Library·Padma Purāṇa·6·6.66
नारद उवाच- यमस्याराधनं ब्रूहि मद्धितार्थं सुरोत्तम । कथं न गम्यते देव नरेण नरकांतरे
nārada uvāca- yamasyārādhanaṃ brūhi maddhitārthaṃ surottama | kathaṃ na gamyate deva nareṇa narakāṃtare
Sanskrit only: no published translation is held for this verse.
श्रूयते यमलोके तु सदा वैतरणी नदी । अनाधृष्यात्वपारा च दुस्तरा बहुशोणिता
śrūyate yamaloke tu sadā vaitaraṇī nadī | anādhṛṣyātvapārā ca dustarā bahuśoṇitā
Sanskrit only: no published translation is held for this verse.
दुस्तरा सर्वभूतानां सा कथं सुतरा भवेत् । भयमेतन्महादेव यमलोकं प्रति प्रभो
dustarā sarvabhūtānāṃ sā kathaṃ sutarā bhavet | bhayametanmahādeva yamalokaṃ prati prabho
Sanskrit only: no published translation is held for this verse.
तस्य निर्मोचनार्थाय ब्रूहि कृत्यमशेषतः । भगवन्देवदेवेश कृपां कृत्वा ममोपरि
tasya nirmocanārthāya brūhi kṛtyamaśeṣataḥ | bhagavandevadeveśa kṛpāṃ kṛtvā mamopari
Sanskrit only: no published translation is held for this verse.
महादेव उवाच- द्वारवत्यां पुरा विप्र स्नातोऽहं लवणांभसि । ददृशे मुनिमायांतं मुद्गलं नाम वाडव
mahādeva uvāca- dvāravatyāṃ purā vipra snāto'haṃ lavaṇāṃbhasi | dadṛśe munimāyāṃtaṃ mudgalaṃ nāma vāḍava
Sanskrit only: no published translation is held for this verse.
ज्वलंतमिवचादित्यं तपसा द्योततांगकम् । मां प्रणम्य मुनिः प्राह मुद्गलो विस्मयान्वितः
jvalaṃtamivacādityaṃ tapasā dyotatāṃgakam | māṃ praṇamya muniḥ prāha mudgalo vismayānvitaḥ
Sanskrit only: no published translation is held for this verse.
मुद्गल उवाच- अकस्मान्मूर्च्छितो देव पतितोऽस्मि धरातले । प्रज्वलंति ममांगानि गृहीतो यमकिंकरैः
mudgala uvāca- akasmānmūrcchito deva patito'smi dharātale | prajvalaṃti mamāṃgāni gṛhīto yamakiṃkaraiḥ
Sanskrit only: no published translation is held for this verse.
बलादाकृष्यमाणोऽहं पुरुषॐगुष्ठमात्रकः । बद्धो यमभटैर्गाढं नीतोऽस्मि शमनांतिकम्
balādākṛṣyamāṇo'haṃ puruṣaoṃguṣṭhamātrakaḥ | baddho yamabhaṭairgāḍhaṃ nīto'smi śamanāṃtikam
Sanskrit only: no published translation is held for this verse.
क्षणात्सभायां पश्यामि यमं पिंगललोचनम् । कृष्णमुखं महारौद्रं मृत्युव्याधिशतान्वितम्
kṣaṇātsabhāyāṃ paśyāmi yamaṃ piṃgalalocanam | kṛṣṇamukhaṃ mahāraudraṃ mṛtyuvyādhiśatānvitam
Sanskrit only: no published translation is held for this verse.
वातपित्त श्लेष्मदोषैर्मूर्तिमद्भिस्तु सेवितम् । कायशोषज्वरातंक स्फोटिका लूतकादिभिः
vātapitta śleṣmadoṣairmūrtimadbhistu sevitam | kāyaśoṣajvarātaṃka sphoṭikā lūtakādibhiḥ
Sanskrit only: no published translation is held for this verse.
ज्वालांगमर्दशीर्षार्ति भगंदर बलक्षयैः । कंठमालाक्षिरोगैश्च मूत्रकृच्छ्रज्वरव्रणैः
jvālāṃgamardaśīrṣārti bhagaṃdara balakṣayaiḥ | kaṃṭhamālākṣirogaiśca mūtrakṛcchrajvaravraṇaiḥ
Sanskrit only: no published translation is held for this verse.
