Padma Purāṇa 6.69

नारद उवाच- उपवासासमर्थानां सदैवामरसत्तम । एका या द्वादशी पुण्या तां वदस्व ममानघ

nārada uvāca- upavāsāsamarthānāṃ sadaivāmarasattama | ekā yā dvādaśī puṇyā tāṃ vadasva mamānagha

Sanskrit only: no published translation is held for this verse.

शिव उवाच- मासि भाद्रपदे शुक्ले द्वादशी श्रवणान्विता । सा वै सर्वप्रदा पुण्या ह्युपवासे महाफला

śiva uvāca- māsi bhādrapade śukle dvādaśī śravaṇānvitā | sā vai sarvapradā puṇyā hyupavāse mahāphalā

Sanskrit only: no published translation is held for this verse.

संगमे सरितः स्नात्वा द्वादशीं तामुपोषितः । अयत्नात्समवाप्नोति द्वादश द्वादशीफलम्

saṃgame saritaḥ snātvā dvādaśīṃ tāmupoṣitaḥ | ayatnātsamavāpnoti dvādaśa dvādaśīphalam

Sanskrit only: no published translation is held for this verse.

बुधश्रवणसंयुक्ता या च वै द्वादशी भवेत् । अतीव महती तस्यां कृतं सर्वमथाक्षयम्

budhaśravaṇasaṃyuktā yā ca vai dvādaśī bhavet | atīva mahatī tasyāṃ kṛtaṃ sarvamathākṣayam

Sanskrit only: no published translation is held for this verse.

द्वादशी श्रवणोपेता यदा भवति नारद । संगमे सरितां स्नात्वा लभेद्गोदानजं फलम्

dvādaśī śravaṇopetā yadā bhavati nārada | saṃgame saritāṃ snātvā labhedgodānajaṃ phalam

Sanskrit only: no published translation is held for this verse.

जलपूर्णं तदा कुंभं स्थापयित्वा विचक्षणः । तस्योपरि न्यसेत्पात्रं स्थापयित्वा जनार्दनम्

jalapūrṇaṃ tadā kuṃbhaṃ sthāpayitvā vicakṣaṇaḥ | tasyopari nyasetpātraṃ sthāpayitvā janārdanam

Sanskrit only: no published translation is held for this verse.

ततस्तस्याग्रतो देयं नैवेद्यं घृतपाचितम् । सोदकांश्च नवान्कुंभान्दद्याच्छक्त्या विचक्षणः

tatastasyāgrato deyaṃ naivedyaṃ ghṛtapācitam | sodakāṃśca navānkuṃbhāndadyācchaktyā vicakṣaṇaḥ

Sanskrit only: no published translation is held for this verse.

एवं संपूज्य गोविंदं जागरं तत्र कारयेत् । प्रभाते विमले स्नात्वा संपूज्य गरुडध्वजम्

evaṃ saṃpūjya goviṃdaṃ jāgaraṃ tatra kārayet | prabhāte vimale snātvā saṃpūjya garuḍadhvajam

Sanskrit only: no published translation is held for this verse.

पुष्पधूपादि नैवेद्यैः फलैर्वस्त्रैः सुशोभनैः । पुष्पांजलिं ततो दद्यान्मंत्रमेनमुदीरयेत्

puṣpadhūpādi naivedyaiḥ phalairvastraiḥ suśobhanaiḥ | puṣpāṃjaliṃ tato dadyānmaṃtramenamudīrayet

Sanskrit only: no published translation is held for this verse.

नमो नमस्ते गोविंद बुधश्रवणसंयुत । अघौघसंक्षयं कृत्वा सर्वसौख्यप्रदो भव

namo namaste goviṃda budhaśravaṇasaṃyuta | aghaughasaṃkṣayaṃ kṛtvā sarvasaukhyaprado bhava

Sanskrit only: no published translation is held for this verse.

अन्नं तु ब्राह्मणे पूतं वेदवेदांगपारगे । पुराणज्ञे विशेषेण विधिवत्संप्रदापयेत्

annaṃ tu brāhmaṇe pūtaṃ vedavedāṃgapārage | purāṇajñe viśeṣeṇa vidhivatsaṃpradāpayet

Sanskrit only: no published translation is held for this verse.

