Padma Purāṇa 6.81

पार्वत्युवाच- गंगायाश्चैव माहात्म्यं पुनर्वद महामते । यच्छ्रुत्वा मुनयः सर्वे वीतरागाः पुनः पुनः

pārvatyuvāca- gaṃgāyāścaiva māhātmyaṃ punarvada mahāmate | yacchrutvā munayaḥ sarve vītarāgāḥ punaḥ punaḥ

Sanskrit only: no published translation is held for this verse.

माहात्म्यं कीदृशं चैव तस्याः सर्वेश्वर प्रभो । उत्पत्तिश्च श्रुता पूर्वं महिमा न श्रुतो मया । त्वमाद्यः सर्वभूतानां त्वं देवश्च सनातनः

māhātmyaṃ kīdṛśaṃ caiva tasyāḥ sarveśvara prabho | utpattiśca śrutā pūrvaṃ mahimā na śruto mayā | tvamādyaḥ sarvabhūtānāṃ tvaṃ devaśca sanātanaḥ

Sanskrit only: no published translation is held for this verse.

महादेव उवाच- बृहस्पतिसमं बुद्ध्या शक्रतुल्यपराक्रमम् । शरतल्पगतं भीष्मं ऋषयो द्रष्टुमाययुः

mahādeva uvāca- bṛhaspatisamaṃ buddhyā śakratulyaparākramam | śaratalpagataṃ bhīṣmaṃ ṛṣayo draṣṭumāyayuḥ

Sanskrit only: no published translation is held for this verse.

अत्रिर्वसिष्ठश्च भृगुः पुलस्त्यः पुलहः क्रतुः । अंगिरावगौतमोऽगस्त्यः सुमतिस्त्वापुरात्मवान्

atrirvasiṣṭhaśca bhṛguḥ pulastyaḥ pulahaḥ kratuḥ | aṃgirāvagautamo'gastyaḥ sumatistvāpurātmavān

Sanskrit only: no published translation is held for this verse.

विश्वामित्रः स्थूलशिराः सर्वज्ञः प्रमथाधिपः । रैभ्यो बृहस्पतिर्व्यासः पावनः कश्यपो ध्रुवः

viśvāmitraḥ sthūlaśirāḥ sarvajñaḥ pramathādhipaḥ | raibhyo bṛhaspatirvyāsaḥ pāvanaḥ kaśyapo dhruvaḥ

Sanskrit only: no published translation is held for this verse.

दुर्वासा जमदग्निश्च मार्कंडेयोऽथ गालवः । उशनाथ भरद्वाजः क्रतुरास्तीक एव च

durvāsā jamadagniśca mārkaṃḍeyo'tha gālavaḥ | uśanātha bharadvājaḥ kraturāstīka eva ca

Sanskrit only: no published translation is held for this verse.

स्थूलाक्षः सर्वलोकाक्षः कण्वो मेधातिथिः कुशः । नारदः पर्वतश्चैव सुधन्वा च्यवनो द्विजः

sthūlākṣaḥ sarvalokākṣaḥ kaṇvo medhātithiḥ kuśaḥ | nāradaḥ parvataścaiva sudhanvā cyavano dvijaḥ

Sanskrit only: no published translation is held for this verse.

मतिभूर्भुवनो धौम्यः शतानंदोकृतव्रणः । जामदग्न्योऽथ रामश्च ऋचीकश्चैवमादयः

matibhūrbhuvano dhaumyaḥ śatānaṃdokṛtavraṇaḥ | jāmadagnyo'tha rāmaśca ṛcīkaścaivamādayaḥ

Sanskrit only: no published translation is held for this verse.

तान्प्रणम्य यथान्यायं धर्मपुत्रः सहानुजः । पूजयामास विधिवज्जगत्पूज्यांस्तु तेजसः

tānpraṇamya yathānyāyaṃ dharmaputraḥ sahānujaḥ | pūjayāmāsa vidhivajjagatpūjyāṃstu tejasaḥ

Sanskrit only: no published translation is held for this verse.

