Padma Purāṇa 6.80

प्रसादाद्देवदेवस्य सर्वलोकस्य साक्षिणः । अवाप परमां सिद्धिं वैष्णवीं वीतकिल्बिषः

prasādāddevadevasya sarvalokasya sākṣiṇaḥ | avāpa paramāṃ siddhiṃ vaiṣṇavīṃ vītakilbiṣaḥ

Sanskrit only: no published translation is held for this verse.

शंखचक्रगदापाणिं पीतवाससमच्युतम् । श्यामलं पुंडरीकाक्षं स ददर्श सदाकृतिम्

śaṃkhacakragadāpāṇiṃ pītavāsasamacyutam | śyāmalaṃ puṃḍarīkākṣaṃ sa dadarśa sadākṛtim

Sanskrit only: no published translation is held for this verse.

सिंहा व्याघ्रास्तथा चान्ये मृगाः प्राणिविहिंसकाः । विरोधं सहजं हित्वा समेतास्तस्य संनिधौ

siṃhā vyāghrāstathā cānye mṛgāḥ prāṇivihiṃsakāḥ | virodhaṃ sahajaṃ hitvā sametāstasya saṃnidhau

Sanskrit only: no published translation is held for this verse.

विचरंति यथाकामं प्रसन्नेंद्रियवृत्तयः । परस्परहितं रम्यं संप्राप्तं पांडुनंदन

vicaraṃti yathākāmaṃ prasanneṃdriyavṛttayaḥ | parasparahitaṃ ramyaṃ saṃprāptaṃ pāṃḍunaṃdana

Sanskrit only: no published translation is held for this verse.

तथा प्रसन्नं सलिलं सरसां सरितामपि । ऋतवः सुप्रन्नाश्च विमलेंद्रियसंयुताः

tathā prasannaṃ salilaṃ sarasāṃ saritāmapi | ṛtavaḥ suprannāśca vimaleṃdriyasaṃyutāḥ

Sanskrit only: no published translation is held for this verse.

मारुताश्च सुखस्पर्शा वृक्षाः पुष्पफलान्विताः । आनुकूल्यं ययुः सर्वे पदार्थास्तस्य धीमतः

mārutāśca sukhasparśā vṛkṣāḥ puṣpaphalānvitāḥ | ānukūlyaṃ yayuḥ sarve padārthāstasya dhīmataḥ

Sanskrit only: no published translation is held for this verse.

प्रसन्नमभवत्तस्मै प्रसन्नं सचराचरम् । प्रसन्ने देवदेवेशे गोविंदे भक्तवत्सले

prasannamabhavattasmai prasannaṃ sacarācaram | prasanne devadeveśe goviṃde bhaktavatsale

Sanskrit only: no published translation is held for this verse.

ततः कदाचिद्भगवान्पुंडरीकस्य धीमतः । आविरासीज्जगन्नाथः पुंडरीकायतेक्षणः

tataḥ kadācidbhagavānpuṃḍarīkasya dhīmataḥ | āvirāsījjagannāthaḥ puṃḍarīkāyatekṣaṇaḥ

Sanskrit only: no published translation is held for this verse.

शंखचक्रगदापाणिः पीतवासाः समुज्ज्वलः । पुंडरीकविशालाक्षश्चंद्रबिंबनिभाननः

śaṃkhacakragadāpāṇiḥ pītavāsāḥ samujjvalaḥ | puṃḍarīkaviśālākṣaścaṃdrabiṃbanibhānanaḥ

Sanskrit only: no published translation is held for this verse.

किंकिणीकुंडली हारी केयूरी कटिसूत्रवान् । श्रीवत्सांकः पीतवासाः कौस्तुभेन विभूषितः

kiṃkiṇīkuṃḍalī hārī keyūrī kaṭisūtravān | śrīvatsāṃkaḥ pītavāsāḥ kaustubhena vibhūṣitaḥ

Sanskrit only: no published translation is held for this verse.

वनमालापरीतांगः स्फुरन्मुकुटकुंडलः । स्फुरता ब्रह्मसूत्रेण मुक्तादामविलंबिना

vanamālāparītāṃgaḥ sphuranmukuṭakuṃḍalaḥ | sphuratā brahmasūtreṇa muktādāmavilaṃbinā

Sanskrit only: no published translation is held for this verse.

विराजमानो देवेशश्चामरव्यजनादिभिः । देवैः सिद्धैः सदेवेंद्रैर्गंधर्वैर्मुनिभिर्वरैः

virājamāno deveśaścāmaravyajanādibhiḥ | devaiḥ siddhaiḥ sadeveṃdrairgaṃdharvairmunibhirvaraiḥ

Sanskrit only: no published translation is held for this verse.

