Library·Padma Purāṇa·6·6.85
महादेव उवाच- वैशाख्यां पूर्णमास्यां वै जलस्थं जगदीश्वरम् । पूजयेद्वैष्णवो भक्त्या कृतोत्साहो मुदान्वितः
mahādeva uvāca- vaiśākhyāṃ pūrṇamāsyāṃ vai jalasthaṃ jagadīśvaram | pūjayedvaiṣṇavo bhaktyā kṛtotsāho mudānvitaḥ
Sanskrit only: no published translation is held for this verse.
गीतं वाद्यं तथा नृत्यं कृत्वा पुण्यं महोत्सवम् । एकादश्यां सुरश्रेष्ठं पश्येद्वाथ प्रहर्षितः
gītaṃ vādyaṃ tathā nṛtyaṃ kṛtvā puṇyaṃ mahotsavam | ekādaśyāṃ suraśreṣṭhaṃ paśyedvātha praharṣitaḥ
Sanskrit only: no published translation is held for this verse.
गीतं गायन्हरेर्भक्त्या कर्त्तव्यः सोत्सवः शुभः । शयनं कुरु देवेश जलेऽस्मिन्वै सुरेश्वर
gītaṃ gāyanharerbhaktyā karttavyaḥ sotsavaḥ śubhaḥ | śayanaṃ kuru deveśa jale'sminvai sureśvara
Sanskrit only: no published translation is held for this verse.
त्वयि सुप्ते जगत्सुप्तं भवत्येव न संशयः । घनागमे प्रकुर्वंति जलस्थ वै जनार्दनम्
tvayi supte jagatsuptaṃ bhavatyeva na saṃśayaḥ | ghanāgame prakurvaṃti jalastha vai janārdanam
Sanskrit only: no published translation is held for this verse.
ये नरास्तु सुरश्रेष्ठे न दाहो नरके भवेत् । स्वर्णपात्रे तथा रौप्ये ताम्रे वा च सुरेश्वरि
ye narāstu suraśreṣṭhe na dāho narake bhavet | svarṇapātre tathā raupye tāmre vā ca sureśvari
Sanskrit only: no published translation is held for this verse.
मृन्मये वाथ कर्त्तव्यं शयनं विष्णुसंज्ञकम् । तत्र तोयं च संस्थाप्य शीतलं गंधवासितम्
mṛnmaye vātha karttavyaṃ śayanaṃ viṣṇusaṃjñakam | tatra toyaṃ ca saṃsthāpya śītalaṃ gaṃdhavāsitam
Sanskrit only: no published translation is held for this verse.
तस्मिंस्तोये ततो विष्णोः स्थापनं कारयेद्बुधः । गोपालनाम्नी मूर्त्तिश्च रामनाम्नी तथापि वा
tasmiṃstoye tato viṣṇoḥ sthāpanaṃ kārayedbudhaḥ | gopālanāmnī mūrttiśca rāmanāmnī tathāpi vā
Sanskrit only: no published translation is held for this verse.
शालग्राम शिला वापि स्थापनीया विशेषतः । प्रतिमां वा महाभाग तस्य पुण्यमनंतकम्
śālagrāma śilā vāpi sthāpanīyā viśeṣataḥ | pratimāṃ vā mahābhāga tasya puṇyamanaṃtakam
Sanskrit only: no published translation is held for this verse.
यावद्धराधरालोका यावच्चंद्र दिवाकरौ । तावत्तस्य कुले कश्चिन्न भवेद्देवि नारकी
yāvaddharādharālokā yāvaccaṃdra divākarau | tāvattasya kule kaścinna bhaveddevi nārakī
Sanskrit only: no published translation is held for this verse.
तस्माज्ज्येष्ठे महादेवि तोयस्थं पूजयेद्धरिम् । वीततापो नरस्तिष्ठेद्यावदाभूतसंप्लवम्
tasmājjyeṣṭhe mahādevi toyasthaṃ pūjayeddharim | vītatāpo narastiṣṭhedyāvadābhūtasaṃplavam
Sanskrit only: no published translation is held for this verse.
