Library·Padma Purāṇa·6·6.78
महादेव उवाच- अथातः संप्रवक्ष्यामि अपामार्जनमुत्तमम् । पुलस्त्येन यथोक्तं तु दालभ्याय महात्मने
mahādeva uvāca- athātaḥ saṃpravakṣyāmi apāmārjanamuttamam | pulastyena yathoktaṃ tu dālabhyāya mahātmane
Sanskrit only: no published translation is held for this verse.
सर्वेषां रोगदोषाणां नाशनं मंगलप्रदम् । तत्तेऽहं तु प्रवक्ष्यामि शृणु त्वं नगनंदिनि
sarveṣāṃ rogadoṣāṇāṃ nāśanaṃ maṃgalapradam | tatte'haṃ tu pravakṣyāmi śṛṇu tvaṃ naganaṃdini
Sanskrit only: no published translation is held for this verse.
श्रीदालभ्य उवाच- भगवन्प्राणिनः सर्वे विषरोगाद्युपद्रवैः । कुष्ठग्रहाभिभूताश्च सर्वकाले ह्युपद्रुताः
śrīdālabhya uvāca- bhagavanprāṇinaḥ sarve viṣarogādyupadravaiḥ | kuṣṭhagrahābhibhūtāśca sarvakāle hyupadrutāḥ
Sanskrit only: no published translation is held for this verse.
आभिचारिककृत्याद्या बहुरोगाश्च दारुणाः । न भवंति मुनिश्रेष्ठ तन्मे त्वं वक्तुमर्हसि
ābhicārikakṛtyādyā bahurogāśca dāruṇāḥ | na bhavaṃti muniśreṣṭha tanme tvaṃ vaktumarhasi
Sanskrit only: no published translation is held for this verse.
पुलस्त्य उवाच- व्रतोपवासनियमैर्विष्णुर्वै तोषितस्तु यैः । ते नरा नैव रोगार्त्ता जायंते मुनिसत्तम
pulastya uvāca- vratopavāsaniyamairviṣṇurvai toṣitastu yaiḥ | te narā naiva rogārttā jāyaṃte munisattama
Sanskrit only: no published translation is held for this verse.
यैर्न कृतं व्रतं पुण्यं न दानं न तपस्तदा । न तीर्थं देवपूजा च नान्नं दत्तं तु भूरिशः
yairna kṛtaṃ vrataṃ puṇyaṃ na dānaṃ na tapastadā | na tīrthaṃ devapūjā ca nānnaṃ dattaṃ tu bhūriśaḥ
Sanskrit only: no published translation is held for this verse.
ते वै लोकास्तदा ज्ञेया रोगदोषैः प्रपीडिताः । आरोग्यं परमामृद्धिं मनसा यद्यदिच्छति
te vai lokāstadā jñeyā rogadoṣaiḥ prapīḍitāḥ | ārogyaṃ paramāmṛddhiṃ manasā yadyadicchati
Sanskrit only: no published translation is held for this verse.
तत्तदाप्नोत्यसंदिग्धं विष्णोः सेवी विशेषतः । नाधिं प्राप्नोति न व्याधिं न विषग्रहबंधनम्
tattadāpnotyasaṃdigdhaṃ viṣṇoḥ sevī viśeṣataḥ | nādhiṃ prāpnoti na vyādhiṃ na viṣagrahabaṃdhanam
Sanskrit only: no published translation is held for this verse.
कृत्यास्पर्शभयं नापि तोषिते मधुसूदने । समस्तदोषनाशश्च सर्वदा च शुभा ग्रहाः
kṛtyāsparśabhayaṃ nāpi toṣite madhusūdane | samastadoṣanāśaśca sarvadā ca śubhā grahāḥ
Sanskrit only: no published translation is held for this verse.
देवानामप्यधृष्योऽसौ तोषिते च जनार्दने । यः सर्वेषु च भूतेषु यथात्मनि तथापरे
devānāmapyadhṛṣyo'sau toṣite ca janārdane | yaḥ sarveṣu ca bhūteṣu yathātmani tathāpare
Sanskrit only: no published translation is held for this verse.
उपवासादिना तेन तोषितो मधुसूदनः । तोषिते तत्र जायंते नराः पूर्णमनोरथाः
upavāsādinā tena toṣito madhusūdanaḥ | toṣite tatra jāyaṃte narāḥ pūrṇamanorathāḥ
Sanskrit only: no published translation is held for this verse.
