Library·Padma Purāṇa·6·6.75
महादेव उवाच- गंडिकायास्तु माहात्म्यं वक्ष्ये देवि विधानतः । यथा गंगा तथा सा च कथिता नगनंदिनि
mahādeva uvāca- gaṃḍikāyāstu māhātmyaṃ vakṣye devi vidhānataḥ | yathā gaṃgā tathā sā ca kathitā naganaṃdini
Sanskrit only: no published translation is held for this verse.
शालग्रामशिला यत्र जायते बहुधा तथा । माहात्म्यं चैव तस्याश्च कथितं मुनिसत्तमैः
śālagrāmaśilā yatra jāyate bahudhā tathā | māhātmyaṃ caiva tasyāśca kathitaṃ munisattamaiḥ
Sanskrit only: no published translation is held for this verse.
अंडजा उद्भिजा यत्र स्वेदजाश्च जरायुजाः । यस्या दर्शनमात्रेण पुण्यरूपास्तु पार्वति
aṃḍajā udbhijā yatra svedajāśca jarāyujāḥ | yasyā darśanamātreṇa puṇyarūpāstu pārvati
Sanskrit only: no published translation is held for this verse.
उत्तरे सा तु संभूता गंडिका तु महानदी । संस्मृता संस्मृता नूनं पापं हंत्यगनंदिनि
uttare sā tu saṃbhūtā gaṃḍikā tu mahānadī | saṃsmṛtā saṃsmṛtā nūnaṃ pāpaṃ haṃtyaganaṃdini
Sanskrit only: no published translation is held for this verse.
यत्र नारायणो देवो नित्यं तिष्ठति भूतिदः । शंखचक्रधरास्तस्य समीपे निवसंति ये
yatra nārāyaṇo devo nityaṃ tiṣṭhati bhūtidaḥ | śaṃkhacakradharāstasya samīpe nivasaṃti ye
Sanskrit only: no published translation is held for this verse.
ते मृत्युं समनुप्राप्य दिव्यरूपाश्चतुर्भुजाः । ऋषयस्तत्र तिष्ठंति देवाश्चैवं विशेषतः
te mṛtyuṃ samanuprāpya divyarūpāścaturbhujāḥ | ṛṣayastatra tiṣṭhaṃti devāścaivaṃ viśeṣataḥ
Sanskrit only: no published translation is held for this verse.
रुद्रा नागास्तथा यक्षा नात्र कार्या विचारणा । तस्याः समीपे ह्येकोऽयं स्थलो वै विष्णुरूपधृक्
rudrā nāgāstathā yakṣā nātra kāryā vicāraṇā | tasyāḥ samīpe hyeko'yaṃ sthalo vai viṣṇurūpadhṛk
Sanskrit only: no published translation is held for this verse.
स्थलेऽस्मिन्वर्तते मूर्तिर्बहुरूपातिमुक्तिदा । चतुर्विंशतिभूतानां जातयः संति तत्र वै
sthale'sminvartate mūrtirbahurūpātimuktidā | caturviṃśatibhūtānāṃ jātayaḥ saṃti tatra vai
Sanskrit only: no published translation is held for this verse.
एका वै मत्स्यरूपा च कृष्णरूपातिमुक्तिदा । अन्या च या बुधैः प्रोक्ता स्थले वै विष्णुसंज्ञके
ekā vai matsyarūpā ca kṛṣṇarūpātimuktidā | anyā ca yā budhaiḥ proktā sthale vai viṣṇusaṃjñake
Sanskrit only: no published translation is held for this verse.
कल्किनाम्नी तथा पुण्या कपिला या मयोदिता । अन्यास्तु विविधाकारा दृश्यंते बहुधा अपि
kalkināmnī tathā puṇyā kapilā yā mayoditā | anyāstu vividhākārā dṛśyaṃte bahudhā api
Sanskrit only: no published translation is held for this verse.
तिष्ठंति मूर्त्तयः सर्वा नानारूपा ह्यनेकशः । सा गंगा महती पुण्या धर्मकामार्थमुक्तिदा
tiṣṭhaṃti mūrttayaḥ sarvā nānārūpā hyanekaśaḥ | sā gaṃgā mahatī puṇyā dharmakāmārthamuktidā
Sanskrit only: no published translation is held for this verse.
यस्यां भूमौ हृषीकेशो नियमेन समन्वितः । वर्त्ततेऽद्यापि तत्रैव मया सह न संशयः
yasyāṃ bhūmau hṛṣīkeśo niyamena samanvitaḥ | varttate'dyāpi tatraiva mayā saha na saṃśayaḥ
Sanskrit only: no published translation is held for this verse.
भ्रूणहत्या बालहत्या गोहत्या च विशेषतः । यस्याः स्पर्शनमात्रेण मुच्यते सर्वकिल्बिषात्
bhrūṇahatyā bālahatyā gohatyā ca viśeṣataḥ | yasyāḥ sparśanamātreṇa mucyate sarvakilbiṣāt
Sanskrit only: no published translation is held for this verse.
