Library·Padma Purāṇa·6·6.61
युधिष्ठिर उवाच- श्रुतं रमाया माहात्म्यं त्वत्तः कृष्ण यथातथम् । कार्तिके शुक्लपक्षे या तां मे कथय मानद
yudhiṣṭhira uvāca- śrutaṃ ramāyā māhātmyaṃ tvattaḥ kṛṣṇa yathātatham | kārtike śuklapakṣe yā tāṃ me kathaya mānada
Sanskrit only: no published translation is held for this verse.
श्रीकृष्ण उवाच-। शृणु राजन्प्रवक्ष्यामि शुक्ले चोर्जदले तु या । सा यथा नारदे प्रोक्ता ब्रह्मणा लोककारिणा
śrīkṛṣṇa uvāca-| śṛṇu rājanpravakṣyāmi śukle corjadale tu yā | sā yathā nārade proktā brahmaṇā lokakāriṇā
Sanskrit only: no published translation is held for this verse.
नारद उवाच - प्रबोधिन्याश्च माहात्म्यं वद विस्तरतो मम । यस्यां जागर्ति गोविंदो धर्मकर्मप्रवर्त्तकः
nārada uvāca - prabodhinyāśca māhātmyaṃ vada vistarato mama | yasyāṃ jāgarti goviṃdo dharmakarmapravarttakaḥ
Sanskrit only: no published translation is held for this verse.
ब्रह्मोवाच- प्रबोधिन्याश्च माहात्म्यं पापघ्नं पुण्यवर्द्धनम् । मुक्तिप्रदं सुबुद्धीनां शृणुष्व मुनिसत्तम
brahmovāca- prabodhinyāśca māhātmyaṃ pāpaghnaṃ puṇyavarddhanam | muktipradaṃ subuddhīnāṃ śṛṇuṣva munisattama
Sanskrit only: no published translation is held for this verse.
तावद्गर्जंति तीर्थानि आसमुद्रसरांसि च । यावत्प्रबोधिनी विष्णोस्तिथिर्नायाति कार्तिके
tāvadgarjaṃti tīrthāni āsamudrasarāṃsi ca | yāvatprabodhinī viṣṇostithirnāyāti kārtike
Sanskrit only: no published translation is held for this verse.
तावद्गर्जंति विप्रेंद्र गंगाभागीरथी क्षितौ । यावन्नायाति पापघ्नी कार्तिके हरिबोधिनी
tāvadgarjaṃti vipreṃdra gaṃgābhāgīrathī kṣitau | yāvannāyāti pāpaghnī kārtike haribodhinī
Sanskrit only: no published translation is held for this verse.
अश्वमेधसहस्राणि राजसूयशतानि च । एकेनैवोपवासेन प्रबोधिन्या लभेन्नरः
aśvamedhasahasrāṇi rājasūyaśatāni ca | ekenaivopavāsena prabodhinyā labhennaraḥ
Sanskrit only: no published translation is held for this verse.
यद्दुर्ल्लभं यदप्राप्यं त्रैलोक्यस्य न गोचरम् । तदप्यप्रार्थितं पुत्रं ददाति हरिबोधिनी
yaddurllabhaṃ yadaprāpyaṃ trailokyasya na gocaram | tadapyaprārthitaṃ putraṃ dadāti haribodhinī
Sanskrit only: no published translation is held for this verse.
ऐश्वर्यं संपदं प्रज्ञां राज्यं च सुखसंपदः । ददात्युपोषिता भक्त्या जनेभ्यो हरिबोधिनी
aiśvaryaṃ saṃpadaṃ prajñāṃ rājyaṃ ca sukhasaṃpadaḥ | dadātyupoṣitā bhaktyā janebhyo haribodhinī
Sanskrit only: no published translation is held for this verse.
मेरुमन्दरमात्राणि पापान्युक्तानि यानि च । एकेनैवोपवासेन दहते पापनाशिनी
merumandaramātrāṇi pāpānyuktāni yāni ca | ekenaivopavāsena dahate pāpanāśinī
Sanskrit only: no published translation is held for this verse.
पूर्वजन्मसहस्रेषु यत्पापं समुपार्जितम् । निशि जागरणं चास्या दहते तूलराशिवत्
pūrvajanmasahasreṣu yatpāpaṃ samupārjitam | niśi jāgaraṇaṃ cāsyā dahate tūlarāśivat
Sanskrit only: no published translation is held for this verse.
