Padma Purāṇa 6.94

नारद उवाच- कार्तिकव्रतिनां पुंसां नियमा ये प्रकीर्तिताः । ताञ्छृणुष्व मया राजन्कथ्यमानान्समंततः

nārada uvāca- kārtikavratināṃ puṃsāṃ niyamā ye prakīrtitāḥ | tāñchṛṇuṣva mayā rājankathyamānānsamaṃtataḥ

Sanskrit only: no published translation is held for this verse.

सर्वामिषाणि मांसानि क्षौद्रं सौवीरकं तथा । राजमाषादिकं चापि नैवाद्यात्कार्तिकव्रती

sarvāmiṣāṇi māṃsāni kṣaudraṃ sauvīrakaṃ tathā | rājamāṣādikaṃ cāpi naivādyātkārtikavratī

Sanskrit only: no published translation is held for this verse.

द्विदलं तिलतैलं च तथान्नमश्रुदूषितम् । भावदुष्टं शब्ददुष्टं वर्जयेत्कार्तिकव्रती

dvidalaṃ tilatailaṃ ca tathānnamaśrudūṣitam | bhāvaduṣṭaṃ śabdaduṣṭaṃ varjayetkārtikavratī

Sanskrit only: no published translation is held for this verse.

परान्नं च परद्रोहं परदारागमं तथा । तीर्थे प्रतिगृहं नापि गृह्णीयात्कार्तिकव्रती

parānnaṃ ca paradrohaṃ paradārāgamaṃ tathā | tīrthe pratigṛhaṃ nāpi gṛhṇīyātkārtikavratī

Sanskrit only: no published translation is held for this verse.

देवदेवद्विजानां च गुरोश्च व्रतिनस्तथा । स्त्रीराजमहतां निंदां वर्जयेत्कार्तिके व्रती

devadevadvijānāṃ ca gurośca vratinastathā | strīrājamahatāṃ niṃdāṃ varjayetkārtike vratī

Sanskrit only: no published translation is held for this verse.

प्राण्यंगमामिषं चूर्णं फले जंबीरमामिषम् । धान्ये मसूरिका प्रोक्ता चान्नं पर्युषितं तथा

prāṇyaṃgamāmiṣaṃ cūrṇaṃ phale jaṃbīramāmiṣam | dhānye masūrikā proktā cānnaṃ paryuṣitaṃ tathā

Sanskrit only: no published translation is held for this verse.

अजागोमहिषीक्षीरादन्यदुग्धादि चामिषम् । द्विजक्रीता रसाः सर्वे लवणं भूमिजं तथा

ajāgomahiṣīkṣīrādanyadugdhādi cāmiṣam | dvijakrītā rasāḥ sarve lavaṇaṃ bhūmijaṃ tathā

Sanskrit only: no published translation is held for this verse.

ताम्रपात्रस्थितं गव्यं जलं पल्वलसंस्थितम् । आत्मार्थं पाचितं चान्नमामिषं तत्स्मृतं बुधैः

tāmrapātrasthitaṃ gavyaṃ jalaṃ palvalasaṃsthitam | ātmārthaṃ pācitaṃ cānnamāmiṣaṃ tatsmṛtaṃ budhaiḥ

Sanskrit only: no published translation is held for this verse.

ब्रह्मचर्यमधः सुप्तिः पत्रावल्यां च भोजनम् । चतुर्थकाले भुंजीत कुर्यादेवं सदा व्रती

brahmacaryamadhaḥ suptiḥ patrāvalyāṃ ca bhojanam | caturthakāle bhuṃjīta kuryādevaṃ sadā vratī

Sanskrit only: no published translation is held for this verse.

नरकस्य चतुर्दश्यां तैलाभ्यंगं च कारयेत् । अन्यत्र कार्तिकस्नायि तैलाभ्यंगं न कारयेत्

narakasya caturdaśyāṃ tailābhyaṃgaṃ ca kārayet | anyatra kārtikasnāyi tailābhyaṃgaṃ na kārayet

Sanskrit only: no published translation is held for this verse.