अनेन विधिना चैव नद्यास्तीरे नरोत्तमः । सर्वं निर्वर्त्तयेत्सम्यगेकचित्तरतोऽपि सन्

anena vidhinā caiva nadyāstīre narottamaḥ | sarvaṃ nirvarttayetsamyagekacittarato'pi san

Sanskrit only: no published translation is held for this verse.

अत्राप्युदाहरंतीममितिहासं पुरातनम् । महत्यरण्ये यद्वृतं भूमिदेव शृणुष्व तत्

atrāpyudāharaṃtīmamitihāsaṃ purātanam | mahatyaraṇye yadvṛtaṃ bhūmideva śṛṇuṣva tat

Sanskrit only: no published translation is held for this verse.

यं श्रुत्वा मानवो लोके महादुःखात्प्रमुच्यते । देशो दासरको नाम तस्य भागे च पश्चिमे

yaṃ śrutvā mānavo loke mahāduḥkhātpramucyate | deśo dāsarako nāma tasya bhāge ca paścime

Sanskrit only: no published translation is held for this verse.

तत्र विद्वन्मरुर्देशः सर्वसत्वभयंकरः । सुतप्तसिकता भूमिर्यत्र दुष्टा महोरगाः

tatra vidvanmarurdeśaḥ sarvasatvabhayaṃkaraḥ | sutaptasikatā bhūmiryatra duṣṭā mahoragāḥ

Sanskrit only: no published translation is held for this verse.

अल्पच्छायाद्रुमाकीर्णा मृतप्राणिसमाकुला । शमीखदिरपालाशकरीरैः पीलुभिः सह

alpacchāyādrumākīrṇā mṛtaprāṇisamākulā | śamīkhadirapālāśakarīraiḥ pīlubhiḥ saha

Sanskrit only: no published translation is held for this verse.

तत्र भीमा द्रुमगणाः कंटकैरचिता दृढैः । जग्धप्राणजनाकीर्णा यत्र भूर्दृश्यते क्वचित्

tatra bhīmā drumagaṇāḥ kaṃṭakairacitā dṛḍhaiḥ | jagdhaprāṇajanākīrṇā yatra bhūrdṛśyate kvacit

Sanskrit only: no published translation is held for this verse.

तथापि जीवा जीवंति सर्वे कर्मनिबंधनात् । नोदकं नोदकाधारा विद्वंस्तत्र बलाहकाः

tathāpi jīvā jīvaṃti sarve karmanibaṃdhanāt | nodakaṃ nodakādhārā vidvaṃstatra balāhakāḥ

Sanskrit only: no published translation is held for this verse.

पक्षांतरगतैः कैश्चिच्छिशुभिस्तृषितैः समम् । उत्क्रांतजीविनो विप्र दृश्यंते नु खगोत्तमाः

pakṣāṃtaragataiḥ kaiścicchiśubhistṛṣitaiḥ samam | utkrāṃtajīvino vipra dṛśyaṃte nu khagottamāḥ

Sanskrit only: no published translation is held for this verse.

तस्मिंस्तथाविधे देशे कश्चिद्दैववशाद्वणिक् । निजसार्थपरिभ्रष्टः प्रविष्टो मरुजांगले

tasmiṃstathāvidhe deśe kaściddaivavaśādvaṇik | nijasārthaparibhraṣṭaḥ praviṣṭo marujāṃgale

Sanskrit only: no published translation is held for this verse.

बभ्रामोद्भ्रांतहृदयः क्षुत्तृट्भ्यां श्रमपीडितः । क्व ग्रामः क्व जलं क्वाहं यास्यामि न बुबोध ह

babhrāmodbhrāṃtahṛdayaḥ kṣuttṛṭbhyāṃ śramapīḍitaḥ | kva grāmaḥ kva jalaṃ kvāhaṃ yāsyāmi na bubodha ha

Sanskrit only: no published translation is held for this verse.