यक्षैर्नागवरैश्चैवसेव्यमानोऽप्सरोगणैः । तं दृष्ट्वा देवदेवेशं पुंडरीकोऽनघः स्वयम्

yakṣairnāgavaraiścaivasevyamāno'psarogaṇaiḥ | taṃ dṛṣṭvā devadeveśaṃ puṃḍarīko'naghaḥ svayam

Sanskrit only: no published translation is held for this verse.

ततो बुद्ध्या महात्मानं तुष्टाव च जनार्दनम् । प्रांजलिः प्रणतो भूत्वा प्रहृष्टेनांतरात्मना

tato buddhyā mahātmānaṃ tuṣṭāva ca janārdanam | prāṃjaliḥ praṇato bhūtvā prahṛṣṭenāṃtarātmanā

Sanskrit only: no published translation is held for this verse.

पुंडरीक उवाच- नमोऽस्तु विष्णवे तुभ्यं सर्वलोकैकचक्षुषे । निरंजनाय नित्याय निर्गुणाय महात्मने

puṃḍarīka uvāca- namo'stu viṣṇave tubhyaṃ sarvalokaikacakṣuṣe | niraṃjanāya nityāya nirguṇāya mahātmane

Sanskrit only: no published translation is held for this verse.

त्वमीशः सर्वभूतानां तथैव च निरीश्वरः । तथाभयार्तिनाशायगोविंदोगरुडध्वजः

tvamīśaḥ sarvabhūtānāṃ tathaiva ca nirīśvaraḥ | tathābhayārtināśāyagoviṃdogaruḍadhvajaḥ

Sanskrit only: no published translation is held for this verse.

अनुग्रहेणभूतानांअनेकाकारधारिणे । त्वयि सर्वमिदं प्राहुस्त्वन्मयं चैव केवलम्

anugraheṇabhūtānāṃanekākāradhāriṇe | tvayi sarvamidaṃ prāhustvanmayaṃ caiva kevalam

Sanskrit only: no published translation is held for this verse.

त्वमस्माज्जगतो भिन्नो निर्मितं च जगत्त्वया । नमोस्तु नाभिप्रसवनलिनाय नमो नमः

tvamasmājjagato bhinno nirmitaṃ ca jagattvayā | namostu nābhiprasavanalināya namo namaḥ

Sanskrit only: no published translation is held for this verse.

नमः समस्तवेदांतविश्रुतात्मविभूतये । त्वमेव सर्वदेवेश कारणं कैटभार्दन

namaḥ samastavedāṃtaviśrutātmavibhūtaye | tvameva sarvadeveśa kāraṇaṃ kaiṭabhārdana

Sanskrit only: no published translation is held for this verse.

प्रसीद हृदयावास शंखचक्रगदाधर । नमः समस्तभूतानामादिभूताय भूभृते

prasīda hṛdayāvāsa śaṃkhacakragadādhara | namaḥ samastabhūtānāmādibhūtāya bhūbhṛte

Sanskrit only: no published translation is held for this verse.

अनेकरूपरूपाय विष्णवे प्रभविष्णवे । यस्य ब्रह्मादयो देवा न विदंति सुरेश्वराः

anekarūparūpāya viṣṇave prabhaviṣṇave | yasya brahmādayo devā na vidaṃti sureśvarāḥ

Sanskrit only: no published translation is held for this verse.

महिमानं तपोमेयं तस्मै तुभ्यं नमाम्यहम् । वाचामगोचरो यस्य महिमा तव नाप्यते

mahimānaṃ tapomeyaṃ tasmai tubhyaṃ namāmyaham | vācāmagocaro yasya mahimā tava nāpyate

Sanskrit only: no published translation is held for this verse.

जात्यादिभिरसंस्पृष्टः सदा ध्येयोऽसि तत्त्वतः । तथा विभेदरूपेण भक्तानामनुकंपया

jātyādibhirasaṃspṛṣṭaḥ sadā dhyeyo'si tattvataḥ | tathā vibhedarūpeṇa bhaktānāmanukaṃpayā

Sanskrit only: no published translation is held for this verse.

मत्स्यकूर्मादिरूपेण दृश्यसे पुरुषोत्तम । भीष्म उवाच- पुंडरीको जगन्नाथं संस्तुवन्पुरुषोत्तमम्

matsyakūrmādirūpeṇa dṛśyase puruṣottama | bhīṣma uvāca- puṃḍarīko jagannāthaṃ saṃstuvanpuruṣottamam

Sanskrit only: no published translation is held for this verse.