पलांडुं लशुनं शिग्रु छत्राकं गृंजनं तथा । नालिकां मूलकं हिंगुं वर्जयेत्कार्तिकव्रती

palāṃḍuṃ laśunaṃ śigru chatrākaṃ gṛṃjanaṃ tathā | nālikāṃ mūlakaṃ hiṃguṃ varjayetkārtikavratī

Sanskrit only: no published translation is held for this verse.

अलाबुं चापि वृंताकं कूष्मांडं बृहतीफलम् । श्लेष्मातकं कपित्थं च वर्जयेद्वैष्णवव्रती

alābuṃ cāpi vṛṃtākaṃ kūṣmāṃḍaṃ bṛhatīphalam | śleṣmātakaṃ kapitthaṃ ca varjayedvaiṣṇavavratī

Sanskrit only: no published translation is held for this verse.

रजस्वलांत्यज म्लेच्छ पतितव्रात्यकैः सह । द्विजातिवेदबाह्यैश्च न वदेत्कार्तिकव्रती

rajasvalāṃtyaja mleccha patitavrātyakaiḥ saha | dvijātivedabāhyaiśca na vadetkārtikavratī

Sanskrit only: no published translation is held for this verse.

श्वभिर्दृष्टं च काकैश्च सूतकान्नं च वर्जयेत् । द्विःपाचितं च दग्धान्नं वर्जयेत्कार्तिकव्रती

śvabhirdṛṣṭaṃ ca kākaiśca sūtakānnaṃ ca varjayet | dviḥpācitaṃ ca dagdhānnaṃ varjayetkārtikavratī

Sanskrit only: no published translation is held for this verse.

तिलाभ्यंगं तथा शय्यां परान्नं कांस्यभोजनम् । कार्तिके वर्जयेद्यस्तु परिपूर्णव्रती भवेत् । एतानि वर्जयेन्नित्यं व्रती सर्वव्रतेष्वपि । कृच्छ्राद्यं चापि कुर्वीत स्वशक्त्या विष्णुतुष्टये

tilābhyaṃgaṃ tathā śayyāṃ parānnaṃ kāṃsyabhojanam | kārtike varjayedyastu paripūrṇavratī bhavet | etāni varjayennityaṃ vratī sarvavrateṣvapi | kṛcchrādyaṃ cāpi kurvīta svaśaktyā viṣṇutuṣṭaye

Sanskrit only: no published translation is held for this verse.

क्रमात्कूष्मांड वृंताकं बृहती मूलकं तथा । श्रीफलं च कलिंगं च फलं धात्रीभवं तथा

kramātkūṣmāṃḍa vṛṃtākaṃ bṛhatī mūlakaṃ tathā | śrīphalaṃ ca kaliṃgaṃ ca phalaṃ dhātrībhavaṃ tathā

Sanskrit only: no published translation is held for this verse.

नारिकेरं महालाबुं पटोलं बदरीफलम् । चर्म वैकतकं चापि बिसं वै कट्फलं तथा

nārikeraṃ mahālābuṃ paṭolaṃ badarīphalam | carma vaikatakaṃ cāpi bisaṃ vai kaṭphalaṃ tathā

Sanskrit only: no published translation is held for this verse.

शाकान्येतानि वर्ज्यानि क्रमात्प्रतिपदादिषु । धात्रीफलं रवौ तद्वद्वर्जयेत्सर्वदा गृही

śākānyetāni varjyāni kramātpratipadādiṣu | dhātrīphalaṃ ravau tadvadvarjayetsarvadā gṛhī

Sanskrit only: no published translation is held for this verse.

एभ्योऽपि वर्जयेत्किंचिद्यद्विष्णुप्रीतये नरः । तत्पुनर्ब्राह्मणे दत्त्वा भक्षयेत्सर्वदैव हि

ebhyo'pi varjayetkiṃcidyadviṣṇuprītaye naraḥ | tatpunarbrāhmaṇe dattvā bhakṣayetsarvadaiva hi

Sanskrit only: no published translation is held for this verse.