अथ प्रेतान्ददर्शासौ क्षुत्तृषाव्याकुलेंद्रियान् । उत्कटान्खलिनो भीमान्निर्मांसान्रौद्रदर्शनान्

atha pretāndadarśāsau kṣuttṛṣāvyākuleṃdriyān | utkaṭānkhalino bhīmānnirmāṃsānraudradarśanān

Sanskrit only: no published translation is held for this verse.

प्रेतस्कंधसमारूढमेकं विकृतदर्शनम् । ददर्श बहुभिः प्रेतैः समंतात्परिवारितम्

pretaskaṃdhasamārūḍhamekaṃ vikṛtadarśanam | dadarśa bahubhiḥ pretaiḥ samaṃtātparivāritam

Sanskrit only: no published translation is held for this verse.

अगच्छमानमत्युग्रं प्रेतशब्दपुरःसरम् । प्रेतोऽपि दृष्ट्वा तां घोरामटवीमागतं नरम्

agacchamānamatyugraṃ pretaśabdapuraḥsaram | preto'pi dṛṣṭvā tāṃ ghorāmaṭavīmāgataṃ naram

Sanskrit only: no published translation is held for this verse.

प्रेतस्कंधान्महीं गत्वा तस्यांतिकमुपागमत् । प्रणिपत्य वणिक्श्रेष्ठमिदं वचनमब्रवीत्

pretaskaṃdhānmahīṃ gatvā tasyāṃtikamupāgamat | praṇipatya vaṇikśreṣṭhamidaṃ vacanamabravīt

Sanskrit only: no published translation is held for this verse.

अस्मिन्घोरतरे देशे प्रवेशो भवतः कथम् । तमुवाच वणिक्धीमान्सार्थभ्रष्टस्य मे वने

asminghoratare deśe praveśo bhavataḥ katham | tamuvāca vaṇikdhīmānsārthabhraṣṭasya me vane

Sanskrit only: no published translation is held for this verse.

प्रवेशो दैवयोगेन पूर्वकर्मकृतेन च । तृषा मे बाधतेऽत्यर्थं क्षुधा चैव भृशं तथा

praveśo daivayogena pūrvakarmakṛtena ca | tṛṣā me bādhate'tyarthaṃ kṣudhā caiva bhṛśaṃ tathā

Sanskrit only: no published translation is held for this verse.

प्राणांतिकमनुप्राप्तं वचनं भ्रमतीव मे । अत्रोपायं न पश्यामि जीवेयं येन केनचित्

prāṇāṃtikamanuprāptaṃ vacanaṃ bhramatīva me | atropāyaṃ na paśyāmi jīveyaṃ yena kenacit

Sanskrit only: no published translation is held for this verse.

इत्येवमुक्ते प्रेतस्तं वणिजं वाक्यमब्रवीत् । फुल्लां शमीं समाश्रित्य प्रतीक्ष त्वं मुहूर्त्तकम्

ityevamukte pretastaṃ vaṇijaṃ vākyamabravīt | phullāṃ śamīṃ samāśritya pratīkṣa tvaṃ muhūrttakam

Sanskrit only: no published translation is held for this verse.

कृतातिथ्यो मया पश्चाद्गमिष्यसि यथासुखम् । एवमुक्तस्तथा चक्रे स वणिक्तृष्णयार्दितः

kṛtātithyo mayā paścādgamiṣyasi yathāsukham | evamuktastathā cakre sa vaṇiktṛṣṇayārditaḥ

Sanskrit only: no published translation is held for this verse.

मध्याह्नसमये प्राप्ते प्रेतस्तं देशमागतः । फुल्लां सवृक्षां शीतोदां वारिधानीं मनोरमाम्

madhyāhnasamaye prāpte pretastaṃ deśamāgataḥ | phullāṃ savṛkṣāṃ śītodāṃ vāridhānīṃ manoramām

Sanskrit only: no published translation is held for this verse.

दध्योदनसमायुक्तां वर्द्धमानेन संयुताम् । अवतीर्य ततः स्वन्नं प्रादादतिथये तदा

dadhyodanasamāyuktāṃ varddhamānena saṃyutām | avatīrya tataḥ svannaṃ prādādatithaye tadā

Sanskrit only: no published translation is held for this verse.