अरोगाः सुखिनो भोगभोक्तारो मुनिसत्तम । तेषां च शत्रवो नैव न च रोगाभिचारिकम्
arogāḥ sukhino bhogabhoktāro munisattama | teṣāṃ ca śatravo naiva na ca rogābhicārikam
Sanskrit only: no published translation is held for this verse.
ग्रहरोगादिकं चैव पापकार्यं न जायते । अव्याहतानि कृष्णस्य चक्रादीन्यायुधानि वै । रक्षंति सकलापद्भ्यो येन विष्णुरुपासितः
graharogādikaṃ caiva pāpakāryaṃ na jāyate | avyāhatāni kṛṣṇasya cakrādīnyāyudhāni vai | rakṣaṃti sakalāpadbhyo yena viṣṇurupāsitaḥ
Sanskrit only: no published translation is held for this verse.
श्रीदालभ्य उवाच- अनाराधितगोविंदा ये नरा दुःखभागिनः । तेषां दुःखाभिभूतानां यत्कर्त्तव्यं दयालुभिः
śrīdālabhya uvāca- anārādhitagoviṃdā ye narā duḥkhabhāginaḥ | teṣāṃ duḥkhābhibhūtānāṃ yatkarttavyaṃ dayālubhiḥ
Sanskrit only: no published translation is held for this verse.
पश्यद्भिः सर्वभूतस्थं वासुदेवं सनातनम् । समदृष्टिभिरप्यत्र तन्मे ब्रूहि विशेषतः
paśyadbhiḥ sarvabhūtasthaṃ vāsudevaṃ sanātanam | samadṛṣṭibhirapyatra tanme brūhi viśeṣataḥ
Sanskrit only: no published translation is held for this verse.
श्रीपुलस्त्य उवाच-। तद्वक्ष्यामि मुनिश्रेष्ठ समाहितमनाः शृणु । रोगदोषाशुभहरं विज्वरादि विनाशनम्
śrīpulastya uvāca-| tadvakṣyāmi muniśreṣṭha samāhitamanāḥ śṛṇu | rogadoṣāśubhaharaṃ vijvarādi vināśanam
Sanskrit only: no published translation is held for this verse.
शिखायां श्रीधरं न्यस्य शिखाधः श्रीकरं तथा । हृषीकेशं तु केशेषु मूर्ध्नि नारायणं परम्
śikhāyāṃ śrīdharaṃ nyasya śikhādhaḥ śrīkaraṃ tathā | hṛṣīkeśaṃ tu keśeṣu mūrdhni nārāyaṇaṃ param
Sanskrit only: no published translation is held for this verse.
ऊर्ध्वश्रोत्रे न्यसेद्विष्णुं ललाटे जलशायिनम् । विभुं वै भ्रूयुगे न्यस्य भ्रूमध्ये हरिमेव च
ūrdhvaśrotre nyasedviṣṇuṃ lalāṭe jalaśāyinam | vibhuṃ vai bhrūyuge nyasya bhrūmadhye harimeva ca
Sanskrit only: no published translation is held for this verse.
नरसिंहं नासिकाग्रे कर्णयोरर्णवेशयम् । चक्षुषोः पुंडरीकाक्षं तदधो भूधरं न्यसेत्
narasiṃhaṃ nāsikāgre karṇayorarṇaveśayam | cakṣuṣoḥ puṃḍarīkākṣaṃ tadadho bhūdharaṃ nyaset
Sanskrit only: no published translation is held for this verse.
कपोलयोः कल्किनाथं वामनं कर्णमूलयोः । शंखिनं शंखयोर्न्यस्य गोविंदं वदने तथा
kapolayoḥ kalkināthaṃ vāmanaṃ karṇamūlayoḥ | śaṃkhinaṃ śaṃkhayornyasya goviṃdaṃ vadane tathā
Sanskrit only: no published translation is held for this verse.
मुकुंदं दंतपंक्तौ तु जिह्वायां वाक्पतिं तथा । रामं हनौ तु विन्यस्य कंठे वैकुंठमेव च
mukuṃdaṃ daṃtapaṃktau tu jihvāyāṃ vākpatiṃ tathā | rāmaṃ hanau tu vinyasya kaṃṭhe vaikuṃṭhameva ca
Sanskrit only: no published translation is held for this verse.
बलघ्नं बाहुमूलाधश्चांसयोः कंसघातिनम् । अजं भुजद्वये न्यस्य शार्ङ्गपाणिं करद्वये
balaghnaṃ bāhumūlādhaścāṃsayoḥ kaṃsaghātinam | ajaṃ bhujadvaye nyasya śārṅgapāṇiṃ karadvaye
Sanskrit only: no published translation is held for this verse.
