Padma Purāṇa 6.6

नारदउवाच- एवं द्वंद्वेषु युद्धेषु संप्रवृत्तेष्वनेकशः । जघानाथ हरिः क्रुद्धो गदया कालनेमिनम्

nāradauvāca- evaṃ dvaṃdveṣu yuddheṣu saṃpravṛtteṣvanekaśaḥ | jaghānātha hariḥ kruddho gadayā kālaneminam

Sanskrit only: no published translation is held for this verse.

विहाय मूर्च्छां संचित्य विष्णुं बाणैर्जघान सः । ततः क्रुद्धेन हरिणा स क्षितौ पातितो व्यसुः

vihāya mūrcchāṃ saṃcitya viṣṇuṃ bāṇairjaghāna saḥ | tataḥ kruddhena hariṇā sa kṣitau pātito vyasuḥ

Sanskrit only: no published translation is held for this verse.

राजन्जघान संचिंत्य राहुं खड्गेन चंद्रमाः । राहुस्तु तं परित्यज्य तदा सूर्यमधावत

rājanjaghāna saṃciṃtya rāhuṃ khaḍgena caṃdramāḥ | rāhustu taṃ parityajya tadā sūryamadhāvata

Sanskrit only: no published translation is held for this verse.

सहस्राशुं रणे जित्वा राहुश्चंद्रमधावत । जघान तं च खङ्गेन समरे रजनीपतिः

sahasrāśuṃ raṇe jitvā rāhuścaṃdramadhāvata | jaghāna taṃ ca khaṅgena samare rajanīpatiḥ

Sanskrit only: no published translation is held for this verse.

सैंहिकेयांगकाठिन्यात्खङ्गं चूर्णमभूत्तदा । जघान मुष्टिना गाढं कठिनेन विधुंतुदः

saiṃhikeyāṃgakāṭhinyātkhaṅgaṃ cūrṇamabhūttadā | jaghāna muṣṭinā gāḍhaṃ kaṭhinena vidhuṃtudaḥ

Sanskrit only: no published translation is held for this verse.

चंद्रमुत्थाप्य तं कंठे धृत्वा वेगान्महामृधे । गिलित्वा राहुणा चंद्रोप्युद्गीर्णश्च ततः पुनः

caṃdramutthāpya taṃ kaṃṭhe dhṛtvā vegānmahāmṛdhe | gilitvā rāhuṇā caṃdropyudgīrṇaśca tataḥ punaḥ

Sanskrit only: no published translation is held for this verse.

मृगं स्वचिह्नमुरसि निधाय विससर्ज ह । स उच्चैःश्रवसं गृह्य हयरत्नं विधुंतुदः

mṛgaṃ svacihnamurasi nidhāya visasarja ha | sa uccaiḥśravasaṃ gṛhya hayaratnaṃ vidhuṃtudaḥ

Sanskrit only: no published translation is held for this verse.

जालंधरांतिकं नीत्वा भक्त्या तस्मै न्यवेदयत् । दुर्वारणो रणे क्रुद्धस्तं यमं गदया हनत्

jālaṃdharāṃtikaṃ nītvā bhaktyā tasmai nyavedayat | durvāraṇo raṇe kruddhastaṃ yamaṃ gadayā hanat

Sanskrit only: no published translation is held for this verse.

निशितैर्मार्गणैर्भिन्नः शक्रपुत्रेण चाहवे । धृत्वा जयंतं संह्रादः परिघाघातमूर्च्छितम्

niśitairmārgaṇairbhinnaḥ śakraputreṇa cāhave | dhṛtvā jayaṃtaṃ saṃhrādaḥ parighāghātamūrcchitam

Sanskrit only: no published translation is held for this verse.

ऐरावतं समारुह्य ययौ जालंधरं प्रति । हतवांश्चैव गदया निह्रादं धनदो रणे

airāvataṃ samāruhya yayau jālaṃdharaṃ prati | hatavāṃścaiva gadayā nihrādaṃ dhanado raṇe

Sanskrit only: no published translation is held for this verse.