विमूर्च्छिका गलग्राह हृद्रोगैर्भूततस्करैः । इत्थं बहुविधै रौद्रैर्नानारूपैर्भयंकरैः
vimūrcchikā galagrāha hṛdrogairbhūtataskaraiḥ | itthaṃ bahuvidhai raudrairnānārūpairbhayaṃkaraiḥ
Sanskrit only: no published translation is held for this verse.
कपालशिरोहस्तैश्च संग्रामे नरके तथा । राक्षसैर्दानवैर्घोरैरुपविष्टैः पुरः स्थितैः
kapālaśirohastaiśca saṃgrāme narake tathā | rākṣasairdānavairghorairupaviṣṭaiḥ puraḥ sthitaiḥ
Sanskrit only: no published translation is held for this verse.
धर्माधिकारिभिश्चात्र चित्रगुप्तादि लेखकैः । व्याघ्र सिंह वराहैश्च शिखासर्पैः सुदुर्द्धरैः
dharmādhikāribhiścātra citraguptādi lekhakaiḥ | vyāghra siṃha varāhaiśca śikhāsarpaiḥ sudurddharaiḥ
Sanskrit only: no published translation is held for this verse.
वृश्चिकैर्दंष्ट्रिभिर्भूतैः कीटकैर्मत्कुणादिभिः । वृक चित्रादि शुनकैः कंकैर्गृध्रैश्च जंबुकैः
vṛścikairdaṃṣṭribhirbhūtaiḥ kīṭakairmatkuṇādibhiḥ | vṛka citrādi śunakaiḥ kaṃkairgṛdhraiśca jaṃbukaiḥ
Sanskrit only: no published translation is held for this verse.
तस्करैर्भूतदारिद्रैर्मारिभिर्डाकिनीग्रहैः । मुक्तकेशैः श्वासकासैर्भ्रुकुटी कुटिलाननैः
taskarairbhūtadāridrairmāribhirḍākinīgrahaiḥ | muktakeśaiḥ śvāsakāsairbhrukuṭī kuṭilānanaiḥ
Sanskrit only: no published translation is held for this verse.
बृहत्प्रतापैर्नोभीतैः शासकैः पापकर्मणाम् । यमः सभायां शुशुभे सेव्यमानः परिग्रहैः
bṛhatpratāpairnobhītaiḥ śāsakaiḥ pāpakarmaṇām | yamaḥ sabhāyāṃ śuśubhe sevyamānaḥ parigrahaiḥ
Sanskrit only: no published translation is held for this verse.
भीमाटविकजीवैश्च यथा व्यालांजनो गिरिः । ततो विश्वेश्वरः प्राह समयः किंकरान्प्रति
bhīmāṭavikajīvaiśca yathā vyālāṃjano giriḥ | tato viśveśvaraḥ prāha samayaḥ kiṃkarānprati
Sanskrit only: no published translation is held for this verse.
नामभ्रांतैर्भवद्भिश्च समानीतः कथं मुनिः । भीमकस्यात्मजो ग्रामे कौंडिन्ये मुद्गलाभिधः
nāmabhrāṃtairbhavadbhiśca samānītaḥ kathaṃ muniḥ | bhīmakasyātmajo grāme kauṃḍinye mudgalābhidhaḥ
Sanskrit only: no published translation is held for this verse.
क्षीणायुः क्षत्रियः सोऽस्ति आनेयो मुच्यतामसौ । श्रुत्वैतत्ते गतास्तस्मादायाताः पुनरेव ते
kṣīṇāyuḥ kṣatriyaḥ so'sti āneyo mucyatāmasau | śrutvaitatte gatāstasmādāyātāḥ punareva te
Sanskrit only: no published translation is held for this verse.
धर्मराजं पुनः प्राहुः सर्वे ते यमकिंकराः । तत्रास्माभिर्गतैर्देही क्षीणायुर्नोपलक्षितः
dharmarājaṃ punaḥ prāhuḥ sarve te yamakiṃkarāḥ | tatrāsmābhirgatairdehī kṣīṇāyurnopalakṣitaḥ
Sanskrit only: no published translation is held for this verse.