उपवासं प्रबोधिन्यां यः करोति स्वभावतः । विधिवन्मुनिशार्दूल यथोक्तं लभते फलम्
upavāsaṃ prabodhinyāṃ yaḥ karoti svabhāvataḥ | vidhivanmuniśārdūla yathoktaṃ labhate phalam
Sanskrit only: no published translation is held for this verse.
यथोक्तं कुरुते यस्तु विधिवत्सुकृतं नरः । स्वल्पं मुनिवरश्रेष्ठ मेरुतुल्यं भवेत्फलम्
yathoktaṃ kurute yastu vidhivatsukṛtaṃ naraḥ | svalpaṃ munivaraśreṣṭha merutulyaṃ bhavetphalam
Sanskrit only: no published translation is held for this verse.
विधिहीनं तु यः कुर्यात्सुकृतं मेरुमात्रकम् । अणुमात्रं तदाप्नोति फलं धर्मस्य नारद
vidhihīnaṃ tu yaḥ kuryātsukṛtaṃ merumātrakam | aṇumātraṃ tadāpnoti phalaṃ dharmasya nārada
Sanskrit only: no published translation is held for this verse.
ये ध्यायंति मनोवृत्या ये करिष्यंति बोधिनीम् । वसंति पितरो हृष्टा विष्णुलोके च तस्य वै
ye dhyāyaṃti manovṛtyā ye kariṣyaṃti bodhinīm | vasaṃti pitaro hṛṣṭā viṣṇuloke ca tasya vai
Sanskrit only: no published translation is held for this verse.
विमुक्ता नारकैर्दुःखैर्याति विष्णोः परं पदम् । कृत्वा तु पातकं घोरं ब्रह्महत्यादिकं नरः
vimuktā nārakairduḥkhairyāti viṣṇoḥ paraṃ padam | kṛtvā tu pātakaṃ ghoraṃ brahmahatyādikaṃ naraḥ
Sanskrit only: no published translation is held for this verse.
कृत्वा तु जागरं विष्णोर्द्धौतपापो भवेन्नरः । दुष्प्राप्यं यत्फलं विप्र अश्वमेधादिकैर्मखैः
kṛtvā tu jāgaraṃ viṣṇorddhautapāpo bhavennaraḥ | duṣprāpyaṃ yatphalaṃ vipra aśvamedhādikairmakhaiḥ
Sanskrit only: no published translation is held for this verse.
प्राप्यते तत्सुखेनैव प्रबोधिन्यास्तु जागरे । आप्लुत्य सर्वतीर्थेषु प्रदत्त्वा कांचनं महीम्
prāpyate tatsukhenaiva prabodhinyāstu jāgare | āplutya sarvatīrtheṣu pradattvā kāṃcanaṃ mahīm
Sanskrit only: no published translation is held for this verse.
तत्फलं समवाप्नोति यत्कृत्वा जागरं हरेः । जातः स एव सुकृती कुलं तेनैव पावितम्
tatphalaṃ samavāpnoti yatkṛtvā jāgaraṃ hareḥ | jātaḥ sa eva sukṛtī kulaṃ tenaiva pāvitam
Sanskrit only: no published translation is held for this verse.
कार्तिके मुनिशार्दूल कृता येन प्रबोधिनी । यथा ध्रुवं नृणां मृत्युर्धनं गात्रं तथाध्रुवम्
kārtike muniśārdūla kṛtā yena prabodhinī | yathā dhruvaṃ nṛṇāṃ mṛtyurdhanaṃ gātraṃ tathādhruvam
Sanskrit only: no published translation is held for this verse.
इति ज्ञात्वा मुनिश्रेष्ठ कर्तव्यं वैष्णवं दिनम् । यानि कानि च तीर्थानि त्रैलोक्ये संभवंति च
iti jñātvā muniśreṣṭha kartavyaṃ vaiṣṇavaṃ dinam | yāni kāni ca tīrthāni trailokye saṃbhavaṃti ca
Sanskrit only: no published translation is held for this verse.
तानि तस्य गृहे सम्यग्यः करोति प्रबोधिनीम् । किं तस्य बहुभिः पुण्यैः कृता येन प्रबोधिनी
tāni tasya gṛhe samyagyaḥ karoti prabodhinīm | kiṃ tasya bahubhiḥ puṇyaiḥ kṛtā yena prabodhinī
Sanskrit only: no published translation is held for this verse.
