Library·Padma Purāṇa·6·6.54
युधिष्ठिर उवाच- श्रावणस्य सिते पक्षे किंनामैकादशीभवेत् । तन्नः कथय गोविंद वासुदेव नमोऽस्तु ते
yudhiṣṭhira uvāca- śrāvaṇasya site pakṣe kiṃnāmaikādaśībhavet | tannaḥ kathaya goviṃda vāsudeva namo'stu te
Sanskrit only: no published translation is held for this verse.
श्रीकृष्ण उवाच- शृणु राजन्प्रवक्ष्यामि आख्यानं पापनाशनम् । यत्प्रोक्तं ब्रह्मणा पूर्वं पृच्छते नारदाय वै
śrīkṛṣṇa uvāca- śṛṇu rājanpravakṣyāmi ākhyānaṃ pāpanāśanam | yatproktaṃ brahmaṇā pūrvaṃ pṛcchate nāradāya vai
Sanskrit only: no published translation is held for this verse.
नारद उवाच- भगवन्श्रोतुमिच्छामि त्वत्तोऽहं कमलासन । श्रावणस्यासिते पक्षे किं नामैकादशी भवेत्
nārada uvāca- bhagavanśrotumicchāmi tvatto'haṃ kamalāsana | śrāvaṇasyāsite pakṣe kiṃ nāmaikādaśī bhavet
Sanskrit only: no published translation is held for this verse.
को देवः को विधिस्तस्याः किं पुण्यं कथय प्रभो । इति तस्य वचः श्रुत्वा ब्रह्मा वचनमब्रवीत्
ko devaḥ ko vidhistasyāḥ kiṃ puṇyaṃ kathaya prabho | iti tasya vacaḥ śrutvā brahmā vacanamabravīt
Sanskrit only: no published translation is held for this verse.
ब्रह्मोवाच- शृणु नारद ते वच्मि लोकानां हितकाम्यया । श्रावणैकादशी कृष्णा कामिका नाम नामतः
brahmovāca- śṛṇu nārada te vacmi lokānāṃ hitakāmyayā | śrāvaṇaikādaśī kṛṣṇā kāmikā nāma nāmataḥ
Sanskrit only: no published translation is held for this verse.
अस्याः श्रवणमात्रेण वाजपेयफलं लभेत् । अस्यां यजति देवेशं शंखचक्रगदाधरम्
asyāḥ śravaṇamātreṇa vājapeyaphalaṃ labhet | asyāṃ yajati deveśaṃ śaṃkhacakragadādharam
Sanskrit only: no published translation is held for this verse.
श्रीधराख्यं हरिं विष्णुं माधवं मधुसूदनम् । पूजयेद्ध्यायते यो वै तस्य पुण्यंफलं शृणु
śrīdharākhyaṃ hariṃ viṣṇuṃ mādhavaṃ madhusūdanam | pūjayeddhyāyate yo vai tasya puṇyaṃphalaṃ śṛṇu
Sanskrit only: no published translation is held for this verse.
न गंगायां न काश्यां च नैमिषे न च पुष्करे । तत्फलं समवाप्नोति यत्फलं कृष्णपूजनात्
na gaṃgāyāṃ na kāśyāṃ ca naimiṣe na ca puṣkare | tatphalaṃ samavāpnoti yatphalaṃ kṛṣṇapūjanāt
Sanskrit only: no published translation is held for this verse.
गोदावर्यां गुरौ सिंहे व्यतीपाते च दंडके । यत्फलं समवाप्नोति तत्फलं कृष्णपूजनात्
godāvaryāṃ gurau siṃhe vyatīpāte ca daṃḍake | yatphalaṃ samavāpnoti tatphalaṃ kṛṣṇapūjanāt
Sanskrit only: no published translation is held for this verse.
ससागरवनोपेतां यो ददाति वसुंधराम् । कामिकाव्रतकारी च ह्युभौ समफलौ स्मृतौ
sasāgaravanopetāṃ yo dadāti vasuṃdharām | kāmikāvratakārī ca hyubhau samaphalau smṛtau
Sanskrit only: no published translation is held for this verse.
प्रसूयमानां यो धेनुं दद्यात्सोपस्करां नरः । तत्फलं समवाप्नोति कामिकाव्रतकारकः
prasūyamānāṃ yo dhenuṃ dadyātsopaskarāṃ naraḥ | tatphalaṃ samavāpnoti kāmikāvratakārakaḥ
Sanskrit only: no published translation is held for this verse.
श्रावणे श्रीधरं देवं पूजयेद्यो नरोत्तमः । तेनैव पूजिता देवा गंधर्वोरगपन्नगाः
śrāvaṇe śrīdharaṃ devaṃ pūjayedyo narottamaḥ | tenaiva pūjitā devā gaṃdharvoragapannagāḥ
Sanskrit only: no published translation is held for this verse.
तस्मात्सर्वप्रयत्नेन कामिकादिवसे हरिः । पूजनीयो यथाशक्ति मानुषैः पापभीरुभिः
tasmātsarvaprayatnena kāmikādivase hariḥ | pūjanīyo yathāśakti mānuṣaiḥ pāpabhīrubhiḥ
Sanskrit only: no published translation is held for this verse.
ये संसारार्णवे मग्नाः पापपंकसमाकुले । तेषामुद्धरणार्थाय कामिकाव्रतमुत्तमम्
ye saṃsārārṇave magnāḥ pāpapaṃkasamākule | teṣāmuddharaṇārthāya kāmikāvratamuttamam
Sanskrit only: no published translation is held for this verse.
