Library·Padma Purāṇa·6·6.74
महादेव उवाच- शृणु देवि प्रवक्ष्यामि धर्ममाहात्म्यमुत्तमम् । यच्छ्रुत्वा न पुनर्जन्म जायते भुवि कर्हिचित्
mahādeva uvāca- śṛṇu devi pravakṣyāmi dharmamāhātmyamuttamam | yacchrutvā na punarjanma jāyate bhuvi karhicit
Sanskrit only: no published translation is held for this verse.
धर्मादर्थं च कामं च मोक्षं चैतत्त्रयं लभेत् । तस्माद्धर्मं समीहेत विद्वान्यः स बुधः स्मृतः
dharmādarthaṃ ca kāmaṃ ca mokṣaṃ caitattrayaṃ labhet | tasmāddharmaṃ samīheta vidvānyaḥ sa budhaḥ smṛtaḥ
Sanskrit only: no published translation is held for this verse.
तपसा चैव दानेन व्रतेन नियमेन च । तपसा प्राप्यते स्वर्गः सात्विकेन तथैव च
tapasā caiva dānena vratena niyamena ca | tapasā prāpyate svargaḥ sātvikena tathaiva ca
Sanskrit only: no published translation is held for this verse.
इहायातो लभेद्राज्यं क्रोधलोभविवर्जितः । जन्मांतरेण मुक्तिः स्यात्पदं विंदति वैष्णवम्
ihāyāto labhedrājyaṃ krodhalobhavivarjitaḥ | janmāṃtareṇa muktiḥ syātpadaṃ viṃdati vaiṣṇavam
Sanskrit only: no published translation is held for this verse.
तपसा राजसेनेह राजसश्चैव जायते । तप्त्वा तामसभावेन क्रूरकर्मा हि निष्ठुरः
tapasā rājaseneha rājasaścaiva jāyate | taptvā tāmasabhāvena krūrakarmā hi niṣṭhuraḥ
Sanskrit only: no published translation is held for this verse.
तपस्तद्रक्षसां चोक्तं भुक्तिदं तामसात्मनाम् । यत्तप्तं सात्विकं चैव तत्तपो भवति ध्रुवम्
tapastadrakṣasāṃ coktaṃ bhuktidaṃ tāmasātmanām | yattaptaṃ sātvikaṃ caiva tattapo bhavati dhruvam
Sanskrit only: no published translation is held for this verse.
रजस्तमोभ्यां नियतं तपस्यां वने सतां वायुभुजां सुनिर्जने । तपस्विनां चैव धनादिवांच्छतां वनेऽपि दोषाः प्रभवंति रागिणाम्
rajastamobhyāṃ niyataṃ tapasyāṃ vane satāṃ vāyubhujāṃ sunirjane | tapasvināṃ caiva dhanādivāṃcchatāṃ vane'pi doṣāḥ prabhavaṃti rāgiṇām
Sanskrit only: no published translation is held for this verse.
गृहेऽपि पंचेंद्रियनिग्रहस्तपस्त्वकुत्सिते कर्मणि यः प्रवर्त्तते । निवृत्तरागस्य तपोवनं गृहं गृहाश्रमोऽतो गदितः स्वधर्मः
gṛhe'pi paṃceṃdriyanigrahastapastvakutsite karmaṇi yaḥ pravarttate | nivṛttarāgasya tapovanaṃ gṛhaṃ gṛhāśramo'to gaditaḥ svadharmaḥ
Sanskrit only: no published translation is held for this verse.
सुदुस्तरः सत्वजितेंद्रियाणां संहन्यते श्रेष्ठतमः शुभाश्रमः । गृहस्तु धर्मः प्रवरो मनीषिणां ब्रह्मादिभिश्चाभिहितो नगात्मजे
sudustaraḥ satvajiteṃdriyāṇāṃ saṃhanyate śreṣṭhatamaḥ śubhāśramaḥ | gṛhastu dharmaḥ pravaro manīṣiṇāṃ brahmādibhiścābhihito nagātmaje
Sanskrit only: no published translation is held for this verse.
तप्त्वा तपस्वी विपिने क्षुधार्तो गृहं समायाति सदान्नदातुः । भक्त्या स चान्नं प्रददाति तस्मै तपोविभागं भजते हि तस्य
taptvā tapasvī vipine kṣudhārto gṛhaṃ samāyāti sadānnadātuḥ | bhaktyā sa cānnaṃ pradadāti tasmai tapovibhāgaṃ bhajate hi tasya
Sanskrit only: no published translation is held for this verse.
गृहाश्रमं ज्येष्ठमिहाश्रमाणां सम्यक्च यः पालयते मनुष्यः । इहैव भुंजन्समनुष्यभोगान्स्वर्गं प्रयातीति न संशयोऽत्र । गृहं सदा पालयतां नराणां पापं समायाति कथं हि देवि
gṛhāśramaṃ jyeṣṭhamihāśramāṇāṃ samyakca yaḥ pālayate manuṣyaḥ | ihaiva bhuṃjansamanuṣyabhogānsvargaṃ prayātīti na saṃśayo'tra | gṛhaṃ sadā pālayatāṃ narāṇāṃ pāpaṃ samāyāti kathaṃ hi devi
Sanskrit only: no published translation is held for this verse.