पुत्रपौत्रप्रदा ह्येषा कार्तिके हरिबोधिनी । स ज्ञानी च स योगी च स तपस्वी जितेंद्रियः
putrapautrapradā hyeṣā kārtike haribodhinī | sa jñānī ca sa yogī ca sa tapasvī jiteṃdriyaḥ
Sanskrit only: no published translation is held for this verse.
भोगो मोक्षश्च तस्यास्ति उपास्ते हरिबोधिनीम् । विष्णोः प्रियतरा ह्येषा धर्मसारसहायिनी
bhogo mokṣaśca tasyāsti upāste haribodhinīm | viṣṇoḥ priyatarā hyeṣā dharmasārasahāyinī
Sanskrit only: no published translation is held for this verse.
यः करोति नरो भक्त्या भुक्तिभाक्स भवेन्नरः । प्रबोधिनीमुपोषित्वा गर्भे न विशते नरः
yaḥ karoti naro bhaktyā bhuktibhāksa bhavennaraḥ | prabodhinīmupoṣitvā garbhe na viśate naraḥ
Sanskrit only: no published translation is held for this verse.
सर्वधर्मान्परित्यज्य तस्मात्कुर्वीत नारद । कर्मणा मनसा वाचा पापं यत्समुपार्जितम्
sarvadharmānparityajya tasmātkurvīta nārada | karmaṇā manasā vācā pāpaṃ yatsamupārjitam
Sanskrit only: no published translation is held for this verse.
तत्क्षालयति गोविंदः प्रबोधिन्यां तु जागरे । स्नानं दानं जपः पूजां समुद्दिश्य जनार्दनम्
tatkṣālayati goviṃdaḥ prabodhinyāṃ tu jāgare | snānaṃ dānaṃ japaḥ pūjāṃ samuddiśya janārdanam
Sanskrit only: no published translation is held for this verse.
नरो यत्कुरुते वत्स प्रबोधिन्यां तदक्षयम् । येर्चयंति नरास्तस्यां भक्त्या देवं च माधवम्
naro yatkurute vatsa prabodhinyāṃ tadakṣayam | yercayaṃti narāstasyāṃ bhaktyā devaṃ ca mādhavam
Sanskrit only: no published translation is held for this verse.
समुपोष्य प्रमुच्यंते पापैस्तैः शतजन्मजैः । महाव्रतमिदं पुत्र महापापौघनाशनम्
samupoṣya pramucyaṃte pāpaistaiḥ śatajanmajaiḥ | mahāvratamidaṃ putra mahāpāpaughanāśanam
Sanskrit only: no published translation is held for this verse.
प्रबोधवासरं विष्णोर्विधिवत्समुपोषयेत् । व्रतेनानेन देवेशं परितोष्य जनार्दनम्
prabodhavāsaraṃ viṣṇorvidhivatsamupoṣayet | vratenānena deveśaṃ paritoṣya janārdanam
Sanskrit only: no published translation is held for this verse.
विराजयन्दिशः सर्वाः प्रयाति हरिमंदिरम् । कर्तव्यैषा प्रयत्नेन नरैः कांतिधनार्थिभिः
virājayandiśaḥ sarvāḥ prayāti harimaṃdiram | kartavyaiṣā prayatnena naraiḥ kāṃtidhanārthibhiḥ
Sanskrit only: no published translation is held for this verse.
बाल्ये यत्संचितं पापं यौवने वार्द्धके तथा । शतजन्मकृतं पापं स्वल्पं वा यदि वा बहु
bālye yatsaṃcitaṃ pāpaṃ yauvane vārddhake tathā | śatajanmakṛtaṃ pāpaṃ svalpaṃ vā yadi vā bahu
Sanskrit only: no published translation is held for this verse.
तत्क्षालयति गोविंदश्चास्यामभ्यर्चितो नृणाम् । धनधान्यवहा पुण्या सर्वपापहरा परा
tatkṣālayati goviṃdaścāsyāmabhyarcito nṛṇām | dhanadhānyavahā puṇyā sarvapāpaharā parā
Sanskrit only: no published translation is held for this verse.
तामुपोष्य हरेर्भक्त्या दुर्ल्लभं न भवेत्क्वचित् । चंद्रसूर्योपरागे च यत्फलं परिकीर्तितम्
tāmupoṣya harerbhaktyā durllabhaṃ na bhavetkvacit | caṃdrasūryoparāge ca yatphalaṃ parikīrtitam
Sanskrit only: no published translation is held for this verse.
