अथ क्रियायोगसारखण्डमारभ्यते ।
लक्ष्मीनाथपदारविंदयुगलं ।
ब्रह्मेश्वराद्यामरश्रेणीनम्रशिरोलिरोलिमा अमलं।
वंदामहे संततम् ।
भक्त्या योगिमनस्तडागसुषमासंदोहपुष्यत्तमं गङ्गाम्भोमकरं दविन्दुनिकरं संसारदुःखापहम्
atha kriyāyogasārakhaṇḍamārabhyate |
lakṣmīnāthapadāraviṃdayugalaṃ |
brahmeśvarādyāmaraśreṇīnamraśirolirolimā amalaṃ|
vaṃdāmahe saṃtatam |
bhaktyā yogimanastaḍāgasuṣamāsaṃdohapuṣyattamaṃ gaṅgāmbhomakaraṃ davindunikaraṃ saṃsāraduḥkhāpaham
Sanskrit only: no published translation is held for this verse.
यो मूर्तीर्बहुधा विधाय भगवान्रक्षन्नशेषं जगद्यत्पादार्चनतत्परा न हि पुनर्मज्जंति विश्वार्णवे ।
सर्वप्राणिहृदंबुजेषु वसतिर्यस्य प्रभोः संततं रम्यक्रोडवपुर्धराय हरये देवाय तस्मै नमः
yo mūrtīrbahudhā vidhāya bhagavānrakṣannaśeṣaṃ jagadyatpādārcanatatparā na hi punarmajjaṃti viśvārṇave |
sarvaprāṇihṛdaṃbujeṣu vasatiryasya prabhoḥ saṃtataṃ ramyakroḍavapurdharāya haraye devāya tasmai namaḥ
Sanskrit only: no published translation is held for this verse.
वेदेभ्य उद्धृत्य समस्तधर्मान्योऽयं पुराणेषु जगाद देवः ।
व्यासस्वरूपेण जगद्धिताय वंदेतमेतं कमला समेतम्
vedebhya uddhṛtya samastadharmānyo'yaṃ purāṇeṣu jagāda devaḥ |
vyāsasvarūpeṇa jagaddhitāya vaṃdetametaṃ kamalā sametam
Sanskrit only: no published translation is held for this verse.
एकदा मुनयः सर्वे सर्वलोकहितैषिणः ।
सुरम्ये नैमिषारण्ये गोष्ठींचक्रुर्मनोरमाम्
ekadā munayaḥ sarve sarvalokahitaiṣiṇaḥ |
suramye naimiṣāraṇye goṣṭhīṃcakrurmanoramām
Sanskrit only: no published translation is held for this verse.
तत्रांतरे महातेजा व्यासशिष्यो महायशाः ।
सूतः शिष्यगणैर्युक्तः समायातो हरिं स्मरन्
tatrāṃtare mahātejā vyāsaśiṣyo mahāyaśāḥ |
sūtaḥ śiṣyagaṇairyuktaḥ samāyāto hariṃ smaran
Sanskrit only: no published translation is held for this verse.
तमायांतं समालोक्य सूतं शास्त्रार्थपारगम् ।
नेमुः सर्वे समुत्थाय शौनकाद्यास्तपोधनाः
tamāyāṃtaṃ samālokya sūtaṃ śāstrārthapāragam |
nemuḥ sarve samutthāya śaunakādyāstapodhanāḥ
Sanskrit only: no published translation is held for this verse.
सोऽपि तान्सहसा भक्त्या मुनीन्परमवैष्णवान् ।
ननाम दंडवद्भूमौ सर्वधर्मविदांवरः
so'pi tānsahasā bhaktyā munīnparamavaiṣṇavān |
nanāma daṃḍavadbhūmau sarvadharmavidāṃvaraḥ
Sanskrit only: no published translation is held for this verse.
