Padma Purāṇa 7.11

विष्णुप्रदक्षिणं यस्तु कुर्याद्वारद्वयं जनः । विमुक्तः सकलैः पापैः प्रविशेन्माधवीं तनुम्

viṣṇupradakṣiṇaṃ yastu kuryādvāradvayaṃ janaḥ | vimuktaḥ sakalaiḥ pāpaiḥ praviśenmādhavīṃ tanum

Sanskrit only: no published translation is held for this verse.

भ्रामयेत्सोदकं शङ्खं केशवोपरि जैमिने । अंते देवालयं गत्वा सभवेत्सुरवंदितः

bhrāmayetsodakaṃ śaṅkhaṃ keśavopari jaimine | aṃte devālayaṃ gatvā sabhavetsuravaṃditaḥ

Sanskrit only: no published translation is held for this verse.

प्रणमेद्दंडवद्भूमौ सप्तधा यस्तु केशवम् । पातकं तच्छरीरस्थं भस्मीभवति तत्क्षणात्

praṇameddaṃḍavadbhūmau saptadhā yastu keśavam | pātakaṃ taccharīrasthaṃ bhasmībhavati tatkṣaṇāt

Sanskrit only: no published translation is held for this verse.

शिरस्यंजलिमाधाय प्रणमेद्यो जनार्दनम् । तस्मै लक्ष्मीपतिर्विष्णुर्ददाति परमं पदम्

śirasyaṃjalimādhāya praṇamedyo janārdanam | tasmai lakṣmīpatirviṣṇurdadāti paramaṃ padam

Sanskrit only: no published translation is held for this verse.

भूमौ निपात्य सर्वांगं हरिं प्रणमतां नृणाम् । पुण्यप्रभावं विप्रर्षे वदतो मे निशामय

bhūmau nipātya sarvāṃgaṃ hariṃ praṇamatāṃ nṛṇām | puṇyaprabhāvaṃ viprarṣe vadato me niśāmaya

Sanskrit only: no published translation is held for this verse.

यावद्भूरेणुभिर्नृणां भूषितं स्यात्कलेवरम् । तावत्कल्पसहस्राणि तिष्ठंति हरिसंनिधौ

yāvadbhūreṇubhirnṛṇāṃ bhūṣitaṃ syātkalevaram | tāvatkalpasahasrāṇi tiṣṭhaṃti harisaṃnidhau

Sanskrit only: no published translation is held for this verse.

ततः केशवनिर्माल्यं वैष्णवेभ्यः प्रदीयते । वैष्णवांस्तान्प्रवक्ष्यामि शृणु सत्तम जैमिने

tataḥ keśavanirmālyaṃ vaiṣṇavebhyaḥ pradīyate | vaiṣṇavāṃstānpravakṣyāmi śṛṇu sattama jaimine

Sanskrit only: no published translation is held for this verse.

शुकः सूतस्तथा व्यासो नारदः कपिलो मुनिः । प्रह्लादश्चांबरीषश्च तथाक्रूरोद्धवावपि

śukaḥ sūtastathā vyāso nāradaḥ kapilo muniḥ | prahlādaścāṃbarīṣaśca tathākrūroddhavāvapi

Sanskrit only: no published translation is held for this verse.

बिभीषणो हनूमांश्च तथैवान्येऽपि वैष्णवाः । निर्माल्यं वासुदेवस्य गृह्णंतु सर्वकामदम्

bibhīṣaṇo hanūmāṃśca tathaivānye'pi vaiṣṇavāḥ | nirmālyaṃ vāsudevasya gṛhṇaṃtu sarvakāmadam

Sanskrit only: no published translation is held for this verse.

इत्युक्त्वा विष्णुनिर्माल्यं निक्षिपेद्भुवि वैष्णवः । ततस्तु हरिनिर्माल्यं स्वयं गृह्णाति भक्तितः

ityuktvā viṣṇunirmālyaṃ nikṣipedbhuvi vaiṣṇavaḥ | tatastu harinirmālyaṃ svayaṃ gṛhṇāti bhaktitaḥ

Sanskrit only: no published translation is held for this verse.

मस्तके दृश्यते यस्य हरिनिर्माल्यमुत्तमम् । स विज्ञेयो द्विजश्रेष्ठ साक्षादेव हरिः स्वयम्

mastake dṛśyate yasya harinirmālyamuttamam | sa vijñeyo dvijaśreṣṭha sākṣādeva hariḥ svayam

Sanskrit only: no published translation is held for this verse.

