Padma Purāṇa 6.58

युधिष्ठिर उवाच- कथयस्व प्रसादेन ममाग्रे मधुसूदन । इषस्य कृष्णपक्षे तु किंनामैकादशीभवेत्

yudhiṣṭhira uvāca- kathayasva prasādena mamāgre madhusūdana | iṣasya kṛṣṇapakṣe tu kiṃnāmaikādaśībhavet

Sanskrit only: no published translation is held for this verse.

श्रीकृष्ण उवाच- आश्विने कृष्णपक्षे तु इंदिरा नाम नामतः । तस्या व्रतप्रभावेन महापापं प्रणश्यति

śrīkṛṣṇa uvāca- āśvine kṛṣṇapakṣe tu iṃdirā nāma nāmataḥ | tasyā vrataprabhāvena mahāpāpaṃ praṇaśyati

Sanskrit only: no published translation is held for this verse.

अधोयोनि गतानां च पितॄणां गतिदायिनी । शृणुष्वावहितो राजन्कथां पापहरां पराम्

adhoyoni gatānāṃ ca pitṝṇāṃ gatidāyinī | śṛṇuṣvāvahito rājankathāṃ pāpaharāṃ parām

Sanskrit only: no published translation is held for this verse.

यस्याः श्रवणमात्रेण वाजपेयफलं लभेत् । पुरा कृतयुगे राजन्बभूव नृपनंदनः

yasyāḥ śravaṇamātreṇa vājapeyaphalaṃ labhet | purā kṛtayuge rājanbabhūva nṛpanaṃdanaḥ

Sanskrit only: no published translation is held for this verse.

इंद्रसेन इति ख्यातः पुरा माहिष्मतीपतिः । स राजा पालयामास धर्मेण यशसान्वितः

iṃdrasena iti khyātaḥ purā māhiṣmatīpatiḥ | sa rājā pālayāmāsa dharmeṇa yaśasānvitaḥ

Sanskrit only: no published translation is held for this verse.

पुत्रपौत्रसमायुक्तो धनधान्यसमन्वितः । माहिष्मत्यधिपो राजा विष्णुभक्तिपरायणः

putrapautrasamāyukto dhanadhānyasamanvitaḥ | māhiṣmatyadhipo rājā viṣṇubhaktiparāyaṇaḥ

Sanskrit only: no published translation is held for this verse.

जपन्गोविंदनामानि मुक्तिदानि नराधिपः । कालं नयति विधिवदध्यात्मध्यानचिंतकः

japangoviṃdanāmāni muktidāni narādhipaḥ | kālaṃ nayati vidhivadadhyātmadhyānaciṃtakaḥ

Sanskrit only: no published translation is held for this verse.

एकस्मिन्दिवसे राज्ञि सुखासीने सदो गते । अवतीर्यागमत्तत्र ह्यंबरान्नारदो मुनिः

ekasmindivase rājñi sukhāsīne sado gate | avatīryāgamattatra hyaṃbarānnārado muniḥ

Sanskrit only: no published translation is held for this verse.

तमागतमभिप्रेक्ष्य प्रत्युत्थाय कृतांजलि । पूजयित्वाथ विधिना चासने संन्यवेशयत्

tamāgatamabhiprekṣya pratyutthāya kṛtāṃjali | pūjayitvātha vidhinā cāsane saṃnyaveśayat

Sanskrit only: no published translation is held for this verse.

सुखोपविष्टं स मुनिं प्रत्युवाच नृपोत्तमः । राजोवाच-। त्वत्प्रसादान्मुनिश्रेष्ठ सर्वं च कुशलं मम

sukhopaviṣṭaṃ sa muniṃ pratyuvāca nṛpottamaḥ | rājovāca-| tvatprasādānmuniśreṣṭha sarvaṃ ca kuśalaṃ mama

Sanskrit only: no published translation is held for this verse.

अद्य क्रतुक्रियाः सर्वाः सफलास्तव दर्शनात् । प्रसादं कुरु देवर्षे ब्रूह्यागमनकारणम्

adya kratukriyāḥ sarvāḥ saphalāstava darśanāt | prasādaṃ kuru devarṣe brūhyāgamanakāraṇam

Sanskrit only: no published translation is held for this verse.

नारद उवाच- श्रूयतां नृपशार्दूल मद्वचो विस्मयप्रदम् । ब्रह्मलोकादहं प्राप्तो यमलोकं नृपोत्तम

nārada uvāca- śrūyatāṃ nṛpaśārdūla madvaco vismayapradam | brahmalokādahaṃ prāpto yamalokaṃ nṛpottama

Sanskrit only: no published translation is held for this verse.

शमनेनार्चितो भक्त्या उपविष्टो वरासने । धर्मशीलः सत्यवांस्तु भास्करिं समुपासते

śamanenārcito bhaktyā upaviṣṭo varāsane | dharmaśīlaḥ satyavāṃstu bhāskariṃ samupāsate

Sanskrit only: no published translation is held for this verse.