ते पूजिता महात्मानः सुखासीनास्तपोधनाः । भीष्माश्रिताः कथाश्चक्रुर्दिव्यधर्माश्रितास्तथा

te pūjitā mahātmānaḥ sukhāsīnāstapodhanāḥ | bhīṣmāśritāḥ kathāścakrurdivyadharmāśritāstathā

Sanskrit only: no published translation is held for this verse.

कथांते तु ततस्तेषां ऋषीणां भावितात्मनाम् । प्रणम्य शिरसा भीष्मं पप्रच्छेदं युधिष्ठिरः

kathāṃte tu tatasteṣāṃ ṛṣīṇāṃ bhāvitātmanām | praṇamya śirasā bhīṣmaṃ papracchedaṃ yudhiṣṭhiraḥ

Sanskrit only: no published translation is held for this verse.

युधिष्ठिर उवाच- के देशास्तु महापुण्याः के शैलाः केऽपिचाश्रमाः । सेव्या धर्मार्थिभिर्नित्यं तन्मे ब्रूहि पितामह

yudhiṣṭhira uvāca- ke deśāstu mahāpuṇyāḥ ke śailāḥ ke'picāśramāḥ | sevyā dharmārthibhirnityaṃ tanme brūhi pitāmaha

Sanskrit only: no published translation is held for this verse.

भीष्म उवाच- अत्रैवोदाहरंतीममितिहासं नरोत्तम । शिलोंछवृत्तेः संवादं सिद्धस्य च युधिष्ठिर

bhīṣma uvāca- atraivodāharaṃtīmamitihāsaṃ narottama | śiloṃchavṛtteḥ saṃvādaṃ siddhasya ca yudhiṣṭhira

Sanskrit only: no published translation is held for this verse.

कश्चित्सिद्धः परिक्रम्य समस्तां पृथिवीमिमाम् । उंछवृत्तेः शिबेराजन्गृहं प्राप्तो महात्मनः

kaścitsiddhaḥ parikramya samastāṃ pṛthivīmimām | uṃchavṛtteḥ śiberājangṛhaṃ prāpto mahātmanaḥ

Sanskrit only: no published translation is held for this verse.

आत्मविद्यासु तत्वज्ञः सर्वदा स जितेंद्रियः । रागद्वेषपरित्यक्तः कुशली ज्ञानकर्मसु

ātmavidyāsu tatvajñaḥ sarvadā sa jiteṃdriyaḥ | rāgadveṣaparityaktaḥ kuśalī jñānakarmasu

Sanskrit only: no published translation is held for this verse.

वैष्णवेषु सदा श्रेष्ठो विष्णुधर्मपरायणः । अनिंदको वैष्णवानां सदा धर्मपरायणः

vaiṣṇaveṣu sadā śreṣṭho viṣṇudharmaparāyaṇaḥ | aniṃdako vaiṣṇavānāṃ sadā dharmaparāyaṇaḥ

Sanskrit only: no published translation is held for this verse.

योगाभ्यासरतो नित्यं शंखचक्रविधारकः । त्रिकालपूजा तत्वज्ञः श्रीकंठेऽनुरतः सदा

yogābhyāsarato nityaṃ śaṃkhacakravidhārakaḥ | trikālapūjā tatvajñaḥ śrīkaṃṭhe'nurataḥ sadā

Sanskrit only: no published translation is held for this verse.

वेदविद्यासु विदुषो धर्माधर्मविचारकः । वेदपाठव्रतो नित्यं नित्यं चातिथिपूजकः

vedavidyāsu viduṣo dharmādharmavicārakaḥ | vedapāṭhavrato nityaṃ nityaṃ cātithipūjakaḥ

Sanskrit only: no published translation is held for this verse.

सतीर्थमतियुक्तस्तु शिलोंछेषु स्थितः सदा । चतुर्वेदेषु यद्ध्यानं गीतं यद्यत्स्वयंभुवा

satīrthamatiyuktastu śiloṃcheṣu sthitaḥ sadā | caturvedeṣu yaddhyānaṃ gītaṃ yadyatsvayaṃbhuvā

Sanskrit only: no published translation is held for this verse.

