Library·Padma Purāṇa·6·6.59
युधिष्ठिर उवाच- कथयस्व प्रसादेन ममाग्रे मधुसूदन । इषस्य शुक्लपक्षे तु किं नामैकादशीभवेत्
yudhiṣṭhira uvāca- kathayasva prasādena mamāgre madhusūdana | iṣasya śuklapakṣe tu kiṃ nāmaikādaśībhavet
Sanskrit only: no published translation is held for this verse.
श्रीकृष्ण उवाच- शृणुराजेंद्र वक्ष्यामि माहात्म्यं पाप नाशनम् । शुक्लपक्षे चाश्विनस्य भवेदेकादशी तु या
śrīkṛṣṇa uvāca- śṛṇurājeṃdra vakṣyāmi māhātmyaṃ pāpa nāśanam | śuklapakṣe cāśvinasya bhavedekādaśī tu yā
Sanskrit only: no published translation is held for this verse.
पापांकुशेति विख्याता सर्वपापहरा परा । पद्मनाभाभिधानं मां पूजयेत्तत्र मानवः
pāpāṃkuśeti vikhyātā sarvapāpaharā parā | padmanābhābhidhānaṃ māṃ pūjayettatra mānavaḥ
Sanskrit only: no published translation is held for this verse.
सर्वाभीष्ट फलं प्राप्तौ स्वर्गमोक्षप्रदं नृणाम् । तपस्तप्त्वा पुनस्तीव्रं चिरं सुनियतेन्द्रियः
sarvābhīṣṭa phalaṃ prāptau svargamokṣapradaṃ nṛṇām | tapastaptvā punastīvraṃ ciraṃ suniyatendriyaḥ
Sanskrit only: no published translation is held for this verse.
न याति नरकं नत्वा सर्वपापहरं हरिम् । पृथिव्यां यानि तीर्थानि पुण्यान्यायतनानि च
na yāti narakaṃ natvā sarvapāpaharaṃ harim | pṛthivyāṃ yāni tīrthāni puṇyānyāyatanāni ca
Sanskrit only: no published translation is held for this verse.
तानि सर्वाण्यवाप्नोति विष्णोर्नामानुकीर्त्तनात् । देवं शार्ङ्गधरं विष्णुं ये प्रपन्ना जनार्दनम्
tāni sarvāṇyavāpnoti viṣṇornāmānukīrttanāt | devaṃ śārṅgadharaṃ viṣṇuṃ ye prapannā janārdanam
Sanskrit only: no published translation is held for this verse.
न तेषां यमलोकस्य यातना जायते क्वचित् । उपोष्यैकादशीमेकां प्रसंगेनापि मानवः । न याति यातनां यामीं पापं कृत्वापि दारुणम्
na teṣāṃ yamalokasya yātanā jāyate kvacit | upoṣyaikādaśīmekāṃ prasaṃgenāpi mānavaḥ | na yāti yātanāṃ yāmīṃ pāpaṃ kṛtvāpi dāruṇam
Sanskrit only: no published translation is held for this verse.
वैष्णवः पुरुषो भूत्वा शिवनिंदां करोति यः । न विंदेद्वैष्णवं लोकं स याति नरकं ध्रुवम्
vaiṣṇavaḥ puruṣo bhūtvā śivaniṃdāṃ karoti yaḥ | na viṃdedvaiṣṇavaṃ lokaṃ sa yāti narakaṃ dhruvam
Sanskrit only: no published translation is held for this verse.
शैवः पाशुपतो भूत्वा विष्णुनिंदां करोति चेत् । रौरवे पच्यते घोरे यावदिन्द्राश्चतुर्दश
śaivaḥ pāśupato bhūtvā viṣṇuniṃdāṃ karoti cet | raurave pacyate ghore yāvadindrāścaturdaśa
Sanskrit only: no published translation is held for this verse.
नेदृशं पावनं किंचित्त्रिषु लोकेषु विद्यते । यादृशं पद्मनाभस्य व्रतं पातकनाशनम्
nedṛśaṃ pāvanaṃ kiṃcittriṣu lokeṣu vidyate | yādṛśaṃ padmanābhasya vrataṃ pātakanāśanam
Sanskrit only: no published translation is held for this verse.
तावत्पापानि देहेऽस्मिन्तिष्ठंति मनुजाधिपम् । यावन्नोपवसेज्जंतुः पद्मनाभदिनं शुभम्
tāvatpāpāni dehe'smintiṣṭhaṃti manujādhipam | yāvannopavasejjaṃtuḥ padmanābhadinaṃ śubham
Sanskrit only: no published translation is held for this verse.
अश्वमेधसहस्राणि राजसूयशतानि च । एकादश्युपवासस्य कलां नार्हंति षोडशीम्
aśvamedhasahasrāṇi rājasūyaśatāni ca | ekādaśyupavāsasya kalāṃ nārhaṃti ṣoḍaśīm
Sanskrit only: no published translation is held for this verse.
एकादशीसमं किंचिद्व्रतं लोके न विद्यते । व्याजेनापि कृता यैश्च न ते यांति हि भास्करिम्
ekādaśīsamaṃ kiṃcidvrataṃ loke na vidyate | vyājenāpi kṛtā yaiśca na te yāṃti hi bhāskarim
Sanskrit only: no published translation is held for this verse.