बहुपुण्यप्रकर्त्ता च व्रतवैकल्यदोषतः । सभायां श्राद्धदेवस्य मया दृष्टः पिता तव

bahupuṇyaprakarttā ca vratavaikalyadoṣataḥ | sabhāyāṃ śrāddhadevasya mayā dṛṣṭaḥ pitā tava

Sanskrit only: no published translation is held for this verse.

कथितस्तेन संदेशस्तं निबोध जनेश्वर । इंद्रसेन इति ख्यातो राजा माहिष्मतीपतिः

kathitastena saṃdeśastaṃ nibodha janeśvara | iṃdrasena iti khyāto rājā māhiṣmatīpatiḥ

Sanskrit only: no published translation is held for this verse.

तस्याग्रे कथयब्रह्मन्स्थितं मां यमसंनिधौ । केनापि चांतरायेण पूर्वजन्मोद्भवेन च

tasyāgre kathayabrahmansthitaṃ māṃ yamasaṃnidhau | kenāpi cāṃtarāyeṇa pūrvajanmodbhavena ca

Sanskrit only: no published translation is held for this verse.

स्वर्गं प्रेषय मां पुत्र इंदिरा पुण्य दानतः । इत्युक्तोऽहं समायातः समीपं तव पार्थिव

svargaṃ preṣaya māṃ putra iṃdirā puṇya dānataḥ | ityukto'haṃ samāyātaḥ samīpaṃ tava pārthiva

Sanskrit only: no published translation is held for this verse.

पितुः स्वर्गकृते राजन्निंदिरा व्रतमाचर । तेन व्रतप्रभावेन स्वर्गं यास्यति ते पिता

pituḥ svargakṛte rājanniṃdirā vratamācara | tena vrataprabhāvena svargaṃ yāsyati te pitā

Sanskrit only: no published translation is held for this verse.

राजोवाच- कथयस्व प्रसादेन भगवन्निंदिरा व्रतम् । विधिना केन कर्त्तव्यं कस्मिन्पक्षे तिथौ तथा

rājovāca- kathayasva prasādena bhagavanniṃdirā vratam | vidhinā kena karttavyaṃ kasminpakṣe tithau tathā

Sanskrit only: no published translation is held for this verse.

नारदउवाच- शृणु राजेंद्र ते वच्मि व्रतस्यास्य विधिं शुभम् । आश्विनस्यासिते पक्षे दशमी दिवसे शुभे

nāradauvāca- śṛṇu rājeṃdra te vacmi vratasyāsya vidhiṃ śubham | āśvinasyāsite pakṣe daśamī divase śubhe

Sanskrit only: no published translation is held for this verse.

प्रातःस्नानं प्रकुर्वीत श्रद्धायुक्तेन चेतसा । ततो मध्याह्नसमये स्नानं कृत्वा समाहितः

prātaḥsnānaṃ prakurvīta śraddhāyuktena cetasā | tato madhyāhnasamaye snānaṃ kṛtvā samāhitaḥ

Sanskrit only: no published translation is held for this verse.

पितॄणां प्रीतये श्राद्धं कुर्याच्छ्रद्धा समन्वितः । एकभक्तं ततः कृत्वा रात्रौ भूमौ शयीत च । प्रभाते विमले जाते प्राप्ते चैकादशी दिने

pitṝṇāṃ prītaye śrāddhaṃ kuryācchraddhā samanvitaḥ | ekabhaktaṃ tataḥ kṛtvā rātrau bhūmau śayīta ca | prabhāte vimale jāte prāpte caikādaśī dine

Sanskrit only: no published translation is held for this verse.

मुख प्रक्षालनं कुर्याद्दंतधावन वर्जितम् । उपवासस्य नियमं गृह्णीयाद्भक्तिभावतः

mukha prakṣālanaṃ kuryāddaṃtadhāvana varjitam | upavāsasya niyamaṃ gṛhṇīyādbhaktibhāvataḥ

Sanskrit only: no published translation is held for this verse.

अद्यस्थित्वा निराहारः सर्वभोग विवर्जितः । श्वो भोक्ष्ये पुंडरीकाक्ष शरणं मे भवाच्युत

adyasthitvā nirāhāraḥ sarvabhoga vivarjitaḥ | śvo bhokṣye puṃḍarīkākṣa śaraṇaṃ me bhavācyuta

Sanskrit only: no published translation is held for this verse.

इत्येवं नियमं कृत्वा मध्याह्न समये तथा । शालग्राम शिलाग्रे तु स्नानं कुर्याद्यथाविधि

ityevaṃ niyamaṃ kṛtvā madhyāhna samaye tathā | śālagrāma śilāgre tu snānaṃ kuryādyathāvidhi

Sanskrit only: no published translation is held for this verse.