रुद्रास्त्रिशूलनिर्घातैर्निशुंभं जघ्नुरोजसा । निशुंभो बाणजालैश्च पीडयामास तानति

rudrāstriśūlanirghātairniśuṃbhaṃ jaghnurojasā | niśuṃbho bāṇajālaiśca pīḍayāmāsa tānati

Sanskrit only: no published translation is held for this verse.

शुंभासुरो देवगणान्पूरयामास मार्गणैः । मृत्युं मायामय मयो बद्ध्वा पाशैर्निनायतम्

śuṃbhāsuro devagaṇānpūrayāmāsa mārgaṇaiḥ | mṛtyuṃ māyāmaya mayo baddhvā pāśairnināyatam

Sanskrit only: no published translation is held for this verse.

ददौ जालंधरायासौ पौलोम्ने सोऽपि सिंधवे । अब्धिना च मुखे क्षिप्तो लोको जीवतु निर्भयः

dadau jālaṃdharāyāsau paulomne so'pi siṃdhave | abdhinā ca mukhe kṣipto loko jīvatu nirbhayaḥ

Sanskrit only: no published translation is held for this verse.

बद्ध्वा च नमुचिं पाशैर्वासवोऽपि रसातलम् । निन्ये विश्वस्य हंतारं अथ जालंधरो ययौ

baddhvā ca namuciṃ pāśairvāsavo'pi rasātalam | ninye viśvasya haṃtāraṃ atha jālaṃdharo yayau

Sanskrit only: no published translation is held for this verse.

अथेंद्रबलयोर्युद्धमभूद्राजन्सुदारुणम् । बलांगरोचिषो भांति दिशो दश रवेरिव

atheṃdrabalayoryuddhamabhūdrājansudāruṇam | balāṃgarociṣo bhāṃti diśo daśa raveriva

Sanskrit only: no published translation is held for this verse.

सर्वाण्यस्त्राणि शक्रस्य शीर्णान्यंगे बलस्य च । बलीयसा बलेनेंद्रो मुद्गरेण हतो हृदि

sarvāṇyastrāṇi śakrasya śīrṇānyaṃge balasya ca | balīyasā baleneṃdro mudgareṇa hato hṛdi

Sanskrit only: no published translation is held for this verse.

ननादेंद्रस्ततो भीमं तच्छ्रुत्वा स बलोहसत् । हसतस्तस्य निश्चेरुर्मुखतो मौक्तिकानि च

nanādeṃdrastato bhīmaṃ tacchrutvā sa balohasat | hasatastasya niścerurmukhato mauktikāni ca

Sanskrit only: no published translation is held for this verse.

तस्यांगस्याभिलाषेण न युद्धमकरोत्तदा । तुष्टाव वासवोऽत्यर्थं तं बलं बलसागरम्

tasyāṃgasyābhilāṣeṇa na yuddhamakarottadā | tuṣṭāva vāsavo'tyarthaṃ taṃ balaṃ balasāgaram

Sanskrit only: no published translation is held for this verse.

वरं वृणु सुरश्रेष्ठेत्युक्तः प्राह बलं प्रति । यदि तुष्टोऽसि दैत्येश स्वं वपुर्दातुमर्हसि

varaṃ vṛṇu suraśreṣṭhetyuktaḥ prāha balaṃ prati | yadi tuṣṭo'si daityeśa svaṃ vapurdātumarhasi

Sanskrit only: no published translation is held for this verse.

तदिंद्र वचनं श्रुत्वा भित्त्वा शस्त्रैर्गृहाण माम् । इत्युवाच बलं सोऽपि किमदेयं महात्मनाम्

tadiṃdra vacanaṃ śrutvā bhittvā śastrairgṛhāṇa mām | ityuvāca balaṃ so'pi kimadeyaṃ mahātmanām

Sanskrit only: no published translation is held for this verse.

सस्मारितो मातलिना वज्रेणांगं जघान तत् । तेन वज्रप्रहारेण बलांगं तद्व्यशीर्यत

sasmārito mātalinā vajreṇāṃgaṃ jaghāna tat | tena vajraprahāreṇa balāṃgaṃ tadvyaśīryata

Sanskrit only: no published translation is held for this verse.