स्वर्गमोक्षप्रदा ह्येषा शरीरारोग्यदायिनी । कलत्रसुतदा ह्येषा धनमित्रप्रदायिनी
svargamokṣapradā hyeṣā śarīrārogyadāyinī | kalatrasutadā hyeṣā dhanamitrapradāyinī
Sanskrit only: no published translation is held for this verse.
न गंगा न गया राजन्न च काशी च पुष्करम् । न चापि कौरवं क्षेत्रं पुण्यं भूप हरेर्दिनात्
na gaṃgā na gayā rājanna ca kāśī ca puṣkaram | na cāpi kauravaṃ kṣetraṃ puṇyaṃ bhūpa harerdināt
Sanskrit only: no published translation is held for this verse.
रात्रौ जागरणं कृत्वा समुपोष्य हरेर्दिनम् । अनायासेन भूपाल प्राप्यते वैष्णवं पदम्
rātrau jāgaraṇaṃ kṛtvā samupoṣya harerdinam | anāyāsena bhūpāla prāpyate vaiṣṇavaṃ padam
Sanskrit only: no published translation is held for this verse.
दशैव मातृके पक्षे राजेंद्र दश पैतृके । प्रियाया दशपक्षे तु पुरुषानुद्धरेन्नरः
daśaiva mātṛke pakṣe rājeṃdra daśa paitṛke | priyāyā daśapakṣe tu puruṣānuddharennaraḥ
Sanskrit only: no published translation is held for this verse.
चतुर्भुजा दिव्यरूपा नागारिकृतकेतनाः । स्रग्विणः पीतवस्त्राश्च प्रयांति हरिमंदिरम्
caturbhujā divyarūpā nāgārikṛtaketanāḥ | sragviṇaḥ pītavastrāśca prayāṃti harimaṃdiram
Sanskrit only: no published translation is held for this verse.
बालत्वे यौवनत्वे च वृद्धत्वे च नृपोत्तम । उपोष्यैकादशीं नूनं नैव प्राप्नोति दुर्गतिम्
bālatve yauvanatve ca vṛddhatve ca nṛpottama | upoṣyaikādaśīṃ nūnaṃ naiva prāpnoti durgatim
Sanskrit only: no published translation is held for this verse.
पापांकुशामुपोष्यैव आश्विनस्य सिते नरः । सर्वपापविनिर्मुक्तो हरिलोकं स गच्छति
pāpāṃkuśāmupoṣyaiva āśvinasya site naraḥ | sarvapāpavinirmukto harilokaṃ sa gacchati
Sanskrit only: no published translation is held for this verse.
दत्त्वा हेमतिलान्भूमिं गामन्नमुदकं तथा । उपानच्छत्रवस्त्रादीन्न पश्यति यमं नरः
dattvā hematilānbhūmiṃ gāmannamudakaṃ tathā | upānacchatravastrādīnna paśyati yamaṃ naraḥ
Sanskrit only: no published translation is held for this verse.
यस्य पुण्यविहीनानि दिनान्यायांति यांति च । स लोहकारभस्त्रेव श्वसन्नपि न जीवति
yasya puṇyavihīnāni dinānyāyāṃti yāṃti ca | sa lohakārabhastreva śvasannapi na jīvati
Sanskrit only: no published translation is held for this verse.
अवंध्यं दिवसं कुर्याद्दरिद्रोऽपि नृपोत्तम । सदाचरन्यथाशक्ति स्नानदानादिकाः क्रियाः
avaṃdhyaṃ divasaṃ kuryāddaridro'pi nṛpottama | sadācaranyathāśakti snānadānādikāḥ kriyāḥ
Sanskrit only: no published translation is held for this verse.
होमस्नानजपध्यानसत्रादिपुण्यकर्मणाम् । कर्त्तारो नैव पश्यंति घोरां तां यमयातनाम्
homasnānajapadhyānasatrādipuṇyakarmaṇām | karttāro naiva paśyaṃti ghorāṃ tāṃ yamayātanām
Sanskrit only: no published translation is held for this verse.
दीर्घायुषो धनाढ्याश्च कुलीना रोगवर्जिताः । दृश्यंते मानवा लोके पुण्यकर्त्तार ईदृशाः
dīrghāyuṣo dhanāḍhyāśca kulīnā rogavarjitāḥ | dṛśyaṃte mānavā loke puṇyakarttāra īdṛśāḥ
Sanskrit only: no published translation is held for this verse.
किमत्र बहुनोक्तेन यांत्यधर्मेण दुर्गतिम् । आरोहंति दिवं धर्मैर्नात्रकार्या विचारणा
kimatra bahunoktena yāṃtyadharmeṇa durgatim | ārohaṃti divaṃ dharmairnātrakāryā vicāraṇā
Sanskrit only: no published translation is held for this verse.
इति ते कथितं राजन्यत्पृष्टोऽहं त्वयानघ । पापांकुशाया माहात्म्यं किमन्यच्छ्रोतुमिच्छसि
iti te kathitaṃ rājanyatpṛṣṭo'haṃ tvayānagha | pāpāṃkuśāyā māhātmyaṃ kimanyacchrotumicchasi
Sanskrit only: no published translation is held for this verse.