तत्सर्वं स च जानाति द्विजो विष्णुस्वरूपधृक् । नानाधर्मार्थविशदो ह्यव्ययेष्टमतिः सदा

tatsarvaṃ sa ca jānāti dvijo viṣṇusvarūpadhṛk | nānādharmārthaviśado hyavyayeṣṭamatiḥ sadā

Sanskrit only: no published translation is held for this verse.

एकस्मिन्नेव काले तु गतोऽसौ वै शिबेर्गृहम् । तं दृष्ट्वा विधिवच्चैव कृत्वातिथ्यं महामनाः

ekasminneva kāle tu gato'sau vai śibergṛham | taṃ dṛṣṭvā vidhivaccaiva kṛtvātithyaṃ mahāmanāḥ

Sanskrit only: no published translation is held for this verse.

शिबिः संपृच्छयामास देशानां हितकारणम्

śibiḥ saṃpṛcchayāmāsa deśānāṃ hitakāraṇam

Sanskrit only: no published translation is held for this verse.

उंछवृत्तिरुवाच- के देशाः के जनपदाः के शैलाः केऽपि चाश्रमाः । पुण्या द्विजवर प्रीत्या मह्यं निर्देष्टुमर्हसि

uṃchavṛttiruvāca- ke deśāḥ ke janapadāḥ ke śailāḥ ke'pi cāśramāḥ | puṇyā dvijavara prītyā mahyaṃ nirdeṣṭumarhasi

Sanskrit only: no published translation is held for this verse.

सिद्ध उवाच- ते देशास्ते जनपदास्ते शैलास्तेऽपि चाश्रमाः । पुण्यास्त्रिपथगा येषां मध्ये नित्यं सरिद्वरा

siddha uvāca- te deśāste janapadāste śailāste'pi cāśramāḥ | puṇyāstripathagā yeṣāṃ madhye nityaṃ saridvarā

Sanskrit only: no published translation is held for this verse.

तपसा ब्रह्मचर्येण यज्ञैस्त्यागेन वा पुनः । गतिं तां न लभेज्जंतुर्गंगां संसेव्य यां लभेत्

tapasā brahmacaryeṇa yajñaistyāgena vā punaḥ | gatiṃ tāṃ na labhejjaṃturgaṃgāṃ saṃsevya yāṃ labhet

Sanskrit only: no published translation is held for this verse.

स्नातानां तत्र पयसि गांगेये नियतात्मनाम् । तुष्टिर्भवति या पुंसां न सा क्रतुशतैरपि

snātānāṃ tatra payasi gāṃgeye niyatātmanām | tuṣṭirbhavati yā puṃsāṃ na sā kratuśatairapi

Sanskrit only: no published translation is held for this verse.

अपहृत्य तमस्तीव्रं यथा भात्युदये रविः । तथापहृत्य पाप्मानं भाति गंगाजलाप्लुतः

apahṛtya tamastīvraṃ yathā bhātyudaye raviḥ | tathāpahṛtya pāpmānaṃ bhāti gaṃgājalāplutaḥ

Sanskrit only: no published translation is held for this verse.

अग्निं प्राप्य यथा विप्र तूलराशिर्विनश्यति । तथा गंगावगाहश्च सर्वं पापं व्यपोहति

agniṃ prāpya yathā vipra tūlarāśirvinaśyati | tathā gaṃgāvagāhaśca sarvaṃ pāpaṃ vyapohati

Sanskrit only: no published translation is held for this verse.

यस्तु सूर्यांशुसंतप्तं गांगेयं सलिलं पिबेत् । स गोनीहारनिर्मुक्तः पावकाद्धि विशिष्यते

yastu sūryāṃśusaṃtaptaṃ gāṃgeyaṃ salilaṃ pibet | sa gonīhāranirmuktaḥ pāvakāddhi viśiṣyate

Sanskrit only: no published translation is held for this verse.

चांद्रायणसहस्रं तु पादेनैकेन यः पुमान् । संप्लुतश्चापि गंगायां यो नरः स विशिष्यते

cāṃdrāyaṇasahasraṃ tu pādenaikena yaḥ pumān | saṃplutaścāpi gaṃgāyāṃ yo naraḥ sa viśiṣyate

Sanskrit only: no published translation is held for this verse.

