Library·Padma Purāṇa·6·6.65
नारद उवाच- चातुर्मास्यव्रतानां च प्रब्रूह्युद्यापनं विभो । उद्यापने कृते सर्वं संपूर्णं भवति ध्रुवम्
nārada uvāca- cāturmāsyavratānāṃ ca prabrūhyudyāpanaṃ vibho | udyāpane kṛte sarvaṃ saṃpūrṇaṃ bhavati dhruvam
Sanskrit only: no published translation is held for this verse.
महादेव उवाच- व्रतं कृत्वा महाभाग यदि नोद्यापनं चरेत् । यस्तु कर्त्ता कर्मणां स न सम्यक्फलभाक्भवेत्
mahādeva uvāca- vrataṃ kṛtvā mahābhāga yadi nodyāpanaṃ caret | yastu karttā karmaṇāṃ sa na samyakphalabhākbhavet
Sanskrit only: no published translation is held for this verse.
व्रतवैकल्यमासाद्य कुष्ठी चांधः प्रजायते । एतस्मात्कारणाच्चैव कुर्यादुद्यापनं द्विज
vratavaikalyamāsādya kuṣṭhī cāṃdhaḥ prajāyate | etasmātkāraṇāccaiva kuryādudyāpanaṃ dvija
Sanskrit only: no published translation is held for this verse.
गृहीत्वा नियमानेतान्पालयित्वा यथाविधि । सुप्तोत्थिते जगन्नाथे गत्वा ब्राह्मणसंनिधौ
gṛhītvā niyamānetānpālayitvā yathāvidhi | suptotthite jagannāthe gatvā brāhmaṇasaṃnidhau
Sanskrit only: no published translation is held for this verse.
क्षमापयेद्देवदेवं यथाविधि च विस्तरात् । तैलत्यागे घृतं दद्याद्घृतत्यागे पयः स्मृतम्
kṣamāpayeddevadevaṃ yathāvidhi ca vistarāt | tailatyāge ghṛtaṃ dadyādghṛtatyāge payaḥ smṛtam
Sanskrit only: no published translation is held for this verse.
मौने पिंडास्तिला देयाः सहिरण्या द्विजातये । भोजने भोजनं दद्याद्दध्योदनसमन्वितम्
maune piṃḍāstilā deyāḥ sahiraṇyā dvijātaye | bhojane bhojanaṃ dadyāddadhyodanasamanvitam
Sanskrit only: no published translation is held for this verse.
अन्नं दद्याद्विशेषेण हिरण्येन समन्वितम् । अन्नदानान्मुनिश्रेष्ठ विष्णुलोके महीयते
annaṃ dadyādviśeṣeṇa hiraṇyena samanvitam | annadānānmuniśreṣṭha viṣṇuloke mahīyate
Sanskrit only: no published translation is held for this verse.
पालाशपात्रे यो भुंक्ते नरो मासचतुष्टयम् । भाजनं घृतपूर्णं तु दद्यादुद्यापने द्विज
pālāśapātre yo bhuṃkte naro māsacatuṣṭayam | bhājanaṃ ghṛtapūrṇaṃ tu dadyādudyāpane dvija
Sanskrit only: no published translation is held for this verse.
षड्रसं भोजनं दद्याद्ब्राह्मणे नक्तभोजने । अयाचिते ह्यनड्वाहं सहिरण्यं प्रदापयेत्
ṣaḍrasaṃ bhojanaṃ dadyādbrāhmaṇe naktabhojane | ayācite hyanaḍvāhaṃ sahiraṇyaṃ pradāpayet
Sanskrit only: no published translation is held for this verse.
माषं त्यजन्मुनिश्रेष्ठ गां च दद्यात्सवत्सकाम् । धात्रीस्नाने नरो दद्यात्स्वर्णं माषिकमेवच
māṣaṃ tyajanmuniśreṣṭha gāṃ ca dadyātsavatsakām | dhātrīsnāne naro dadyātsvarṇaṃ māṣikamevaca
Sanskrit only: no published translation is held for this verse.