स तत्राशनमात्रेण परं तृप्तित्वमागतः । वितृष्णो विज्वरश्चैव क्षणेन समपद्यत

sa tatrāśanamātreṇa paraṃ tṛptitvamāgataḥ | vitṛṣṇo vijvaraścaiva kṣaṇena samapadyata

Sanskrit only: no published translation is held for this verse.

ततश्च प्रेताः संप्राप्ताः सोऽस्माद्भागं क्रमाद्ददौ । दध्योदनात्सपानीयात्प्रेतास्तृप्तिं परां गताः

tataśca pretāḥ saṃprāptāḥ so'smādbhāgaṃ kramāddadau | dadhyodanātsapānīyātpretāstṛptiṃ parāṃ gatāḥ

Sanskrit only: no published translation is held for this verse.

अतिथिं तर्पयित्वा तु प्रेतलोकं च सर्वतः । ततः स्वयं स बुभुजे भुक्तशेषं यथासुखम्

atithiṃ tarpayitvā tu pretalokaṃ ca sarvataḥ | tataḥ svayaṃ sa bubhuje bhuktaśeṣaṃ yathāsukham

Sanskrit only: no published translation is held for this verse.

तस्य भुक्तवतः स्वन्नं पानीयं च क्षयं ययौ । प्रेताधिपं ततस्तं वै वणिग्वचनमब्रवीत्

tasya bhuktavataḥ svannaṃ pānīyaṃ ca kṣayaṃ yayau | pretādhipaṃ tatastaṃ vai vaṇigvacanamabravīt

Sanskrit only: no published translation is held for this verse.

आश्चर्यमेतत्परमं वनेऽस्मिन्प्रतिभाति मे । अन्नं पानं च परमं संप्राप्तं च कुतस्तव

āścaryametatparamaṃ vane'sminpratibhāti me | annaṃ pānaṃ ca paramaṃ saṃprāptaṃ ca kutastava

Sanskrit only: no published translation is held for this verse.

स्वल्पेनैव तथान्नेन त्वमेतांस्तु बहूनपि । अतर्पयः कथं त्वेते निर्मांसा भिन्नकुक्षयः

svalpenaiva tathānnena tvametāṃstu bahūnapi | atarpayaḥ kathaṃ tvete nirmāṃsā bhinnakukṣayaḥ

Sanskrit only: no published translation is held for this verse.

कथमस्यां सुघोरायामटव्यां च कृतालयाः । तदेतत्संशयं छिंधि परं कौतूहलं मम

kathamasyāṃ sughorāyāmaṭavyāṃ ca kṛtālayāḥ | tadetatsaṃśayaṃ chiṃdhi paraṃ kautūhalaṃ mama

Sanskrit only: no published translation is held for this verse.

एवमुक्तः स वणिजा प्रेतो वचनमब्रवीत् । वाणिज्यसक्तस्य पुरा जन्मातीते ममानघ

evamuktaḥ sa vaṇijā preto vacanamabravīt | vāṇijyasaktasya purā janmātīte mamānagha

Sanskrit only: no published translation is held for this verse.

सकले नगरे नास्ति ममान्यो हि दुरात्मकः । धनलोभान्न कस्यापि दत्ता भिक्षा मया तदा

sakale nagare nāsti mamānyo hi durātmakaḥ | dhanalobhānna kasyāpi dattā bhikṣā mayā tadā

Sanskrit only: no published translation is held for this verse.

सखा चैव ततश्चासीद्ब्राह्मणो गुणवान्मम । श्रावणद्वादशीयोगे मासि भाद्रपदे ततः

sakhā caiva tataścāsīdbrāhmaṇo guṇavānmama | śrāvaṇadvādaśīyoge māsi bhādrapade tataḥ

Sanskrit only: no published translation is held for this verse.

स कदाचिन्मया सार्द्धं तापीं नाम नदीं ययौ । तस्याश्च संगमः पुण्यो यत्रासीच्चंद्रभागया

sa kadācinmayā sārddhaṃ tāpīṃ nāma nadīṃ yayau | tasyāśca saṃgamaḥ puṇyo yatrāsīccaṃdrabhāgayā

Sanskrit only: no published translation is held for this verse.

