Padma Purāṇa 6.70

नारद उवाच- देवदेव जगन्नाथ भुक्तिमुक्तिप्रदायक । कथयस्व सुरश्रेष्ठ येन दुःखं न पश्यति

nārada uvāca- devadeva jagannātha bhuktimuktipradāyaka | kathayasva suraśreṣṭha yena duḥkhaṃ na paśyati

Sanskrit only: no published translation is held for this verse.

महेश उवाच- शृणु वाडव वक्ष्यामि त्रिरात्रं सरितः शुभम् । येन चीर्णेन नरको मानवानां न जायते

maheśa uvāca- śṛṇu vāḍava vakṣyāmi trirātraṃ saritaḥ śubham | yena cīrṇena narako mānavānāṃ na jāyate

Sanskrit only: no published translation is held for this verse.

आयुरारोग्यमतुलं सौभाग्यं सुखसंपदम् । संतानं चाक्षयं प्राप्य स्वर्गलोके महीयते

āyurārogyamatulaṃ saubhāgyaṃ sukhasaṃpadam | saṃtānaṃ cākṣayaṃ prāpya svargaloke mahīyate

Sanskrit only: no published translation is held for this verse.

आषाढमासि संप्राप्ते नदीपूरेण संयुता । सततं तोयसंस्थाने पुराणे सा च विश्रुता

āṣāḍhamāsi saṃprāpte nadīpūreṇa saṃyutā | satataṃ toyasaṃsthāne purāṇe sā ca viśrutā

Sanskrit only: no published translation is held for this verse.

वर्षर्तौ घनसंपूर्णे कर्तव्या सा व्रतेन वा । तोयोघैः परिपूर्णा सा सकलैः स्यान्नदी यदा

varṣartau ghanasaṃpūrṇe kartavyā sā vratena vā | toyoghaiḥ paripūrṇā sā sakalaiḥ syānnadī yadā

Sanskrit only: no published translation is held for this verse.

व्रतं त्रिरात्रमुद्दिश्य तदा कार्यं प्रयत्नतः । कृतं प्रतिपदा छंदः दर्शनं तु दिनत्रयम्

vrataṃ trirātramuddiśya tadā kāryaṃ prayatnataḥ | kṛtaṃ pratipadā chaṃdaḥ darśanaṃ tu dinatrayam

Sanskrit only: no published translation is held for this verse.

यथाप्राप्तं नदीपूरं स्त्रीभिस्तीरजलस्य तु । अथवा तज्जलं कुंभे कृष्णे कृत्वा गृहं नयेत्

yathāprāptaṃ nadīpūraṃ strībhistīrajalasya tu | athavā tajjalaṃ kuṃbhe kṛṣṇe kṛtvā gṛhaṃ nayet

Sanskrit only: no published translation is held for this verse.

प्रातःस्नायी तथा नद्यां गत्वा अभ्यर्चयेत्सुधीः । त्रिरात्रस्योपवासस्य यथाशक्तो भवेद्दिवज

prātaḥsnāyī tathā nadyāṃ gatvā abhyarcayetsudhīḥ | trirātrasyopavāsasya yathāśakto bhaveddivaja

Sanskrit only: no published translation is held for this verse.

अशक्तश्चैकभक्तेन कुर्याच्चैवाप्युपोषणम् । दीपं दद्यादविछिन्नं प्रातःसायं च पूजनम्

aśaktaścaikabhaktena kuryāccaivāpyupoṣaṇam | dīpaṃ dadyādavichinnaṃ prātaḥsāyaṃ ca pūjanam

Sanskrit only: no published translation is held for this verse.

महानदीं समुच्चार्य नाम्ना च वरुणं तथा । जलमूले तु संस्थाप्य केशवं जलशायिनम्

mahānadīṃ samuccārya nāmnā ca varuṇaṃ tathā | jalamūle tu saṃsthāpya keśavaṃ jalaśāyinam

Sanskrit only: no published translation is held for this verse.

नमो देव्यै च गंगेति गौतमीति नदीति च । सिंधो चैव च कावेरि सरस्वति नमोऽस्तु ते

namo devyai ca gaṃgeti gautamīti nadīti ca | siṃdho caiva ca kāveri sarasvati namo'stu te

Sanskrit only: no published translation is held for this verse.