वरासने महाबुद्धिस्तैर्द्दत्ते मुनिसत्तमैः ।
उवास ह मुनिर्मध्ये सर्वैः शिष्यगणैर्वृतः
varāsane mahābuddhistairddatte munisattamaiḥ |
uvāsa ha munirmadhye sarvaiḥ śiṣyagaṇairvṛtaḥ
Sanskrit only: no published translation is held for this verse.
तत्रोपविष्टं तं सूतं शौनको मुनिसत्तमः ।
बद्धाञ्जलिरिमां वाचमुवाच विनयान्वितः
tatropaviṣṭaṃ taṃ sūtaṃ śaunako munisattamaḥ |
baddhāñjalirimāṃ vācamuvāca vinayānvitaḥ
Sanskrit only: no published translation is held for this verse.
शौनक उवाच-
महर्षे सूत सर्वज्ञ कलिकाले समागते ।
केनोपायेन भगवन्भूरिभक्तिर्भवेन्नृणाम्
śaunaka uvāca-
maharṣe sūta sarvajña kalikāle samāgate |
kenopāyena bhagavanbhūribhaktirbhavennṛṇām
Sanskrit only: no published translation is held for this verse.
कलौ सर्वे भविष्यंति पापकर्मरता जनाः ।
वेदविद्याविहीनाश्च तेषां श्रेयः कथं भवेत्
kalau sarve bhaviṣyaṃti pāpakarmaratā janāḥ |
vedavidyāvihīnāśca teṣāṃ śreyaḥ kathaṃ bhavet
Sanskrit only: no published translation is held for this verse.
कलावन्नगताः प्राणा लोकाः स्वल्पायुषस्तथा ।
निर्धनाश्च भविष्यंति नानादुःखप्रपीडिताः
kalāvannagatāḥ prāṇā lokāḥ svalpāyuṣastathā |
nirdhanāśca bhaviṣyaṃti nānāduḥkhaprapīḍitāḥ
Sanskrit only: no published translation is held for this verse.
प्रयाससाध्यं सुकृतं शास्त्रेषु क्रियते द्विज ।
तस्मात्केऽपि करिष्यंति कलौ न सुकृतं जनाः
prayāsasādhyaṃ sukṛtaṃ śāstreṣu kriyate dvija |
tasmātke'pi kariṣyaṃti kalau na sukṛtaṃ janāḥ
Sanskrit only: no published translation is held for this verse.
सुकृतेषु विनष्टेषु प्रवृत्ते पापकर्मणि ।
सवंशाः प्रलयं सर्वे गमिष्यंति दुराशयाः
sukṛteṣu vinaṣṭeṣu pravṛtte pāpakarmaṇi |
savaṃśāḥ pralayaṃ sarve gamiṣyaṃti durāśayāḥ
Sanskrit only: no published translation is held for this verse.
स्वल्पश्रमैरल्पवित्तैरल्पकालैश्च सत्तम ।
यथा भवेन्महापुण्यं तद्वै कथय सूतज
svalpaśramairalpavittairalpakālaiśca sattama |
yathā bhavenmahāpuṇyaṃ tadvai kathaya sūtaja
Sanskrit only: no published translation is held for this verse.
यस्योपदेशतः पुण्यं पापं वा कुर्वते जनाः ।
स तद्भागी भवेन्मर्त्य इति शास्त्रेषु निश्चितम्
yasyopadeśataḥ puṇyaṃ pāpaṃ vā kurvate janāḥ |
sa tadbhāgī bhavenmartya iti śāstreṣu niścitam
Sanskrit only: no published translation is held for this verse.
पुण्योपदेशः सदयः कैतवैश्च विवर्जितः ।
पापमार्गविरोधी च चत्वारः केशवोपमाः
puṇyopadeśaḥ sadayaḥ kaitavaiśca vivarjitaḥ |
pāpamārgavirodhī ca catvāraḥ keśavopamāḥ
Sanskrit only: no published translation is held for this verse.
ज्ञानं संप्राप्य संसारे यः परेभ्यो न यच्छति ।
ज्ञानरूपी हरिस्तस्मै प्रसन्न इव नेक्षते
jñānaṃ saṃprāpya saṃsāre yaḥ parebhyo na yacchati |
jñānarūpī haristasmai prasanna iva nekṣate
Sanskrit only: no published translation is held for this verse.