चंद्रभागा चंद्रसुता तापी चैवार्कनंदिनी । तयोः शीतोष्णसलिले प्रविवेश स ह द्विजः

caṃdrabhāgā caṃdrasutā tāpī caivārkanaṃdinī | tayoḥ śītoṣṇasalile praviveśa sa ha dvijaḥ

Sanskrit only: no published translation is held for this verse.

श्रवणद्वादशीयोगे नराश्च समुपोषिताः । चंद्रभागा सुतो येन वारिधानीं ददुर्द्विजे

śravaṇadvādaśīyoge narāśca samupoṣitāḥ | caṃdrabhāgā suto yena vāridhānīṃ dadurdvije

Sanskrit only: no published translation is held for this verse.

दध्योदनयुतां सार्द्धं संपूर्णैर्वर्द्धमानकैः । छत्रोपानद्युगं वस्त्रं प्रतिमां च तथा हरेः

dadhyodanayutāṃ sārddhaṃ saṃpūrṇairvarddhamānakaiḥ | chatropānadyugaṃ vastraṃ pratimāṃ ca tathā hareḥ

Sanskrit only: no published translation is held for this verse.

प्रददौ विप्रमुख्येभ्यो हरस्याग्रे महामते । वित्तसंरक्षणार्थाय तस्यास्तीरे व्रते मया

pradadau vipramukhyebhyo harasyāgre mahāmate | vittasaṃrakṣaṇārthāya tasyāstīre vrate mayā

Sanskrit only: no published translation is held for this verse.

सोपवासेन दत्तैका वारिधानी मनोरमा । तत्कृत्वाहं गृहं प्राप्तः ततः कालेन केनचित्

sopavāsena dattaikā vāridhānī manoramā | tatkṛtvāhaṃ gṛhaṃ prāptaḥ tataḥ kālena kenacit

Sanskrit only: no published translation is held for this verse.

पंचत्त्वमहमासाद्य नास्तिक्यात्प्रेततां गतः । अस्यामटव्यां घोरायां यथा ह्यहिकुलं तथा

paṃcattvamahamāsādya nāstikyātpretatāṃ gataḥ | asyāmaṭavyāṃ ghorāyāṃ yathā hyahikulaṃ tathā

Sanskrit only: no published translation is held for this verse.

श्रवणद्वादशीयोगे वारिधान्यर्पिता मया । सेयं मध्याह्नसमये लभ्यते च दिनेदिने 6.69.५०। ब्रह्मस्वरूपिणः सर्वे पापाः प्रेतत्वमागताः । परदारगताः केचित्स्वामिद्रोहरताश्च ये

śravaṇadvādaśīyoge vāridhānyarpitā mayā | seyaṃ madhyāhnasamaye labhyate ca dinedine 6.69.50| brahmasvarūpiṇaḥ sarve pāpāḥ pretatvamāgatāḥ | paradāragatāḥ kecitsvāmidroharatāśca ye

Sanskrit only: no published translation is held for this verse.

भूतप्रेतजरूपेण ते जाता ह्यत्र मानवाः । देशे मरुस्थले त्वस्मिन्ममैते मित्रतां गताः

bhūtapretajarūpeṇa te jātā hyatra mānavāḥ | deśe marusthale tvasminmamaite mitratāṃ gatāḥ

Sanskrit only: no published translation is held for this verse.

अक्षयो भगवान्विष्णुः परमात्मा सनातनः । दीयते यत्समुद्दिश्य ह्यक्षयं तत्प्रकीर्तनम्

akṣayo bhagavānviṣṇuḥ paramātmā sanātanaḥ | dīyate yatsamuddiśya hyakṣayaṃ tatprakīrtanam

Sanskrit only: no published translation is held for this verse.

अक्षयेनापि चान्नेन तृप्ता एते पुनः पुनः । प्रेतत्वभावं दौर्बल्यं न विमुंचति कर्हिचित्

akṣayenāpi cānnena tṛptā ete punaḥ punaḥ | pretatvabhāvaṃ daurbalyaṃ na vimuṃcati karhicit

Sanskrit only: no published translation is held for this verse.