पूजयित्वा हृषीकेशं धूप गंधादिभिस्तथा । रात्रौ जागरणं कुर्यात्केशवस्य समीपतः

pūjayitvā hṛṣīkeśaṃ dhūpa gaṃdhādibhistathā | rātrau jāgaraṇaṃ kuryātkeśavasya samīpataḥ

Sanskrit only: no published translation is held for this verse.

ततः प्रभातसमये प्राप्ते वै द्वादशी दिने । अर्चयित्वा हरिं भक्त्या श्राद्धं कुर्याद्यथाविधि

tataḥ prabhātasamaye prāpte vai dvādaśī dine | arcayitvā hariṃ bhaktyā śrāddhaṃ kuryādyathāvidhi

Sanskrit only: no published translation is held for this verse.

पितॄणां प्रीतये श्राद्धं कुर्याच्छ्रद्धा समन्वितः । गोधूम चूर्णैर्यछ्राद्धं कृतं मेध्यकृतं भवेत्

pitṝṇāṃ prītaye śrāddhaṃ kuryācchraddhā samanvitaḥ | godhūma cūrṇairyachrāddhaṃ kṛtaṃ medhyakṛtaṃ bhavet

Sanskrit only: no published translation is held for this verse.

यवैर्व्रीहितिलैर्माषैर्गोधूमैश्चणकैस्तथा । ब्राह्मणान्भोजयेद्राजन् दक्षिणाभिः प्रपूजितान्

yavairvrīhitilairmāṣairgodhūmaiścaṇakaistathā | brāhmaṇānbhojayedrājan dakṣiṇābhiḥ prapūjitān

Sanskrit only: no published translation is held for this verse.

बंधु दौहित्र पुत्राद्यैः स्वयं भुंजीत वाग्यतः । अनेन विधिना राजन्कुरुव्रतमतंद्रितः

baṃdhu dauhitra putrādyaiḥ svayaṃ bhuṃjīta vāgyataḥ | anena vidhinā rājankuruvratamataṃdritaḥ

Sanskrit only: no published translation is held for this verse.

विष्णुलोकं प्रयास्यंति पितरस्तव भूपते । इत्युक्त्वा नृपतिं राजन्मुनिरंतरधीयत

viṣṇulokaṃ prayāsyaṃti pitarastava bhūpate | ityuktvā nṛpatiṃ rājanmuniraṃtaradhīyata

Sanskrit only: no published translation is held for this verse.

यथोक्त विधिना राजा चकार व्रतमुत्तमम् । अंतःपुरेण सहितः पुत्रभृत्य समन्वितः

yathokta vidhinā rājā cakāra vratamuttamam | aṃtaḥpureṇa sahitaḥ putrabhṛtya samanvitaḥ

Sanskrit only: no published translation is held for this verse.

कृते व्रते तु कौंतेय पुष्पवृष्टिरभूद्दिवः । तत्पिता गरुडारूढो जगाम हरिमंदिरम्

kṛte vrate tu kauṃteya puṣpavṛṣṭirabhūddivaḥ | tatpitā garuḍārūḍho jagāma harimaṃdiram

Sanskrit only: no published translation is held for this verse.

इंद्रसेनोऽपिराजर्षिः कृत्वा राज्यमकंटकम् । राज्ये निवेश्य तनयं जगाम त्रिदिवं स्वयम्

iṃdraseno'pirājarṣiḥ kṛtvā rājyamakaṃṭakam | rājye niveśya tanayaṃ jagāma tridivaṃ svayam

Sanskrit only: no published translation is held for this verse.

इंदिरा व्रत माहात्म्यं तवाग्रे कथितं मया । पठनाच्छ्रवणाद्राजन् सर्वपापैः प्रमुच्यते

iṃdirā vrata māhātmyaṃ tavāgre kathitaṃ mayā | paṭhanācchravaṇādrājan sarvapāpaiḥ pramucyate

Sanskrit only: no published translation is held for this verse.

भुक्त्वेह निखिलान्भोगान् विष्णुलोके वसेच्चिरम्

bhuktveha nikhilānbhogān viṣṇuloke vasecciram

Sanskrit only: no published translation is held for this verse.

इति श्रीपाद्मेमहापुराणे पंचपंचाशत्साहस्र्यांसंहितायाम् उत्तरखंडे । उमापतिनारदसंवादे आश्विनकृष्णेंदिरैकादशीनामाष्टपंचाशत्तमोऽध्यायः

iti śrīpādmemahāpurāṇe paṃcapaṃcāśatsāhasryāṃsaṃhitāyām uttarakhaṃḍe | umāpatināradasaṃvāde āśvinakṛṣṇeṃdiraikādaśīnāmāṣṭapaṃcāśattamo'dhyāyaḥ

Sanskrit only: no published translation is held for this verse.