बलांगस्यैकभागस्तु पपात कनकाचले । तुहिनाद्रौ द्वितीयस्तु तृतीयो गोनगेऽपतत्

balāṃgasyaikabhāgastu papāta kanakācale | tuhinādrau dvitīyastu tṛtīyo gonage'patat

Sanskrit only: no published translation is held for this verse.

चतुर्थो देवनद्यां च पंचमो मंदरे तथा । वज्राकरे पपातांशः षष्ठश्च विजयांगजः

caturtho devanadyāṃ ca paṃcamo maṃdare tathā | vajrākare papātāṃśaḥ ṣaṣṭhaśca vijayāṃgajaḥ

Sanskrit only: no published translation is held for this verse.

तस्य जातिविशुद्धस्य परिशुद्धेन कर्मणा । कायस्यावयवाः सर्वे रत्नबीजत्वमागताः

tasya jātiviśuddhasya pariśuddhena karmaṇā | kāyasyāvayavāḥ sarve ratnabījatvamāgatāḥ

Sanskrit only: no published translation is held for this verse.

वज्रादस्थिकणाः कीर्णाः षट्कोणा मणयोऽभवन् । अक्षिभ्यामिन्द्रनीला वै माणिक्यं श्रुतिसंभवम्

vajrādasthikaṇāḥ kīrṇāḥ ṣaṭkoṇā maṇayo'bhavan | akṣibhyāmindranīlā vai māṇikyaṃ śrutisaṃbhavam

Sanskrit only: no published translation is held for this verse.

क्षतजात्पद्मरागाः स्युः मेदसो मरकतास्तथा । प्रवालानि च जिह्वातो दंता मुक्तास्तथाभवन्

kṣatajātpadmarāgāḥ syuḥ medaso marakatāstathā | pravālāni ca jihvāto daṃtā muktāstathābhavan

Sanskrit only: no published translation is held for this verse.

मज्जोद्भवं मरकतं गारुत्मतमभून्नसा । कांस्यं पुरीषं रजतं वीर्यं ताम्रं च मूत्रजम्

majjodbhavaṃ marakataṃ gārutmatamabhūnnasā | kāṃsyaṃ purīṣaṃ rajataṃ vīryaṃ tāmraṃ ca mūtrajam

Sanskrit only: no published translation is held for this verse.

अंगस्योद्वर्तनाज्जातं पित्तलं ब्रह्मवीतिकाः । नादाद्वैदूर्यमुत्पन्नं रत्नं चारुतरं तथा

aṃgasyodvartanājjātaṃ pittalaṃ brahmavītikāḥ | nādādvaidūryamutpannaṃ ratnaṃ cārutaraṃ tathā

Sanskrit only: no published translation is held for this verse.

नखेभ्यः कनकोत्पत्ती रुधिराच्च रसोद्भवः । मेदसः स्फटिकं जातं प्रवालं मांससंभवम्

nakhebhyaḥ kanakotpattī rudhirācca rasodbhavaḥ | medasaḥ sphaṭikaṃ jātaṃ pravālaṃ māṃsasaṃbhavam

Sanskrit only: no published translation is held for this verse.

बलदेहोद्भवान्यासन्रत्नानि पृथिवीतले । पुण्योपचयसंपत्त्या भोक्ष्यंते विमलैर्जनैः

baladehodbhavānyāsanratnāni pṛthivītale | puṇyopacayasaṃpattyā bhokṣyaṃte vimalairjanaiḥ

Sanskrit only: no published translation is held for this verse.

अत्रांतरे हतं श्रुत्वा बलं मघवता मृधे । प्रभावती नाम राज्ञी ययौ तच्चरणांतिकम्

atrāṃtare hataṃ śrutvā balaṃ maghavatā mṛdhe | prabhāvatī nāma rājñī yayau taccaraṇāṃtikam

Sanskrit only: no published translation is held for this verse.