पूजयित्वाहमन्नैस्त्वामतिथिं समुपस्थितम् । प्रेतभावाद्विनिर्मुक्तो यास्यामि परमां गतिम्

pūjayitvāhamannaistvāmatithiṃ samupasthitam | pretabhāvādvinirmukto yāsyāmi paramāṃ gatim

Sanskrit only: no published translation is held for this verse.

मया विहीनाः किंत्वेते वनेऽस्मिन्भृशदारुणे । पीडामनुभविष्यंति दारुणां कर्मयोनिजाम्

mayā vihīnāḥ kiṃtvete vane'sminbhṛśadāruṇe | pīḍāmanubhaviṣyaṃti dāruṇāṃ karmayonijām

Sanskrit only: no published translation is held for this verse.

एतेषां तु महाभाग ममानुग्रहकाम्यया । प्रत्येकं नामगोत्राणि गृह्णीष्व लिखितानि च

eteṣāṃ tu mahābhāga mamānugrahakāmyayā | pratyekaṃ nāmagotrāṇi gṛhṇīṣva likhitāni ca

Sanskrit only: no published translation is held for this verse.

अस्ति कक्षागता चैव तव संपुटिका शुभा । हिमवंतमथासाद्य तत्र त्वं लप्स्यसे निधिम्

asti kakṣāgatā caiva tava saṃpuṭikā śubhā | himavaṃtamathāsādya tatra tvaṃ lapsyase nidhim

Sanskrit only: no published translation is held for this verse.

गयाशीर्षं ततो गत्वा श्राद्धं कुरु महामते । इत्याज्ञाप्य स वै प्रेतो वणिजं च यथासुखम्

gayāśīrṣaṃ tato gatvā śrāddhaṃ kuru mahāmate | ityājñāpya sa vai preto vaṇijaṃ ca yathāsukham

Sanskrit only: no published translation is held for this verse.

विसर्जयामास तदा स वै प्रायात्समुत्सुकः । समासाद्य गृहं तत्र पश्चात्प्रायाद्धिमालयम्

visarjayāmāsa tadā sa vai prāyātsamutsukaḥ | samāsādya gṛhaṃ tatra paścātprāyāddhimālayam

Sanskrit only: no published translation is held for this verse.

ततो दृष्टं निधिं तत्र गृहीत्वा स समागतः । षष्ठांशं प्रतिगृह्याथ गयाशीर्षं ततोऽभ्यगात्

tato dṛṣṭaṃ nidhiṃ tatra gṛhītvā sa samāgataḥ | ṣaṣṭhāṃśaṃ pratigṛhyātha gayāśīrṣaṃ tato'bhyagāt

Sanskrit only: no published translation is held for this verse.

तत्र गत्वा गयायां स श्राद्धं कृत्वा महामतिः । प्रेतानां तु यथोद्दिष्टं श्राद्धं सम्यग्विधानतः

tatra gatvā gayāyāṃ sa śrāddhaṃ kṛtvā mahāmatiḥ | pretānāṃ tu yathoddiṣṭaṃ śrāddhaṃ samyagvidhānataḥ

Sanskrit only: no published translation is held for this verse.

प्रत्येकं नामगोत्राणि गृहीत्वा पिंडमुत्सृजत् । यस्य यस्य भवेच्छ्राद्धं स करोति दिने वणिक्

pratyekaṃ nāmagotrāṇi gṛhītvā piṃḍamutsṛjat | yasya yasya bhavecchrāddhaṃ sa karoti dine vaṇik

Sanskrit only: no published translation is held for this verse.

स स तस्य तदा स्वप्ने दर्शयत्यात्मनस्तनुम् । ब्रवीति च महाभाग प्रसादाद्भवतोऽनघ

sa sa tasya tadā svapne darśayatyātmanastanum | bravīti ca mahābhāga prasādādbhavato'nagha

Sanskrit only: no published translation is held for this verse.