सुशीतले तथा तोये तुलसीदलवासितम् । शुचिशुक्रगते काले पूजयेद्धरणीधरम्
suśītale tathā toye tulasīdalavāsitam | śuciśukragate kāle pūjayeddharaṇīdharam
Sanskrit only: no published translation is held for this verse.
शुचिशुक्रगते काले येऽर्चयिष्यंति केशवम् । जलस्थं विविधैः पुष्पैर्मुच्यंते यमपीडनात्
śuciśukragate kāle ye'rcayiṣyaṃti keśavam | jalasthaṃ vividhaiḥ puṣpairmucyaṃte yamapīḍanāt
Sanskrit only: no published translation is held for this verse.
जलप्रेष्ठो यतो विष्णुर्जलशायी जलप्रियः । तस्माद्ग्रीष्मे विशेषेण जलस्थं पूजयेद्धरिम्
jalapreṣṭho yato viṣṇurjalaśāyī jalapriyaḥ | tasmādgrīṣme viśeṣeṇa jalasthaṃ pūjayeddharim
Sanskrit only: no published translation is held for this verse.
नीरमध्ये स्थितं कृत्वा शालग्रामसमुद्भवम् । येनार्चितो महाभक्त्या स भवेत्कुलपावनः
nīramadhye sthitaṃ kṛtvā śālagrāmasamudbhavam | yenārcito mahābhaktyā sa bhavetkulapāvanaḥ
Sanskrit only: no published translation is held for this verse.
कर्कराशि गते सूर्ये मिथुनस्थे विशेषतः । येनार्चितो हरिर्भक्त्या जलमध्ये तु सुंदरि
karkarāśi gate sūrye mithunasthe viśeṣataḥ | yenārcito harirbhaktyā jalamadhye tu suṃdari
Sanskrit only: no published translation is held for this verse.
द्वादश्यां तु विशेषेण जलस्थ जलशायिनः । येनार्चनं कृतं तेन कोटियज्ञशतं कृतम्
dvādaśyāṃ tu viśeṣeṇa jalastha jalaśāyinaḥ | yenārcanaṃ kṛtaṃ tena koṭiyajñaśataṃ kṛtam
Sanskrit only: no published translation is held for this verse.
निक्षिप्य जलपात्रे तु मासे माधवसंज्ञके । माधवं येऽर्चयिष्यंति देवास्ते तु नरा भुवि
nikṣipya jalapātre tu māse mādhavasaṃjñake | mādhavaṃ ye'rcayiṣyaṃti devāste tu narā bhuvi
Sanskrit only: no published translation is held for this verse.
पात्रे गंधोदकं कृत्वा यः क्षिपेद्गरुडध्वजम् । द्वादश्यां पूजयेद्रात्रौ मुक्तिभागी भवेत्तु सः
pātre gaṃdhodakaṃ kṛtvā yaḥ kṣipedgaruḍadhvajam | dvādaśyāṃ pūjayedrātrau muktibhāgī bhavettu saḥ
Sanskrit only: no published translation is held for this verse.
अश्रद्दधानः पापात्मा नास्तिकोऽच्छिन्नसंशयः । हेतुनिष्ठश्च पंचैते न पूजाफल भागिनः
aśraddadhānaḥ pāpātmā nāstiko'cchinnasaṃśayaḥ | hetuniṣṭhaśca paṃcaite na pūjāphala bhāginaḥ
Sanskrit only: no published translation is held for this verse.
तथा महादेवि प्रभुं जलस्थं जगदीश्वरम् । पूजयेद्यो नरो नित्यं महापापैः प्रमुच्यते
tathā mahādevi prabhuṃ jalasthaṃ jagadīśvaram | pūjayedyo naro nityaṃ mahāpāpaiḥ pramucyate
Sanskrit only: no published translation is held for this verse.