दुर्लभं विष्णुनैवेद्यं निर्माल्यं पापनाशनम् । गृह्णंति त्रिदशाः सर्वे मनुष्याणां च का कथा

durlabhaṃ viṣṇunaivedyaṃ nirmālyaṃ pāpanāśanam | gṛhṇaṃti tridaśāḥ sarve manuṣyāṇāṃ ca kā kathā

Sanskrit only: no published translation is held for this verse.

जैमिने तुलसीपत्रं यस्तु जिघ्रति वैष्णवः । तस्य देहांतरस्थं हि सर्वं पापं विनश्यति

jaimine tulasīpatraṃ yastu jighrati vaiṣṇavaḥ | tasya dehāṃtarasthaṃ hi sarvaṃ pāpaṃ vinaśyati

Sanskrit only: no published translation is held for this verse.

तुलसीपत्रगंधस्तु प्रविशेद्यस्य नासिकाम् । आपदस्तच्छरीरस्थाः सद्यो गच्छंति संक्षयम्

tulasīpatragaṃdhastu praviśedyasya nāsikām | āpadastaccharīrasthāḥ sadyo gacchaṃti saṃkṣayam

Sanskrit only: no published translation is held for this verse.

तुलसीछदनघ्राणमाघ्राय योऽभिनंदति । तस्यालये भवेन्नित्यमानंदो द्विजसत्तम

tulasīchadanaghrāṇamāghrāya yo'bhinaṃdati | tasyālaye bhavennityamānaṃdo dvijasattama

Sanskrit only: no published translation is held for this verse.

स्तवैः स्तुत्वा जगन्नाथं कमलाप्रियमच्युतम् । कृतांजलिस्ततः प्राज्ञ इमं मंत्रमुदीरयेत्

stavaiḥ stutvā jagannāthaṃ kamalāpriyamacyutam | kṛtāṃjalistataḥ prājña imaṃ maṃtramudīrayet

Sanskrit only: no published translation is held for this verse.

नारायण जगद्रूप गच्छ धाम जगत्पते । गच्छ देव निजस्थानं प्रसन्नो भव सर्वदा

nārāyaṇa jagadrūpa gaccha dhāma jagatpate | gaccha deva nijasthānaṃ prasanno bhava sarvadā

Sanskrit only: no published translation is held for this verse.

येयं स्वशक्त्या देवेंद्र तव पूजा कृता मया । अच्छिद्रास्तु जगन्नाथ त्वत्प्रसादाज्जगन्मय

yeyaṃ svaśaktyā deveṃdra tava pūjā kṛtā mayā | acchidrāstu jagannātha tvatprasādājjaganmaya

Sanskrit only: no published translation is held for this verse.

ततः पादोदकं प्राज्ञो महाविष्णोः परात्मनः । समस्तपातकध्वंसि गृह्णीयाद्भक्तिभावतः

tataḥ pādodakaṃ prājño mahāviṣṇoḥ parātmanaḥ | samastapātakadhvaṃsi gṛhṇīyādbhaktibhāvataḥ

Sanskrit only: no published translation is held for this verse.

कणमात्रं वहेद्यस्तु विष्णोः पादोदकं शुभम् । स स्नातः सर्वतीर्थेषु जैमिने सत्यमुच्यते

kaṇamātraṃ vahedyastu viṣṇoḥ pādodakaṃ śubham | sa snātaḥ sarvatīrtheṣu jaimine satyamucyate

Sanskrit only: no published translation is held for this verse.

स्पृशेत्पादोदकं विष्णोर्गंगास्नानफलं भवेत् । गांगेयं सलिलं विप्र विष्णुपादोदकं यतः

spṛśetpādodakaṃ viṣṇorgaṃgāsnānaphalaṃ bhavet | gāṃgeyaṃ salilaṃ vipra viṣṇupādodakaṃ yataḥ

Sanskrit only: no published translation is held for this verse.

अकालमरणं नास्ति नास्ति व्याधिभयं तथा । यः स्पृशेत्पादसलिलं केशवस्य महात्मनः

akālamaraṇaṃ nāsti nāsti vyādhibhayaṃ tathā | yaḥ spṛśetpādasalilaṃ keśavasya mahātmanaḥ

Sanskrit only: no published translation is held for this verse.

पापव्याधिविनाशार्थं विष्णुपादोदकौषधम् । पापिनोऽपि नरास्ते च पिबंतु प्रतिवासरम्

pāpavyādhivināśārthaṃ viṣṇupādodakauṣadham | pāpino'pi narāste ca pibaṃtu prativāsaram

Sanskrit only: no published translation is held for this verse.

विष्णुपादोदकं विप्र यः पिबेद्वैष्णवो जनः । पातकं तच्छरीरस्थं क्षणादेव तु नश्यति

viṣṇupādodakaṃ vipra yaḥ pibedvaiṣṇavo janaḥ | pātakaṃ taccharīrasthaṃ kṣaṇādeva tu naśyati

Sanskrit only: no published translation is held for this verse.

