Library·Padma Purāṇa·6·6.89
श्रीकृष्ण उवाच- ततो गुणवती श्रुत्वा रक्षसा निहतावुभौ । पितृभर्तजदुःखार्त्ता करुणं पर्यदेवयत्
śrīkṛṣṇa uvāca- tato guṇavatī śrutvā rakṣasā nihatāvubhau | pitṛbhartajaduḥkhārttā karuṇaṃ paryadevayat
Sanskrit only: no published translation is held for this verse.
गुणवत्युवाच- हा नाथ हा पितस्त्यक्त्वा गच्छतं क्व मया विना । बालाहं किं करोम्यद्य ह्यनाथा भवता विना
guṇavatyuvāca- hā nātha hā pitastyaktvā gacchataṃ kva mayā vinā | bālāhaṃ kiṃ karomyadya hyanāthā bhavatā vinā
Sanskrit only: no published translation is held for this verse.
को नु मामास्थितां गेहे भोजनाच्छादनादिभिः । अकिंचित्कुशलां स्नेहात्पालयिष्यति दुःखिताम्
ko nu māmāsthitāṃ gehe bhojanācchādanādibhiḥ | akiṃcitkuśalāṃ snehātpālayiṣyati duḥkhitām
Sanskrit only: no published translation is held for this verse.
हतभाग्या गतसुखा हतेशा हतजीविता । शरणं कं व्रजाम्यद्य त्वन्नाथा बतबालिशा
hatabhāgyā gatasukhā hateśā hatajīvitā | śaraṇaṃ kaṃ vrajāmyadya tvannāthā batabāliśā
Sanskrit only: no published translation is held for this verse.
श्रीकृष्ण उवाच- एवं बहुविलप्याथ कुररीव भृशातुरा । पपात भूमौ विकला रंभा वातहता यथा
śrīkṛṣṇa uvāca- evaṃ bahuvilapyātha kurarīva bhṛśāturā | papāta bhūmau vikalā raṃbhā vātahatā yathā
Sanskrit only: no published translation is held for this verse.
चिरादाश्वस्य सा भूमौ विलप्य करुणं बहु । निमग्ना दुःखजलधौ शोकार्त्ता समवर्त्तत
cirādāśvasya sā bhūmau vilapya karuṇaṃ bahu | nimagnā duḥkhajaladhau śokārttā samavarttata
Sanskrit only: no published translation is held for this verse.
साग्रहोपस्करान्सर्वान्विक्रीय शुभकर्मकृत् । तयोश्चक्रे यथाशक्ति पारलौकिक सत्क्रियाम्
sāgrahopaskarānsarvānvikrīya śubhakarmakṛt | tayoścakre yathāśakti pāralaukika satkriyām
Sanskrit only: no published translation is held for this verse.
तस्मिन्नेव पुरे वासं चक्रे प्रभृतिजीवितम् । विष्णुभक्तिपरा शांता सत्यशौचा जितेंद्रिया
tasminneva pure vāsaṃ cakre prabhṛtijīvitam | viṣṇubhaktiparā śāṃtā satyaśaucā jiteṃdriyā
Sanskrit only: no published translation is held for this verse.
व्रतद्वयं तया सम्यगाजन्म मरणात्कृतम् । एकादशीव्रतं सम्यक्सेवनं कार्त्तिकस्य च
vratadvayaṃ tayā samyagājanma maraṇātkṛtam | ekādaśīvrataṃ samyaksevanaṃ kārttikasya ca
Sanskrit only: no published translation is held for this verse.
एतद्व्रतद्वयं कांते ममातीव प्रियंकरम् । भुक्तिमुक्तिकरं सम्यक्पुत्रसंपत्तिकारकम्
etadvratadvayaṃ kāṃte mamātīva priyaṃkaram | bhuktimuktikaraṃ samyakputrasaṃpattikārakam
Sanskrit only: no published translation is held for this verse.
कार्तिके मासि ये नित्यं तुलासंस्थे दिवाकरे । प्रातः स्नास्यंति ते मुक्ता महापातकिनोऽपि च
kārtike māsi ye nityaṃ tulāsaṃsthe divākare | prātaḥ snāsyaṃti te muktā mahāpātakino'pi ca
Sanskrit only: no published translation is held for this verse.