तत्सहस्रगुणं प्रोक्तं प्रबोधिन्यां प्रजागरे । स्नानं दानं जपो होमः स्वाध्यायोऽभ्यर्चनं हरेः
tatsahasraguṇaṃ proktaṃ prabodhinyāṃ prajāgare | snānaṃ dānaṃ japo homaḥ svādhyāyo'bhyarcanaṃ hareḥ
Sanskrit only: no published translation is held for this verse.
तत्सर्वं कोटिगुणितं प्रबोधिन्यां कृतं तु यत् । जन्मप्रभृतियत्पुण्यं नरेणोपार्जितं भवेत्
tatsarvaṃ koṭiguṇitaṃ prabodhinyāṃ kṛtaṃ tu yat | janmaprabhṛtiyatpuṇyaṃ nareṇopārjitaṃ bhavet
Sanskrit only: no published translation is held for this verse.
वृथा भवति तत्सर्वमकृत्वा कार्तिके व्रतम् । अकृत्वा नियमं विष्णोः कार्तिकं यः क्षिपेन्नरः
vṛthā bhavati tatsarvamakṛtvā kārtike vratam | akṛtvā niyamaṃ viṣṇoḥ kārtikaṃ yaḥ kṣipennaraḥ
Sanskrit only: no published translation is held for this verse.
न जन्मार्जितपुण्यस्य फलं प्राप्नोति नारद । तस्मात्सर्वप्रयत्नेन देवदेवं जनार्दनम्
na janmārjitapuṇyasya phalaṃ prāpnoti nārada | tasmātsarvaprayatnena devadevaṃ janārdanam
Sanskrit only: no published translation is held for this verse.
उपसेवेत विप्रेंद्र सर्वकामफलप्रदम् । परान्नं वर्जयेद्यस्तु कार्तिके विष्णुतत्परः
upaseveta vipreṃdra sarvakāmaphalapradam | parānnaṃ varjayedyastu kārtike viṣṇutatparaḥ
Sanskrit only: no published translation is held for this verse.
परान्नवर्जनाद्वत्स चांद्रायणफलं लभेत् । नित्यं शास्त्रविनोदेन कार्तिके मधुसूदनः
parānnavarjanādvatsa cāṃdrāyaṇaphalaṃ labhet | nityaṃ śāstravinodena kārtike madhusūdanaḥ
Sanskrit only: no published translation is held for this verse.
स दहेत्सर्वपापानि यज्ञायुतफलं लभेत् । न तथा तुष्यते यज्ञैर्न दानैर्वाजपादिभिः
sa dahetsarvapāpāni yajñāyutaphalaṃ labhet | na tathā tuṣyate yajñairna dānairvājapādibhiḥ
Sanskrit only: no published translation is held for this verse.
यथा शास्त्रकथालापैः कार्तिके मधुसूदनः । ये कुर्वंति कथां विष्णोर्ये शृण्वंति शुभान्विताः
yathā śāstrakathālāpaiḥ kārtike madhusūdanaḥ | ye kurvaṃti kathāṃ viṣṇorye śṛṇvaṃti śubhānvitāḥ
Sanskrit only: no published translation is held for this verse.
श्लोकार्द्धं श्लोकपादं वा कार्तिके गोशतं फलम् । सर्वधर्मान्परित्यज्य कार्तिके केशवाग्रतः
ślokārddhaṃ ślokapādaṃ vā kārtike gośataṃ phalam | sarvadharmānparityajya kārtike keśavāgrataḥ
Sanskrit only: no published translation is held for this verse.
शास्त्रावधारणं कार्यं श्रोतव्यं च महामुने । श्रेयसा लोभबुद्ध्या च यः करोति हरेः कथाम्
śāstrāvadhāraṇaṃ kāryaṃ śrotavyaṃ ca mahāmune | śreyasā lobhabuddhyā ca yaḥ karoti hareḥ kathām
Sanskrit only: no published translation is held for this verse.
कार्तिके मुनिशार्दूल कुलानां तारयेच्छतम् । नियमेन नरो यस्तु शृणुते वैष्णवीं कथाम्
kārtike muniśārdūla kulānāṃ tārayecchatam | niyamena naro yastu śṛṇute vaiṣṇavīṃ kathām
Sanskrit only: no published translation is held for this verse.