संकर्षणं करांगुष्ठे गोपमंगुलिपंक्तिषु । वक्षस्यधोक्षजं न्यस्य श्रीवत्सं तस्य मध्यतः
saṃkarṣaṇaṃ karāṃguṣṭhe gopamaṃgulipaṃktiṣu | vakṣasyadhokṣajaṃ nyasya śrīvatsaṃ tasya madhyataḥ
Sanskrit only: no published translation is held for this verse.
स्तनयोस्त्वनिरुद्धं च दामोदरमथोदरे । पद्मनाभं तथा नाभौ नाभ्यधश्चापि केशवम्
stanayostvaniruddhaṃ ca dāmodaramathodare | padmanābhaṃ tathā nābhau nābhyadhaścāpi keśavam
Sanskrit only: no published translation is held for this verse.
मेढ्रे धराधरं देवं गुदे चैव गदाग्रजम् । पीतांबरधरं कट्यामूरुयुग्मे मधोर्द्विषम्
meḍhre dharādharaṃ devaṃ gude caiva gadāgrajam | pītāṃbaradharaṃ kaṭyāmūruyugme madhordviṣam
Sanskrit only: no published translation is held for this verse.
मुरद्विषं पिंडकयोर्जानुयुग्मे जनार्दनम् । फणीशं गुल्फयोर्न्यस्य क्रमयोश्च त्रिविक्रमम्
muradviṣaṃ piṃḍakayorjānuyugme janārdanam | phaṇīśaṃ gulphayornyasya kramayośca trivikramam
Sanskrit only: no published translation is held for this verse.
पादांगुष्ठे श्रीपतिं च पादाधो धरणीधरम् । रोमकूपेषु सर्वेषु विष्वक्सेनं न्यसेद्बुधः
pādāṃguṣṭhe śrīpatiṃ ca pādādho dharaṇīdharam | romakūpeṣu sarveṣu viṣvaksenaṃ nyasedbudhaḥ
Sanskrit only: no published translation is held for this verse.
मत्स्यं मांसे तु विन्यस्य कूर्मं मेदसि विन्यसेत् । वाराहं तु वसामध्ये सर्वास्थिषु तथाच्युतम्
matsyaṃ māṃse tu vinyasya kūrmaṃ medasi vinyaset | vārāhaṃ tu vasāmadhye sarvāsthiṣu tathācyutam
Sanskrit only: no published translation is held for this verse.
द्विजप्रियं तु मज्जायां शुक्रे श्वेतपतिं तथा । सर्वांगे यज्ञपुरुषं परमात्मानमात्मनि
dvijapriyaṃ tu majjāyāṃ śukre śvetapatiṃ tathā | sarvāṃge yajñapuruṣaṃ paramātmānamātmani
Sanskrit only: no published translation is held for this verse.
एवं न्यासविधिं कृत्वा साक्षान्नारायणो भवेत् । यावन्न व्याहरेत्किंचित्तावद्विष्णुमयः स्थितः
evaṃ nyāsavidhiṃ kṛtvā sākṣānnārāyaṇo bhavet | yāvanna vyāharetkiṃcittāvadviṣṇumayaḥ sthitaḥ
Sanskrit only: no published translation is held for this verse.
गृहीत्वा तु समूलाग्रान्कुशान्शुद्धान्समाहितः । मार्जयेत्सर्वगात्राणि कुशाग्रैरिह शांतिकृत्
gṛhītvā tu samūlāgrānkuśānśuddhānsamāhitaḥ | mārjayetsarvagātrāṇi kuśāgrairiha śāṃtikṛt
Sanskrit only: no published translation is held for this verse.
विष्णुभक्तो विशेषेण रोगग्रहविषार्दिते । विषार्त्तानां रोगिणां च कुर्याच्छांतिमिमां शुभाम्
viṣṇubhakto viśeṣeṇa rogagrahaviṣārdite | viṣārttānāṃ rogiṇāṃ ca kuryācchāṃtimimāṃ śubhām
Sanskrit only: no published translation is held for this verse.
जायते तेन भो विप्र सर्वरोगप्रणाशनम् । ॐनमः श्रीपरमार्थाय पुरुषाय महात्मने
jāyate tena bho vipra sarvarogapraṇāśanam | oṃnamaḥ śrīparamārthāya puruṣāya mahātmane
Sanskrit only: no published translation is held for this verse.
