verse.

वामनः पूजितो येन कमलैः कमलेक्षणः । आषाढस्य सिते पक्षे कामिकाया दिने तथा

vāmanaḥ pūjito yena kamalaiḥ kamalekṣaṇaḥ | āṣāḍhasya site pakṣe kāmikāyā dine tathā

Sanskrit only: no published translation is held for this verse.

तेनार्चितं जगत्सर्वं त्रयो देवाः सनातनाः । कृता चैकादशी येन हरिवासरमुत्तमम्

tenārcitaṃ jagatsarvaṃ trayo devāḥ sanātanāḥ | kṛtā caikādaśī yena harivāsaramuttamam

Sanskrit only: no published translation is held for this verse.

युधिष्ठिर उवाच- संशयोऽस्ति महान्मेऽत्र श्रूयतां पुरुषोत्तम । कथं सुप्तोऽसि देवेश कथं च बलिमाश्रितः

yudhiṣṭhira uvāca- saṃśayo'sti mahānme'tra śrūyatāṃ puruṣottama | kathaṃ supto'si deveśa kathaṃ ca balimāśritaḥ

Sanskrit only: no published translation is held for this verse.

कथं च भूमौ संवेशः किं कुर्वंति जनाः परे । एतद्वद महाप्राज्ञ संशयोऽस्ति महान्मम

kathaṃ ca bhūmau saṃveśaḥ kiṃ kurvaṃti janāḥ pare | etadvada mahāprājña saṃśayo'sti mahānmama

Sanskrit only: no published translation is held for this verse.

श्रीकृष्ण उवाच - श्रूयतां राजशार्दूल कथां पापहरां पराम् । यस्याः श्रवणमात्रेण सर्वपापक्षयो भवेत्

śrīkṛṣṇa uvāca - śrūyatāṃ rājaśārdūla kathāṃ pāpaharāṃ parām | yasyāḥ śravaṇamātreṇa sarvapāpakṣayo bhavet

Sanskrit only: no published translation is held for this verse.

बलिनामा पूर्वमासीद्दैत्यस्त्रेतायुगे नृप । पूजयंश्चैव मां नित्यं मद्भक्तो मत्परायणः

balināmā pūrvamāsīddaityastretāyuge nṛpa | pūjayaṃścaiva māṃ nityaṃ madbhakto matparāyaṇaḥ

Sanskrit only: no published translation is held for this verse.

यज्ञैस्तु विधिवद्दैत्यो यजते मां सनातनम् । भक्त्या च परया राजन्यज्ञकृद्व्रतकृत्तथा

yajñaistu vidhivaddaityo yajate māṃ sanātanam | bhaktyā ca parayā rājanyajñakṛdvratakṛttathā

Sanskrit only: no published translation is held for this verse.

परं विचार्य बहुधा मघोना चैव सूक्तिभिः । गुरुणा दैवतैः सार्द्धं बहुधा पूजितोऽप्यहम्

paraṃ vicārya bahudhā maghonā caiva sūktibhiḥ | guruṇā daivataiḥ sārddhaṃ bahudhā pūjito'pyaham

Sanskrit only: no published translation is held for this verse.

ततो वामनरूपेण अवतारे च पंचमे । अत्युग्ररूपेण तदा सर्वब्रह्मांडरूपिणा

tato vāmanarūpeṇa avatāre ca paṃcame | atyugrarūpeṇa tadā sarvabrahmāṃḍarūpiṇā

Sanskrit only: no published translation is held for this verse.

वाक्छलेन जिता दैत्याः सत्यमाश्रित्य संस्थितः । शुक्रस्तं वारयामास यन्नारायण इत्ययम्

vākchalena jitā daityāḥ satyamāśritya saṃsthitaḥ | śukrastaṃ vārayāmāsa yannārāyaṇa ityayam

Sanskrit only: no published translation is held for this verse.