कार्तिके तु विशेषेण गोसहस्रफलं लभेत् । प्रबोधवासरे विष्णोः शृणुते यो हरेः कथाम्
kārtike tu viśeṣeṇa gosahasraphalaṃ labhet | prabodhavāsare viṣṇoḥ śṛṇute yo hareḥ kathām
Sanskrit only: no published translation is held for this verse.
सप्तद्वीपवती दाने तत्फलं लभते मुने । श्रुत्वा विष्णुकथां दिव्यां येऽर्चयंति कथाविदम्
saptadvīpavatī dāne tatphalaṃ labhate mune | śrutvā viṣṇukathāṃ divyāṃ ye'rcayaṃti kathāvidam
Sanskrit only: no published translation is held for this verse.
स्वशक्त्या मुनिशार्दूल तेषां लोकोऽक्षयः स्मृतः । गीतशास्त्रविनोदेन कार्तिकं यो नयेन्नरः
svaśaktyā muniśārdūla teṣāṃ loko'kṣayaḥ smṛtaḥ | gītaśāstravinodena kārtikaṃ yo nayennaraḥ
Sanskrit only: no published translation is held for this verse.
न तस्य पुनरावृत्तिर्मया दृष्टा कलिप्रिय । गीतं नृत्यं च वाद्यं च भव्यां विष्णुकथां मुने
na tasya punarāvṛttirmayā dṛṣṭā kalipriya | gītaṃ nṛtyaṃ ca vādyaṃ ca bhavyāṃ viṣṇukathāṃ mune
Sanskrit only: no published translation is held for this verse.
यः करोति स पुण्यात्मा त्रैलोक्योपरि संस्थितः । बहुपुष्पैर्बहुफलैः कर्पूरागुरुकुंकुमैः 6.61.५०। हरेः पूजा विधातव्या कार्तिके बोधवासरे । यस्मात्पुण्यमसंख्यातं प्राप्यते मुनिसत्तम
yaḥ karoti sa puṇyātmā trailokyopari saṃsthitaḥ | bahupuṣpairbahuphalaiḥ karpūrāgurukuṃkumaiḥ 6.61.50| hareḥ pūjā vidhātavyā kārtike bodhavāsare | yasmātpuṇyamasaṃkhyātaṃ prāpyate munisattama
Sanskrit only: no published translation is held for this verse.
फलैर्नानाविधैर्द्रव्यैः प्रबोधिन्यां तु जागरे । शंखे तोयं समादाय अर्घो देयो जनार्दने
phalairnānāvidhairdravyaiḥ prabodhinyāṃ tu jāgare | śaṃkhe toyaṃ samādāya argho deyo janārdane
Sanskrit only: no published translation is held for this verse.
यत्फलं सर्वतीर्थेषु सर्वदानेषु यत्फलम् । तत्फलं कोटिगुणितं दत्त्वार्घं बोधवासरे
yatphalaṃ sarvatīrtheṣu sarvadāneṣu yatphalam | tatphalaṃ koṭiguṇitaṃ dattvārghaṃ bodhavāsare
Sanskrit only: no published translation is held for this verse.
गुरुपूजा ततः कार्या भोजनाच्छादनादिभिः । दक्षिणाभिश्च देवर्षे तुष्ट्यर्थं चक्रपाणिनः
gurupūjā tataḥ kāryā bhojanācchādanādibhiḥ | dakṣiṇābhiśca devarṣe tuṣṭyarthaṃ cakrapāṇinaḥ
Sanskrit only: no published translation is held for this verse.
भागवतं शृणुते यस्तु पुराणं च पठेन्नरः । प्रत्यक्षरं भवेत्तस्य कपिलादानजं फलम्
bhāgavataṃ śṛṇute yastu purāṇaṃ ca paṭhennaraḥ | pratyakṣaraṃ bhavettasya kapilādānajaṃ phalam
Sanskrit only: no published translation is held for this verse.
कार्त्तिके मुनिशार्दूल स्वशक्त्या वैष्णवं व्रतम् । यः करोति यथोक्तं तु मुक्तिस्तस्य सुनिश्चला
kārttike muniśārdūla svaśaktyā vaiṣṇavaṃ vratam | yaḥ karoti yathoktaṃ tu muktistasya suniścalā
Sanskrit only: no published translation is held for this verse.