अरूपबहुरूपाय व्यापिने परमात्मने । वाराहं नारसिंहं च वामनं च सुखप्रदम्
arūpabahurūpāya vyāpine paramātmane | vārāhaṃ nārasiṃhaṃ ca vāmanaṃ ca sukhapradam
Sanskrit only: no published translation is held for this verse.
ध्यात्वा कृत्वा नमो विष्णोर्नामान्यंगेषु विन्यसेत् । निष्कल्मषाय शुद्धाय व्याधिपापहराय वै
dhyātvā kṛtvā namo viṣṇornāmānyaṃgeṣu vinyaset | niṣkalmaṣāya śuddhāya vyādhipāpaharāya vai
Sanskrit only: no published translation is held for this verse.
गोविंदपद्मनाभाय वासुदेवाय भूभृते । नमस्कृत्वा प्रवक्ष्यामि यत्तत्सिध्यतु मे वचः
goviṃdapadmanābhāya vāsudevāya bhūbhṛte | namaskṛtvā pravakṣyāmi yattatsidhyatu me vacaḥ
Sanskrit only: no published translation is held for this verse.
त्रिविक्रमाय रामाय वैकुंठाय नराय च । श्रीवाराहनृसिंहाय वामनाय महात्मने
trivikramāya rāmāya vaikuṃṭhāya narāya ca | śrīvārāhanṛsiṃhāya vāmanāya mahātmane
Sanskrit only: no published translation is held for this verse.
हयग्रीवाय शुभ्राय हृषीकेश हराशुभम् । परोपतापमहितं प्रमुक्तं चाभिचारिकम्
hayagrīvāya śubhrāya hṛṣīkeśa harāśubham | paropatāpamahitaṃ pramuktaṃ cābhicārikam
Sanskrit only: no published translation is held for this verse.
गरस्पर्शमहारोगप्रयोगं जरयाजर । नमोऽस्तु वासुदेवाय नमः कृष्णाय खड्गिने
garasparśamahārogaprayogaṃ jarayājara | namo'stu vāsudevāya namaḥ kṛṣṇāya khaḍgine
Sanskrit only: no published translation is held for this verse.
नमः पुष्करनेत्राय केशवायादिचक्रिणे । नमः किंजल्कवर्णाग्र्य पीतनिर्मलवाससे
namaḥ puṣkaranetrāya keśavāyādicakriṇe | namaḥ kiṃjalkavarṇāgrya pītanirmalavāsase
Sanskrit only: no published translation is held for this verse.
महादेव वपुष्कंध धृतचक्राय चक्रिणे । दंष्ट्रोद्धृतक्षितितलत्रिमूर्तिपतये नमः
mahādeva vapuṣkaṃdha dhṛtacakrāya cakriṇe | daṃṣṭroddhṛtakṣititalatrimūrtipataye namaḥ
Sanskrit only: no published translation is held for this verse.
महायज्ञवराहाय श्रीवल्लभ नमोस्तु ते । तप्तहाटककेशांत ज्वलत्पावकलोचनः
mahāyajñavarāhāya śrīvallabha namostu te | taptahāṭakakeśāṃta jvalatpāvakalocanaḥ
Sanskrit only: no published translation is held for this verse.
वज्राधिकनखस्पर्श दिव्यसिंह नमोऽस्तु ते । कश्यपायातिह्स्वाय ऋग्यजुः सामलक्षण
vajrādhikanakhasparśa divyasiṃha namo'stu te | kaśyapāyātihsvāya ṛgyajuḥ sāmalakṣaṇa
Sanskrit only: no published translation is held for this verse.
तुभ्यं वामनरूपाय क्रमते गां नमोनमः । वाराहाशेषदुःखानि सर्वपापफलानि च
tubhyaṃ vāmanarūpāya kramate gāṃ namonamaḥ | vārāhāśeṣaduḥkhāni sarvapāpaphalāni ca
Sanskrit only: no published translation is held for this verse.
मर्दमर्द महादंष्ट्र मर्दमर्द च तत्फलम् । नृसिंहकुलिशस्पर्श दंतप्रांत नखोज्वल
mardamarda mahādaṃṣṭra mardamarda ca tatphalam | nṛsiṃhakuliśasparśa daṃtaprāṃta nakhojvala
Sanskrit only: no published translation is held for this verse.
भंजभंज निनादेन दुःखान्यस्यार्त्तिनाशन । ऋग्यजुःसामभिर्वाग्भिः कामरूपधरादिधृक्
bhaṃjabhaṃja ninādena duḥkhānyasyārttināśana | ṛgyajuḥsāmabhirvāgbhiḥ kāmarūpadharādidhṛk
Sanskrit only: no published translation is held for this verse.