तापी पयोष्णी पूर्णेति महेंद्रसुखदेति च । काश्यपी गंडकी चैव सिंधुनद्यै नमोनमः

tāpī payoṣṇī pūrṇeti maheṃdrasukhadeti ca | kāśyapī gaṃḍakī caiva siṃdhunadyai namonamaḥ

Sanskrit only: no published translation is held for this verse.

वरुणाय नमस्तेऽस्तु जलवासहरिप्रिय । यादोनाथ रसेशान कल्याणं देहि मे सदा

varuṇāya namaste'stu jalavāsaharipriya | yādonātha raseśāna kalyāṇaṃ dehi me sadā

Sanskrit only: no published translation is held for this verse.

गृहाणार्घं मया दत्तं देहि मे वांछितं फलम् । कूष्मांडैर्नालिकेरैश्च फलैः कालोद्भवैः शुभैः

gṛhāṇārghaṃ mayā dattaṃ dehi me vāṃchitaṃ phalam | kūṣmāṃḍairnālikeraiśca phalaiḥ kālodbhavaiḥ śubhaiḥ

Sanskrit only: no published translation is held for this verse.

नैवेद्यं घृतपक्वं तु सरितः संप्रकल्पयेत् । नमस्ते केशवानंत जलशायिन्नमोऽस्तु ते

naivedyaṃ ghṛtapakvaṃ tu saritaḥ saṃprakalpayet | namaste keśavānaṃta jalaśāyinnamo'stu te

Sanskrit only: no published translation is held for this verse.

परिपालय मामीश गोविंदवरदो भव । एवं पूजा प्रकर्तव्या यथाकालं क्रमेण तु

paripālaya māmīśa goviṃdavarado bhava | evaṃ pūjā prakartavyā yathākālaṃ krameṇa tu

Sanskrit only: no published translation is held for this verse.

प्रार्थना चोपचारैस्तु त्रिरात्रनियमः शुचिः । पारणेन तु संपूज्य जलपात्रं समाचरेत्

prārthanā copacāraistu trirātraniyamaḥ śuciḥ | pāraṇena tu saṃpūjya jalapātraṃ samācaret

Sanskrit only: no published translation is held for this verse.

फलपुष्पैस्तथा विद्वन्स्त्रीभिर्बालैर्नरैरपि । गीतवादित्रसहितैर्नदी कुंभ परिप्लुतैः

phalapuṣpaistathā vidvanstrībhirbālairnarairapi | gītavāditrasahitairnadī kuṃbha pariplutaiḥ

Sanskrit only: no published translation is held for this verse.

जलेजले समास्थाप्य फलपुष्पैः प्रपूजयेत् । धान्यैर्नानाविधैश्चैव जलप्रक्षेपणैरपि

jalejale samāsthāpya phalapuṣpaiḥ prapūjayet | dhānyairnānāvidhaiścaiva jalaprakṣepaṇairapi

Sanskrit only: no published translation is held for this verse.

हास्यैर्गीतैश्च नृत्यैश्च गृहमागत्य यत्नतः । सप्तधान्यैः पूरितानि वंशपात्राणि पूजयेत्

hāsyairgītaiśca nṛtyaiśca gṛhamāgatya yatnataḥ | saptadhānyaiḥ pūritāni vaṃśapātrāṇi pūjayet

Sanskrit only: no published translation is held for this verse.

सप्त वा पंच वा त्रीणि यथाशक्त्या प्रपूरयेत् । त्रिरात्रं च नदीतोयं न पिबेद्धितमुल्लसन्

sapta vā paṃca vā trīṇi yathāśaktyā prapūrayet | trirātraṃ ca nadītoyaṃ na pibeddhitamullasan

Sanskrit only: no published translation is held for this verse.

पारणे तु हविष्यान्नं हृतं वा ह्यन्यथा भवेत् । कृते स्नानार्चने चैव नोपयोज्यं नदीजलम्

pāraṇe tu haviṣyānnaṃ hṛtaṃ vā hyanyathā bhavet | kṛte snānārcane caiva nopayojyaṃ nadījalam

Sanskrit only: no published translation is held for this verse.