विललाप पतिं दृष्ट्वा विकीर्णावयवं रणे । प्रभावत्यश्रुपूर्णाक्षी मुक्तकेशी घनस्तनी

vilalāpa patiṃ dṛṣṭvā vikīrṇāvayavaṃ raṇe | prabhāvatyaśrupūrṇākṣī muktakeśī ghanastanī

Sanskrit only: no published translation is held for this verse.

हा नाथ बलविक्रांत कांतदेह जगत्प्रिय । मां त्वं विहाय किं चात्र कैवल्यं गतवानसि

hā nātha balavikrāṃta kāṃtadeha jagatpriya | māṃ tvaṃ vihāya kiṃ cātra kaivalyaṃ gatavānasi

Sanskrit only: no published translation is held for this verse.

जराकुष्ठादिभिर्व्याप्तं बुद्ध्वा देहं त्यजंति न । देहिनोऽन्ये परं कांतं त्वया देहो वृथोज्झितः

jarākuṣṭhādibhirvyāptaṃ buddhvā dehaṃ tyajaṃti na | dehino'nye paraṃ kāṃtaṃ tvayā deho vṛthojjhitaḥ

Sanskrit only: no published translation is held for this verse.

तव देहेन दिव्येन हारकं भूष्यते प्रिय । रणोत्सुकेन भवता या वेणी ग्रथिता मम

tava dehena divyena hārakaṃ bhūṣyate priya | raṇotsukena bhavatā yā veṇī grathitā mama

Sanskrit only: no published translation is held for this verse.

तामुद्ग्रथय वैधव्यदुःखार्त्तायाः स्वयं प्रिय । एवं विलपतीं वीक्ष्य बलराज्ञीं समुद्रजः । दुःखितः शुक्रमित्याह बलं जीवय भार्गव

tāmudgrathaya vaidhavyaduḥkhārttāyāḥ svayaṃ priya | evaṃ vilapatīṃ vīkṣya balarājñīṃ samudrajaḥ | duḥkhitaḥ śukramityāha balaṃ jīvaya bhārgava

Sanskrit only: no published translation is held for this verse.

शुक्र उवाच-। इच्छयामरणं प्राप्तं तं कथं जीवयाम्यहम् । तथापि मंत्रसामर्थ्याद्वाचमुच्चारयिष्यति

śukra uvāca-| icchayāmaraṇaṃ prāptaṃ taṃ kathaṃ jīvayāmyaham | tathāpi maṃtrasāmarthyādvācamuccārayiṣyati

Sanskrit only: no published translation is held for this verse.

जालंधर उवाच-। बलस्य रूप वचनं श्रोतुमिच्छामि भार्गव । जालंधरेणैवमुक्तः क्षणं ध्यानपरोऽभवत्

jālaṃdhara uvāca-| balasya rūpa vacanaṃ śrotumicchāmi bhārgava | jālaṃdhareṇaivamuktaḥ kṣaṇaṃ dhyānaparo'bhavat

Sanskrit only: no published translation is held for this verse.

अथोदतिष्ठद्वदनात्स्वनः श्रोत्रमनोरमः । प्रभावतीं प्रति व्यक्तं वाद्यभांडा दिवोत्थितः

athodatiṣṭhadvadanātsvanaḥ śrotramanoramaḥ | prabhāvatīṃ prati vyaktaṃ vādyabhāṃḍā divotthitaḥ

Sanskrit only: no published translation is held for this verse.

प्रभावति स्वदेहं त्वं ममांगेषु लयं नय । इति तस्य वचः श्रुत्वा नदी जाता प्रभावती

prabhāvati svadehaṃ tvaṃ mamāṃgeṣu layaṃ naya | iti tasya vacaḥ śrutvā nadī jātā prabhāvatī

Sanskrit only: no published translation is held for this verse.

बलाङ्गेष्वेव लीना सा सुमेरोः पूर्ववाहिनी । यस्यास्तोयेन संजाता रत्नानां कांतिरुत्तमा

balāṅgeṣveva līnā sā sumeroḥ pūrvavāhinī | yasyāstoyena saṃjātā ratnānāṃ kāṃtiruttamā

Sanskrit only: no published translation is held for this verse.