प्रशमं सर्वदुःखानि नयत्वस्य जनार्दनः । एकाहिकं द्व्याहिकं च तथा त्रिदिवसज्वरम्
praśamaṃ sarvaduḥkhāni nayatvasya janārdanaḥ | ekāhikaṃ dvyāhikaṃ ca tathā tridivasajvaram
Sanskrit only: no published translation is held for this verse.
चातुर्थिकं तथात्युग्रं तथा वै सततज्वरम् । दोषोत्थं सन्निपातोत्थं तथैवागंतुकज्वरम्
cāturthikaṃ tathātyugraṃ tathā vai satatajvaram | doṣotthaṃ sannipātotthaṃ tathaivāgaṃtukajvaram
Sanskrit only: no published translation is held for this verse.
शमं नयतु गोविंदो भित्वा छित्वास्य वेदनाम् । नेत्रदुःखं शिरोदुःखं दुःखं तूदरसंभवम्
śamaṃ nayatu goviṃdo bhitvā chitvāsya vedanām | netraduḥkhaṃ śiroduḥkhaṃ duḥkhaṃ tūdarasaṃbhavam
Sanskrit only: no published translation is held for this verse.
अनुच्छ्वासं महाश्वासं परितापं सवेपथुम् । गुदघ्राणांघ्रिरोगांश्च कुष्ठरोगं तथाक्षयम् 6.78.५०। कामलादींस्तथारोगान्प्रमेहादींश्च दारुणान् । ये वातप्रभवा रोगा लूताविस्फोटकादयः
anucchvāsaṃ mahāśvāsaṃ paritāpaṃ savepathum | gudaghrāṇāṃghrirogāṃśca kuṣṭharogaṃ tathākṣayam 6.78.50| kāmalādīṃstathārogānpramehādīṃśca dāruṇān | ye vātaprabhavā rogā lūtāvisphoṭakādayaḥ
Sanskrit only: no published translation is held for this verse.
ते सर्वे विलयं यांतु वासुदेवापमार्जिताः । विलयं यांति ते सर्वे विष्णोरुच्चारणेन वा
te sarve vilayaṃ yāṃtu vāsudevāpamārjitāḥ | vilayaṃ yāṃti te sarve viṣṇoruccāraṇena vā
Sanskrit only: no published translation is held for this verse.
क्षयं गच्छंतु चाशेषास्ते चक्राभिहता हरेः । अच्युतानंतगोविंद नामोच्चारणभेषजात्
kṣayaṃ gacchaṃtu cāśeṣāste cakrābhihatā hareḥ | acyutānaṃtagoviṃda nāmoccāraṇabheṣajāt
Sanskrit only: no published translation is held for this verse.
नश्यंति सकला रोगाः सत्यं सत्यं वदाम्यहम् । स्थावरं जंगमं यच्च कृत्रिमं चापि यद्विषम्
naśyaṃti sakalā rogāḥ satyaṃ satyaṃ vadāmyaham | sthāvaraṃ jaṃgamaṃ yacca kṛtrimaṃ cāpi yadviṣam
Sanskrit only: no published translation is held for this verse.
दंतोद्भवं नखोद्भूतमाकाशप्रभवं च यत् । भूतादिप्रभवं यच्च विषमत्यंतदुःसहम्
daṃtodbhavaṃ nakhodbhūtamākāśaprabhavaṃ ca yat | bhūtādiprabhavaṃ yacca viṣamatyaṃtaduḥsaham
Sanskrit only: no published translation is held for this verse.
शमं नयतु तत्सर्वं कीर्तितोऽस्य जनार्दनः । ग्रहान्प्रेतग्रहांश्चैव तथान्याञ्छाकिनीग्रहान्
śamaṃ nayatu tatsarvaṃ kīrtito'sya janārdanaḥ | grahānpretagrahāṃścaiva tathānyāñchākinīgrahān
Sanskrit only: no published translation is held for this verse.
मुखमंडलिकान्क्रूरान्रेवतीं वृद्धिरेवतीम् । वृद्धिकाख्यान्ग्रहांश्चोग्रांस्तथा मातृग्रहानपि
mukhamaṃḍalikānkrūrānrevatīṃ vṛddhirevatīm | vṛddhikākhyāngrahāṃścogrāṃstathā mātṛgrahānapi
Sanskrit only: no published translation is held for this verse.