फलानां नियमे चैव फलानि च प्रदापयेत् । धान्यानां नियमे धान्यमथवा शालयः स्मृताः
phalānāṃ niyame caiva phalāni ca pradāpayet | dhānyānāṃ niyame dhānyamathavā śālayaḥ smṛtāḥ
Sanskrit only: no published translation is held for this verse.
तद्वद्भूशयने शय्यां सतूलां गेंदुकान्विताम् । ब्रह्मचर्यं कृतं येन चातुर्मास्ये द्विजोत्तम
tadvadbhūśayane śayyāṃ satūlāṃ geṃdukānvitām | brahmacaryaṃ kṛtaṃ yena cāturmāsye dvijottama
Sanskrit only: no published translation is held for this verse.
दंपत्योर्भोजनं देयमुभयोर्भक्तिपूर्वकम् । सभोगं दक्षिणोपेतं सशाकं लवणं तथा
daṃpatyorbhojanaṃ deyamubhayorbhaktipūrvakam | sabhogaṃ dakṣiṇopetaṃ saśākaṃ lavaṇaṃ tathā
Sanskrit only: no published translation is held for this verse.
नित्यस्नाने नरो दद्यान्निस्नेहे सर्पिः सक्तवः । नखकेशव्रते चैव प्रादेशं परिकल्पयेत्
nityasnāne naro dadyānnisnehe sarpiḥ saktavaḥ | nakhakeśavrate caiva prādeśaṃ parikalpayet
Sanskrit only: no published translation is held for this verse.
उपानहौ प्रदातव्यौ उपानहविवर्जनात् । आमिषस्य परित्यागात्सवत्सा कपिला स्मृता
upānahau pradātavyau upānahavivarjanāt | āmiṣasya parityāgātsavatsā kapilā smṛtā
Sanskrit only: no published translation is held for this verse.
नित्यं दीपप्रदो यस्तु सौवर्णं दीपमावहेत् । तं दीपं घृतसंयुक्तं दद्याच्चैव द्विजन्मने
nityaṃ dīpaprado yastu sauvarṇaṃ dīpamāvahet | taṃ dīpaṃ ghṛtasaṃyuktaṃ dadyāccaiva dvijanmane
Sanskrit only: no published translation is held for this verse.
विष्णुभक्ताय विप्राय परिपूर्णव्रतेप्सया । शाकस्य नियमे शाकं माषे सौवर्णमाषकम्
viṣṇubhaktāya viprāya paripūrṇavratepsayā | śākasya niyame śākaṃ māṣe sauvarṇamāṣakam
Sanskrit only: no published translation is held for this verse.
मैथुनानां तु नियमे रौप्यं दद्याद्दिवजातये । नागवल्ल्यास्तु नियमे कर्पूरं सहरिण्यकम्
maithunānāṃ tu niyame raupyaṃ dadyāddivajātaye | nāgavallyāstu niyame karpūraṃ sahariṇyakam
Sanskrit only: no published translation is held for this verse.
कालेकाले द्विजश्रेष्ठ यत्कृतं नियमेन तु । तत्तद्देयं विशेषेण परलोकगतीप्सया
kālekāle dvijaśreṣṭha yatkṛtaṃ niyamena tu | tattaddeyaṃ viśeṣeṇa paralokagatīpsayā
Sanskrit only: no published translation is held for this verse.
आदौ स्नानादिकं कृत्वा विष्णोरग्रे प्रकाशयेत् । अनादिनिधनो देवः शंखचक्रगदाधरः । तस्याग्रे के न कुर्वंति यतो विष्णुस्तु पापहा
ādau snānādikaṃ kṛtvā viṣṇoragre prakāśayet | anādinidhano devaḥ śaṃkhacakragadādharaḥ | tasyāgre ke na kurvaṃti yato viṣṇustu pāpahā
Sanskrit only: no published translation is held for this verse.