Library·Padma Purāṇa·6·6.63
युधिष्ठिर उवाच - श्रुतानि बहुधर्माणि व्रतानि च जगत्प्रभो । एकादशीसमं किंजिच्छ्रुतं नैव जनार्दन
yudhiṣṭhira uvāca - śrutāni bahudharmāṇi vratāni ca jagatprabho | ekādaśīsamaṃ kiṃjicchrutaṃ naiva janārdana
Sanskrit only: no published translation is held for this verse.
पुनस्त्वेकादशीं ब्रूहि पापघ्नीं पुण्यदायिनीम् । यां कृत्वा मनुजो लोके प्राप्नुयात्परमं पदम्
punastvekādaśīṃ brūhi pāpaghnīṃ puṇyadāyinīm | yāṃ kṛtvā manujo loke prāpnuyātparamaṃ padam
Sanskrit only: no published translation is held for this verse.
श्रीकृष्ण उवाच- शुक्ले वा यदि वा कृष्णे यदा चैकादशी भवेत् । न त्याज्या जगतीपाल मोक्षसौख्यविवर्द्धनी
śrīkṛṣṇa uvāca- śukle vā yadi vā kṛṣṇe yadā caikādaśī bhavet | na tyājyā jagatīpāla mokṣasaukhyavivarddhanī
Sanskrit only: no published translation is held for this verse.
एकादशी कलौ राजन्भवबंधविमोचनी । कामदा सर्वकामानां पापानां पापहा भुवि
ekādaśī kalau rājanbhavabaṃdhavimocanī | kāmadā sarvakāmānāṃ pāpānāṃ pāpahā bhuvi
Sanskrit only: no published translation is held for this verse.
रविवारेऽथ मांगल्ये संक्रमे वा नृपोत्तम । एकादशी सदोपोष्या पुत्रपौत्रविवर्द्धनी
ravivāre'tha māṃgalye saṃkrame vā nṛpottama | ekādaśī sadopoṣyā putrapautravivarddhanī
Sanskrit only: no published translation is held for this verse.
एकादशीव्रतं क्वापि न त्याज्यं विष्णुवल्लभैः । आयुः कीर्तिप्रदं नित्यं संतानारोग्यवित्तदम्
ekādaśīvrataṃ kvāpi na tyājyaṃ viṣṇuvallabhaiḥ | āyuḥ kīrtipradaṃ nityaṃ saṃtānārogyavittadam
Sanskrit only: no published translation is held for this verse.
मोक्षदं रूपदं राज्यं नित्यमेकादशीव्रतम् । ये कुर्वंति महीपाल श्रद्धया परया युताः
mokṣadaṃ rūpadaṃ rājyaṃ nityamekādaśīvratam | ye kurvaṃti mahīpāla śraddhayā parayā yutāḥ
Sanskrit only: no published translation is held for this verse.
यथोक्तविधिना लोके ते नरा विष्णुरूपिणः । जीवन्मुक्तास्तु भूपाल दृश्यंते नात्र संशयः
yathoktavidhinā loke te narā viṣṇurūpiṇaḥ | jīvanmuktāstu bhūpāla dṛśyaṃte nātra saṃśayaḥ
Sanskrit only: no published translation is held for this verse.
युधिष्ठिर उवाच- जीवन्मुक्ताः कथं कृष्ण विष्णुरूपाः कथं पुनः । पापरूपाश्च दृश्यंते परं कौतूहलं हि मे
yudhiṣṭhira uvāca- jīvanmuktāḥ kathaṃ kṛṣṇa viṣṇurūpāḥ kathaṃ punaḥ | pāparūpāśca dṛśyaṃte paraṃ kautūhalaṃ hi me
Sanskrit only: no published translation is held for this verse.
श्रीकृष्ण उवाच- ये च राजन्कलौ भक्त्या निर्जलं व्रतमुत्तमम् । एकादश्याः प्रकुर्वंति विधिदृष्टेन कर्मणा
śrīkṛṣṇa uvāca- ye ca rājankalau bhaktyā nirjalaṃ vratamuttamam | ekādaśyāḥ prakurvaṃti vidhidṛṣṭena karmaṇā
Sanskrit only: no published translation is held for this verse.
न कथं विष्णुरूपास्ते जीवन्मुक्ताः कथं नहि । सर्वपापहरं पुण्यं व्रतमेकादशीसमम्
na kathaṃ viṣṇurūpāste jīvanmuktāḥ kathaṃ nahi | sarvapāpaharaṃ puṇyaṃ vratamekādaśīsamam
Sanskrit only: no published translation is held for this verse.