तमेवालोकयद्वीर चिरप्रार्थितदर्शनम् । तमाह भगवान्विष्णुः पद्मनाभस्त्रिविक्रमः

tamevālokayadvīra ciraprārthitadarśanam | tamāha bhagavānviṣṇuḥ padmanābhastrivikramaḥ

Sanskrit only: no published translation is held for this verse.

पुंडरीकं महाभागं तथा गंभीरया गिरा

puṃḍarīkaṃ mahābhāgaṃ tathā gaṃbhīrayā girā

Sanskrit only: no published translation is held for this verse.

श्रीभगवानुवाच- प्रीतोऽस्मि वत्स भद्रं ते पुंडरीक महामते । वरं वृष्णीष्व दास्यामि यत्ते मनसि वर्त्तते

śrībhagavānuvāca- prīto'smi vatsa bhadraṃ te puṃḍarīka mahāmate | varaṃ vṛṣṇīṣva dāsyāmi yatte manasi varttate

Sanskrit only: no published translation is held for this verse.

एतच्छ्रुत्वा तु वचनं देवदेवस्य भाषितम् । एवं विज्ञापयामास पुंडरीको महामतिः 6.80.१५०। पुंडरीक उवाच- क्वाहमत्यंत दुर्बुद्धिः क्व भवंतो हितैषिणः । यद्धितं मम देवेश तदाज्ञापय माधव

etacchrutvā tu vacanaṃ devadevasya bhāṣitam | evaṃ vijñāpayāmāsa puṃḍarīko mahāmatiḥ 6.80.150| puṃḍarīka uvāca- kvāhamatyaṃta durbuddhiḥ kva bhavaṃto hitaiṣiṇaḥ | yaddhitaṃ mama deveśa tadājñāpaya mādhava

Sanskrit only: no published translation is held for this verse.

एवमुक्तः स भगवान्सुप्रीतश्च ततोऽब्रवीत् । पुंडरीकं महाभागं कृतांजलिमुपस्थितम्

evamuktaḥ sa bhagavānsuprītaśca tato'bravīt | puṃḍarīkaṃ mahābhāgaṃ kṛtāṃjalimupasthitam

Sanskrit only: no published translation is held for this verse.

आगच्छ कुशलं तेऽस्तु मयैव सह सुव्रत । उपकारी च नित्यात्मा मया त्वं सर्वदा सह

āgaccha kuśalaṃ te'stu mayaiva saha suvrata | upakārī ca nityātmā mayā tvaṃ sarvadā saha

Sanskrit only: no published translation is held for this verse.

भीष्म उवाच- एवमुक्तवति प्रीत्या श्रीधरे भक्तवत्सले । दिवि दुंदुभयो नेदुः पुष्पवर्षं पपात ह

bhīṣma uvāca- evamuktavati prītyā śrīdhare bhaktavatsale | divi duṃdubhayo neduḥ puṣpavarṣaṃ papāta ha

Sanskrit only: no published translation is held for this verse.

ब्रह्मादयस्तथा देवाः साधुसाध्विति चाब्रुवन् । जगुः सिद्धाश्च गंधर्वाः किन्नराश्च विशेषतः

brahmādayastathā devāḥ sādhusādhviti cābruvan | jaguḥ siddhāśca gaṃdharvāḥ kinnarāśca viśeṣataḥ

Sanskrit only: no published translation is held for this verse.

तत्रैव तमुपादाय देवदेवो जगत्पतिः । जगाम गरुडारूढः सर्वलोकनमस्कृतः

tatraiva tamupādāya devadevo jagatpatiḥ | jagāma garuḍārūḍhaḥ sarvalokanamaskṛtaḥ

Sanskrit only: no published translation is held for this verse.

तस्मात्त्वमपि राजेंद्र विष्णुभक्तिसमन्वितः । तच्चित्तस्तद्गतप्राणस्तद्भक्तानां हिते रतः

tasmāttvamapi rājeṃdra viṣṇubhaktisamanvitaḥ | taccittastadgataprāṇastadbhaktānāṃ hite rataḥ

Sanskrit only: no published translation is held for this verse.

अर्चयित्वा यथायोग्यं भजस्व पुरुषोत्तमम् । शृणुष्व तत्कथां पुण्यां सर्वपापप्रणाशिनीम्

arcayitvā yathāyogyaṃ bhajasva puruṣottamam | śṛṇuṣva tatkathāṃ puṇyāṃ sarvapāpapraṇāśinīm

Sanskrit only: no published translation is held for this verse.