ॐह्री ह्रीं रामाय नमः । इति मंत्रेण देवेशि पूजनं तत्र वै स्मृतम् । ॐ क्लीं कृष्णाय गोविंदाय गोपीजनवल्लभाय नमः । इति मंत्रेण गिरिजे उदकं चाभिमंत्रयेत् । देवदेव महाभाग श्रीवत्सकृत लांछन
oṃhrī hrīṃ rāmāya namaḥ | iti maṃtreṇa deveśi pūjanaṃ tatra vai smṛtam | oṃ klīṃ kṛṣṇāya goviṃdāya gopījanavallabhāya namaḥ | iti maṃtreṇa girije udakaṃ cābhimaṃtrayet | devadeva mahābhāga śrīvatsakṛta lāṃchana
Sanskrit only: no published translation is held for this verse.
महादेव नमस्तेऽस्तु नमस्ते विश्वभावन । अर्घं गृहाण भो देव मुक्तिं मे देहि सर्वदा
mahādeva namaste'stu namaste viśvabhāvana | arghaṃ gṛhāṇa bho deva muktiṃ me dehi sarvadā
Sanskrit only: no published translation is held for this verse.
नानाविधैः सुपुष्पैश्च पूजयेद्गरुडासनम् । सर्वबाधाविनिर्मुक्तो विष्णोः सायुज्यतामियात्
nānāvidhaiḥ supuṣpaiśca pūjayedgaruḍāsanam | sarvabādhāvinirmukto viṣṇoḥ sāyujyatāmiyāt
Sanskrit only: no published translation is held for this verse.
रात्रौ जागरणं तत्र द्वादश्यां सुसमाहितः । भक्तिपूर्वं भजेद्देवं विष्णुमव्ययमक्षयम्
rātrau jāgaraṇaṃ tatra dvādaśyāṃ susamāhitaḥ | bhaktipūrvaṃ bhajeddevaṃ viṣṇumavyayamakṣayam
Sanskrit only: no published translation is held for this verse.
एवं वैशाख संबंधी भक्तिभावेन तत्परैः । उत्सवो विष्णुसंज्ञस्तु कर्त्तव्यो भक्तिमिच्छुभिः
evaṃ vaiśākha saṃbaṃdhī bhaktibhāvena tatparaiḥ | utsavo viṣṇusaṃjñastu karttavyo bhaktimicchubhiḥ
Sanskrit only: no published translation is held for this verse.
आगमोक्तेन मंत्रेण विधिं तत्र प्रकारयेत् । कृते सति महादेवि कोटियज्ञसमं फलम्
āgamoktena maṃtreṇa vidhiṃ tatra prakārayet | kṛte sati mahādevi koṭiyajñasamaṃ phalam
Sanskrit only: no published translation is held for this verse.
रागद्वेषविनिर्मुक्तो महामोहनिवर्त्तकः । इहलोके सुखं भुक्त्वा याति विष्णोः सनातनम्
rāgadveṣavinirmukto mahāmohanivarttakaḥ | ihaloke sukhaṃ bhuktvā yāti viṣṇoḥ sanātanam
Sanskrit only: no published translation is held for this verse.
ब्राह्मणो भक्तिभावेन यः करोत्युत्सवं भुवि । सर्वपापविनिर्मुक्तो वैकुंठं गच्छते ध्रुवम्
brāhmaṇo bhaktibhāvena yaḥ karotyutsavaṃ bhuvi | sarvapāpavinirmukto vaikuṃṭhaṃ gacchate dhruvam
Sanskrit only: no published translation is held for this verse.
वेदाध्ययनहीनोऽपि शास्त्राध्ययनवर्जितः । हरिभक्तिं तु संप्राप्य लभते वैष्णवं पदम्
vedādhyayanahīno'pi śāstrādhyayanavarjitaḥ | haribhaktiṃ tu saṃprāpya labhate vaiṣṇavaṃ padam
Sanskrit only: no published translation is held for this verse.
आत्मारामः सदा मुक्तो विजितात्मा भवेत्तु सः । स वै विष्णुपदं याति यावच्चंद्र दिवाकरौ
ātmārāmaḥ sadā mukto vijitātmā bhavettu saḥ | sa vai viṣṇupadaṃ yāti yāvaccaṃdra divākarau
Sanskrit only: no published translation is held for this verse.