Library·Padma Purāṇa·6·6.8
युधिष्ठिर उवाच- देवान्विक्लाव्य समरे विष्णुं स्थाप्यात्ममंदिरे । जालंधरेणाब्धिजेन यत्कृतं ब्रूहि नारद
yudhiṣṭhira uvāca- devānviklāvya samare viṣṇuṃ sthāpyātmamaṃdire | jālaṃdhareṇābdhijena yatkṛtaṃ brūhi nārada
Sanskrit only: no published translation is held for this verse.
नारद उवाच-। शुंभादीनां तु वीराणां दत्त्वा दानं प्रसादजम् । जालंधरो जगामाथ स्वर्गं प्राप्यावलोकयत्
nārada uvāca-| śuṃbhādīnāṃ tu vīrāṇāṃ dattvā dānaṃ prasādajam | jālaṃdharo jagāmātha svargaṃ prāpyāvalokayat
Sanskrit only: no published translation is held for this verse.
हिरण्यवर्षेण जनान्भूषयंतं दिनेदिने । फलंति तरवोऽजस्रं वाजिमेधक्रतोः फलम्
hiraṇyavarṣeṇa janānbhūṣayaṃtaṃ dinedine | phalaṃti taravo'jasraṃ vājimedhakratoḥ phalam
Sanskrit only: no published translation is held for this verse.
गजवस्त्रसुवर्णानि धेनु कन्या तिलानि च । पुष्पकर्पूरतांबूल कस्तूरी कुंकुमानि च
gajavastrasuvarṇāni dhenu kanyā tilāni ca | puṣpakarpūratāṃbūla kastūrī kuṃkumāni ca
Sanskrit only: no published translation is held for this verse.
ये यच्छंति महात्मानस्ते पश्यंत्यमरावतीम् । वर्षासु गृहदानेन शिशिरेऽग्निप्रदानतः
ye yacchaṃti mahātmānaste paśyaṃtyamarāvatīm | varṣāsu gṛhadānena śiśire'gnipradānataḥ
Sanskrit only: no published translation is held for this verse.
वादित्राणि च सर्वाणि वादयंति शिवालये । प्रपां कुर्वंति ये चैत्रे दध्योदनसमन्विताम्
vāditrāṇi ca sarvāṇi vādayaṃti śivālaye | prapāṃ kurvaṃti ye caitre dadhyodanasamanvitām
Sanskrit only: no published translation is held for this verse.
यत्र हिंदोलपर्यंकं स्वयमांदोलयंति च । सारिकाशुकहंसाश्च भ्रमद्भ्रमरकोकिलाः
yatra hiṃdolaparyaṃkaṃ svayamāṃdolayaṃti ca | sārikāśukahaṃsāśca bhramadbhramarakokilāḥ
Sanskrit only: no published translation is held for this verse.
कुर्वंतो दूतकार्याणि यच्छंते प्रियसंगमम् । रंभा यत्र पुरे राम मेनका च तिलोत्तमा
kurvaṃto dūtakāryāṇi yacchaṃte priyasaṃgamam | raṃbhā yatra pure rāma menakā ca tilottamā
Sanskrit only: no published translation is held for this verse.
सुषमा सुंदरी यत्र घृताची पुंजिकस्थली । सुकेशी सुमुखी रामा मंजुघोषा च मालिनी
suṣamā suṃdarī yatra ghṛtācī puṃjikasthalī | sukeśī sumukhī rāmā maṃjughoṣā ca mālinī
Sanskrit only: no published translation is held for this verse.
मृगोद्भवा च सुखदा धनदंष्ट्रा तिलप्रभा । वाजिमेधफलग्राहा राजसूयफलंति याः
mṛgodbhavā ca sukhadā dhanadaṃṣṭrā tilaprabhā | vājimedhaphalagrāhā rājasūyaphalaṃti yāḥ
Sanskrit only: no published translation is held for this verse.
कोटिशो यत्र निःष्पापाः क्रीडंत्यप्सरसो नृप । एवं भूरिसुखे स्वर्गे स्थापयामास सिंधुजः
koṭiśo yatra niḥṣpāpāḥ krīḍaṃtyapsaraso nṛpa | evaṃ bhūrisukhe svarge sthāpayāmāsa siṃdhujaḥ
Sanskrit only: no published translation is held for this verse.
शुंभं प्राणसमं दैत्यं निशुंभं युवराजके । स्वयं जालंधरे पीठे स्वर्गादागत्य सिंधुराट् । वर्षार्बुदद्वयं राज्यं चकारात्मबलेन च
śuṃbhaṃ prāṇasamaṃ daityaṃ niśuṃbhaṃ yuvarājake | svayaṃ jālaṃdhare pīṭhe svargādāgatya siṃdhurāṭ | varṣārbudadvayaṃ rājyaṃ cakārātmabalena ca
Sanskrit only: no published translation is held for this verse.
युधिष्ठिर उवाच-। युयुधेऽसुर संग्रामे ससुरैरपराजितः
yudhiṣṭhira uvāca-| yuyudhe'sura saṃgrāme sasurairaparājitaḥ
Sanskrit only: no published translation is held for this verse.