यम उवाच- किं कारणमदृश्यास्ते प्रायेण भवतां नराः । सुकृता द्वादशीयैस्तु ख्याता वैतरणी नदी
yama uvāca- kiṃ kāraṇamadṛśyāste prāyeṇa bhavatāṃ narāḥ | sukṛtā dvādaśīyaistu khyātā vaitaraṇī nadī
Sanskrit only: no published translation is held for this verse.
उज्जयिन्यां प्रयागे वा यमुनायां च ये मृताः । तिलहस्तिहिरण्यादि दत्तं यैस्तु गवाह्निकम्
ujjayinyāṃ prayāge vā yamunāyāṃ ca ye mṛtāḥ | tilahastihiraṇyādi dattaṃ yaistu gavāhnikam
Sanskrit only: no published translation is held for this verse.
दूता ऊचुः - तद्व्रतं कीदृशं ब्रह्मन्ब्रूहि सर्वमशेषतः । किं तत्र देव कर्त्तव्यं पुरुषैस्तवतोषदम्
dūtā ūcuḥ - tadvrataṃ kīdṛśaṃ brahmanbrūhi sarvamaśeṣataḥ | kiṃ tatra deva karttavyaṃ puruṣaistavatoṣadam
Sanskrit only: no published translation is held for this verse.
येन कृता नरश्रेष्ठ द्वादशी कृष्णपक्षजा । उपवासे च तेनैव कथं पापात्प्रमुच्यते
yena kṛtā naraśreṣṭha dvādaśī kṛṣṇapakṣajā | upavāse ca tenaiva kathaṃ pāpātpramucyate
Sanskrit only: no published translation is held for this verse.
तद्व्रतं केन विधिना कर्त्तव्यं च यथा वद । सुप्रसन्नेन वक्तव्यं दयां कृत्वा दयानिधे
tadvrataṃ kena vidhinā karttavyaṃ ca yathā vada | suprasannena vaktavyaṃ dayāṃ kṛtvā dayānidhe
Sanskrit only: no published translation is held for this verse.
श्रीमुद्गल उवाच- दूतानां वचनं श्रुत्वा उवाच मधुरं तदा । सर्वं वदामि भो दूता यथादृष्टं यथाश्रुतम्
śrīmudgala uvāca- dūtānāṃ vacanaṃ śrutvā uvāca madhuraṃ tadā | sarvaṃ vadāmi bho dūtā yathādṛṣṭaṃ yathāśrutam
Sanskrit only: no published translation is held for this verse.
यम उवाच- मार्गशीर्षादि मासे तु या इमाः कृष्णपक्षजाः । तासु पूर्वासु विधिवद्दूता वैतरणीव्रतम्
yama uvāca- mārgaśīrṣādi māse tu yā imāḥ kṛṣṇapakṣajāḥ | tāsu pūrvāsu vidhivaddūtā vaitaraṇīvratam
Sanskrit only: no published translation is held for this verse.
प्रतिमासं च कर्त्तव्यं यावद्वर्षं भवेद्ध्रुवम् । यां तु कृत्वा तु भो दूता मुच्यते नात्र संशयः
pratimāsaṃ ca karttavyaṃ yāvadvarṣaṃ bhaveddhruvam | yāṃ tu kṛtvā tu bho dūtā mucyate nātra saṃśayaḥ
Sanskrit only: no published translation is held for this verse.
उपवासस्य नियमः कर्त्तव्यो विष्णु तुष्टिदः । अद्य मे देवदेवेश उपवासो भविष्यति
upavāsasya niyamaḥ karttavyo viṣṇu tuṣṭidaḥ | adya me devadeveśa upavāso bhaviṣyati
Sanskrit only: no published translation is held for this verse.
द्वादश्यां पूज्य गोविंदं भक्तिभावसमन्वितम् । स्वप्नेंद्रियस्य वैकल्याद्भोजनं यच्च मैथुनम्
dvādaśyāṃ pūjya goviṃdaṃ bhaktibhāvasamanvitam | svapneṃdriyasya vaikalyādbhojanaṃ yacca maithunam
Sanskrit only: no published translation is held for this verse.