ज्ञानरत्नैश्च रत्नैश्च परसंतोषकृन्नरः ।
स ज्ञेयः सुमतिर्नूनं नररूपधरो हरिः
jñānaratnaiśca ratnaiśca parasaṃtoṣakṛnnaraḥ |
sa jñeyaḥ sumatirnūnaṃ nararūpadharo hariḥ
Sanskrit only: no published translation is held for this verse.
त्वमेव मुनिशार्दूल वेदवेदाङ्गपारगः ।
त्वदृते न हि वक्ताऽन्यो यतस्त्वं व्यासशासितः
tvameva muniśārdūla vedavedāṅgapāragaḥ |
tvadṛte na hi vaktā'nyo yatastvaṃ vyāsaśāsitaḥ
Sanskrit only: no published translation is held for this verse.
सूत उवाच-
धन्योऽसि त्वं मुनिश्रेष्ठ त्वमेव वैष्णवाग्रणीः ।
यतः समस्तलोकानां हितं वाञ्छसि सर्वदा
sūta uvāca-
dhanyo'si tvaṃ muniśreṣṭha tvameva vaiṣṇavāgraṇīḥ |
yataḥ samastalokānāṃ hitaṃ vāñchasi sarvadā
Sanskrit only: no published translation is held for this verse.
शृणु शौनक वक्ष्यामि यत्त्वया श्रोतुमिच्छितम् ।
सर्वलोकहितार्थाय वैष्णवानां विशेषतः
śṛṇu śaunaka vakṣyāmi yattvayā śrotumicchitam |
sarvalokahitārthāya vaiṣṇavānāṃ viśeṣataḥ
Sanskrit only: no published translation is held for this verse.
पृष्टो जैमिनिना सर्वं यदुवाच शृणुष्व तत् ।
महर्षिर्जैमिनिर्नाम योगाभ्यासरतः सदा
pṛṣṭo jaimininā sarvaṃ yaduvāca śṛṇuṣva tat |
maharṣirjaiminirnāma yogābhyāsarataḥ sadā
Sanskrit only: no published translation is held for this verse.
प्रणम्य शिरसा व्यासं पप्रच्छ मुनिसत्तमः ।
जैमिनिरुवाच-
भगवन्सर्वधर्मज्ञ व्यास सत्यवती सुत
praṇamya śirasā vyāsaṃ papraccha munisattamaḥ |
jaiminiruvāca-
bhagavansarvadharmajña vyāsa satyavatī suta
Sanskrit only: no published translation is held for this verse.
कलौ कस्माद्भवेन्मोक्षस्तन्ममाचक्ष्व मूलतः ।
सूत उवाच-
जैमिनेर्वचनं श्रुत्वा व्यासः संतुष्टमानसः
kalau kasmādbhavenmokṣastanmamācakṣva mūlataḥ |
sūta uvāca-
jaiminervacanaṃ śrutvā vyāsaḥ saṃtuṣṭamānasaḥ
Sanskrit only: no published translation is held for this verse.
प्रारेभे मुनिशार्दूल कथां मंगलसंयुताम् ।
व्यास उवाच-
जैमिने मुनिशार्दूल धन्योऽसि त्वं महामते
prārebhe muniśārdūla kathāṃ maṃgalasaṃyutām |
vyāsa uvāca-
jaimine muniśārdūla dhanyo'si tvaṃ mahāmate
Sanskrit only: no published translation is held for this verse.
नारायणकथां श्रोतुं यतो वांछसि सर्वदा ।
सत्कथाश्रवणे बुद्धिर्यस्य यस्य प्रवर्तते
nārāyaṇakathāṃ śrotuṃ yato vāṃchasi sarvadā |
satkathāśravaṇe buddhiryasya yasya pravartate
Sanskrit only: no published translation is held for this verse.