नातः परतरा काचित्पवित्रा पापहारिणी । एवं नारद जानीहि स्वयमाह परो हरिः
nātaḥ paratarā kācitpavitrā pāpahāriṇī | evaṃ nārada jānīhi svayamāha paro hariḥ
Sanskrit only: no published translation is held for this verse.
अध्यात्मविद्या निरतैर्यत्फलं प्राप्यते नरैः । ततो बहुतरं विद्धि कामिकाव्रतसेविनाम्
adhyātmavidyā niratairyatphalaṃ prāpyate naraiḥ | tato bahutaraṃ viddhi kāmikāvratasevinām
Sanskrit only: no published translation is held for this verse.
रात्रौ जागरणं कृत्वा कामिकाव्रतकृन्नरः । न पश्यति यमं रौद्रं नैव गच्छति दुर्गतिम्
rātrau jāgaraṇaṃ kṛtvā kāmikāvratakṛnnaraḥ | na paśyati yamaṃ raudraṃ naiva gacchati durgatim
Sanskrit only: no published translation is held for this verse.
न पश्यति कुयोनिं च कामिकाव्रतसेवनात् । कामिकाया व्रते चीर्णे कैवल्यं योगिनो गताः
na paśyati kuyoniṃ ca kāmikāvratasevanāt | kāmikāyā vrate cīrṇe kaivalyaṃ yogino gatāḥ
Sanskrit only: no published translation is held for this verse.
तस्मात्सर्वप्रयत्नेन कर्तव्या नियतात्मभिः । तुलसीप्रभवैः पत्रैः यो नरः पूजयेद्धरिम्
tasmātsarvaprayatnena kartavyā niyatātmabhiḥ | tulasīprabhavaiḥ patraiḥ yo naraḥ pūjayeddharim
Sanskrit only: no published translation is held for this verse.
न लिप्यते स पापेन पद्मपत्रमिवांभसा । सुवर्णभारमेकं तु रजतं च चतुर्गुणम्
na lipyate sa pāpena padmapatramivāṃbhasā | suvarṇabhāramekaṃ tu rajataṃ ca caturguṇam
Sanskrit only: no published translation is held for this verse.
तत्फलं समवाप्नोति तुलसीदलपूजनात् । रत्न मौक्तिक वैडूर्य प्रवालादिभिरर्चितः
tatphalaṃ samavāpnoti tulasīdalapūjanāt | ratna mauktika vaiḍūrya pravālādibhirarcitaḥ
Sanskrit only: no published translation is held for this verse.
न तुष्यति तथा विष्णुस्तुलसीदलतो यथा । तुलसीमंजरीभिश्च पूजितो येन केशवः
na tuṣyati tathā viṣṇustulasīdalato yathā | tulasīmaṃjarībhiśca pūjito yena keśavaḥ
Sanskrit only: no published translation is held for this verse.
या दृष्टा निखिलाघसंघशमनी स्पृष्टा वपुः पावनी। रोगाणामभिवंदितानि रसिनी सिक्तांतकत्रासिनी । प्रत्यासत्तिविधायिनी भगवतः कृष्णस्य संरोपिता। न्यस्ता तच्चरणे विमुक्तिफलदा तस्यै तुलस्यै नमः
yā dṛṣṭā nikhilāghasaṃghaśamanī spṛṣṭā vapuḥ pāvanī| rogāṇāmabhivaṃditāni rasinī siktāṃtakatrāsinī | pratyāsattividhāyinī bhagavataḥ kṛṣṇasya saṃropitā| nyastā taccaraṇe vimuktiphaladā tasyai tulasyai namaḥ
Sanskrit only: no published translation is held for this verse.
दीपं ददाति यो मर्त्यो दिवारात्रं हरेर्दिने । तस्य पुण्यस्य संख्यातुं चित्रगुप्तो न वेत्त्यलम्
dīpaṃ dadāti yo martyo divārātraṃ harerdine | tasya puṇyasya saṃkhyātuṃ citragupto na vettyalam
Sanskrit only: no published translation is held for this verse.
कृष्णाग्रे दीपको यस्य ज्वलत्येकादशीदिने । पितरस्तस्य तृप्यंति अमृतेन दिवि स्थिताः
kṛṣṇāgre dīpako yasya jvalatyekādaśīdine | pitarastasya tṛpyaṃti amṛtena divi sthitāḥ
Sanskrit only: no published translation is held for this verse.
घृतेन दीपं प्रज्वाल्य तिलतैलेन वा पुनः । प्रयाति सूर्यलोकं च दीपकोटिशतार्चितः
ghṛtena dīpaṃ prajvālya tilatailena vā punaḥ | prayāti sūryalokaṃ ca dīpakoṭiśatārcitaḥ
Sanskrit only: no published translation is held for this verse.
अयं तवाग्रे कथितः कामिकामहिमा मया । अतो नरैः प्रकर्त्तव्या सर्वपातकहारिणी
ayaṃ tavāgre kathitaḥ kāmikāmahimā mayā | ato naraiḥ prakarttavyā sarvapātakahāriṇī
Sanskrit only: no published translation is held for this verse.
ब्रह्महत्यापहरणी भ्रूणहत्याविनाशिनी । वैष्णवस्थानदात्री च महापुण्यफलप्रदा
brahmahatyāpaharaṇī bhrūṇahatyāvināśinī | vaiṣṇavasthānadātrī ca mahāpuṇyaphalapradā
Sanskrit only: no published translation is held for this verse.
श्रुत्वा माहात्म्यमेतस्या नरः श्रद्धासमन्वितः । विष्णुलोकमवाप्नोति सर्वपापैः प्रमुच्यते
śrutvā māhātmyametasyā naraḥ śraddhāsamanvitaḥ | viṣṇulokamavāpnoti sarvapāpaiḥ pramucyate
Sanskrit only: no published translation is held for this verse.