Library·Padma Purāṇa·6·6.67
महेश्वर उवाच- इति श्रुतं धर्ममुखान्मुद्गलो द्विजसत्तमः । कथयित्वा ममाग्रे वै गतो यादृच्छिको मुने
maheśvara uvāca- iti śrutaṃ dharmamukhānmudgalo dvijasattamaḥ | kathayitvā mamāgre vai gato yādṛcchiko mune
Sanskrit only: no published translation is held for this verse.
गोपिकाचंदनं यत्र तिष्ठते वै द्विजोत्तम । तद्गृहं तीर्थरूपं च विष्णुना भाषितं किल
gopikācaṃdanaṃ yatra tiṣṭhate vai dvijottama | tadgṛhaṃ tīrtharūpaṃ ca viṣṇunā bhāṣitaṃ kila
Sanskrit only: no published translation is held for this verse.
शोकमोहौ न तत्रास्तां न भवत्यशुभं क्वचित् । गोपिकाचंदनं यस्य तिष्ठति द्विजसद्मनि
śokamohau na tatrāstāṃ na bhavatyaśubhaṃ kvacit | gopikācaṃdanaṃ yasya tiṣṭhati dvijasadmani
Sanskrit only: no published translation is held for this verse.
सुखिनः पूर्वजास्तेषां संततिर्वर्द्धते सदा । गोपिकाचंदनं यस्य वर्त्ततेऽहर्निशं गृहे
sukhinaḥ pūrvajāsteṣāṃ saṃtatirvarddhate sadā | gopikācaṃdanaṃ yasya varttate'harniśaṃ gṛhe
Sanskrit only: no published translation is held for this verse.
गोपीपुष्करजा मृत्स्ना पवित्रा कायशोधिनी । उद्वर्त्तनाद्विनश्यंति व्याधयो ह्याधयश्च ये
gopīpuṣkarajā mṛtsnā pavitrā kāyaśodhinī | udvarttanādvinaśyaṃti vyādhayo hyādhayaśca ye
Sanskrit only: no published translation is held for this verse.
अतो देहे धृतं पुंभिर्मुक्तिदं सर्वकामिकम् । तावद्गर्जंति तीर्थानि तावत्क्षेत्राणि सर्वदा
ato dehe dhṛtaṃ puṃbhirmuktidaṃ sarvakāmikam | tāvadgarjaṃti tīrthāni tāvatkṣetrāṇi sarvadā
Sanskrit only: no published translation is held for this verse.
गोपिकाचंदनं यावन्न दृष्टं न श्रुतं द्विज । इदं ध्येयमिदं पूज्यं मलदोषविनाशनम्
gopikācaṃdanaṃ yāvanna dṛṣṭaṃ na śrutaṃ dvija | idaṃ dhyeyamidaṃ pūjyaṃ maladoṣavināśanam
Sanskrit only: no published translation is held for this verse.
यस्य संस्पर्शनादेव पूतो भवति मानवः । अंतकाले तु मर्त्यानां मुक्तिदं पावनं परम्
yasya saṃsparśanādeva pūto bhavati mānavaḥ | aṃtakāle tu martyānāṃ muktidaṃ pāvanaṃ param
Sanskrit only: no published translation is held for this verse.
किं वदामि द्विजश्रेष्ठ मुक्तिदं गोपिचंदनम् । विष्णोस्तु तुलसीकाष्ठं तथा वै मूलमृत्तिका
kiṃ vadāmi dvijaśreṣṭha muktidaṃ gopicaṃdanam | viṣṇostu tulasīkāṣṭhaṃ tathā vai mūlamṛttikā
Sanskrit only: no published translation is held for this verse.
गोपिकाचंदनं चैव तथा वै हरिचंदनम् । चत्वारि ह्येतानि संमील्य अंगमुद्वर्तयेत्सुधीः
gopikācaṃdanaṃ caiva tathā vai haricaṃdanam | catvāri hyetāni saṃmīlya aṃgamudvartayetsudhīḥ
Sanskrit only: no published translation is held for this verse.
तेन तीर्थं कृतं सर्वं जंबूद्वीपेषु सर्वदा । तिलकं कुरुते यस्तु गोपिकाचंदनद्रवैः
tena tīrthaṃ kṛtaṃ sarvaṃ jaṃbūdvīpeṣu sarvadā | tilakaṃ kurute yastu gopikācaṃdanadravaiḥ
Sanskrit only: no published translation is held for this verse.
सर्वपापविनिर्मुक्तो याति विष्णोः परं पदम् । पितुः श्राद्धादिकं तेन गयां गत्वा तु वै कृतम्
sarvapāpavinirmukto yāti viṣṇoḥ paraṃ padam | pituḥ śrāddhādikaṃ tena gayāṃ gatvā tu vai kṛtam
Sanskrit only: no published translation is held for this verse.
येन वा पुरुषेणापि विधृतं गोपिचंदनम् । मद्यपो ब्रह्महा चैव गोघ्नो वा बालहा तथा । मुच्यते तत्क्षणादेव गोपीचंदनधारणात्
yena vā puruṣeṇāpi vidhṛtaṃ gopicaṃdanam | madyapo brahmahā caiva goghno vā bālahā tathā | mucyate tatkṣaṇādeva gopīcaṃdanadhāraṇāt
Sanskrit only: no published translation is held for this verse.