Library·Padma Purāṇa·6·6.56
युधिष्ठिर उवाच- भाद्रस्य कृष्णपक्षे तु किंनामैकादशीभवेत् । एतदिच्छाम्यहं श्रोतुं कथयस्व जनार्दन
yudhiṣṭhira uvāca- bhādrasya kṛṣṇapakṣe tu kiṃnāmaikādaśībhavet | etadicchāmyahaṃ śrotuṃ kathayasva janārdana
Sanskrit only: no published translation is held for this verse.
श्रीकृष्ण उवाच- शृणुष्वैकमना राजन्कथयिष्यामि विस्तरात् । अजेति नामतः प्रोक्ता सर्वपापप्रणाशिनी
śrīkṛṣṇa uvāca- śṛṇuṣvaikamanā rājankathayiṣyāmi vistarāt | ajeti nāmataḥ proktā sarvapāpapraṇāśinī
Sanskrit only: no published translation is held for this verse.
पूजयित्वा हृषीकेशं व्रतमस्यां करोति यः । पापानि तस्य नश्यंति व्रतस्य श्रवणादपि
pūjayitvā hṛṣīkeśaṃ vratamasyāṃ karoti yaḥ | pāpāni tasya naśyaṃti vratasya śravaṇādapi
Sanskrit only: no published translation is held for this verse.
नातः परतरा राजन्लोकद्वयहिताय वै । सत्यमुक्तं मया ह्येतन्नासत्यं मम भाषितम्
nātaḥ paratarā rājanlokadvayahitāya vai | satyamuktaṃ mayā hyetannāsatyaṃ mama bhāṣitam
Sanskrit only: no published translation is held for this verse.
हरिश्चन्द्र इति ख्यातो बभूव नृपतिः पुरा । चक्रवर्ती सत्यसंधः समस्ताया भुवः पतिः
hariścandra iti khyāto babhūva nṛpatiḥ purā | cakravartī satyasaṃdhaḥ samastāyā bhuvaḥ patiḥ
Sanskrit only: no published translation is held for this verse.
कस्यापि कर्मणः प्राप्तौ राज्यभ्रष्टो बभूव सः । विक्रीतौ वनितापुत्रौ स चकारात्मविक्रयम्
kasyāpi karmaṇaḥ prāptau rājyabhraṣṭo babhūva saḥ | vikrītau vanitāputrau sa cakārātmavikrayam
Sanskrit only: no published translation is held for this verse.
पुल्कसस्य च दासत्वं गतो राजा स पुण्यकृत् । सत्यमालंब्य राजेंद्र मृतचैलापहारकः
pulkasasya ca dāsatvaṃ gato rājā sa puṇyakṛt | satyamālaṃbya rājeṃdra mṛtacailāpahārakaḥ
Sanskrit only: no published translation is held for this verse.
सोऽभवन्नृपतिश्रेष्ठो न सत्याच्चलितस्तथा । एवं च तस्य नृपतेर्बहवो वत्सरा गताः
so'bhavannṛpatiśreṣṭho na satyāccalitastathā | evaṃ ca tasya nṛpaterbahavo vatsarā gatāḥ
Sanskrit only: no published translation is held for this verse.
ततश्चिंतापरो राजा स बभूवातिदुःखितः । किं करोमि क्व गच्छामि निष्कृतिर्मे कथं भवेत्
tataściṃtāparo rājā sa babhūvātiduḥkhitaḥ | kiṃ karomi kva gacchāmi niṣkṛtirme kathaṃ bhavet
Sanskrit only: no published translation is held for this verse.
इति चिंतयतस्तस्य मग्नस्य वृजिनार्णवे । आजगाम मुनिः कश्चिज्ज्ञात्वा राजानमातुरम्
iti ciṃtayatastasya magnasya vṛjinārṇave | ājagāma muniḥ kaścijjñātvā rājānamāturam
Sanskrit only: no published translation is held for this verse.
परोपकारणार्थाय निर्मिता ब्रह्मणा द्विजाः । स तं दृष्ट्वा द्विजवरं ननाम नृपसत्तमः
paropakāraṇārthāya nirmitā brahmaṇā dvijāḥ | sa taṃ dṛṣṭvā dvijavaraṃ nanāma nṛpasattamaḥ
Sanskrit only: no published translation is held for this verse.