यथौषधेन देहस्थं हन्यते देहिनो भृशम् । तथैव पातकं सर्वं विष्णुपादोदकेन च

yathauṣadhena dehasthaṃ hanyate dehino bhṛśam | tathaiva pātakaṃ sarvaṃ viṣṇupādodakena ca

Sanskrit only: no published translation is held for this verse.

विष्णुपादोदकं शुद्धं तुलसीपत्रसंयुतम् । यो वहेच्छिरसा विप्र तस्य पुण्यं वदाम्यहम्

viṣṇupādodakaṃ śuddhaṃ tulasīpatrasaṃyutam | yo vahecchirasā vipra tasya puṇyaṃ vadāmyaham

Sanskrit only: no published translation is held for this verse.

ब्रह्महत्यादिभिः पापैर्विमुक्तो विष्णुरूपधृक् । अंते विष्णुपुरं गत्वा विष्णुना सह मोदते

brahmahatyādibhiḥ pāpairvimukto viṣṇurūpadhṛk | aṃte viṣṇupuraṃ gatvā viṣṇunā saha modate

Sanskrit only: no published translation is held for this verse.

मेरुप्रमाण हेमानि दत्वा भवति यत्फलम् । विष्णुपादोदकं स्पृष्ट्वा तद्भवेदधिकं फलम् १५० 7.11.150। अश्वकोटिप्रदानेन तत्फलं प्राप्यते जनैः । सप्तद्वीपां महीं दत्वा द्विजेभ्यो यत्फलं लभेत्

merupramāṇa hemāni datvā bhavati yatphalam | viṣṇupādodakaṃ spṛṣṭvā tadbhavedadhikaṃ phalam 150 7.11.150| aśvakoṭipradānena tatphalaṃ prāpyate janaiḥ | saptadvīpāṃ mahīṃ datvā dvijebhyo yatphalaṃ labhet

Sanskrit only: no published translation is held for this verse.

तत्फलं लभते मर्त्यो विष्णुपादोदकं स्पृशन् । अश्वमेधसहस्राणि कृत्वा भवति यत्फलम्

tatphalaṃ labhate martyo viṣṇupādodakaṃ spṛśan | aśvamedhasahasrāṇi kṛtvā bhavati yatphalam

Sanskrit only: no published translation is held for this verse.

विष्णुपादोदकं स्पृष्ट्वा तद्भवेदधिकं फलम् । दीर्घिकाशतदानेन यत्पुण्यं परिकीर्तितम्

viṣṇupādodakaṃ spṛṣṭvā tadbhavedadhikaṃ phalam | dīrghikāśatadānena yatpuṇyaṃ parikīrtitam

Sanskrit only: no published translation is held for this verse.

तस्मादप्यधिकं पुण्यं लभेत्पादोदकं स्पृशन् । बहुनात्र किमुक्तेन संक्षेपादुच्यते मया

tasmādapyadhikaṃ puṇyaṃ labhetpādodakaṃ spṛśan | bahunātra kimuktena saṃkṣepāducyate mayā

Sanskrit only: no published translation is held for this verse.

विष्णुपादोदकस्पर्शान्मुक्तो भवति मानवः । भूयोभूयोपि विप्रेंद्र सुदृढं कथ्यते मया

viṣṇupādodakasparśānmukto bhavati mānavaḥ | bhūyobhūyopi vipreṃdra sudṛḍhaṃ kathyate mayā

Sanskrit only: no published translation is held for this verse.

पुनर्न लभते जन्म स्पृशन्पादोदकं हरेः । विष्णुनैवेद्यशेषं यः सर्वपापविनाशनम्

punarna labhate janma spṛśanpādodakaṃ hareḥ | viṣṇunaivedyaśeṣaṃ yaḥ sarvapāpavināśanam

Sanskrit only: no published translation is held for this verse.

योऽश्नाति भक्तिभावेन स गच्छेत्परमं पदम् । दुर्लभं विष्णुनैवेद्य भुंजते द्विजसत्तम

yo'śnāti bhaktibhāvena sa gacchetparamaṃ padam | durlabhaṃ viṣṇunaivedya bhuṃjate dvijasattama

Sanskrit only: no published translation is held for this verse.

देहं त्यजति पापानि ब्रह्महत्यामुखान्यपि । भुंजतो हरिनैवेद्यं दासीव वशगा भवेत्

dehaṃ tyajati pāpāni brahmahatyāmukhānyapi | bhuṃjato harinaivedyaṃ dāsīva vaśagā bhavet

Sanskrit only: no published translation is held for this verse.