बालस्य विष्णोश्चरितं हंतु बालग्रहानपि । वृद्धानां ये ग्रहाः केचिद्बालानां चापि ये ग्रहाः
bālasya viṣṇoścaritaṃ haṃtu bālagrahānapi | vṛddhānāṃ ye grahāḥ kecidbālānāṃ cāpi ye grahāḥ
Sanskrit only: no published translation is held for this verse.
नृसिंहदर्शनादेव नश्यंते तत्क्षणादपि । दंष्ट्राकरालवदनो नृसिंहो दैत्यभीषणः
nṛsiṃhadarśanādeva naśyaṃte tatkṣaṇādapi | daṃṣṭrākarālavadano nṛsiṃho daityabhīṣaṇaḥ
Sanskrit only: no published translation is held for this verse.
तं दृष्ट्वा ते ग्रहाः सर्वे दूरं यांति विशेषतः । श्रीनृसिंहमहासिंहज्वालामालोज्ज्वलानन
taṃ dṛṣṭvā te grahāḥ sarve dūraṃ yāṃti viśeṣataḥ | śrīnṛsiṃhamahāsiṃhajvālāmālojjvalānana
Sanskrit only: no published translation is held for this verse.
ग्रहानशेषान्सर्वेश नुदस्वास्य विलोचन । ये रोगा ये महोत्पाता ये द्विषो ये महाग्रहाः
grahānaśeṣānsarveśa nudasvāsya vilocana | ye rogā ye mahotpātā ye dviṣo ye mahāgrahāḥ
Sanskrit only: no published translation is held for this verse.
यानि च क्रूरभूतानि ग्रहपीडाश्च दारुणाः । शस्त्रक्षतेषु ये रोगा ज्वालगर्दभिकादयः
yāni ca krūrabhūtāni grahapīḍāśca dāruṇāḥ | śastrakṣateṣu ye rogā jvālagardabhikādayaḥ
Sanskrit only: no published translation is held for this verse.
विस्फोटकादयो ये च ग्रहा गात्रेषु संस्थिताः । त्रैलोक्यरक्षाकर्त्तस्त्वं दुष्टदानववारण
visphoṭakādayo ye ca grahā gātreṣu saṃsthitāḥ | trailokyarakṣākarttastvaṃ duṣṭadānavavāraṇa
Sanskrit only: no published translation is held for this verse.
सुदर्शनमहातेजश्छिंधि छिंधि महाज्वरम् । छिंधि वातं च लूतां च छिंधि घोरं महाविषम्
sudarśanamahātejaśchiṃdhi chiṃdhi mahājvaram | chiṃdhi vātaṃ ca lūtāṃ ca chiṃdhi ghoraṃ mahāviṣam
Sanskrit only: no published translation is held for this verse.
उद्दंडामरशूलं च विषज्वालासगर्दभम् । ॐ हांहांहूंहूं प्रधारेण कुठारेण हनद्दिवषः
uddaṃḍāmaraśūlaṃ ca viṣajvālāsagardabham | oṃ hāṃhāṃhūṃhūṃ pradhāreṇa kuṭhāreṇa hanaddivaṣaḥ
Sanskrit only: no published translation is held for this verse.
ॐ नमो भगवते सुदर्शनाय दुःखदारणविग्रह । यानि चान्यानि दुष्टानि प्राणिपीडाकराणि वै
oṃ namo bhagavate sudarśanāya duḥkhadāraṇavigraha | yāni cānyāni duṣṭāni prāṇipīḍākarāṇi vai
Sanskrit only: no published translation is held for this verse.
तानि सर्वाणि सर्वात्मा परमात्मा जनार्दनः । किंचिद्रूपं समास्थाय वासुदेव नमोस्तु ते
tāni sarvāṇi sarvātmā paramātmā janārdanaḥ | kiṃcidrūpaṃ samāsthāya vāsudeva namostu te
Sanskrit only: no published translation is held for this verse.
क्षिप्त्वा सुदर्शनं चक्रं ज्वालमालाविभीषणम् । सर्वदुष्टोपशमनं कुरु देव वराच्युत
kṣiptvā sudarśanaṃ cakraṃ jvālamālāvibhīṣaṇam | sarvaduṣṭopaśamanaṃ kuru deva varācyuta
Sanskrit only: no published translation is held for this verse.
सुदर्शनमहाचक्र गोविंदस्य वरायुध । तीक्ष्णधार महावेग सूर्यकोटिसमद्युते
sudarśanamahācakra goviṃdasya varāyudha | tīkṣṇadhāra mahāvega sūryakoṭisamadyute
Sanskrit only: no published translation is held for this verse.