तस्य तस्य भवेज्ज्ञानं ज्ञानं मोक्षप्रदं विदुः।
न वैष्णवकथा यस्मै रोचते पापिने भुवि
tasya tasya bhavejjñānaṃ jñānaṃ mokṣapradaṃ viduḥ|
na vaiṣṇavakathā yasmai rocate pāpine bhuvi
Sanskrit only: no published translation is held for this verse.
वृथैव सृष्ट्वा विधिना भूमिर्भारवती कृता ।
कथायै जगती वक्तुं श्लाघ्यते वैष्णवैर्जनैः
vṛthaiva sṛṣṭvā vidhinā bhūmirbhāravatī kṛtā |
kathāyai jagatī vaktuṃ ślāghyate vaiṣṇavairjanaiḥ
Sanskrit only: no published translation is held for this verse.
तां मिथ्यामिव यो वक्ति स ज्ञेयः पापिनां वरः ।
यस्मिन्दिने मुनिश्रेष्ठ श्रूयते न हरेः कथा
tāṃ mithyāmiva yo vakti sa jñeyaḥ pāpināṃ varaḥ |
yasmindine muniśreṣṭha śrūyate na hareḥ kathā
Sanskrit only: no published translation is held for this verse.
तद्दिनं दुर्दिनं मन्ये घनच्छन्नं न दुर्दिनम् ।
यत्र यत्र महीभागे वैष्णवी वर्तते कथा
taddinaṃ durdinaṃ manye ghanacchannaṃ na durdinam |
yatra yatra mahībhāge vaiṣṇavī vartate kathā
Sanskrit only: no published translation is held for this verse.
सांनिध्यं तत्र भगवान्न जहाति कदाचन ।
यो वैष्णवकथारम्भे विघ्नकृन्मानवो भवेत्
sāṃnidhyaṃ tatra bhagavānna jahāti kadācana |
yo vaiṣṇavakathārambhe vighnakṛnmānavo bhavet
Sanskrit only: no published translation is held for this verse.
तमेव शप्त्वा भगवान्दैवतैः सह गच्छति ।
प्रभावं वासुदेवस्य श्रुत्वा हृष्यंति ये जनाः
tameva śaptvā bhagavāndaivataiḥ saha gacchati |
prabhāvaṃ vāsudevasya śrutvā hṛṣyaṃti ye janāḥ
Sanskrit only: no published translation is held for this verse.
ज्ञेयास्त एव देवांशाः पूज्या दृश्याश्च सत्तमाः ।
नारायणप्रभावं ये श्रुत्वा चोपहसंति वै
jñeyāsta eva devāṃśāḥ pūjyā dṛśyāśca sattamāḥ |
nārāyaṇaprabhāvaṃ ye śrutvā copahasaṃti vai
Sanskrit only: no published translation is held for this verse.
ते विज्ञेया दानवांशा नरा नरकभागिनः ।
तत्र तीर्थानि सर्वाणि गङ्गादीनि द्विजोत्तम
te vijñeyā dānavāṃśā narā narakabhāginaḥ |
tatra tīrthāni sarvāṇi gaṅgādīni dvijottama
Sanskrit only: no published translation is held for this verse.
देवर्षयश्च देवाश्च मुनयश्च तपोधनाः ।
शृण्वतां लोकसंघानां पापव्याधिविनाशनी
devarṣayaśca devāśca munayaśca tapodhanāḥ |
śṛṇvatāṃ lokasaṃghānāṃ pāpavyādhivināśanī
Sanskrit only: no published translation is held for this verse.
नारायणकथा यत्र वर्तते प्रतिवासरम् ।
मुने क्रियायोगसारं बह्वर्थं पापनाशनम्
nārāyaṇakathā yatra vartate prativāsaram |
mune kriyāyogasāraṃ bahvarthaṃ pāpanāśanam
Sanskrit only: no published translation is held for this verse.
नारायणकथोपेतं सेतिहासं निशामय
nārāyaṇakathopetaṃ setihāsaṃ niśāmaya
Sanskrit only: no published translation is held for this verse.