लंबेदधःशिरा यस्तु वर्षाणामयुतं नरः । मासमेकं तु गंगांभः सेवते यो नरोत्तमः

laṃbedadhaḥśirā yastu varṣāṇāmayutaṃ naraḥ | māsamekaṃ tu gaṃgāṃbhaḥ sevate yo narottamaḥ

Sanskrit only: no published translation is held for this verse.

ब्रह्महत्याविनिर्मुक्तो याति विष्णोरनामयम् । इयं वेणीसमा पुण्या पवित्रा पापनाशिनी

brahmahatyāvinirmukto yāti viṣṇoranāmayam | iyaṃ veṇīsamā puṇyā pavitrā pāpanāśinī

Sanskrit only: no published translation is held for this verse.

यस्याः स्मरणमात्रेण बालहा मुच्यते क्षणात् । स प्रयागस्तीर्थराजो वैष्णवानां हि दुर्ल्लभः

yasyāḥ smaraṇamātreṇa bālahā mucyate kṣaṇāt | sa prayāgastīrtharājo vaiṣṇavānāṃ hi durllabhaḥ

Sanskrit only: no published translation is held for this verse.

स्नात्वा यत्र नरश्रेष्ठ वैकुंठे सत्वरं व्रजेत् । प्रियाप्रिये न जानाति धर्माधर्मौ न विंदति

snātvā yatra naraśreṣṭha vaikuṃṭhe satvaraṃ vrajet | priyāpriye na jānāti dharmādharmau na viṃdati

Sanskrit only: no published translation is held for this verse.

स्नात्वा चैव तु गंगायां महापापात्प्रमुच्यते

snātvā caiva tu gaṃgāyāṃ mahāpāpātpramucyate

Sanskrit only: no published translation is held for this verse.

ब्रह्महा चैव गोघ्नो वा सुरापी बालघातकः । मुच्यते सर्वपापेभ्यो दिवं याति च सत्वरम्

brahmahā caiva goghno vā surāpī bālaghātakaḥ | mucyate sarvapāpebhyo divaṃ yāti ca satvaram

Sanskrit only: no published translation is held for this verse.

दर्शनं माधवस्याथ वरस्य दर्शनं तथा । वेण्यां स्नानं प्रकुर्वाणो वैकुंठं प्रति गच्छति

darśanaṃ mādhavasyātha varasya darśanaṃ tathā | veṇyāṃ snānaṃ prakurvāṇo vaikuṃṭhaṃ prati gacchati

Sanskrit only: no published translation is held for this verse.

उदिते च यथा सूर्ये विलयं याति वै तमः । तथैव तस्यां पापानि नश्यंति स्नानमात्रतः

udite ca yathā sūrye vilayaṃ yāti vai tamaḥ | tathaiva tasyāṃ pāpāni naśyaṃti snānamātrataḥ

Sanskrit only: no published translation is held for this verse.

गंगाद्वारे कुशावर्ते गल्लिके(बिल्वके?) नीलपर्वते । स्नात्वा कनखले तीर्थे पुनर्जन्म न विद्यते

gaṃgādvāre kuśāvarte gallike(bilvake?) nīlaparvate | snātvā kanakhale tīrthe punarjanma na vidyate

Sanskrit only: no published translation is held for this verse.

एवं ज्ञात्वा नरश्रेष्ठो गंगास्नायी पुनःपुनः । स्नानमात्रेण भो राजन्मुच्यते किल्बिषादतः

evaṃ jñātvā naraśreṣṭho gaṃgāsnāyī punaḥpunaḥ | snānamātreṇa bho rājanmucyate kilbiṣādataḥ

Sanskrit only: no published translation is held for this verse.

देवानां प्रवरो विष्णुर्यज्ञानां चाश्वमेधकः । अश्वत्थः सर्ववृक्षाणां नदी भागीरथी सदा

devānāṃ pravaro viṣṇuryajñānāṃ cāśvamedhakaḥ | aśvatthaḥ sarvavṛkṣāṇāṃ nadī bhāgīrathī sadā

Sanskrit only: no published translation is held for this verse.