तत्सर्वं क्षम मे देव कृपां कृत्वा ममोपरि । एवं वै नियमं कृत्वा मध्याह्ने तीर्थमाव्रजेत्
tatsarvaṃ kṣama me deva kṛpāṃ kṛtvā mamopari | evaṃ vai niyamaṃ kṛtvā madhyāhne tīrthamāvrajet
Sanskrit only: no published translation is held for this verse.
मृद्गोमय तिलान्नीत्वा गंतव्यं विधिपूर्वकम् । स्नानं तत्र प्रकर्तव्यं व्रतसंपूर्णहेतवे
mṛdgomaya tilānnītvā gaṃtavyaṃ vidhipūrvakam | snānaṃ tatra prakartavyaṃ vratasaṃpūrṇahetave
Sanskrit only: no published translation is held for this verse.
अश्वक्रांतेति मंत्रेण स्नानं कुर्याद्विशेषतः । अश्वक्रांते रथक्रांते विष्णुक्रांते वसुंधरे
aśvakrāṃteti maṃtreṇa snānaṃ kuryādviśeṣataḥ | aśvakrāṃte rathakrāṃte viṣṇukrāṃte vasuṃdhare
Sanskrit only: no published translation is held for this verse.
मृत्तिके हर मे पापं यन्मया पूर्वसंचितम् । तया हतेन पापेन सर्वपापैः प्रमुच्यते
mṛttike hara me pāpaṃ yanmayā pūrvasaṃcitam | tayā hatena pāpena sarvapāpaiḥ pramucyate
Sanskrit only: no published translation is held for this verse.
काश्यां चैव तु संभूतास्तिला वै विष्णुरूपिणः । तिलस्नानेन गोविंदः सर्वं पापं व्यपोहति
kāśyāṃ caiva tu saṃbhūtāstilā vai viṣṇurūpiṇaḥ | tilasnānena goviṃdaḥ sarvaṃ pāpaṃ vyapohati
Sanskrit only: no published translation is held for this verse.
विष्णुदेहोद्भवा देवि महापापापहारिणी । सर्वं पापं हर त्वं वै सर्वेषां हि नमोऽस्तु ते
viṣṇudehodbhavā devi mahāpāpāpahāriṇī | sarvaṃ pāpaṃ hara tvaṃ vai sarveṣāṃ hi namo'stu te
Sanskrit only: no published translation is held for this verse.
तुलसीपत्रकं धृत्वा नामोच्चारणपूर्वकम् । स्नानं सुकृतिभिः प्रोक्तं कर्तव्यं विधिपूर्वकम्
tulasīpatrakaṃ dhṛtvā nāmoccāraṇapūrvakam | snānaṃ sukṛtibhiḥ proktaṃ kartavyaṃ vidhipūrvakam
Sanskrit only: no published translation is held for this verse.
एवं स्नात्वा समुत्तीर्य परिधाय सुवाससी । तर्पयित्वा पितॄन्देवांस्ततो विष्णोस्तु पूजनम्
evaṃ snātvā samuttīrya paridhāya suvāsasī | tarpayitvā pitṝndevāṃstato viṣṇostu pūjanam
Sanskrit only: no published translation is held for this verse.
संस्थाप्य चाव्रणं कुंभं पंचपल्लवसंयुतम् । पंचरत्नसमोपेतं दिव्यस्रग्गंधवासितम्
saṃsthāpya cāvraṇaṃ kuṃbhaṃ paṃcapallavasaṃyutam | paṃcaratnasamopetaṃ divyasraggaṃdhavāsitam
Sanskrit only: no published translation is held for this verse.
जलपूर्णं सद्रव्यंच ताम्रपात्रसमन्वितम् । तत्रस्थं श्रीधरं देवं देवदेवं तपोनिधिम्
jalapūrṇaṃ sadravyaṃca tāmrapātrasamanvitam | tatrasthaṃ śrīdharaṃ devaṃ devadevaṃ taponidhim
Sanskrit only: no published translation is held for this verse.