ततः किमकरोद्राजा सिंधुसूनुः प्रतापवान् । तन्ममाचक्ष्व देवर्षे श्रोतुकामस्य विस्तरात्
tataḥ kimakarodrājā siṃdhusūnuḥ pratāpavān | tanmamācakṣva devarṣe śrotukāmasya vistarāt
Sanskrit only: no published translation is held for this verse.
नारद उवाच-। शृणु राजन्यथातथ्यं कृतसागरसूनुना । स देवान्समरे जित्वा राज्यं चक्रे ह्यकंटकम्
nārada uvāca-| śṛṇu rājanyathātathyaṃ kṛtasāgarasūnunā | sa devānsamare jitvā rājyaṃ cakre hyakaṃṭakam
Sanskrit only: no published translation is held for this verse.
गंधर्वाश्चित्रसेनाद्याः सेवंते चासुरेश्वरम् । यज्ञभागांश्च यो भुंक्ते सर्वेषामसुरेश्वरः
gaṃdharvāścitrasenādyāḥ sevaṃte cāsureśvaram | yajñabhāgāṃśca yo bhuṃkte sarveṣāmasureśvaraḥ
Sanskrit only: no published translation is held for this verse.
क्षीरसागरतो देवैर्हृतं रत्नादिकं च यत् । तत्सर्वं च तथान्यच्च निर्जित्य हृतवान्बली
kṣīrasāgarato devairhṛtaṃ ratnādikaṃ ca yat | tatsarvaṃ ca tathānyacca nirjitya hṛtavānbalī
Sanskrit only: no published translation is held for this verse.
समुद्रतनये राज्यं भुवो राजन्प्रशासति । न कश्चिन्म्रियते मर्त्यो नरकं कोऽपि न व्रजेत्
samudratanaye rājyaṃ bhuvo rājanpraśāsati | na kaścinmriyate martyo narakaṃ ko'pi na vrajet
Sanskrit only: no published translation is held for this verse.
न कलिप्रणयादन्यो न भोगादपरः क्षयः । न वंध्या दुर्भगा नारी नालंकारैर्विवर्जिता
na kalipraṇayādanyo na bhogādaparaḥ kṣayaḥ | na vaṃdhyā durbhagā nārī nālaṃkārairvivarjitā
Sanskrit only: no published translation is held for this verse.
कुरूपा दुर्गता दुष्टाऽयशस्या न च दृश्यते । न तत्र विधवा नारी न कश्चिन्निर्द्धनो जनः
kurūpā durgatā duṣṭā'yaśasyā na ca dṛśyate | na tatra vidhavā nārī na kaścinnirddhano janaḥ
Sanskrit only: no published translation is held for this verse.
दातारः संति सर्वत्र न प्रतिग्राहिणः क्वचित् । पुण्या जनाः प्रयच्छंति द्विजेभ्यो ह्यात्मनो धनम्
dātāraḥ saṃti sarvatra na pratigrāhiṇaḥ kvacit | puṇyā janāḥ prayacchaṃti dvijebhyo hyātmano dhanam
Sanskrit only: no published translation is held for this verse.
रूपयौवनशालिन्यः सीमंतिन्यो गृहे गृहे । गोक्षीरं दधिसर्पिश्च यत्र निर्जरसो जनाः
rūpayauvanaśālinyaḥ sīmaṃtinyo gṛhe gṛhe | gokṣīraṃ dadhisarpiśca yatra nirjaraso janāḥ
Sanskrit only: no published translation is held for this verse.
मंगलं तत्र सर्वेषां न क्वचिद्वधबंधनम् । शरेण न च हिंसास्ति न कश्चित्केन बाध्यते
maṃgalaṃ tatra sarveṣāṃ na kvacidvadhabaṃdhanam | śareṇa na ca hiṃsāsti na kaścitkena bādhyate
Sanskrit only: no published translation is held for this verse.
ऋणं न दृश्यते राजन्धनिनः संति सर्वतः । संतुष्टाः सर्वसस्याढ्याः प्रजाः सर्वत्रपार्थिव
ṛṇaṃ na dṛśyate rājandhaninaḥ saṃti sarvataḥ | saṃtuṣṭāḥ sarvasasyāḍhyāḥ prajāḥ sarvatrapārthiva
Sanskrit only: no published translation is held for this verse.
केलीक्षुदंडप्रभवश्च दुग्धरसोऽति सुस्वादुतरो गृहे नृणाम् । शुश्राव नारीनरयोर्हितं वचो न चापहर्ताध्वनि गच्छतां सदा
kelīkṣudaṃḍaprabhavaśca dugdharaso'ti susvādutaro gṛhe nṛṇām | śuśrāva nārīnarayorhitaṃ vaco na cāpahartādhvani gacchatāṃ sadā
Sanskrit only: no published translation is held for this verse.
पतंत्यखंडा नभसो यतस्ततो धाराश्च कर्मारविमिश्रसर्पिषः । संमिश्रिताः शर्करया परिश्रुताः समुद्रसूनोः स्मरणान्मुखे नृणाम्
pataṃtyakhaṃḍā nabhaso yatastato dhārāśca karmāravimiśrasarpiṣaḥ | saṃmiśritāḥ śarkarayā pariśrutāḥ samudrasūnoḥ smaraṇānmukhe nṛṇām
Sanskrit only: no published translation is held for this verse.