संमार्जनं गृहे विष्णोः स्वस्तिकादि निवेदनम् । विष्णुपूजां प्रकुर्वंति जीवन्मुक्ताश्च ते नराः
saṃmārjanaṃ gṛhe viṣṇoḥ svastikādi nivedanam | viṣṇupūjāṃ prakurvaṃti jīvanmuktāśca te narāḥ
Sanskrit only: no published translation is held for this verse.
स्नानं जागरणं दीपं तुलसीवनसेवनम् । कार्त्तिके ये प्रकुर्वंति ते नरा विष्णुमूर्त्तयः
snānaṃ jāgaraṇaṃ dīpaṃ tulasīvanasevanam | kārttike ye prakurvaṃti te narā viṣṇumūrttayaḥ
Sanskrit only: no published translation is held for this verse.
इत्थं दिनत्रयमपि कार्तिके ये प्रकुर्वते । देवानामपि ते वंद्याः किं यैराजन्मतः कृतम्
itthaṃ dinatrayamapi kārtike ye prakurvate | devānāmapi te vaṃdyāḥ kiṃ yairājanmataḥ kṛtam
Sanskrit only: no published translation is held for this verse.
इत्थं गुणवती सम्यक्प्रत्यब्दं प्रतिनीयते । नित्यं विष्णोः परिकरे भक्ता तत्परमानसा
itthaṃ guṇavatī samyakpratyabdaṃ pratinīyate | nityaṃ viṣṇoḥ parikare bhaktā tatparamānasā
Sanskrit only: no published translation is held for this verse.
कदाचिज्जरसा साथ कृशांगी ज्वरपीडिता । स्नातुं गंगां गता कांते कथंचिच्छनकैस्तथा
kadācijjarasā sātha kṛśāṃgī jvarapīḍitā | snātuṃ gaṃgāṃ gatā kāṃte kathaṃcicchanakaistathā
Sanskrit only: no published translation is held for this verse.
यावज्जलांतरगता कंपिता शीतपीडिता । तावत्सा विह्वला पश्यद्विमानं प्राप्तमंबरात्
yāvajjalāṃtaragatā kaṃpitā śītapīḍitā | tāvatsā vihvalā paśyadvimānaṃ prāptamaṃbarāt
Sanskrit only: no published translation is held for this verse.
शंखचक्रगदापद्महस्तैरासन्नमंबरात् । विष्णुरूपधरैः सम्यग्वैनतेयध्वजांकितैः
śaṃkhacakragadāpadmahastairāsannamaṃbarāt | viṣṇurūpadharaiḥ samyagvainateyadhvajāṃkitaiḥ
Sanskrit only: no published translation is held for this verse.
आरोहयन्विमानं तमप्सरोगणसेवितम् । चामरैर्वीज्यमानां तां वैकुंठमनयन्गणाः
ārohayanvimānaṃ tamapsarogaṇasevitam | cāmarairvījyamānāṃ tāṃ vaikuṃṭhamanayangaṇāḥ
Sanskrit only: no published translation is held for this verse.
अथ सा तद्विमानस्था ज्वलदग्निशिखोपमा । कार्त्तिकव्रतपुण्येन मत्सान्निध्यगताभवत्
atha sā tadvimānasthā jvaladagniśikhopamā | kārttikavratapuṇyena matsānnidhyagatābhavat
Sanskrit only: no published translation is held for this verse.
अथ ब्रह्मादिदेवानां यथा प्रार्थनया भुवम् । आगच्छता गणाः सर्वे यातास्तेऽपि मया सह
atha brahmādidevānāṃ yathā prārthanayā bhuvam | āgacchatā gaṇāḥ sarve yātāste'pi mayā saha
Sanskrit only: no published translation is held for this verse.
एतेपि यादवाः सर्वे मद्गणा एव भामिनि । पिता ते देवशर्माभूत्सत्राजिदधिपो ह्ययम्
etepi yādavāḥ sarve madgaṇā eva bhāmini | pitā te devaśarmābhūtsatrājidadhipo hyayam
Sanskrit only: no published translation is held for this verse.