पूर्णेन विधिना राजन्कुर्यात्पूजां गरीयसीम् । मृद्गोमयादिरचितं मंडलं कारयेच्छुभम्
pūrṇena vidhinā rājankuryātpūjāṃ garīyasīm | mṛdgomayādiracitaṃ maṃḍalaṃ kārayecchubham
Sanskrit only: no published translation is held for this verse.
तंडुलैः शुक्लधौतैश्च अश्मपिष्टैश्च कारयेत् । धर्मराजः प्रकर्त्तव्यो हस्ताद्यव यवान्वितः
taṃḍulaiḥ śukladhautaiśca aśmapiṣṭaiśca kārayet | dharmarājaḥ prakarttavyo hastādyava yavānvitaḥ
Sanskrit only: no published translation is held for this verse.
नदीं वैतरणीं ताम्रां स्थापयित्वा तदग्रतः । पूजयेच्च पृथक्सम्यक्समावाहनपूर्वकम्
nadīṃ vaitaraṇīṃ tāmrāṃ sthāpayitvā tadagrataḥ | pūjayecca pṛthaksamyaksamāvāhanapūrvakam
Sanskrit only: no published translation is held for this verse.
आवाहयामि देवेशं यमं वै विश्वरूपिणम् । इहाभ्येहि महाभाग सान्निध्यं कुरु केशव
āvāhayāmi deveśaṃ yamaṃ vai viśvarūpiṇam | ihābhyehi mahābhāga sānnidhyaṃ kuru keśava
Sanskrit only: no published translation is held for this verse.
इदं पाद्यं श्रियः कांत सोपविष्टं हरे प्रभो । विश्वोद्यानरतो नित्यं कृपां कुरु ममोपरि
idaṃ pādyaṃ śriyaḥ kāṃta sopaviṣṭaṃ hare prabho | viśvodyānarato nityaṃ kṛpāṃ kuru mamopari
Sanskrit only: no published translation is held for this verse.
भूतिदाय नमः पादावशोकाय च जानुनी । उरू नमः शिवायेति विश्वमूर्ते नमः कटिम्
bhūtidāya namaḥ pādāvaśokāya ca jānunī | urū namaḥ śivāyeti viśvamūrte namaḥ kaṭim
Sanskrit only: no published translation is held for this verse.
कंदर्पाय नमो मेढ्रमादित्याय फलं तथा । दामोदराय जठरं वासुदेवाय वै स्तनौ
kaṃdarpāya namo meḍhramādityāya phalaṃ tathā | dāmodarāya jaṭharaṃ vāsudevāya vai stanau
Sanskrit only: no published translation is held for this verse.
श्रीधराय मुखं केशान्केशवायेति वै नमः । पृष्ठं शार्ङ्गधरायेति चरणौ वरदाय च
śrīdharāya mukhaṃ keśānkeśavāyeti vai namaḥ | pṛṣṭhaṃ śārṅgadharāyeti caraṇau varadāya ca
Sanskrit only: no published translation is held for this verse.
स्वनाम्ना शंखचक्रासिगदापरशुपाणये । सर्वात्मने नमस्तुभ्यं शिर इत्यभिधीयते 6.66.५०। मत्स्यं कूर्मं च वाराहं नारसिंहं च वामनम् । रामं रामं च कृष्णं च बुधं कल्किं नमोऽस्तु ते५१। सर्वपापौघनाशार्थं पूजयामि नमो नमः । एभिश्च सर्वशो मंत्रैर्विष्णुं ध्यात्वा प्रपूजयेत्
svanāmnā śaṃkhacakrāsigadāparaśupāṇaye | sarvātmane namastubhyaṃ śira ityabhidhīyate 6.66.50| matsyaṃ kūrmaṃ ca vārāhaṃ nārasiṃhaṃ ca vāmanam | rāmaṃ rāmaṃ ca kṛṣṇaṃ ca budhaṃ kalkiṃ namo'stu te51| sarvapāpaughanāśārthaṃ pūjayāmi namo namaḥ | ebhiśca sarvaśo maṃtrairviṣṇuṃ dhyātvā prapūjayet
Sanskrit only: no published translation is held for this verse.