एवमेव हि माघेऽपि कुर्याद्वै नियमान्व्रती । हरिजागरणं तत्र विधिप्रोक्तं च कारयेत्

evameva hi māghe'pi kuryādvai niyamānvratī | harijāgaraṇaṃ tatra vidhiproktaṃ ca kārayet

Sanskrit only: no published translation is held for this verse.

यथोक्तकारिणं दृष्ट्वा कार्तिकव्रतिनं नरम् । यमदूताः पलायंते गजाः सिंहार्दिता यथा

yathoktakāriṇaṃ dṛṣṭvā kārtikavratinaṃ naram | yamadūtāḥ palāyaṃte gajāḥ siṃhārditā yathā

Sanskrit only: no published translation is held for this verse.

वरं विष्णुव्रतं ह्येतदथ यज्ञशताधिकम् । यज्ञकृत्प्राप्नुयात्स्वर्गं वैकुंठं कार्तिकव्रती

varaṃ viṣṇuvrataṃ hyetadatha yajñaśatādhikam | yajñakṛtprāpnuyātsvargaṃ vaikuṃṭhaṃ kārtikavratī

Sanskrit only: no published translation is held for this verse.

भुक्तिमुक्तिप्रदानीह यानि क्षेत्राणि भूतले । वसंति तानि तद्गेहे कार्तिक्रव्रतकारिणः

bhuktimuktipradānīha yāni kṣetrāṇi bhūtale | vasaṃti tāni tadgehe kārtikravratakāriṇaḥ

Sanskrit only: no published translation is held for this verse.

दुःस्वप्न्नं दुष्कृतं किंचिन्मनोवाक्कायकर्मजम् । कार्त्तिकव्रतिनं दृष्ट्वा विलयं यांति तत्क्षणात्

duḥsvapnnaṃ duṣkṛtaṃ kiṃcinmanovākkāyakarmajam | kārttikavratinaṃ dṛṣṭvā vilayaṃ yāṃti tatkṣaṇāt

Sanskrit only: no published translation is held for this verse.

कार्त्तिकव्रतिनः पुंसो विष्णुवाक्यप्रणोदिताः । रक्षां कुर्वंति शक्राद्या राज्ञो वै किंकरा यथा

kārttikavratinaḥ puṃso viṣṇuvākyapraṇoditāḥ | rakṣāṃ kurvaṃti śakrādyā rājño vai kiṃkarā yathā

Sanskrit only: no published translation is held for this verse.

विष्णुव्रतकरा नित्यं यत्र तिष्ठंति पूजिताः । ग्रहभूतपिशाचाद्या नैव तिष्ठंति तत्र वै

viṣṇuvratakarā nityaṃ yatra tiṣṭhaṃti pūjitāḥ | grahabhūtapiśācādyā naiva tiṣṭhaṃti tatra vai

Sanskrit only: no published translation is held for this verse.

कार्त्तिकव्रतिनः पुण्यं यथोक्तव्रतकारिणः । न समर्थो भवेद्वक्तुं ब्रह्मापीह चतुर्मुखः

kārttikavratinaḥ puṇyaṃ yathoktavratakāriṇaḥ | na samartho bhavedvaktuṃ brahmāpīha caturmukhaḥ

Sanskrit only: no published translation is held for this verse.

विष्णुप्रियं सकलकल्मषनाशनं च सर्वत्र पुत्रधनधान्यसमृद्धिकारि । ऊर्जे व्रतं सनियमं कुरुते मनुष्यः किं तस्य तीर्थपरिशीलन सेवया च

viṣṇupriyaṃ sakalakalmaṣanāśanaṃ ca sarvatra putradhanadhānyasamṛddhikāri | ūrje vrataṃ saniyamaṃ kurute manuṣyaḥ kiṃ tasya tīrthapariśīlana sevayā ca

Sanskrit only: no published translation is held for this verse.