न किंचिद्विद्यते राजन्सर्वकामप्रदं नृणाम् । एकाशनं दशम्यां च नंदायां निर्जलं व्रतम्
na kiṃcidvidyate rājansarvakāmapradaṃ nṛṇām | ekāśanaṃ daśamyāṃ ca naṃdāyāṃ nirjalaṃ vratam
Sanskrit only: no published translation is held for this verse.
पारणं चैव भद्रायां कृत्वा विष्णुसमा नराः । श्रद्धावान्यस्तु कुरुते कामदाया व्रतं शुभम्
pāraṇaṃ caiva bhadrāyāṃ kṛtvā viṣṇusamā narāḥ | śraddhāvānyastu kurute kāmadāyā vrataṃ śubham
Sanskrit only: no published translation is held for this verse.
वांछितं लभते सोऽपि इहलोके परत्र च । पवित्रा पावनी ह्येषा महापातकनाशिनी
vāṃchitaṃ labhate so'pi ihaloke paratra ca | pavitrā pāvanī hyeṣā mahāpātakanāśinī
Sanskrit only: no published translation is held for this verse.
भुक्तिमुक्तिप्रदा चैव कर्तॄणां नृपसत्तम । कामदायां विधानेन पूजयेत्पुरुषोत्तमम्
bhuktimuktipradā caiva kartṝṇāṃ nṛpasattama | kāmadāyāṃ vidhānena pūjayetpuruṣottamam
Sanskrit only: no published translation is held for this verse.
पुष्पधूपादिभिश्चैव नैवेद्यैर्विविधैस्तथा । कांस्य मांसमसूरांश्च चणकान्कोद्रवांस्तथा
puṣpadhūpādibhiścaiva naivedyairvividhaistathā | kāṃsya māṃsamasūrāṃśca caṇakānkodravāṃstathā
Sanskrit only: no published translation is held for this verse.
शाकं मधु परान्नं च पुनर्भोजन मैथुनम् । वैष्णवो व्रतकर्त्ता च दशम्यां दश वर्जयेत्
śākaṃ madhu parānnaṃ ca punarbhojana maithunam | vaiṣṇavo vratakarttā ca daśamyāṃ daśa varjayet
Sanskrit only: no published translation is held for this verse.
द्यूतं क्रीडां तथा निद्रा तांबूलं दंतधावनम् । परापवादं पैशुन्यं स्तेयं हिंसां तथा रतिम्
dyūtaṃ krīḍāṃ tathā nidrā tāṃbūlaṃ daṃtadhāvanam | parāpavādaṃ paiśunyaṃ steyaṃ hiṃsāṃ tathā ratim
Sanskrit only: no published translation is held for this verse.
क्रोधं च वितथं वाक्यमेकादश्यां विवर्जयेत् । कांस्यं मांसंमसूरांश्च तैलं वितथभाषणम्
krodhaṃ ca vitathaṃ vākyamekādaśyāṃ vivarjayet | kāṃsyaṃ māṃsaṃmasūrāṃśca tailaṃ vitathabhāṣaṇam
Sanskrit only: no published translation is held for this verse.
व्यायामं च प्रवासं च पुनर्भोजनमैथुनम् । वृषपृष्ठं परान्नं च शाकं च द्वादशीदिने
vyāyāmaṃ ca pravāsaṃ ca punarbhojanamaithunam | vṛṣapṛṣṭhaṃ parānnaṃ ca śākaṃ ca dvādaśīdine
Sanskrit only: no published translation is held for this verse.
अनेन विधिना राजन्विहिता यैश्च कामदा । रात्रौ जागरणं कृत्वा पूजितः पुरुषोत्तमः
anena vidhinā rājanvihitā yaiśca kāmadā | rātrau jāgaraṇaṃ kṛtvā pūjitaḥ puruṣottamaḥ
Sanskrit only: no published translation is held for this verse.
सर्वपापविनिर्मुक्तास्ते यांति परमां गतिम् । पठनाच्छ्रवणाद्राजन्गोसहस्रफलं लभेत्
sarvapāpavinirmuktāste yāṃti paramāṃ gatim | paṭhanācchravaṇādrājangosahasraphalaṃ labhet
Sanskrit only: no published translation is held for this verse.
इति श्रीपाद्मे महापुराणे पंचपंचाशत्साहस्र्यां संहितायामुत्तरखण्डे उमापतिनारदसंवादे पुरुषोत्तममासस्य शुक्ला कामदानामैकादशीनाम त्रिषष्टितमोऽध्यायः
iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṇḍe umāpatināradasaṃvāde puruṣottamamāsasya śuklā kāmadānāmaikādaśīnāma triṣaṣṭitamo'dhyāyaḥ
Sanskrit only: no published translation is held for this verse.