धर्मराज नमस्तेऽस्तु धर्मराज नमोऽस्तु ते । दक्षिणाशापते तुभ्यं नमो महिषवाहन
dharmarāja namaste'stu dharmarāja namo'stu te | dakṣiṇāśāpate tubhyaṃ namo mahiṣavāhana
Sanskrit only: no published translation is held for this verse.
चित्रगुप्त नमस्तुभ्यं विचित्राय नमोनमः । नरकार्तिप्रशांत्यर्थं कामान्यच्छ ममेप्सितान्
citragupta namastubhyaṃ vicitrāya namonamaḥ | narakārtipraśāṃtyarthaṃ kāmānyaccha mamepsitān
Sanskrit only: no published translation is held for this verse.
यमाय धर्मराजाय मृत्यवे चांतकाय च । वैवस्वताय कालाय सर्वभूतक्षयाय च
yamāya dharmarājāya mṛtyave cāṃtakāya ca | vaivasvatāya kālāya sarvabhūtakṣayāya ca
Sanskrit only: no published translation is held for this verse.
वृकोदराय चित्राय चित्रगुप्ताय वै नमः । नीलाय चैव दध्नाय नित्यं कुर्यान्नमो नमः
vṛkodarāya citrāya citraguptāya vai namaḥ | nīlāya caiva dadhnāya nityaṃ kuryānnamo namaḥ
Sanskrit only: no published translation is held for this verse.
एवं द्वादशभिः पूज्यो नामभिर्धर्मराट्प्रभुः। वैतरणी सुदुःपारे पापघ्नि सर्वकामदे
evaṃ dvādaśabhiḥ pūjyo nāmabhirdharmarāṭprabhuḥ| vaitaraṇī suduḥpāre pāpaghni sarvakāmade
Sanskrit only: no published translation is held for this verse.
इहाभ्येहि महाभागे गृहाणार्घं मया कृतम् । यमद्वारपथे घोरे ख्याता वैतरणी नदी
ihābhyehi mahābhāge gṛhāṇārghaṃ mayā kṛtam | yamadvārapathe ghore khyātā vaitaraṇī nadī
Sanskrit only: no published translation is held for this verse.
तस्यामुद्धरणार्थाय जन्ममृत्युजरातिगा । या दुस्तरा दुष्कृतिभिः सर्वप्राणिभयापहा
tasyāmuddharaṇārthāya janmamṛtyujarātigā | yā dustarā duṣkṛtibhiḥ sarvaprāṇibhayāpahā
Sanskrit only: no published translation is held for this verse.
यस्यां भयात्प्रमज्जंति प्राणिनो यातनापराः । तर्तुकामस्तु तां घोरं जया देवि नमोनमः
yasyāṃ bhayātpramajjaṃti prāṇino yātanāparāḥ | tartukāmastu tāṃ ghoraṃ jayā devi namonamaḥ
Sanskrit only: no published translation is held for this verse.
तस्यां देवाधितिष्ठंति या सा वैतरणी नदी । सा चापि पूजिता भक्त्या प्रीत्यर्थं केशवस्य च
tasyāṃ devādhitiṣṭhaṃti yā sā vaitaraṇī nadī | sā cāpi pūjitā bhaktyā prītyarthaṃ keśavasya ca
Sanskrit only: no published translation is held for this verse.
यस्यास्तटे प्रविशंति ऋषयः पितरस्तथा । सा चापि सिंधुरूपेण पूजिता पापहारिका
yasyāstaṭe praviśaṃti ṛṣayaḥ pitarastathā | sā cāpi siṃdhurūpeṇa pūjitā pāpahārikā
Sanskrit only: no published translation is held for this verse.
तरीतुं तां प्रदास्यामि सर्वपापविमुक्तये । पुण्यार्थं संप्रवक्ष्यामि तुभ्यं वैतरणी नदीम्
tarītuṃ tāṃ pradāsyāmi sarvapāpavimuktaye | puṇyārthaṃ saṃpravakṣyāmi tubhyaṃ vaitaraṇī nadīm
Sanskrit only: no published translation is held for this verse.