प्रेतभावं मया त्यक्तं प्राप्तोऽस्मि परमां गतिम् । एवं कृत्वा विधानेन गयाशीर्षं महामनाः

pretabhāvaṃ mayā tyaktaṃ prāpto'smi paramāṃ gatim | evaṃ kṛtvā vidhānena gayāśīrṣaṃ mahāmanāḥ

Sanskrit only: no published translation is held for this verse.

पश्चाज्जगाम स्वगृहं विष्णुं ध्यायन्पुनः पुनः । मासि भाद्रपदे प्राप्ते शुक्लपक्षे तथा सुधीः

paścājjagāma svagṛhaṃ viṣṇuṃ dhyāyanpunaḥ punaḥ | māsi bhādrapade prāpte śuklapakṣe tathā sudhīḥ

Sanskrit only: no published translation is held for this verse.

श्रवणद्वादशीयोगे संगमे सरितां पुनः । जगाम स महाबुद्धिः सर्वोपस्करसंयुतः

śravaṇadvādaśīyoge saṃgame saritāṃ punaḥ | jagāma sa mahābuddhiḥ sarvopaskarasaṃyutaḥ

Sanskrit only: no published translation is held for this verse.

संगमे सरितां स्नात्वा द्वादशीं तामुपोषितः । तत्र स्नात्वापि दत्त्वा तु पूजयित्वा जनार्दनम्

saṃgame saritāṃ snātvā dvādaśīṃ tāmupoṣitaḥ | tatra snātvāpi dattvā tu pūjayitvā janārdanam

Sanskrit only: no published translation is held for this verse.

अनंतरं ब्राह्मणस्य ह्युपहारांस्तदा ददौ । शास्त्रोक्तेनापि विधिना ह्येकचित्तरतोऽपि सः

anaṃtaraṃ brāhmaṇasya hyupahārāṃstadā dadau | śāstroktenāpi vidhinā hyekacittarato'pi saḥ

Sanskrit only: no published translation is held for this verse.

निवर्त्तयामास तदा वणिजो बुद्धिमान्स वै । वर्षेवर्षे तु संप्राप्ते मासि भाद्रपदे तथा

nivarttayāmāsa tadā vaṇijo buddhimānsa vai | varṣevarṣe tu saṃprāpte māsi bhādrapade tathā

Sanskrit only: no published translation is held for this verse.

श्रवणद्वादशीयोगे संगमे सरितां पुनः । एवं वै कृतवान्सर्वं विष्णुमुद्दिश्य सत्वरम्

śravaṇadvādaśīyoge saṃgame saritāṃ punaḥ | evaṃ vai kṛtavānsarvaṃ viṣṇumuddiśya satvaram

Sanskrit only: no published translation is held for this verse.

कालेन चातिमहता पंचत्वं समुपागतः । अवाप परमं स्थानं दुर्लभं सर्वमानवैः

kālena cātimahatā paṃcatvaṃ samupāgataḥ | avāpa paramaṃ sthānaṃ durlabhaṃ sarvamānavaiḥ

Sanskrit only: no published translation is held for this verse.

क्रीडतेऽद्यापि वैकुंठे विष्णुदूतैः स सेवितः । एवं कुरु त्वं भो ब्रह्मन्श्रवणद्वादशीव्रतम्

krīḍate'dyāpi vaikuṃṭhe viṣṇudūtaiḥ sa sevitaḥ | evaṃ kuru tvaṃ bho brahmanśravaṇadvādaśīvratam

Sanskrit only: no published translation is held for this verse.

सर्वसौभाग्यदं चैव इह लोके परत्र च । सुबुद्धिजननं चैव सर्वपापहरं परम्

sarvasaubhāgyadaṃ caiva iha loke paratra ca | subuddhijananaṃ caiva sarvapāpaharaṃ param

Sanskrit only: no published translation is held for this verse.

श्रवणद्वादशीयोगे यः कुर्याद्व्रतमीदृशम् । व्रतस्यास्य प्रभावेन विष्णुलोकं च गच्छति

śravaṇadvādaśīyoge yaḥ kuryādvratamīdṛśam | vratasyāsya prabhāvena viṣṇulokaṃ ca gacchati

Sanskrit only: no published translation is held for this verse.