येनोपायेन राजेंद्र विष्णुभक्तिसमन्वितः । प्रीतो भवति विश्वात्मा तत्कुरुष्व सुविस्तरम्

yenopāyena rājeṃdra viṣṇubhaktisamanvitaḥ | prīto bhavati viśvātmā tatkuruṣva suvistaram

Sanskrit only: no published translation is held for this verse.

अश्वमेधशतैरिष्ट्वा वाजपेयशतैरपि । प्राप्नुवंति नरा नैव नारायणपराङ्मुखाः

aśvamedhaśatairiṣṭvā vājapeyaśatairapi | prāpnuvaṃti narā naiva nārāyaṇaparāṅmukhāḥ

Sanskrit only: no published translation is held for this verse.

सकृदुच्चरितं येन हरिरित्यक्षरद्वयम् । बद्धः परिकरस्तेन मोक्षाय गमनं प्रति

sakṛduccaritaṃ yena harirityakṣaradvayam | baddhaḥ parikarastena mokṣāya gamanaṃ prati

Sanskrit only: no published translation is held for this verse.

लाभस्तेषां जयस्तेषां कुतस्तेषां पराजयः । येषामिंदीवरश्यामो हृदयस्थो जनार्दनः

lābhasteṣāṃ jayasteṣāṃ kutasteṣāṃ parājayaḥ | yeṣāmiṃdīvaraśyāmo hṛdayastho janārdanaḥ

Sanskrit only: no published translation is held for this verse.

य इदं शृणुयान्नित्यं पठेद्वापि समाहितः । सर्वपापविनिर्मुक्तो विष्णुलोकं स गच्छति

ya idaṃ śṛṇuyānnityaṃ paṭhedvāpi samāhitaḥ | sarvapāpavinirmukto viṣṇulokaṃ sa gacchati

Sanskrit only: no published translation is held for this verse.

ईश्वर उवाच- एतद्वै नाममाहात्म्यं श्रुत्वा वै नगनंदिनि । धर्मार्थकाममोक्षास्तु भवंति च न संशयः

īśvara uvāca- etadvai nāmamāhātmyaṃ śrutvā vai naganaṃdini | dharmārthakāmamokṣāstu bhavaṃti ca na saṃśayaḥ

Sanskrit only: no published translation is held for this verse.

शुक्ले कुलेऽवतीर्णो यो ब्राह्मणो वेदतत्परः । वैष्णवो विष्णुरूपोऽसौ नान्यो विप्रस्तु कर्हिचित्

śukle kule'vatīrṇo yo brāhmaṇo vedatatparaḥ | vaiṣṇavo viṣṇurūpo'sau nānyo viprastu karhicit

Sanskrit only: no published translation is held for this verse.

मुखे नामोच्चरन्विष्णोर्हृदये ध्यानतत्परः । शंखचक्रधरो विद्वन्मालां तुलसिजां दधत्

mukhe nāmoccaranviṣṇorhṛdaye dhyānatatparaḥ | śaṃkhacakradharo vidvanmālāṃ tulasijāṃ dadhat

Sanskrit only: no published translation is held for this verse.

जीवन्मुक्तः स विज्ञेयो भुक्त्वा भोगांस्त्वनेकशः । एकविंशतिकुलैः सार्द्धं विष्णुलोके स मोदते

jīvanmuktaḥ sa vijñeyo bhuktvā bhogāṃstvanekaśaḥ | ekaviṃśatikulaiḥ sārddhaṃ viṣṇuloke sa modate

Sanskrit only: no published translation is held for this verse.

पुंडरीको यथा शक्त्या मुक्तो ह्यत्र न संशयः । भक्तिभावेन गोविंदस्तुष्टिं प्राप्नोति शाश्वतीम्

puṃḍarīko yathā śaktyā mukto hyatra na saṃśayaḥ | bhaktibhāvena goviṃdastuṣṭiṃ prāpnoti śāśvatīm

Sanskrit only: no published translation is held for this verse.

कलौ वै हरिगीतं तु स्वगृहे वा विशेषतः । सामगानसमं प्रोक्तं देवार्चनसमाधिषु

kalau vai harigītaṃ tu svagṛhe vā viśeṣataḥ | sāmagānasamaṃ proktaṃ devārcanasamādhiṣu

Sanskrit only: no published translation is held for this verse.