मयासि पूजिता भक्त्या प्रीत्यर्थं केशवस्य च । कृष्णकृष्णजगन्नाथ संसारादुद्धरस्व माम्
mayāsi pūjitā bhaktyā prītyarthaṃ keśavasya ca | kṛṣṇakṛṣṇajagannātha saṃsārāduddharasva mām
Sanskrit only: no published translation is held for this verse.
नामग्रहणमात्रेण सर्वं पापं हरस्व मे । यज्ञोपवीतं परमं कारितं नवतंतुभिः
nāmagrahaṇamātreṇa sarvaṃ pāpaṃ harasva me | yajñopavītaṃ paramaṃ kāritaṃ navataṃtubhiḥ
Sanskrit only: no published translation is held for this verse.
प्रतिगृह्णीष्व देवेश प्रीतो यच्छ ममेप्सितम् । इदं तव च तांबूलं यथाशक्त्या सुशोभनम्
pratigṛhṇīṣva deveśa prīto yaccha mamepsitam | idaṃ tava ca tāṃbūlaṃ yathāśaktyā suśobhanam
Sanskrit only: no published translation is held for this verse.
प्रतिगृह्णीष्व देवेश मामुद्धर भवार्णवात् । पंचवर्ती प्रदीपोऽयं देवेशारार्तिकं तव
pratigṛhṇīṣva deveśa māmuddhara bhavārṇavāt | paṃcavartī pradīpo'yaṃ deveśārārtikaṃ tava
Sanskrit only: no published translation is held for this verse.
मोहांधकारद्युमणे भक्तियुक्तो भवार्तिहृत् । परमान्नं सुपक्वान्नं समस्तरससंयुतम्
mohāṃdhakāradyumaṇe bhaktiyukto bhavārtihṛt | paramānnaṃ supakvānnaṃ samastarasasaṃyutam
Sanskrit only: no published translation is held for this verse.
निवेदितं मया भक्त्या भगवन्प्रतिगृह्यताम् । द्वादशाक्षरमंत्रेण यथासंख्य जपेन च
niveditaṃ mayā bhaktyā bhagavanpratigṛhyatām | dvādaśākṣaramaṃtreṇa yathāsaṃkhya japena ca
Sanskrit only: no published translation is held for this verse.
प्रीयतां मे श्रियःकांतः प्रीतो यच्छतु वांछितम् । पंच गावः समुत्पन्ना मथ्यमाने महोदधौ
prīyatāṃ me śriyaḥkāṃtaḥ prīto yacchatu vāṃchitam | paṃca gāvaḥ samutpannā mathyamāne mahodadhau
Sanskrit only: no published translation is held for this verse.
तासां मध्ये तु या नंदा तस्यै धेन्वै नमोनमः । गां संपूज्य विधानेन अर्घ्यं दद्यात्समाहितः
tāsāṃ madhye tu yā naṃdā tasyai dhenvai namonamaḥ | gāṃ saṃpūjya vidhānena arghyaṃ dadyātsamāhitaḥ
Sanskrit only: no published translation is held for this verse.
सर्वकामदुघे देवि सर्वांतकनिवारिणी । आरोग्यं संततिं दीर्घां देहि नंदिनि मे सदा
sarvakāmadughe devi sarvāṃtakanivāriṇī | ārogyaṃ saṃtatiṃ dīrghāṃ dehi naṃdini me sadā
Sanskrit only: no published translation is held for this verse.
पूजिता च वसिष्ठेन विश्वामित्रेण धीमता । कपिले हर मे पापं यन्मया पूर्वसंचितम्
pūjitā ca vasiṣṭhena viśvāmitreṇa dhīmatā | kapile hara me pāpaṃ yanmayā pūrvasaṃcitam
Sanskrit only: no published translation is held for this verse.
गावो ममाग्रतः संतु गावो मे संतु पृष्ठतः । नाके मामुपतिष्ठंतु हेमशृंगी पयोमुचः
gāvo mamāgrataḥ saṃtu gāvo me saṃtu pṛṣṭhataḥ | nāke māmupatiṣṭhaṃtu hemaśṛṃgī payomucaḥ
Sanskrit only: no published translation is held for this verse.