याचिता वसुधा राजन्सार्द्धत्रयपदी मया । संकल्पोदकमात्रे तु करे तेनैव चार्पिते

yācitā vasudhā rājansārddhatrayapadī mayā | saṃkalpodakamātre tu kare tenaiva cārpite

Sanskrit only: no published translation is held for this verse.

रूपमीदृग्विधं राजंस्तदा शृणु मया कृतम् । भूर्लोके चरणौ न्यस्य भुवर्लोके तु जानुनी

rūpamīdṛgvidhaṃ rājaṃstadā śṛṇu mayā kṛtam | bhūrloke caraṇau nyasya bhuvarloke tu jānunī

Sanskrit only: no published translation is held for this verse.

स्वर्लोके च कटिं न्यस्य महर्लोके तथोदरम् । जनलोके च हृदयं तपोलोके तु कंठकम्

svarloke ca kaṭiṃ nyasya maharloke tathodaram | janaloke ca hṛdayaṃ tapoloke tu kaṃṭhakam

Sanskrit only: no published translation is held for this verse.

सत्यलोके मुखं स्थाप्य मस्तकं च तदूर्द्ध्वकम् । चंद्रसूर्यग्रहाश्चैव नक्षत्राणि तथैव च

satyaloke mukhaṃ sthāpya mastakaṃ ca tadūrddhvakam | caṃdrasūryagrahāścaiva nakṣatrāṇi tathaiva ca

Sanskrit only: no published translation is held for this verse.

देवाः सेंद्राश्च नागाश्च यक्षगंधर्वकिन्नराः । स्तुवंतो वेदसंभूतैः सूक्तैश्च विविधैस्तथा

devāḥ seṃdrāśca nāgāśca yakṣagaṃdharvakinnarāḥ | stuvaṃto vedasaṃbhūtaiḥ sūktaiśca vividhaistathā

Sanskrit only: no published translation is held for this verse.

करे गृहीत्वा च बलिं त्रिपदैः पूरिता मही । अर्द्धं च तस्य पृष्ठे च पदं न्यस्तं मया तदा

kare gṛhītvā ca baliṃ tripadaiḥ pūritā mahī | arddhaṃ ca tasya pṛṣṭhe ca padaṃ nyastaṃ mayā tadā

Sanskrit only: no published translation is held for this verse.

गतो रसातलं राजन्दानवो मम पूजकः । क्षिप्तोऽधो दानवश्चैव किमकुर्वं ततः परम्

gato rasātalaṃ rājandānavo mama pūjakaḥ | kṣipto'dho dānavaścaiva kimakurvaṃ tataḥ param

Sanskrit only: no published translation is held for this verse.

विनयेनानतोसौ वै सुप्रसन्नो जनार्दनः । आषाढशुक्लपक्षे तु कामिका हरिवासरः

vinayenānatosau vai suprasanno janārdanaḥ | āṣāḍhaśuklapakṣe tu kāmikā harivāsaraḥ

Sanskrit only: no published translation is held for this verse.

तस्यामेका च मूर्तिर्मे बलिमाश्रित्य तिष्ठति । द्वितीया शेषपृष्ठे वै क्षीरसागरमध्यतः

tasyāmekā ca mūrtirme balimāśritya tiṣṭhati | dvitīyā śeṣapṛṣṭhe vai kṣīrasāgaramadhyataḥ

Sanskrit only: no published translation is held for this verse.

स्वपित्येव महाराज यावदागामि कार्तिकी । तावद्भवेत्सुधर्मात्मा सर्वधर्मोत्तमोत्तमः

svapityeva mahārāja yāvadāgāmi kārtikī | tāvadbhavetsudharmātmā sarvadharmottamottamaḥ

Sanskrit only: no published translation is held for this verse.

व्रतं च कुरुते मर्त्यः स याति परमां गतिम् । एतस्मात्कारणाद्राजन्कर्त्तव्या च प्रयत्नतः

vrataṃ ca kurute martyaḥ sa yāti paramāṃ gatim | etasmātkāraṇādrājankarttavyā ca prayatnataḥ

Sanskrit only: no published translation is held for this verse.