यश्चंद्रशर्मा सोऽक्रूरस्त्वं सा गुणवती शुभे । कार्त्तिकव्रतपुण्येन बहुमत्प्रीतिवर्द्धनी
yaścaṃdraśarmā so'krūrastvaṃ sā guṇavatī śubhe | kārttikavratapuṇyena bahumatprītivarddhanī
Sanskrit only: no published translation is held for this verse.
मम द्वारे त्वया पूर्वं तुलसीवाटिका कृता । तस्मादयं कल्पवृक्षस्तवांगणतः शुभे
mama dvāre tvayā pūrvaṃ tulasīvāṭikā kṛtā | tasmādayaṃ kalpavṛkṣastavāṃgaṇataḥ śubhe
Sanskrit only: no published translation is held for this verse.
कार्तिके दीपमानं च यत्त्वया तु कृतं पुरा । त्वद्देहगेहसंस्थेयं तस्माल्लक्ष्मी स्थिराभवत्
kārtike dīpamānaṃ ca yattvayā tu kṛtaṃ purā | tvaddehagehasaṃstheyaṃ tasmāllakṣmī sthirābhavat
Sanskrit only: no published translation is held for this verse.
यच्च व्रतादिकं सर्वं विष्णवे भर्तृरूपिणे । निवेदितवती तस्मान्मम भार्यात्वमागता
yacca vratādikaṃ sarvaṃ viṣṇave bhartṛrūpiṇe | niveditavatī tasmānmama bhāryātvamāgatā
Sanskrit only: no published translation is held for this verse.
आजन्ममरणात्पूर्वं कार्त्तिके यद्व्रतं कृतम् । कदाचिदपि तेनैव मद्वियोगं न पश्यसि
ājanmamaraṇātpūrvaṃ kārttike yadvrataṃ kṛtam | kadācidapi tenaiva madviyogaṃ na paśyasi
Sanskrit only: no published translation is held for this verse.
एवं ये कार्त्तिके मासि नरा व्रतपरायणाः । मत्सान्निध्यं गतास्तेऽपि प्रीतिदा त्वं यथा मम
evaṃ ye kārttike māsi narā vrataparāyaṇāḥ | matsānnidhyaṃ gatāste'pi prītidā tvaṃ yathā mama
Sanskrit only: no published translation is held for this verse.
यज्ञदानव्रततपः कारिणो मानवाः खलु । कार्त्तिकव्रतपुण्यस्य नाप्नुवंति कलामपि
yajñadānavratatapaḥ kāriṇo mānavāḥ khalu | kārttikavratapuṇyasya nāpnuvaṃti kalāmapi
Sanskrit only: no published translation is held for this verse.
इत्थं निशम्य भुवनाधिपतेस्तदानीं प्राक्पुण्यजन्मभव वैभव जातहर्षा । विश्वेश्वरं त्रिभुवनैकनिदानभूतं कृष्णंप्रणम्य वचनं निजगाद सत्या
itthaṃ niśamya bhuvanādhipatestadānīṃ prākpuṇyajanmabhava vaibhava jātaharṣā | viśveśvaraṃ tribhuvanaikanidānabhūtaṃ kṛṣṇaṃpraṇamya vacanaṃ nijagāda satyā
Sanskrit only: no published translation is held for this verse.
इति श्रीपाद्मेमहापुराणे पंचपंचाशत्सहस्रसंहितायां कार्त्तिकमाहात्म्ये श्रीकृष्णसत्यभामासंवादे सत्यापूर्वजन्मवर्णनंनामैकोननवतितमोऽध्यायः
iti śrīpādmemahāpurāṇe paṃcapaṃcāśatsahasrasaṃhitāyāṃ kārttikamāhātmye śrīkṛṣṇasatyabhāmāsaṃvāde satyāpūrvajanmavarṇanaṃnāmaikonanavatitamo'dhyāyaḥ
Sanskrit only: no published translation is held for this verse.