सुरभ्यः सौरभेयाश्च सरितः सागरा यथा । सर्वदेवमये देवि सुभद्रे भक्तवत्सले
surabhyaḥ saurabheyāśca saritaḥ sāgarā yathā | sarvadevamaye devi subhadre bhaktavatsale
Sanskrit only: no published translation is held for this verse.
एवं संपूज्य विधिवद्दद्याद्गोषु गवाह्निकम् । सौरभेयः सर्वहिताः पवित्राः पापनाशनाः
evaṃ saṃpūjya vidhivaddadyādgoṣu gavāhnikam | saurabheyaḥ sarvahitāḥ pavitrāḥ pāpanāśanāḥ
Sanskrit only: no published translation is held for this verse.
प्रतिगृह्णंतु मे ग्रासं गावस्त्रैलोक्यमातरः । गंगदायै नमो भूत्यै सर्वपापप्रहाणये
pratigṛhṇaṃtu me grāsaṃ gāvastrailokyamātaraḥ | gaṃgadāyai namo bhūtyai sarvapāpaprahāṇaye
Sanskrit only: no published translation is held for this verse.
अनेनैव तु मंत्रेण गदां वैधारयेद्बुधः । पं नमः पद्मनाभाय पद्मं वै धारयेत्सुधीः
anenaiva tu maṃtreṇa gadāṃ vaidhārayedbudhaḥ | paṃ namaḥ padmanābhāya padmaṃ vai dhārayetsudhīḥ
Sanskrit only: no published translation is held for this verse.
चं चक्ररूपिणे विष्णो धारणं चक्रजं स्मृतम् । शं शंखरूपिणे तुभ्यं नमोऽस्तु सुखकारिणे
caṃ cakrarūpiṇe viṣṇo dhāraṇaṃ cakrajaṃ smṛtam | śaṃ śaṃkharūpiṇe tubhyaṃ namo'stu sukhakāriṇe
Sanskrit only: no published translation is held for this verse.
मंत्रेणानेन वै दूता धारणं शंखजं स्मृतम् । चतुर्णामायुधानां तु धारणं मुनिभिः स्मृतम्
maṃtreṇānena vai dūtā dhāraṇaṃ śaṃkhajaṃ smṛtam | caturṇāmāyudhānāṃ tu dhāraṇaṃ munibhiḥ smṛtam
Sanskrit only: no published translation is held for this verse.
अग्निहोत्रं यथा नित्यं वेदस्याध्ययनं तथा । ब्राह्मणस्य तथैवेदं तप्तमुद्रादि धारणम्
agnihotraṃ yathā nityaṃ vedasyādhyayanaṃ tathā | brāhmaṇasya tathaivedaṃ taptamudrādi dhāraṇam
Sanskrit only: no published translation is held for this verse.
चंदनेन सुगंधेन गोपिकाचंदनेन तु । धारणं च विशेषेण ब्राह्मणैर्वेदपारगैः
caṃdanena sugaṃdhena gopikācaṃdanena tu | dhāraṇaṃ ca viśeṣeṇa brāhmaṇairvedapāragaiḥ
Sanskrit only: no published translation is held for this verse.
चांडालोऽपि भवेच्छुद्धो धारणाच्च न संशयः । ऊर्ध्वं पुंड्रमृजुं सौम्यं सचिह्नं धारयेद्यदि
cāṃḍālo'pi bhavecchuddho dhāraṇācca na saṃśayaḥ | ūrdhvaṃ puṃḍramṛjuṃ saumyaṃ sacihnaṃ dhārayedyadi
Sanskrit only: no published translation is held for this verse.
स चांडालोऽपि शुद्धात्मा पूज्य एव सदा द्विजैः । चांडालानां गृहे दूतास्तुलसी यत्र दृश्यते
sa cāṃḍālo'pi śuddhātmā pūjya eva sadā dvijaiḥ | cāṃḍālānāṃ gṛhe dūtāstulasī yatra dṛśyate
Sanskrit only: no published translation is held for this verse.
तत्रत्या तुलसी ग्राह्या भक्तिभावेन चेतसा
tatratyā tulasī grāhyā bhaktibhāvena cetasā
Sanskrit only: no published translation is held for this verse.