सुदर्शनमहाज्वाल छिंधि छिंधि महारव । सर्वदुःखानि रक्षांसि पापानि च विभीषण
sudarśanamahājvāla chiṃdhi chiṃdhi mahārava | sarvaduḥkhāni rakṣāṃsi pāpāni ca vibhīṣaṇa
Sanskrit only: no published translation is held for this verse.
दुरितं हन चारोग्यं कुरु त्वं भो सुदर्शन । प्राच्यां चैव प्रतीच्यां च दक्षिणोत्तरतस्तथा
duritaṃ hana cārogyaṃ kuru tvaṃ bho sudarśana | prācyāṃ caiva pratīcyāṃ ca dakṣiṇottaratastathā
Sanskrit only: no published translation is held for this verse.
रक्षां करोतु विश्वात्मा नरसिंहः स्वगर्जितैः । भूम्यांतरिक्षे च तथा पृष्ठतः पार्श्वतोऽग्रतः । रक्षां करोतु भगवान्बहुरूपी जनार्दनः
rakṣāṃ karotu viśvātmā narasiṃhaḥ svagarjitaiḥ | bhūmyāṃtarikṣe ca tathā pṛṣṭhataḥ pārśvato'grataḥ | rakṣāṃ karotu bhagavānbahurūpī janārdanaḥ
Sanskrit only: no published translation is held for this verse.
यथा विष्णुमयं सर्वं सदेवासुरमानुषम् । तेन सत्येन सकलं दुःखमस्य प्रणश्यतु
yathā viṣṇumayaṃ sarvaṃ sadevāsuramānuṣam | tena satyena sakalaṃ duḥkhamasya praṇaśyatu
Sanskrit only: no published translation is held for this verse.
यथा योगेश्वरो विष्णुः सर्वदेवेषु गीयते । तेन सत्येन सकलं दुःखमस्य प्रणश्यतु
yathā yogeśvaro viṣṇuḥ sarvadeveṣu gīyate | tena satyena sakalaṃ duḥkhamasya praṇaśyatu
Sanskrit only: no published translation is held for this verse.
परमात्मा यथा विष्णुर्वेदांगेषु च गीयते । तेन सत्येन विश्वात्मा सुखदोऽस्त्वस्य केशवः
paramātmā yathā viṣṇurvedāṃgeṣu ca gīyate | tena satyena viśvātmā sukhado'stvasya keśavaḥ
Sanskrit only: no published translation is held for this verse.
शांतिरस्तु शिवं चास्तु प्रणाशं यातु चासुखम् । वासुदेवशरीरोत्थैः कुशैः संमार्जितं मया
śāṃtirastu śivaṃ cāstu praṇāśaṃ yātu cāsukham | vāsudevaśarīrotthaiḥ kuśaiḥ saṃmārjitaṃ mayā
Sanskrit only: no published translation is held for this verse.
अपामार्जितगोविंद नमो नारायणस्तथा । तथापि सर्वदुःखानां प्रशमो वचनाद्धरेः
apāmārjitagoviṃda namo nārāyaṇastathā | tathāpi sarvaduḥkhānāṃ praśamo vacanāddhareḥ
Sanskrit only: no published translation is held for this verse.
शांताः समस्तदोषास्ते ग्रहाः सर्वे विषाणि च । भूतानि च प्रशाम्यंति संस्मृते मधुसूदने
śāṃtāḥ samastadoṣāste grahāḥ sarve viṣāṇi ca | bhūtāni ca praśāmyaṃti saṃsmṛte madhusūdane
Sanskrit only: no published translation is held for this verse.
एते कुशा विष्णुशरीरसंभवा जनार्दनोऽहं स्वयमेव चाग्रतः । हतं मया दुःखमशेषमस्य वै स्वस्थो भवत्वेष वचो यथा हरेः
ete kuśā viṣṇuśarīrasaṃbhavā janārdano'haṃ svayameva cāgrataḥ | hataṃ mayā duḥkhamaśeṣamasya vai svastho bhavatveṣa vaco yathā hareḥ
Sanskrit only: no published translation is held for this verse.
शांतिरस्तु शिवं चास्तु प्रणश्यतु सुखं च यत् । यदस्य दुरितं किंचित्क्षिप्तं तल्लवणांभसि
śāṃtirastu śivaṃ cāstu praṇaśyatu sukhaṃ ca yat | yadasya duritaṃ kiṃcitkṣiptaṃ tallavaṇāṃbhasi
Sanskrit only: no published translation is held for this verse.