गृहाश्रमः पुण्यतमः सर्वदा तीर्थवद्गृहम् । अस्मिन्गृहाश्रमे पुण्ये दानं देयं विशेषतः
gṛhāśramaḥ puṇyatamaḥ sarvadā tīrthavadgṛham | asmingṛhāśrame puṇye dānaṃ deyaṃ viśeṣataḥ
Sanskrit only: no published translation is held for this verse.
देवानां पूजनं यत्र अतिथीनां च भोजनम् । पथिकानां च शरणं अतो धन्यतमो मतः
devānāṃ pūjanaṃ yatra atithīnāṃ ca bhojanam | pathikānāṃ ca śaraṇaṃ ato dhanyatamo mataḥ
Sanskrit only: no published translation is held for this verse.
तद्गृहं तु समाश्रित्य येऽर्चयंति द्विजान्नराः । आयुर्लक्ष्मीस्तथा पुत्रा न हीयंते कदाचन
tadgṛhaṃ tu samāśritya ye'rcayaṃti dvijānnarāḥ | āyurlakṣmīstathā putrā na hīyaṃte kadācana
Sanskrit only: no published translation is held for this verse.
शृणु सुंदरि वक्ष्यामि महापापविशोधनम् । सर्वसंपत्करं दानं इहामुत्रफलप्रदम्
śṛṇu suṃdari vakṣyāmi mahāpāpaviśodhanam | sarvasaṃpatkaraṃ dānaṃ ihāmutraphalapradam
Sanskrit only: no published translation is held for this verse.
शुभेकाले समायाते समभ्यर्च्य स्वदैवतम् । नित्यं नैमित्तकं कृत्वा दद्याद्दानं स्वशक्तितः
śubhekāle samāyāte samabhyarcya svadaivatam | nityaṃ naimittakaṃ kṛtvā dadyāddānaṃ svaśaktitaḥ
Sanskrit only: no published translation is held for this verse.
गृहीत्वा परद्रव्यं च द्विजदेवेभ्य एव हि । दद्यात्स निरयं दृष्ट्वा पश्चाद्याति परां गतिम्
gṛhītvā paradravyaṃ ca dvijadevebhya eva hi | dadyātsa nirayaṃ dṛṣṭvā paścādyāti parāṃ gatim
Sanskrit only: no published translation is held for this verse.
शतानीको यथा दानात्सपुत्रश्चैव तारितः । दत्त्वान्ये च द्विजेभ्यश्च स गंता धर्मतो दिवम्
śatānīko yathā dānātsaputraścaiva tāritaḥ | dattvānye ca dvijebhyaśca sa gaṃtā dharmato divam
Sanskrit only: no published translation is held for this verse.
धर्मस्थानेषु यैर्दत्तं तेषां धर्ममुदाहृतम् । शृणु देवि प्रवक्ष्यामि वित्तदानं समासतः
dharmasthāneṣu yairdattaṃ teṣāṃ dharmamudāhṛtam | śṛṇu devi pravakṣyāmi vittadānaṃ samāsataḥ
Sanskrit only: no published translation is held for this verse.
देहशुद्धिकरं दानं न भूतं न भविष्यति । पापहीनो येन पुमान्जायते नात्र संशयः
dehaśuddhikaraṃ dānaṃ na bhūtaṃ na bhaviṣyati | pāpahīno yena pumānjāyate nātra saṃśayaḥ
Sanskrit only: no published translation is held for this verse.
भोगान्भुक्त्वा ततश्चायं याति विष्णुं सनातनम् । पुरा वै ब्रह्मणा प्रोक्तं भार्गवाय महात्मने
bhogānbhuktvā tataścāyaṃ yāti viṣṇuṃ sanātanam | purā vai brahmaṇā proktaṃ bhārgavāya mahātmane
Sanskrit only: no published translation is held for this verse.
पापयुक्ताय रामाय तुलावृषभमेव च । पापकर्मरतश्चैव भवबंधक्रियो नृपः
pāpayuktāya rāmāya tulāvṛṣabhameva ca | pāpakarmarataścaiva bhavabaṃdhakriyo nṛpaḥ
Sanskrit only: no published translation is held for this verse.
अभक्षभक्षणरता भ्रूणहा गुरुतल्पगः । एतेप्यनृतवादी च प्रसूयंते वियोनिषु
abhakṣabhakṣaṇaratā bhrūṇahā gurutalpagaḥ | etepyanṛtavādī ca prasūyaṃte viyoniṣu
Sanskrit only: no published translation is held for this verse.
अयाज्ययाजनं कृत्वा याचयित्वा तु निंदितान् । सदा कोपसमायुक्ताः साधूनां पीडने रताः
ayājyayājanaṃ kṛtvā yācayitvā tu niṃditān | sadā kopasamāyuktāḥ sādhūnāṃ pīḍane ratāḥ
Sanskrit only: no published translation is held for this verse.
विश्वासोपहताश्चैषामसुभिर्धर्मनिंदकाः । पापैरेभिः समायुक्ता ज्ञात्वात्मानं गतायुषम्
viśvāsopahatāścaiṣāmasubhirdharmaniṃdakāḥ | pāpairebhiḥ samāyuktā jñātvātmānaṃ gatāyuṣam
Sanskrit only: no published translation is held for this verse.
इति ज्ञात्वा तु तैर्देवि दानं देयं विशेषतः । बहवो धर्मकर्त्तारो वैष्णवा भुवि विश्रुताः
iti jñātvā tu tairdevi dānaṃ deyaṃ viśeṣataḥ | bahavo dharmakarttāro vaiṣṇavā bhuvi viśrutāḥ
Sanskrit only: no published translation is held for this verse.