नातः परतरा काचित्पवित्रा पापनाशिनी । यस्यां स्वपिति देवेशः शंखचक्रगदाधरः

nātaḥ paratarā kācitpavitrā pāpanāśinī | yasyāṃ svapiti deveśaḥ śaṃkhacakragadādharaḥ

Sanskrit only: no published translation is held for this verse.

तस्यां च पूजयेद्देवं शंखचक्रगदाधरम् । रात्रौ जागरणं कृत्वा भक्त्या चैव विशेषतः

tasyāṃ ca pūjayeddevaṃ śaṃkhacakragadādharam | rātrau jāgaraṇaṃ kṛtvā bhaktyā caiva viśeṣataḥ

Sanskrit only: no published translation is held for this verse.

नास्याः पुण्यस्य संख्यानं कर्तुं शक्तश्चतुर्मुखः । एवं यः कुरुते राजन्नेकादश्या व्रतोत्तमम्

nāsyāḥ puṇyasya saṃkhyānaṃ kartuṃ śaktaścaturmukhaḥ | evaṃ yaḥ kurute rājannekādaśyā vratottamam

Sanskrit only: no published translation is held for this verse.

सर्वपापहरं चैव भुक्तिमुक्तिप्रदायकम् । स च लोके मम सदा श्वपचोऽपि प्रियंकरः

sarvapāpaharaṃ caiva bhuktimuktipradāyakam | sa ca loke mama sadā śvapaco'pi priyaṃkaraḥ

Sanskrit only: no published translation is held for this verse.

दीपदानेन पालाशपत्रे भुक्त्या व्रतेन च । चातुर्मास्यं नयंतीह ते नरा मम वल्लभाः

dīpadānena pālāśapatre bhuktyā vratena ca | cāturmāsyaṃ nayaṃtīha te narā mama vallabhāḥ

Sanskrit only: no published translation is held for this verse.

चातुर्मास्ये हरौ सुप्ते भूमिशायी भवेन्नरः । श्रावणे वर्जयेच्छाकं दधि भाद्रपदे तथा

cāturmāsye harau supte bhūmiśāyī bhavennaraḥ | śrāvaṇe varjayecchākaṃ dadhi bhādrapade tathā

Sanskrit only: no published translation is held for this verse.

दुग्धमाश्वयुजि त्याज्यं कार्तिके द्विदलं त्यजेत् । अथवा ब्रह्मचर्यस्थः स याति परमां गतिम्

dugdhamāśvayuji tyājyaṃ kārtike dvidalaṃ tyajet | athavā brahmacaryasthaḥ sa yāti paramāṃ gatim

Sanskrit only: no published translation is held for this verse.

एकादश्या व्रतेनैव पुमान्पापैर्विमुच्यते । कर्तव्या सर्वदा राजन्विस्मर्तव्या न कर्हिचित्

ekādaśyā vratenaiva pumānpāpairvimucyate | kartavyā sarvadā rājanvismartavyā na karhicit

Sanskrit only: no published translation is held for this verse.

शयनी बोधिनी मध्ये या कृष्णैकादशीभवेत् । सैवोपोष्या गृहस्थस्य नान्या कृष्णा कदाचन

śayanī bodhinī madhye yā kṛṣṇaikādaśībhavet | saivopoṣyā gṛhasthasya nānyā kṛṣṇā kadācana

Sanskrit only: no published translation is held for this verse.

शृणुयाच्चैव यो राजन्कथां पापहरां पराम् । अश्वमेधस्य यज्ञस्य फलं प्राप्नोति मानवः

śṛṇuyāccaiva yo rājankathāṃ pāpaharāṃ parām | aśvamedhasya yajñasya phalaṃ prāpnoti mānavaḥ

Sanskrit only: no published translation is held for this verse.