स्वास्थ्यमस्य सदैवास्तु हृषीकेशस्य कीर्तनात् । यद्यतोऽत्रागतं पापं तत्तु तत्र प्रगच्छतु
svāsthyamasya sadaivāstu hṛṣīkeśasya kīrtanāt | yadyato'trāgataṃ pāpaṃ tattu tatra pragacchatu
Sanskrit only: no published translation is held for this verse.
एतद्रोगेषु पीडासु जंतूनां हितमिच्छुभिः । विष्णुभक्तैश्च कर्त्तव्यमपामार्जनकं परम्
etadrogeṣu pīḍāsu jaṃtūnāṃ hitamicchubhiḥ | viṣṇubhaktaiśca karttavyamapāmārjanakaṃ param
Sanskrit only: no published translation is held for this verse.
अनेन सर्वदुःखानि विलयं यांत्यशेषतः । सर्वपापविशुध्यर्थं विष्णोश्चैवापमार्जनम्
anena sarvaduḥkhāni vilayaṃ yāṃtyaśeṣataḥ | sarvapāpaviśudhyarthaṃ viṣṇoścaivāpamārjanam
Sanskrit only: no published translation is held for this verse.
आर्द्रं शुष्कं लघुस्थूलं ब्रह्महत्यादिकं तु यत् । तत्सर्वं नश्यते तूर्णं तमोवद्रविदर्शनात्
ārdraṃ śuṣkaṃ laghusthūlaṃ brahmahatyādikaṃ tu yat | tatsarvaṃ naśyate tūrṇaṃ tamovadravidarśanāt
Sanskrit only: no published translation is held for this verse.
नश्यंति रोगा दोषाश्च सिंहात्क्षुद्रमृगा यथा । ग्रहभूतपिशाचादि श्रवणादेव नश्यतु
naśyaṃti rogā doṣāśca siṃhātkṣudramṛgā yathā | grahabhūtapiśācādi śravaṇādeva naśyatu
Sanskrit only: no published translation is held for this verse.
द्रव्यार्थं लोभपरमैर्न कर्त्तव्यं कदाचन । कृतेपामार्जने किंचिन्न ग्राह्यं हितकाम्यया
dravyārthaṃ lobhaparamairna karttavyaṃ kadācana | kṛtepāmārjane kiṃcinna grāhyaṃ hitakāmyayā
Sanskrit only: no published translation is held for this verse.
निरपेक्षैः प्रकर्तव्यमादिमध्यांतबोधकैः । विष्णुभक्तैः सदा शांतैरन्यथा सिद्धिदं भवेत्
nirapekṣaiḥ prakartavyamādimadhyāṃtabodhakaiḥ | viṣṇubhaktaiḥ sadā śāṃtairanyathā siddhidaṃ bhavet
Sanskrit only: no published translation is held for this verse.
अतुलेयं नृणां सिद्धिरियं रक्षा परा नृणाम् । भेषजं परमं ह्येतद्विष्णोर्यदपमार्जनम्
atuleyaṃ nṛṇāṃ siddhiriyaṃ rakṣā parā nṛṇām | bheṣajaṃ paramaṃ hyetadviṣṇoryadapamārjanam
Sanskrit only: no published translation is held for this verse.
उक्तं हि ब्रह्मणा पूर्वं पुलस्त्याय सुताय वै । एतत्पुलस्त्यमुनिदालभ्यायोतं स्वयम्
uktaṃ hi brahmaṇā pūrvaṃ pulastyāya sutāya vai | etatpulastyamunidālabhyāyotaṃ svayam
Sanskrit only: no published translation is held for this verse.
सर्वभूतहितार्थाय दालभ्येन प्रकाशितम् । त्रैलोक्ये तदिदं विष्णोः समाप्तं चापमार्जनम्
sarvabhūtahitārthāya dālabhyena prakāśitam | trailokye tadidaṃ viṣṇoḥ samāptaṃ cāpamārjanam
Sanskrit only: no published translation is held for this verse.
तवाग्रे कथितं देवि यतो भक्तासि मे सदा । श्रुत्वा तु सर्वं भक्त्या च रोगान्दोषान्व्यपोहति
tavāgre kathitaṃ devi yato bhaktāsi me sadā | śrutvā tu sarvaṃ bhaktyā ca rogāndoṣānvyapohati
Sanskrit only: no published translation is held for this verse.