Padma Purāṇa 6.73

महादेव उवाच- ॐरामरक्षास्तोत्रस्य श्रीमहर्षिर्विश्वामित्रऋषिः । श्रीरामो देवता अनुष्टुप्छंदः । विष्णुप्रीत्यर्थे जपे विनियोगः

mahādeva uvāca- oṃrāmarakṣāstotrasya śrīmaharṣirviśvāmitraṛṣiḥ | śrīrāmo devatā anuṣṭupchaṃdaḥ | viṣṇuprītyarthe jape viniyogaḥ

Sanskrit only: no published translation is held for this verse.

अतसीपुष्पसंकाशं पीतवाससमच्युतम् । ध्यात्वा वै पुंडरीकाक्षं श्रीरामं विष्णुमव्ययम्

atasīpuṣpasaṃkāśaṃ pītavāsasamacyutam | dhyātvā vai puṃḍarīkākṣaṃ śrīrāmaṃ viṣṇumavyayam

Sanskrit only: no published translation is held for this verse.

पातु वो हृदयं रामः श्रीकंठः कंठमेव च । नाभिं पातु मखत्राता कटिं मे विश्वरक्षकः

pātu vo hṛdayaṃ rāmaḥ śrīkaṃṭhaḥ kaṃṭhameva ca | nābhiṃ pātu makhatrātā kaṭiṃ me viśvarakṣakaḥ

Sanskrit only: no published translation is held for this verse.

करौ पातु दाशरथिः पादौ मे विश्वरूपधृक् । चक्षुषी पातु वै देव सीतापतिरनुत्तमः

karau pātu dāśarathiḥ pādau me viśvarūpadhṛk | cakṣuṣī pātu vai deva sītāpatiranuttamaḥ

Sanskrit only: no published translation is held for this verse.

शिखां मे पातु विश्वात्मा कर्णौ मे पातु कामदः । पार्श्वयोस्तु सुरत्राता कालकोटिदुरासदः

śikhāṃ me pātu viśvātmā karṇau me pātu kāmadaḥ | pārśvayostu suratrātā kālakoṭidurāsadaḥ

Sanskrit only: no published translation is held for this verse.

अनंतः सर्वदा पातु शरीरं विश्वनायकः । जिह्वां मे पातु पापघ्नो लोकशिक्षाप्रवर्त्तकः

anaṃtaḥ sarvadā pātu śarīraṃ viśvanāyakaḥ | jihvāṃ me pātu pāpaghno lokaśikṣāpravarttakaḥ

Sanskrit only: no published translation is held for this verse.

राघवः पातु मे दंतान्केशान्रक्षतु केशवः । सक्थिनी पातु मे दत्त विजयो नाम विश्वसृक्

rāghavaḥ pātu me daṃtānkeśānrakṣatu keśavaḥ | sakthinī pātu me datta vijayo nāma viśvasṛk

Sanskrit only: no published translation is held for this verse.

एतां रामबलोपेतां रक्षां यो वै पुमान्पठेत् । स चिरायुः सुखी विद्वान्लभते दिव्यसंपदम्

etāṃ rāmabalopetāṃ rakṣāṃ yo vai pumānpaṭhet | sa cirāyuḥ sukhī vidvānlabhate divyasaṃpadam

Sanskrit only: no published translation is held for this verse.

रक्षां करोति भूतेभ्यः सदा रक्षा तु वैष्णवी । रामेति रामभद्रेति रामचंद्रेति यः स्मरेत्

rakṣāṃ karoti bhūtebhyaḥ sadā rakṣā tu vaiṣṇavī | rāmeti rāmabhadreti rāmacaṃdreti yaḥ smaret

Sanskrit only: no published translation is held for this verse.

विमुक्तः स नरः पापान्मुक्तिं प्राप्नोति शाश्वतीम् । वसिष्ठेन इदं प्रोक्तं गुरवे विष्णुरूपिणे

vimuktaḥ sa naraḥ pāpānmuktiṃ prāpnoti śāśvatīm | vasiṣṭhena idaṃ proktaṃ gurave viṣṇurūpiṇe

Sanskrit only: no published translation is held for this verse.

ततो मे ब्रह्मणः प्राप्तं मयोक्तं नारदं प्रति । नारदेन तु भूर्लोके प्रापितं सुजनेष्विह

tato me brahmaṇaḥ prāptaṃ mayoktaṃ nāradaṃ prati | nāradena tu bhūrloke prāpitaṃ sujaneṣviha

Sanskrit only: no published translation is held for this verse.

सुप्त्वावाथ गृहे वापि मार्गे गच्छंत एव वा । ये पठंति नरश्रेष्ठास्ते नराः पुण्यभागिनः

suptvāvātha gṛhe vāpi mārge gacchaṃta eva vā | ye paṭhaṃti naraśreṣṭhāste narāḥ puṇyabhāginaḥ

Sanskrit only: no published translation is held for this verse.