केतक्या एकपत्रेण पूजितो गरुडध्वजः । समाः सहस्रं सुप्रीतो भवति मधुसूदनः
ketakyā ekapatreṇa pūjito garuḍadhvajaḥ | samāḥ sahasraṃ suprīto bhavati madhusūdanaḥ
Sanskrit only: no published translation is held for this verse.
अगस्तिकुसुमैर्देवं पूजयेद्यो जनार्दनम् । दर्शनात्तस्य देवर्षे नरकाग्निः प्रणश्यति
agastikusumairdevaṃ pūjayedyo janārdanam | darśanāttasya devarṣe narakāgniḥ praṇaśyati
Sanskrit only: no published translation is held for this verse.
मुनिपुष्पार्चितो विष्णुः कार्तिके पुरुषोत्तमः । ददात्यभिमतान्कामान्शशिसूर्यग्रहे यथा
munipuṣpārcito viṣṇuḥ kārtike puruṣottamaḥ | dadātyabhimatānkāmānśaśisūryagrahe yathā
Sanskrit only: no published translation is held for this verse.
विहाय सर्वपुष्पाणि मुनिपुष्पेण केशवम् । कार्तिके योऽर्चयेद्भक्त्या वाजिमेधफलं लभेत्
vihāya sarvapuṣpāṇi munipuṣpeṇa keśavam | kārtike yo'rcayedbhaktyā vājimedhaphalaṃ labhet
Sanskrit only: no published translation is held for this verse.
तुलसीदलानि पुष्पाणि ये यच्छंति जनार्दने । कार्तिके सकलं वत्स पापं जन्मायुतं दहेत्
tulasīdalāni puṣpāṇi ye yacchaṃti janārdane | kārtike sakalaṃ vatsa pāpaṃ janmāyutaṃ dahet
Sanskrit only: no published translation is held for this verse.
दृष्टा स्पृष्टाथ वा ध्याता कीर्तिता नामतस्तु ता । रोपिता सिंचिता नित्यं पूजिता तुलसी शुभा
dṛṣṭā spṛṣṭātha vā dhyātā kīrtitā nāmatastu tā | ropitā siṃcitā nityaṃ pūjitā tulasī śubhā
Sanskrit only: no published translation is held for this verse.
नवधा तुलसीभक्तिं ये कुर्वंति दिनेदिने । युगकोटिसहस्राणि तन्वंति सुकृतं मुने
navadhā tulasībhaktiṃ ye kurvaṃti dinedine | yugakoṭisahasrāṇi tanvaṃti sukṛtaṃ mune
Sanskrit only: no published translation is held for this verse.
यावच्छाखाप्रशाखाभिर्बीजपुष्पदलैर्मुने । रोपिता तुलसी पुंभिर्वर्द्धते वसुधातले
yāvacchākhāpraśākhābhirbījapuṣpadalairmune | ropitā tulasī puṃbhirvarddhate vasudhātale
Sanskrit only: no published translation is held for this verse.
तेषां वंशे तु ये जाता ये भविष्यंति ये गताः । आकल्पवर्षसाहस्रं तेषां वासो हरेर्गृहे
teṣāṃ vaṃśe tu ye jātā ye bhaviṣyaṃti ye gatāḥ | ākalpavarṣasāhasraṃ teṣāṃ vāso harergṛhe
Sanskrit only: no published translation is held for this verse.
यत्फलं सर्वपुष्पेषु सर्वपत्रेषु नारद । तुलसीदलेन चैकेन कार्तिके प्राप्यते तु तत्
yatphalaṃ sarvapuṣpeṣu sarvapatreṣu nārada | tulasīdalena caikena kārtike prāpyate tu tat
Sanskrit only: no published translation is held for this verse.
संप्राप्तं कार्त्तिकं दृष्ट्वा नियमेन जनार्दनः । पूजनीयो महाविष्णुः कोमलैस्तुलसीदलैः
saṃprāptaṃ kārttikaṃ dṛṣṭvā niyamena janārdanaḥ | pūjanīyo mahāviṣṇuḥ komalaistulasīdalaiḥ
Sanskrit only: no published translation is held for this verse.
इष्ट्वा क्रतुशतैर्देवान्दत्त्वा दानान्यनेकशः । तुलसीदलैस्तु तत्पुण्यं कार्तिके केशवार्चने
iṣṭvā kratuśatairdevāndattvā dānānyanekaśaḥ | tulasīdalaistu tatpuṇyaṃ kārtike keśavārcane
Sanskrit only: no published translation is held for this verse.