शुच्यन्नानि च भोज्यानि दापयत्त्रितयं तथा । सप्तैव वंशपात्राणि सप्त वै मणिकास्तथा

śucyannāni ca bhojyāni dāpayattritayaṃ tathā | saptaiva vaṃśapātrāṇi sapta vai maṇikāstathā

Sanskrit only: no published translation is held for this verse.

हविष्यान्नं च भुंजीत कट्वम्लमधुवर्जितम् । माषान्नं च शिलापिष्टं यत्नेन परिवर्जयेत्

haviṣyānnaṃ ca bhuṃjīta kaṭvamlamadhuvarjitam | māṣānnaṃ ca śilāpiṣṭaṃ yatnena parivarjayet

Sanskrit only: no published translation is held for this verse.

एवं वर्षत्रयं कुर्याद्व्रतमेतद्दिवजोत्तम । वर्षत्रये समाप्यैवं तस्योद्यापनमाचरेत्

evaṃ varṣatrayaṃ kuryādvratametaddivajottama | varṣatraye samāpyaivaṃ tasyodyāpanamācaret

Sanskrit only: no published translation is held for this verse.

कृष्णां गां कृष्णवस्त्रां च तिलान्दद्याच्च नारद । दंपती परिदाप्यैवं सुवर्णं चापि शक्तितः

kṛṣṇāṃ gāṃ kṛṣṇavastrāṃ ca tilāndadyācca nārada | daṃpatī paridāpyaivaṃ suvarṇaṃ cāpi śaktitaḥ

Sanskrit only: no published translation is held for this verse.

हैमं च वरुणं कुर्यान्नदीरूपेण नारद । मंडलं वारुणं चैव सर्वतोभद्रमेव च

haimaṃ ca varuṇaṃ kuryānnadīrūpeṇa nārada | maṃḍalaṃ vāruṇaṃ caiva sarvatobhadrameva ca

Sanskrit only: no published translation is held for this verse.

कुंभं तत्र प्रतिष्ठाप्य सोपहारं प्रतिष्ठितम् । संपूज्य विधिवद्भक्त्या ततो विप्राय दापयेत्

kuṃbhaṃ tatra pratiṣṭhāpya sopahāraṃ pratiṣṭhitam | saṃpūjya vidhivadbhaktyā tato viprāya dāpayet

Sanskrit only: no published translation is held for this verse.

ब्राह्मणान्भोजयेच्छक्त्या यथावित्तानुसारतः । गुरवेर्चितशीलाय सर्वशास्त्ररताय च

brāhmaṇānbhojayecchaktyā yathāvittānusārataḥ | guravercitaśīlāya sarvaśāstraratāya ca

Sanskrit only: no published translation is held for this verse.

एवं कृते तदा विद्वन्परिपूर्णं व्रतं भवेत् । सौभाग्यसुखसंपत्तिः संततिश्चाक्षया भवेत्

evaṃ kṛte tadā vidvanparipūrṇaṃ vrataṃ bhavet | saubhāgyasukhasaṃpattiḥ saṃtatiścākṣayā bhavet

Sanskrit only: no published translation is held for this verse.

न दुर्गतिमवाप्नोति चिरं स्वर्गे महीयते । देवपत्नीभिराचीर्णमृषिपत्नीभिरेव च

na durgatimavāpnoti ciraṃ svarge mahīyate | devapatnībhirācīrṇamṛṣipatnībhireva ca

Sanskrit only: no published translation is held for this verse.

नागसिद्धांगनाभिश्च व्रतमेतत्पुरा कृतम् । नदीत्रिरात्रमतुलं किमन्यच्छ्रोतुमिच्छसि । सौभाग्यं संततिं चैव निश्चयं प्राप्नुते सदा

nāgasiddhāṃganābhiśca vratametatpurā kṛtam | nadītrirātramatulaṃ kimanyacchrotumicchasi | saubhāgyaṃ saṃtatiṃ caiva niścayaṃ prāpnute sadā

Sanskrit only: no published translation is held for this verse.