ब्राह्मणाः क्षत्रिया वैश्याः शूद्राश्चैवान्यजातयः । सर्वे ते वै विमुच्यंते दर्शनाद्गंडिकांबुनः
brāhmaṇāḥ kṣatriyā vaiśyāḥ śūdrāścaivānyajātayaḥ | sarve te vai vimucyaṃte darśanādgaṃḍikāṃbunaḥ
Sanskrit only: no published translation is held for this verse.
इयं वेणी समा पुण्या पापिनां तु विशेषतः । मुच्यते ब्रह्महा यत्र इतरेषां तु का कथा
iyaṃ veṇī samā puṇyā pāpināṃ tu viśeṣataḥ | mucyate brahmahā yatra itareṣāṃ tu kā kathā
Sanskrit only: no published translation is held for this verse.
सर्वदा सर्वकाले तु अहं गच्छामि पार्वति । तीर्थानां तीर्थराजोऽयं ब्रह्मणा भाषितः किल
sarvadā sarvakāle tu ahaṃ gacchāmi pārvati | tīrthānāṃ tīrtharājo'yaṃ brahmaṇā bhāṣitaḥ kila
Sanskrit only: no published translation is held for this verse.
तत्र स्नानं च दानं च मुनिभिः परिकल्पितम् । आषाढे पुण्यकाले तु तत्र गच्छामि सुंदरि
tatra snānaṃ ca dānaṃ ca munibhiḥ parikalpitam | āṣāḍhe puṇyakāle tu tatra gacchāmi suṃdari
Sanskrit only: no published translation is held for this verse.
मासैकविधिना चैव स्नानं तत्र करोम्यहम् । तारकं तत्र विशदं जपामि तु निरंतरम्
māsaikavidhinā caiva snānaṃ tatra karomyaham | tārakaṃ tatra viśadaṃ japāmi tu niraṃtaram
Sanskrit only: no published translation is held for this verse.
अतोऽहं वैष्णवो जातो विष्णुक्षेत्रे यतोगतः । विष्णुना निर्मितं पूर्वं क्षेत्रं तत्तु महत्तरम्
ato'haṃ vaiṣṇavo jāto viṣṇukṣetre yatogataḥ | viṣṇunā nirmitaṃ pūrvaṃ kṣetraṃ tattu mahattaram
Sanskrit only: no published translation is held for this verse.
वैष्णवानां च गतिदं पावनं परमं स्मृतम् । भवेऽस्मिन्मानुषे जन्म दुर्लभं देवि सर्वदा
vaiṣṇavānāṃ ca gatidaṃ pāvanaṃ paramaṃ smṛtam | bhave'sminmānuṣe janma durlabhaṃ devi sarvadā
Sanskrit only: no published translation is held for this verse.
दुर्लभं गण्डिकातीर्थं विष्णुक्षेत्रं तु दुर्लभम् । अतो ह्याषाढमासे तु गंतव्यं द्विजसत्तमैः
durlabhaṃ gaṇḍikātīrthaṃ viṣṇukṣetraṃ tu durlabham | ato hyāṣāḍhamāse tu gaṃtavyaṃ dvijasattamaiḥ
Sanskrit only: no published translation is held for this verse.
तत्र गत्वा विशेषेण शंखचक्रादिधारणम् । कर्त्तव्यं तु द्विजश्रेष्ठैः पवित्रं परमं स्मृतम्
tatra gatvā viśeṣeṇa śaṃkhacakrādidhāraṇam | karttavyaṃ tu dvijaśreṣṭhaiḥ pavitraṃ paramaṃ smṛtam
Sanskrit only: no published translation is held for this verse.
शंखतीर्थं तु वामे वै दक्षिणे चक्रचिह्नितम् । द्विजानां मुक्तिदं प्रोक्तं धारितव्यं प्रयत्नतः
śaṃkhatīrthaṃ tu vāme vai dakṣiṇe cakracihnitam | dvijānāṃ muktidaṃ proktaṃ dhāritavyaṃ prayatnataḥ
Sanskrit only: no published translation is held for this verse.
ब्राह्मणैश्च विशेषेण शंखचक्रादिधारणं । धृते सति महादेवि वैष्णवास्ते हि मानवाः
brāhmaṇaiśca viśeṣeṇa śaṃkhacakrādidhāraṇaṃ | dhṛte sati mahādevi vaiṣṇavāste hi mānavāḥ
Sanskrit only: no published translation is held for this verse.
न गण्डिका समं तीर्थं न व्रतं द्वादशीसमम् । न देवः केशवादन्यो भूयोभूयो वरानने
na gaṇḍikā samaṃ tīrthaṃ na vrataṃ dvādaśīsamam | na devaḥ keśavādanyo bhūyobhūyo varānane
Sanskrit only: no published translation is held for this verse.
गंडिकायास्तु माहात्म्यं ये शृण्वंति नरोत्तमाः । इहलोके सुखं भुक्त्वा विष्णुलोके हि यांति ते
gaṃḍikāyāstu māhātmyaṃ ye śṛṇvaṃti narottamāḥ | ihaloke sukhaṃ bhuktvā viṣṇuloke hi yāṃti te
Sanskrit only: no published translation is held for this verse.