कृतांजलिपुटो भूत्वा गौतमस्याग्रतः स्थितः । कथयामास वृत्तांतमात्मनो दुःखसंयुतम्
kṛtāṃjalipuṭo bhūtvā gautamasyāgrataḥ sthitaḥ | kathayāmāsa vṛttāṃtamātmano duḥkhasaṃyutam
Sanskrit only: no published translation is held for this verse.
श्रुत्वा नृपतिवाक्यानि गौतमो विस्मयान्वितः । उपदेशं नृपतये व्रतस्यास्य ददौ मुनिः
śrutvā nṛpativākyāni gautamo vismayānvitaḥ | upadeśaṃ nṛpataye vratasyāsya dadau muniḥ
Sanskrit only: no published translation is held for this verse.
मासि भाद्रपदे राजन्कृष्णपक्षेति शोभना । एकादशी समायाता अजा नामेति पुण्यदा
māsi bhādrapade rājankṛṣṇapakṣeti śobhanā | ekādaśī samāyātā ajā nāmeti puṇyadā
Sanskrit only: no published translation is held for this verse.
अस्याः कुरु व्रतं राजन्पापस्यांतो भविष्यति । तव भाग्यवशादेषा सप्तमेऽह्नि समागता
asyāḥ kuru vrataṃ rājanpāpasyāṃto bhaviṣyati | tava bhāgyavaśādeṣā saptame'hni samāgatā
Sanskrit only: no published translation is held for this verse.
उपवासपरो भूत्वा रात्रौ जागरणं कुरु । एवमस्या व्रते चीर्णे तव पापक्षयो ध्रुवम्
upavāsaparo bhūtvā rātrau jāgaraṇaṃ kuru | evamasyā vrate cīrṇe tava pāpakṣayo dhruvam
Sanskrit only: no published translation is held for this verse.
तव पुण्यप्रभावेण चागतोऽहं नृपोत्तम । इत्येवं कथयित्वा च मुनिरंतरधीयत
tava puṇyaprabhāveṇa cāgato'haṃ nṛpottama | ityevaṃ kathayitvā ca muniraṃtaradhīyata
Sanskrit only: no published translation is held for this verse.
मुनिवाक्यं नृपः श्रुत्वा चकार व्रतमुत्तमम् । कृते तस्मिन्व्रते राज्ञः पापस्यांतोऽभवत्क्षणात्
munivākyaṃ nṛpaḥ śrutvā cakāra vratamuttamam | kṛte tasminvrate rājñaḥ pāpasyāṃto'bhavatkṣaṇāt
Sanskrit only: no published translation is held for this verse.
श्रूयतां राजशार्दूल प्रभावोऽस्य व्रतस्य च । यद्दुःखंबहुभिर्वर्षैर्भोक्तव्यंतत्क्षयोभवेत्
śrūyatāṃ rājaśārdūla prabhāvo'sya vratasya ca | yadduḥkhaṃbahubhirvarṣairbhoktavyaṃtatkṣayobhavet
Sanskrit only: no published translation is held for this verse.
निस्तीर्णदुःखो राजासीद्व्रतस्यास्य प्रभावतः । पत्न्या सह समायोगं पुत्रजीवनमाप सः
nistīrṇaduḥkho rājāsīdvratasyāsya prabhāvataḥ | patnyā saha samāyogaṃ putrajīvanamāpa saḥ
Sanskrit only: no published translation is held for this verse.
दिवि दुंदुभयो नेदुः पुष्पवर्षमभूद्दिवः । एकादश्याः प्रभावेन प्राप्यराज्यमकंटकम्
divi duṃdubhayo neduḥ puṣpavarṣamabhūddivaḥ | ekādaśyāḥ prabhāvena prāpyarājyamakaṃṭakam
Sanskrit only: no published translation is held for this verse.
स्वर्गं लेभे हरिश्चंद्रः सपुरः सपरिच्छदः । ईदृग्विधं व्रतंराजन्ये कुर्वंति च मानवाः
svargaṃ lebhe hariścaṃdraḥ sapuraḥ saparicchadaḥ | īdṛgvidhaṃ vrataṃrājanye kurvaṃti ca mānavāḥ
Sanskrit only: no published translation is held for this verse.
सर्वपापविनिर्मुक्तास्त्रिदिवं यांति ते नृप । पठनाच्छ्रवणाद्वापि अश्वमेधफलं लभेत्
sarvapāpavinirmuktāstridivaṃ yāṃti te nṛpa | paṭhanācchravaṇādvāpi aśvamedhaphalaṃ labhet
Sanskrit only: no published translation is held for this verse.