मुक्तिभूमिः सुरश्रेष्ठ दैवतैरपि दुर्लभा । संपूज्य कमलाकांतं किंचिन्नैवेद्यमत्यजन्

muktibhūmiḥ suraśreṣṭha daivatairapi durlabhā | saṃpūjya kamalākāṃtaṃ kiṃcinnaivedyamatyajan

Sanskrit only: no published translation is held for this verse.

अचिरेणैव तं विष्णुर्नयति स्वां तनुं प्रति । नैवेद्यस्य महाविष्णोर्गुणं किं कथयाम्यहम्

acireṇaiva taṃ viṣṇurnayati svāṃ tanuṃ prati | naivedyasya mahāviṣṇorguṇaṃ kiṃ kathayāmyaham

Sanskrit only: no published translation is held for this verse.

यद्भुंजतः केशवोऽपि स्यादधीनो द्विज प्रभो । अनेन विधिना विप्र प्रतिमासे जनार्दनम्

yadbhuṃjataḥ keśavo'pi syādadhīno dvija prabho | anena vidhinā vipra pratimāse janārdanam

Sanskrit only: no published translation is held for this verse.

विधिहीनामपि श्रेष्ठां पूजां श्रीकमलापतेः । यः कुर्याद्भक्तिभावेन सोऽपि स्यात्केशवप्रियः

vidhihīnāmapi śreṣṭhāṃ pūjāṃ śrīkamalāpateḥ | yaḥ kuryādbhaktibhāvena so'pi syātkeśavapriyaḥ

Sanskrit only: no published translation is held for this verse.

विधिज्ञो विधिना विष्णुमभ्यर्च्य यत्फलं लभेत् । यथोक्तविधिना विप्र नैवेद्यैर्बहुभिः प्रभो

vidhijño vidhinā viṣṇumabhyarcya yatphalaṃ labhet | yathoktavidhinā vipra naivedyairbahubhiḥ prabho

Sanskrit only: no published translation is held for this verse.

पूजितोऽपि न तुष्टः स्याद्यदि भक्तिर्न तिष्ठति । यस्य वै यावती भक्तिर्देवदेवे जनार्दने

pūjito'pi na tuṣṭaḥ syādyadi bhaktirna tiṣṭhati | yasya vai yāvatī bhaktirdevadeve janārdane

Sanskrit only: no published translation is held for this verse.

तावदेव फलावाप्तिस्तस्य नास्त्यत्र संशयः । अभक्त्याया हरेः पूजा क्रियते भुवि मानवैः

tāvadeva phalāvāptistasya nāstyatra saṃśayaḥ | abhaktyāyā hareḥ pūjā kriyate bhuvi mānavaiḥ

Sanskrit only: no published translation is held for this verse.

सा पूजा ब्राह्मणश्रेष्ठ पूजाकाले भवेत्किल । ज्ञानमूलं हरेर्भक्तिर्भक्तिमूलं जगत्पतेः

sā pūjā brāhmaṇaśreṣṭha pūjākāle bhavetkila | jñānamūlaṃ harerbhaktirbhaktimūlaṃ jagatpateḥ

Sanskrit only: no published translation is held for this verse.

पूजा मोक्षद्रुमोत्पत्तौ मूलमाराधनं हरेः । अल्पमात्रमपि प्राज्ञ श्रद्धया कुरुते हि यत्

pūjā mokṣadrumotpattau mūlamārādhanaṃ hareḥ | alpamātramapi prājña śraddhayā kurute hi yat

Sanskrit only: no published translation is held for this verse.

तदक्षयं भवेत्सर्वं श्रद्धायुक्ताखिला क्रिया । भक्त्या यः पूजयेद्विष्णुं वारिमात्रमपि द्विज

tadakṣayaṃ bhavetsarvaṃ śraddhāyuktākhilā kriyā | bhaktyā yaḥ pūjayedviṣṇuṃ vārimātramapi dvija

Sanskrit only: no published translation is held for this verse.

संस्थानं लभते विष्णोर्यतो भक्तवशो हरिः

saṃsthānaṃ labhate viṣṇoryato bhaktavaśo hariḥ

Sanskrit only: no published translation is held for this verse.

असारमेतद्भुवनं समस्तं सारं हरेः पूजनमेव विप्र । तस्मान्मनुष्यो निजमंगलैषी भक्त्या यजेत्कृष्णमनंतमूर्तिम्

asārametadbhuvanaṃ samastaṃ sāraṃ hareḥ pūjanameva vipra | tasmānmanuṣyo nijamaṃgalaiṣī bhaktyā yajetkṛṣṇamanaṃtamūrtim

Sanskrit only: no published translation is held for this verse.